خبر طازه من الهنود

اليوم جايبه لكم اخر اكتشافاتى للشعر وتكمله للوصفات اللى سبق وحطيتها وهى كلها متكامله للشعر وانا مجربتها على شعري والحمد لله كلها مدهشه
المهم انا كنت ماره في حي للهنود ومريت من جنب صالون ومن لقافتى قلت خليني اشوف هالصالون الهندى وش عندهم المهم دخلت ولقيت العالم كلهم حاطين زيوت والعاملات قاعدين يسوون مساج لشعر هاذى ويغسلون شعر هذيك ووحده حاطه ما سك غريب لونه بنى او رمادى غامق وقاعده تقرا بمجله
المهم جاتنى صاحبة الصالون مدرى المسؤله وسئلتنى ايش حابه اسوى قلت لها انا جايه زياره وحابه اسئلك عن احسن شي للشعر للتساقط ويطول ومن هالشغلات الزينه اللى عندكم
ولأنى اليوم مسافره فما اقدر اجى لصالونكم اسويها وطبعآ كنت اكذب بس الله يسامحنى
قالت لى على الزيوت اللى حنا عارفينها قمت سئلتها عن الحرمه اللى حاطه خلطه لونها غريب لقافه طبعآ
قالت لى هاذى بودرة املا ( ألأملج ) نخلطها مع مويه ونحطها ماسك لمدة ساعه مثل الحنا ونغسلها عادى وطارت عيونى من فوائدها اللى قعدت تكلمنى عنها
ويستخدمونها مرتين في ألأسبوع
وباختصار فوائدها تطول وتكثف وتنعم وتعطى الشعر لمعه واهم شي قالت لى اياه انه هاذى الثمره هى هبة الطبيعه لنا
وقالت لى انهم يستخدمونها بعد مع حليب جوز الهند او الحنا