خبيرات المكياج تكفون مساعده

حبيبتي اتمنى اني اساعدج بردي للموضوع ولو بشي بسيط
بقولج الاشياء بالترتيب اللى تسوينها قبل الميك اب اتفقنا
اول شي بقطنه مبلله بالتونك تمررينها على ويهج عشان تساعد في شد البشره واتسكر المسامات المفتوحه حلو
ثاني شي بالكريم المرطب شوي وبعمليه مساج بالوقت نفسه وتدليك للدوره الدمويه للويه وبعد ما تخلصين تنتظرين دقايق شوي عشان تتشربه بشره جلدج والشي الثاني لان من فوايد الكريم المرطب يكون طبقه عازله بين المكياج وبين البشره غير هذا يغذي البشره وما يخليها تبين لو فيها تشققات
بعد ما تخلصين من الخطوه الثانيه بالنسبه لي الكونسيلر ما اضعه بالاستعمال اليومي لو كل يوم واتكلم عن الكونسيلر الالوان اللى منه الاخضر ومنه البني الداكن والافتح والاصفر وغيره من الوان
هذا استعمله لو في عزيمه لو مناسبه لو بروح على عرس وغيره
وتكون بالطريقه المعروفه
اللون البني الغامق لتصغير مناطق واخفاءها بالوجه مثل تصغير منطقه الانف او تصغير الجبهه لو كانت عريضه مره او تصغير مناطق الذقن لو كانت بارزه
واللون الاخضر تكون لاخفاء البقع الحمرا زي الوحمات او زي الحبوب زي حب الشباب
والاصفر لابراز المناطق زي عظمه الانف او كخدعه لاعطاء حجم للجبهه لو كانت صغيره
واللون البيج الغامق والبيج على اورنج والاغمض لمناطق الهالات السوده وكلن وترتيبه شو الاول وشو الطبقه الثانيه وشو الثالثه
بعد ما تخلصين من عمليه وضع الكونسيلر تجين على الكريم الاساس المناسب لبشرتك سواء كان كريمي والا كومباكت اللى هو المضغوط او السائل اللى هو اللكود عني انا استخم السائل كاستعمال يومي لانه مناسب لبشرتي اكثر
بعد الكريم الاساس تجي البورده وبعدها البلاشر
انا اتكلم عن المكياج اليومي من غير مكياج العيون طبعا
ولابراز جمال الويه اكثر وبصوره طبيعيه لو مكياج يومي وخاصه لو كان صباحي
بالبلاشر بعد ما تحطين على الخد على طرف العين حطي منه شوي يعني من نص العين خاصه جهه عظمه الحاجب من برا
تعطيج صوره وايد حلوه ومكياج ناعم عملي ويبرز فيه ملامح الحين بعد الماسكرا
اتمنى افدج باللى عندي ولو بشي بسيط

بدي شوب مكياجاتهم مو ذاك الزود حلاتهم بشغلات الجسم بس مو مكياج
اول شي نظفي بشرتج بغسول من نوع بشرتج واحسن لج من الصيدليه او من ماركة كلينك
رطبي بشرتج
بعدين الكونسيلر والبودره المضغوطه تغنيج عن الاساس والبودره وكملي عادي