خدمه من بنات القصيم و الزلفي

من قال هذا أختي هذي أول مرة اسمع عن هالموضوع
اللي اعرفه انه عليه ليلة الزواج وبس

أنا بعد أعرف أن العروس عندكم عليها العرس بس أهل العريس أرفضوا و أطلبوا أنهم يسوون العرس لأنه راح يكون عندهم ................. بس أشوف أهل المعرس قالوا لأمي لا تجيب معها إلا شنطة ملابسها ما نبي لا مواعين ولا غيره >>> عشان كذا أستغربنا وقلنا يمكن هم عندهم عاده أن العروس تجيب معها مواعين فقلنا عيب مادامهم تكفلوا بكل شيء لازم أجيب معي شيء بس والله ما ني مقتنعه بالمواعين أحسها صعبه وش ممكن أجيب معي غير المواعين فكرت بطقم ذهب ناعم لأم العريس لأنها والله طيبه و ماقصرت وودي أكسبها من البدايه >>>> بس محتاره ؟؟؟

شوفي حبيبتي أنا من القصيم وما ناخذ مواعين الا اذا طلب الزوج انك تشترينها وهو يحاسب عليها
وبعدين وش تجيبين معك أغراضك ومفارش والارواب
وبالنسبة للام أحنا صايرين ناخذ لها هدية أنا عني أخذت لها علبة دهن العود الكبيرة اللي تجي كم نوع في علبة وحدة واشتريت معها ساعة
والله يوفقك ........ وقولي لي من وين بالضبط بتاخذين يمكن العادات تختلف

لا اذا كانو من اهل الزلفي فلعروس في عاداتهم تجيب مواعين بس كانهم تخلو عن العاده هاذي بس ادامهم قالولكم لاتجيب معاها مواعين فخلاص لاتجيبين لانهم يحسبونك مثلهم في العادات فحبو ينبهونك اشتري هديه لام المعرس وبس
مع اني ماشوفلها داعي ومتى زواجك ياقمر خلينا نحضره

مشكوره على ردودكم ........... بس ودي أسأل المنتدى وش فيه ؟؟ لأن بعض الردود والموضوعات محذوفه

ههه
أول مرة بحياتي أسمع أن العريسة تجيب مواغين معاها الوحده عساها عن نفسها وملابسها وأغراضها بعد تكمل الناقص وتجيب مواعين
عن أنا أخذت معي علبة حلاو غالية شوي من باتشي بس
ويوم جيت من السفر جبت لأمه هدية بسيطة....

جيبي معك حق الضيافه اكواب وطقم تقديم شاي وقهوه من فناجيل وغيره
اتوقع اي وحده تروح لحموله افضل لها تجيب كذا
لان الاساسي عندهم موجود
وعن العادات ما ادري كيف