خذني بحضنك للكآتبة رذآذ الألمآس

،'،' ريماس ،'،'
بيضاء جذابه طولها وسط و جسمها متناسق انيقه تهتم بمظهرها بشكل ملفت أغلى على ابوها من نظره.. لفت دول أوربيه گثيره وزارت دول عربيه -تونس الجزائر لبنان الأردن سوريا- عندها حلم تزور دوله عربيه تعشقها لحد الجنون وابوها وعدها إذا فضى يصيفون فيها)
=====
ها ي (انا هنا)
========
..... انا ريماس بنت ناصر دلوعة البابا لأني ببساطه وحيدته..كان عندي اخو اگبر مني اسمه فهد بس مات غرقان في المسبح وهو ابو سنتين،، ابوي وحيد-امه وابوه- توفوا من صغره ورباه عمه=>(متزوج وماعنده عيال) وتوفى عمه وهو في الخارج يدرس ولما انتهت دراسته تزوج امي وجيت انا بعد وفاه فهد وبمرور سنتين توفت امي بالخبيث الله يگافينا شره و المسلمين.... عشت مع ابوي 4سنوات قبل مايستقر في السويد ثم سافر وتركني عند خالي حاتم وخالاتي وامي (جدتها ام امها تقول لها يمه) يجي لرياض من فتره لفتره يتطمن علي و يجلس معي اسبوع لان ظروف عمله ماتسمح له يطول ويزورنا في الأعياد ويحرص يقضي العشر الأواخر من رمضان گل سنه في الحرم ويتعيد في الرياض ثم يسافر من جديد
...ويوم صار عمري 10سنوات سافرت معه...
الوالد تشارگ مع واحد من أصحابه اسمه احمد قطري لكن عايش بالسويد هو وزوجته (تعرف عليه بأمريكا يوم كانوا يدرسون ) وبدت شركتهم من هناك ودرست فيها سنه وبعدها فتحوا أول فرع لشركه في النمسا و سافر ابوي عشان يديره و درست في النمسا (4 سنوات) بس الحمد لله ماگانت مدرستي مختلطه ثم سافرنا بعدها لألمانيا درست (سنتين) ... ثم سافرنا لروما عشان ابوي يدرب احد موظفينه على أساسيات الاداره عشان يمسگ اداره فرع روما لأنا گنا بنسافر لبريطانيا السنه اللي بعدها عشان ادرس المرحله الجامعيه
....واخيرا استقرينا في بريطانيا وبتحديد لندن من3 سنوات وشوي .....
جالسه حاليا في غرفتي اگتب لگم تقرير مفصل عن حياتي....
...عمري 21 سنه و هذي السنه الأخيره لي بجامعة اگسفورد الحمد لله ادرس تسويق وتجاره عشان أساعد الوالد ان شاءا لله في عمله ...(فروع الشركه في أوربا فقط بس من سنه فتح احمد شريك ابوي فرع في الأردن گأول فرع في الوطن العربي).....و الدور على شرگة الوالد تفتح فرعها الجديد فتعاقد الوالد مع شرگه العائله في السعوديه عشان تبني لهم الفرع الأول على مستوى الخليج في الرياض بحگم انه مجال عملهم وان شركة العائله شغلها مضمون و لايعلا عليه وباشروا في التنفيذ من 9 شهور وباقي 4 شهور على التسليم لان من شروط العقد بعد سنه يسلم المشروع .. وابوي يفگر مع بداية نشاط الفرع يديره هو ونرجع لأمنا أم الخير ارض الحرمين الشريفين السعوديه
.. الوالد يواجه مشاگل من فتره في الفرع اللي بروما العاصمه الأيطاليه ويديره عن طريق الشبگه العنگبوتيه لأنه تابع لأداره ابوي وأحيانا يضطر يسافر له من وقت لوقت مع ان فيه تعب عليه بس ماحب يقطع جامعتي خصوصا انها اخر سنه لي و صعب اترك زملائي و صديقاتي و ربعي فقرر يديره بهالطريقه لحد ماأنتهي
الله يطولي بعمره.......
.. أما عن أهلي في السعوديه فنزورهم بداية گل اجازه يجلس ابوي أسبوع ثم يسافر لجده مع سلمى (زوجته تونسيه حبوبه مره وقريبه لي عمرها 28 سنه تزوجها الوالد من5 سنوات بس ماجابت عيال)ياخذون عمره ثم يسافرون ويترگوني عند خالي وامي شهر نسافر فيه لجده
والطائف أو الجنوب واهم شي نأخذ عمره أحس براحه وطمأنينه في بيت الله
أحب أصلي هناك وأعيش أجوا روحانيه فيه...وأحيانا نسافر لشرقيه هذا غير انا نخيم في الثمامه كل ماجيهم ولازم جوله في الرياض على شرفي (بس من جد الرياض تستاهل من يلفها تغيرت مره وتطورت تطور ملحوظ كل سنه أجي هنا أشوف مشاريع جديده و منتزهات ومراكز توها مفتوحه
لدرجه اني أتمنى استقر هنا بصراحه مليت من برا ناس ماعرفهم ولا أثق فيهم بس قال وش حدك على المر قال اللي أمر منه)
صعبه اترك الوالد...... وبصراحه افتقد هالأشيا برا مع اني دايم أسافر بس سفرنا رسمي وحدي أروح السوق مو إن الوالد مقصر لكنه يصير مرتبط وانا خوافه مستحيل اطلع من دونه ...
اذكر مره جينا في السنه اللي افتتح فيها الملك عبد الله برج المملكه وكنت في السوق مع خالي وسمر ونواف وهند مرت خالي وشفنا الملك عبد الله.. الله يطول بعمره و صورته لبشاير لأنها مهيب مصدقه ويوم شافت الصور قالت عليك حظ ماتجين الا في السنه حسنه و شفتيه وانا هنا مابعد شفته.. ويوم أتذكر ردها اضحك على براءة هالبنت ياحبي لها
....وبعد ماينتهي الشهر يوصلني خالي للمطار
ويستقبلني ابوي وهم يجونا في الدوله اللي نكون إحنا مستقرين فيها يصيفون لكن من 3سنوات صاروا يسافرون للندن (لدرجه أحفظوا كل شبر فيها )مو عشاني لا.... لوجود مازن ولد خالتي يدرس لان ماعنده اجازه تذكر على قوله حامد زيد (كل مايوصل برحله يرجع برحله جديده)... والحمد لله اني ادرس هناك عشان اشوفهم ..
... احب الرسم عندي القدره ارسم شخص ماشفته إلا مره وحده.. رسمت كذا صوره لأهلي وناس أحبهم مثلا ابوي (أهديته الصوره بعد ما بروزتها وغلفتها في العيد كشكر وعرفان له) وخالي حاتم عطيته الصوره العام يوم سافر لنا في الصيف وارسم الآن صوره لإنسان قريب مني بس باقي وقت وانتهي منها... ورسمت اقرب صديقه لقلبي غدي.....
... على فكره ماقلت لكم عندي اخوان صح قلت اني وحيده امي وابوي بس اخواني اللي بقولكم اخواني من الرضاعه امي الله يرحمها يوم جابت فهد اخوي الله يرحمه رضعته هو واحمد ولد خالي مع بعض ويوم جابتني انا اكتشفوا المرض معها وعمري 4شهور و رضعتني خالتي أم ثامر فصاروا عيالها (ثامر-معتز-ريناد
-مهند) اخواني بس اصافحهم فقط عند السلام عدا أحمد ولد خالي سلامي (بوس) لانه ساكن معي في بيت خالي وبعد هو اقرب اخواني وعادني مثل سمر اخته...وطبعا عائلتنا مو كبيره ومحظوظه كوني مااتغطى عن احد إلا مازن وهيثم عيال خالتي أم هيثم و حتى لي فتره طويله ماشفتهم..
... أحب القصص الرومنسيه
وأحب اقرأ لشاعر مهندس الكلمه"بدر بن عبد المحسن" والقنبله"حامد زيد"
واقرأ للكاتب نزار قباني
"شاعر المرأه"عندنا مكتبه ولا مكتبه هارون الرشيد يشتري ابوي دايم كتب لاسافر حتى معرض الكتاب في الرياض مايفوته عشان يشتري منه رغم انه مايقرا الانادرا ...
أحب الأغاني الخليجيه بشكل عام مع انه بحياتي ماشريت شريط ولانتظرت الأغنيه الفلانيه على القناه الفلانيه أشوفهم من باب الصدفه بس تستهويني أغاني راشد الماجد والجسمي كلماتهم مؤثره وتدخل القلب من دون وسيط...
أحب الخير للكل وأكون مرتاحه يوم أشوف أهلي مرتاحين .. مااحب أنام كثير مثل خلق الله أحب اسهر
...و الليل بداية عالمي الخاص أبدا أبحر فيه بلا مجداف أفكر في كل شي في خالي حاتم أحب اهتمامه فيني وتنفيذ طلباتي من دون نقاش بس بحدود.. يعجبني اهتمام الكل فيني وأحب تواصل اخواني معي رغم مشاغلهم بس عمرهم مانسوني في اي مناسبه هم أول المهنئين لي ....و أفكر في سمر ياالله عليها حبوبه قريبه مني كثير كل شي فيها يعجبني تفهمني أكثر من نفسي أحيانا تترجم أفكاري لما اعجز عن صياغتها هي اقرب من أخت واحن من أم و اوفا من صديقه كلمات العالم ماتوفيها جزء من حقها ...
... ابوي وآه يابوي هو ابوي باختصار (وحده ماعندها أسلوب) بس جد مو شويه الواحد عنده ابو.. خصوصا إذا مثل ابوي مافيه أعظم منه هو كل شي بالنسبه لي معه أحس بالأمان..و حريص على دراستي
...أحس بالانتماء العائلي مع أهلي كلهم خالاتي أعدهم مثل امي والشباب والبنات اخواني الكل هم اناو دمنا واحد وقلوبنا على بعض ادري اي فرد في العالم او بالأصح في الوطن العربي يحس بالانتماء لعائلته لكن انا غير عائلتي كياني أحبهم وأداري عليهم مااحب أشوفهم متضايقين احرق نفسي عشان أنور الدنيا لهم أحب أكون مصدر التفاؤل والبسمه عشان أسعدهم...
أفكر في بكره كثير رغم اني مو متشائمه لكن أفكر على حدود 4سنوات قدام وش ممكن يتغير من يتزوج من يجيله
عيال ومن يسافر ومن يموت الله يختم لنا بالشهاده..
والحمد لله مستوانا فوق الممتاز وفي السعوديه خالي وابو ثامر و أبوهيثم (رجال خالاتي) عندهم شركه مقاولات مشهوره و مستواهم فوق الجيد جدآ ويشتغل فيها هيثم ولد خالتي ومعتز اخوي حتى مازن ولد خالتي قبل لايسافر (اشتغل سنتين بعد ماترك الجامعه مع انه درس سنتين فيها وقرر يسافر يدرس بعد ماضيع 4سنوات من عمره)
... ويفكرون يفتحون فرع جديد بس للحين ماصار شي مدري عجز في الميزانيه أو نقص بالعاملين مدري ...
عائلتنا محافظه مدري كيف تفسر كلمه محافظه بهالوقت لكن اقصد نتغطى من شباب العائله والرجال الأجانب اما انااكشف وإحنا في الخارج يمكن لأني تربيت برا بس لاجيت هنا امشي سيده ..
حجيت مرتين الأولى مع ابوي وسلمى والثانيه من 3سنوات مع خالي حاتم وهند وأحمد وسمر وخالتي أم هيثم وابو هيثم وبشاير وميهاف وثامر وعنوده وريناد والعام حجوا الشباب بأصرار من خالي <هيثم ومعتز ومهند ومازن>

=======
أحب أتذكر دائما ذكرياتنا يوم كنا صغار ذكرياتي مع سمر وبشاير ومازن ومعتز وأحمد ومهند بقولكم مواقف أحبها وعمري مانسيتها كأنها صارت معي أمس من كثر ماهي مرسومه بخيالي ودي تعيشون معي لحظات منها أول موقف ...
... كان في بيت خالي حاتم عزيمه غدا لرجوع ابوي من السفر وكلن لاهي في الضيوف
المهم انا وسمر بنت خالي (اخت احمد) و بشاير بنت خالتي ام هيثم طلعنا لشارع مع انه محضور علينا في القوايل المهم علقت سمر جرس جيرانا (طولت على زر الجرس) وجت ركض للمكان اللي نتخفى فيه و جلسنا نراقب رده فعل ولدهم لاطلع ولا حصل احد ثم نضحك عليه ولدهم هذا بعمر مازن ومعتز نكرهه كلنا لأنه فلق مازن ولد خالتي من فتره(رماه بشي حصاه اوحديده و جرح رأسه ونزل دمه) وصرنا ننتقم منه وعشان الدقه و المصداقيه حنا ماخذين هالطريقه من العيال لابغوا يزعجون احد يسوون كذا(مهوين) المهم بعد سمر جا دوري وسويت نفس سمر وتخبيت طلع الولد هالمره يسب ويلعن بصراحه معصب على الأخر.. بعدين وصل دور بشاير وطمرت(وقفت بسرعه كنايه عن الاستعداد التام لتنفيذ) وعلقت الجرس وركضت بس الله لايوريكم يوم تكرفست (طاحت طيحه قويه) وإلا ابن اللذينا طالع و شافها شكله مسوي كمين و واقف ورا الباب وإلا ماأمداه يجي بهالسرعه المهم هي شافته جتها أم الركب (عارض صحي مفاجئ يجي في الركب مع الخوف المفاجئ تعرفون الشد العضلي اللي يجي اللاعبين فجأه نفسه) مالكم في الطويله.. أقولكم ويمسكها ويطقها طق لين حبت الأرض (لو هالطق في يهودي اسلم ودفع الجزيه بعد).. أتوقع مارقدت ذيك الليله مغير تقلب في فراشها من حر ماتونس (حراره اللي تحس فيه) وعلى طاريه تقول سمر انه تزوج خذا وحده تهبل خساره فيه مع انه مو شين بس كذا تكرهه بشاير كره مو طبيعي تقول من الله وانا مدري..
(إلا والله من شي ذاقته.. )ههه
حاجه ثانيه كنت انا وسمر وبشاير نموت في شي اسمه شارع دايم نطلع ونلعب كوره مع العيال وإلا حريم مع البنات(للي مايعرف هاللعبه يعني نحط فلانه ام والثانيه بنتها والثالثه رجلها وهذي شغالتهم ونشكل كذا عائله وإللي رجلها متوفي وإللي ولدها مسافر...بس اتوقع اهل السعوديه يعرفون هاللعبه والشرح لغير السعودين) المهم نلعب في الأرض اللي ورا بيت جيرانا واحيانا حبشه وشكه (شبكه) المهم نصرف عمارنا مانجلس ...فمره و حنا نلعب عند باب بيتنا تهاوشت مع عيال الحاره واحد منهم شات الكوره وجت فيني وانا من القهر رميتها في بيت الجيران و هالجيران الله يخسهم طلعوا مسافرين و تجمعوا علي يقولون طبي من الجدار جيبيها ورفضت يوم شافتهم سمر ناوين علي ركضت تنادي العيال كانوا يلعبون اتاري في الملحق(هذاك الوقت مابعد عرفنا البلايستيشن) نادتهم لان هالعيال شرانين وصلوا عقب مادفني واحد من عيال الكلب و طحت عاد انا يوم شفت العيال قمت ابكي وصارخ تقول مذبوحه عشان ينقضون عليهم مع ان الطيحه عورتني بس انا كبرت السالفه احب الاكشن والإثاره وفعلا تطاقوا معهم على طول حتى سمر معهم تطق (احس هالبنت مسترجله ...ترا الى الحين اقولها يومك صغيره كنتي ولد بثوب بنت تموت ضحك) اقولكم قال مازن لأحمد يدخلنا داخل و يسكر الباب بس انا كانت رجلي تعورني شالني مازن عقب الهوشه عشان يدخلني وانا لافه يدي ورا رقبته وقاعده اتأمله من كثر ماهو قريب احس بنفسه على خدي والولد منحرج ماتكلم (احسه يلعن بنفسه ابو التهور) أما انا مروقه على الآخر وقاعده اتفرج عليه من قريب(ناقص احط رجل على رجل) وجهي مغسول بمرق ويوم دخلني الصاله حطني على الكنب وابتسم وطلع شوي و رجع حسبته ناسي شي بس جا و وقف قبالي/لحد زعلك قوليلي..
عاد انا بغيت انط بحلقه عشان ابوسه من الفرحه.... يا حبي له ايه احبه هذا تفسير شعوري ذاك الوقت بس ماكنت اعرف اسم هالشعور (حلو احساس ان احد مهتم فيك)و لاني عارفه انه مايحب يسلم على الحريم تراجعت حتى جدتي وخالتي واجد لاسلم عليهم في العيد.......
وعلى طاري العيد ...العيد عندنا له فرحه خاصه خصوصا مع مازن ومعتز كانوا يقولون لنا ولأحمد ومهند نجمع فلوس قبل العشر الأخيره من رمضان وقبل عشر ذي الحجه ..نعطيها مازن يجمعها (هوى ياأمين الصندوق) مع إن مهند وسمر يرفضون مازن هو اللي يجمعها لانه سروق اربد(بمعنى محترف ومتعود) أما انا فلا تسألوني أثق فيه ثقه عمياء ..و قبل العيد بيومين يشترون من عند واحد في الحاره مشهور ببيع الشروخ بانواعها شهرته مثل شهرة نوير(هذي بياعه شروخ في الرياض اشهر من نار على علم ناس كثير يجونها من برا الرياض الله يرزقها ...دعايه ببلاش) ونوزيها(نخبيها) ليوم العيد مع ان خالي مهاوشهم عند الشروخ بعيد الأضحى بحجه انه عيد اللحم على قوله بس العيد غير مع الشروخ وريحتها ...
حاجه ثالثه بس هالسالفه مع صاحب البقاله(البراده على قول اهل البحرين) جنب بيت خالتي ام هيثم اسمه سليم وخالي حاتم قايل له لايسلفنا من كثر مايسدد هالبقاله عاد حنا ماشاء الله قبيله مهوب شوي فاندخل كلنا انا وشلتي ومازن وشلته(معتز واحمد ومهند) بتسألون عن ريناد بنت خالتي بقولكم هي وميهاف اخت مازن مايطلعون معنا مثل اول ينقال كبروا ..اقولكم حنا سبعه وزعنا مازن لضمان نجاح الخطه خمسه يدخلون لآخر المحل وينادون سليم على اساس ينزل لنا اشياء ما نطولها وإذا جانا ورى يدخل مازن يفتح الدرج وياخذ اللي يحصله بالواجهه على شرط يكفينا أما معتز يوقف برا يراقب لحد يدخل ويكشف مازن وبعد مايخلص يطلع بسرعه وإذا رجع سليموه مكانه يدخلون بسلام ونشتري اقصد نسرق بس سرق شريف مثل مااقنعنا بعض لانا نرد الفلوس له ومال خالي منه ... وهالحركه سويناها ولا عشر مرات لحد ماتغطينا ياهو مازن عنده مخ لكنه مو نظيف كل افكاره وسخه سرق وطق وهواش استغفر الله بس عسى صاحب البقاله يدفع زكاه عن المحل عشان يطول ما سرقنا مسمى صدقه ..
حتى جدتي ماسلمت من سرق مازن ومعتز على فكره مازن كثر ماهو مشهور بالسرق اذا شفنا معه شي غريب على طول نسأله من وين سارقه..ومن كثر ما هبل مازن ومعتز بجدتي تسمي مازن"بليس" ومعتز"غراب البين"
ومهند "محراك النار" لانه مشهور بالتحريض وفتان و احمد"ابو البنات" وعشان المصداقيه اللي مسمي احمد مازن ومعتز مهوب جدتي لانه كثير يجلس عندنا ومايروح معهم..وكان عند جدتي بضاعه تبيعها لنا عشان مانطلع احنا البنات لشارع يعني (بطاطس زيزو حار وكتشب وبسكويت ميزان وشمعدان وديمه ومينو و ريكو و علوك يابسه "مو اقول لكم مغبره" وبيبسي مايدل الثلاجه ومن هالبضاعه اللي انقرضت ههه) فهي ماكانت تحطهم في الدالوب على قولتها ماعندنا بدو (بمعنى مافيه غريب يسرقهن)عاد ربي مسلط عليها مازن ومعتز والمشكله لاسرقوا ماياخذون شوي يكثرون عشان يكفينا كلنا ..بس لاجا معنا فلوس نروح للبقاله وش نبي ببضاعة جدتي معاد إلاتنتهي من كثر ماابطت عندها(ايه اشوفها تغصبكم عليها ماعليه كملي كملي)ههه... مع والله ماودي اظلم مازن ومعتز مايقصرون على جدتي في السرق عشان تجدد بضاعتها ولابعد لاانتهت ما ترميهم توزعهم علينا مسويه فيها كريمه (وين البلديه عنها) غامضتها ترمى في الزباله(وانتوا بكرامه) ولأحلى من كذا انا وبشور و سمر تثق فينا و نسوي الي تبي عشان تقول روحوا خوذوا حق(هذا الحق ياطويلين العمر بمعنى مكافئه مقابل الخدمه اللي سويناها) لدرجه صرنا قعيطيات مانسوي شي الا و تعطينا وتعطينا ...تقول عندها سوبر ماركت ماكأن الحال الله عالم به...وإن عيت سحبنا عليها..ههه ..ماقلت لكم احمد ومهند ليش ما يسرقون مثل مازن ومعتز ببساطه جدتي مره كبست عليهم وهم في مهمتهم(الدور عليهم) و حشرتهم داخل و مردغتهم و من عقبها مالهم في السرق ينقال تابوا (من خاف سلم) ومازن ومعتز عاقبوهم عقبها كل ماسرقوا يعطونهم بطاطس ويقولون تقاسموه بينكم (واحد له بقيه الكيس والثاني ياخذ حقه بيده) ومره تهاوشوا على الكيس لانه اكثر من النصف الثاني قال معتز حطوا عزيمه(يفتح بطاطسهم ويحطه في الأرض وياكلون سوا) و لابعد من النذاله ياكل معهم من كثره الحين.......
... (روقوا هذي آخر سالفه)
كل ماتذكر هالسالفه اموت ضحك كان عندنا جيران ولهم بنت اسمها ساره بعمرنا صديقتي انا و سمر كانت على نياتها ينقص عليها وبشور و مازن ومعتز مايواطنونها ومازن ومعتز يطقونها دايم ويسمونها أم كشه مع ان شعرها ناعم بس امها مهملتها لأن عندها تؤام وآخر همها سويره على قوله بشاير ومره اتفقت بشاير مع الشباب يسون فيها مقلب من دون مااعرف انا ولاسمر لأنا لو عرفنا ماراح نرضى عليها... فاخطتهم تقنع بشاير ساره تكتب على سياره خالي وعطتها خطاط اسود أماالازرق لبشاير حنا رفضنا بالأول على اساس ياويلهم من خالي و سفهتنا بشاير وتحدتها والبنت دمها حار ماتحب التحدي ورحنا لسياره خالي لونها ابيض وقالت بشايراللي تكتب اسمها كامل الأوله هي الفايزه وعدت لهم سمر وبدوا وبشور تظاهرت ان قلمها مانفتح وساره شكت اسمها (ساره حمد فلان ال فلان الفلاني)سوت بشاير نفسها منقهره انها خسرت إلا هذا مازن ومعتز مقبلين قلنا لها امسحيه بسرعه ومسحت بيدها بس ماش ماراح وتفلت عليه الضعيفه(وانتوا بكرامه) و فركته بيدها و ماانمسح و يوصلون العيال (بصراحه رحمتها يوم شفت الخوف بعيونها كانوا ذاك الوقت مسوين لها رعب وصلت انهم متحلفين فيها إذا تطلع من بيتهم) حرام المهم مسكوها ودخلوها لخالي ويوم طلع وشاف اسمها انقهر بس ماطقها مثل ماتوقعنا قال لها انه عيب ولاتسويها مره ثانيه باسها لانها بكت وقال روحي لبيتكم وبعد مامشت هاوشنا حنا... بصراحه كنت بقول ان بشاير هي اللي قالت لها بس تراجعت لانها اكيد من خطط مازن ...تصدقون لها الوقت بشاير تقول ان مازن يسأل عن ساره الله يذكرها بالخير بس ماندري عنها لان ذاك البيت اجار مهوب لهم وسافروا من زمان ...
... فيه نقطه مهمه في حياتي ماقلتها لكم لي حكايه مع مازن صارت بيني وبينه وحنا صغار محد يعرفها غيرنا كنت في ثالث ابتدائي ناجحه رايحه لرابع وفي هالأجازه التهبت عندي اللوز مره مسويه لي قلق بسبب هالسكريم(بلاه مهوب حلال).. ايه صح ماحب اكذب ههه اقولكم لدرجه ما آكل حاجه فقرر خالي اسوي عمليه طبعا بموافقه ابوي و حضر ابوي قبل موعد العمليه ورافقت معي خالتي أم ثامر وجلست 3ايام بعد العمليه في المستشفى مازارني لا الأولاد ولا البنات عدا احمد يوم العمليه مع خالي و حتى ماطول ...و مره زارتني خالتي أم هيثم ومعها مازن فرحت يوم شفته وكان عندي ابوي وخالي حاتم أما مازن من دخل وهو ماتكلم بس لاجت عيني بعينه ابتسمنا شافتنا امه وقالت وهي تطالعه/هذي ريماس يامازن(تطالع ابو ريماس)من دخلت المستشفى وهو بروح لريماس بروح لريماس..
(ابو الفضايح)
أبو ريماس/خليه يجي متى مابغى تراها بنت خالته (وطالع لمازن) متى مابغيت تجي وانا ابوك قلي وجيبك...
عاد ليتكم تشوفون وجهه من الأحراج وقبل لاينتهي وقت الزياره طلع ابوي وخالي بعد ماحب ابوي راسي هذا غير الهدايا اللي دفني بها كل ما زارني وبعد ماأنتهى وقت الزياره مشت خالتي ومازن ودخلت خالتي أم ثامر دوره المياه توضأ لصلاه المغرب قبل وقت الصلاه لانها وقت الأذان تنشغل بالحريم تقول ينامون فيها مايتوضون...دقايق وانفتح الباب ودخل مازن استغربت توني بقول ليه رجعت حط اصبعه على شفايفه يعني اسكتي والتفت (هو) يمين ويسار يدور على خالتي و يوم سمع صوت المويه بدوره المياه دخل بسرعه وقف عند السرير قريب مني ودخل يده في جيبه وطلع ورده نفس ورد حديقه المستشفى (الله يفضحك) ومدها لي وابتسم وخذيتها و عادي عندي باختصار (خبيله) طبعا الورد ذاك الوقت ماكان يعني لي شي.. ثم دخل يده مره ثانيه وطلع شي ما شفته لانه سكر يده ثم دخلها تحت وسادتي وطلع يده فاضيه ثم طالعني شوي... بيني بينكم وقفته كانت ثواني بس حسيتها شهر ودي اشوف وش حاط لي(مشفوحه) ومشى خطوتين ورجع لي(اشوا اني ماتهورت وشفت وش حاط) ثم باسني على خدي وطلع بسرعه اكذب لو قلت انحرجت أوتلون وجهي كثر ماركزت في المكان اللي كان فيه بعدين ذكرت الشي اللي حطه(تبين تفهميني انك نسيته ايه هين اصلا تعجبت وانتي تقولين طلع قبل ماتبلغين شفك يالمشفوحه بس انجزي) ههه المهم اني رفعت وسادتي وحصلت سلسله نعومه مره اعجبتني مدري اذا عشانها حلوه وإلا لأنها من مازن خذيتها مو مصدقه للحين ان مازن شاريها لي يكفي اني كنت في باله شلتها و لبستها ودخلتها تحت لبسي عشان خالتي ماتحقق معي من وين؟!.. بس لو كنت بهالوقت كان ضميتها يكفي ان انامل مازن حضنتها....وبعد ماطلعت من المستشفى سافرت بعد أسبوع مع الوالد للخارج و شفت مازن في السنتين الأوليه من سفري و بعدها ماصرت اشوفه بحجة اني كبرت والولد حيوي مايدخل البيت بعكس معتز و مهند مطيحين عندنا x24 24واول ماتغطيت ارسل لي مازن دبدوب هديه نجاحي مع معتز....و بعدها انتهى كل شي بيننا والحب بدى يختفي مع صاحبه لان ما فيه وسيله لتواصل هالقلوب المتعطشه وبعد ماطلعت انا جوال أول شي جا في بالي ادق له بس ترددت خفت ماأعني له شي ومااعرف اشلون اتعامل معه اكيد تغير ماراح يبقى هو نفسه عشان كذا اختصرت ويمكن بعد اطيح من عينه وبعدها برد هالحب مع الوقت رغم ان هالذكريات تعذبني وتأسرني خصوصا يوم اتذكر الأهتمام والخوف اللي بعيونه والحين لي قرابه 9سنوات مو شايفته ومع هذا احس بشوق له ودي بس اجدد صورته في بالي مع اني كل يوم احضن هالدبدوب... والسلسله كثير البسها احسها بقايا حب برئ اكل الزمان عليه وشرب ...و مع اني اعيش قصه حب ناجحه بجميع المقايس بالجامعه بس ما قدرت انسى ولا اتنازل عن بقايا حبي السابق على قول المثل وماالحب إلا للحبيب الأول!! ....
سالفه ثانيه ...ادري طولت عليكم بس هذي آخر سالفه(مو تو هذيك آخر سالفه)لاجد هذي الأخيره...تدرون عاد عناد فيكم منيب قايله انتوا الخسرانين (ابركها من ساعه)........
°°°°°°°°°°°°°°°°°°°°°
=ملاحظه/ حركه التنوين في الروايه بكتبه نون على اساس يناسب نطقنا ..مثل < خساره فيك>> تصير خسارتن فيك
‏ ‏- ok‏ وهكذا...>
=التعريف ببقيه ابطال الروايه على حده (اسهل من كتابتهم في البدايه انا نفسي انسى الابطال في طريقه سردهم )...

«»‏«»‏«»‏«»‏«
خذني بحضنگ
‏ «»‏«»‏«»‏«»‏«»
الجزء الأول
/ههه دخلوا الكفتيريا واصوات ضحكهم تسبق خطاهم نحو الهدف (من اولها فصحى هونا) .....
======
المكان/لندن بالتحديد الحرم الجامعي..
الزمان/الساعه10ص بعد محاضره خفيفه على قلوبهم كانت للدكتور جورج>> فرنسي..يحب العرب بشكل جنوني ودايم يتكلم عن انجازاتهم و يحب شله ريماس و يسولف معهم يعرف ابو ريماس لانه رجل اعمال مشهور
===،'،'===
...و اصحاب الضحك والفله هم ريماس وشلتها ..
-غدي>>سعوديه صاحبة ريماس الروح بالروح..
-مشاعل>>اسم الشهره ميشو جزائريه حبوبه...
-بدر>> سعودي طويل وسيم رومانسي وفوق هذا متفوق...
-مازن>>سعودي نفس طول بدر رزه عيونه فيها جاذبيه غير طبيعيه شعره اسود ناعم وكثيف ...
-حمدان>>اماراتي مملوح و طيب لآخر حد و متفوق...
°°°°°°°°°°°°°°°°°°°°
حمدان ماكان حاضر المحاضره وجالس في كفتيريا الشله و على نفس طاولتهم من3سنوات... جالس ينتظرهم (الجامعه فيها كذا كفتيريا بس كفتيريا الشله معروف عند الكل واللي يبغاهم على طول يلقاهم فيه)
حمدان/ اعصابكم وش تضحكون عليه..
بدر/فاتك نصف عمرك!!
حمدان/ليه؟
غدي/لو شفت جورج قوم مازن يناقشه وطبعا مثل العاده يلعب مع ريماس ‏xo‏ و ماجاوب قوم ريماس ونفس الحكايه وطمر بدر مع انه جنب ريماس بس عشان مايخرب خطته و قومني وهو حاط في باله مانيب مجاوبه لاني كنت اسولف مع ميشو تعلمني وش صار معها امس هي ومجدي(مجدي حبيب ميشو من نفس الدوله جزائري الشله يحبونه وهو من طينه بدر دافور) بس جاوبت وخربت عليه لانه كان بيقوم ميشو ثم جلسنا كلنا و مازن ماتاب كمل لعب و سوالف في دفتره مع ريماس وقومه جورج مره ثانيه ولا جاوب وقاله يجي قدام بس مازن رفض ..تفاجئنا بس قلنا يمكن عشان ريماس بس طلع مضيع جزمته لانه كان فاسخهم تحته ويوم عصب جورج عليه راح قدام من دون جزمه وجورج من العصبيه ماأنتبه له...
حمدان/غريبه هو رايق وعسل..
بدر/بس عسل إلا قشطه...
ميشو/ هو كذا بس مزون وريماس شيبوا براسه..
ريماس تطق ميشوعلى يدها/
ترا ماقلت شي طول المحاضره ساكته وماطلعت صوت...
ميشو/عشان كذا عصب متعود على نقاشك انتي ومازن واسئلتكم اللي مالها صله في المحاضره...
مازن/اسألتنا هذي اللي تطنزون فيها ترا نسألها عشان نثقفكم فقط لاغير...
ميشو/ايه بس خفوا عليه تراه يحبكم انتوا ومجدي!!
غدي/يعني لازم تدخلين مجدي في السالفه!!
الكل/هاهاهاهاها...
حمدان/مزون وين لقيت جزمتك...
مازن بقهر/وين لقيتها بعد... اسأل اللي جنبك..
حمدان يطالع ريماس/معقووووله..
ريماس/ههه انا ماخبيتها الا بعد مانكد بي في اللعب ياخي ياهو غشاش...
مازن/ياعمري هذي شطاره مهوب غش وبعدين فيه مثل يقول اللي تغلبه اللعبه(يطالع حمدان)شافتني ذكي قالت غشاش...
غدي/خلاص خلاص فيه موضوع اهم العزيمه على مين اليوم...
ميشو/على ريماس..
ريماس متفاجئه/لا حرام عليكم والله ماكملت 5ايام عازمتكم..
مازن حمدان غدي/عليك إلا عليك!!
ريماس/حرام عليكم..
ميشو/مو شغلنا لا ضيعتي ..
ريماس/والله ماضيعت عازمتكم يوم امتحان ام
جوليا اللي هو يوم الأحد المفروض اليوم مازن يعزمنا...
مازن/لا يمي لاتورطيني لو سمحتي ومع هذا بسلفك لو ما معك فلوس...
ريماس/لا معي وبعزمكم (ببتسامه) وجعله يحلكم..
الكل/ ههه
بدر/انا عندي اقتراح بما انا وقت امتحانات وش رايكم العزيمه تكون على اللي ياخذ اقل درجه...
حمدان /انا موافق...
مازن بسخريه /اجل بعد اكيد بتوافق ..
ريماس وميشو/لا
غدي/وانا بعد احتج... على كذا العزيمه بتصير يوم علي ويوم على ميشو(تضحك) وما يرضيكم تخسرونا...
مازن/لاتخافون انا معكم...
الكل/ ههه....
ميشو/لا انت و ريماس ما ينخاف عليكم لاصارت الدعوه فلوس تاخذون الأول....
مازن و ريماس/ههه
....ومشاهم بدر على النظام غصب مو عشان مايدفع بس يبغى درجاتهم تصير تمام ومن بكره عزمتهم ميشو لانها اقلهم درجه وبعدها عزمهم مازن ثم غدي يومين ورا بعض... ثم ريماس في اخر امتحان تساوت مع مازن وعزموهم على الغدا برا الجامعه لانه آخر امتحان ..
لكن جو الامتحانات غير الكل يذاكر جد خوف من هالعزيمه. .(والله بدر عارف لهم..) ومازن وريماس دايم يعلقون على بعض ويتعايرون بين بعض في الدرجات خصوصا عند جوليا كانوا متفقين يذاكرون عشان يغيضونها بدرجاتهم وفعلا خذوا درجات عاليه عندها هم انفسهم ماصدقوا ....واليوم اللي بيخبرهم جورج بالدرجات قبل مايوزعها كانت غدي تقول انا حاسه ان العزيمه علي وماتوا ضحك عليها لكنه ماعطاها درجتها الا الاخيره ...اما على اماكنهم في قاعات المحاضرات معروفه في الوسط و قبل الصف الأخير ب4 سطور ...من اليمين ميشو ثم غدي ثم حمدان ثم بدر ثم ريماس ثم مازن...
بعد اسبوع الساعه 10ص
=======
..... كانت محاضرة الدكتور فهد >>سعودي... دخل مازن و ريماس وحمدان متأخرين لانهم كانوا يدورون غدي وبدر ويوم ماحصلوهم دخلوا بس تفاجئوا ان الدكتور رائد>> كويتي... موجود عندهم دخلهم لانهم ممتازين عنده وغريبه عليهم يتأخرون والمفاجئه الثانيه لقوا بدر وغدي والمشكله مالهم مكان عندهم .. حمدان حصل مكان عند ميشو ومجدي وجلس عندهم ...ومازن وريماس رجعوا ورا ومروا على بدر وغدي اللي كانت تضحك عليهم وتحلف بهم مازن لانهم ماحجزوا لهم مكان (مادروا انهم متأخرين مثلهم وزين حصلوا مكان جنب بعض)
ووقف مازن عشان تدخل ريماس لانه يبغى يجلس على الطرف...وبدت المحاضره فتحت ريماس دفترمحاضراتها وكتبت لمازن(الاجازه بقى عليها اسبوع بتسافر وإلا بتجلس هنا)
مازن(أكيد بسافر واحشيني الاهل)
ريماس(وش رايك تجلس هنا اسبوع وتسافر اسبوع)
مازن(مقدر ولو يوم واحد اصلا بطلع ذاك اليوم من هنا سيده للمطار)
ريماس بغيظ(ليش ماتغاب اخر يوم بالمره)
ضحك لانه قهرها وكتب(وانتي ليش محتره)
لاحظ رائد انهم مو منتبهين له ونبههم بس شوي وكملوا سوالف وقوم مازن يناقشه في الجزء المشروح وانقذه الطالب اللي قدامه فتح له دفتره وجاوب وجلس كتبت ريماس(احسن يوم قومك ... بس من وين عرفت الاجابه) مازن(انا هنا )ضحكت تموت عليه إذا قال كذا..(زين انتبه شكله ناوي عليك اليوم)
مازن (اقنعي ابوك وخليني اوصلك لسعوديه ونرجع مع بعض في نفس الطياره) ريماس(مقدر الاجازه قصيره وبنروح الأسبوع الثاني لروما)
مازن(عشان كذا كنتي تبغين اجلس اسبوع موعشاني عشان محد عندك...بس عناد فيك بسافر عند اهلي وبغيب الاسبوع الاول من الدوامات بعد)
ريماس(عادي)
مازن(طيب سافري معي ترا ماخاسر الا انتي)
ريماس(إن شاء الله بس انتبه)
لف لها لقاها كاتمه ضحكتها قرب منها لحد كتفه ماجا جنب كتفها وقام يطالع لدكتور وهو يشرح...أما ريماس تفاجئت من قربه منها صح مازن جرئ بس مو لدرجه لاصق فيها ..سوت نفسها عادي وقالت انتبه لايقومني انا..فجأه حست بيد على يدها زادت نبضات قلبها همس من دون يطالعها "بتشتاقين لي"
مشاعرها تكهربت وماردت حست بشرارات بين جسمها
وجسمه كانت بتسحب يدها من يده بس قلبها ماطاوعها حست بعروق يدها تنبض تحت يد مازن خافت يحس فيها و سحبتها لكن كان يقرا افكارها وسكر يده بقوه على يدها كل هذا وهم يطالعون الدكتور بس محد فيهم يدري وش يقول..ريماس ودها تبكي مو من الالم في يدها..لا من عاصفة المشاعر اللي اجتاحت قلبها بهالحظات ودها تحط راسها على كتفه ودها تقول احبك من دون خوف ودها تقول عورتني ياقلبي..حس مازن انه ضايقها خصوصا انه لاحظ انها تطالعه لف لها ببرآئه و انصدم
شاف اللي يكره يشوفه عوره قلبه وده ماسوى اللي سواه قام يلعن نفسه ...صح شاف اللي حلم يشوفه بعيونها حب ومشاعر صادقه ووله وشوق
مع دمعه حاولت انها تمنعها بس ماقدرت لكن يكره يشوف دموعها..اما احساسه ماكان خوف كونه شعور بالفرح لانه عرف هالدموع ليه نزلت ...فك يدها شافهاحمراء من اثار مسكته قال من دون يطالعها
"اسف" وقف وراح لدكتور تكلم معه بصوت واطي وطلع والتفت لها الكل غدي وبدر وحمدان وميشو ومجدي مستغربين من حركه مازن ومتفاجئين من ريماس لانها حاطه راسها على الطاوله...
.....
........
.....
بعد ماانتهت المحاضره اللي كانت اطول من ليالي الشتاء على قلب الشله طاروا لها وسألوها وش فيها بس مارفعت راسها ورفعته غدي غصب وشافوا دموعها حاولوا معها تقول لهم وش فيها بس مارضت دق بدر لمازن مارد وطلع مع حمدان يدورونه ومجدي استاذن وطلع..
ميشو/اش اللي صاير ريماس..
جلست غدي مكان مازن و مسكت يدها/وش صاير ليش تبكين وليش مازن طلع...
ريماس/.......
دخل مجدي وخذا ميشو ....
لفت ريماس لغدي/مازن يحبني ..يحبني ياغدي...
غدي بفرح/هو اللي قالك ؟
ريماس أشرت براسها بالنفي/هو ماقال بس افعاله قالت...!
غدي ضمتها على دخله مازن وبدر وحمدان...
غدي/هلا مازن ليش طلعت...
يوم سمعت اسمه رفعت راسها من كتف غدي ومسحت دموعها...
طالع ريماس وهي تمسح دموعها ابتسم وطالع غدي/ ابد حسيت اني عطشان وماقدرت اتحمل وطلعت... وجلس قبالها /اشفيك...
هزت راسها بمعنى مافيها شي..
غدي عرفت ان مازن يبغى يتكلم مع ريماس واشرت لبدر واستاذنوا هم وحمدان وطلعوا
.... اما ريماس كانت بعالم ثاني من دخل مازن كانت تتأمله وهو يتكلم مع بدر وحمدان قبل يطلعون ثم لف لها وأبتسم/ادري انك زعلانه بس....
تقاطعه ببتسامتها المعهوده/ من قالك زعلانه!!
بشك/مو زعلانه..
/لا بس بيني وبينك توقعتك رومنسي ماتوقعت تعبر عن مشاعرك بهالطريقه!!
/ههه وانا ماذبحني إلا هالرومنسيه اللي ماقدرت تعبر عن مشاعري...قلت اغيرها!!
مازن وريماس/
ههه....
نزلت راسها فجأه ثم رفعته وركزت بعيون مازن ابتسمت و هزت راسها/ بشتاق لك...
فرح يعني هي تحبني مثل مااحبها ..تحبني مثل ماتوقعت..تحبني تحبني
..انتبه من سرحانه/ ريماس..
/نعم..
/تحبيني!!
فاجئها السؤال و قامت تجمع اغراضها ومرت من جنبه ومسك يدها/على وين؟
وقفت تطالعه..
/لاتقولين إيه وإلا لا... بس جد لاتزعلين..
/ههه..
/وش فيك!!
/ولاشي..يالله تأخرنا عليهم وانا جوعانه ما أبغى افوت عزيمه حمدان...مدت يدها له ومسكها وطلعوا...

خذنى بحضنك 00رواية00سعودية00رومانسية 00جريئة
آخر يوم في الجامعه قبل الأجازه(الاجازه اسبوعين استراحه وبعدها يكملون الدراسه) ...
=======
ماعند الشله إلا محاضره وحده الساعه9 وتنتهي11 وكانت لدكتور جورج ..بعد ماأنتهت طلعوا معه وسألهم إذا بيسافرون وسأل ريماس إذا بتسافر لسعوديه... ثم سلم عليهم ومشى وطلعوا من الجامعه فرحانين...
... اخيرا جت هالأجازه و بترتاح الجامعه من الدوشه المده هذي إلى عوده طلابها لستئناف الدراسه مع انها مو طويله 15يوم بس يرتاحون من المحاضرات وملل الدكاتره و الروتين في بلاد الغربه... عزمهم بدر في المطعم على غدا محترم بعده طلعوا مع بعض لنهر التايمز عدا ميشو لانها راحت مع مجدي وحمدان دق له واحد قريبه يشتغل بلندن ..وحجز بدر لهم في السفينه بس ريماس رفضت مثل العاده واصروا عليها بس مافيه امل تغير رايها وركب بدر وغدي لان غدي قالت نفسها فيها ... بقى مازن و ريماس ..
صد لها/ ليه ماركبتي...
/انا اخاف بس انت ليش ماركبت معهم...
/هذا انتي قلتيها مابي اتركك يالخوافه...
/ههه انا اخاف من المويه لكن هنا عادي..بس انت كان ركبت...
/تراني ركبتها ولا مليون مره بس كنت ابغاك تشوفين الفلل والقصور والشركات والمناظر الأثريه من وسط النهر ...
... راحوا لمنتزه مازن يروح له دايم مع شباب العائله اذا جو للندن...جلسوا فيه من الساعه 3 العصر ضحك وسوالف مابقى موضوع ماتكلموا فيه إلا حدود علاقتهم او وش ممكن ترسي عليه خصوصا انه مابقى إلا 4 شهور على نهاية السنه وبعدها بيرجع هو لسعوديه وهي بتعيش مابين السعوديه و روما... كان الجو بارد نزلت ريماس جزمتها وشالتها و قامت تمشي على الثلج
استغرب/ ليش تسوين كذا؟
/احب امشي على الثلج..
بمرح /بس كذا توقعت تأخر الرماتيزيوم...
طالعته بغيظ وضحك عليها وقامت تكور ثلج وتحلته به ...
وتمشوا إلى الساعه10م ثم راحوا لسوق لان مازن يبغى هدايا لأهله ودخلوا مول كبير قالت /كل واحد يتسوق لحاله واللي يخلص يدق على الثاني..
وافق ودخلوا كل واحد راح من جهه معاكسه لثاني مازن كان يكذب هو شاري هدايا اهله من زمان بس لو ماقال كذا بترجع لبيتهم لانها تأخرت فحب يجلس معها اطول فتره ممكنه..أما ريماس قالت يتفرقون لانها تبغى تاخذ له هديه وراحت لقسم الهدايا ...و بعد ½ ساعه يدور ما لقى شي لريماس ... دقت له وطلع لها..ماتت ضحك يوم شافت الدبدوب اللي معه كان كبير يعني مازن شايله مابين من جسمه من ورا الدبدوب إلا راسه ورجلينه..لونه بيج اعجب ريماس هالدبدوب سوا شكله أو كبر حجمه...وقف ونزله على الأرض وضحك على حركه ريماس كانت حاطه يدينها على راسها من كبر الدبدوب
..وطالع يدينها فاضيه/ ماأعجبك شي...
/ لا... بس كيف بتشيل هذا...
/ اعجبك انا...
/ وش تبغى فيه؟! . / لبشاير أختي تحب الدباديب..
حست بالغيره من هالبشاير مو كافي اني كل ما أشوفه تدق له او يدق لها و فوق هذا شاري لها هديه و بيسافر لهم ويتركني وبيشوفنه ويتهنون فيه... مع انها اخته و عادي اللي يسونه مع بعض اخت واخوها بس ريماس حست بالغيره وخلاص...
... طلعوا من المول وتعشوا ثم وصلها مازن للفندق حقهم ونزلت..
/ريماس..
لفت له/نعم..
نزل وخذا الدبدوب /اتمنى تقبلين هالهديه المتواضعه .. وعطاها إياه.. رفضت تاخذها بحجه انه شاريه لأخته...
/من قالك شاريه لغيرك..
/انت قلت لأختك!
/بشاير شاري لها من اسبوع...
قامت تطالع الدبدوب ثم رفعت راسها/ مشكور يا...
/ ههه يا ايش...
بخجل/ياأحلى مازن..
مازن/ بس!!
/ ليه وش كنت متوقع
بمرح/ سلامتك...
/ طيب كيف اشيله..
/عادي هو يشيلك !..ههه وصافحها
/ نام بدري عشان تصحى بدري..
... تواعدوا يشوفها بكره قبل طيارته بوقت...ورجع ...
...
.....
.......
...........
.......
.....
...
الساعه ½ 7ص ...
=======
... دقت لمازن تطمن إذا صحوا وكانوا احرص منها لانهم صحوا ونزلوا يفطرون
اما هي افطرت مع ابوها و سلمى ثم دقت لغدي وطلعوا لشباب مع سواق ريماس وركبوا اغراضهم وطلعوا يتمشون مع بعض لحد الساعه 8 دخلوا المطار... لان طيارتهم الساعه 9ص ... وراح بدر وغدي يختمون الجوازات ومازن و ريماس واقفين يطالعون غدي وبدر ليما بعدوا لف لها لقاها تطالعه ابتسم/وصلنا اخر المشوار...اقصد المطار وشوي وبسافر ...
ريماس/حطت يدها على قلبها و غمضت/ آآآآه
بخوف/اش فيك ...
فتحت /حسيت بنغزه!!
بخوف/من ايش!!
ابتسمت بعذوبه/منك...
بادلها الابتسامه/عشان بسافر..
بجديه/لا عشاني ما حب اسمع الكلام هذا..
/اي كلام..
/آخر المشوار... اخر المطاف...ومن هالكلام...
/ اها بس جد حنا وصلنا آخر.....(وسكت) لانها رفعت له يدها عشان مايكمل...
وطلعت من جيب بنطلونها نوتا صغير وحطته بجيب التشيرت حقه..وطلعت علبه مسكت يده وحطتها فيها/لاتفتحها الا بغرفتك في السعوديه ...
/ مافيني صبر...
تذكرت مازن ولد خالتها يوم اهداها السلسله يوم كانوا صغار وابتسمت...
/
ضحكيني معك...
/ههه لا ولاشي..
شاف بدر وغدي من وراها راجعين لهم حب يستغل كل ثانيه معها....
/ريماس..
رفعت راسها كانت تلعب بجوالها لان مازن احرجها بنظرتها/ نعم..
ماكان يبغى يسافر قبل ما يتأكد من مشاعرها مع انها دايم تقوله يالغالي/بتشتاقين لي؟!
بخجل/ أكيد..
/بتكلميني؟!
/ اكيد..
/بوحشك ..؟!
/اكيد..
/بتفقديني؟!
/اكيد..
/تحبيني؟!
/اكيد..
لحظة صمت..............
..بعد ماستوعبت سؤال مازن وجوابها نزلت راسها...
/ههه من متى؟؟
عصبت لانه استغل برائتها /انت شتقول..
شاف بدر وغدي ما يفصلهم عنهم سوا خطوات/و لاشي..
/ بس انا ما....
غدي/طولنا عليكم..
لفت لهم وسكتت..
مازن/لا ابدآ.
غدي/يا الله والله بيصير لكم فقده...
مازن/ اكيد (يطالع ريماس اللي صدت عنه وابتسم)
(يا الله انا وش فيني ليه قلت له ..معقوله كان يستدرجني عشان اقول له اوف وانا اللي اقول بخليه على اعصابه
لحد مايرجع بس آه منك يامازن والله بشتاق لك كل ثانيه ودقيقه وبتوحشني وبكلمك كل يوم
لحد مااطفشك وبحبك ضعف حبك لي مليون مره.. بس لا تطول علي) كل هذا يدور في خاطر ريماس...
وبهالوقت كانوا البقيه يتناقشون في الوقت المتبقي لطائره طالع مازن ريماس/يا هوه نحن هنا..
ابتسمت وشالوا شناطهم لاحظ شرودها نزل شنطته و استاذن يجيب له مويه بارده من السوبر ماركت اللي قدامهم مشى خطوتين عشان مايشكك بدر وغدي في نيته ثم لف لها/ تخاويني..
لحقته بس هو مادخل السوبر ماركت سحبها لدورة المياه
(عزكم الله) و وقفوا قبال غسالات اليدين وسكر الباب...
قرب منها مازن لحد ماتبقى بينهم الا مسافه صغيره وحط عينه بعينها وهي تراجعت كارده فعل طبيعي مسك يدها وحطها على صدره وهي صدت عنه...
بجديه/اوعدك هالقلب مايسكنه غيرك وإن حب غيرك لدوسه برجليني!...
ابتسمت له ابتسامه ذوبت قلبه وحركت كل خليه بجسمه ... اضطربت مشاعره قرب منها...كان ناقوس الخطر يدق عنده تدارك نفسه وحب راسها لانه كان بيبوسها بس صرفها بالحظه الأخيره...ريماس كانت حاسه باللي يدور في باله لكن ماقدرت تمنعه كأن جسمها انشل عن الحركه ويوم حب راسها ماقدرت تقاوم شذى عطره اللي خدرها...ماحست الا وهي ترمي نفسها بحضنه وهو كان محتاج لهالتهور وحضنها لصدره وقام يلعب بشعرها بكت من 3سنوات حبته بجنون حبته اكثر من نفسها بس كان صعب تعبر عن هالمشاعر وجا الوقت والوقت المناسب اللي تعبر فيه مع انه ياما تسبب في نزول دموعها اذا شافته بصدفه او احد قالها انه مع ليال
(كويتيه تحبه بس هو عادي عنده حتى بدر وحمدان يكرهونها لان ملابسها عاريه ماكأنها بنت خليجيه وتحكمها عادات وتقاليد وفوقهم دين بس الكلام لهلها مو لها) رفعت راسها له وتركها و وقفت قباله وتلاقت عيونهم متعطشه لهذا التلاقي كأنهم ماشافوا بعض من سنين قالت بدموع/لا تتأخر...
ابتسم وهو يشوف دموعها الكفيله انها تذوب قلبه رفع يده ومسحهم/احاول
سحبت يدها من يده ومشت
/ريماس.
ريماس لفت له وهي تمسح دموعها كارهه سفره عنها هو لاغاب يوم جنت عشان تشوفه كيف بيسافر عنها اسبوعين/لبيه...
ابتسم ومسك يدها و طلع خاتم من جيبه وحطه بأصبعها
/ لاتفسخينه لحد مارجع"تاملها بسرحان" وإذا طالعتيه اذكريني...
هزت راسها بالموافقه..
بابتسامه/ Broms
(وعد)
‏ ‏/ Broms‏ ...
قام يتأمل هالملاك اللي بيوحشه كثير...
/احم طيارتك!
مسك يدها ومشوا بيطلعون والتفت على ورى لان ريماس وقفت لقاها مبتسمه وابتسم/أش فيك؟
/بتشتاق لي؟
/ أكيد..
/بتكلمني؟
/ههه أكيد..
/تحبني؟
/على طول!ههه أكيد بس اسألتك ناقصه!!
ههه
وطلعوا حصلوا بدر على اعصابه
بدر/كان نمتوا هناك بعد...
ريماس/ليه طولنا!!
غدي بمرح/لا بس بدر خايف الطياره تخليه...
مازن يكلم غدي/خاف طيارة ابوه ...ثم لف لبدر (يضحك) أنا هنا وغمز له!!
بدر سحبه من يده /امش الله يخليك مامضيعني الا انت ...ويوم بعدوا شوي عن البنات بدر/ وين المويه اللي شريتها..
تورط ثم ضحك مشكلته مع بدر انه فاهمه/شاريها اتمنظر بها وإلاعشان اشربهاوارميها...
بدر/تصدق صدقتك ...
مازن/شي راجع لك..
ثم لفوا للبنات
/يالله مع السلامه عنوده.. اشوفك على خير(وطالع غدي)ديري بالك على نفسك و عليها...
غدي/ افا عليك اعتمد..
ومشوا وقبل مايدخلون الصاله لف لها واشر شافها تمسح دموعها...ودخل أماهي من دخل مازن ضمت غدي وقامت تبكي...

«»‏«»‏«»‏«»‏«
خذني بحضنگ
‏ «»‏«»‏«»‏«»‏«»
الجزء الأول
/ههه دخلوا الكفتيريا واصوات ضحكهم تسبق خطاهم نحو الهدف (من اولها فصحى هونا) .....
======
المكان/لندن بالتحديد الحرم الجامعي..
الزمان/الساعه10ص بعد محاضره خفيفه على قلوبهم كانت للدكتور جورج>> فرنسي..يحب العرب بشكل جنوني ودايم يتكلم عن انجازاتهم و يحب شله ريماس و يسولف معهم يعرف ابو ريماس لانه رجل اعمال مشهور
===،'،'===
...و اصحاب الضحك والفله هم ريماس وشلتها ..
-غدي>>سعوديه صاحبة ريماس الروح بالروح..
-مشاعل>>اسم الشهره ميشو جزائريه حبوبه...
-بدر>> سعودي طويل وسيم رومانسي وفوق هذا متفوق...
-مازن>>سعودي نفس طول بدر رزه عيونه فيها جاذبيه غير طبيعيه شعره اسود ناعم وكثيف ...
-حمدان>>اماراتي مملوح و طيب لآخر حد و متفوق...
°°°°°°°°°°°°°°°°°°°°
حمدان ماكان حاضر المحاضره وجالس في كفتيريا الشله و على نفس طاولتهم من3سنوات... جالس ينتظرهم (الجامعه فيها كذا كفتيريا بس كفتيريا الشله معروف عند الكل واللي يبغاهم على طول يلقاهم فيه)
حمدان/ اعصابكم وش تضحكون عليه..
بدر/فاتك نصف عمرك!!
حمدان/ليه؟
غدي/لو شفت جورج قوم مازن يناقشه وطبعا مثل العاده يلعب مع ريماس ‏xo‏ و ماجاوب قوم ريماس ونفس الحكايه وطمر بدر مع انه جنب ريماس بس عشان مايخرب خطته و قومني وهو حاط في باله مانيب مجاوبه لاني كنت اسولف مع ميشو تعلمني وش صار معها امس هي ومجدي(مجدي حبيب ميشو من نفس الدوله جزائري الشله يحبونه وهو من طينه بدر دافور) بس جاوبت وخربت عليه لانه كان بيقوم ميشو ثم جلسنا كلنا و مازن ماتاب كمل لعب و سوالف في دفتره مع ريماس وقومه جورج مره ثانيه ولا جاوب وقاله يجي قدام بس مازن رفض ..تفاجئنا بس قلنا يمكن عشان ريماس بس طلع مضيع جزمته لانه كان فاسخهم تحته ويوم عصب جورج عليه راح قدام من دون جزمه وجورج من العصبيه ماأنتبه له...
حمدان/غريبه هو رايق وعسل..
بدر/بس عسل إلا قشطه...
ميشو/ هو كذا بس مزون وريماس شيبوا براسه..
ريماس تطق ميشوعلى يدها/
ترا ماقلت شي طول المحاضره ساكته وماطلعت صوت...
ميشو/عشان كذا عصب متعود على نقاشك انتي ومازن واسئلتكم اللي مالها صله في المحاضره...
مازن/اسألتنا هذي اللي تطنزون فيها ترا نسألها عشان نثقفكم فقط لاغير...
ميشو/ايه بس خفوا عليه تراه يحبكم انتوا ومجدي!!
غدي/يعني لازم تدخلين مجدي في السالفه!!
الكل/هاهاهاهاها...
حمدان/مزون وين لقيت جزمتك...
مازن بقهر/وين لقيتها بعد... اسأل اللي جنبك..
حمدان يطالع ريماس/معقووووله..
ريماس/ههه انا ماخبيتها الا بعد مانكد بي في اللعب ياخي ياهو غشاش...
مازن/ياعمري هذي شطاره مهوب غش وبعدين فيه مثل يقول اللي تغلبه اللعبه(يطالع حمدان)شافتني ذكي قالت غشاش...
غدي/خلاص خلاص فيه موضوع اهم العزيمه على مين اليوم...
ميشو/على ريماس..
ريماس متفاجئه/لا حرام عليكم والله ماكملت 5ايام عازمتكم..
مازن حمدان غدي/عليك إلا عليك!!
ريماس/حرام عليكم..
ميشو/مو شغلنا لا ضيعتي ..
ريماس/والله ماضيعت عازمتكم يوم امتحان ام
جوليا اللي هو يوم الأحد المفروض اليوم مازن يعزمنا...
مازن/لا يمي لاتورطيني لو سمحتي ومع هذا بسلفك لو ما معك فلوس...
ريماس/لا معي وبعزمكم (ببتسامه) وجعله يحلكم..
الكل/ ههه
بدر/انا عندي اقتراح بما انا وقت امتحانات وش رايكم العزيمه تكون على اللي ياخذ اقل درجه...
حمدان /انا موافق...
مازن بسخريه /اجل بعد اكيد بتوافق ..
ريماس وميشو/لا
غدي/وانا بعد احتج... على كذا العزيمه بتصير يوم علي ويوم على ميشو(تضحك) وما يرضيكم تخسرونا...
مازن/لاتخافون انا معكم...
الكل/ ههه....
ميشو/لا انت و ريماس ما ينخاف عليكم لاصارت الدعوه فلوس تاخذون الأول....
مازن و ريماس/ههه
....ومشاهم بدر على النظام غصب مو عشان مايدفع بس يبغى درجاتهم تصير تمام ومن بكره عزمتهم ميشو لانها اقلهم درجه وبعدها عزمهم مازن ثم غدي يومين ورا بعض... ثم ريماس في اخر امتحان تساوت مع مازن وعزموهم على الغدا برا الجامعه لانه آخر امتحان ..
لكن جو الامتحانات غير الكل يذاكر جد خوف من هالعزيمه. .(والله بدر عارف لهم..) ومازن وريماس دايم يعلقون على بعض ويتعايرون بين بعض في الدرجات خصوصا عند جوليا كانوا متفقين يذاكرون عشان يغيضونها بدرجاتهم وفعلا خذوا درجات عاليه عندها هم انفسهم ماصدقوا ....واليوم اللي بيخبرهم جورج بالدرجات قبل مايوزعها كانت غدي تقول انا حاسه ان العزيمه علي وماتوا ضحك عليها لكنه ماعطاها درجتها الا الاخيره ...اما على اماكنهم في قاعات المحاضرات معروفه في الوسط و قبل الصف الأخير ب4 سطور ...من اليمين ميشو ثم غدي ثم حمدان ثم بدر ثم ريماس ثم مازن...
بعد اسبوع الساعه 10ص
=======
..... كانت محاضرة الدكتور فهد >>سعودي... دخل مازن و ريماس وحمدان متأخرين لانهم كانوا يدورون غدي وبدر ويوم ماحصلوهم دخلوا بس تفاجئوا ان الدكتور رائد>> كويتي... موجود عندهم دخلهم لانهم ممتازين عنده وغريبه عليهم يتأخرون والمفاجئه الثانيه لقوا بدر وغدي والمشكله مالهم مكان عندهم .. حمدان حصل مكان عند ميشو ومجدي وجلس عندهم ...ومازن وريماس رجعوا ورا ومروا على بدر وغدي اللي كانت تضحك عليهم وتحلف بهم مازن لانهم ماحجزوا لهم مكان (مادروا انهم متأخرين مثلهم وزين حصلوا مكان جنب بعض)
ووقف مازن عشان تدخل ريماس لانه يبغى يجلس على الطرف...وبدت المحاضره فتحت ريماس دفترمحاضراتها وكتبت لمازن(الاجازه بقى عليها اسبوع بتسافر وإلا بتجلس هنا)
مازن(أكيد بسافر واحشيني الاهل)
ريماس(وش رايك تجلس هنا اسبوع وتسافر اسبوع)
مازن(مقدر ولو يوم واحد اصلا بطلع ذاك اليوم من هنا سيده للمطار)
ريماس بغيظ(ليش ماتغاب اخر يوم بالمره)
ضحك لانه قهرها وكتب(وانتي ليش محتره)
لاحظ رائد انهم مو منتبهين له ونبههم بس شوي وكملوا سوالف وقوم مازن يناقشه في الجزء المشروح وانقذه الطالب اللي قدامه فتح له دفتره وجاوب وجلس كتبت ريماس(احسن يوم قومك ... بس من وين عرفت الاجابه) مازن(انا هنا )ضحكت تموت عليه إذا قال كذا..(زين انتبه شكله ناوي عليك اليوم)
مازن (اقنعي ابوك وخليني اوصلك لسعوديه ونرجع مع بعض في نفس الطياره) ريماس(مقدر الاجازه قصيره وبنروح الأسبوع الثاني لروما)
مازن(عشان كذا كنتي تبغين اجلس اسبوع موعشاني عشان محد عندك...بس عناد فيك بسافر عند اهلي وبغيب الاسبوع الاول من الدوامات بعد)
ريماس(عادي)
مازن(طيب سافري معي ترا ماخاسر الا انتي)
ريماس(إن شاء الله بس انتبه)
لف لها لقاها كاتمه ضحكتها قرب منها لحد كتفه ماجا جنب كتفها وقام يطالع لدكتور وهو يشرح...أما ريماس تفاجئت من قربه منها صح مازن جرئ بس مو لدرجه لاصق فيها ..سوت نفسها عادي وقالت انتبه لايقومني انا..فجأه حست بيد على يدها زادت نبضات قلبها همس من دون يطالعها "بتشتاقين لي"
مشاعرها تكهربت وماردت حست بشرارات بين جسمها
وجسمه كانت بتسحب يدها من يده بس قلبها ماطاوعها حست بعروق يدها تنبض تحت يد مازن خافت يحس فيها و سحبتها لكن كان يقرا افكارها وسكر يده بقوه على يدها كل هذا وهم يطالعون الدكتور بس محد فيهم يدري وش يقول..ريماس ودها تبكي مو من الالم في يدها..لا من عاصفة المشاعر اللي اجتاحت قلبها بهالحظات ودها تحط راسها على كتفه ودها تقول احبك من دون خوف ودها تقول عورتني ياقلبي..حس مازن انه ضايقها خصوصا انه لاحظ انها تطالعه لف لها ببرآئه و انصدم
شاف اللي يكره يشوفه عوره قلبه وده ماسوى اللي سواه قام يلعن نفسه ...صح شاف اللي حلم يشوفه بعيونها حب ومشاعر صادقه ووله وشوق
مع دمعه حاولت انها تمنعها بس ماقدرت لكن يكره يشوف دموعها..اما احساسه ماكان خوف كونه شعور بالفرح لانه عرف هالدموع ليه نزلت ...فك يدها شافهاحمراء من اثار مسكته قال من دون يطالعها
"اسف" وقف وراح لدكتور تكلم معه بصوت واطي وطلع والتفت لها الكل غدي وبدر وحمدان وميشو ومجدي مستغربين من حركه مازن ومتفاجئين من ريماس لانها حاطه راسها على الطاوله...
.....
........
.....
بعد ماانتهت المحاضره اللي كانت اطول من ليالي الشتاء على قلب الشله طاروا لها وسألوها وش فيها بس مارفعت راسها ورفعته غدي غصب وشافوا دموعها حاولوا معها تقول لهم وش فيها بس مارضت دق بدر لمازن مارد وطلع مع حمدان يدورونه ومجدي استاذن وطلع..
ميشو/اش اللي صاير ريماس..
جلست غدي مكان مازن و مسكت يدها/وش صاير ليش تبكين وليش مازن طلع...
ريماس/.......
دخل مجدي وخذا ميشو ....
لفت ريماس لغدي/مازن يحبني ..يحبني ياغدي...
غدي بفرح/هو اللي قالك ؟
ريماس أشرت براسها بالنفي/هو ماقال بس افعاله قالت...!
غدي ضمتها على دخله مازن وبدر وحمدان...
غدي/هلا مازن ليش طلعت...
يوم سمعت اسمه رفعت راسها من كتف غدي ومسحت دموعها...
طالع ريماس وهي تمسح دموعها ابتسم وطالع غدي/ ابد حسيت اني عطشان وماقدرت اتحمل وطلعت... وجلس قبالها /اشفيك...
هزت راسها بمعنى مافيها شي..
غدي عرفت ان مازن يبغى يتكلم مع ريماس واشرت لبدر واستاذنوا هم وحمدان وطلعوا
.... اما ريماس كانت بعالم ثاني من دخل مازن كانت تتأمله وهو يتكلم مع بدر وحمدان قبل يطلعون ثم لف لها وأبتسم/ادري انك زعلانه بس....
تقاطعه ببتسامتها المعهوده/ من قالك زعلانه!!
بشك/مو زعلانه..
/لا بس بيني وبينك توقعتك رومنسي ماتوقعت تعبر عن مشاعرك بهالطريقه!!
/ههه وانا ماذبحني إلا هالرومنسيه اللي ماقدرت تعبر عن مشاعري...قلت اغيرها!!
مازن وريماس/
ههه....
نزلت راسها فجأه ثم رفعته وركزت بعيون مازن ابتسمت و هزت راسها/ بشتاق لك...
فرح يعني هي تحبني مثل مااحبها ..تحبني مثل ماتوقعت..تحبني تحبني
..انتبه من سرحانه/ ريماس..
/نعم..
/تحبيني!!
فاجئها السؤال و قامت تجمع اغراضها ومرت من جنبه ومسك يدها/على وين؟
وقفت تطالعه..
/لاتقولين إيه وإلا لا... بس جد لاتزعلين..
/ههه..
/وش فيك!!
/ولاشي..يالله تأخرنا عليهم وانا جوعانه ما أبغى افوت عزيمه حمدان...مدت يدها له ومسكها وطلعوا...

خذنى بحضنك 00رواية00سعودية00رومانسية 00جريئة
آخر يوم في الجامعه قبل الأجازه(الاجازه اسبوعين استراحه وبعدها يكملون الدراسه) ...
=======
ماعند الشله إلا محاضره وحده الساعه9 وتنتهي11 وكانت لدكتور جورج ..بعد ماأنتهت طلعوا معه وسألهم إذا بيسافرون وسأل ريماس إذا بتسافر لسعوديه... ثم سلم عليهم ومشى وطلعوا من الجامعه فرحانين...
... اخيرا جت هالأجازه و بترتاح الجامعه من الدوشه المده هذي إلى عوده طلابها لستئناف الدراسه مع انها مو طويله 15يوم بس يرتاحون من المحاضرات وملل الدكاتره و الروتين في بلاد الغربه... عزمهم بدر في المطعم على غدا محترم بعده طلعوا مع بعض لنهر التايمز عدا ميشو لانها راحت مع مجدي وحمدان دق له واحد قريبه يشتغل بلندن ..وحجز بدر لهم في السفينه بس ريماس رفضت مثل العاده واصروا عليها بس مافيه امل تغير رايها وركب بدر وغدي لان غدي قالت نفسها فيها ... بقى مازن و ريماس ..
صد لها/ ليه ماركبتي...
/انا اخاف بس انت ليش ماركبت معهم...
/هذا انتي قلتيها مابي اتركك يالخوافه...
/ههه انا اخاف من المويه لكن هنا عادي..بس انت كان ركبت...
/تراني ركبتها ولا مليون مره بس كنت ابغاك تشوفين الفلل والقصور والشركات والمناظر الأثريه من وسط النهر ...
... راحوا لمنتزه مازن يروح له دايم مع شباب العائله اذا جو للندن...جلسوا فيه من الساعه 3 العصر ضحك وسوالف مابقى موضوع ماتكلموا فيه إلا حدود علاقتهم او وش ممكن ترسي عليه خصوصا انه مابقى إلا 4 شهور على نهاية السنه وبعدها بيرجع هو لسعوديه وهي بتعيش مابين السعوديه و روما... كان الجو بارد نزلت ريماس جزمتها وشالتها و قامت تمشي على الثلج
استغرب/ ليش تسوين كذا؟
/احب امشي على الثلج..
بمرح /بس كذا توقعت تأخر الرماتيزيوم...
طالعته بغيظ وضحك عليها وقامت تكور ثلج وتحلته به ...
وتمشوا إلى الساعه10م ثم راحوا لسوق لان مازن يبغى هدايا لأهله ودخلوا مول كبير قالت /كل واحد يتسوق لحاله واللي يخلص يدق على الثاني..
وافق ودخلوا كل واحد راح من جهه معاكسه لثاني مازن كان يكذب هو شاري هدايا اهله من زمان بس لو ماقال كذا بترجع لبيتهم لانها تأخرت فحب يجلس معها اطول فتره ممكنه..أما ريماس قالت يتفرقون لانها تبغى تاخذ له هديه وراحت لقسم الهدايا ...و بعد ½ ساعه يدور ما لقى شي لريماس ... دقت له وطلع لها..ماتت ضحك يوم شافت الدبدوب اللي معه كان كبير يعني مازن شايله مابين من جسمه من ورا الدبدوب إلا راسه ورجلينه..لونه بيج اعجب ريماس هالدبدوب سوا شكله أو كبر حجمه...وقف ونزله على الأرض وضحك على حركه ريماس كانت حاطه يدينها على راسها من كبر الدبدوب
..وطالع يدينها فاضيه/ ماأعجبك شي...
/ لا... بس كيف بتشيل هذا...
/ اعجبك انا...
/ وش تبغى فيه؟! . / لبشاير أختي تحب الدباديب..
حست بالغيره من هالبشاير مو كافي اني كل ما أشوفه تدق له او يدق لها و فوق هذا شاري لها هديه و بيسافر لهم ويتركني وبيشوفنه ويتهنون فيه... مع انها اخته و عادي اللي يسونه مع بعض اخت واخوها بس ريماس حست بالغيره وخلاص...
... طلعوا من المول وتعشوا ثم وصلها مازن للفندق حقهم ونزلت..
/ريماس..
لفت له/نعم..
نزل وخذا الدبدوب /اتمنى تقبلين هالهديه المتواضعه .. وعطاها إياه.. رفضت تاخذها بحجه انه شاريه لأخته...
/من قالك شاريه لغيرك..
/انت قلت لأختك!
/بشاير شاري لها من اسبوع...
قامت تطالع الدبدوب ثم رفعت راسها/ مشكور يا...
/ ههه يا ايش...
بخجل/ياأحلى مازن..
مازن/ بس!!
/ ليه وش كنت متوقع
بمرح/ سلامتك...
/ طيب كيف اشيله..
/عادي هو يشيلك !..ههه وصافحها
/ نام بدري عشان تصحى بدري..
... تواعدوا يشوفها بكره قبل طيارته بوقت...ورجع ...
...
.....
.......
...........
.......
.....
...
الساعه ½ 7ص ...
=======
... دقت لمازن تطمن إذا صحوا وكانوا احرص منها لانهم صحوا ونزلوا يفطرون
اما هي افطرت مع ابوها و سلمى ثم دقت لغدي وطلعوا لشباب مع سواق ريماس وركبوا اغراضهم وطلعوا يتمشون مع بعض لحد الساعه 8 دخلوا المطار... لان طيارتهم الساعه 9ص ... وراح بدر وغدي يختمون الجوازات ومازن و ريماس واقفين يطالعون غدي وبدر ليما بعدوا لف لها لقاها تطالعه ابتسم/وصلنا اخر المشوار...اقصد المطار وشوي وبسافر ...
ريماس/حطت يدها على قلبها و غمضت/ آآآآه
بخوف/اش فيك ...
فتحت /حسيت بنغزه!!
بخوف/من ايش!!
ابتسمت بعذوبه/منك...
بادلها الابتسامه/عشان بسافر..
بجديه/لا عشاني ما حب اسمع الكلام هذا..
/اي كلام..
/آخر المشوار... اخر المطاف...ومن هالكلام...
/ اها بس جد حنا وصلنا آخر.....(وسكت) لانها رفعت له يدها عشان مايكمل...
وطلعت من جيب بنطلونها نوتا صغير وحطته بجيب التشيرت حقه..وطلعت علبه مسكت يده وحطتها فيها/لاتفتحها الا بغرفتك في السعوديه ...
/ مافيني صبر...
تذكرت مازن ولد خالتها يوم اهداها السلسله يوم كانوا صغار وابتسمت...
/
ضحكيني معك...
/ههه لا ولاشي..
شاف بدر وغدي من وراها راجعين لهم حب يستغل كل ثانيه معها....
/ريماس..
رفعت راسها كانت تلعب بجوالها لان مازن احرجها بنظرتها/ نعم..
ماكان يبغى يسافر قبل ما يتأكد من مشاعرها مع انها دايم تقوله يالغالي/بتشتاقين لي؟!
بخجل/ أكيد..
/بتكلميني؟!
/ اكيد..
/بوحشك ..؟!
/اكيد..
/بتفقديني؟!
/اكيد..
/تحبيني؟!
/اكيد..
لحظة صمت..............
..بعد ماستوعبت سؤال مازن وجوابها نزلت راسها...
/ههه من متى؟؟
عصبت لانه استغل برائتها /انت شتقول..
شاف بدر وغدي ما يفصلهم عنهم سوا خطوات/و لاشي..
/ بس انا ما....
غدي/طولنا عليكم..
لفت لهم وسكتت..
مازن/لا ابدآ.
غدي/يا الله والله بيصير لكم فقده...
مازن/ اكيد (يطالع ريماس اللي صدت عنه وابتسم)
(يا الله انا وش فيني ليه قلت له ..معقوله كان يستدرجني عشان اقول له اوف وانا اللي اقول بخليه على اعصابه

وينكم :(
توقعت تفآعل : (
مو منزلة بآرت ألآ إذآ شفت ع الأقل رد : (

يومين ولآ رد وآحد !
شكراً على أنكم علمتوني قبل أتعّب نفسي وأكتب : )

اهلين فلبو يشرفني اني ارد عليك الرواية مرة حلوة

أختي مرهفة اححساس مشكوره على النقل
لكن حبيت اقولك وللمتابعين أن الروايه موجودة في المنتدى
تنزلها الاخت حلا الكون وهي مستمره في تنزيل البارتات والروايه باقي اجزاء بسيطه على النهايه
وهذا الرابط
http://alfrasha.maktoob.com/showthread.php?t=730525