خسارة غلطة العاشق يحطك أول أحبابه قصه كتبتها اتمنى تعجبكم

القصه باين عليه حلوه كمليها
ومشكوره على القصه

الفراشه الجميل دريم ويب اسمحيلى القصه كده مش بيان منها اى حاجه ولكى تلاقى اقبال من باقى الفراشات ارجو منك ان تقومى بانزال اكثر من جزء لكى تبان معالم القصه والشخصيات ولذلك لان البارت الذى قومتى بانزاله قصيرولكن كبدايه اسلوبك رائع وارجو الا يسبب هذا الكلام اى زعل منى وشكرا

اهلين دريم ويب قصتك شكلها رهيبه
يالله عااد لاتطوولين علينا ونزليها
يوه ماحب كلمة <<لايكثر تفشل
يالله ننتظرك يااحلووه
اختك &&ليالي نجد&&

يلاا كمليها بليز شكلهاا روعه
يعطيك العافيه يالغاليه ..

؛؛البارت الثاني؛؛
أم مطلق وهي تلعلع مثل العاده لكن بخفة دم : يامريم يالله نحط لاابوك واخوانك العشا
مريم : ياربي يمه لا تصرخين سمعت من كبر البيت يعني مسويه فيها يمه خ
دخلو المطبخ يجهزون العشا وهم بالمطبخ
مريم : تصدقين يمه امنيتي بحياتي كلها تخيلي وشو ؟؟
ام مطلق منهبلة : وشي يابنيتي تتزوجين مازن ولد عمك مثلا ولا تسافرين برا
مريم : ههه ماحزرتي بعدين وش هالطموح يمه ماالقى الا ذاك الخكري مويزن الله لايحومك كبدي
أم مطلق : وشو اجل وامنيتي وبحياتي وش تطلع يعني لاعرس ولا سفريه وبعدين وش شايفه نفسك عليه على ملحك ولا على قروش ابوك ( وهي تقول بنفسها عسى بس مايسمعني ابو مطلق اروح بخرايطها )
مريم : وهي تناظر سقف المطبخ ام تدرين وشي امنيتي يمه
ودي يوم واحد بس واحد اتعشى من برا
مادرت مريم وهي بغمره احلامها الا وذاك الصحن يصك راسها
ام مطلق : اقول قدامي بس انتي واحلامك اللي مثل وجهك
راحت مريم طبعا بعد ماجهزو العشا تنادي اخوانها
وقفت عند درج بيتهم : وبصوتها العربجي مطيلي يق
الدختور ( تقصد مناحي طبعا )
حميدان
برهوم
مريم وهي مندمجه تنادي وتحس نسها المنتصره لانها جالسه تهزأ اخوانها وتتريق عليهم من بعيد لبعيد
مادرت الا مطلق نازلها يركض ركض : مريوم تعالي خل ابعلمك وشلون تناديني مطيليق
تعالي اعلمك منهو مطيليق قالو لك اصغر عيالك
مادرى الا ومريم حاطه رجلها تفحط يباه شف مطيليق ( ماتتأدب )
عاد كل شي عند ابو مطلق الا مريوم ( تخيلو هالعربجيه دلوعته )خ
ابو مطلق : كلش الا بنتي مريوم دلوعتنا هذا جزاها يامطلق تناديك تعشى
وانا اقول ولدي العاقل اخر شي تلحق اختك
مريم وهي تناظر مطلق نظرة انتصار : احم احم الله يخليك يبه لي شفت يبه جزا المعروف سبع كفوف
مناحي وهو يدخل : سبع كفوف شويه عليك ياطويلة اللسان
مااقول الله يكون بعون الرجال اللي بياخذك
حمود وهو يفحط صقع الباب وعلى وجهه : بلعتو العشا عني ( طبعا المسكين همه بطنه مايدري وش السالفه )
الكل : ههه
مريوم : حميدان ممكن سؤال الحين كل اللي تبلعه وين توديه مايبين عليك ابد
مادرت الا وام مطلق تسحبها من شعرها : اذكري الله يالملسونه ماادري من وين جايبه طوالة هاللسان
أبو مطلق ماصدق خبر : الله اعلم ماتدرين يام مطلق
من شابهت امها فما ظلمت
مطلق ومناحي وحمود : ههه حرام عليك يبه الا الغاليه
مريم وهي ميته من الضحك وهي تصرف : يوه ماتحسون اننا ناقصين
كلهم يلتفتون على بعض وبصوت واحد : ندو وينها ماناديتيها
مريوم : ايه نسيت اقولكم
ترى ندى نايمه اليوم من بدري صايره ذا اليومين
الكل ضحك على خفة دم مريوم
بدو العائله بالعشا وهم يضحكون ويسولفون
مناحي : مريوم مدري لي الصحن
مريوم : وش قالو لك خدامه عندك
مناحي : يعني منتب ماده وهو يطالعها بذيك العين الحمرا
اجل شفتي اللي وصيتيتني عليه اجيبه لك وهو يطالعها بنظرات انتصار ممزوجه بضحك
افلقيني لا جبته لك
مريوم وهي مصدومه : لا كلش الا السكوتر حلم حياتي
تكفى خذ الصحن وعشاي بعد بس جب السكوتر
مطلق : اخس يامناحي عرفت كيف تأدبها ههه
دواك يامريوم
مريم وهي تطلع لسانها لمطلق : انت وش دخلك
مطلق وهو يطالع سقف الغرفه وكنه يفكر : على مااظن فيه احد مترجيني اجيب له عشا من برا قبل اسبوعين
والراتب بينزل بعد بكره كنت ناوي بجيب بس شكلي بهون
مريم : لا تكففى الا العشا من برا حلم حياتي
حمود : انتي يامريوم كل شي حلم حياتك مابقيتي شي
مطلق وهو متروع : بسم الله خلاص بجيبه بس بفتك من ذا الصراخ
مريم وهي تضحك
الله يسلم اخواني يارب ويحفظهم لي
ابراهيم : ايه يالمصلحجيه
الكل ههه
ابو مطلق : اقول تراكم صجيتوني ونسيتوني السالفه اللي كنت بقولها لكم
ام مطلق : خير ان شاء الله
ابو مطلق : الخير بوجهك
بس ترر اخوي ابو مازن راجع من السفر وودي اعزمه عندنا من زمان مااجتمعنا ولا شفتو عياله
مطلق بنفسه ( واوك من وين طلعو ذولا وهو يتذكر مازن الخكري وسخافته بس ماحب يبين شي لاابوه عشان مايسوي زعل بينهم )
ام مطلق بنفسها ( الله يعينا عليهم وهي تتذكر كيف ام مازن شايفه نفسها ) : حياهم الله ولو ماتشيلهم الارض نشيلهم بعيونا
بس
قاطعها ابو مطلق : وش بسه لا تقعدين تبسبسن علي قولي وش عندك
ام مطلق وهي مقصره صوتها : وين بنحطهم فيه البيت مايواجه .....
أبو مطلق : والله اخوي مهوب غريب ويعرف البير وغطاه وبعدين
وش فيه بيتنا ليه موب عاجبك
ام مطلق : تعوذ من ابليس ياابو مطلق اللي تبيه بيصير
ابو مطلق : اعرفك يالطوف حرمة اجوديه وبنت رجال
مريم : احم احم يا اهوه
نحن هنا
أم مطلق : الا ياابو مطلق متى بنعزمهم
ابو مطلق : يوم الخميس الجاي ان شاء الله
مناحي ( وده يتهرب من هالاجتماع بااي طريقه )
يوه نسيت عندي بحث ولازم اسلمه يوم الخميس
حمود : اقول يالدختور ( لا ويقولها بكل ثقه في الوقت اللي كان مناحي وده يذبحه )
خل عنك النصب مافيه بحث يوم الخميس لا تفقش
مناحي وهو ينتاظره نظرة غيظ : بعدين اصلا غير البحث الشباب مجتمعين بعدين انت ياحميدان خل عنك اللقافه
ووش يفهمك بها الامور
مريم وهي قرفانه وهي تمطمط خشتها : يبه انا يوم الخميس بروح الحديقه انا وابراهيم
ابراهيم وهو منهبل : روحي لحالك انا بقعد اشوف عيال عمي وشلون شكلهم قايل
مريوم : برهوم لا تسوي فيها وتمنذل علي تراهم اوادم عاديين ( وهي تقول بنفسها مدري على ويش شايفين انفسهم )
ماحست بنفسها الا وهي تقول وع ( بقلب )
ابو مطلق :: بلهجة حازمه اقول مااحد بيروح ولا احد بيجي
المهم جهزو انفسكم ليوم الخميس الجاي ان شاء الله
ام مطلق : ان شاء الله يصير خير
مريم بكل عربجه : طايب طيب
انت تامر وحنا نطامر
مطلق : اقول انتي بلاا مطامر مرجوجه اركدي بس ههه
الكل : ههه
طلع الكل ينام بعد هالجلسه الحلوه اللي سمعو فيها هالشي الغريب مع توقعهم ان عيال عمهم ماراحو يوافقون على هالعزيمه
لانهم شايفين انفسهم بقوه ومو اي مكان يروحون له وخصوصا ام مازن اللي كانت لاهيه بسيدات المجتمع اللي تعرفهم
مريم وهي منسدحه على فراشها ومتلحفه ببطانيتها الخضرا : ياربيه وش البس
وش اسوي بشعري احط جل ( مسكينه توها سامعه بالجل وتحسب ان الكشخه لا حطته مع انه مايضبط معها لاان شعرها حرير خ
وهي تفكر مادرت الا وهي تشاخر مثل العاده ههه
وبغرفه العيال مناحي ومطلق
مناحي : مطلق وش رايك بهالسالفه الغريبه وش مناسبة العزيمه
مطلق وهو منسدح والمخده على وجهه : علمي علمك يااخوي
بس عموما ترى هي ليلة وحده نتحمل شوفة انفسهم علينا فيها مو عشانهم عشان الوالد مايزعل
مادرو الا وحمود طاب بوسطهم مثل عادته لا تحمس : الا عيال عمي حلوين
عندهم فلووةوس كثيره
مادرى الا مخده جايته تمشي مليون من مطلق : اقول رح نم احسن لك
مناحي وهو يضحك : ايه والله نامو احسن لكم
ياترى وش موقف ام مازن من هالعزيمه
وهل عيالها بيوافقون يحضرون
هذا اللي بنعرفه بالبارت الجديد ان شاء الله
انتظركم يافراشات عشان تقولون رايكم بهالبارت

روعة
ننتظر البقية

ورقة شجر
هلا ورقة شجر
عيونك الحلوه
مشكوره على المرور ...

mona elgaoahergy
مشكوره على النصيحه
وان شاء الله القصه تعجبكم والقى تفاعل منكم
لا وش دعوى ازعل منك الا اشكرك على النصيحه ..
مشكوره مره ثانيه على المرور ...

&&ليالي نجد&&
هلا والله وغلا
مشكوره ليالي نجد على ردك الحلو
وان شاء الله تعجبك القصه ...