خطوات ورديه
27-04-2022 - 02:24 pm
السلام عليكم و رحمة الله و بركاته..
كيفكم يالغوالي .. وش اخباركم..؟؟؟!!
و كيف الاهل و الجيران..< كيف البرد معاكم ..<<أقول اخلصي بس..
المهم احس القسم هنا كله مشاكل الله الكافي
الله يفرج كرب كل وحده فيكم و يفك ضيقتها
و يارب يسخر لكم ازواجكم..
امين يارب العالمين..
الموضوع يا ستات اننا كنا جالسين انا و زوجي المغرب <<الله لا يغير علينا قولوا امين..
المهم كنا جالسين..
شوي الا هو يسألني وش رايك تنزلين موضوع ف الفراشه...؟؟؟
قلت له عسى خير..
قال ابد جات فكره في بالي.. و قلت تسألين الفراشات عندكم نشوف اراء الحريم كلكم زي بعض..
<<الله يستر
قلت له عاد وش اللي جاء ف بالك؟؟
تخيلوا وش الفكره اللي طرت عليه..!!!!!
يقول لو كنتي ف الحمام (دورة المياه) و انتم بكرامه و ما قفلتي باب الحمام و دخل عليك زوجك<<قاصد طبعا وش ردة فعلك؟؟
<<الله يستر شكله ناويها لكن هين..
و كمان يقول يعني وش رايك ف الزوج او الزوجه اللي يدخل الحمام و ما يسكر الباب يرده بس
على اساس انه فري..عادي زوج و زوجته<<هذا هو سؤاله اصلا بس انا فهمتها زي الموقف الاول
و قلت يعني قصدك كذا؟؟قال لي عادي الاثنين..!!
المهم وش بتكون ردة فعلك لو زوجك سواها..؟؟؟
و عادي عندكم تتركون الباب مردود...؟؟
خ
يا حليله هو و هالسؤال اللي طرا عليه..
انا عن نفسي من يوم يومي و انا لازم اقفل الباب حتى لو كنت لوحدي ف البيت
خلاص يدي تعودت
لكن من بعد الفكويره اللي طرت على الحبيب.. بحط قفلين
اما بالنسبة اني عادي اخلي الباب مردود و لا لا..
بصراحه لا..
ما اعتقد اني بسويها ابد
الا ف حالة اني انظف اسناني او اغسل وجهي او يدي<<احلفي
يعني شي عادي و سريع..
اما غيره يوه لا لا لا ..
اما في حالة انه جاء يوم و نسيت اقفل الباب .. و أقتنص ابو الشباب الفرصه و فتحه
ذيك الساعه بقول الله يعينه
لا مستحيل ارضى..
خ
يمكن اكون في وضع محرج..
ياخي باخذ راحتي..
ممكن عادي لو كنت اتحمم بس..
اخذ دش تبريد او كذا خطرت ع البال اني اخذ لي دش..
ذيك الساعه لو فتح ما علي ما بزعل.. <<الله لا يقوله..
خ
يا ويلي قاعده اتخيل لو سواها يوم..
و الله شكله ناوي لكن هين بقلبها عليه هع هع..
بتغدى فيه قبل لا يتعشى فيني.
يالله يا حلوين انتظر ارائكم..
و لو انحطيتوا بذا الموقف وش ردة فعلكم..؟؟
و من عمرها مرت بموقف من هذا الطراز؟؟
او مشابهه له تتحفنا هونا..
خلونا نفرفش شوي..
بروح اسوي العشاء و ارجع لكم..
ان شاء الله تكونون رديتوا..
دعواتكم لنا..
و الله يوفقكم و يسخر لكم ازواجكم و يسخر لي زوجي و يجعلهم ما يشوفون غيركم
و يستر عيوبهم عنكم و يستر عيوبكم عنهم و إياي..
و الله يرزقنا و اياكم الذريه الصالحه..
و يارب ترزق كل اللي ما تزوجوا و تيسر للي بيتزوجون ..
الله يسعدكم جميعا..و أيانا..
"اللهم آآآآآآآمين"
.."ربي لا تذرني فردا و انت خير الوارثين"..
بانتظاركم ولكم مودتي
خ سؤاله خطير
طبعا اقفل الباب واذا اتروش لا مااقفل خ
وتشكرات اول وحده ترد