خطوه خطوه ومن الف ال الياء لكل عروس

السلا عليكم ورحمة الله وبركاته
اولاً الف الف مبروك لكل العرايس والله يتمم عليكم امين يارب العالمين
من فتره وانا ابي انزل هالموضوع واليوم كتب ربي انزله لكم و ان شاء الله الكل يستفيدمنه
طبعاً ابيكم تعذروني لاني رح اكمل كل ماسمحت لي الظروف واللي تبي اي استفسار تسأل
طبعاً كل اللي بقوله من تجربتي الشخصيه او مقربات لييعني اللي بتانقله امانه تذكر اسمي
ورح اتكلم عن التجهيز بصفه عامه واللي عندها اضافه تذكرها لله يجزاكم خر
بالله بسم الله نبدااء
اول شي حطي لك برنامج للعنايه لشخصيه
مثلاً حددي يوم للحمام المغربي كل اسبوع تراه مره حلو وتقدري تسويه في البيت
وحلو لوتستخدمي معاه سنفره للجسم ولا تنسين تسوين لرجولك مع كل حمام بدكير وقبل تطلعين خلي في جسمك ماء وحطي الخلطه التاليه <<وا تنسين اقدامك>>جلسرين +زيت لوز+زيت ليمون+ زيت مشمش
والبسي ملابسك.....
خلي يوم في الاسبوع لحمام الزيت لشعرك علشان اذا بغيتي تصبغينه مايتاثر
لا تبخلين علي بشرك استخدمي واقي من الشمس في النهار وكريمات لليل واشربي مويه قد ماتقدرين
ونظفيها كويس كل يوم وخلي يوم لتنظيف العميق............
في هذي الفتره حاولي تتجنبين المكياج وخففي منه في اعزايم ولما تطلعين لابوو الشباب في هالفتره
علشان تكون لك طله وانتي عروس وف شهر العسل.....
نجي ف التجهير والسوق :
حددي لكل يوم شغله علشان ماتتشتتين الا العطور اختاري مع كل دخله عطر ولا تكثرين وخذي الحجم الصغير احسن ....
نصيحه لا تشترين ملابس كانك منتي شايف السوق اذا اعرستي<<يعني لا تبالغين>>انك ان شاء الله بتشترين مع ابو الشباب
اشتري ثلاثه فساتين او اربعه وكم تايور حلو فخم
كثري من الملابس اليوميه لطلعاتك انتي يااه ولك في البيت لانك مارح تجلسين طول اليوم بالقمصان ولانجري,
لا تكثرين من الانجري الحياه مو كلها نوم , وحاولي تنوعين يعني بجايم وقمصان طويله وقصيره مع ارواب وبدون واطقم ملابس داخليه معاها ارواب تراه حركه حلوه, ولا تنسين تاخذين ملابس داخليه باللوان التاليه :
الاسود والبييج والابيض + سيور شفافه.......
نجي للمكياج.. شتري اطقم اي شدو مو اللي بالحبه اوفر لك واحسنن
ولا تنسين تاخذين علبه صغيره اي شدو للسفرر
خذي ثلاثه انواع اساس برونز +بيج+ زهر
بعد البودره نفس الشي والبلشر كمان ثلاته زهر واورنج وعلى برونز شوي
لا تنسين قلم الكحل والاي لاينر لازم شي اصلي وكويس , وشكلي ارواج وقلوسات
وبعد لا تنسين اساس الجسم حلو لما تلبسين قمصان او قصير قدام ابو الشباب.........
الجزم اهم شي ابيض واسود وكثري من الصنادل الواطيه للمشي لما تسافرين او للبيت
ولا تنسين تاخذين بوت رياضه للمشي ...
الشنط .
لا تبالغين ولا تكثرين لان موضتها بتروح بعد فتره والله اني ندمت لان عندي اشياء جديده مااستخدمتها.
لا تسين شنط السفر صغيره للمكياج وصغيره للملابس ووسط الكبيره مالها داعي ترى...
البخور والعود.
هذي الشغلات مالها مدة صلاحيه بالعكس كل ماابطت كانت احسن , ولا لاها موضه ولا موسم
اشتري عود من النوع الزين حتى لو كان غلي لانك مارح تخسرينه ورح يستخدمه معاك زوجك ورح تحتاجينه في العزايم
المخلطات فيه اشياء اساسيه مثل دهن العود والمسك والخمريه
البخور خذي للبيت ولك شي يومي وخذي شي مميز لك في العزايم
ولا تنسين ابو الشباب بخريه كل ماجا يطلع وشوفي خشت وشلون بتصير بيطير من الفرح
لا تنسين عطور المفارش وانتبهي من اللي فيها ماء او كحول ....
ولما تودين جهازك لا تنسين صغار الامور تراها مهمه
مثل الفوط الصحيه . الكلوت اللي يستخدم مرهوحده وهذ مفيد في السفر البسي وارمي,
الفرشاه والمعجون وادوات النظافه الشخصيه
العلك او حبوب لازاله رائحة الثوم والبصل
وللحديث بقيه اليوم تعبت