خلطة تهبل للشعر نعومه لمعه و الله النتيجة هائلة

انا يتلي فتره ماقمت احط حمامات زيت ولا شي و صار مطفي شوي و كدرني هالشي ..
لكن لما سويت الخلطه العجيبه الحمدلله رجع لونه + النعومه + اللمعه ..
بسم الله نبدي مكونات الخلطه ..
1 - نصف موزه
2 - ملعقتين كبار زيت زيتون
3 - رشه بسيطه قرفه (( دارسين ))
4 - ملعقة شاي عسل
الخطوات :
1 - تاخذين الموزه و تهرسينها بالشوكه .. لين ماتصير ناعمه ..
2 - تضيفين العسل وتخلطينهم زين ..
3 - تضيفين زيت الزيتون و تخلطين كأنج تخفقين المكونات ..
4 - تضيفين القرفه و تخلطينهم و تخلين الخلطه 5 دقايق ..
(( ملاحظه : احيانا الموزه ما تنهرس عدل و تصير فيها قطع قطع .. بهذه الحاله ممكن تحطونها بالخلاط ))
5 - الحين الخلطه صارت جاهزه وحطوها على الشعر من الجذور الى الاطراف .. مع تدليك الفروه شوي و بعدها لفو الشعر بنايلون اللي حق تغطية الاكل و فوقه لفو فوطه عشان مايحوش راسكم البرد و تمرضون
[تغطية الراس هذه خطوه مهمه خاصه في الشتا عشان ما نمرض بختلاف ماهو بالصيف ..
و بس سلامتكم ..
(( الشعر شوي بتصير فيه ريحة موز خفيفه .. ))
يعني بعد ماتجففون الشعر بخروه او طيبوه ..
انا خذيت زيت الياسمين العطري و حطيت منه شوي على اصابيعي و خللتهم بين شعري و صارت ريحته خفيفه و روعه ..
انتظر آرائكم و ردوودكم الحلوه ** لا تحرموني منها **