خلطه بمايونيز الثوم شي

صباح الخير
جبت لكم خلطه خيستني بس بصراحه روعه من اول استخدام بس اللي ما عندهم ازواج عادي
عاد هي مو خياس مره يعني
انا لما حطيتها قعدت فيها 4 ساعات وربطت راسي بكيس نايلون يعني المخ وصلته الخلطه بس يوم غسلته وجيت استشور صراحه شي حلو مره حتى اني انبسطت من شوشتي بس اللي ضيق خلقي الريحه
المهم انا شعري ناعم بس مليان مطبات يعني يبيله شي يفرد ذا المطبات يعني غجري بس متحمس شوي
المهم طولتها وهي قصيره
الخلطه هي من غير ما اقول الكميات كل وحده على طول شعرها
مايونيز بالثوم وهو اساس الخياس
انا لاني فيني قشره
عصرت ليمونه وحطيت خل بس شوي لا تكثرين خل يعني مقدار الغطا بس
والزيوت السبعه اللي من صانصلك عشان تهون الريحه بس ما كان عندي يمكن عشان كذا طلعت الريحه قويه
وبياض بيضه للمعان الشعر واخلطيهم زين وحطيهم في شعرك ولفي شعرك باي شي نايلون واذا تبين نتائج اسرع عشان يطلع شعرك مستشور خلقه لفي راسك بقصدير وحطيه في الفرن ربع ساعه الا وانتي تدلعين بشعرك
لا لا امزح ههه
المهم هاذي الطريقه عطتني اياها وحده مغربيه بس عشان اوضح المصدر
انا قعدت 3 ايام لين ما راحت الريحه حتى زوجي قال لي ريحتك شورما خ فشيله
بس زي ما قلت لكم انا ما حطيت الزيت اكيد انه يخفف الريحه واذا اتروشتي عطري شعرك وبخريه والثوم مو زي الحلبه ريحته اخف
وان شاء الله تصير شعوركم ناعمه بس لا تنسون حكاية الفرن
وادعوا لي اني احمل واجيب نونو بنوته حلوه ومتعافيه تقر عيني وعين ابوها