خلي اللي لسه ما تزوجت تستفيد من تجربتك و ابتدي بنفسي

1. و دخلت بعد 3 اسابيع


2. انا احس ان الزواج ادا ابتدى بمنكرات ما تحصل فيه البركة عن جد

طبعا انا سلمكم الله احس اني زوجي على مقاسي تمام
يعني لهو ابن امه و لا وسيم بزيادة بحيث اتضارب معاه على المراية و لا شي
انسان عادي وظيفته زينة مقبول شكلا و مثقف كثير و هدا اكثر شي كنت ادور عليه
و الله يا بنات اني من انا صغيرة مو سن زواج و انا اتمنى اتزوج انسان مو وسيم و يكون يحبني اكثر من اني انا احبه
طبعا هو لما تقدملي كانت في شهر ثمانية في عزز الصيف و كان قد تقدم لي قبلو ياما بس اهلي كانو يرفضوا من بعيد على اساس اني اكمي الجامعة و بعدين و توفى ابويا الله يرحمه فبدو اخواني يحسو بالمسؤوليه فاول ما خطبني زوجي شاوروني رفضت بحجة انو متشدد
لكن اهو راح و رجع بعد مدة بسيطة الرجال عجبتو عتبة بيتنا و جاب معاه ناس من قرابته و خطبني من جديد و قال دومتها هي اللي رافضة ابغى بس اعرف السبب
المهم اخويا جلس معايا جلسة خاصة و نصحني انو الرجال شاريني و اني اعيد التفكير ,انا كنت لما اسال خواتي اللي شافوه من الدريشة عن شكله يقولون لي و الله انه وسيم بالحيل و يمكن يا بنات بيني و بينكم هدا هو اللي خلاني اكره الارتباط منه
بس بعد النظرة عرفن ان كلامهم كان خراط لا وسيم و لا جدتي عادي
و يوم النظرة جاية انا طبعا مستحية و جلست جنب اخويا يا بنات صرت ابغاه يرفع راسو اشوفه ما رفع انا ابحلق و هو مستحي ما قدر يرفع في رغم اني لا تمكيجت و لا شي -
سبحان الله يا بنات حسيت براحة معاه بعد الملكة مو طبيعية لدرجة ان امورنا كانت سلسة للغاية و زواجنا كان اسلامي حتى الصور مافي و الله باقتناعي الشخصي ما فرض عليا شي
لا موسيقى و لا خرابيط و قالي تبغين ما رح امنعك بس نبغى البركة في زواجنا و البركة ما رح تحصل الا ادا اتقينا الله من البداية مش تكون بدايتها مزامير
و رحنا اسبوع عسل في اماكن حلوة برا و كان بالنسبالي سنة و للامانة ما دخلت في الاسبوع هدا كان ودود و ما حسسني بالخوف بالعكس كان ما يطلبلي داك الشي ابد

و دخلت بعد 3 اسابيع

انا احس ان الزواج ادا ابتدى بمنكرات ما تحصل فيه البركة عن جد

انا حكيت لاخواتي الحوائيات عن تجربتي نبغى كل وحدة ترجع لورا و تقول تجربتها عشان اللي لسه ما تزوجت تستفيد سواء من الاخطاء او من طريقة التعامل و الله يخليلكم زواجكم و عيالكم و ينبتهم النبات الحسن و يجعل بيوتكم عامرة
ناطرتكم
طبعا الموضوع منقول وباسم ام ادم 1981 الله يوفقها دنيا واخره
تفاعلكم يا متزوجات بالموضوع