خنتني يامنصور

1. قصه من واقعي الخاص

قصه من واقعي الخاص

في عيد الفطر طلبت مني امي ان نزور خوالي طبعا انا ساكن بالراياض وخوالي يبعدون عنا قرابه 360 كيلو وبصراحة ذالك اليوم بالنسبه لي يوم كله ملل قلت لامي وشرايكي نخليها المره الجايه احسن قالت تراني ماشفت خواتي من زمان ولو بنخليها المره الثانيه اخاف تجينا ظروف ولا نروح قلت خلاص جهزي اغراضك وخلي خواتي يجهزون اغراضهم وان شالله مع طلعه الفجر نمشي قالت خلاص ..
طلعت من عند امي ورحت الغرفه اجمع اغراضي وبعدها وديت السياره اشيك عليها ومن بعدها نطلتها بالمغسله ورجعت البيت اتقهوى مع اهلي قالت امي يافهد خلصت كل شي نحتاجه قلت خلاصت المهم جلست مع اهلي شوي ودخلت غرفتي وجلست على النت وجالس اراسل على المسن لمده 5 ساعات بعدها حيت ان النوم غلبني طفيت النت ورجعت لسريري انام
اليوم الثاني
جتني اختي بشاير
بشاير / فهد قم ترانا متاخرين انت تدري الحين الساعه كم
فهد / لاوالله كم
بشاير / الساعه 8 وانت قلت مايمدينا بنمشي الفجر
فهد/ وحنا الحين وشو الظهر الحين الفجر
بشاير / فهد تكفى قم تراني بعلم امي انك منت مودينا
فهد/ محد مسكك وذا طلعتي صكي الباب وراكي
بشاير / فهودي تراني بعلم امي بسالفه بنت خالتي
فهد/ وش دعوه يابشوره انا استهبل ولا اقدر ارفضلك طلب يااحلا بشوره
بشاير / واضح
فهد/ روحي طلعو الاغراض وانا بدخل السياره عشان نمشي بدري
بشاير / من عيوني يافهودي
قمت من النوم ورحت اغسل وجهي وتفكيري راح لم بنت خالتي انا احبها وهي ماتدري وودي اقول لبشاير تعلمها بس خفت من رده فعل بنت خالتي لو قالت انه مثل اخوي بنصدم ويمكن اكره المكان الي انا فيه ....
اونا سرحان جتني امي
امي / فهد وشفيك منت على بعضك
فهد / توني صاحي اكيد ماني على بعضي
امي / فهد تراني جهزت فطورك
فهد / يمه مالي نفس
امي / فهد علمني ليه مالك نفس
فهد/ يمه مابي افطر الحين بخليها في الخط
امي / على راحتك..
فهد / يالله احتريكم بالسياره
امي / خلاص
المهم كل مافكرت ببنت خالتي حسيت اني ماني على بعضي لاني احبها حب فوق الخيال من سنه وهي ماتدري وخاف انها تحب غيري وودي اكلم بشاير تصارحها بس بشاير عياره لازم اعطيها شي ..
شوي الا بشاير تناديني
بشاير / فهد
فهد/ هلا امري يا احلى اخت
بشاير / كل هاذا لي
فهد / ايه ولا انتي مستنقصه نفسك انتي يابشاير غير كل البشر
بشاير / فهد اخلص وش تبي انا اعرفك اذا بغيت شي
فهد / بشاير ودي اقولك كلام قبل مانمشي
بشاير / نعم آآآمر
فهد / بنت خالتي انتي تدرين اني احبها وهي ماتدري
بشاير / طيب وش تبيني اسويك
فهد/ افهميها علميها وشوفي اذا هي تحبني ولا لا
بشاير / يصير خير بس يافهد لاتنصدم اذا ما حبتك
فهد/ اكيد انكي تدرين من تحب
بشاير / ايه اعرف
فهد/ خلاص بشاير لاتعلميني كل شي واضح
بشاير / براحتك
فهد/ يالله يابشاير خلينى نمشي ونادي امي معك انا بالسياره برى
بشاير / امي جالسه تحترينا برى
فهد/ يالله بسبقكم للسياره
ورحت لمي وخذيتها بيدها وشلت عنها لاغراض وركبنا السياره
وامي ماشاء الله عليها تذكرني بكل شي تخاف اني انسى شي المهم جالسين نسولف بالسياره الا وبشاير الملسونه فتحت موضوع بنت خالتي عند امي
بشاير / يمه بنت خالتي يقلون انها بتنخطب
من يوم قالت ذا السوال بشاير ونا ارتبكت
امي / البنت توها تدرس بس انشالله نخطبها لفهد
بشاير / أي والله فهد يستاهل
فهد / يمه عطيني راسك احبه
امي / وشفيك
فهد / لا بس نسيت اسلم عليكي يوم قمتي من النوم
بشاير /ههه
امي / الحمدالله على نعمه العقل لا انت ولا اختك صاحين
بشاير / وانتي صادقه يايمه محد صاحي بالسياره
امي / وش تقصدين والله السانك يبيله قص
فهد/ أي والله يبلها قص
المهم وصلنا لبيت خالتي ونزلنا وانا مستانس وطقيت بالباب محد رد
وتصلت بشاير على بنت خالتي
بشاير / وينكي يا عنود انا عند بابكم
عنود / والله يابشوره انا بالسوق
بشاير / ومتى ترجعين
العنود / يمكن ساعتين وراجعه
بشاير / غريبه توني ادري انكي تحبين لاسواق
عنود / غصباً عني يابشوره
بشاير / ليه غصب
عنود / تسوين ماتدرين
بشاير/ لاوالله مدري
عنود / انا تملكت وبالصيف عرسي
بشاير / مبروك وراكي ماعلمتينا
عنود/ والله احسبك تدرين
بشاير/ المهم حنا بنتمشى الين ترجعون
عنود / خلاص بينا اتصال
بشاير / يالله مع الف سلامه
امي / تباركيلها على ايش
بشاير خافت اني اكشف الموضوع وزعل بس احساسي قال انها مخطوبه وغيرت الموضوع
بشاير / يمه انتي ماقلتي نبي نروح لبنت عمتي
امي / أي والله صدقتي
امي / فهد ودنا لبيت عمي نبي نروح نسلم عليهم من زمان عنهم
فهد/ ان شاء الله يمه
وانا راكب السياره دق علي ولد خالتي الي انا احب اخته ورديت عليه
خالد / هلا فهيد شخبارك
فهد / الحمدالله تسرك
خالد / سمعت انكم عندنا بالبيت
فهد/ ايه جينا وطقينا الباب ولا احد فتح
خالد / ايه صح اهلي بالسوق يتسوقون لعنوده اختي
فهد/ ايه اختي قالتلي
خالد / فهد على الاقل باركلي
فهد/ على ايش
خالد / على خطوبه عنود
فهد/ من الي خطبها ؟؟؟؟؟؟؟؟؟؟؟؟؟؟؟؟؟
خالد / منصور ولد خالتك نسيته ولا وشفيك
فهد / لاكن منصور ماقالي
خالد / ياحليله منصور موهب فاضي يجهز لعرسه
فهد / مبروك !!!!
خالد / الله يبارك بعمرك وعقبالك
فهد/ امين ...
خالد / يالله تامرني شي
فهد / سلامتك
قفلت الجوال وجلست اكلم نفسي ليش منصور لعب علي وقالي انه مايحبها
امي / فهد وشفيك ياولدي
فهد / يمه انا بوديكم لبنت عمتكم وعندي شغل بخلصه
امي / الي تشوفه
بشاير / فهد وين تروح
فهد/ لاتتدخلين
ا
لمهم نزلتهم وتصلت على منصور ولا رد اتصلت يمكن 4 مرات وبعدها اتصل جالس يرحب فيني
منصور / هلا بولد خالتي القاطع
فهد / لاسلام ولا كلام انت خاين
منصور / وشفيك يافهد
فهد/ ليش قلتلي انك ماتبي العنود ولعبت علي
منصور / انا مالعبت عليك بس انت لو تبيها كان خطبتها
فهد / انت تدري اني بخطبها بس انت خنتني
منصور / ماراح شي خذ اختها
فهد / منصور لاعاد تعرفني ولا اعرفك
منصور / فهد لاتكبر الموضوع
فهد / انا ماكبرت الموضوع وانت داري العنود بالنسبه لي ايش
منصور / تعوذ من الشيطان يافهد والي صار صار وهاذا شي مكتوب
فهد / المهم لاشوفك داق علي
بعد المكالمه جلست ابكي من الي انا فيه
عرفت ان هذا شي مكتوب ولا حبيت اخرب فرحهم واول ماجاء عرسه رحت اول واحد يباركله بس مو من نفس بس ماحبيت اسبب حساسيات لان الدنيا ماتسوى من يزعل فيها
(( وعرفت ان الي يحب بصمت ماعمره راح يحب ))
م
ن
ق
و
ل
الكاتب / فهد السهلي