خواطر وآهات مجروحه في بحور الحب والحياه روايه واقعيه مميزه بقلم يادمع عيني خف

عندمآ أفتح عيني يومآً على وآقع لآ أريده
* عندمآ أتمنى أن يعود زمآن جميل أنتهى !
عندمآ أتذكر إنسآن عزيز رحل بلآ عودة ..
عندمآ أكتشف لآ أحد حولي سوآي ..
عندمآ أقف أمآم آلمرآة فلآ أتعرف على نفسي
* عندمآ أنآدي بصوت مرتفع ولآ يصل صوتي ..
عندمآ أشعر بآلظلم و أعجز عن نصر نفسي ..
عندمآ أبدأ أتنآزل عن أشيآء أحتآج إليهآ بإسم " آلحب "
عندمآ أضطر إلى تغيير بعض مبآدئ لتسآير حيآتي
* عندمآ أضطر يومآً إلى آلقيآم بدور لآ ينآسبني ..
عندمآ أضع أجمل مآلدي تحت قدمآي كي أرتفع عآليآً و أصل إلى آلقمة
عندمآ آصآفح بحرآرة يدآً أدرك مدى تلوثهآ
عندمآ أنحني لذل آلعآصفة كي لآ تقتلعني من مكآني آلذي أحرص على بقآئي فيه
* عندمآ آشعر بأن هنآك أنآس فرضت علي آلحيآة وجودهم معي ..
عندمآ أغمض عيني على حلم جميل و أستيقظ على وهم مؤلم
عندمآ أرى آلآشيآء حولي تتلوث و تتألم بصمت
عندمآ يدآخلني أحسآس قلق بأنني تسببت في ظلم إنسآن مآ
* عندمآ أجد نفسي مع آلوقت قد بدأت أتنزل عن أحلآمي وآحدآً تلو آلآخر ..
عندمآ أضحك بصوت عآل كي أخفض صوت بكآئي ..
عندمآ أرتدي قنآع آلفرح كي أخفي ملآمح آلحزن عن وجهي
فتكون تلك خواطر وآهات مجروحه في بحور الحب والحياة
الف(1)صل
ها هو الليل ينجلي وهاهي الشمس تبدء بالبزوغ لتطعن باشعتها الخافته ظلمه الليل وسواده الحالك تبدا بالبزوغ لتعلن عن بدايه يوم جديد ولتطوي الليل بما فيه من هموم واحزان اسهرت البعض لتجفف دموع انهمرت لاسباب مختلفه ونسمات الهواء تحرك المشاعر المهزوزه والاحاسيس المجروحه لتعيد فيها بعض من الامل والتفائل
الساعه 4:30في غرفتها البارده تفتح عيوونها بثقل تسمع الباب يندق لمار : هم
ام سعود: لمور ووجع قومي الحقي على الصلاه
لمار طارت من فراشها تفتح الباب : لبيه يمه
ام سعود وهي تتكلم بعصبيه وحزن: يمه كم مره اقولك لاعاد تقفلين الباب كفايه الي فقدناه ولا قدرنا نساعده والسبب انه قافل الباب
لمار تبوس راس امها ويدها : فديت قلبك يالغاليه الله يرحمه وبعدين وربي نسيت وتاخذ المفتاح وتحطه بيد امها اخذيه عشان ما انسى واقفل الباب
ام سعود وهي تمسح دمعه متمرده نزلت منها : يلا يا يمه صلي وسوي فطور ابوك
لمار وهي تبوس راس امها وتمسح دمعتهاا بيدها البارده : ان شاء الله يمه تامرين امر يالغاليه
رحت وانا اسكر باب غرفتي رايحه للحمام (اعزكم الله) ابي اتوضى عشان اصلي حسيت بضيق ف صدري من دمعه الغاليه الي نزلت اه يايمه ياليت اقدر انسيك الماضي ياليت اقدر اسعدك واخليك اسعد انسانه بس وعد يالغاليه اخليك ترفعين راسك فتحت المااي كان بارد مليت كفوفي بالماي وكنت احس ببرودته مسحت وجهي مره ومرتين وثلاث احس بعبره لاهي راضي تطلع ولاهي راضيه تروح وانا هذا حالي كل صبح اصحى على مواجع توضيت بسرعه ودخلت غرفتي ولعت الابجوره وصليت بخشووع احس بالامان وانا على سجادتي احس بقربي من الخالق الي يحس بمواجعي وهمومي بدون ما انطق خلصت صلاتي وفتحت الشباك جلست اطالع بالسماا واضم نفسي من بروده الهواا....
لمار وهي تضرب راسها بخفه : يوه نسيت ماجهزت فطور ابوي ياربي متى بترحمنا امي وتجيب لنا شغاله دخلت المطبخ وانا ادف باب المطبخ برجلي بضيق
عهود وهي تحوس بالمطبخ : بسم الله ياختي خرشتي قلبي وهي حاطه يدها على صدرها ماتعرفين تسلمين انتي
لمار بعصبيه : اقول وخري ماني فاضيه لك يلا انقلعي برا بسوي فطور ابوي
عهود وهي تقرب من اختها : لا انا الي بسويه روحي نامي انتي شكلك تعبانه و متضايقه
لمار وبحركه طفوليه وتحط يدها قدامها كانها ترجاها : صدق عهوده بتسوين الفطور انتي
عهود وهي تمسح على ظهر اختها وتضحك: خ ايه يالهبله بس انقلعي قبل لا اهون
لمار : هاه لالالا تكفين طالعه طالعه
عهود وهي تعطي اختها ظهرها :بس اسمعي بكره والي بعده الفطور عليك
لمار : طيب طيب مو مشكله بس اليوم تعبانه وربي مانمت الا الساعه 2 ونص
عهود : طيب خلاص انقلعي خليني اخلص شغلي
مشت بخطوات متثاقله لغرفتها فتحتها شافت صورته على الكوبدينا قربت منها شالتها بيد ترتعش من حزن وهم مكبوت بداخلها خذت صورته ومشت لي عند الشباك تطالع بصورته كان اليل بد يختفي بالتدريج والشمس بدت تطلع وتطعن ظلمه الليل باشعتها وبنورها الخافت لمار وهي تطالع بالسما ياليت لو اقدر اعطيه من عمري وارجعه مثل قبل الحين خلاص صار كبير بالسن مايدري عن الرايح والجاي مره يعرفنا ومره لا اكيد مو عارفين عن من اتكلم اتكلم عن الغالي فديته الله يطول بعمره اتكلم عن جدي الي اعتبره ابوي مو جدي رفعت راسي ومسحت دموعي بيدي وتعوذت من ابليس سكرت الشباك لاني تجمدت من البرد ورجعت لفراشي
لمار : اه يازين الدفا طلعت تنهيده حاره من صدري وانا اطالع بصورته اصبح وامسي على وجهه اتذكر كيف كان لي الاب والاخ كيف كان لي الصدر الحنون كيف عوضني وصار بمكان ابوي الي ماعرفته الا يوم صار عمري خمس سنوات مدري ست ههه بس مايفيد حتى يوم عرفته شعوري اتجاهه تم مثل ماهو مجرد عم او خال بالنسبه لي اما والد صعبه اعتبره ابوي مع انه يحاول يتقرب مني بس ماني قادره اتقرب منه ماقدرت ماقدرت اخذتني افكاري وهواجيسي لين صارت الساعه 6 الصبح حاولت انام توني بنام فزيت على صوت الجوال يرن
لمار بثقل وصوت مبحوح من البكي : الو
مها بنت عمها : الو يسعد صباحو
لمار وهي تضحك على بنت عمها : ههه هلا وغلا يسعد صباحك فديت نبضك
مهاا: اخبارك بنت عمو واحشتني موت والله يالشينه
لمار وهي تعدل قعدتها : ههه طيبه يالغلا....... انتي اخبارك ؟؟وربي وانتي اكثر من تزوجتي وانتي ماتبينين
مها: ياختي تعرفين الدنيا وهالاشغال الي ماتخلص بس ادخل المسن ولا اشوفك
لمار: المسن مو المسن الا النت بكبره لي مده مادخلته مالي مزاج لاحد
مها الي تعرف بنت عمها اكثر من نفسها : وشفيك يالغلا
لمار وهي تمسك نفسها لاتبكي : مافيني شي فديت روحك بس تعرفيني انسانه متقلبه
مها بحزم واصرار: لمار بلا سخافه بتقولين وش عندك ولا اجيك
لمار : يؤ وش تجين !! هبله انتي وش تبين من صباح الله خير
مها وهي ترفع خصله طاحت على خدها : خ عادي عبدالله طالع لدوام بخليه يقطني عندكم
لمار : لاتكفين ماني فاضيه لقرقرتك ابي انام
مها بزعل : طيب طيب الشرهه مو عليك على الي جايه عشانك يلا باي ولا انتي ماتنعطين وجهه
لمار وهي تحط الجوال على اذنها الثانيه : الو...... الو يالهبله امزح وربي امزح بس بنام تعبانه وانتي اخمدي بلا سهر
مها وهي تنهد : طيب بنام بس ترا العصر الجمعه في بيت ابوي العود كل البنات بيجون ابي اشوفك طيب
لمار بتفكير: طيب بشوف
مها : اقول مو على كيفك بتجين غصب ولا اجي بيتكم واسحبك من كشتك وهي تصارخ فاهمه
لمار: ههه زين زين يمه خرقتي طبلت اذني بصراخك بس انتي خليني انام عشان اصحى وراي غدا اسويه
مها : الله يعينك يلا سلام
لمار : سلام قلبو
(لمار الكبيره عمرها 20 وعهود وعمرها 17وعندهم اروى وعمرها 14 واخر العنقود سعود وعمره 4 سنوات)
.................................................. ...........
في غرفتهاا قطت الجوال على طرف السرير وهي تسحب الحاف
مها : عبودي يلا قوم خلاص كافي نوم يلا ماباقي شي ع الدوام
عبدالله بضيق وكسل : حبيبتي تكفي خليني خمس دقايق بس
مها : حياتي عمري انت يلا بلا كسل قوم قربت منه وهي تهمس باذنه احبك يلا قوم
عبدالله حس بقشعريره بجسمه من همس مها : ياويلي طيب يلا بقوم
مها وهي تضحك بخجل : ههه يعني لازم الحركه ذي عشان تقوم
عبدالله : ههه والله ماحد عارف لي غيرك يلا حبيبتي انا رايح اتروش جهزي لي الفطور
مها وهي تقوم من السرير : ابشر ياقلبي دقايق وفطورك جاهز
عبدالله طلع وهو لاف الفوطه عليه وينشف شعره ويقرب لسرير ياخذ ملابسه الي مجهزتها مها وراح لغرفه الملابس عبدالله وهو راسم ابتسامه : صبحك الله بالخير حبيبتي
مها وهي تصب له الحليب: صبحك الله بالنور ياقلبي ......مها وهي تقرب السندويشات لعبدالله اقول عبودي
عبدالله وهو يطالعه بحنيه : لبيه ياروح عبودي ....... مها تبتسم بخجل حبيت اقولك اني الي ابي اروح لبيت ابوي العود البنات مجتمعين هناك عبدالله وهو يبوس اصابع يدها ان شاء الله كمل وهو يقول بشوف يمكن اقول لشباب نجتمع هناك بعد ولا ببيت عمي ابو احمد مها بترجي لا تكفى بيت ابوي العود نبيه للبنات بس نبي ناخذ راحتنا انتوا اجتمعوا بعيد عنا نبي ناخذ راحتنا ياخي عبدالله وهو يوقف طيب بنشوف راي الشباب يلا تامرين على شي ........ مها وهي تتابعه بنظراتها لا يروحي الله يحفظك ....
كانت مها وعبدالله ساكنين في ملحق في بيت ابو عبدالله يتكون من غرفتين وصاله وحمام اعزكم الله ومطبخ صغير للاشياء السريعه .......
(مها عمرها 21 سنه ومتزوجه من ولد عمها عبدالله وعمره 23 سنه )
هيا وهي تسكر الاب توب بعصبيه: هذا مايفهم شي انسان بارد ولا يعرف شي من الحب الا اسمه رجعت وفتحت الاب توب بدخل المنتدى اقرا لي شي مابي انام ولا ابي افكر فيه بس اول مافتحت المنتدى على طول طارت للمتواجدين شافت بنظره سريعه شدها نكه وهو ينشئ موضوع في قسم الخواطر والاشعار
هيا بعصبيه : قسم بالله ان ماعندي سالفه انا حارقه اعصابي وهو الاخ ينزل لي مواضيع معليه معليه ماكون هيا ال ..... ان ماحرقت قلبك وقهرتك سكرت الاب توب مره ثانيه وسحبت ودخلت تحت الحاف توها بتنام الا تسمع صوت احد يدق الباب ويتكلم بعصبيه هيا طارت عيونها في الباب يوه هذا ووش يبي محمد بعصبيه: هيوه وصمخ كلاب افتحي الباب لا اكسره فوق راسك
هيا وهي تفتح الباب وتقرص عينها له : خير نعم وش تبي يا سيد محمد؟؟؟؟؟؟؟؟؟؟؟
محمد يمسكها من يدها بقوه ويلفها : انا اخوك كلميني باحترام احسن لك فاهمه وهو يشد على يدها
هيا وهي تنفض يد اخوها عنها : وانا اختك الكبيره كلمني با ادب لا اعلم ابوي يلعن شكلك يالهيس
محمد وهو يصر على ضروسه ويمسك هيا من اكتافها محمد مع انه اصغر من هيا بس حجمه اكبر منها وطويل وهيا عنده سنفوره : هيوه خلي اليوم يعدي ابرك لك ترا واصله معي
هيا تاخذ نفس عميق وبزفره : يالله صبح خير ياخي وش فيك علي وش تبي
محمد ترك اخته وعطاها ظهره : روحي قولي للبقره الي في المطبخ تكوي لي ثوبي الي قايل لها من امس تكويه شكلي بتاخر على المدرسه
هيا وهي تحط يدها على ظهر اخوها وتمشي : ابشر من عيوني بس ماله داعي كل الي سويته
محمد وهو يمسك يد اخته ويقرب له ويدنق عشان يبوس راسها: هيونه اسف فديتك سامحيني بس تعرفني اذا عصبت ماعاد اعرف من الي قدامي
(هيا عمرها 19 سنه مخلصه الثانويه وقاعده في البيت ومحمد وعمره 16 سنه في اول ثانوي مراهق طايش معروف بعصبيته وبنفس الوقت طيب وحنون خاصه على خواته الي هم هيا ومها واسما الي بعمر اروى )
.................................................. ................
تفتح عيونها على صوت الجوال الي يرن فاتحه عين وحده وتشوف شاشه الجوال المتصل"ام خماس"
شهد بثقل وهي ترفع اللحاف عنها ومتجهه للحمام ترد : هاه
عهد : هويتي ياختي الناس تطورت تقول لبيه هلا نعم
شهد : هلا لبيه امريني لبى روحك تبين كذا يا انسه عهد
عهد وهي تقعد قدام التسريحه وتطالع نفسها بالمرايه : ايه كذا الناس الحلوه ترد المشكله مقدر اسبك واقول شي لانك نسختي المهم ماعلينا لاتنسين ترا اليوم بنجتمع حن وبنات عمي ببيت ابوي العود قومي جهزي لك شي ترا الساعه صارت 2 وانتي نايمه يامال الي ماني بقايله
شهد : طيب ادري ان الجمعه اليوم وش الجديد
عهد : لابس حبيت اذكرك شهد :مشكوره يا اختي العزيزه بغيتي شي ثاني
عهد وهي تطالع تلعب بشعرها : شهوده حبيبتي انتي عمري حياتي
شهد بعصبيه : من الاخر قولي وش عندك
عهد:خ زين وفرتي علي كنت بصف حكي ثاني بس يلا المهم شهووده بغيت بلوزه حلووه من عندك
شهد وهي تنهد : طيب تعالي وخذي الي تبين ثم فارقي
عهد وهي توقف :لحظه لحظه غريبه ماقلتي لا
شهد: ياختي ماني فاضيه لك توني صاحيه
عهد: وناسه انتي اذا على كذا خلاص اذا بغيت شي بطلبه منك اول ماتصحين
شهد بعصبيه : اقول فارقي وتسكر الخط بوجه اختها
عهد وهي عادي عندها متعوده : وجعه ابد كبريت ماتتحاكا طلعت برا وهي تنزل من الدرج شافت مشعل بيده الاب توب حقه وطالع لغرفته هلو خيو
مشعل بدون مايلتفت عليها : وعليكم الهلو
عهد: حشى ماحد يتحاكا كلن نفسه بخشمه وتنزل من الدرج ياسلام وش ذا الزين عيني عليكم بارده
ام احمد : هلا والله ببنيتي وتقرب منها عهد وتبوسها على راسها
وتقرب من ابوها وتبوسه على راسه
عهد : اخباركم عاملين ايه ؟؟؟؟؟؟؟؟
ابو حمد : طيبين انتي علومك
عهد بدلع: تيبه دامني اشوف احلى اثنين قدامي
ابو احمد وهو يلتفت على ام احمد : الا وين احمد وناصر
ام احمد : احمد طلع يقول عنده شغل وناصر نايم
(عايله ابو احمد تتكون من احمد وعمره 28 وناصر وعمره 24 ومشعل وعمره 22 والتوأم شهد وعهد

يلا حبايبي بنتظار ردودكم لاتبخلون علي بردودكم الحلووه ^_*

للرفع
استغفر الله العظيم واتوب إليه