الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
27-09-2022 - 10:37 pm
حبيباتي الفراشات...
منذ فترة وانا افكر انه يجب ان اكتب واسطر خواطري وكل فكرة وخاطرة تجول في ذهني او تمر على بالي في هذه الفترة...التي أحس انها آخر فترة لي في حياة العزوبية...واني قريبا سأدخل عالم المرتبطات ثم المتزوجات...هذا ليس مجرد تفاؤل بالله هذا ظن واحساس قلب قوي...ففكرت انه من المهم جدا ان اسطر خواطري في هذه الفترة الصعبة...واحتفظ بها...لكي اقراها في المستقبل واقارن مشاعري بين الفترتين...وافتخر بنفسي او اضحك عليها...او على الأقل اتخذها مرجعا افيد به غيري في المستقبل...
ولكن الاهم من كل ذلك انني رأيت انه يجب ان اشارككن هذه الخواطر...من كل بد
لاني مثلكم...
فتاة عزباء...تنتظر ان ياتي نصفها الآخر وتحلم به كل لحظة...
ربما ستجدون في خواطري هذه مايشابه خواطركم...
ربما ستجدون شيئا يواسيكم...
ترا الخواطر يمكن تكون مو مترابطة...هي مجرد افكار بتمر بخاطري وحبيت شارككم فيها....
- _____________________
مع العلم انني انسانة متقلبة المزاج..يعني ممكن يوم كون ياسانة ومتشائمة ويوم فرحانة ومتفائلة وحاسة حالي رح اصير عروس قريبا...
- ______________________
لماذا اكتب خواطري وانشرها هنا في منتداي الغالي؟؟؟ ربما سيأتي يوم وتعلمون لماذا....وربما ستقومون بذلك مثلي...
طبعا...في البداية
عزباء
نعم عزباء
ولست (عانس)
كم أكره هذه الكلمة بحروفها البشعة...
انا لا اعترف بهذه الكلمة أصلا...من اين اتت ومتى ظهرت في لغتنا العربية؟؟
وهل هي بهذه البشاعة التي تظهر عليها ام ان المجتمع اظهرها كذلك؟؟؟
- _______________________
أيام كتير بكون مكتئبة وتعبانة نفسيا بشكل لا يصدق من ورا موضوع الزواج...خصوصي انو انا مابجيني خطابين...
وبحس الدنيا مقفلة بوجهي وسؤال (ليش) مابيتوقف من لساني....لانو بتطلع بحالي بالمراية وبقول...طيب (ليش)؟؟؟
ليش والله انا حلوة وكويسة و و و و ....
اكتشفت انو هالأيام هي بالذات ايام الويك اند...يعني خميس وجمعة...لمابفيق متاخر وبكون قاعدةبالبيت ومابشوف شمس الصباح...
شمس الصباح بتمد بالتفاؤل...يابنات نصيحة فيقو بكير وتمشو بالشمس او اقعد تحت الشمس شوفو ضوء النهار...والله انو بأثر كتير عالصحة والنفسية....
لانو الايام اللي بفيق بكير وبروح عالشغل ماكتير بحس بالاكتئاب وبالعكس بحس بالتفاؤل والحيوية...
- _____________________________________
أعرفكم بنفسي
انا فتاة اكمل ال25 سنة بعد 5 أشهر...يعني ممكن تقولو 24 ونص
متخرجة من سنتين ونصف...من كلية الهندسة...
سورية مقيمة مع اهلي ( حاليا) في السعودية
أعمل بوظيفة جيدة ولله الحمد والشكر من قبل ومن بعد
- ________________________
طبعا انا عانيت كالكثيرين وانتظرت الوظيفة سنة بعد التخرج...يعني ذقت مرارة انتظار الوظيفة...اخبركم هذا كبداية
واحب ان اخبركم واعلم انه يوجد الكثيرات بهذه الحال يعيشون مع انتظار الوظيفة
انني قمت بالمستحيل للحصول على وظيفة من تقديم سير ذاتية بالمئات في كل مكان وعملت مقابلات بلا حصر...
ولكن لم اتوظف الا عندما أراد الله لي ذلك...يوم كنت ناسية وخلص شلت موضوع الوظيفة من بالي ومستمتعة بحياتي...
بعد ايام طويلة من البكاء والحزن والالم لمدة سنة كاملة...وليش فلان توظف وليش فلانة توظفت وانا احسن منهم ليش؟؟
حتى اني فقدت الأمل وظننت اني مارح اشتغل بعمري وحياتي...
كان وقتها الوظيفة هي شغلي الشاغل وتفكيري الاول والاخير وانا انسانة طموحة جدا...
ولكن كانت كل الأمور معسرة وواقفة بشكل غريب....
_______________________
بيوم من الايام جاءني اتصال من مكان انا مقدمتله وعلى الانترنت ومن دون امل قبل 6 اشهر حتى ولا كنت حاطته ببالي اصلا انو ممكن يشغلوني عندهم...ولا كان خاطر ببالي اصلا اني اشتغل هنيك بس يعني قدمت لمجرد انو ضميري مايعذبني ويقلي ليش ماقدمتي هون ولا هون ...لانو ماشاءالله ماخليت ربع مكان يعتب عليي كلون قدمتلونوجاءت الشغلة بكل فجاة وعلى غفلة...طبعا كانت فرحتي لا توصف
رحت قلت للماما بعد مازرت المكان وعملت المقابلة
والله ان الله اذا اعطى...أدهش!!!
وتيسرت امور شغلي بشكل سريع وغريب خلال فترة وجيزة
طبعا بعدها تتالت الامور وانتقلت لعمل ثاني وهكذا...
- _______________________
ليش عم خبركون بهالقصة؟؟
بدي وصل لنقطة وحدة بس...
يعني انا لما كنت (مقتلة حالي) عالوظيفة...كمان كنت ادعي وابكي واتضرع لربي..وكان يعتصرني الم شديد...وكانت الناس حولي تحاول تواسيني لكن بلا فائدة...
يعني متل شو؟
متل وضعي حاليا...
بالنسبة للزواج
(يالله الانسان مابشبع كل مايحصل على شي بدو غيرو...شي طبيعي هي سنة الحياة)
برأيكم...اللي بعتلي هالوظيفة...مو ممكن يبعتلي كمان الانسان اللي بتمناه على غفلة وبدون علم مني وفجاة ...ويدهشني بما أعطاني؟؟؟؟
- _______________________________________________
دائما بحاول اسقط قصتي مع الشغل على قصتي الآن وانتظاري للزواج ....
لحتى واسي نفسي وصبر حالي...
مع العلم اني ماحدا بدق بابي...
آخر واحد خطبني من سنة ونصف...
من وقتها مازارني احد ولا دل عليي احد ولا ( تطلع بخلقتي احد)
كمان يوم اشتغلت ماكان عندي ولا ربع واسطة وكانو الكل عم يتوظفو بالواسطة وكان في ناس بتقلي بلا واسطة مارح تقدري تشتغلي
نفس الشي هون
بقول لحالي
من وين يابنت رح تتزوجي وانتي ماحدا بدق بابك واهلك مو اجتماعيين وساكنة بالغربة ولا حدا بيعرفك ولا بشوفك
- ______________________
الاسقاط: ( الله بيبعت...متل مابعت الشغل)
مع العلم انه والحمدلله ربي اعطاني نعم كتير من الجمال والأخلاق وطيبة القلب الف الحمدلله والشكر
بس النصيب...لسا ما اجا....
طيب ليش يعني نصيبي لسا ما اجا؟؟
طيب انا لما توظفت باول مكان...كان في واحد قبلي وترك الشغل ولما ترك فورا جابوني محله..
كان لازم يترك حتى انا اجي
ومنيح اجيت بهالوقت بالذات...طبعا اكتشفت انو لو كنت اجيت بوقت غير هالوقت كان الوضع يمكن اسوأ بكتير من الوقت اللي اجيت فيه
ألف الحمدلله
- _______________________
دائما لازم الواحد يشوف شو النعم والمصادفات الي الله ببعتها بطريقو ويحاول يكتشف الحكمة من كل شي...
أعطيتكم القصة...ومنكم التعليقات ....
ولي عودة بإذن الله
(اعذروني على انو ساعة بحكي بالفصحى وساعة بالعامية...لكن الحكي من القلب حبيتو يكون لهيك خليتو يطلع كيف مابدو يطلع بلا تنميق...بشان يدخل لقلوبكن فورا)
التعليقات (9)
looking
حبيبتي...
يا أول الرادين...
الله يفرحك قريب وتلبسي شي فستان حلو من اللي عارضتيهن بالصورة..
وانا عجبوني كتير كمان..يمكن اطلب واحد منك...
حبيبتي...
يا أول الرادين...
الله يفرحك قريب وتلبسي شي فستان حلو من اللي عارضتيهن بالصورة..
وانا عجبوني كتير كمان..يمكن اطلب واحد منك...
حلو كلامك انا نفس عمرك وتخرجت من سنتين ونص وقعدت سنة فالبيت بس من راسي جاتني عروض شغل بس كنت اقول يارب ارتاح سنة بعد الجامعة بعدين اتوظف بوظيفة اكون حابتها وفعلا صار هالشي
وبالنسبة للعرس جدا متفائلة اني ماتاخرت الا لان الله قاسم لي نصيب حلو ونفس ماتمني لانه جوني خطاب كثير ولله الحمد بس مالله كتب وكنت ارفض وانا مقتنعه والحمدلله ماندمت ولا اقول ليش وليش عندي قناعه بان نصيبي جاي بالطريق من خيره الرجال باذن الله
حاليا مستمتعة بحياتي طول وعرض سوا بالشغل او الزيارات او ممارسة هواياتي المفضلة والحمدلله علي كل حال
وبالنسبة للعرس جدا متفائلة اني ماتاخرت الا لان الله قاسم لي نصيب حلو ونفس ماتمني لانه جوني خطاب كثير ولله الحمد بس مالله كتب وكنت ارفض وانا مقتنعه والحمدلله ماندمت ولا اقول ليش وليش عندي قناعه بان نصيبي جاي بالطريق من خيره الرجال باذن الله
حاليا مستمتعة بحياتي طول وعرض سوا بالشغل او الزيارات او ممارسة هواياتي المفضلة والحمدلله علي كل حال
ماشاءلله تبارك الرحمن
ربي يحفظك ويفرج همك
ومابعد العسر الا الفرج اكيد
والله ربي كريم الله يهدينا ويغفرلنا
ويرحمنا برحمته
وربي من واسع ابوابه يرزقك من حيث لا تحستبي
ويكرمك ربي بالزوج الصالح الا يسعدك
ربي يحفظك ويفرج همك
ومابعد العسر الا الفرج اكيد
والله ربي كريم الله يهدينا ويغفرلنا
ويرحمنا برحمته
وربي من واسع ابوابه يرزقك من حيث لا تحستبي
ويكرمك ربي بالزوج الصالح الا يسعدك
يارب يا واحد يا أحد يا فرد يا صمد يرزقك الزج الصالح مخموم القلب
زاد تفكيري ب→
ماشاءالله كلامك جدا حلو
صحيح الله سبحانه و تعالى ماينسى عباده اذا الواحد توكل على الله بتتيسر اموره بأذن الله
الله يرزقك الزوج الصالح
و يرزقني يارب و يسخرلي
و يكتب للجميع الي فيه خير و صلاح .