خياط يتقن تصاميم زهير مراد في جدة وعلى ضمانتي بعد الله

بسم الله الرحمن الرحيم
صباح / مساء الخيرات لأحلى فراشات
حبايبي لأني أغليكم من كل قلبي حبيت أخدمكم
طبعا أنا دايم كنت أصرف على فساتيني شي وشويات
يعني أقل فستان 1500ريال بدون اكسسواريز
لكن بعد هالخياط خلاص وندمت على كل فساتيني اللي قبل
الصراحه أنا عرفته عن طريق أختي بس هي مامدحته لي بالدرجه اللي يستاهلها
وأنا حلفت له لو ضبط فستاني وأتقنه إني راح أسويله دعايه عالنت
ولأنه ماقصر معاي لازم أرد له الواجب وماأقصر معاه
المهم حبايبي كان زواج بنت خالي
والميزانيه مو ذاك الزود
فقررت أغامر وأفصل عنده
والحمد لله إني غامرت
تخيلوا شفت فستان نجوى كرم في برنامج آخر من يعلم وكان مره عاجبني
بس كنت يائسه ألاقي أحد يتقنه لي
وطبعا إنتوا عارفين هالفستان من تصاميم المبدع زهير مراد
رحت للخياط وطبعت له صور نجوى كرم وطلب مني 6 أمتار قماش جورسيه
ومترين كلفة
طبعا الخياط موقعه عند مجمع الشرق التجاري
عشان كذا قررت أشتري القماش من هناك
ورحت العماري وأتوقع إنه غني عن التعريف
وتخيلوا متر القماش ب10 ريال يعني كلفني 60 ريال
بس رحت جستنيه وأخذت الكلفة بحدود ال 250ريال
وخليت الفستان أسود والكلفة ذهبي وأخذت من جستنيه كمان ورده للشعر لونها ذهبي
وتفصيل الفستان كان ب250ريال
المهم الفستان كله من إلى كلفني بس 550ريال
وربي شاهد علي إنه نسخه طبق الأصل من فستان نجوى كرم
بس الصور ظالمته شوي
وتعرفون موديل الزم وهالحركات يبان عالطبيعة أكثر
ونصيحة مني يابنات جربوا هالخياط حتى لو بشغله صغيرة
لحدت ماتطمنوا له وبعدها أنا متأكده راح يصير خياطكم المفضل
وربي قررت حتى للعيد أفصل عنده عشان أكون مميزه ومحد مثلي
عالعموم هذي صور فستان نجوى كرم للي مايعرفونه
ولعيونكم هذي صور فستاني أنا
وهذا كرت المشغل

• * يمنع وضع ارقام على العام **

واللي مو واضح لها الكرت فهذا اللي مكتوب عليه
مشغل عماد
للخياطة والتطريز
المعلم/محمد شفيق
جدة - شارع المكرونة - شارع التضامن العربي - بجوار مجمع الشرق
واللي تكلمه أو تروح له تقله أنا مرسوله من طرف الغامدي عن طريق النت
وصدقوني ماحيقصر وحيسوي أحلى تخفيض لعيونكم
دعواتكم لي