داخله على الله ثم عليكم لاتطنشوني ردوا لي قبل المغرب

يسعدني اكون اول من يرد عليك
بصراحه معك حق شي يزعل
بس انصحك استهدي بالله ولاتتسرعي وتقوليله انتظري حتى الوقت المناسب
لان الامور اللي زي كذا يبيلها هدو مو نرفزه وصياح
وحلولي تذكرينه بالله عزوجل وادعيله بالهدايه
اللي يفك ضيقتك

وعليكم السلام
ام
صراحه موقف صعب
بس نصيحه لاتكلمينه ولايدري انك دريتي
في رجال مايشبع مهما اخذ يبقى يدور والعيب مو منك ولا منه وهذا طبع في اغلب الرجال حتى لو انكر يبي يشوف
اذا قلتي له يمكن مايسمع لك ولايتوب ويستمر وتكون مالك كلمه عليه وبيصير يشوف قدامك ويحرقك الامر زيادة
انتي حاولي تسالينه ودك اسوي لك شي او محتاج مني شي؟ يعني
بس لاتبينين له انك تحسين انك مقصره
غيري في لبسك وسوي له حركتات رومانسيه و
اكيد المتزوجات امهات الخبره بيفيدونك اكثر
لاتستعجلين في ردة فعلك واجلي الموضوع عشان تهدين وتفكرين وتتصرفين بعقل مو بزعل وتهور
مو ضروري اليوم تتصرفين
موفقه

هلا حبيبتي أول شي الصبر زين
ثاني شي أستخيري ربج قبل لا تسوين أي شي
ثالثا بعد ما تكونين مقتنعه بأنج تفتحين له الموضوع
أبتدي ؟؟؟
وأول مااتشوفينة أكشخي طبعا وجهزي العشا وبعد
العشا وبعد مايروق قوليله بقول لك موضوع ممكن
تسمعني للأخر ؟؟
وقولي له شنو سويتي من أول مابطلتي اللاب وأنه
بالصدفه طلع لج الايميل وبعدها أدخلي بالعميق معاه
انا بشنو قصرت معاك أذا الحرام يعجبك خلك معاه
بس تأكد أن أنا الحلاال وأنا نصك الثاني وأحنا
الأثنين نكمل بعض وأنا كنت أعدك شخص أكبر من
جذي وكنت كبير بعيني بس الحين لا والله صغرت
أكثر وأكثر وأذا كانت هذه الشغله مريحتك فبراحتك
بس لا تخبي عني شي ؟؟
وتأكد أني أحبك واموت عليك
وتصبح على خير !!
وهذي نصيحتي لج يالغاالية عااد أنتي وشطاارتج ؟؟

ترااذا قلتيله بياخذ احتياطاته منك ويعند ماراح يسوي ش الا وهو مقتنع فيه وه ورجال كبير عاقل عارف ان اللي سويه غلط .

انا انصحك من خبرة لاتقولي له ولاتلمحي لان الموضوع راح بنقلب عليك واذا عرف انك دريتي بصير يخبي عليك في كل اموره وبعدين يتأزم الوضع انتي تدوري وهو يخبي وتعيشي في جحيم من الافكار. او انه يتمادى وقدامك بعد.. فانتي اهدأي ووكلي امرك لله. وبعدين هو من نفسه يمل ويرجع فترة وتعدي

شي يقهر صراحة
بس انتي حكمي عقلك واتصرفي بهدوء ورزانة ..
لو هو عرف انك عرفتي بالشيء دة ماحيريحك وحتتعبي اكتر
حكمي عقلك
وربنا يصلحو ليكي

انا مع البنات انك تهدي ولا تفاتحينة الا هديت المواضيع هذي ما تنحل بالصياح وبعدين ابن ادم مبتلى والشيطان يسير منه مجرى الدم يعنى ما فية احد معصوم من الخطا وانتي تعرفين شخصيتة هو من اي نوع لو واجهتية ممكن مايترك لك مجال لنقاش ويسدعليك ويقولك مو انتي اللي تحاسبيني
وممكن يقول هذولا اصحابي
ويزلق عليك ويعطيك لسان حلو علشان تنسين
ع العموم الله يهدية ويصلحة
بس ممكن اعرف اشلون انفتح معك ايميلة وش ذي الطريقة

واللة حتى انا اقولك لاتقولين شى اصبرى بصراحة هالرجال مايملا عينهم الا التراب ليه يسون كذا حرام عليهم وانا مثلك مرة فتحت لاب توبى من كم شهر ولقيت محادثة مع وحدة بس هوغامض معها ماعطاها معلومات عنه حتى النك نيم اسم رومانسى ويسولف معها وانا كنت عند اهلى ويقول مقدر ادخل كل يوم لان اللاب توب حق اختى ومرسل لها مقاطع فيديو فاضحة يستحى الواحد يشوفها حسيت ساعتها انى مغفلة انرحم وسكت وخبرت اختى لانى احب افضفض لها ارتاح لها ونصحتنى ماقولة لانه بيتمادى ويصير عادى عندة ولحد الان ماخبرته ولامسحتها هو مسحها وكانى مادريت عن شى
بس بين كل فترة احاول اتكلم عن الفساد والقنوات الفضائية الفاضحة وانها دمار واعوذباللة منهم بيخربون شبابنا وبناتنا والحين المحادثات فى الشات وهذا فى زمانا وشلون عيالنا وش بيسوون الله يستر عليهم وهو يقهرنى فى هالنقطه ويمزحمعى عادى خليهم على كيفهم وهومو قصدة بس يلعب على وانا اقول ترضى على اخواتك كذا وانا قصدى ابيه يغار عليهم ويخاف لاقدر الله يصير لهم شى وهو دايم يقول لاخته مو اى احد تضيفينه عندك فى الايميل انتبهى وانتى مليون وحدة مضيفتها ليه بس الحمد للة ارتاح ان شفتة كذا احس انة ان شاء اللة عارف انه غلط
بس ماقول الا الله يهديه ويسخرة لى ولعيالى ويطول فى عمرة على طاعتة ولجميع المسلمين بس حنا ياخوات للاسف دايم نقول ليه رجالنا كذا وحنا ماقصرنا معهم طيب لية ماندعى لهم بالهدايه ليه مانستغفر لربى ونصلى الليل ونعوضهم بدل مايلجئون يناظرون الحرام
استغفر الله العظيم من كل ذنب عظيم لى ولزوجى وجمع المسلمين0

نصيحه لاتكلمينه ولايدري انك دريتي