داخله على الله ثم عليكمروضة في شمال جدة

السلام عليكم و رحمة الله و بركاته كيفكم يا بنات
صاحبتي و الحمد الله توظفت و راتبها كله ما يكمل 4500 ريال
المهم هي تبغى تحط بنتها في الروضة عمرها أربع سنوات
بحيث يكون سعرها مناسب
عرضت عليها أساعدها و أدور لها
و صار لي يومين أدق على المدارس و أسعارها يا لطيف
شي يبكي على أيه يا حسرة و هذا وهي روضة يعني kg 2
مو تمهيدي
و كلها الترم ست ألاف و خمس ألاف في هذه الحدود
قلت أسألكم
يمكن واحدة تعرف روضة بسعر حلو
هي أهم شيء عندها السعر أولا و ثانيا أنه تستفيد البنت يعني تتعلم سور قرأن أو حروف
ما تبغى مدرسة تكون مرة يضغطوهم بالدروس و المناهج
لانه دقيت على مدرسة و قالت أنجليزي قرأة و كتابة و محادثة و فرنسي
و قرأن و القاعدة النورنية و أدعية و رياضيات و حروف و
خير يا طير ما صارت روضة وش خلت للثانوي
هذا صراحة أسميه حشي مو تعليم
أعتقد الواحد بعد كذه يتعقد و يكره المدرسة
المهم يا ريت تكون في الأحياء التالية
البوادي أو الحرمين أو المروة أو الصفا أو النزهة
لا تتأخرون بالرد عشان دوامها راح يبدأ على الأسبوع الجاي