دعوه للتفاؤل وحسن الظن بالله مع الحلوه القموره فديتني للاحساس

1. بس قوليها ونامي وانتي مرتاحة البال


2. فوقك رب كريم

السلام عليكم ورحمة الله وبركاته
كيفكم بنوتات وحشتوني
كيف الانسات الجميلات ....الكتكوتات ....والسيدات الجميلات الراكزات
شفتوا كيف حلو الوحده تحب نفسها وتدلعها وتدلع اللي حولها وتمدحهم
خ استخفيت
بس صراحه هذا مبدئي
حبي نفسك يحبك اللي حولك وتحلى الدنيا بعينيا
طيب ياحلوات انا صراحة من الجميلات الكتكوتات .....اخلصي علينا اللي ابي واتمنى امور كثير
بحياتي واهمها اني اتوظف واتزوج صراحة وعلى بلاطه هيك حبيباتي
واكيد هنالك الكثير من عينتي بالمجتمع فديتنا والله البيوت من غير بنات مالها طعم
وطبعا من خلال الحياه والمصاعب والهموم والاحزان والظروف والضغوط
اوف طقيت من كثر هالامور اللي مالها الا الهم والحزن والالم والوجع
فكرت وفكرت وفكرت .....الين مليت وطقيت من التفكير
ابي حل
ابي اخرج من هالحاله
ابي اعيش حياتي بالطول والعرض
انا معززه مكرمة ببيت اهلي
انا ماينقصني شي غير هالوظيفة اللي انتظرها وعريس الغفله سعيد الحظ باني نصيبه فديتني
طبعا لازم افتخر بنص الموضوع اني سعوديه بمناسبة القرارات
مبروك ع الجميع والخير قدام ان شا الله اكثر واكثر
فتوصلت ولله الحمد لنتيجة الهم والحزن اللي انا فيه .... وطبعا بنات كثير مثل حالي ويمكن اكثر
وعرفت السر ....مافي امل
حنا ندعي ....ونطلب رب العباد
لكن بصراحة ...وحطوا عينكم بعيني هع احس اني بضحك وحده وحده لو سمحتوا لاتخوفوني بالدور
نرجع لكلامنا
لو شوي تأملت كل وحده فيكم حالها وهي تدعي ربها او تطلب منه شي
هل ياترى تطلبين وانتي كلك ثقه تامه ان طلبك راح يجاب مليون او ترليون بالميه
او فيه مجرد شك او حزن ان ممكن يتحقق دعائك وممكن مايتحقق .....؟؟؟؟
والله يابنات الاجابه ع هالسؤال صعبه
كلنا ندعي وكلنا نتكلم ونقول يارب وندعي الله لكن قلوبنا فيها الحزن والهم الكثير قد يفقوق
قوة دعائك
حبيباتي انا والله انصح نفسي وانصحكم لان كل وحده فيكم اشوف نفسي وهمي همها
بنات ارجوكم
انا فتحت هالموضوع دعوه لاصلاح مابينك ومابين ملك الملوك رب العالمين
احسني ثم احسني ثم احسني الظن بالله وقولي يارب
الخير جايني منك وراح تكون حياتي افضل وراح يستجيب ربي دعائي
وانا توكلت على الله
اتركي التفكير بالماضي وهمومه
اتركي التفكير بحالك الان ( انتي اللي خليتي حالك حزين وقد يكون للظروف دور لكن وين عقولنا )
اتركي وسوسة الشيطان انا كبرت انا ماتزوجت انا ماراح اتوظف انا مطلقه انا وانا وانا كل هالامور يوسوس لك
بهالشيطان عشان ينغص عليك حياتك ....طبعا عدونا الاوحد بهالحياه ماراح يرتاح لين مايشوفنا
متنكدين وياحسرة الكثر معطينه الضوء الاخضر يلعب بعقولنا وقلوبنا وحياتنا على كيفه
وين الله من حياتك .....؟؟؟
وين حسن الظن بالله من حياتك ....؟؟؟؟
ادري بتقولون نتفائل ومحسنين الظن بالله
لكن هذا كلام لو صدق .....كان ماشلنا هم رزقنا (زواج -وظيفه- امر اخر)
قولي يارب انا دعيتك واتوكلي على ملك الملوك
لاتفكري باي شي
قولي الخير قدام من الله
انا طلبت ملك الملوك وماعلي من هالدنيا
اللي تدور وظيفة وانا اولكم انتبهي تقولي واسطه
حبيبتي حتى الواسطه توفيق ورزق من الله .... قولي يارب واعقليها توكلي
ادعي وقومي الليل وسوي الخير بحياتك وتوكلي على الله
توكي مو تتواكلي
في طريقة ممكن تخليك تبدئي معها بداية خير
قولي حياتي بالماضي كيف كانت والان كيف صارت
انا متأكده ان الاغلبيه انجز وربي حفظه وحققه كثير من الامور فيها خير وامور كنا نظن ان ممكن
يصير فيها شر لنا ماصارت قال تعالى ( ألم يجدك يتيما فآوى)
لا اله لا انت سبحانك اني كنت من الظالمين
هنا دعوه للجميع
اللي تبي تكون معي حياها الله نبدأ حملة التفاؤل وحسن الظن بالله
نبي يكون اعظم شي بقلوبنا هو الله
انسي الدنيا
انسي همومك
انسي الواسطه
انسي كل شي
وقولي يا الله

بس قوليها ونامي وانتي مرتاحة البال

فوقك رب كريم

عن أبي هريرة - رضي الله عنه - قال : قال النبي - صلى الله عليه وسلم - : يقول الله تعالى : ( أنا عند ظن عبدي بي ، وأنا معه إذا ذكرني ، فإن ذكرني في نفسه ذكرته في نفسي ، وإن ذكرني في ملإ ذكرته في ملإ خير منهم ، وإن تقرب إلي بشبر تقربت إليه ذراعا ، وإن تقرب إلي ذراعا تقربت إليه باعا ، وإن أتاني يمشي أتيته هرولة
تأملي الحديث القدسي
اتنفسي بعمق وقولي يارب وانتي متفائله ان عنده الخير وبيده الخير
لاتقولي الناس ماعاد فيها خير
الخير موجود
ولاحظوا معي الحديث القدسي انا عند ظن ...؟؟؟
يعني تظنين خير يجيك خير
تظنين شر وحياتك دمار ويأس وحزن راح يجيك مثل تفكيرك
من الان عيدوا حساباتكم
شوفوا وين الغلط
الغلط هون بروسنا وبتفكيرنا لنا رب كريم والهم صار اكبر همنا
الحين اللي اتمناه واترجاكم انكم تتفائلوا معي ونقول يارب عندك الخير
واللي عندها اضافه او قصه عن التفاؤل وحسن الظن بالله تفيدنا جميعا حنا بحاجة نتعلم
واللي معي تقول معك واللي مو عاجبها موضوعي تدعي لي بالهدايه وان يغفر الله لي ولوالدي
ويارب اشوف الجميع هنا بهالقسم متفائلين رغم الظروف والصعاب ليه؟؟؟؟
لان لنا رب اسمه ( الكريم ) قادر يحول حياة كل انسان يحسن الظن فيه لجنه وبقلبه بعد
احبكم