دلوني يا بنات المدينة

م
اصلا مافي سوق بالمدينة غير واحد حلو هوا مجمع النور عندو اشياء مرا حلوه اخواتي يشترو للجامعه منو
اشياء مرا جنان
اسعارهم تبدا من 50 الى 200 بس صراحه تستاهل جووده و حقت كرف
اما اذا تبغي اسواق عاديه
عندك البدر <<لكن ما افضل تروحي لان اغلب البنات يشترو من عندو وكل الناس لابسه زيك
الشرق الاوسط حلو
اما سلطانة <<ما انصحك في غالي على شي فاضي
و الراشد نفس الكلام الراشد غالي على اشياء عاديه
وبس

ماازيد ع كلام سيما غير انو كمان في الكعكي فيلوا اشياء حلوه وكمان اسعارها معقوله
وبص

سيما الحلوه
نظرة شموخ
الله يعطيكم العافية حبايبي ع الرد
وانا ان شاء الله راح اروح سوق النور وكمان اشوف الكعكي،،،
وتسلمون ماقصرتو

زي ماقالت اختي سيما عندك النور مره حلو وتلاقين طلبك فيه
أما البدر والله أن أسعاره غاليه وماتستاهل يعني التنانير عنده أسعارها زي أسعار الماركات
وهي ماتستاهل يعني خذي الماركه أحسن

اذا تبغين ماركات عندك مجمع النور والراشد وعالية المدينه وسلطانه اما اذا كنتي تبغين ماهي مركات عندك البدر والقمه وقباء اتمنا اني قدرت افيدك

ماشاء الله البنات ماقصرو
لكن عن نفسي أنا أشتري للجامعه من النور والعاليه وسلطانه هذي الأسواق أحلى شي في المدينه
وبعدين كل اللملابس اللي فيها تناسب الجامعه رسميه وبنفس الوقت أنيقه
لكن أسعارها شويا غاليه زي ماقالو من 50 الى مافوق
لكن نصيحه مني لاتروحي للكعكي مو ماركه وأسعاره غاليه ع الفاضي والبدر نفس حكايته
وبالتوفيق

عندك مجمع النور أنا أشتري كل ملابس الكلية منه بصراحة مرة حلو