دميه او عروسه للمطبخ من عمايل ايديا

هموووووووووس

12-10-2022 - 09:51 pm

هاي بنات كيفكم
اليوم جايبه لكم موضوع تحفه طبعا وانا الفلف في هالمنتديات لقيت فكره مره عجبتني قلت لازم اسويها
وهيا تستخدم للشراريب او لاكياس البلاستيك واي عضوه تدخل تشوف الدميه تقلنا اقتراحاتها وفي ايش ممكن انو نستخدمها يعني تتحفنا بافكاره ....... حلوه تتحفنا
دحين بوريكم الطريقه والادوات طبعا انا خيطتها بيدي بدون مكينه لانو امي مارضيت تعطيني الماكينه تخيط شراشف للبيت ......... اصلا خايفه اخرب مكينتها زي مكينتي
الادوات >>>>>بلوزه قديمه قابله لرمي او قطعة قماش . ابره .خيط ابيض واسود.مقص.غرا مسدس.قطن.قماش ابيض
نقص البلوزه لقسمين نفصلها عن بعض من مكان المقص
وتصير كذا
دحين ناخذ القماش الابيض ونلصقو بالقماش من جوا
طبعا القماش الابيض مخيط من الجنب يعني مقفل زي البلوزه
دحين نجيب ابره وخيط عشان نخيط القماش الابيض بالبلوزه
نخيط من فوق بعدين نسحب الخيط عشان يصير زي الزم او الكلوش
دحين نقص كم البلوزه عشان نسوي صدرية العروسه
دحين نمسك الجزء العلوي لبلوزه ونخيطها ونسحب الخيط عشان يصير زي الزم بعدين نخيطها بالجزء العلوي من التنوره
عشان نلصقهم مع بعض
دحين نجي نسوي وجه العروسه ناخذ قطعتين دائريه من قماش ابيض
دحين نخيط الدائرتين مع بعض ونحشيهم بقطن
دحين نلصق القطعه الدائريه اللي هيا وجه الدميه
وهذ الشكل النهائي بعد مازينت راس العروسه عشان مانخليها قرعه تصير بشعه
وهذي تنورتها من اسفل عشان نحط الاكياس او الشراريب طبعا حطينا مطاط اسفل القطعه البيضاء
وهنا بعد مازينتها وعلقتها في المطبخ
اتمنى انها تعجبكم الفكره
وهذي الصور من بعض المنتديات
وياليت نتنافس وكل وحده تعمل دميه وبلاخر نشوف حق مين احلا ونسوي مسابقه عليها ارجو تنفاعلكم
وفي الاخر احب اقولكم انتظرو عملي الجديد مقسمات الادراج من علب العصير الفارغه او علب الاكسسوارات بس مدري متى ابطل كسل واشتغل سريع سريع
:ق1: :ق1:

التعليقات (9)

حوريه الكون

13-10-2022 - 12:50 am

يعطيك العافيه تسلم الانامل
والله شغل الخيااطه حلو وممتع
نفسي نسوي كمان ورشة عمل اطقم للمطبخ كامل من مفرش طوله لستاره لكمليات المطبخ
اذا صارة الفكره راسلوني على الخااص
اشاارك معاكم
موفقه يالغاليه

dododoa

13-10-2022 - 01:51 am

انت فنانه
ما شاء الله عليكي

هموووووووووس

13-10-2022 - 02:52 am

مشكوره حوريه الكون على مرورك والله انا من بكره نازله السوق اشتري قماش عشان اخيط اطقم للمطبخ عندي افكار تلعب براسي وانا محتاجه الاطقم والله وبنزلكم صور اطقم شفتها بالنت عشان تسوو زيها
من ذوقك يادودا يسلمو على مرورك

هموووووووووس

13-10-2022 - 03:53 am

افا يالفراشات 138 مشاهده ومافي غير رجين وردي الثالث
وانا اللي كنت ناويه انزل الشكل الجديد للدميه وكمان مقسمات الادراج تسووها باليبت من خامات بسيطه ماتكلف خمسه ريالات
يالله زعلتوني

a7la shosho

13-10-2022 - 04:54 am

واو
روعه ما شاء الله
شغ لك مره ح لو ومرتب
وخ ياطتك متقنه
وفكرتك في المنافسه دخ لت راسي
الله يعطيك العافيه
دمتِ بود
//شوشو..

ليدي ستايل

13-10-2022 - 05:55 am

والله روعه

هموووووووووس

13-10-2022 - 06:56 am

يعطيكي العافيه شوشو وياليت تسوي ونشوف عملك
ويسلمو على مرورك ليدي ستايل

ريومه2

13-10-2022 - 07:57 am

يجنون

هموووووووووس

13-10-2022 - 08:58 am

يسلمو ريومه2 على مرورك

ابي طلب منكم←
مرحبا فراشات→