دنيا العاشقين قصة رومانسية روعة

رواية عجبتني
وحبيت انقلها لكم واتمنى
تعجبكم
(( دنيا العاشقين ))
التعريف بالشخصيات
,,,

• بيت ابو ماهر ....

جاسم(ابوماهر): رجل شارف على الخمسين يملك شركه كبيره وغني جدا ومع هذا طيب ومتواضع ..
الام: متوفيه من ست سنوات في حادث .
ماهر : الابن الاكبر 28 سنه متزوج من حور (بنت عمه عبدالله) وزواجهم كان تقليدي وصار له سنتين بس ..
بشار: يجي بعد ماهر وعمره 20 سنه يدرس في الجامعه وشاب كول وطيوب وخفيف دم مرره ...
ريناد: البنت الوحيدة 17 سنه في ثاني ثنوي هادئه وناعمه

• - - - - - - - - - - - - -
• بيت ابو محمد

عبدالله (ابو محمد): 48 سنه وشراكه مع اخوه ابو ماهر باالعمل ..
فوزيه(ام محمد): مره طيبه وحبوبه عيبها الوحيد عصبيتها وخاصه مع بناتها
محمد: اكبر من بشار ب3 سنوات ومعاه باالجامعه واكثر من اخوان
خلود: 21 سنه ودرست معظم حياتها بلندن مع خالها اللي كانت متعلقه فيه من صغرها...والحين تدرس في البحرين
شوق: في نفس عمر ريناد وصديقتها كثير ومعاها بنفس المدرسه ..

• - - - - - - - - - - - - - - -
• بيت ام مازن

ام مازن(اخت ام محمد): ارمله من 10 سنوات وساكنه مع عيالها لوحدهم باالبيت
مازن: 22 سنه وصديق محمد وبشار والثلاثي يكونوا شله مع بعض
هبه: 18 سنه في ثالث ثنوي ومع ريناد وشوق بنفس المدرسه لكنها ماتواطنهم ابدا ..
وتكرههم كره ماحصل ....

• - - - - - - - - - - - - - - - - - - - -

(((
الجزء الاول
)))
نزلت من الدرج الا شوق في وجهها ...راحت وحضنتها على طول ....
شوق: حشى كل هذا نوم ...صار لي ساعه انتظرك ....
ريناد: من جد؟؟ طيب ليه ماصعدتي لي ...
شوق: ام لا بس ...
ريناد (وهي تغمز لشوق): ليش بشار هنا؟
شوق: أي فوق باالصاله...ماحبيته يشوفني
ريناد : ههه صدق خبله ..اقول تغديتي؟
شوق: اكيد تبيني انتظرك ...يلا تأخرنا
ريناد: لاشواقه خليها لبكره
شوق : شنو؟
ريناد: بسم الله شوي شوي علي ياحظي السوق مابيطير
شوق: بتمشين الحين ولا اقسم بااله اطير راسك
ريناد: ههه ياربي ايش هاالعنف اللي فيك الله يعين خالتي ام محمد عليك ....
: هاالعنف مو شئ جديد عليها
سمعوا هالصوت اللي قدرت شوق تميزه بسهوله ودق قلبها طبول وماحبت تلف له ....
بشار: يعني لسه زعلانه
شوق: ام ريناد يلا حبيبتي تأخرنا
ريناد(وهي تسحب يد شوق): اوكي تعالي شوي الغرفه .....
مروا من جنبه وشوق منزله راسها حتى عينها ماتجي في عين بشار ولد عمها اللي متهاوشه معاه هواش ماحصل ....
دخلت الغرفه قبل ريناد وجلست عاالكرسي واخذت الورده اللي عاالطاوله تناظرها وهي مبتسمه وريناد تطالعها بطرف عينها ..
ريناد: ههه لاوربي مو صاحيه
شوق(وهي تتنهد): اه ياقلبي المسكين
ريناد: اموت واعرف بشار اخوي ايش لاقي فيك ...عنيفه ودلوعه ومزهقته في عيشته لاوكل يوم مسويه له هوشه ماصارت ومع هذا يحبك ..شوق حرام عليك ...
قامت من الكرسي وراحت عند المرايه وفلت شعرها الطويل ....
شوق: ام خليه حتى يعرف مره ثانيه يصارخ ويسكر السماعه بوجهي وبعدين انتي شدخلك فينا ....
ريناد: الا دخلني اخوي وبنت عمي بس والله شوشو حرام ....
شوق: اسكتي انتي شعرفك في الحب
ريناد(وهي تاخذ ملابسها وتدخل الحمام):وااي بسم الله علي من هاالمصيبه
شوق: واحلى مصيبه ..اه بشاروه الخبل احبك والله
ريناد: ههه حب نص كم صدق اللي قال الطيور على اشكالها تقع
شوق: اقول اطلعي بسرعه قبل لا اكسر عليك الباب
ريناد : انتي لما تتزوجين راح تكسرين بيتك من أول يوم
شوق: ياي متى بس نتزوج .....
كان بشار مار جنب الغرفه وسمعها وابتسم...تحبني لين الحين الحمدلله بس ما اكون بشار اذا ماغيرتها ...
راح غرفته وقام يفكر ..أبي اكلمها بس كيف فكر يابو الشباب كويس
وحشني دلعها وغرورها....وهواشها !!!
ههه خبله وحشتني جد كيف اكلمها...ام
طلع بره البيت وشاف السابق (حكمت) باالسياره قام يفكر اها هو اللي بيوصلهم السوق ....
راح لعند السايق اللي فتح النافذه لما شاف بشار ......
بشار: شلونك حكمت اليوم
حكمت: كويس بابا بسار
بشار: الف مره اقولك بشار مو بسار
حكمت: اوكي بابا بسار
بشار: لا حول ما باقي الا تسميني فشار
حكمت: ههه هزا حلو بابا
بشار يقول بنفسه ياثقل دمك ياشيخ بس معليش نستحمل لعيون شواقه ...
بشار: واخبار زوجتك
حكمت: هزا واجد زعلان
بشار: يحق لها واحشها يالدب...واخبار عيالك
حكمت: بابا انت ليش واجد يسأل
بشار: جزاة الخير يالدب مالت بس الا اقول
حكمت : يس ...
بشار: بابا جاسم يبي انت داخل مجلس
حكمت: بعدين..انا ودي ماما شوق وريناد راشد مول
بشار: ماعليه بيتأخرون روح شوف بابا جاسم
حكمت : اوكي
بعد مااختفى السايق وراء الباب نزل بشار وفضى التاير (اطار السياره) من الهواء ...وبعدها دخل البيت وحكمت في وجهه
حكمت: وين بابا جاسم مافي شوف
بشار: والله؟ اكيد طلع
حكمت: انت بسار واجد كذاب
بشار : عمى بعينك
حكمت: ههه
بشار: خبل يفتكرني امدحه اذلف عني .....
نزلت ريناد مع شوق وهم يسولفوا ويضحكوا وصادفوا باالصاله حور (اخت شوق) وزوجها ماهر يشاهدوا تلفزيون ويتكلمون .......
حور : هلا شواقه
شوق: هلا اختي الغاليه شلونك ؟
حور: تمام..واخبار امي
شوق: تمام تسلم عليك
ماهر: واحنا مالنا رب يعني تعالي حبي راسي يلا
شوق: انا يا مهير احب راسك؟
ماهر: ياكبرها عند ربي مهير عاد؟؟؟ اقول وريني عرض مقفاك
ريناد: اقول شوشو نطلع بكرامتنا قبل لايمسح بها ماهر الارض
ماهر: وين رايحين؟
شوق: السوق ليش تسأل؟
حور: هي انتي احترمي زوجي يلا روحوا
شوق: بنروح تبين شئ من السوق
حور : سلامتكم ....
ماهر: يلا روحوا وخلوني مع زوجتي ...
شوق : من حلاتها عاد
ماهر: من غيرتك يالدبه ...اصلا لو تلفين الشرقيه كلها مثل حوريتي ماتلاقين يلا برره
ريناد: ههه يلا شوق
طلعوا الا يشوفوا السايق جالس جنب الكفرات
ريناد: حكمت شفيها السياره
حكمت: مادري هذا التاير خربان
شوق: اوه ياربي شنو هاالحظ الخايس اللي علينا ....
ريناد : يلا حاول تصلحها بسرعه
حكمت: هزا مايصير بسرعه
رفعت شوق راسها الا تشوف بشار في سياره ومشغل اغنيه عبدالقادر الهدهود (غيظيني )ومرفع الصوت ويطالعها .......
حطت يدها على فمها...هين بشاروه اوريك ان ماعلمتك تسوي فينا مقالب مثل هاالمقلب البايخ مااكون شوق
نزل نظارته الشمسيه شوي وغمز لها وضحك وطول هاالوقت وريناد تكلم حكمت ..انتبهت لصوت الاغاني ورفعت راسها
ريناد: اووه هذا بشار هنا شيسوي.؟
شوق: كاالعاده يسخر علينا
ريناد: شرايك نخليه يوصلنا
شوق: والله مااركب معاه
ريناد: يلا شوق
شوق: حلفت مافيه
دخلوا البيت وجلسوا في الحديقه عاالارض
شوق: والحل؟
ريناد: قلت لك بشار يوصلنا
شوق:وانا قلت لا
ريناد: اجل مافيه سوق اليوم
شوق: الا فيه...ام ماهر يوصلنا
ريناد: ما فيه امل يطلع ها الوقت من البيت ..طيب محمد؟
شوق: ناسيه انه في البحرين ..ام بس لقيتها
ريناد: ها منو؟؟
شوق: مازن
عقدت ريناد حواجبها اووف مازن المغرور
ريناد : لا ما اواطنه بعيشه الله مغرور
شوق: انتي شعليك منه احقريه
ريناد : لا ما فيه
قامت شوق من مكانها
شوق: باروح البيت
ضحكت عليها ريناد وسحبت عبايتها وجلست مره ثانيه
شوق: خلاص زعلت
ريناد : ههه دلووعه خلاص يوصلنا
شوق: أي كذا خليك تعجبيني اسمعيه كيف يرد علي هاالمغرور باحطه مايك
ريناد: طيب
اتصلت الى مازن ...شاف رقمها وقام بعيد عن الشباب ورد ...
مازن: هلا
شوق: هلا مازن اخبارك
مازن : الحمدلله
شوق: ام انت وين الحين
مازن: ليش تسألين؟
شوق : انت جاوبني
مازن: باالقهوه مع اصحابي
شوق: مطول؟؟
مازن : لا الحين بطلع
شوق: حلو ام ابن خالتي العزيز مازن
مازن: اختصري شوق بغيتي شئ
شوق: طيب ليه معصب؟
مازن(ونبره صوته ارتفعت): شووق جد هاالكلام ماله داعي اختصري ايش عندك
شوق بداخلها تلعن الساعه اللي فكرت فيها تدق له وحست ريناد بها الشئ وضحكت وللاسف صوتها وصل الى مازن المعصب اليوم بزياده ......
مازن: حاطه المايك ها؟
شوق: كيف عرفت؟
مازن : واضح يعني بس قولي للي جنبك تسكت يكون افضل وبلاش هاالضحكه اللي مالها داعي
فتحت ريناد عيونها عاالاخير وكانت بترد عليه بس شوق حطت يدها على فمها تمنعها
شوق: من عيوني يا سيدي باختصار انا وريناد بنت عمي نبي نروح السوق ومافي حد يوصلنا
مازن: اييوهوانا مشغليني سواق لكم ...
شوق: شدعوه مازن يلا
مازن: اقلبي وجهك باي
شوق: تعال مازن بتودينا ولاكيف
مازن: ولاتحلمين
شوق: تكفى طلبتك لاتردني
مازن : لاحول طيب انتوا جاهزين
شوق: ايوه
مازن: خلاص اطلع من القهوه ربع ساعه وانا عندكم ياويلكم لو تأخرتوا لحظه وحده اكشت فيكم واروح ...
شوق : كفو والله ولد خالتي ولا يهمك من الحين واقفين عند الباب
مازن: حلو باي
سكر قبل ماسمع ردها وريناد لسه متفاجاه من اسلوبه .....
ريناد: ياربي هذا لا مو بني ادم ايش ها الغرور
شوق: لا هو معصب شوي اليوم بعد
ريناد: تبين الصراحه وما تزعلين
شوق: قولي
ريناد: سخيف وما عنده ذره احترام وحده مع وجهه
شوق: وجهه؟ اه قمر..تصدقين احيانا اغار منه تمنيت الله يرزقني بها الجمال
ريناد: ههه خبله والله خبله انتي البنت يعني الاحلى مهما كان
شوق: لا بس جد مزون حلوو
ريناد: عاادي
بعد ربع ساعه دق لها مس كول وقاموا من مكانهم بس ريناد افتكرت شئ ....
ريناد: شوق نسيت الكارد حقي
شوق: شنو؟؟؟ الله لا يبارك فيك قولي امين
ريناد : انتظريني هنا باروح اجيبه وارجع
شوق: ريناد واللي يعافيك انا بعطيك تعالي
لكن ريناد ماسمعتها ودخلت البيت ...دق مره ثانيه عليها جرت رجلها غصبا عنها وطلعت له ...
شافته معصب ترددت تركب السياره او لا....لكنها ركبت ...
مازن: لا ارجعي احسن
شوق: مازن ماتأخرت
مازن: انا شقلت لك ها؟ هذا وانتوا جاهزين بعد تعرفين اني مشغول
شوق: ماقلت لي مشغول
مازن: بنت عمك المصون وينها؟
شوق: نست الكارد حقها راحت تجيبه
مازن: نعم؟؟ انا مازن انتظر الانسه ريناد تشرف اخر زمن ...
شوق: مازن مالها داعي العصبيه
مازن: مو معصب
شوق: ليه معصب فيك شئ مو عوايدك
مازن: شوق اسكتي قبل ماتشوفين شئ مايعجبك .....
طلعت ريناد وجات عينها بعينه ماتنكر خافت لانه معصب بس اصطنعت البرود وركبت بهدوء ....
ريناد: السلام عليكم
مازن, شوق: وعليكم السلام
ريناد: اسفه تأخرت
مازن(وهو يلف لها وراء): لا والله انسه ريناد عسى بس لقيتي الكارد
ريناد(ببرود): طبعا والا ماكنت جيت
مازن : تردين علي بعد؟
ريناد: انت شفيك علي
مازن: من تكونين حتى ترفعين صوتك علي
ريناد: ريناد جاسم عندك مانع
شوق: يا جماعة صلوا عاالنبي وبلا فضايح قدام الناس
ريناد: ماتشوفين ولد خالتك مادري ايش فاكر نفسه
مازن: يكفي اني مازن ولد امي وابوي
ريناد: اسكت واللي يعافيك
مازن: اطلعي من السياره
انصدمت من كلمته وحولت نظرها لشوق اللي نزلت راسها وماحبت تتكلم لانها لو تكلمت راح يجيها كف منه ...
ماقدرت تتحمل اكثر ونزلت من السياره ..دخلت البيت وهي تبكي وعلى طول لغرفتها.....حور وماهر نادوها بس ماردت عليهم ....
مازن: يلا انتي بعد الحقي هاالطفله
شوق : مازن لاتغلط عليها
مازن: هي الغلطانه
شوق: عاالعموم مشكور يجي منك اكثر
نزلت وسكرت الباب بكل قوتها ......
ودخلت البيت وشافت ماهر ...
ماهر: شفيكم رجعتوا؟
شوق: ليش احنا رحنا حتى نرجع ..
ماهر: شصار ليه ريناد تبكي
شوق: هاا ..لا ما صار شئ وين حور
ماهر: صعدت وراها
صعدت حتى تتهرب من اسئلته ودخلت الغرفه .....
حور: جيتي والله جابك خير ايش صار
شوق: ما صار شئ
حور: كيف ما صار
شوق: تبين الصراحة مازن زفها وتهاوشوا
حور : ما يسويها مازن
شوق: معصب اليوم الله يستر ليش
حور: الله يهديه خلاص ريناد حبيبتي لا تبكين ما صار شئ
ريناد: مغرور...على شنو شايف نفسه
شوق: هدي نفسه ريناد ولا تصيرين حساسه هاالكثر
ريناد: والله ما بسكت عنه ان ما علمته من تكون ريناد ما بأكون انا
شوق,حور : ههه
ريناد: تفكرون امزح بتشوفون ....
قامت عنهم حور وطلعت وشوق جلست مكانها عاالسرير ......
شوق: شرايك فيه جنتل مان هاا
ريناد : فااضيه انتي على فكره من زينه عاد لا جمال ولا دلال
شوق: صحيح عصبيته تخرب عليه وغروره على خفيف لكنه تمام صدقيني
ريناد: اكره ها الانسان والله
شوق: لكنه وسيم صح؟
ريناد: اوف شوق يفشل طيب
رن في ها الوقت جوال شوق وكان بشار المتصل
ريناد: ارفعيه مو ذي نغمه بشار؟
شوق: ما برد عليه
ريناد: حرام عليك اخوي بيجن
شوق: الا تعالي انا سمعت شئ بس مو متأكده منه واستحيت اسأل مازن جد راح كلم ابوي
ريناد: أي قاله عمي لما تخلص الجامعة خذها... لحظه انا بنزل شوي
طلعت وسكرت وراها الباب ...وقامت تفكر خطبني؟ ياي وناسه بس خساره ما وافق ابوي ....
قطع عليها الافكار صوت رنه المسج ...
(( ياروحي انتي ياشوق ردي علي ))
(( لاتحلم ارد عليك ))
(( والله كسر الخواطر شين ))
(( انا ما كسرت خاطر حد يلا روح ))
(( وين اروح حبيبتي ...خلاص كفايه ليه انتي قاسيه كذا.....والله مااقدر اعيش دونك...احبك ))
لما شافت المسج غصبا عنها مالت له وابتسمت ...
(( انا اكثر ...))
(( كفو والله بزوجتي ..))
(( مابعد اصير زوجتك....وين انت ؟ ))
(( عند غرفه ريناد شرايك ادخل ))
(( ههه تحلم ))
(( ترى ازعل ))
(( اقول روح غرفتك احسن ))
(( بعد قلبي والله شوق اروح وتجين وراي ؟ ))
(( ههه دب مافيه يلا روح قبل لا احد يجي ))
((ما ابي اروح ))
رمت الجوال وفتحت الباب شافته جالس عالكنبه الصغيره المقابل غرفه ريناد على طول
بشار: تعالي رجعيني الغرفه
شوق: ها
بشار: تعالي اذا تقدرين بس على شرط تدخليني بنفسه موافقه؟
نزلت راسها وهي مستحيه
بشار(وهو يروج لها ): ههه اموت في الجبانه...وحشتيني مووت
رن بها الوقت جواله اخذت شوق حتى تشوف من المتصل ...مازن؟؟ ايش يبي بعد ...الله يستر
سحب من يدها الجوال ورفع
بشار: هلا وغلا......بخير وانت....والله؟ جد؟ وين؟؟........لا محمد مارجع من البحرين .....باالليل بيرجع.....الحين طيب......طيب .....ههه خلاص الحين بايو
سكره وعطاها ظهره حتى بيدخل الغرفه بس نبره صوتها الجاده وقفته
شوق: على وين؟
بشار(وهو يحاول يضايقها): والله مو شغلك
شوق: عن البياخه
بشار: مو بياختي اخذتها منك ...
شوق: بشار وين بتروح؟
بشار: ارض الله الواسعه
شوق: وين بالتحديد؟
بشار : باالشرقيه بعدين تعالي متى بتكبرين انتي اووف اتركيني انا حر اروح المكان اللي ابيه
شوق(بعصبيه): باالطقاق الله معاك
بعد ما دخلت غرفه ريناد ضحك عليها ودخل غرفته يبدل.....رجعت ريناد اللي شافت ابوها تحت وجلست معاه شوق...شافت دموع على خذ شوق
ريناد: شفيك شوق؟
شوق: ولاشئ
ريناد: بشار زعلك؟
شوق: صارخ علي ما يحبني يا ريناد
ريناد: ههه يمزح معاك ياخبله
شوق: لا ما يمزح
طلعت ريناد وراحت لغرفه بشار لقته يحط الجل بشعره
ريناد: ليه تصارخ عليها؟
بشار: بسم الله دقي الباب عالأقل
ريناد: روح راضيها
بشار: هههاي ما تحلمش
ريناد : حرام تبكي
بشار: تمزحين جد؟ كنت امزح
ريناد: والله حرام روح راضيها
بشار: مو الحين لو ابي او ماهر يشوفوني مو حلوه باكلمها بعدين
نهاية الجزء الأول
لا تنسوا الردود