دونات بس غير

أبدعي في تزيين الدونات <<< بالصور
مراحب
اليوم جايبتلكم طرق تزيين الدونات
ولاني من عشق الدونات حبيت أعطيكم فكره بالصور عن طريقة عملها (عجينة مضبوطه على مسؤليتي )
مع الصور في كيفية تزيينها بطريقة حلوه وسهله ومايبي لها إلا ألوان طعام وحبوب تزيين الكيكات ...
خلونا نشوف الصور بالاول بعدين أقولكم على الطريقة ...
شوفو الصورة هذي شوكولا سايله (بني أو أبيض والابيض لها طعم يدوخ)
وزيناها بحبوب تزيين الكيكات >> هالحبوب لها اسم زي الفلوتسات أو الفلوستز أو حاجه زي كذا بس والله مو متذكره اسمها
وتلاقونها بالسوبرماركات الكبيرة بقسم خليط الكيك أو تزيين الحلى
كمان في الصورة الدونات البنكيه هذي عليها ملون طعام احمر بنسبه خفيفه يعني نقطه بس مع دريم ويب عشان يطلع اللون فاتح واذا تبينه يطلع احمر واضح زيدي مقدار اللون يعني حطي ملعقه كبيرة مثلا
وفيه حبه ظاهرة بأخر الصورة لونها ابيض هذا سكر مطحون وممكن بعد تحطي سكر بني مطحون راح يطلعها شكلها ابداع
وهذي الدونات مزينه بالتوفي المعروف (كوب سكر مسخن عالنار لحدما يسيح ونحط عليه علبة قشطه بالتدريج وبس)
7
7
7
وهذي نفس الصورة الاولى بس دمجنا بين نوعين من الشوكولا البيضاء والبنيه
7
7
7
وزي ماتلاحظون بالصور فيه دونات لونها اغمق من الابيض هذي (كمية من الدريم ويب او الشوكولا البيضاء مع نص ملعقة صغيرة من النسكافيه واو يطلع الطعم عذاب)
وهذي زيما قلتلكم من قبل ألوان طعام وتقدري تتحكمي في اللون اذا تبغيه فاتح أو غامق على حسب كمية لون الطعام اللي تخلطيه مع الكريما
7
7
ومو بس التزيين يقتصر على الكريما ممكن نتفنن بعد في أشكال الدونات ونغير من الشكل الدائري الروتيني ..
زي هذي الصورة شوفوا كيف الدونات على شكل قلب واو
وهذي دونات بالفرن وعن تجربه طعمها أحلى من الدونات المقليه وكمان تظهر منتفخه أكثر من المقليه بالزيت ...
وهذا قالب الدونات بالفرن