ذكريات طالبه متقاعده قصه هزليه حتى النخاع

بانتظار البقية ..
وكلنا شوق !!!!!!!1
مشكورة ياابنت عمي أنك عطينتي اقترااحي وجه .. ونزلتيها !!!!!!
وباانتظاار البقية
..

ههه روعه ذكرياتك ياألبي ألبك شكلك متعقده مثلي ههه ...
يسلمو ياعسل وتسلم لنا بنت دوت كوم اللي اقترحت عليك انك تنزلينه ...
ننتظرك
ننتظرك
ننتظرك
ننتظرك
ننتظرك
ننتظرك
ننتظرك
ننتظرك
ننتظرك
لاتتأخري علينا خيتو ok << طراره وتتشرط
تقبلي مروري :
سكره ديرتي

هلا وغلا ومرحبا بكم تسلمون والله كلكم ذووق من تحت لفوق يسلمون لي انا الناس الراقيه .. بنت عمي وسكرة ديرتي
تصدقون اقسم بالله كنت متحسفه اني نزلتها فذا المنتدى اللي مايستاهل الواحد ينزل فيه هواياته يا اختي فيه منتديات قمه في تنمية المواهب ناس فله راعين ذووق ..
اذا ماردوا شجعوا على الاقل
ناس تفهم في الفله وساعة الصدر مب ناس عندها عقد وتبي قصه كلها حبني وحبيتك وماتوا في اخر القصه.. ولا كلها احزان..طبعا الناس اذواق انا ما قلت شي بس فيه نا ذوااق ...!!
عموما ما مت على ردودكم
بس توقعت عندكم تشجيع للمواهب..
ولا غيره اكيد غايرين
اصلان انتم > كل الي عندكم منقول< عمري ما شفت احد يكتب شي من عنده..<<تدرون ليه ؟؟ لانه ما يلقى تشجيع ..
منتداكم ممل بشكل فضيع..
وما حلاه الا ذا البنات اشكال بنت عمي وسكرة ديرتي وذا البنات العسل ,,اما الباقين شطب وانت مغمض بعد ..
اجل منتدى طول بعرض ما فيه ولا وحده عندها موهبه وش ذا
الحين ولا وحده تفتح خشتها وتتناقش,,لان كل الكلام اللي قلته 500%فالصمييم وصح واتحدى وحده تقوول اني اخرف ..
لا يله تعالوا قولو بعد ...
بس اللي مخليني انزل قصتي هالبنتين العسل الذوق
لعيو نهم بس فقط لا غير..خاص جدا ظحك العوافي يارب
وبنزلها كلها مره وحده مافيه احد هنا يهمني رايه طبعا عدا البنتين العسل
الجزء الثاني والاخير لعيون بنت عمي و سكرة ديرتي بس فقط لا غير
فجأه يدق الجوال {طيط طيط} رساله جديده من
<صديقة الدجه>
{....بكره امتحان E‏ ذاكري عاد }
لا والله احلفي توك تذكرين تعلميني!
الساعه 12 متى ان شاءالله بذاكره,, اروح ادوره والقاه وكله شخابيط مغطيه على الكلام المشكه الكلام لو واضح او مب واضح يستحيل افهم شي
مالي إلا القصه مدري المحادثه اقعد احفظ فيها,,اصلا كلها فراغين والباقي مدري وشو اهم شي احفظ ذا الفراغين بس ياعيوني <<فوزيه الدريع معكم عالخط خ
الورقه ضايعه..
واروح ادور الورقه لفترة جزء من الثانيه مالقيتها <<<<احب ادور بإخلاص يا سبحان الله ^_^.
قلت :مالي إلا ذا التفخه اسألها عن الفراغات وأخليها ترسلها لي ,.
ارسلت لها وقعدت احتري ربع ساعه,,,نص ساعه,,,سااعه,,محد رد..
ياربييه وش عندها ذي؟؟ توني بدق إلا وترسل {طيط طيط} رساله جديده من
<صديقة الدجه>
{الفراغ الأول:آي هفي
الفراغ الثاني: ذي كنقس كارس
الفراغ الثالث:قرات فار قود سبيكر
اي خدمه ثانيه انا جاهزه}<<<الحين عرفت ليش تأخرت الله من زين الرساله..
يقلع ام الي كذا وانا مافهمتها صاحيه افهمها كذا ياخذ ام الورطه وش اسوي الحين,,
حفظتها زي ما أرسلتها وامري لله مالي إلا هي مع ان الوضع نفسه لكن ارضاء للذمه ولا خلني اقول عشان اذا حلفت اني مذاكره ما اصير كذابه <<^_<..
يوه ذكرت علي امتحان
علم اجتماع <أي:أختناق> اوف هذا لو اقعد عليه شهر واسبوعين وثلاث ايام و واربع ساعات وخمس دقايق وجزء من الثانيه مستحيل افهم شي <<<بالله سجلي محو اميه وفكينا..
واتشجع واصلي ركعتين واقرا المعوذات <<<الشطاره تنطط من خشمي
وامسكه وافتح اول صفحه التغير الإجتماعي.إلى الحين زين مع اني مافهمت وش معناها.
اناظر تحت ولا التعريف سطرين.
وبدون نقاش سفيته <اي:ذبيته> على جمب وسحبت البطانيه وفخيت..بلا مذاكرة بلا هم بلا قلق ..
الصباح الساعه 6:
تك تك تك<الباب
يله قوموا صلو الفجر..هاه وش اخبار المذاكره??..
وانا عيوني نصها مغمض والنص الثاني نايم <<وش بقى؟؟
واللمبه خافسه عيني:آآآآوههه زينه <<<ارنب يحلق فالفضاء!!
_اكيد +نظرة ثاقبه
ايه والله قسم بالله حتى ان ....الخ <<<كلي تبن.
سفهتني وراحت <<<عادي لاتدققون^_^
قامت اختي_قلت بنوم لين تطلع من الباث روم ..<<حركات التصريف
الساعه 7:
طاخ طاخ طاخ...طراخ >الباب
قومي الساعه سبع الناس راحو ماتحسين انتي ماعندك قلب! صليتي ولا لا! ترا النار حاميه اعوذ بالله قومي..
يله قومي_تسحب البطانيه والمخدات وتطفي المكيف وتفتح الدريشه و تلشط بالمعلاق < تعذيب><<معسكر موب بيت..
واقوم وانا عضامي متفتته ومفككه من السهر امس لا ومع ذا التقويم فذا الصباح كملت <<الله لا يعيد ذيك الايام.
قمت توضيت وصليت..وبدأت رحلة البحث عن المريول المفقود ياالله وينه ذا بعد هذا و قته:يوماه ماشفتي مرييوولي?
:وجع ان شاء الله يوجع العدو مابعد رحتي بزر انتي تظيعين المريول مدري وشو مدري وشو.....لا لا وشو دي لو ام لا جو <<<<كلام مشفر <<<هي هي هي هي هي ^_^
:خلاص خلاص لقيته ..<<احب الارانب بقول لابوي يشتري لنا واحد.
ياربيه<ليتني ماسألتها غسلت شراعي على ذا الصباح اوف وينه ذا بعد من زينه ويضيع هو وبطانته المنشقه...اوف!
:ستي.......ستي
:نآآآآآآآم
:وين مريول انا?
:انا في روح امس انا في اجي بكرا انا في قول تو انا سوي كذا .........{شغالتنا إذا سألتها سؤال تقعد تقص قصه حياتها لين توصل للحضه الحاليه بعدين انت تستنتج الجواب يعني مايكفي ذا الامتحانات تجي هي بعد}
:اقول لا يكثر شفتيه أو لا?
:انا في قول....
:أقول على تبن%
:انتي بنت خربان انتي مافيه كفيس كلو هذا تبن مافيه موسكل...الخ.طخ طع دو <<ترقع المواعين.
_ياالله الساعه سبع وعشر واروح ادوره فالغرفه يمين يسار فوق تحت ورا عاشو ياهوه علي قلبي..
وأخيرا لقيته ورا الكمبيوتر تحت آلاف الاسلاك <اشوا ماشبت فيه> بس متعفط واروح بسرعه بكويه يوه يارب تذكرة شوشتي ما كديتها لحالها يبيلها ساعه..
رحت شغلت المكوا وعلى ما تحتر اكون قد كديت شعري واروح ادور لي مشط مالقيت إلا نص مشط اسود مكسور شكله حق ستي يتلزق بعد مدري وش هي حاطه فيه <<<اخاف محتويات الانف<<عيب بدون كلام وسخ.
مالي إلا هو اكد واكد وااكد وبعد اككدد واكد ماتغير شي كشتي هي هي يوم ناظرة المشط لين اسنانه متكسره و ظاعت فشوشتي.
_اقول بس مالي إلا اني اجعده اسرع و آخذ الجل <أي:الموس او المثبت او الرغوه> وألط فكشتي لين يبست <<<لدرجة لو ألتفت وأحد واقف وراي مشخت وجهه وشوهته بكشتي..
وطلعت خصل لزوم الكشخه طالعه كنها اصابع قرد فيها شد عضل المشكله انها اذا بغيت اوخرها عن عيني يطلع صوت مفاصل باب مصدي..المهم
واقوم و أمسكها بحبل خيش,,
يوه الساعه بتجي ثمان و وراي امتحان وانا ما بعد لبست يا قلبيه المريول وينه؟.
_وركض على المريول بكويه ولين المكوا حاره كويته قام يتلامع من قوة لمعته صرت اشوف صورتي فيه.
وآخذه والبسه.
والقط شنطتي والعبايه وانزل اطامر مع الدرج ومن زود المطامر كملت باقي العشرين درجه على خشتي ..
المهم واقوم اطمر ادور نعالي <وانتم بكرامه> وينها ياقلبيه إييه تذكرت امس اخوي مرجم بها القطو فوق المظله مب ممديني اجيبها.
_والقى لي نعال <وانتم بكرامه> حقت اختي من3 سنين ضيقه ومغبره وافغص رجلي فيها لين دخلت ورجلي بغى يجيها اعوجاج وعاهه من ظوق الجزمه <وانتم بكرامه> بس لا تخافون ما جاني شي لان الجزمه انشقت من قدام وطلعت نص رجلي منها المشكله مب هنا المشكله اني مالبست شراب <<<<<ما اخس من ذا الا ذا.
حالتي صعبه.
لبست عبايتي وشلت عفشي وشكلي حوسه كني طالعه من فلم (المنبوذون)<اي:زومبي او آكلة لحوم البشر> والكتب طالعه من الشنطه المنتفه واعرج من ذا النعال واصابع رجلي تتهوى ومريولي يعكس اشعة الشمس وكشتي سوت تمزق فالعبايه من فوق..
وطلعت امشي للمدرسه واناظر الساعه وتجي فبالي اغنية احلام ((تناظر الساعه وش فيك مستعجل)) واقوم ادق رقبه فالشارع وارقص سامري,, ويمر بنقالي من جمبي ويناظر فيني ثم مادريت الا وهو ملبق
ونزل من ددسنه وسجد ثم ركب ددسنه وراح اثر الاخو يسجد شكر على نعمة العقل <<<ما الومه...
يوه يوه يوه يوه تأخرة عن المدرسه بيفوتني الاختبار.
واقوم وارفع العبايه واربطها واحط الشنطه على كتوفي وانا اللي احط يديني على الارض وامد عصقولي لآخر الشارع واقول استعد تجهز انطلق <<<<فاهيه..!
وما تشوف إلا غبرتي والعبايه تهفهف ورورورور ..وذا الشنطه من ثقلها بغت تكسر عمودي الفقري وتخلي كتوفي كتوف محمد كلاي ايام الغز وانا الي اتلها من ظهري واسحبها فالشارع خر وانا طايره ماسكه خط امشي 200 كلم فالساعه واسمع الطبلون يقول تن تن تن <<<اقول ما حولكم ارنب؟؟
مريت من عند مدرسه الابتدائيه قاموا العيال يرجموني يحسبوني.. جني ..
_وصلت المدرسه بعد عناء طويل وشكلي يروع بليس حتى ان بليس جاني مقدم استقالته ويترجاني يبيني اجي بداله بس انا قلت لا <<<<متأكدين ان ماحولكم ارنب؟؟
دخلت ولين فوجهي {ثعلوب} قامت تزابد وسعابيلها تتناثر فكل مكان حتى اني طلعت مظله حسبتها تمطر <<<<<قولوا قسم ان ما حولكم ارنب.؟؟
المهم قامت تقول :
_رحت الفصل لينهم بيبدون الإمتحان نثرت قشي على الطاوله وقعدت اراجع مع التفخه بس ماش ورقتها خرابيط بالأوردو<الهندي> مدري وش كاتبه
:هييه وش انتي كاتبه وشو ذا?
:ابد سلامتك ما عرفت اقرا قلت اترجمها اسهل ,<<تسمع بالترجمه<<الله يعين مجتمع ذولا فيه &_&
_دخلت فتحيه
_بدا الإمتحان وكل البنات وجيهم لاصقه فالورق ما عدا كم بنت زيي يعدون البلاط.
التفخه:شش هيه انتي ش.
:نعم!!
:السؤال الأول وش ترجمته?
:وش دراني!
:إلا إلي الرسلتها لك امس'
:عساك بتكتين كذا!
:إيه اجل وشوله قاعده اترجم امس!
_فتحيه
ومضت الإمتحانات على خير وخذت في أغلبها 5 من 10 ماعداE‏ صفر مولع بعد.
اما صديقة الدجه جاها تهزيئه محترمه على ترجمتها الي زي وجها <<<مالومهم بعد لو شوتوها!
وعلى طاري العنقليزي والدجه..مره وحده من صديقاتي طلعت تسألنا عن جدول فالانجليزي تقول:حليتووه ابي اتأكد من حلي..وإنا ماندري وش السالفه وطقتنا ام الركب وشو ذا السؤال مع وين نتق لنا وبعد تدقيق لقينا الدلخه <الله يذكرها بالخير<<<وشو عقبه > طلعت حاله الجدول الي يجي فالامتحان النهائي الي يكتبون فيه اسم المصححه والمراجعه وذا الخرابيط تحسبه سؤال عن قواعد الانجليزي ..<<< لا تعليق..!
وأنهي ثراثيري بشطر مما احفظه من الشعر:
لا استطيع حل اربعه في اربعه***لأن مخي كاراتين مجدعه
تمت..
تحياتي طالبه متقاعده
هاه شرايكم يا عسولات <<<بس راعيات الذوق وراعياات الفله يردون اللي تشوف نفسها مب منهم ممكن تمسك الباب<<<<<شكلي بنجلد *_*

هههاي والله انك فله

ههه
روعة
خلاص لاتزعلين مننا والله توني اشوفها
صراحة فللة وحالتي من حالتك
ولو رديتي علي بقول لك قصصي مع العنقليزي
خ
مشكورة

ههه
ههه
من كتر ما ضحكت بكيت
يجعل أيامك سعادة و فرح إن شاء الله.........
ويالله عاد بلادلع لاتزعلين ........
يالله ياطالبه ابذكر لك موقف حاصل أيام المدرسه الثانوية >>> الله لا يعيد ذاك اليوم .
مره هربت من الحصه الرابعه يعني من بعد الفسحه مارجعت للفصل انا وصحباتي
المهم وعندنا أبله اعوز بله اقوى من اقوى رجل في العالم تسمع صوتها لو كنت فطايف وهيا فجده اكمل طبعا احنا هربنا وماعرفنا واين نروح منها فاعلى الحمام ( الله يكرمكم) على طوال يع ولا نسمع صوت الأبله يعني همس المهم تقول للخالات افتحو الحمامات ابغا اشوف لو تحتاج لصيانه والمشكله انو انا وصحباتي فنفس الحمام يعني راح تفكرأنو كنا نسوي غلط أستغفر الله المهم ربك ستر وجلسنا ندعي استغفر الله وسط الحمام يارب حولينا ولا علينا
وبس وبعدها أنا وصحباتي ما فكرنا نهربا من اي حصه مره ثانيه نحضر الحصه من لما يقول ترن الين ما يقول ترن
ويسلمو ع القصة يا عسل ......
ومعليش ع الإطاله ........

الغلا1400
8
8
تسلمين يالغلا انتي الفله يا قلبي ان شاء الله دوم هالضحكه يارب ^_~

احلى توتي
8
8
هلا وغلا دوم ان شاء الله يارب هالظحكه,,كلك ذووق..بإنتظار قصتك رديت عشانها ^_~
غاد المساء
8
8
هلا ومرحبا ومليون غلا,,
ههه موقفك صراحه مرعب اكثر من انه مظحك خ..
قاعده اتخيل وجيهكم لو انها شافتكم وانتم فالحمام...خ انواع الرعب ههه..

ههه
وربي حلوه
روعه
روعه
تستاهلين كل الردود مب بس رد واحد