ذكريات مسروقة

( الفصل الرابع )
عدت الايام هند كانت ساكته كان ياسر يحاول يخرجها من مودها لكن هي تضحك ساعه وتسكت الباقي الكل لاحظ لكن هند الوحيده الي عارفه ايش الي قاعد يصيرلها كانت مشتاقه لواحد كل ما شافته دمها يفور وقلبها يدق اما عمها محمد فسافر في عصر ذاك اليوم اسيل حاولت تواسيني لكن لاحظت انها كانت مرتاحه لانها ما كانت مقتنعه مثل غيرها اما طلال فحاول يضحكني لكن انا ما كان لي خلق ويوم كانوا رايحين للمطار حضني لكن الحمدلله ما شافنا احد الا ياسر وريم وخواته الكل ضحك عليه شفته دمع وناظرني وشاورني قال _لا تنسيني ..ابتسمت
لهم من يوم تركونا ثلاث اسابيع كان البيت خالي من دونهم طبعا انا رجعت غرفتي الاسبوع الي فات لان ريم ما رضت اطلع من غرفتها الا لين تطمن علي من يوم دخلت غرفتي كانت ريحته موجوده في الغرفه ما قدرت حتى اتعطر عشان ريحته لا تروح لكنها في الاخير راحت كنت حاسده السرير لانه لمسه صرت زي المجنونه بس كل هذا كان في عقلي الباطني لان عقلي الواعي ما كان راضي لحد اليوم ما فتحت درج من ادراجي لاني كنت ادخل الغرفه عشان النوم بس
ريم دخلت غرفتي لقتني مستلقيه على السرير اناظر السقف
ريم _هند فوقي ..ناظرتها..انت فتشت وراه يمكن انه ترك شي
هند_لا مو معقول اصلا اهو ما جاب اشياء كثيره معه
ريم _كيفك اسمعي انزلي ابوي يبيك
هند _طيب
ريم اطلعت هند قعدت تناظر الكوميدينه وقررت انه تفتحها افتحتها لكن ما لقت شي اصلا كان واضح انه ما فتح الكوميدينه اصلا كان كل شي مثل ما تركته
فتحت الدرج الثاني ونفس الشي هند قامت عشان تروح لابوها وراحت للتسريحه تأخذ توكه تلف بها شعرها افتحت الدرج الاول ما لقت شي افتحت الثاني لقت التوكه قدامها خذتها وراحت تبي تطلع لكن في شي ردها وناظرت الدرج الي مفتوح بعيون كبيره كان فيه حاجتين الاولى عطره كان فيه عطر يعني مو مخلص كان العطر لنص الزجاجه امسكته هند بيد مرتجفه وشمته وغمضت عينها حسته انه جنبها وقريب وفتحت عينها وردت العطر مو مصدقه ولقت حنب العطر كرتون لعطر ثاني خذته وفتحته لقته
نفس عطره لكن للنساء هند ما فهمت قالت في نفسها ممكن انه كان شاريه هديه لغيري ونساه وردته متألمه ما كانت تبي ان افتراضها يكون صح وقعدت تناظر العطر وشافت شي ثاني مكتوب على الكرتون حق العطر كان مكتوب
TO HEND
هند قعدت تناظر الخط مو مصدقه ومن غير ما تحس قعدت تنط فرحانه
ريم _هند ايش فيك انجنيتي
هند تفشلت _لا ما فيه شي يله انروح لابوي تأخرت عليه
ريم كانت تقول بحماس_عرفت ايش يبي فيك يبي يسفرنا لجده الخميس والجمعه الجايين
هند_قولي والله ايش الي طراله
ريم _عشانك و......
هند فهمت ايش ريم تبي تقول _اه ليتني عرفت ان رفضي لوليد يعني السفره لجده والله اني محظوظه اروح الشرقيه وجده في شهر واحد
ريم _بس انت متى سافرت الشرقيه
هند ناظرت ريم بخوف _انا انا ما سافرت الشرقيه
ريم كانت فاتحه عينها على الاخير عرفت ان هند تكذب _كذابه من الي خذاك الشرقيه قولي لاروح اعلم عليك
هند _ريم تكفين وطي صوتك
ريم _اكيد محمد هو الي وداك النذل انا رايحه اخاصمه
هند_لا لا يا ريم مو محمد الي وداني الحقيقه سيف هو الي وداني
ريم تجمدت مكانها وناظرت هند مو مصدقه _انت ...وسيف. بس
هند_لا لا انا وهو وياسر وطلال
ريم _تعالي في اشياء كثيره انا ما ني بعارفتها
هند_لا ما في شي كل الي صار ان سيف كان يبي يأخذ طلال وياسر معه وتفشل يوم شافني لحالي فقالي يله معنا هذا الي صار ريم _اكيد يعني لا يكون في حب سري نشأ في هذه الايام القليله
هند؟_لا يا المتنبي لا حب ولا شي انا زي ما قلتلك بينا عداوه مالها سبب
ريم_ كيف جاتك الجرأه ورحتي معهم
هند_الحمد لله ما صار شي ريم لا تقولين لاحد تكفين
ريم_لا تخافين ..يله انروح لابوي
هند راحت لابوها وسوت نفسها زعلانه عشان لايغير رايه
ابو محمد_هلا بالغاليه
هند راحت لابوها وجلست بحضنه على الكنبه
ابو محمد_عرفت اني راح اوديكم لجده ..هند هزت راسها ..طيب ايش رايك انروح للشرقيه
هند_لا جده احسن
ابو محمد_هند انتوا متى عطلتكم الي بين الترمين
هند_بعد شهر
ابو محمد_انا مسويلكم فيها مفاجئه بس خليها تزبط
هند قربت لابوها _قلي وش هي حرام تخبي علي تعرفني ما انام اذا فيه شي ما اعرفه
ابو محمد _كل شي بوقته حلو
.................................................. .......... .......
الكل كان جاهز عشان السفره كانوا راح يسافرون بسياره خالد هند كانت تقفل شنطتها وكان شعرها مغطي وجهها
ريم _يله اخلصي احنا في السياره
هند_يله
ريم _على فكره يا هند تري شعرك طولان
هند قعدت تناظر شعرها كان طولان شوي هند لاول مره تفرح عشان شعرها طول بس ما بينت لريم فرحتها
هند_يله بس انا ما لقيت بلوزتي الي عليها همتارو
ريم _من هو همتارو ذا
هند_الصوره الي على كمبيوتري
ريم_ذاك الدبدوب الي كنه انت
هند_احترمي نفسك
ريم _انا ما سبيتك والله شكله جنان عيونه نفس عيونك وبعدين لا ما شفت بلوزتك اخلصي علينا
هند طلعت من الغرفه وهي مستغربه وين حطت بلوزتها المفضله كانت بلوزه صفرا نص كم عليها صوره همتارو
سافروا وكانت الرحله جنان هند ماخلت مدينه العاب الا وراحتلها كانت تصارخ عشان تخرج القهر الي فيها جا يوم الجمعه وابو محمد تجهز للسفر لكن هند وياسر ما كانوا مستعدين نهائيا يرجعون الرياض وقعد ياسر يبوز وهند سوت نفسها زعلانه وانها رجعت لحالتها النفسيه اما ريم كانت راح تجلس مع خالد عشان اغراض العرسه
ابو محمد_انتوا ليه مبوزين
ياسر _يبه ما شبعنا
ابو محمد_بس فيه مشكله انا حالف ما اوديكم الاخميس وجمعه
ياسر _راح اصوم لك الثلاث الايام
هند_ولا خلنا نروح لابها البهيه (هند ما كانت متوقعه ان ابوها يوافق )
ابو محمد ناظر هند وقال _يله جهزوا نفسكم راح اخلي خالد ياخذنا لابها
هند وياسر ناظروا بعض منصدمين مو مصدقين ومن غير ما يحسون اركضوا وحضنوا بعض من الفرحه لانها وهو بذات سافروا لثلاث مدن في شهر واحد ..........................
.................................................. .......... ....
في الطريق كانت هند مستانسه (هند تخاف من المرتفعات كثير )وكانوا على طريق العقبه
ياسر صاح صيحة حماس _هند شوفي الطير يطير جنبنا
هند ما استوعبت وناظرت لقت طيور وناظرت لتحت عرفت انها فوق جبل عالي ومن غير ما تحس صارخت _خالد وقف يمه يمه وقعدت تبكي وتغطي عينها الكل كان قاعد يضحك
ابو محمد_في ذيك المراجيح ما خليتي لعبه والحين تبكين
هند_يبه تكفى وقفوا قلبي بيوقف
خالد _هند ايش رايك انزيد السرعه
هند وهي تصارخ _يمه لحقيني انتوا ايش فيكم تبون تدخلوني مستشفى المجانين
ريم وهي قايمه من النوم _هند لعنه ابي انام
هند_لعنه توقف حظك وتطيحه قولي امين (قلتلكم دعاويها مخيفه)
ومن غير مقدمات اغمي عليها
ريم صارخت وامها لكن ابو محمد قال خلوها
ام محمد_ايش فيك مغمى عليها
ابو محمد_صلي على النبي يا مره احسن لها تغوم ولا تشوف الي جاي
اما ياسر الي كان جالس جنب هند ورا كان يناظرها ومو قادر يتكلم من الخوف عليها وخذا راسها وحطه في حضنه
وصلوا لابها وفوقوا هند
هند ما كلمت احد منهم كانت معصبه بس تتكلم مع ياسر
خالد_ يله نأخذكم للمول
ريم _ايه تكفى يا خالد
خالد_يله يا هند
هند_لا ما ابي اروح مع امثالكم
ياسر _تكفين يا هند ما راح يخلوني اروح معهم اذا ما رحتي
خالد_تبين ياسر يروح تروحين
هند قامت والبست عبايتها من غير نفس (على فكره عباية هند راس تضحك... هي لابستها عشان تغيض ريم )
راحوا للمول ريم ما خلت شي الا واشترته
هند_انت ايه يا مجنونه خبيلك شوي من هاذي الفلوس ليومك الاسود (هند ملاحظه ان ريم من يوم جات اسيل وهي متغيره تشتري ببذخ وتصرف فلوسها كلها )
ريم_فكينا انتي واليوم الاسود ليه غيرنا يلعب بالفلوس لعب واحنا نخبي الميه كانها الف
هند ناظرت ريم نظرات استهجان _لا حول ولاقوه الا بالله
ياسر شاور هند_هند ابي عطر
هند تحب تشتري لياسر وهي الي تعطيه فلوش الفسحه من مكافئتها
هند_يله انروح لمحل العطور
ياسر _خالد بنروح للمحل الي قدام
خالد_روحوا
هند وياسر ادخلوا المحل وقعد ياسر يتخير اما هند فقعدت تناظره
اختار عطر الفارس هند كان مو عاجبها
هند_ياسر خذ عطر الفارس للبنات احلى
ياسر _بس انه للنساء
هند_ريحته ما تختلف
ياسر سمع كلامها عطته هند الفلوس عشان يحاسب وهو يحاسب شافت هند العطر الي لقته في غرفته (هند رفض عقلها انه يصدق ان العطر لها )
هند قالت لياسر اسئل عن هذاك العطر
ياسر _يا محمد هذاك العطر بكم
البائع _للرجال بألف وميه وللنساء الف وميتين بس راح نعمل الكم دسكاونت
هند افتحت فمها مو معقول العطر غالي
ياسر _لا مشكور
هند وياسر اخرجوا من المحل
.................................................. .......... .......
بعد ما ارجعوا من السفره (هند وياسر وابوهم وامهم بس لان ريم وخالد رجعوا لجده)
ياسر دخل على هند في غرفتها كانت تذاكر
ياسر _هند انا جبت كرت شخن عشان اندق على طلال
هند_ياي تعرف اشتقتله موت
دقوا عليه وبعد اشوي اسمعوا صوته
طلال وهو يصارخ _ياسر
ياسر _ايه يالغبي شكلك ما تعرف ان في السعوديه شبكة اتصال
طلال_لا والله بس عشان النقل لبريطانيا
هند_طلول كيف بريطانيا
طلال قعد يصارخ مره ثانيه _هند اشتقتلك
هند_وانا بعد يالقاطع
طلال _وش القاطع هاذي
هند وياسر قعدوا يضحكون
ياسر _طلال لا تضيع الدروس الي عطيتك ياها
طلال _لا ما نسيت تعرفون لازم اتجون لبريطانيا
هند_انت الحين في اي مدينه في بريطانيا
طلال _انا الحين مو في بريطانيا انا في روما المدرسه مسوين جوله انا الحين عند سيف
هند قلبها اختبص وبطنها وجعها يوم سمعت اسمه
ياسر ناظر هند وقال _هنا ياخذونا لحديقة الحيوانات وهم ياخذونهم لروما
طلال _الو ياسر
ياسر _معك معك وكيف روما
طلال _ حلوه
هند_اسمع يا طلال البطاقه راح تخلص بنروح نشتري بطاقه جديده خسرتنا مالت على وجهك
طلال _ليه تشترون بطاقه جديده انتوا قفلوا وانا راح ادق عليكم
هند دايمن تنسى انهم اغنياء
ياسر _اذا يله مع السلامه
قفلوا وناظروا بعض وابتسموا بعد ثواني كان الجوال حق ياسر يدق
ياسر _اهلين
طلال _انا ابي اشوفكم عندكم نت
ياسر _ايه بس اخواني ما يسمحون لنا ان حن نفتحه
طلال _كالعاده في اخر الليل
ياسر _لا والله وصرت رفيق سوء
طلال _يله تكفون ابي اشوفكم
هند_طيب بعد خمس ساعات افتح النت
طلال قعد يكلم احد عنده كان يقول ..اكلم ياسر وهند..بعد اشوي راح اجي
طلال _ها هند ما سمعت وش قلت
هند_من الي كان يكلمك
طلال _سيف كان يبيني اروح معه للشركه
ياسر _ليه
طلال _بس كذا عشان لا اجلس لحالي
هند _انا قلت راح ندخل النت بعد خمس ساعات الحين الساعه عشر الليل بنكلمك على الساعه ثلاث يله باي
طلال _اوكيه يله باي
راحت هند وخلت ياسر وطلال مع بعض هند كانت تفكر انها خلاص عرفت انها تحبه ولا ليه كل ما شافته او سمعت صوته تحس ان الجو ما فيه هوا
اما طلال بعد ما قفل الجوال لقى سيف مستند على الباب
سيف _ايش اخبارهم
طلال _بخير ياسر دخل نادي للكوره وسافروا لجده وابها
سيف كان يبي ان طلال يطري اسمها يحس برضى لما يسمع اسمهاوكان يغار من طلال الي يقدر يكلمها _طلال تعرف انه غلط تكلم بنت عمي في السعوديه غير خاصة انها مخطوبه
طلال _انت تقصد هند هند مو مخطوبه
سيف حس ان الثقل الي كان فوق صدره انزاح _كيف موهي مخطوبه لواحد اسمه وليد
طلال _لا خطبها بس اهي رفضت لان عمي ابو محمد ما كان يبيه بس ياسر يقول ان هند تبي وليد
سيف _مجنونه ايش تبي بواحد مثله ما يقدر يهتم بها اهي اصلا ماتخرج من مشكله الا وتدخل مشكله ثانيه
طلال كان مستغرب اول مره يكلمه سيف ويعامله كأنه كبير _هند غير كل الناس
سيف هز راسه بقهر _يله نروح
طلال _لازم ارجع بعد خمس ساعات ياسر وهند راح يفتحون النت
سيف _اوكيه اصلا راح نرجع بعد اربع ساعات
.................................................. .......... .....
هند قامت من النوم ما نامت امس زين لان طلال ما قفل معهم الا قبل صلاه الفجر
هند البست ملابسها حست ان كل شي متغير الجو متغير الهوا متغير هند خلاص قررت انها تعترف لنفسها انها تحب سيف للابد
وانها ما راح تبين له لانها عارفه انها يكرها هو اصلا قاله قال لا تفرضين نفسك علي وان راح انفذ الي قاله لاني احبه
هند ارجعت من الجامعه
ام محمد_هند تعالي ابيك في المطبخ
هند دخلت المطبخ _ها وش فيه
ام محمد_محمد لراح لابوك وقال له ان يبيه يخطبله هاله
هند_قولي والله
ام محمد_ايه والله اليوم راح يروحون يخطبونها
هند ركضت للتلفون وقالت لهاله هاله ردت فعلها الوحيده انها قفلت الخط في وجه هند هند ضحكت وطلعت الغرفه وجلست تناظر السرير الكل كون له حياه الا انا
البنات اجتمعوا في ملكة هاله بعد اسبوع الكل كان متكشخ هند كانت لابسه ثوب احمر كانت مغصوبه ريم وهاله اطلبوها الي يشوف هند ما يعرفها كانت اجملهم بس ما احد قال لانهم ما راح يستفيدون لان هند راح تزعل ما تحب احد يمدحها
محمد كان شكله اجنان هند كانت تركض في الممر عشان تعلم البنات انهم يطلعون يشوفون محمد وهاله لكن وهي تجري انفتح باب المجلس حق الرجاجيل وصدمت هند بواحد حست ان قلبها طار قبل حتى ما تشوفه عرفته من ريحة عطره هي عرفت انه ماسكها من عند خصرها
سيف _انتي بخير
هند ناظرته كان مبتسم
هند فكت نفسها _ايه بخير اسفه
سيف _تقدرين تعيدينها ما ازعجتيني
هند ناظرت سيف وهي فاتحه عينها على الاخير اما سيف كان يناظرها وهو مبتسم ابتسامه تطير العقل
هند مشت وخلته لانها ما تقدر تجلس اكثر ممكن اتسوي شي تندم عليه كانت تقول في نفسها ماحد يحقله يكون بهالجمال كانه ملاك
ادخلت على البنات _تعالواشوفوا هاله ومحمد راح يدخلون المجلس بعد اشوي
البنات اركضوا للمجلس اما هند اجلست مكانها هي عارفه انه الحين في المجلس يسلم وهي ناويه تتجاهله استغربت ليه جا اكيد انه كان في الشرقيه وعزمه الغبي محمد
ريم نادتها
ريم _هند امشي هاله تقول انها ما تقدر تجلس مع محمد بدونك
هند _طيب شوفتي سيف جا
ريم _ايه لا يفوتك ثريا تناظره بدلع
هند _من الي دعاه
ريم _اهو كان في الشرقيه ومحمد دعاه شكلك متضايقه منه حد يتضايق من ملاك
هند_انا ما علي منه
ريم _يله بس يله قالت مو متضايقه
هند اطلعت وشافت هاله جالسه جنب محمد هاله كان شكلها يضحك كانت خايفه مره محمد طلب انه يجلس مع هاله لحالهم لكن هاله رفضت تبيني معهم وانا ما قصرت خليت محمد يموت قهر
محمد كان في المجلس الصغير هو وهند وهاله
محمد_مبروك يا هاله
هاله هزت راسها
هند_تقولك الله يبارك فيك
محمد ناظر هند بقهر وهند ابتسمت تغيضه
محمد_هاله ايش خاطرك اشتريلك هديه
هند _ تبي منك طقم ذهب وجهاز اي بود تتش وجوال اي فون بس
محمد ناظر هند يقولها انقلعي
محمد_هاله قولي لهند تطلع برا
هاله ناظرته وخافت وناظرت هند _هند لو سمحتي
هند_انتي ايه بدا يفرض رايه عليك من الحين مالت عليك
محمد_اطلعي انتي اصلا لازملك رجال يلمك
هند خرجت من الغرفه وهي تضحك راحت لمجلس النسوان لقت الكل موجود
راحت لريم وثريا
ثريا _تعالي يا هند انا وانت الي بس عوانس
هند_اي والله مصيبه خلينا نروح لمجلس الرجاجيل ونطلبهم يدورون لنا احد
ريم _تعالوا انروح المطبخ
راحوا المطبخ ولقوا قدامهم سيف كان يتكلم مع عمته ام محمد هند بغت ترجع قبل ما يشوفها لكنها اول ما دخلت ناظرها هند نزلت راسها ودخلت وقعدت تقطع السلطه كالعاده هند كانت تناظر ثريا الي كانت تناظر سيف لكن لاحظت ان ريم تناظرها
ناظرت هند ريم يعني ايش فيه ريم ارجعت لشغلها ام محمد اطلعت من المطبخ اما سيف جلس
سيف _ايش اخباركم
ثريا _بخير كلنا بخير
لكن سيف ما كان يناظر الاهند
ريم _انت ايش اخبارك
سيف_بخير
سيف _هند مو ناويه تردين علي
هند وقفت القطاع وناظرت بخوف ايش فيه تغير
هند_انا انا بخير
سيف _شعرك طولان كذا احلى
هند خدودها شبت نار
ريم _راح تقصه هند ما تحب الطويل
سيف _لايا هند انا احب الشعر الطويل
هند كانت تقول في نفسها وش فيه ذا انجن ليه يتكلم كذا قدام البنات
ريم كانت تناظر هند وسيف مستغربه
سيف راح لهند وقعد ياكل من السلطه وهند ماهي مستحمله قربه وعطره وجماله
ثريا وريم قعدوا يناظرون بعض وفي وجيهم مية سؤال
هند من غير ما تحس عصبت شكله يضحك عليها
هند_خلاص خلصت السلطه
سيف ناظرها بكل جرأه في عيونها _انا جوعان يهون عليك ابقى جوعان
هند قعدت تناظره حست انه مغناطيس وشافته يناظر كل وجهها بشكل غريب سمعت احد يتنحنح سيف بعد نظراته اما انا بغيت ابكي
سيف خرج من المطبخ وما شفت الا ثريا وريم عندي
ريم _الحين تقولين ايش بينكم
هند_ما شي
ثريا _كذابه الي يشوفكم
هند_انتوا ايه انجنيتوا تروه يكرهني لايغركم بلا يبي يفشلني قدامكم
ريم _ هند اظن ان سيف يحبك
هند _انتم مجانين رسمي
.................................................. .......... ......
سيف كان مستغرب من نفسه وش الي صارله ما قدر يمسك نفسه
انا ما ابي الي صار يصير مره ثانيه ركب السياره وراح للشرقيه اصلا اهو جا للرياض عشان يعرف وش الي ناقصه هو من يوم سافر من الرياض حس انه نسى شي بس هو مو عارف وش هو الحين عرف وش هو هذا الشي الحقيقه هو ما كان شي كان انسان .................................................. .......... .......
هند_كذابه مو معقوله طيب ابوي كيف وافق
ريم _ابوي يعز عمي وما كان رفض له طلب
هند_بس هذا مو مثل أي طلب ابوي ياله وافق ان احنا نطلع من الرياض
ريم_بس انا فرحانه والي مخليني فرحانه زياده ان محمد وخالد ما راح يجون معنا
هند_قولي والله مو من عوايدهم
ريم _خالد يقول انه يبي ياخذ محمد لسفره شبابيه قبل ما يتزوج حركات
هند_اوه حظهم ودي اني رجال
ريم_لا تتمنين اصلا انتي طبايعك طبايع ولد وبعدين تخلين سفره لبريطانيا عشان سفره لمصر
هند_ بيروحون مصر والله حركات احلا شي ان احنا بنروح في وقت اعياد عندهم يعني بنستانس
ريم_ بروح اجهز شنطتي
هند_ايه مجنونه السفره بعد اسبوعين
ريم_ايه هاذي بريطانيا لازم نجهزلها قبل بشهر وازيدك من الشعر بيت ياسر خلص شنطته
هند+_اقول اطلعي عندي اختبارات قالت بريطانيا والله ما راح اجهز شنطتي الا في اليوم الي راح انسافر فيه ايش رايك
ريم_تسوينها خبل
هند ضربت اختها بمخده وطلعت ريم
هند قعدت تفكر هل معقوله راح يكون هناك لا ما تعتقد اصلا انا ما ابغى انه يكون هناك اخاف اشوفه وانا احبه مو كافي انه قعد يتطنز علي يوم ملكة محمد اكيد سوى هاذيك الحركات عشان يخلي البنات يضحكون علي بس انا الي استاهل ولا احب واحد مثله ما يناظر الي احلى مني يناظرني انا
.................................................. .......... ............
السكرتيره _ سيدي والدتك تريد التحدث معك
سيف _اخبريها اني لا استطيع الاتصال بها الان سأتصل بها لاحقا
السكرتيره_حاضر
سيف رجع لشغله كان قدامه ملف مشروعه الي تنافست عليه كثير من الشركات الكبير وفازت به شركته شركة سيف تعتبر من الشركات الكبار في اوروبا ولها فروع في انحاء العالم بس سيف ماكان مهتم وكانوا موظفينه يخافونه ولا حاولوا مره يأخروا عملهم الي يطلبه لكن الكل لاحظ انه متغير كثير في الشهور الي فاتت ماكان يخرج من مكتبه كثير يجلس في الشركه لاخر الليل اما سكرتيرته فلاحظت فيه انه دايمن بسرح وتلاحظ انه دايمن لما يسرح يبتسم وكأن الي يشوفه شي يضحك
سيف يشتغل الحين على مشروعين مشروعه الخاص الترفيهي الي مستحيل كان احد صدق ان سيف يفكر بالترفيه بس هو سواها عشان يشوف الناس تضحك مثل هاذيك ما تضحك (هند) والمشروع الثاني هو بناء برج
السكرتيره رجعت مره ثانيه _سيدي الوالده تقول ان الموضوع الذي تريد التحدث به معك مهم
سيف كان معصب قطعوا عليه تخيلاته_ها يمه وش تبين
ام اسيل _ما في اهلين ايش اخبارك يمه
سيف _اهلين ايش اخبارك يمه رضيتي
ام اسيل_لا انت اليوم لئيم
سيف_يمه ما عندي وقت قولي وش تبين
ام اسيل _ خلاص ما راح اقولك بالتفصيل المهم ابوك ابوك يا سيف عازم عمك وهله
سيف اشتغل مخه _لا لا يمه قولي بالتفصيل وش السالفه
ام اسيل استغربت_ابوك عزم عمك هادي واهله عشان يردله الكرامه
سيف _كويس
ام اسيل _ايش كويس انا ما ابي اشوفهم مره ثانيه انت عارف ان هاذي الفتره فتره اعياد والضيوف راج يكثرون عندنا وانا بصراحه اتفشل منهم سيف_ يمه العايله ما تفشل
ام اسيل _وان الي قلت ان سيف هو الي بيحس فيني
سيف _يمه ايش المطلوب مني
ام اسيل_ ابيك تيجي عندنا في الاجازه لاني راح اكنسل كل الزيارات وكنت ابي احس اني في فتره اعياد ابي ضيوف
سيف اصلا كان رافض انه يروح لبيت ابوه مره ثانيه بس السالفه فيها هند بس انا ما ابي اشوفها لاني اعصب عليها وما ابي اخرب فرصتي معها
ام اسيل _سيف وينك رد علي
سيف _يمه خلاص راح اجيكم
ام اسيل _مشكور سيف يله مع السلامه
سيف قفل الخط من غير ما يرد وابتسم ابتسامه كبيره وناظر قدامه لقى السكرتيره فاتحه فمها ظنها تشوفه مهبول بس مو عارف انها مفهيه من جماله
سيف _ترينا ساسافر بعد اسبوعين لبريطانيا فالغي جميع المواعيد في تلك الفتره
السكرتيره _حاضر سيدي وخرجت من المكتب
.................................................. .......... ...............
هند_خالد فكر ترا اطبخ لكم واصير مؤدبه بس تكفى فكر
خالد _انتي مهبوله ما تفهمين سفرة شباب
هند_ما فيها مشكله والله البس ملابس شباب بس خلوني اروح معكم ما ابي اروح بريطانيا
خالد_هند خلاص بلا مزح ما فيه روحه احمدي ربك انك راح تروحين لبريطانيا ولا امثالك حدهم الشرقيه
هند_اصلا انا مفروض ما اطلب واحد مثلك غبي اكرهك
خالد_يله قولي الي تبين انتي اصلا مجنونه مرفوع القلم عنك مالت على وجهك
هند_جعلكم ما تهتنون في سفرتكم ....وخرجت من غرفة اخوانها وقفلت الباب بقوه
هند طلعت لغرفتها ولقت امها وريم في الغرفه كانهم ينتظرونها
هند_بسم الله وش فيكم
ريم _هند ادخلي وقفلي الباب نبيك بموضوع
هند قفلت الباب وادخلت
هند_وش تبون
امها _هند ايش رايك بعمتك ام نايف
هند_هاذيك الي اخدودها حمرا المتينه اموت فيها ليه وش فيها
امها _امس تكلمت معي عنك تبيك لولدها نايف
هند_ها
امها _نايف مدرس انجليزي وراح يسافر لامريكا ياخذ الماجستير وتريه رجال
ريم_تريه حليو نفس طولك
هند انصدمت

( الفصل الخامس )
هند دخلت غرفتها و وقلبت ادراج الغرفه وخربت الغرفه ورجعت نظفتها كانت تبي تسوي أي شي عشان تنسى وفي الاخير راحت لغرفه ريم
هند_ريم وش تسوين
ريم وهي تدور في درج ملابسها _هند انتي هنا شوفي ايش رايك ايش احلى هذا ولا هذا
هند ناظرت اللبسين كان واحد اخضر والثاني فوشي
هند_الاخضر حلو بس الفوشي يلبقلك اكثر
ريم _لا هذا مو لي هذا لك
هند_لا والله ليه وين راح نروح
ريم _اسيل راح تخرجنا تغدينا بره
هند_خلاص بروح البس من ملابسي
ريم _لا لا يا هند تكفين لا تفشلينا راح انشوف صديقتها ابي نلبس ملابس تبين ان احنا رقيقات دلوعات
هند_بس انا ما اعرف كيف اصير دلوعه وبعدين مستحيل البس ولا واحد من هاذي كلها قصير لحد الركبه
ريم_يله يا هند تحرري في ذا الاسبوع لاحقين على الشقا
هند_انا انا من نفسي ما اقدر امشي ورجولي برا راح تبان عيوب مشيتي
ريم _تكفين خلينا نصدمهم نبيك تمثلين الدلع
هند_ما اعرف
ريم _قلدي غاده (بنت دلوعه في الجامعه )
هند لبست الثوب الفرشي استهبال وطلعت لريم ومشت مشيت دلع وقالت بصوت رقيقي مره دلوعي _لو سمحتي وين قاعه 34 حقت الاستاذه منى
ريم _يمه يا هند انا بنت وفتحت فمي تريك تصلحين اتصيرين ممثله
هند ارجعت لاصلها _ بس انا ما ابي امثل ادوار دلوعات ابي امثل دور مصاصة دماء
وفي ذي اللحظه اخرجوا من الدرج حق الملابس بنتين وقعدوا يصفقون
اسيل _هند واو صدق قبل اشوي كنت انسانه ثانيه
هند_وانتوا ليه كنتوا متخبيين
ريم_انا قلتلهم لانك ما تحبين احد يشوفك وانتي تتدلعين
هند_مالت عليكم كلكم
لورا _هند انا لبسي بعد فوشي انا وياك طقم
اسيل _وانا راح البس لبس ازرق وانتي يا ريم البسي مثلي ترونا رايحين لمطعم معروف
ريم_واي
هند_المهم فيه رز
اسيل _فيه الي تبين بس تكفين سوي نفسك مثل قبل اشوي
هند_والله لا اوريكم ابداعاتي كلها في مجال التمثيل
.................................................. .......... .............
هند افتحت شعرها وخلت ريم اتسويلها مكياج خفيف روج وردي مات مطفي وبلشر وردي وماسكارا تطول الرموش وعلى الرموش هند الطويله خلقه طلعت كانها ممثله في هوليود
هند اطلعت من غرفه ريم ومشت بدلع وراحت لغرفه ياسر وطلال دقت الباب فتح لها الباب طلال
طلال فتح الباب وقعد يناظر الي على الباب مو عارف منهو لا هو عرف من هو بس الصدمه شلته
هند_لو سمحت ناديلي اخوي وضحكت برقه
طلال _هند كيف
ياسر جا وشاف هند وصفر _لو شافك نايف تزوجك اليوم
هند_مالت عليك وش جاب سيره نايف الحين
ياسر _هند وش ذا الجمال مو بصاحي
هند_لا عاد تتكلم على جمالي ما ابيه يكثر اخاف على الناس
طلال وياسر امسكوها ودخلوها
طلال _هند تتزوجيني
هند _نعم مولاي مالت عليك
ياسر _والله صدق ودي بطلال ولا نايف
طلال _ايه انت تراني صدق ابي اختك
ياسر _شوف اسكت لا اقوم عليك تراه عيب
هند_بس انت وياه طلال للاسف انا اشوفك كصديق (وسوت نفسها تبكي طبعا كل هذا تمثيل تراجيدي )
طلال ركع على الرض ونزل راسه وقال _لا لا يا هند اياك ان تقولي انك لا تحبيني
هند قامت وراحتله _لا لا تبك ارجوك فبكائك يزعجني ويفجر طبله اذني رغم ان هذه الطبله تستعمل لاغراض الطقطقه
طلال بكى وهند بعد قامت تبكي (كله تمثيل مشهد مزح )وياسر مشى ووقف فوقهم وضحك ضحكه شريره _اههه اخيرا اخيرا سمعت هند نصايحي
هند ناظرته _ايه انت نصائحي مو نصايحي
ياسر ناظرها _اقول اسكتي الي يشوفك الحين يقول كل الي قلتيه بالعربي الفصيح وش الطقطقه الي سمعتها قيل اشوي
هند قامت وياسر رجع مكانه الا طلال الي بعده عايش الدور
هند _طلال خلصنا
طلال رفع راسه _والله صدق تحمست اشوي اسف
هند فامت _اعذروني وراي عزومة غدا وشالت خصله من على وجهه بدلع وغرور
ياسر _وين رايحه
هند_اسيل عازمتنا
ياسر _ليه ما عزمتني
طلال _اكيد عزومه بنات
هند_اخيرا طلع طلال مواهبه باي
ياسر _اوف علقهر
.................................................. .......... ...............
اسيل خذتهم بسيارتها للمطعم وانزلت
اسيل _ريم ايش رايك
ريم_طلعتي سواقه خطيره
هند_والله لا سواقه ولا شي
اسيل _هند هند بليز ارجعي للرقه بليز
هند_ياي والله خفت من سواقتك
البنات ضحكوا ...جلسوا على الطاوله وانتظروا صديقه اسيل تيجي هند ناظرت الباب اتشوف الي جاي والي رايح ودخلت بنت هند معها وقف قلبها مو من جمال البنت رغم ان جمالها ما عليه كلام ولكن لانها تشبه وحده بشكل مخيف تشبه ليال لدرجه هند ظنت ان ليال ما زالت عايشه البنت مشت لطاولتهم
اسيل التفتت وناظرت البنت _لجين هنا تعالي
هند عقدت حواجبها البنت تشبه هاذيك البنت
لجين _هاي
البنات _هاي
لجين _سوري تاخرت
اسيل _مو مشكله يا بنات اعرفكم على اعز صديقاتي لجين صديقتي من الولاده بنت صديق ابوي
لجين _واخت الحبيب
اسيل ضحكت _وانا بعد اخت الحبيب
هند فهمت على طول اذا هاذي لجين الي راحلها سيف ذاك اليوم ليه كل شي يبي يحزني
لجين _عامر راح يجي اليوم
اسيل _قولي والله
لجين _افا عليك اقنعته
اسيل _لورا في شي غلط في لبسي مكياجي
لورا _لا لا ولا شي
هند التزمت الصمت وريم حاولت تتداخل معهم بس الموضوع الاساسي كان عامر الي اسيل شكلها بتخبل عليه
البنات كانوا ياكلون وسمعوا صوت رجال يقول _طيب عازميني وتاكلون قبل ما احضر ليه
اسيل قامت وسلمت عليه باسها في خدودها شكله عادي هند لاحظته كان شكله مرتب وشياكه على الاخير وشعره خفيف من قدام وحواجبه خفيفيه رغم ذلك طالع عليه جاذبيه حلوه لورا بعد قامت وسلمت عليه نفس الحكايه بوس على الخدود
اسيل _عامر اعرفك على ريم
قامت ريم وسلمت عليه باليد بس
اسيل _وهند
هند نفس الحكايه باليد بس ما ارتاحت لمسه يده ونظراته عامر جلس قدام هند هند رجعت لاكلها
عامر _انا قلت لسيف واظنه راح يجي بعد
لجين ابتسمت
عامر ناظر هند وناظر شعرها _اول مره اشوف احد قاص شعره قصه غريبه ومناسبه له تمام
هند _شكرا ..ورجعت تاكل ما ارتاحت له ما اقدرت ترتاح وش تسوي
هند حست ان ريم بعد مو مرتاحه
بعد خمس دقايق دخل سيف بهيبته هند حست براحه بس الي خرب عليها المنظر هي لجين قامت وراحتله وحضنته من جنب واحد ولا همها اخوها اصلا اخوها مبتسم هند شافت ان سيف يعاملها كطفله حتى حركه لعبه في شعرها
سيف _هاي كان انتظرتوا
عامر _هاذولا ما يعرفون يعزمون عموما طلبت لي ولك
سيف _كويس ما فطرت... وراح يجلس جنب هند فصارت الطاوله عليها سبع كراسي هند وسيف وريم من جههه ولورا ولجين وعامر من جهه ثانيه واسيل جالسه على طرف الي قريب من عامر كان سيف مقابل لجين وهند مقابله عامر وريم مقابله لورا
عامر ما زال يناظر هند _لون شعرك طبيعي
هند كانت تبي ترد بس في احد ثاني رد عنها_ايه لونه طبيعي
هند ناظرت سيف القريب منها على بالها انهم ما يكلمون بعض بعد الي صار لكن سيف حط يده ورا كرسي هند علامة تملك
عامر _ اشوف يا سيف تعرف كل شي عن هند
سيف _ كيف ما تبني اعرف عن هند كل شي
هند استغربت وش الي قاعد يصير ليه سيف يكلم كذا كانه خطيبها هند ناظرت لجين تبي تشوف ردة فعلها لقتها تاكل بس ماسكه الملعق بقوه
عامر _هند انتي بعدك تدرسين
وثاني مره رد عنها سيف _ايه جامعه انجليزي
عامر ضحك بقوه _سيف تكفى خل البنت ترد
سيف _ومن قالك اني ابيها ترد عليك
عامر _ لا تكون هاذي غيره
لجين تكلمت شكلها تبي تغير الموضوع_سيف راح تسافر متى لروما
سيف _بعد اسبوع ليه
لجين _بغيت اسافر معك
سيف _اوكيه
هند طبعا كانت مستغربه وحاسه ان ريم تحس مثلها
ريم بصوت واطي _هند وش الي قاعد يصير
هند_الله اعلم
ريم_انا متضايقه
هند_وانا بعد
لجين _سيف ابي اخذ رايك في لبسي الجديد
سيف _شنو لونه
لجين اضحكت _اخضر
سيف _يلبقلك من غير ما اشوفه
ريم وهند بلا كل اشويه يناظرون بعض مستغربين من الي يشوفونه ويسمعونه
سيف _ريم شكلك شبعني
ريم _ها شبعت ايه شبعت
هند ناظرت عامر كان يناظر ريم باعجاب
عامر _ريم انتي مخطوبه صح (ناظر الدبله )
ريم_متملكه
عامر _يعني زوجته منو سعيد الحظ
ريم_ولد عمي
عامر _ وش سوى في حياته عشان يستحقك
ريم_كان محترم نفسه (هند فهمت الدقه)
عامر ضحك وريم ارجعت لاكلها هند ناظرت بوابه المطعم صدفه دخل واحد يشبه وليد هند افتحت عينها وشهقت شهقه صغيره سيف ناظر المكان الي تناظر له وشاف عرف انها ظنته وليد او خطيبها الاول عصب عامر _في شي
هند_لا بس شبهت شخص على واحد اعرفه
ريم_منو
هند_وليد ..هند لا اراديا ناظرت سيف الي كان يناظر الشخص الي يشبه وليد وبعدين ناظرها هند خافت من نظراته وعقدت حواجبها اما سيف فقام
سيف _اعذروني انا عندي شغل كثير هند تبين تروحين معي عشان الملابس الي قلتي تبين تشترينها
هند ناظرته ببلاهه وقامت مو عارفه وش تقول
هند_باي شكرا
عامر _ان شا الله لنا لقى ثاني
سيف مسك يدها وجرها من غير ما يخليها ترد على عامر
هند وهي بره _انا ما طلبتك شي
سيف _ادخلي السياره
هند مشت وراه وركبت الفيراري السودا
سيف شغل السياره
سيف _منين لك هاللبس على بالي ما تلبسين ما يخص البنات
هند_ من ريم وبعدين تكلم معي بادب ولو سمحت فهمني ليه تكذب
سيف _ ما بغيتك تجلسين مع عامر
هند_ليه

( الفصل السادس )
سيف _من غير ليه ما ابيك تجلسين معه انتهت السالفه
هند_انت ايه تبي تجنني صح انه مو انسان ترتاح بشوفته بس انا اعرف اوقفه عند حده اذا سوى شي
سيف _وليه اسمحله يسوي شي من الاساس عشان تصير مشاكل انا مو ناقصها
هند_ليه انا ليه ما خذيت ريم بعد
عامر _كان يضايقك اكثر منها بعدين هي عرف انها مخطوبه ما راح يقرب منها وبعدين انا ولد عمك ومفروض احميك فهمتي
هند_واختك عادي عندك ليه
سيف _اختي خطيبته
هند_ايش مو معقوله
عامر _ الصدق يصدم اسيل ما ترضى عليه كلمه
هند_الحين وش انسوي وين راح تاخذني
سيف _ايش رايك انسوي الي قلته انروح نشتري لك ملابس
هند_لا والله ما ابي ما انت ابوي عشان تشتريلي
سيف _ليه لازم الاب هو الي يشتري
هند_لا ولي الامر عموما ما ابيك تشتريلي
سيف _كيفك طيب انا راح اروح اتسوق لنفسي ابي اشتري هدايا العيد وراح تروحين معي تقدرين تختارين معي
هند_مالي علاقه بك سو الي تبيه
سيف _هند ما اقدر اتكلم معك الحين واعتبرك هند الي اعرفها الحين مختلفه
هند_تقصد عشان المكياج مو من كثره ..وخذت مناديل وماجت(شالت) الروج سيف كان يناظر الحركه وكان يناظر شفايفها صدق توت
هند_رجعت طبيعيه
سيف هز راسه وقفها عند مول كبير مره ونزل وهي نزلت ومشت وراه
سيف _تقدرين تشترين اغراض للبنات وانا اغراض العيال
هند_ما اعرف اشتري اغراض البنات بس اعرف اشتري اغراض العيال
سيف _تعرفين بس امشي معي اصلا انا ما اقدر اخليك تروحين لحالك في هالمكان راح تضيعين
هند موسيف مشوا كثير سيف ما كان يدخل لاي محل كان يمشي كانه يبي محل محدد هند الكعب الم رجولها
هند وقفت في نص الطريق وشالت كعبها
سيف طبعا لاحظ ان هند ما عادها تمشي وراه ناظر لورا لقاه جالسه على كرسي وشايله كعبها وتدلك رجولها
سيف انصدم ولا همها بالناس الي يناظرونها المول ما يدخله الا الطبقات الراقيه
سيف راحلها _هند ايش قاعده تسوين
هند ناظرته _ارجولي خلاص انتهت ما اقدر امشي اكثر
سيف _وش راح انسوي الحين
هند_روح وانا راح انتظرك هنا
سيف _مستحيل راح اروح اشتريلك شوز يناسبك ..وراح من غير ما يسئلها عن مقاس ارجولها ...رجع بعد عشر دقايق وركع عند ارجولها ولبسها حذيان صندل وردي رقيق هند اعجبت به بس ما بينت هند كانت مستحيه لانه اهو الي لبسها الحذيان
سيف ناظرها _تقدرين تمشين الحين
هند قامت وتحسست ارجولها _اي اظن اني اقدر
سيف مسك يدها _يله خلنا نروح
هند حست ان حبه زاد يقدر يصير ر قيق وحنون بقوه
هند ناظرت يدها الي ماسكها سيف كان هو ماسكها بس هي لا وقررت انها بعد تلف اصابعها على يده لفته وناظرها سيف هند شافت في عيونه اتباك وحب يذوب بعدت عينها سيف شد يده على يدها بقوه
سيف وصل المحل كان كبير وحلو الي داخله كانوا ناس شويه بس مبين عليهم الدلع والغنا
سيف _نبدا امي شريتلها الهديه من قبل باقي خواتي وطلال وريم وياسر وعمي وعمتي
هند زعلت ما ذكر اسمها
هند_انا راح اشتري لياسر وطلال من هنا
سيف _لا لا تروحين لمكان من غيري ابقي معي
هند_كيفك
اشترى لبنات عطور على عددهم ثلاث بنات يعني صدق ناسيها
وطلال وياسر ساعات هند بغت مثلها صدق ذوق هند طبعا تعبت وجلست على سيت في المحل وسيف كان يمشي في المحل بخفه والبائعات يلاحقونه مثل الفراش حول النور يبون يساعدونه
سيف _هند ايش رايك هاذي ولا هاذي كان فيه ساعه سودا الماس على شكل ورقه والثانيه ساعه بنيه الماس وذهب على شكل ورده
هند ما عجبنها ولا واحده كلها حلوه بس هي ما تعرف في ذي الانواع تعرف السبورت
هند_اظن البنيه احلى بس انا مااعرف في ذي الاشكال
سيف _على أي شي طيب على الاقل على اللون وش احلى
هند_اوكيه البنيه صدق حلوه
المساعده _البنيه افضل بالطبع
سيف رجع بعد اشوي _ها هاذي ولا هاذي كانت ميدليات الاولى على شكل صقر والثانيه على شكل حمامه ماسكه غصن
هند مدت بوزها
سيف _هند ردي يله
هند_سيف الحمامه لبنت والصقر لولد
سيف ناظر الميدليات _واذا هي لواحد يحب كل الانواع
هند_ما فهمت بس اوكيه الحمامه حلوه سيف بس تعبت ما اعرف اختار
سيف _اول مره اشوف مره ما تحب تدخل نفسها في الاختيارات
هند _ما اعرف وش اسوي
سيف نادى المساعده وعطاها عنوانه وتكلم معها بالفرنسي كان يخبل بالفرنسي هند افتحت فمها
سيف ناظرها _يله ايش فيه ليه على وجهك علامه استفهام
هند_تعرف تتكلم فرنسي
سيف _اكيد
هند_وش اسمي بالفرنسي
سيف عقد حواجبه _نفس اسمك بالعربي
هند_لا اقصد وش معناه
سيف _ام هند اظن انه......
هند_ياطولها على فكره اسمي واسمك نفس المعنى
سيف _صدق كيف
هند_انا معنى اسمي سيف
سيف ضحك وناظر الساعه _ايش تبين انسوي
هند_ما عندك شغل
سيف ناظرها بسحر _ابي اجلس معك
هند ظنته يمزح مع ان قلبها طاح
هند_بس انا ما ابي اجلس معك
سيف _للاسف اذن نرجع البيت
هند_سيف لا ابي اروح مدينه العاب
سيف _مدينه العاب وش راح تسويلي اذا خذيتك لها
هند_انت ما تبي مني شي وبعدين ابي ياسر وطلال يروحون معنا وبعدين انت ولد عمي عيب تطلب مني شي
سيف _ما فهمت واذا انا ولد عمك وش الي يخليني ما اطلبك شي
هند قعدت تفكر _ما اعرف بس مفروض انك ما تطلبني شي فهمت
سيف _هند انتي مجنونه ..وابتسم ...هند ناظرت ابتسامته وتهمت فيه
سيف ناظرها وهي تناظره كذا _في وجهي شي
هند ناظرته وكانها خارجه من عالم ثاني _ها
سيف _قلت في وجهي شي
هند ناظرت وجهه مره ثانيه ورفعت عينها له وهزت راسها يعني لا ..
سيف خذا يدها ومشى وهي تمشي وراه وهي تمشي كانت تناظر يده ويدها وقبل ما يطلعون من المول اسحبت يدها سيف ناظرها وهي سوت نفسها عادي ومشت قدامه سيف من وراها ابتسم وكمل مشيه
سيف فتح لها باب السياره
سيف داخل السياره _تبين تروحين لمدينه الالعاب
هند_ايه
سيف _ما تقدرين تروحين بهذ الثوب تريه ملفت
هند ناظرت ثوبها وعبست وناظرت الدريشه _خذني للبيت راح اغير ملابسي ونقدر ناخذ طلال وياسر معنا
سيف _عندي حل افضل انتظريني
وطلع من السياره هند قعدت تناظره وهو داخل المول وش حياة الترف الي هو عايشها الي هو يبيه ياخذه شي يقهر صدق سيف دخل عليها وهي تفكر
سيف عطاها الكيسه الي في يده هند على طول تذكرت يوم عطاها الكيسه في الشرقيه كيف رماها عليها الحين يعطيني ياها بادب وتنهدت
سيف _هند في شي
هند هزت راسها لا _وش هاذي
سيف _ملابس عشان ما فيني اروح لبيتي وبعدين انا دقيت على ياسر وطلال راح يلقونا هناك
هند افتحت الكيسه لقته بنطلون وبلوزه _وين راح البسها
سيف ما رد عليها شغل السياره ومشى هند ردت الملابس مكانها ورجعت لعبوسها وقعدت تناظر الكيسه وقف بعد شويه ناظرت هند المكان لقته موقف للسيارات هند ناظرته _وصلنا
سيف _لا بس انا راح اطلع من السياره وانتي تقدرين تغيرين ملابسك
هنا هند_ايه وش تقول انت مجنون عيب ما اقدر لا لا ما راح اغير ملابسي هنا لو تذبحني
سيف _وليه اذبحك او اغصبك ما في احد راح يشوفك انا راح اطلع والله ما احد راح يشوفك وطلع من السياره
هند تنهدت وتلفتت يمين شمال ما كان فيه احد ناظرت سيف لقته ورا السياره متكي عليها عاقد يدينه على صدره
هند بوزت وغيرت ملابسها لبست البنطلون تحت الثوب وبعدين لبست البلوزه فوق الثوب وبعديت دخلت يدها تحت البلوزه وسحبت السحاب وخلست الثوب هند طبعا ما شافت ملابسها لان المكان معتم مسكت الثوب ولفته وحطته ورا وفتحت الدريشه
هند _خلصت
سيف التفتلها ومشى للسياره وركب السياره ومشى بها وخرج من الوقف حق السيارات
هند وسيف خرجوا من الوقف هند التفتت لسيف
هند_شكرا الملابس حلوه
سيف _ظنيتك راح تخاصميني مو من ذوقك هالملابس
هند_ما هي بمشكله
سيف استغرب ليه مؤدبه
سيف _فيه شي
هند_لا انت فيه شي
سيف _انا لا ليه
سيف وهند ناظروا بعض وبعدين سيف التفت لقدام وهند للدريشه (هند كانت بلوزتها لونهاابيض عليه صوره ميكي ماوس وزوجته ميني ماوس والبنطلون جينز ازرق غامق ضيق من تحت )
سيف وقف السياره بعد فتره طويله كانت الساعه اربعه ونص
سيف _يله انزلي
هند انزلت وشهقت كانت مدينه العاب كبيره مره
هند_سيف هاذي كبيره مره
سيف _ايه
سيف _واو اخيرا ومشت للبوابه
سيف _هند استني
هند وقفت وناظرته
سيف _لازم نشتري بطاقات ...وراح يشتري لهم بطاقات هند تفشلت ما تحب احد يشتريلها شي قدامها حتى الملابسها متفشله انها قبلتها
سيف ناظرها _هند يله
هند ناظرته وابتسمت حست ان البنات الي يبيعون البطاقات يناظرونها بحسد هند في ذيك اللحظه فكرت انها تناظرهم وتدلع السانها بس عدلت الفكره
هند اول ما دخلوا ديزني نطت نطه عاليه
سيف ناظرها وابتسم ومشى وخلاها وهند لحقته
هند_ابي العب هاذيك اللعبه
سيف (سيف كان لابس ملابسه الرسميه السودا بس هو خلس الجاكيت ولف كمه وماج (شال)الربطه العنق )
سيف _هند انا ما ابي العب ما احب الالعاب
هند ناظرته وهي فاتحه عينها مستغربه _لا والله مو بكيفك بتركب يعني بتركب لما يجون العيال اتركني
سيف هز راسه يمين شمال استسلام ومد يده يعني يله
هند اركبت العبه الدولاب الي تدور سيف ركب جنبها وناظر تحت
هند ضحكت بقوه _سيف انت تخاف سيف العظيم يخاف
سيف ناظرها كانها بلهه _من قال اني اخاف
هند_بلا تخاف ليه تناظر المكان كذا
سيف _من صغري ما احب الملاهي ما اشوف لها هدف
هند _راح اخليك اليوم تشوف هدفها
بدت اللعبه تشتغل سيف ولا همه كانه جالس على كرسي في مطعم اما هند فماسكه الحديده الي قدامه وبدت اللعبه تقوى هند بدت تصارخ وتضحك وسيف يناظرها ويبتسم
سيف بصوت عالي عشان تسمعه _ليه تصارخين
هند ناظرته وعيونه مليانه فرحه _لازم اصارخ ولا ما تطلع لعبه انت بعد لازم تصارخ
سيف _لا مشكوره
هند ضحكت وسيف قعد يناظر وجهها هند بعدت نظراتها وقعدت تناظر المكان من تحت
سيف _لا تناظرين المكان من تحت بيجيك اغماءه
هندمسكت راسها ورجعت ورا وحطت راسها عليه سيف حط يده ورا ظهرها
سيف _هند انتي بخير
هند_ايه بخير بس احس راسي يلف
سيف _خلاص اللعبه بتوقف الحين
وقفت اللعبه ونزلت هند وسيفاخذها لمكان بعيد
سيف _هند حطي راسك بين ارجولك
هند ناظرته _ها
سيف اخذ ر اسها ونزله تحت سيف كان ماسك شعرها حس انه مو قادر يشيل يده من شعرها
هند_ لمتى راح ابقى كذا
سيف مازال ماسك شعرها _تقدرين ترفعين راسك
هند ارفعت راسها وسيف بعد يده غصب عنه
هند اجلست على الكرسي
سيف _فيك شي تبين انروح
هند_لا لا اكيد لا سيف وين طلال وياسر
سيف _موجودين بس ما اعرف وين ...خذا جواله من جيبه ودق عليهم وقالهم انهم يجونه
هند _سيق شف بطوط
سيف _منو بطوط
هند_هذيك البطه
سيف ضحك بهدوء _تسمونه بطوط
هند_ايه عارفه ان هذا مو اسمه بس مازلت افضل اسمه بطوط
سيف جلس جنبها وعقد يدينه وعلى وجهه ابتسامه
هند ناظرته _سيف ليه انت دايمن مرتب ليه شعرك مرتب ملابسك دايمن نظيفه
سيف _وش تبيني اسوي
هند حطت يدينها على شعره وقعدت تلعبه لين خرب ترتيه هند استغربت طلع احلى طلع كانه طفل مشاغب جماله يزيد ما ينقص
سيف ضحك _ليه سويتي كذا
هند_احسن لك صدقني
سيف مسك شعرها وخربه هند اضحكت _اصلا انا شعري مو مرتب
سيف _اوه يعني مفروض اني ارتبه مو اخربه
هند اضحكت حركاتهم حركات اطفال
هند_تعرف ابي اسمع لضحكتك صوت انت دايمن تبتسم مو تضحك
سيف _لا والله ابش تقولين انا ما ضحك
هند_ايه ..وقامت من الكرسي ..انت دايمن تبتسم يعني ابتسمه ممكن تكون كبيره او صغيره بس ما تتعدى كونها ابتسامه
سيف _اوكيه معلومه جديده
هند _وينهم
سيف _ديزني كبيره راح يتاخرون
هند_ابي ايس كريم بروح اشتريلي
سيف قام _انا راح اروح اشتريلك
هند_لا لا معي فلوس
سيف _وش جاب طاري الفلوس
هند_سيف لا تشتريلي انا راح اشتريلك
سيف استغرب _ايش ليه
هند_انت الي دخلتني الملاهي وانا راح اشتريلك بس ترا ايس كريم واحد بس فهمت
سيف ابتسم _شوفي اشتريلي ايس كريم وانا راح اشتريلك ايسكريم
هند_انا راح اشتري لنا كلنا
سيف _اذا انا ما ابي ايس كريم
هند_سيف
سيف _هند
هند_طيب خلاص موافقه انا ابي فراوله وانت
سيف _ليمون
هند راحت تشتري له وهو بعد ويوم خلصوا عطته ايس كريمه وهو عطاها ايس كريمها
هند قعدت تاكل الايسكريم وهي تاكل كان فيه ايسكرم على دقنها سيف ناظرها وخذا من جيبه مناديل ومسك وجهها
هند-وش فيه
سيف مسك دقنها وقعد ينظفه بس ما قدر يكمل ما استحمل عطاها المناديل _هاك نظفي دقنك
هند امسكت المنديل من يده ونظفت فمها وناظرته _عاد فيه شي
سيف ناظر شفايفها وتهم _لا ما في شي
هند ناظرت قدام وسئلت سؤال تمنت انها ما سئلته _لجين تعرفونها من زمان صح
سيف ناظرها وابتسم _ليه تسالين
هند_البنت حلوه تصلحلك يعني لو انت اخي راح اخطبلك ياها (هند تقول هالكلام وهي تتالم صارت خطابه لحبيبها )
سيف _اذا الحمد لله اني مو اخوك
هند ناظرته ببلاهه _البنت حلوه وتناسبك
سيف ناظر عيونها مباشره _وكيف عرفتي انها مناسبه لي
هند_انت رجل اعمال وتبي وحده تكون لك واجه جميله وتعرف في اصول الضيافه
سيف _ليه انتي ما تعرفين في اصول الضيافه
هند مافهمت _انا ما افهم في شي وبعدين انا يقول خالد اني اخوف الضيوف واني مو مفروض ما اطلع لهم
سيف _انتي حلوه والضيوف راح يجون مره ثانيه عشان يشوفنك
هند ناظرته تبي اتشوف هل هو من صدقه لقته يناظر الارض بحزن
هند_سيف في شي
سيف ناظرها وابتسم _لا ما فيه شي والتفت قدام ...طلال وياسر اوه لورا بعد معهم غريبه ما كانت في المطعم
هند ناظرت العيال كانوا لابسين برمودا ولورا لابسه بنطلون قصير مره
هند نفسها استغربت كان البنطلون لفوق اركبها بكثير
ياسر _مسفر (اسم هند الولادي )يله نلعب
لورا _مسفر انا بعد صار لي اسم مثلك
هند_وش هو
لورا _طلال وش هو
بس ياسر الي رد _مفرح
هند _ليه يا لورا وافقتي على هالاسم
ياسر _انا عن نفسي خيرتها بين اسماء اختارت من بينها مفرح
هند_يا لورا ليه
لورا _احس في الاسم فرح
هند_الحمدالله والشكر يله وش نلعب وبعدين ليه لابسين كلكم نظارات انا ما معي يله اخلسوها (كانوا لابسين نظارات شمسيه بوليسيه )
طلال _لا ما نبي تعالي اشتريلك
هند_لا
سيف مد يده لهند وعطاها نظاراته
سيف _البسيها
طلال _لا يا سيف تكفى راح اعطيها نظارتي وعطني نظارتك
هند خذت نظارات سيف _لا عناد ما راح اعطيك ياها
طلال بوز _ليه ما عطيتني ياها
سيف _الي ما عنده اولى
ياسر _يله نبي نروح نشوف
سيف _يله روحوا انا راح اجلس هنا
العيال راحوا لكن هند قعدت تناظر سيف +_ليه ما تبي تروح معنا
سيف _ليه اروح انا ما احب الالعاب
هند_وش راح تسوي هنا
سيف _راح اتمشى في اماكن كثيره هنا مو كل المكان العاب
هند _اوكيه ....ومشت والبست نظارته كانت بعد بوليسيه
........العيال بدوا يلعبون
هند_خلونا نلعب هاذيك انا لعبته مره حلوه
طلال _ يله انا جنبي هند وياسر جنبه لورا
هند فهمت حركات المراهقه بس ما بغت تمشيها لهم
هند_لا حبيبي انا جنب اخوي وانت جنب اختك
ياسر ناظرها بتعصيبه
هند امسكته ودخلته معها
بدت اللعبه وهند وياسر قعدوا يدقون على اللعبه طقوا اقلبوها ملاهي سعوديه
طلال ولورا كانوا هادين بس لورا كانت تصيح بعض الاحيان
العيال انزلوا وهم يمشون كانوا شارين ايس كريمات الا هند الي كانت شاريه خدود البنات كبير مره وتاكل منه هند لاحظت ان فيه شابين يلاحقونهم كانوا بريطانين واضح كانوا شقر هند ما اهتمت مع انهم يضحكون على أي شي تسويه
طلال _شوفو مصارعة السومو
طبعا الكل فهم الا لورا الي ما لها في مصطلحات العيال
هند _يله ندخل
ياسر _انا راح العب
.................................................. .......... .......
دخل ياسر بعد اشوي في دائره المصارعه كانوا ملبسينه لبس منتفخ وكان فيه واحد ثاني صيني لابس مثله كان شكله يخوف
بدت المباره اللعبه قانونها الي يخرج الاول من دائره المصارعه يخسر
حاول ياسر وما فلح رماه بكل سهوله
لورا _اوه اكيد جرح ياسر
هند_لا ياسر ما يتاذى بذي التفاهات
طلال _اصلا ياسر مجنون ليه يدخل هاللعبه
هند_طلال تكفى ادخلها
طلال ناظر هند بخوف _لا ليه يا هند مو كويس اني ادخلها ممكن اتاذى
هند_هذا يدل انك جبان
طلال _انا مو جبان ودخل
.................................................. .......... ...
دخل طلال في حلبه المصارعه واول ما قرب منه الصيني طلال خرج من الدائره من نفسه
الكل ضحك
طلال رجع وهو متفشل
هند تبي ترفع معنوياته _انا اشوفك بطل خليته ينغش فيك
طلال ما فهم بصراحه هند نفسها ما فهمت وش قالت بس الكل ضحك
لكن هند قالت شي خلى الكل يسكت
هند_اها الحين دوري
طلال_هند لا لا تتهورين
لورا _هند انتي بنت
ياسر _خلوها
طلال _انت مجنون
ياسر _يعني تظنون انكم راح تخلونها تغير رايها ارتاحوا
.................................................. ...
هند البست ملابس المصارعه كان شكلها يضحك هند لاحظت ان الشباب البريطانين موجودين كانوا خايفين شكلهم خايفين عليها طلال خذالها صوره
دخلت ساحة المصارعه وبدت المباراه الصيني شكله تهاون بهند وبدال ما يدور حول الحلبه هجم عليها وهند يوم شافته قرب منها بعدت وهو طاح وهند انتظرت اول ما قام وجرت عليه وطاحت فوقه فخرج من الحلبه الكل قعد يصفق ويضحك والصيني قام وصفق لها وهند سوت نفسها وقعدت تاشر بيدها
طلال ولورا مو مصدقين _كيف كيف
ياسر _ليه انا مو مستغرب
هند خلت طلال يصورها مع الصيني وهو رافع يدها
طلال طبعا من بعد هالحادثه وهو ينظر لهند على انها بطله عظيمه
هند_خلاص تعبت ابي اكل
طلال _اوكيه هناك مطعم ايش تبين تاكلين
هند ناظرته عرفت انه خايف منها
هند_طلال ايش فيك تراني هند
طلال _ايه عارف
هند _طيب ايش فيك خايف
طلال _انا مو خايف
هند_كيفك تراه بلا حظ ..ولاحظت لعبه الي هي سيارت فوق الما ,,ابي العب هاذيك اللعبه
طلال _اوه انتي بعد مثلي انا احبها
لورا _بس انا ابي العب قطار الموت ياسر تلعب معي
هند ثاني مره تبي تخرب الجو الرومانسي _لا ابيك يا ياسر تلعب معي
ياسر ناظره بتعصييبه _لا ابي العب قطار الموت
هند اسكتت عرفت انها ما تقدر تقول شي
ياسر ولورا راحوا وطلال كان يناظرهم بحسد شكله كان يبي يروح معهم هند تضايقت
هند _ طلال تقدر تروح معهم ابي العب لحالي هاللعبه
طلال _انتي متاكده
هند ابتسمت _اكيد
طلال راح وهند راحت للعبه ودخلت لاحظت ان الشباب دخلوا نفس اللعبه هند ما اهتمت هند يوم بدت اللعبه لاحظت انا الشباب وراها هند التفتت لهم وهم ابتسموا لها هند رجعت تناظر قدام من غير ما تبتسم لهم بعد اشوي صا سيارتهم المائيه قرب سيارتها
الشاب الاول _هاي
هند ناظرته وما ردت
الشاب الثاني _ان لك شخصيه مميزه وضحكه رائعه
هند التفتت قدام وبعدين ورا كان فيه كثير يلعبون بس مو مهتمين بها
الشاب الاول _انا زاك
الشاب الثاني _انا ديف
هند_لو سمحتوا هل لكم ان تبتعدوا لا استطيع السواقه في هذا الحيز الصغير
الشاب الاول _اولا نريدك ان تخبرينا اسمك
هند+_للاسف لن اخبركم ما هو اسمي
الشاب الثاني _نحن لا نريد ان نضايقك فقط اسمك
هند اسمعت احد يناديها التفتت هي ويا الشباب لقته سيف في عيونه شرر
سيف _هند هل يضايقك احد (هند عرفت انه تكلم بالنجليزي عشان يخلي الشباب يسمعونه )
هند ناظرت الشباب نظره بمعنى الشباب بعدوا سيارتهم
هند_ لا
سيف جلس في الكرسي القريب من اللعبه هند فرحت تحبه لما يسوي كذا هند خلصت اللعبه وطلعت لسيف
سيف وهو معصب _ليه ما خليتي احد يلعب معك
هند ناظرته ببراءه _سيف الباقين بغوا يلعبون لعبه غير وش اسوي
سيف _ليه ما ناديتيني
هند_ما شفتك وبعدين ما فكرت ان ممكن يصير اي شي
سيف مسك يدها
هند_سيف انا جوعانه
سيف _انا ما راح اجلس في هالملاهي ثواني تبين تاكلين راح اخذك لمطعم برا
هند _اوكيه
هند عارفه ان سيف لما يعصب ما يرحم
هند ركبت السياره سيف ساق بسرعه
هند_ سيف
سيف ما رد عليها وقفها عند مطعم
سيف _انزلي يله
هند عصبت منه معصب عليها وهي مالها ذنب _ما ابي انزل خلاص ما ابي اكل
سيف ناظرها وهو خلاص ممكن تجيه جلطه من كثر ما هو معصب
سيف _هند انزلي احسن لك
هند ناظرته بكل هدوء _لا ما راح انزل
سيف ناظرهها وهو ماسك يده ومكورها بقوه وخرج من السياره وقفل بابه بقوه بغى يكسره
هند ناظرته راح ورا المطعم هند استغربت مو عرافه وين راح هند كذا دايما تخرب الامور ما تعرف تتصرف معه وش تسوي
هند انتظرت مرت نص ساعه وهو غايب هند خافت ,,,مرت ساعه هند قلبها بغى يطيح من الخوف هند تجرأت ونزلت ومشت سمعت صوت امواج وبحر وراحت لورا المطعم لقته بحر وشاطئه بس البحر ما كان عليه احد الا ناس شوي ممكن اربع اشخاص ومتفرقين مو مع بعض
هند نزلت للشاطئ نزلت عبر الصخور وراحت تمشي على الشاظئ تدورله لقته
كان جالس على الشاطئ .. هند راحت له
هند وقفت على راسه _ايه انت مجنون ليه ما قلتلي (_قالته بصوت عالي)
سيف ناظره بعدين رجع يناظر قدام
هند اضربته في ظهره _وجع اسمع
سيف مسك يدها وناظرها هند خافت كانت عيونه مليانه نار _هاذي اليد لا عاد تتجرا وتسوي الي سوته مره ثانيه فهمتي
هند فكت يدها وناظرته بتحدي ما تفهم بتهديد _لا ما فهمت ولي ابي اسويه باسويه
سيف ناظرها نظره الي يشوفها يهرب المفروض يهرب _هند روحي احسن لك روحي (سيف مو من النوع الي يمسك نفسه بس خايف يسوي معه شي ما يبي انه تكره )
هند قعدت تناظره ما دام السالفه فيها عناد هند ما راح ترجع من مو

( الفصل السابع )
هند ادخلت البيت وطلعت غرفتها واول ما ادخلت غرفتها اسمعت دق
هند ناظرت الباب لقتها ريم
ريم_وين رحتي انت وسيف وبعدين وش هاذي الخيانه تقولين له انك تبين السوق ولا تاخذيني معكم
هند ناظرت اختها ببلاهه هي في وادي وريم في وادي
هند_ريم مو ناقصتك اطلعي ابي انام
ريم_هند قولي الصدق انتي بينك وبين سيف شي
هند _ريم انت هبل انا مخطوبه وبعدين سيف مو من النوع الي يناظر امثالنا ممكن انتي لكن انا لا
ريم _شفتي لجين شفتي جمالها ما شاء الله
هند بغت تبكي _ايه فهمتي ليه هو متكبر
ريم استغربت ليه هند تتكلم بتحسر _هند انتي ولا اقول خلاص
هند_تبين تسالين هل انا احب سيف ايه في شي في قلبي يصير لما اشوفه ممكن اني احبه
ريم استغربت اول مره تعلمها هند بسرها _هند صدق يصير لك كذا طيب ليه وافقتي على نايف
هند ناظرت ريم _ريم انتي ما تسمعين الي قلته سيف يبي وحد مثل لجين
ريم_هند انتي احلى منها تلقين جمالها عمليات تجميل
هند_ريم ريم سيف يحبها
ريم _لا لا يا هند انا الي اليوم لاحظت كان مهتم فيك اكثر
هند_ريم انتي عشانك اختي بتقولين هالكلام لكن انا انسانه واقعيه انا وهو ما ننفع لبعض
ريم راحت لهند وتبي تحضنها لكن هند قامت _لا لا تقربيني لا تحسسيني اني مسكينه واني مفروض ما حبيته بس عادي انا هند اعرف اعيش وفقا لهاذي الظروف ههه
ريم ما ضحكت _هند حاولي شوفي ممكن انه يحبك
هند_انا هند مستحيل احاول عشان رجال عموما ايش صار بعد ما رحنا
ريم _ولا شي بس هذا المغث عامر قرفني وخلى اسيل تزعل
هند_انا ما حبيته
ريم_هو اصلا ما ينحب
هند_ريم ابي انام ممكن
ريم قامت _انا بروح لامي المسكينه ما تعرف وين تروح بلى جالسه مع عمي وابوي عمتي كل شوي رايحه لمكان
هند_اوكيه تصبحين على خير
ريم_وانتي من اهله وقفلت الباب وراها ...وهند غيرت ملابسها ودخلت السرير وبدون مقدمات بكت شكل وظيفه سيف انه يخليها تبكي
ما نامت الا الصباح
.................................................. .......... ...........
ابو سيف _ فاطمه ابيك تساعديني
فاطمه _على ايش
ابو سيف _سيف هنا وانا بصراحه حاولت افتح معه الموضوع في الرياض بس هو رفض
فاطمه _اي موضوع يا ابو سيف
ابو سيف _موضوع زواجه من هند البنت كويسه واحس انهم ينفعون لبعض
فاطمه _يابو سيف انت عارف ان سيف ما يبي يتزوج
ابو سيف _انت ابيك تقنعينه ( ام اسيل بوزت هي ما تبي سيف ياخذ هند تبيه ياخذ لجين )
فاطمه ابتسمت ابتسامه مصطنعه _ابشر من عيوني راح احاول
ابو سيف +_تسلملي عيونك فاطمه ليه ما تحاولين تجلسين مع زوجه اخوي
فاطمه على طول تغير وجهها _بصراحه انا قلتلها اذا تبي تروح معي بس هي ما وافقت مو ذنبي (طبعا تكذب )
ابو سيف _ما دام كذا راحتها
.................................................. .......... .............
هاله تحاول تدق على هند من الصباح ما ردت اكيد الغبيه هند نست جوالها في السعوديه انا مو عارفه ليه شرولها جوال اصلا
ثريا _هاله وش فيك
هاله _احول ادق على المغث هند ما ردت ما ادري ايش فيها
ثريا_دقي على ريم راح تلقينها
هاله ناظرت اختها كانت حاطه خلطه في وجهها _وش ذا
ثريا _خلطه تزيل التجاعيد
هاله _ثريا انتي انجنيت تريك بعدك صغيره عمرك ثلاث وعشرين
ثريا _وطي صوتك لا احد يسمع عمري مالت عليك
هاله _ثريا قولي انك تمزحين
ثريا _امزح
هاله _انتي على قوله هند مجنونه رسمي
ثريا _راح تشوفين هند راح تسوي مثلي راح تحط خلطات
هاله _بسم الله على هند الا بشرتها بشره دعايات على فكره مو هاذي الممثله تشبه هند
ثريا ناظرت التلفزيون كان فيلم عن الازياء (ديفل ويير برادا ) ناظرت الممثله _صح بسم الله نسخه عنها بس لو شعرها قصير
هاله _سبحان الله صدق هند تشبه( آن هاثوي)
ثريا _الله يعين وانا اشبه من
هاله _يعني ها فيك من الي مثلت في ام البنات هاذيك المطوعه
ثريا _ قصدك منيره كل الناس يقولون كذا لا ما ابي اشبها
هاله _حظك ونصيبك خليني احاول مره ثانيه مع هند
.................................................. .......... ......
هند نامت لحد العصر وبعدها قامت وجلست في غرفتها ما بغت تطلع بس بعد شويه اندق الباب
هند_لا احد يدخل
لكن ريم افتحت الباب غصب _صدقتي انك تقدرين تخليني ما افتح الباب
هند_صدق ما به ذوق لا عاد تسوين كذا خلينا نحس ان لنا شي نملكه
ريم_مالت عليك عموما اسمعي يله انزلي خلينا نجلس عند امي المسكينه ما عندها احد السحليه الرقطه ما تجلس معها
هند_مسكينه امي وبعدين يا غبيه الحيه الرقطه مو السحليه الرقطه
ريم_المهم في السالفه رقطه صح
هند_اوف اطلعي ابي البس
ريم_بستناك عند الباب
هند ما ردت عليها وراحت لدرجها وخرجت ملابسها ولبست وطلعت عشان ريم بس ما لقتها
هند ناظرت الممر يمين وشمال ما لقتها
هند_اوف وين راحت ذي الخبل
كانت ام اسيل تمشي في الممر نازله وشافت هند مشت من جنبها هند اول ما شافتها سلمت عليها
هند_ايش اخبارك يا عمه
ام اسيل ناظرتها بتكبر وابتسمت ابتسامه سامه وراحت هند كشتها من وراها
هند بصوت واطي _مالت عليك وش فيك عشان تتكبرين شين وقوي عين صدق
سيف من وراها _عيب
هند افتحت عينها على الاخير وناظرت وراها بشويش لقته سيف
هند_ها
سيف قلدها _ها ..يعني انها ما تعرف وش سوت عيب تتكلمين على الناس من وراهم
هند ناظرته شكله خارج من ترويشه لابس بلوزه بيضاء وبنطلون جينز غامق شعره عاده رطب _انا ما تكلمت على احد
سيف ضرب راسها _لا عاد تكذبين (هند عرفت انه ما عاده بزعلان )
هند_ كيفي اتكلم على الناس قدامهم ولا وراهم فهمت
سيف _يعني ما ينأملك ممكن انك تتكلمين علي بعد
هند_اوه انت اكثر واحد اتكلم عليه
سيف ابتسم ابتسامه واحد مستمتع _وش تقولين عني
هند_اقول انك اناني وغبي ووقح ومتكبر
سيف ضحك وبعدين ناظرها _هند كم عمرك
هند_ما ابي اقولك
سيف _اوكيه لا تقوليلي بس تري تصرفاتك لوحده عمرها 15 سنه عشان كذا انا اقول قللي من جلستك مع ياسر واجلسي مع ريم
هند_لا اعطيك حل افضل عشان اخبل صدق اجلس معك احسن
سيف _في هاذي الحاله صدقيني انا الي بخبل مو انتي
هند ضحكت ضحكه تخامل في وجهه ومشت وخلته
سيف وراها _وين رايحه
هند_مو شغلك
سيف _هند جاوبي
هند _اوف رايحه لامي لان امك....
سيف _لان ايش كملي ولا خايفه
هند_خايفه من ايش بس مع ذلك ما ابي اكمل عيب
سيف _امي ما تقدر تجلس مع عمتي عشانها متعوده تروح وتطلع وعمتي رفضت ما تروح معها
هند التفتت ورا تبي تواجهه بس المفاجئه انه كان وراها صدق
هند بلعت ريقها ورجعت ورا شوي _من قال ان امك قالت لامي تعالي معي هي اصلا من يوم جات امي ما دعتها مره
سيف عقد حواجبه _مو معقوله امي قالت انها دعتها وهي رفضت
هند_انا ما اكذب
سيف ناظر قدام اما هند فكملت مشيها
هند ادخلت المصعد حق البيت وبعد شويه دخل معها سيف هند ناظرته لقته يفكر
هند بفضول تبي تعرف وش يفكر فيه ما شافت نفسها الا قايله _وش تفكر فيه
سيف التفتلها وهند مو مصدقه انها قالت هالسؤال
سييف_ مالك علاقه
هند حكت راسها خربته وسيف ابتسم ..انفتح المصعد وهند راحت لامها وسيف راح مو عارفه وين
هند_يمه ودك اصلحلك دله ونروح نزاور جيرانهم
ام محمد ضحكت _تقولين
هند_ولا انسوي شي احسن نلبسك برمودا وكت وناخذك للمجمعات
ام محمد ضحكت اكثر _هند هند على طاري المجمعات وش رايك تروحين تشترين لك شويه ملابس عشان ملكتك
ريم ناظرت هند بالم تذكرت كلامها عن سيف
هند_فكره كويسه ممكن بكره نروح
ريم عرفت ان هند ما تبي تناظرها عشان لا تفضح مشاعرها ريم زعلت على اختها كثير
ريم_ يمه ....وجلسوا لحد الساعه تسعه عند امهم
.................................................. .........
ريم وهي طالعه قالت لهند _هند على الاقل اجلي الملكه ممكن تتراجعين
هند_ريم ليه اجلها تذكرين كلامك انتي وهاله انكم تحسون اني راح اتزوج قبلكم انا راح احقق احساسكم
ريم_هند تشوفينه شي صح
هند_ما اشوف غير هالحل يفيد ..وابتسمت وراحت لغرفتها ودخلت معها ريم اجلسوا اثنتين على الكنبه
ريم_اوه مغث والله بريطانيا حلوه بس ما شفنا فيها شي
هند_نسيتي ما انتي قلتي انك راح تخلين عادل يعيش هنا
ريم_والله اني صدق ابي اعش هنا بس ........
في هذا الوقت انفتح الباب ودخلت اسيل ولورا
اسيل رمت على هند وريم ملابس وحقات اذن واقيه من البرد _يله البسوها نبي نطلع
هند ناظرت ملابسهم والملابس الي رامينها عليهم كانت نفس الشي بس الالوان تختلف
اسيل _الاحمر لهند والاصفر لريم
هند_وين رايحين
اسيل _رايحين نتزلج
ريم صاحت _قولي والله
لورا _يله بسرعه
هند وريم راحوا يلبسون ملابسهم وطلعوا للورا الي لابسه الاخضر واسيل الي لابسه الوردي
هند_انا ما حب اللون الاحمر
اسيل _حرام يلبقلك
هند_وع تروني اكرهه
ريم_ايوه هند مثل الثور لما تشوف الاحمر تعصب
هند_وانت البقره الي راح انطحها اذا ما سكتت
ريم خافت وسكتت
انزلوا تحت وراحت اسيل لسيارتها
هند_ليه ما نلعب هنا
اسيل _لا فيه ساحه لعب مخصصه
ريم _يعني فيها ناس كثير
اسيل _ ما اظن اعتقد سيف حجزها لنا بس انا واخواني ما نحب الزحمه نكرهها
هند وريم تضايقوا يحبون الناس
اسيل ساقت
ريم _اوه حظك اسيل اتمنى اسوق
اسيل _وانا اوعدك ان حنا لما نرجع انتي الي راح تسوقين ايش رايك
ريم صاحت _هيا
هند_وانا راح ارجع مشي ما ني بمجنونه لالحين
اسيل _ليه يا هند وين روح المغامره الي عندك
هند_ما اخذه اجازه
البنات اضحكوا الا هند الي ما كانت تضحك في كلامها
وصلوا للساحه كانت عباره عن ملعب كبير وحوله اشجار كان فيه ياسر وطلال يلعبون
لورا _ياسر وطلال موجودين اسيل متى سيف راح يجي
اسيل _ما اعرف متى
انزلوا وهند ركضت للعيال
هند_يله يا بزران جات المعلمه
ياسر _هند خليك معي على ذا البزر تريه خطير لعب بحسبتي
هند خذت كوره كبيره وضربت طلال عموما مرت النص ساعه الاولى والكل صار خايف من هند الي ضرباتها كبيره وتوجع لعبت بحسبه الكل وكانت لما تنضرب تعرف تتفادى الضربات المهم الكل صار يهرب من قدامها ولما كانت تبي ترمي لورا جاتها ضربه من ورا التفتت مقهوره لقته سيف ومعه لجين كانت لابسه مثل اسيل بس احلى وشعرها فاكته
هند عصبت من سيف وكانت تبي ترميه ما شافت الا الهجمات توالت عليها استغلوا موقفها هند طاحت عينها على طلال الي ضربها اخر واحد وهند ما قصرت خذت كوره ثلج معتبره وركضت وراه وهو يصارخ خايف
هند_والله لو تصارخ من لبكره بتنضرب يعني بتنضرب
سيف جمعهم ما عدا هند وطلال الي ما زالوا يركضون ورا بعض
سيف _الكل تعالوا هنا
هند ضربت طلال وراحت لهم
اجتمعوا في النص
سيف _ راح انكون فريقين انا لي فريق واسيل لها فريق احد عنده اعتراض
الكل _لا
سيف _اسيل ابدي اختاري
اسيل _ريم
سيف _طلال
اسيل _ياسر
سيف _لجين (هند بغت تموت قهر )
وما كان باقي الا لورا وهند
اسيل _ابي لورا (هند بغت تبكي )
سيف _ لا انا ابي لورا (هند خلاص اشوي وتروح تركض تبكي )
هند_اسيل انا ابي العب معك( لان الثنين ناظروا هند يعني من بتختارين)
هند شافت ان سيف ناظرها بتعصيبه قالت في نفسها ذا خبل انا الي مفروض اعصب مو هو
اسيل _خلاص
سيف _اوكيه اعد للثلاثه ونبدا لعب الفريق الي يستسلم لاعبينه يخسر
اسيل _اوكيه وبدت اللعبه طلال مسك هند وياسر مسك لورا وريم مع سيف ولجين مع اسيل
هند لعبت بحسبه طلال صح ضربته بالكور لين قال بس
طلال _لورا ساعديني
لورا لحقته وقعدت هي وياه يضربون هند هند بغت تخسر
هند_ياسر الحقني
ياسر ركضلها بس كان طلال ولورا جالسين على هند ويدخلون الثلج في ثيابها
ياسر _هاذي صارت حرب عوايل بروح انادي ريم
وركض لريم الي كانت تضرب سيف بدلع
ياسر _ريم ريم الحقي هند اضربوها
سيف _ليه ما تروح انت تساعدها
ياسر _انت ولا كلمه تراك من الفريق العدو الحقي يا ريم
ريم سوت نفسها المنقذه وركضت لهم ورمت نفسها عليهم وطلال ولورا ما قصروا امسكوها بدال هند اما هند تخلصت منهم وعلى طول امسكت طلال من شعره
طلال _اح فكيني
هند_لا ما راح افكك
هند بدت تاخذ الثلج وتدخله في ملابس طلال وطلال يترجاها (كله مزح بس ثقيل )
هند ثاني مره رجعت تمسك شعره
هند_ما احد يضربني
وما شافت الا يد ما سكتها من خصرها ورافعتها
سيف _فكي طلال
هند_ لا ما راح افكه
سيف ضغطها اكثر
هند_احح
سيف _فكيه
هند_فك وافك
سيف فكها شوي وهي فكت طلال وبعدين بسرعه خذت كوره ثلج وضربت سيف
هند_احسن وركضت وسيف ركض وراها
هند ناظرت وراها لقته يركض صدق
هند بدت تصارخ _ا بعد عني
سيف _وقفي
هند ادخلت الغابه _اقول بعد يمه يمه
سيف _مسك كوره وركض وراها
هند وقفت تعبت وناظرته +_سيف وقف خلا ص ما اعيدها يمه على الاقل لا تضربني بهاذي (الكوره كبيره شوي )
هند كانت ترجع ورا وسيف يلحقها بشويش
هند_سيف لا تضربني بهاذي ( وتناظر كوته برعب )
سيف _قولي اسفه
هند_ايش
سيف _قولي ا س ف ه
هند بوزت _اسفه
سيف رمى نص الكوره والنص الثاني رماهاعلى هند هند قفلت عينها واستنت الضربه بس ما صار شي
هند افتحت عينها لقت سيف قريب منها وناظرت ورا لقت الكوره مرميه وراها
هند_خلاص يا سيف لا تضربني بسوي أي شي خلاص

( الفصل الثامن )
سيف قعد يفكر بعدين نزل راسه لها _ بوسيني هنا واعتذري
هند ناظرته متهمه ريحه عطره تلفها قربت لراسه و ولما حطت شفايفها على راسه بس سيف رفع بوجه لها(مو قاصد بس ما كان مصدق ان هند ممكن انها تبوسه )
فكانت هند قريبه منه وهو بعد كانوا قريبين لبعض مره قعدوا يناظرون بعض هند كانت بيغمى عليها بس سيف بعد عنها بسرعه هند بغت تطيح بس سيف مسك يدها هند استغربت لكن بعد ثواني اسمعت صوت احد يناديهم عرفت هند السبب عشان كذا فكها
سيف _احنا هنا
لجين _اوه خفت عليك حبيبي سيف ابي اروح
لجين مشت لسيف وناظرت هند بنظرات احتقار هند نزلت نظراتها بعد شوي طلال وياسر بعد جاو
هند+_العبي معنا
لجين _يله يا سيف ابي اروح
سيف ناظر هند_ تروحين معنا (صوته يذوب حجر )
هند ناظرت ياسر وطلال الي كانوا يلعبون
هند_لا ابي اجلس هنا
سيف انقهر وناظر طلال وهند وراح معصب
هند اجلست ما لعبت عرفت انها غلطانه بس القلب وش تسوي به حاولت معه بس هو رافض لنصايحها
.................................................. .......
ياقلب تعبت معك ليه تبيهم فهمني
تراهم ما يبونك وانت على شوفهم تدق وتنبض
احاول ابعد عن هم عشانك وانت بجرحك تتهمني
غيرهم يبيك وعلى جرحك يزعل وانت لغيرهم دايم ترفض
.................................................. .......... ..
هند بعد شويه راحت للساحه هي ويا العيال
لقت اسيل والبنات قدهم بيروحون راحتلهم لكن اسيل وفت بوعدها وعطت السياره لريم
اسيل _يله يا هند
هند_لا يكون ريم بتسوق
اسيل _ايه
هند_ اذا مع السلامه انا بروح مع العيال
اسيل _يله يا هند لا تتكونين جبانه
هند_ والله بصراحه ما اقدر اسلم عمري بسهوله عموما تشرفت بمعرفتكم كنت ناس طيبين
ريم_بنات اتركوها يله انروح
اسيل _كيفك يله باي
هند شافتهم وهم رايحين وراحت لياسر وطلال الي كانوا جالسين عند بوابه الساحه
بس بعد اشويه سمعت احد يناديها التفتت لورا لقته سيف شكله بعده ما راح كان خارج من الغابه ووراه لجين الي يوم التفتتلها هند سوت حركه بجاكيتها يعني انها تبي تستر شي ما تبي هند تشوفه هند قلبها ولع نار ايش كانوا يسون هناك
سيف قرب _هند وين البنات
هند ما ناظرته _راحوا
سيف استغرب من طريقه كلامها _ليه ما رحتي معهم
هند_ما ابي اروح معهم ابي اروح مع طلال وياسر
سيف عصب مره ثانيه وهند مستغربه ليه _يله بتروحين معنا
هند_ما ابي ابي اروح مع طلال وياسر
سيف _ هند لا عاد تجادليني يله
لجين _سيف يمكن انها تبي تروح معهم
سيف ناظر لجين بنظره يعني اسكتي
هند_ابي امشي ابي اجرب المشي في ذي الشوارع
سيف _انا راح اوديك بعدين يله بلا عناد
هند ناظرت لجين لقتها تناظره بقرف هند راحت للسياره
سيف ولجين اركبوا قدام وهند ورا الاخت لجين
..سيف التفتلها في المرايه كان خاطره تجلس جنبه بس هي الي ارجعت ورا مو عارف ليه هند التفتت لسيف لقته يناظرها لفت وجهها لجهه ثانيه
سيف وقف عند باب الساحه وقال لياسر وطلال انه راح ياخذ هند وقالهم ارجعوا البيت
ادخلوا في شوارع المدينه هند كانت متهمه في الدريشه وهم الدنيا فوق راسها
لجين _سيف ما رايك ان تذهب معي الى فرنسا الاسبوع القادم (كانت تتكلم بالنجليزي )
سيف رد بالعربي عشان ما يبي ان هند تحس انها منبوذه _ما اعتقد اني راح اكون فاضي عندي اشغال كثيره
هند فكرت يعني لو ما عندك اشغال كثيره كان عادي عندك تروح
لجين انقهرت يوم رد عليها بالعربي
سيف وصل لجين لبيتها
لجين _هيا انزل معي سادع احد السواقين ياخذونها الى البيت (تقصد هند) ان والدي سيسعدون برؤيتك (بعد بالانجليزي )
سيف مره ثانيه رد بالعربي _اوه ما اظن ابي اروح انام ان شاء الله مره ثانيه
لجين انزلت معصبه وسيف نزل وراها
هند قعدت تناظر وين راحوا وصلها سيف لحد الباب لجين قربت منه هند عقدت حواجبها لو سوا شي الحين قدامها راح تموت اكيد راح تموت لكن سيف بعد ولوح للجين بيده ورجع للسياره
هند فرحت وطلع من راسها قلوب واسهم لسيف وسوت نفسها انها كانت تناظر قدام
سيف دخل السياره وشغلها بس ما تحرك هند قعدت تناظره تبي تشوف ليه ما تحرك
سيف _مطوله
هند_وش فيه
سيف _ما ودك تجين قدام لالحين ما عينوني سواق
هند انزلت وركبت جنبه سيف ناظرها
سيف _تحسين ببرد
هند _اشوي
سيف خلس دسوسه (قفازاته )ومسك يدها ولبسها هند قعدت تناظره قلبها كان برا الدريشه فرحان ويطير
سيف ابتسم لها_ الحين ما راح تحسين ببرد نهائيا
هند هزت راسها يعني ايوه
سيف ساق بالسياره هند حست ان سرعته منخفضه مو مثل قبل اشوي
وقبل ما يدخلون البوابه حقت البيت سيف وقف السياره
هند التفتت له ظنت السياره وقفت او خربت من نفسها لقته يناظر قدام بوجه خالي من التعابير
سيف التفلها فجاة هند ارتبكت لان عيونه كانت العيون الي تحلم بها عيون مليانه حب ورقه
سيف قعد يناظر هند وهند كذلك
سيف قعد يفكر ان هند اهم عنده من كل شي صح انه كان يحب ليال بس مع ذلك كان مستعد انه يخليها لاخوه بدر لو قاله اخوه بدر الحقيقه لكن هند لا مو مستعد يتركها لاي كان ومهما كان اهميته في حياتي واليوم الي هند تكون لغيري انا اصلا ما راح اكون في الحياه
سيف يبي يقولها انه خلاص استسلم وانصاع لواقع حبها
سيف _ليال
هند ناظرته منصدمه وبعدين نزلت نظراتها لتحت
سيف ما استوعب ايش الي صار معقوله هو نادى ليال خرب كل شي
سيف _هند هند اسمعيني
هند سوت نفسها مو فاهمه وش الي صار _سيف ودني البيت ويش فيك موقف هنا
سيف عرف انها تمثل _هند اسمعيني انا انا ماكنت
هند رجعت الجديه لوجهها وناظرت قدام _عادي عادي يا سيف اكيد انك تذكرت ليال انا عارفه ان ليال كانت خطيبتك لا تخاف افهم (وبغت تقول بعد انا اسفه نسيت نفسي)
سيف كان احد صب عليه مويه بارده يعني مو هامها اصلا وش انا افكر فيه
اما هند كانت تبي ان سيف يوصلها البيت تبي تبكي
سيف ما فكر في ذيك اللحظه الا في الي اسمه نايف _هند معقوله صدق تبين الي اسمه نايف
هند مو عارفه ايش الي دخل نايف في السالفه بس هو شكله اخر دفاعاتها_ايه ابيه صدقني ابيه
سيف ما عاد استحمل برودها وغبائها الي تبينه قدامه
سيف _ليه ليه تبينه وش فيه ميزات عن غيره
هند بعد وصلت عندها ليه يعصب عليها وهو الغلطان دايمن( البنت ذي تقهر مو هي الي دايمن تغلط وهو مسكين )
هند_مو مغرور ولا متكبر ويقدر يحس اني موجوده معه في مكان وبعدين مو همه الوحيد انه يتحكم في مصير الناس
سيف حس انها تتكلم عليه
سيف بنبره فيها تحذير _تقصدين اني انا كذا
هند ما تحب احد يتكلم معها بي النبره _ايه انت كذا لكن اقدر اقولك واتحداك انك ما راح تقدر تتحكم في مصيري تفهم خلك عايش في ذكرياتك خلك عايش تتحسر على اخوك (هند زودتها عصبت ونست نفسها )
سيف وصلت عنده لمرحله من الغضب عمره ما وصلها _ صدق انك انسانه ما تربت لكن شوفي والي خلقني لا اخليك تندمين على الي قلتيه الحين تظنين اني اتحكم في مصير الناس اوكيه اسمعي الكلام الي راح اقوله انتي ما راح تشذين على القاعده وحياتك راح تكون بيدي تفهمين
هند_ما خفت منك وعلى فكره انت اكره مخلوق على وجه الكره الارضيه
سيف _ وانتي ما تستاهلين حتى اني اصرف مشاعر الكره عليك انتي ولا شي ناظري نفسك وفوقي
وشغل السياره وساقها بسرعه جنونيه وصل للبيت وهند على طول افتحت الباب وطلعت وهو راح بالسياره
هند ادخلت البيت لقت البنات في الصاله والصاله مليانه بيتزا وهم جالسين على فيلم في شاشه السينما الي في البيت\
هند ما ناظرتهم وطلعت فوق ودخلت غرفتها وقفلتها بالمفتاح
وراحت لسريرها بس ما جلست عليه قعدت تناظره وعيونها مليانه دموع هي غبيه ليه جرحته ما كان رضيت ان احد يتكلم عن اخوي وهو حي كيف وهو ميت انا صدق غبيه بس هو جرحني ليه انا وش سويت متى وصلنا لذي المرحله ما اعرف سيف اسفه بس ما راح اقولك اني اسفه الا لما انت تبدا بس هو وش سوى ما سوى شي بس قلبي زعلان عليه زعلان عليه
جلست على سريرها وبكت ومسكت شعرها وقعدت تخربه من القهر
غبيه غبيه هند قالت بصوت واطي لنفسها انا اغبى خلق الله ليت ربي ياخذني وارتاح
وتسمرت عينها على يدها الي كانت محاطه بقفازات سيف وهند شافت القفازات وحبتها
هند بصوت واطي للقفازات _شوفي انا احب الي كان لابسك وراح اردك له ولما اردك له اياني واياك تطلعين من يده اذا كان يبي يعطيك لوحده ثانيه فهمتي هند ناظرت قدام وكملت ايوه خبلت هذا الي ناقصني
وتمددت على السرير عارفه ان النوم مجافيها بس تمددت رغم كل شي بعد شويه بروح احط القفازات حقته عند بابه والالبوم بكره لما يطلع خلاص تعبت ابي ارتاح
هند شافت الساعه بعد خمس دقايق لقتها 3 ونص قامت تبي تروح
.................................................. .......
سيف دخل غرفته الساعه3 وعلى طول راح لملابسه وقعد يغيرها مو قادر حتى يتكلم مع نفسه عنها
خايف انه يرجع طفل صغير ويبكي سيف بوجه بارد وصفا ومعنى ناظر المرايه وفسخ بلوزته ودخل لغرفه الملابس حقته وخرج وهو لابس بيجامته كانه اله ما تحس جلس على سريره وتمدد على ظهره وحط يده تحت راسه دق بابه ما كان يبي يرد
الباب انفتح سيف ما كان قادر حتى انه يعصب ناظر الباب لقى امه.. سيف رجع يناظر السقف
سيف _وش تبين
ام اسيل _سيف ليه تكلمني بهالطريقه
سيف ناظرها _وش تبين
ام اسيل عرفت انه دخل مزاجه الصعب غريبه هالمزاج ما احد يقدر يخلي سيف يدخله الا وهو مسوي جريمه مره وحده شافته بهالمزاج يوم مات بدر
ام اسيل جلست جنبه وحطت يدها على راسه
ام اسيل _راسك يوجعك
سيف _قولي الي عندك ابي اجلس لحالي
ام اسيل _سيف ابوك يبيني انا اتوسط عندك تذكر موضوعنا الي قلته لك في الرياض
سيف عقله موقف والي زاد الطين بله انه تتكلم معه عن ابوه
سيف _ما ابي اسمع أي كلمه عن هذاك الانسان
ام اسيل _الموضوع مهم لو ما قلته لك ممكن راح تتفاجا ابيك تاخذ موقف من الحين
سيف ناظرها من غير ما يرد
ام اسيل _ابوك يبيك تاخذ هند الموضوع منقلب جد سيف وقفه
سيف ما عرف ايش الي صار له بغى يضحك الحين
الحين تقولين لي عن هند هذا الي كنت ابيه قبل ساعات والحين يوم خرب كل شي تتكلمين سيف قعد يضحك ضحكه استهزاء وسخريه من ظلم القدر
سيف _هند والله صدق هند
ام اسيل ارتاحت _شفت ابوك انجن ما بقى الا هند نا خذها لك
سيف بغى يبكي مثل الطفل الحياه قاسيه ضحك زياده _صح صدق الناس انجنوا ..هند.. ورجع يضحك
...خلاص الحين حتى لو يبيها ما راح تكون بهاذي الطريقه لانه عارف انها راح ترفض عشان لا اتحكم بحياتها هي تكرهني شي اكيد
سيف ناظر امه _اظن خلاص تبين شي ثاني
ام اسيل _لا الحمدلله للحظه ظنيت انك ممكن توافق على طلب ابوك الحمدلله انت ما تنفعلك الا وحده مثل لجين بنت تساعدك مو تكون حمل على ظهرك
سيف يبيها تسكت ولا يبي يجادلها يبي يرتاح ويجلس لحاله عشان كذا قال _صح
ام اسيل ابتسمت وطلعت
.................................................. .......... ...........
هند كانت تركض ترجع لغرفتها قبل ما تطلع ام اسيل من غرفه سيف هند قفلت الباب وراها وانسندت عليه وطاحت بس ما قدرت تبكي
كلام سيف تسمعه في راسها وضحكه عليها اكيد يضحك منو انا قال صح ايه قال صح ما ينفعله الا وحده مثل لجين اهه وبعدين هند قامت لسريرها وحطت راسها على المخده وتنهدت وشهقت شهقات بكى ..اكرهك اكرهك
..........................................
يوم الجمعه كان احتفال راس السنه هند ما طلعت امس نهائيا من غرفتها ريم حاولت تعرف ايش فيها هند ما جاوبت هند بغت تقول لريم بس ما قدرت ما تبي احد يشفق عليها
ريم دخلت لغرفه هند لقت هند نايمه....
ريم امس راحت لعرافه وحطت اسمها واسم هند قالت العرافه كلام عن هند غريب
قالت ان هاذي الانسانه سيكون هناك رجال كثر في طريقها الرجل الاول الحقيقي في حياتها يغادر ويتركها لوحدها لوحدها لمده طويله والرجل الاخر سيحاول وهي ستحاول ان تحبط محاولاته وعندما تريده يرفضها خوفا عليها وستبدا هي بالمحاوله... هذه الفتاه ستحزن ستحزن وبعد ذلك لن يعرف الحزن لها ..وبعدين توقفت العرافه وقالت انها لاتستطيع ان تكمل (كذب المنجمون ولو صدقوا )
ريم ما فهمت شي حاولت بس ما قدرت ومن امس وريم مو مرتاحه تمنت انها ما راحت للعرافه
رغم ان العرافه قالت اشياء حلوه لريم بس ما زال الي قالته عن هند مو عاجبها
ريم قومت هند
ريم _هنوده قومي
هند فتحت عينها _ريم ما ابي
ريم _يله اليوم فيه حفله العايله كلها تحت فاتك امس ضبطنا الشجره سويناه شجره طقاقات مو شجره عاديه
هند ابتسمت ونزلت من السرير
ريم قبل ما تطلع قالت _تصدقين يا هند سيف مو موجود سافر قبل امس الفجر اسيل ولورا متضايقين غريبه بسرعه سافر
هند سوت نفسها عادي _ليه سافر
ريم _يقول شغله كثر وانه لازم يروح تصدقين احس عمي مخبي شي شكل شركته بتفلس
هند+_معقوله
ريم _اسيل ولورا خايفين من عايله اسمها آل سياف
هند_عايله سعوديه
ريم_ايه تصدقين اغلب شركات الهندسه ملكهم وخايفين منها لانها تلاحق الشركه لين تخسرها بعدين تعرض عليها انها تشتريها وشكل شركه عمي هي الي دورها جاي
هند_وانتي من الي قالك
ريم تجاهلت نبره عدم الاهتمام في صوت هند_قالت لي اسيل
هند_ممكن سيف راح يساعد ابوه
ريم _اسيل تقول ان سيف ماله علاقه بشغل ابوه وانه ما يبي يخلي هالشركه تعاديه
هند_يعني جبان
ريم _ليه تقولين كذا الشغل شغل مهما كان
هند قامت تلبس _ريم خلاص فهمت شكرا على الموجز حق اليوم الي فات ممكن تطلعين ابي البس
ريم ناظرت هند _انتي متغيره
هند_ريم بلا كلام فاضي اطلعي
ريم طلعت غصب عنها اليوم كان اليوم الاخير لهم في بريطانيا وما تبي تخربه لاي سبب
هند يوم عرفت ان سيف راح انقهرت كانت تبي تعطيه الالبوم والقفازات بس خلاص راح البست لبسها وانزلت
افتحوا الهدايا هند جاها بروش على شكل ذيب من طلال وعطر من اسيل واسواره فنكي من لورا والباقي عطور من عمها وعمتها وفي الاخير قامت اسيل وقالت _سيف يقول اسف انه ما قدر يحضر ويتمنى ان هداياه تعجبكم
وعطت العايله هداياها هند خذت هديتها وفتحتها معهم ولا هي كانت تبي تفتحها فوق لقتها ميداليه الحمامه وساعه رياضيه مثل ياسر وطلال بس احلى هند ابتسمت
.................................................. .......... ....

( الفصل التاسع )
في الرياض..............
هند وريم قعدوا ينظفون البيت من الغبره الي جاته يوم كانوا مسافرين
ياسر _اساعدكم
هند_لا روح ذاكر ولا سو أي شي
ياسر _اوكيه
ريم ناظرت هند _هند مصره
هند ناظرت اختها وعلى وجهها علامه استفهام
ريم_بلا غباء الناس جايين بكره
هند_تقصدين الملكه وش فيها ايه مصره
ريم _هند وسيف
هند_ ريم بلا رومانسيه مو كل من حبت واحد لازم تتزوجه
ريم _والله منو الي تقول اني ما راح اتزوج الا واحد احبه
هند_وانتي عمرك ما صدقتي أي شي اقوله والحين تصدقين كلامي هذا صدق غباء ..ورجعت تشتغل يعني وقفي الكلام يا ريم
ريم منقهره اختها انجنت
.................................................. .......... ..
هند كانت الكوفيره تسويلها مكياج
هند_بليز لا تكثرين تري راح اغسل وجهي اذا كثير
الكوفيره قدها بتنجن من يوم جات وهاذي الانسانه ما خلتها تسوي شغلها
الكوفيره _اوكيه ما تخافي
هند ناظرت المرايه بعد ما خلصت الكوفيره كان المكياج بسيط لبناني على قوله الكوفيره طيب وهاذاك المكياج الكثيرالي على وجيه اللبنانيه ليه مو مثل هالمكياج
دخلت ريم وهاله وثريا الي كانوا متكشخين اكثر من العروسه
ثريا _زوج المستقبل ماشي حاله حليو
هند_شفتوه
هاله _توه داخل المجلس يله نبي نروح
هند_الله الله يعني انتي الحين الي راح تفهمني وش اسوي لانك يعني قد تملكتي صدق مسخره
هاله ضحكت _خلاص انا راح التزم الصمت ريم تكلمي
ريم ما كانت بفرحانه كانت متضايقه مره _يله يا هند اجلسي في المجلس وابوي الي راح يقولك وش بتسويين
هند عارفه مشاعر اختها بس وش اسوي يا ريم مو انا الي ما ابيه هو الي ما يبيني
هاله وثريا مسكوا هند ونزلوها ودخلوا المجلس وجلسوا معها دخل ياسر الي كان مو فرحان بس مسوي نفسه الاخ الكبير لان محمد وخالد ما زالوا في مصر وقعد ياسر يناظر هاله لان هاله هاذي اول مره تدخل البيت من بعد ملكتها
ياسر ناظر هاله وكلم هند _هند يله تجهزي ابوي راح يدخل بعد شويه ورجع للمجلس مره ثانيه
هاله _انا وثريا بنطلع هاتي نسلم عليك هاذي اخر لحظات حياتك كعزباء
سلموا عليها وهند خلاص عرفت ان ساعه الصفر حانت تمنت انها تراجعت
هند وريم وامهم انتظروا
ريم _يمه تاخروا
ام محمد_ريم وجع اسكتي لا تخوفين اختك
ريم ناظرت هند وحطت يدها على كتوف هند
هند انحنت لريم خافت عرفت انها غلطت
ام محمد قعدت تناظر الباب وهو ينفتح دخل ابو محمد بالكتاب هند على طول ناظرت ريم وترجتها بس ريم كانها تقول باقي لك فرصه قولي لا
ابو محمد كان وجهه مو راضي لانه ما كان يبي نايف لبنته لان عايله نايف معروفين بطباعهم الصعبه وهند مو قد هالكلام ما يبي انه يشوف هند في يوم من الايام وهي انسانه محسوبه عليها الابتسامه
ابو محمد _هند وانا ابوك هذا الكتاب وقعي عليه
هند ناظرت الكتاب الي في حضنها ومسكت القلم وبعدين بدت دموعها تنزل
هند بصوت باكي _يبه
ابو محمد_هند اذا ما تبينه قولي
ريم بصوت مندفع _ايه هند هذا زواج مو لعبه تكفين لا توافقين مو من صالحك
ام محمد_انتوا مجانين الناس واقفين بره هند تكفين وافقي لا تسودين وجهي
ابو محمد_ يا ام محمد لا تخلين البنت تسوي شي ما تبيه
ام محمد_الكلام هذا مو وقته الحين مفروض انه قالته من زمان
هند_يمه
ام محمد ناظرت زوجها
.................................................. .......... ......
مشى في الممر بسرعه قصوى الساعه كانت 4العصر ما باقي وقت دخل على المكتب الي في الجهه الثانيه ولقى جده كالعاده يقرا
سيف _جدي قوم قوم الحين
صالح الخيامي قام من الخوف الي كان مرتسم على وجه حفيده _سيف وش صاير
سيف _ مو وقته اقولك في الطريق يله ..واخذ يد جده وسيده على الرياض وصلوا على الساعه 6 ونصف بعد السرعه ا لجنونيه
الجد نزل من السياره وتوجه للبيت الي قدامه ودقه حفيده قاله القصه ولازم الحين يقوم بدوره سيف كان بقرب جده يدعي الله انه ما صار شي وان الامور ما تمت او انه حصل تاخير او الخيار الافضل ان الخطيب مات
دقوا الباب وفتح لهم ياسر
ياسر تفاجاء بشوفه سيف والرجال الي معه
سيف من غير مقدمات ولا سلام _ياسر عندكم احد
ياسر _ لا ما عندنا احد
سيف اسودت الدنيا بعينه عرف انها خلاص راحت
سيف _مو مفروض اليوم ملكه اختك
ياسر ما وصل لسيف الجواب الشافي_ ايه الناس طلعوا قبل اشوي
سيف بغى يضرب ياسر ويروح لهند ويخطفها بس قبل كل هذا يذبح نايف
سيف ناظر جده نظره تمنى صالح الخيامي انه مات قبل ما يشوفها
صالح الخيامي _ على كذا راح انزوركم مره ثانيه اكيد انتوا مختبصين الحين عشان الملكه
ياسر بكل دلاخه _ لا تفضلوا اصلا مافي خبصه ولا شي لان اصلا ما في ملكه تفضلوا حياكم الله
الجد ناظر سيف الي كان مو فاهم شي مثله دخل الجد وبقى سيف ومسك يد ياسر
سيف _ يعني اختك ما تملكت
ياسر _ لا
ياسر راح عشان يدخل الرجال للمجلس وينادي ابوه
اما سيف فكان متهم مو مصدق وبعد اشوي تذكر جده دخل بسرعه
الجد استمتع باحاديث ابو محمد.. ما كان موجود الا ابو محمد وياسر في البيت لان الباقين مازالوا في مصر الجد تكلم مع حفيده بعد ما طلع ابو محمد وياسر من المجلس
الجد _ سيف وش راح انسوي الحين
سيف_ خلاص يا جد الباقي خله علي ( سيف كان يبي يقرع هند عشان كذا راح لجده طبعا ليه ما راح لابوه احنا عارفين انه ما فيه امكانيه وهل ممكن ان ابو محمد يوافق على ان الجد هو الي يخطب فراح اقولكم ايه راح يوافق لانه عارف بلخلاف الي بين اخيه وولده ...سيف عرف ان هاذي الطريقه الوحيده الي بها يقدر يتزوج هند عشان ما يكون لها راي بعدين راح يرضيها على كيفها هو عارف هند طيبه )
الجد _ كويس ان فيه انسانه خلتك تعرف قيمتها اتمنى التقي بها
سيف ابتسم
.................................................. .......... ...
هند كانت منعزله في غرفتها حست انه سوت جريمه البنات حاولوا يدخلون لكن هند رفضت ريم تدق عليها الباب تبي تقولها ان فيه خبر مهم بس هند قالت لها ما ابي افتح الباب وما ابي اسمع الخبر وغطت نفسها بالشرشف كل ما تذكرت وش سوت بطنها خضها كيف قدرت تقول لا
( هند قالت لا وهربت من الغرفه ابو محمد وريم اضحكوا وام محمد سوت نفسها يبي يغمى عليها )
.........................................
سيف قرر انه يجلس في الرياض يومين وراح يجلسها في فندق المهم عنده انه يجلس في مكان هند موجوده فيه طبعا مشاعر سيف لهند الحين صارت اكثر وضوحا يحبها لابعد درجه يحبها لانه يبي يحبها ويعيش عشان هذا الحب سيف في لحظه كل افكاره الي كانت قبل عدة اشهر تتمحور حول انهاء حياته وانه يروح عند اخوه انتهت وحل محلها حب للحياه اوما تمثله الحياه لسيف حبه لهند هند حياة سيف
.................................................. .......... ...............
هند قامت من بكره وحالتها زفت ثريا وهاله ناموا عندهم عشانها هند ما هي بعارفه ما فتحت لاحد بابها
هند طلعت برا غرفتها معقده الحواجب وراحت للمطبخ تسويلها سندويشه من ثلاث طوابق جبنه لحم خضار المهم اكل وخذت دبه عصير فانتا فراوله وملت جيك كبير لها وخذته من غير غطا يعني انه صار كاس وراحت للصاله والتهمت وجبتها البنات انزلوا لها وهي في نص الوجبه
ثريا _ هند بسم الله عليك بتطسين
هند _ مالك علاقه انا جوعانه تريني اشوفك قدامي كبابه
هاله_ هند صلي على النبي
هند صلت على النبي ورجعت تاكل
ريم_ تري ما صار شي الامور كويسه روحي تراضي من امي وبترجع الحياه الا سابق عهدها
هند قامت وقبل ما تقوم باقي ربع السندويشه حطتها كلها في فمها ومشت
هند لقت امها في المجلس تحط الدله على القز الكهربائي الي كانه دفايه
هند راحت لامها من وراها وحضنتها وبصوت باكي من غير دموع
هند_ تكفين يمه ارضي علي وسامحيني تكفين جعل يومي قبل يومك جعل فرحك قبل فرحي
ام محمد مسويه نفسها ماتسمع
هند حطت يدها على وجهها وبدت تبكي بصوت عالي ام محمد ما صدقت هند عمرها ما بكت قدام امها وبالاخص بصوت عالي
ام محمد_ هند لبى قلبك خلاص سامحتك ربي يرضى عليك
هند على طول فكت يدها وحضنت امها وطلعت الدموع دموع تماسيح
هند_ ما تجين الى بالعين الحاره يا ام محمد
ام محمد ضربت هند بقوه _ اصلا انتي خبل عشان كذا باسامحك ولا منين يتلقين مثل نايف
هند_ لا تخافين انا هند اقلها اخطف واحد من شيوخ الامارات الحلوين وسيده على اقرب ماذون رشوه مجزيه واصير زوجه شيخ
ام محمد ضحكت هند جلست شوي عتد امها دخلوا البنات عليهم وقعدوا يقهرون هند بالكلام هند ما قصرت الكلمه بكلمتين عندها
.................................................. .......... .......
سيف كان يتزبط عند المرايه لاول مره لبس الثوب السعودي والشماغ الاحمر نادى واحد من الفندق سعودي عشان يضبطها له سيف انتهى واناظر نفسه اعجب بالي شافه الحين الجزء الثاني من الخطه ..هند
.................................................. .......
هند_ الا يا هاله ما اشوفك منقهره عشان خلود ومحمدوه ما جاو لالحين من مصر شكلهم لقوا فيفي عبده ولا اقول هيفاء صارت في مصر انتهى امرك
هاله عصبت _ تشوفين يا عمه ولا دق علي ولا قالي
ريم_ بس انتي ما تردين عليه اصلا ما خذك السحا
هاله_ واذا مسج
ام محمد_ لا تزوجتيه ادبيه حلالك
هند_ مسكين محمد
هاله _ انشوف انتي وش بتسوين بزوجك نلقاه رايح لبيت اهله زعلان مطفشته من البيت وانتي الي جالسه في البيت
هند_ طبعا اصلا انا راح اخليه يكتب البيت باسمي
ثريا _ واي منك
هند- انا هند ما يهزني ريح
.................................................. ..........
سيف قعد يفكر كيف ينفذ قراره ماله الا صديقه ( صديقه هو الي قاله انه يقدر
يحير بنت عمه يعني يقرعها )
سيف _ الو سامي
سامي_ الو سيف ما هي بعوايدك اتصالين خلال يومين بس
سيف _ ابيك ضروري
سامي_ اوكيه بس اول بو نواف يسلم عليك
سيف مو عارف من ابو نواف نساه _ سلمني عليه المهم سامي كيف اسوي لما ابي,,,,,,,,
.................................................. ...
سيف _ انت قد الي راح اطلبك ولا انسى
طلال وهو فرحان ان سيف يطلبه شي مهم _ اكيد قدها وش تبي
سيف _اذا اسمع القصه من اول
سيف _,,,,,,,,,,,,,,,,,,,,,,,,,,,,,,,,,,,,,,,,,,,
,
طلال باستغراب _,,,,,,,,,,,,,,,,,,,,,,,,,,,,,,,,,,,
سيف ظ- ,,,,,,,,,,,,,,,,,,,,,,,
طلال _ طيب الحين بعد خمس دقايق اردلك خبر
طلال قفل وناظر الجوال والصدمه على وجهه
.................................................. .........
ياسر راح يدور هند لقاها عند امه والبنات ياسر دق الباب ونادى هند ...هند خرجتله
هند بلؤم_ نعم وش تبي
ياسر _ ايه انتي تكلمي معي زين
هند_ مالي خلق اتكلم مع سيادتك بزين بس ممكن نتكلم سوا
ياسر ناظرها يعني الي قلتيه ما يضحك _ المهم طلال يبيك قال راح يدق على جوالك شوفي هو بس عشانه اصغر منك وبزر عطيته رقم جوالك بس يا ويلك القى حركات حب ولا كلام فاضي
هند كشت ياسر وطلعت فوق لغرفتها دورت لجوالها لقته تحت اكوام من الاوراق
هند انتظرت دق الجوال وعشانها ما تعرف الرقم حق طلال على طول ردت
هند_ الو اهلين ومرحبتين لك اشتقنالك (بالشامي )
الجهه الثانيه _,,,,,,,,,,,,,,,,,,,,,,
هند_ اوه نسيت انك ياله تعرف عربي اتكلم معك شامي بعد المهم كنت اقول السلام عليكم ورحمه الله وبركاته
الجهه الثانيه _ههه
هند انصدمت هاذي مو ضحكه طلال اكيد مو ضحكته هي ضحكه
سيف _ الو هند تسمعيني
هند تاكدت انه سيف
هند بعصبيه ظ- نعم منو انت
سيف _ انا سيف
هند لئيمه تبي ترد الصاع صاعين _ منو سيف
سيف يبي يوصل لهدفه _ شخص يبي يقولك شي مهم ولازم تسمعينه
هند بلقافه_ اووه اسفه ما اعرف هذا الشخص عمري ما سمعت باسمه
سيف _ هند( بعذوبه وعمق رجولي )
هند_ ايه انت ما ابي اكلمك عيب احترم نفسك وقفل الجوال من نفسك لا اقفله في وجهك
سيف _ بس لازم تسمعيني واذا حاولتي تقفلين الجوال راح ادق عليك لين تنفضحين
هند تتكلم معه بعصبيه هي اصلا زعلانه منه عشان بريطانيا _ لانك قليل ادب باتقوع هذا الشي منك
سيف _ راح اعدي المسبه هند انا ابي اشوفك ابي اقولك شي مهم
هند فكرت وش ذا الشي المهم ومازالت بلئامتها _ ايه انت احنا في السعوديه وش تشوفني
ذي وبعدين انا ما اتشرف اشوف امثالك انقرف منهم
سيف تحمل وعدى السالفه _ هند لازم اشوفك انتي اطلعي عند الباب الحين
هند_ لا والله الاخ واثق اني بتقطع لشوفته وبعدين انا ما اقدر امه لا اله الا الله عندنا وبعدين وش هذا الوثوق التام الي عندك اني ممكن اطلعلك مو من زينك ابي اشوفك
سيف _ راح تطلعين مفروض تطلعين الا اذا بغيتي ان الامر يصير ومالك اراده فيه
هند كل شي الا ذي الكلمه ومالك اراده فيه _ انت ايه وش تشوف نفسك انا اصلا مفروض اقفل الجوال في وجهك مالت على وجهك
سيف _ هند مفروض تعقلين,, اوكيه شوفي الي مفروض يصير انتي قلتي ان عندكم الحين ناس طيب على الساعه 2 الليل راح اكون برا عند الباب حق المطبخ الخلفي انتي لازم تفتحينه وتسمعين كلامي الا اذا بغيتي اني اتعجل بقراري واخليك ضحيه مالها قرار
هند_ اوله وش تبي تسوي مالت على حظي وعلى عمرك قول امين شف موب عشانك عشاني راح اطلع لك وشوف راح اعلم ريم يعني حركات حقت صايعين انهي حياتك بيدي
سيف _ انتي وش قاعده تقولين وش معنى صايعين
هند_ ناظر نفسك في المرايه ايوه هذا معناها
..وقفلت الخط في وجهه
هند اول ما قفلت الجوال قعدت متهمه مو مصدقه انا في حلم ولا حقيقه وش الي صار يمه لا يكون صرت مجنونه
هند افتحت الجوال على اخر رقم لقته الرقم الغريب يعني صدق انا كنت اكلم سيف وسيف قالي يبي يشوفني وش يبي اكيد مو شي كويس اه اكيد عشان سالفه ابوه
يبي يقولي اني لازم اقول بكره لا وهو جاي يخطبني اكيد مو هذا الكلام الي سمعته في بريطانيا شكله وافق ويبي يخليني انا ارفض عشان يطلع هو بزينه وانا بشينه ماعليه يا سيف انا اصلا ما ابيك ما ابي الي ما يبيني بس فيه صوت متالم داخل هند يبكي
ريم من تحت بصوت عالي _ هند انزلي بسرعه تعالي شوفي ذا الفيلم
هند خبت حزنها _ ياله جايه
.................................................. .........
ريم استغربت وش تبي بها هند
ريم وهند تدفها من ورا _ هند وش صاير
هند_ وطي صوتك
هند دخلت ريم الغرفه وقفلت الباب
ريم_ اصلا انا لاحظت من يوم البنات هنا وانتي فيك شي مو طبيعي
هند_ ريم في شي مهم صار
ريم فتحت عينها باهتمام _ ها وش هو قولي
هند تنفست بعمق وقالت لريم القصه
ريم بعد ما خلصت ما زالت مبلمه
ريم_ هند قولي والله
هند_ اووه ريم مو وقت اني امزح معك
ريم_ شوفي يا هند انا عارفه انه عيب وكل ذي السوالف مع ذلك ما فيها شي لو قابلتيه بعدين انا معك لا تخافين ياي هند تخيلي انه يبي يقولك انه يحبك
هند بالم_ مستحيل
ريم_ وليه مستحيل هو يلقى مثل اختي وين
هند_ عند اقرب بيت سعودي يلقى بدالي عشره
ريم_ هند انتي انجنيت
هند_ المهم الساعه 2 عند الباب اطلعي برا انتهى النقاش
ريم _ قولي والله صدقتك ما ني بطالعه نهائيا ممكن يدق عليك
هند ناظرت اختها بقهر وتمددت على السرير باقي ثلاث ساعات
.................................................. .......... .....

أهلين
ام
مدري روايتك كاملة ؟
<< تعبت من الرويات المبتورة !!
موفقة ياقلبي