ذوات الوزن الثقيل تبون تنحفون

بسم الله الرحمن الرحيم
صباحكم ورد
هذا التجمع خاص للي اوزانهم فوق ال100 كيلو ..
قررت افتحه انا ومجموعة من البنات اللي هم مثل حالتي وفي أمس الحاجة للتشجيع
وتنزيل الوزن.. وهم انا وحبيباتي ..همس الليالي ودبدوبةوشوق وعبير و.. والباقي هم
يجون ويسجلون اسمائهم.
طبعا هذي المجموعه.. راح نمشي مع بعض ونسوي مسابقة
وهي كل بنتين يكونون فريق وطبعا يشجعون ويحمسون بعض للفووز .
..وبآخر الأسبوع الي هو يوم السبت الصباح نجمع النتائج ونشوف مين الفريق الفائز ..
وراح يكون لهم وسام الفوز .
وطبعا نستقبل بنات جديدات لمن هم مثل حالتنا وزي ماقلت في أمس الحاجة للتشجيع
وتنزيل الوزن .
بس ب شرط :
ان يكون وزنها 100 فما
فوق
بمعنى اصحح مانقبل اي وحده ماهي من فصيلتنا اقصد فصيله ال3 ارقام والشكوى
على الله .
بنات رجاء مانبي لخبططه .. واللي تخبص رجاء ماتقول تخليه بينها وبين نفسها
وتجي تشوف يومياتنا وبإذن الله تتشجع وتستعين بالله وبيعينها ربي ..
على الاقل نبي تترتب اجسامنا ونحلو
وزي ماقلت الاكل والوزن بالصور ..
والوزن راح يكون السبت الصباح على الرييق ..
وطبعا مافيه رجيم بدون ريااضه واقلها نص ساعه يوميا وان زاد معناها بتنزلين اكثر واسرع
باذن الله.
يالله تصبحون على خير قصدي تمسون على كل خير ..
اشوفكم بأول تقرير اليوم بإذن الله تعالى .