رايقة تعالي اقرأي قصتي وشوفي شو صار لي والسر خطير

بسم الله الرحمن الرحيم
كيفكم بنوتات .... يا احلى فراشات ..
أولاً : ادري انكم مستعجلين على الخلطة لكن اعرفوا الحكاية أول يمكن تستفيدون ... إلا أكيد رح تستفيدون .. وأقسم بالله ما أكذب عليكم .. ولا أبخل عليكم بالخلطة .. وعلى فكرة ترى سهلة مرة ومتوفرة عند الكل ..
لكن أول إقرأي القصة على مهل .. تيب تيب
بداية أنا ولله الحمد شعري من النوع السميك والغزير .. ( قولي ماشاء الله تبارك الله ) ( كفاية جاتني عين )
من لما كنت بالابتدائي ..
وكانت عقدتي .. لأني أتعب كثير في تسريحة ..
أختي إللي أكبر مني شعرها ربع شعري .. خ .. كنت أشوف غيرتها بعيونها ..
حتى لما أطلب منها تسرح شعري قبل أروح المدرسة .. تحوسني وتنتف لي شعري وتمسح فيني جدران الغرفة بعدين تسرحني .. وأنا مسكينة ساكته عشان حاجتي ..
وبالمدرسة كانوا البنات يقلون كذابة مو شعرك وتلاقينهم وقت الفسحة يسحبون فيه ..
وأنا والله شعري والله شعري ..
تيب بأختصر لكم ..
وبالكلية كانوا إذا يبون يصفوني لأحد من البنات ... وإكتشفت هالكلام بعد ماتخرجت ..
كانوا يقولون .. ماتعرفين فلانة ..
إللي شعرها كثير .. وأسود وناعم ..
صحيح كثير وأسود .. بس مو ناعم .. لأنها نعومة إستشوار .
الله وأكبر عليكم يا بنات الكلية إللي حسدوني ..
وحدة جت سلمت علي وقالت لي في وجهي .. وربي ما جيت أسلم عليك إلا لما شفت شعرك من بعيد ...
اليوم إللي بعدة .. إحترق شعري كلة من جذورة للاطراف ...
رحت للكوافير وقلت إسحبي لون شعري أبي أغير الأسود لأني كنت حاطة حناء باكستانية مخلية شعري خيال بالشمس وحتى بدونها ....
وربي تغير شعري 360
صار فية عشرة ألوان وجاف زي الحطب وإحترق من سحب اللون ..
وربي حتى بعد الإستشوار ما كأني عملت له شي ...
ولما داومت الكلية .. شوفوا بس الهيصة والنظرات إللي زادت ألمي على شعري ..
ومن حسن حظي كان نهاية السنة وبعدها الصيفية والحمد لله كانت آخر سنة تخرج ..
غيرت لون شعري كستنائي عشان يتوحد اللون بس ..
لأنه كان حطب .. وهالكلمة وربي قليلة علية ..
وبعد سنة قصيت كل الشعر المحروق لكن شعري صاار قصير .. بس طبيعي والمحروق كلة تخلصت منه ..
وبعدها كم شهر وتمت ملكتي ..
والمشكلة خطيبي يموت بالشعر الطويل .. وأخواته شعورهم طويلة لكن مش ناعمة ..
وقبل الزواج فردته ونويت أخلية يطول ..
ما إنتصحت .. الفرد عدم لي شعري ..
المهم والحمد لله ..لكن وما أدراك ما بعدها من آآآآآآآآآآآآآآآآه
صار يتساقط بشكل فضيع .. وإستمر سنة كاملة بعد الزواج يتساقط ..
إستخدمت أشياء كثير مافادت ... بس السبب كان تغير أسلوبي بالأكل لأني نحفت بعد الزواج بشكل فضيع .. ما أدري ليش ؟؟
والصدمة وحدة جت زارتني من صحباتي ولما شافت شعري قالت :::: وش هالشعر ؟؟؟
شو .. شوي وتصلعين ..
لا لا لا لا
وزوجي يقول ليش شعرك قليلل ؟؟
المهم ... نويت أورية شغلة ..
مو زوجي المسكين ............. لا أقصد شعري ..
إستخدمت خلطة ومجموعة زيوت رح أذكرها لكم ..
ولكن النتيجة ... شعري بدأ يكثر .. وربي ألاحظ من لما ألمه .. وصحي ولماع وخف التساقط ..
لكن فية عدة ملاحظات لازم أذكركم فيها ..
1- لا تسحبين لون شعرك مهما كان الأمر .. لأن الشعر رح ينعدم .. تمتعي بالشعر الغامق ولا تتورطين بحطب رغبة باللون الفاتح .
2- لا تفردين شعرك أبداً .. والفرد إللي عملته كان أعشاب .. لكن إللي شعرها سلك تستخدم أشياء طبيعية إذا تبي .. ولا تفكرون بالفرد إللي شعرها يمشي مع الإستشوار ..
3- تصدقي ومن ضمن النية .. إنوي رغبة في دفع العين عنك .. وصحة لشعرك وبدنك .. ( ممكن هالنقطة ماتعرفون أهميتها ) .. لكن رح أقولكم شو الأشياء إللي أعملها يمكن السر في أحدهم ..
4- أنا أستخدم جلي بودرة بالشامبو .. إللي ذكرته أكثر من وحدة بالمنتدى ..
5- أستخدم صفار بيض لأن شعري جاف ( صفار بيض إللي يكفي شعرك ونفس عدد الصفار ملاعق زيت زيتون ويترك ساعة ثم يشطف مرة أو مرتين بالشهر وإللي شعرها دهني تستخدم البياض ) ولكن ليست هذة هي الخلطة ..
6- بعد الإستحمام أترك المنشفة على شعري ساعة وبعدين أشيلها وأتركه يجف طبيعي ..وأحيان أنام فيها .. إللي هي مناشف للشعر تقدرين تربطيها ..لكن مش عارفة شو إسمها ..
7- عند وضع أي زيت بشعرك ... لازم ... لازم ... لازم تعملي مساج لمدة ربع ساعة لفروة الرأس ويكون الزيت دافي .. ولا مارح تستفيدي منه ..
8- الزيوت إللي أستخدم وهي كالتالي :
1- زيت دابر أملا
2- زيت براشوت جوز الهند
3- زيت أم الجدايل من معاصر وادي النحل
4- زيت سمسم طبيعي آخذه من معاصر السمسم( أهل الجنوب بالمملكة يدلونه ) من تهامة
9- أستخدم فاشكول بالثوم من نزية ... ضروري علامة نزيه على العلبة .
10- لا تكثري من إستخدام الإستشوار ... مرة أو مرتين بالشهر كفاية .
11- مستحيل أغسل شعري بالشامبو بدون مايكون فية خلطة أو زيت ..
تبون الخلطة ... ههه .. تيب لحظة
((((((((( تكفون أدعوا لي إن شعري يرجع مثل أول ويطول ... ويسخر ربي لي زوجي .. ويرزقني بتوأم ))))))))))))))

• ************************************************* *

(((( علبة زبادي كامل الدسم ))))
(((( 3 ملاعق عسل ))))))
((((3 ملاعق زيت ))))))
(((( ملعقة صغيرة خل تفاح ))))
((((صفار بيضتين ))))))
(((( بصلة صغيرة )))))
تخلط بخلاط الطماطم وتوضع على الشعر ساعة أو ساعة ونصف ثم يشطف الشعر ... مرة كل أسبوع أو مرتين والنتائج تظهر بعد شهر ...
ولا تخافون مافي ريحة وربي لأني أستخدمها وأسأل زوجي عن ريحة شعري ويقول زين مافية شي ..
جربي وشوفي والله ماتندمين
ممكن تاخذين نصف الكمية للي شعرها قصير أو قليل .
وإذا خايفة من الريحة إستخدمي الشامبو مع الجلي وبعدة الفاشكول ( حمام الزيت ) إللي يناسبك وبخري شعرك بالعود.والريحة تروح .

• ************************************************* ***

لا تنسون تدعون لي ... تيب أكيد طولت عليكم بس للفائدة .. وأي إستفسار أنا جاهزة ....
..