رايكم بالخطابات والي حاصلي معاهم

حبيبتي سواء الخطابه صادقه والا مو صادقه
الخطابه عباره عن وسيلة اتصال لا اكثر يعني الله كاتب لك هذا النصيب بس كمان كاتب انو الخطابه تكون وسيله بينكم
هذا رأي بالخطابات
وبالنسبه للي مو قبيلي ياقلبي الله ورسوله قالو ( اذا جائكم من ترضون دينه وخلقه فزوجوة ) ما اضن يعيب الرجال اذا كان مو من نفس القبيله
وسبحان الله عسى ان تكرهو شيأٌ ويجعل الله فيه خيرا كثيرا
وايه ثانيه وعسى ان تكرهو شياُ وهو خيراٌ لكم
واختك اسأل الله العظيم رب العرش العظيم ان يرزقها بالزوج الصالح التقي النقي مخموم القلب معافى البدن حسن الخُلق والخلقه الخالي من الاسقام والازلام والشكوك وان يجعل لنا جميعا من كل هم فرجا ومن كل ضيق مخرجا ويزقنا من حيث لا نحتسب
الله يوفقنا اجمعين

ياقلبي الايام صاروا الخطابات هدفهم مادي بس كل تفكيرهم فلوس تخيلي كلمت خطابه قالت اخذ 5000الاف
حشا شدعوه وش ذا الظلم

شوفي انا تعاملت مع 3
صراحه وحده منهم ابدا ماكانت محترمه
تقولي تواصلي معه بالجوال
علشان تعرفون بعض زين
قلت وين احنا فيه اكلمه
ووثنتين ماجابوا لي احد

طيب سؤال للي يتعاملون مع الخطابات كيف تظمنون ان الي يجي عن طريقها سليم اقصد مو مريض مو شرط من الامراض الي تنكشف بفحص الزواج لا غيرها وحده اعرفها اكتشفت بعد الزواج انه بالنوم يقوم يضرب الي قدامه ومره رن التليفون وكانت منومه ولدها الرضيع جنب ابوه لو ستر ربي والا كان خلص عليه طبعا من غير قصد طلع هذا مرض فيه يعني الي يجي عن طريق خطابه كيف ينظمن من هالنواحي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله عادي الخطابه اذانهاصادقه ولواعرف ووحده تخاف الله لاكلمهاباذات لو مااتاخذفلوس معناهاانهازينه
وشسمه اعرف بنات تزوجوامن خطابات وعرسانهم زينين
اذلقيتي خطابه بنت حلال ارسلي لهارقمهالله يسعدك

والله ماايدهم بصراحه لان هدفهم مادي

بس ماينمع انه ناخذ منها
لانه الخطابه زي ماقلتوا وظيفتها تجيب اهل العريس
وانتوا بدوركم اسأتلوا عنهم والباقي عليكم
ولا تبونها هي تروح وتتعنى وتسأل عنهم علشانكم
ابوك خوانك هم اللي يسالون امك تسال الحريم
كيذا السالفه
ماكذب عليكم خواتي 2 تزوجوا من خطابه والله الحمدلله حالتهم مستقره ومعيلين
مايمنعه انه ناخذ منهم بس مو اي وحده لازم وحده تعرفونها او ناس يعرفونهاويعرفون انها مو حق فلوس بس
مثل اللي ذكرت قبل تبي فلوس وتجيب لك اي واحد او وحده تخليك تكلمين رجال او رجال يكلم من غير اهله
بس ارجع واقول مو كلهم كذابين
الكذابه اللي هدفها مادي واي احد يكلمها قامت تمدح فيه عندك وتجمله بعينك وتخدعك علشان تاخذ فلوس
لكن خطابتنا الله يرضى عليها والله ونعم الانسانه خاف علينا قبل لاتفكر بمصلحتها على انها فقيره وحالتها صعبه
بس ماتبي تظلمنا والله انها تروح تسال من نفسها
وامي حبتها وصادقتها والحين صارت صديقت ماما

طيب فيه بعضهم بياخذو منك الفلوس بعد ماتلاقي لك العريس لما يجي يتقدم العريس ومايحصل نصيب ماترجع الفلوس
ولا ياخذوا مبالغ يعني لو تاخذ نص المبلغ والمبلغ التاني النص يعني بعد اتمام كل شي اوك ماقلنا شي بس مدري كيف يفكروا
انا ماقد تعاملت معاهم لان ماعندنا ولا نعرف وماني مقتنعه بهالفكرة اصلا

لا قلبي هذولي اللي ياخذون قبل مايصير توافق لاتتعاملين معاهم
شوفي الصادقه اللي تاخذ فلوس بعد الملكه يعني يوم ملكتك وكتب الكتاب على الشخص تاخذ الفلوس لكن اذا
ماصار نصيب ماتاخذ شي
واخذوها نصيحه مني
واللي تقولك مقدم على طول عطيها دليتت ول شي ومسح وحذف
عرفي انه هدفها مادي هذا وجه التفريق بين الي تبي الفلوس واللي تبي الستر حق البنات
اللي تبي الفلوس تااخذ مقدم او تاخذ كامل قبل لايصير شي او تاخذ مبلغ فوق 2000 الفين ريال
لكن اللي تبي الستر تلقين حدها 2000 الفين بس وماتخذ منك مدم تاخذ اذا صار نصيب بس
والله يوفقكم يابنات وانا ابي مصلحتكم والله