رجال تزوج تزوج على زوجته ويذكر الاسباب

هددت زوجتي كم مرة اني راح اتزوج عليها
و كان ردها اني ما اقدر و تقولي اتحداك
ولا تقولي لو تزوجت علي بروح و اخليك و اطلب الطلاق اصلا ما اعاد ابيك لاتزوجت علي
و من هل كلام
قلت لها ارجعي لعقلك و ارجعي حبيبتي القديمة .. بس مافي فايدة
اشتكت لناس على
خلت امي و خواتي ضدي لانه اغالية عندهم
نكرت كل الزين الي اسوية لها
و كنت افهمها الحياة مو كلها حلوة و بس حلو الواحد يتذكر الشي الحلو فيها
و انتي الله يهديك مايهمك الي راح و الي سويتة معك اهم شي عنك اللحظة و بس
كانت تحب تنبس في لحظتها و لما تخلص هل لحظة تنساها و يجي بكرى و تبي نفس الأمس
و طاقتي ماتقدر على مجاراتها
اهملت نفسها و شكلها
سريرنا الي كانت كل اسبوع تغيرة صار يجلس في الشهرين و الثلاثة
ملابسي ماكانت على اكمل وجة كان كويها مو مرتب
ملابسي وصخة
مرة من المرات طلعت في فنيلة داخلية من امس لابسها لانه اماغسلت الملابس ولا لقيت شي نظيف البسة
لما قلت لها ابي اهتمام في شكلك و بلبيت قالت ما الحق ابي خدامة
صراحة ان اما احب احمل زوجتي فوق طاقتها
انا مو راعي عزايم ولا كنت اتشرط في اكلي و شربي اي شي تطبخة اكل
لدرجة انها كل يوم تسولي نفس الطبخة ولا كانت عندي مشكلة اهم شي اكل نظيف و لذيذ و لما امل و المح لها تغير تقول ما الحق انا تعبت
جبت لها خدامة و بعد الخدامة الاولى جبت خدامة ثانية
خدامتين في البيت
برغم اني اشوف اجنبيات ببيت و اطفال و ماشاء الله مهتمة في بيتها و بلبسها و عيالها و ماعندها خدامة
بس معليش عشان خاطر زوجي قلبي حبيت اريحها
لقيت في تطور
البيت نظيف و الاكل صار فية تنوع الملابس نظيفة و مكوية
الا شي واحد ماتغير...
زوجتي لسة بجلابيتها رغم انها صغيرة و جسمها حلو
لسة بشباشب البيت
ادخل عليها الاقيها قدام التلفزيون ولا تكلم بتلفوون ولا نايمة ..... و تتعل انها تعبانة ولا اعذار ثانية
و في الاخير قررت أسوي نفسي اني راح اتزوج عليها بس عشان أأدبها
خليت واحد من اصدقائي اخوة يعرف اخوها و يقولة قل لفلان ان فلان نسيبك خاطب من عندنا
عشان يوصل لها الكلام
و فعلا وصل لها و تغيرت اسبوع كامل وهي بكامل زينتها و حلاوتها و رجعت عروسي الجميلة
و سألتني اني كنت ناوي اتزوج و انكرت عشان اقلقها
بس اصرت و قلت اية
توقعت انها بتترجاني اني ما اتزوج او تقولي وش مقصرة عليك عشان تفكر تتزوج
بس قالت طلقني و ودني بيت اهلي و صارت تصيح و تصارخ زي المجنونة
و على فكرة هي مو اول مرة تزاعق و تخبط في الاثاث ولا تكسر شي قدامها كم مرة و صبرت عليها
المهم حاولت اهديها و وقفتها و مسكتها بقووة و قلت بس قولي لا تتزوج و ماراح اتزوج
قالت لا اتزوج اصلا انا ما ابيك
و راحت لبيت اهلها و خطتني مانجت و خليتها و طلبت الطلاق و قلت لها ماراح اتزوج .. بس اصرت علية
و طلقتها
بعد الطلاق اسودت الدنيا فعلا بعيني كنت اشوف صورة زوجتي في كل زاوية و كل ماتذكرتها قلت الله يهيدك ياحبيبتي يانور عيني وشلون هنت عليك
بس من برى كنت مثل الاسد
مايهمني شي و كنت اكابر و اقول بدال المرة 100
و كل ماقال لي احد نبي نصلحكم اقول لا مايحتاج بدور لي بس على زوجة ثانية و هذي خليها يجيها نصيبها و انا قلبي يتقطع من جوى
رحت لفترة عمل في بلد عربية و كان شريكي في التجارة متزوج من وحدة في هذيك البلد زواج مسيار لا اهلة ولا زوجتة تدري
المهم كانت عندها بنت اخت حلوة و كان عمرها 20 سنة و كان صديقي يقنعني اني اتزوجها
و فعلا تزوجتها لاني كنت محتاج زوجة
كانت مؤدبة خلوقة
ترضى بلقليل و كانت تقولي ما ابي غير الستر
و كانت موافقة اننا نخلي الزواج بسر و مسيار
بس انا ما منت احب هل نووع من الزواجات و انتقدها
سويت اوراقها و جبتها معاي لمدينتي و دخلتها على اهلي و كانت صدمة و ماتقبلوها
كنت احاول افرض احترامها مثل ماسويت مع زوجتي الاولى بس ماكان في تقبل
سكنتها في نفس السكن الي كانت فية زوجتي الأولى و كانت زوجة مطيعة
فجئة قسى قلبي على الاولى لما انستني الثانية ذكراياتها
اخذت اطفالي منها و خليتهم معاي في البيت
كانو 4 أطفال ولا فية في البيت خدامة و مع ذالك قامت فيهم و نوعت في اكلي و نظفت البيت و ملابسي نكوية و نظيفة
انا ماكن همي في البيت كثر ترتيب الزوجة و ابتسامتها
من تزوجت الثانية ماقلت لها احبك ... و مع ذالك مبسوطة معاي و قايمة في واجبي وهي الي تقول احبك
حسيت اني ملك من معاملتها
اول ما ادخل شالت شماغي و اخذت ثوبي و قابلتني بكاس عصير بار ابرد فية اعصابي بعد حر الجو برى
انام ولا اسمع اصوات اطفال برى عكس حبيبتي الاولى الي كان الاطفال يدخلوت غرفتي ن انا نايم و يصيحون
كانت تاخذهم فترة قيلولوتي لغرفة ثانية اخر البيت و تجلس تلعبهم
و مرة و انا في الدوام جتني رسالة و قلبي الي كان قاسي و حجر صار يبكي شوق و لهفة
كانت رسالة من زوجتي الاولى
كانت تسأل عن احوالي و كيفهم العيال و قالت انها مشتاقة لهم و تبي تشوفهم
على طول رحت للبيت و اخذتهم و وديتهم لها
طلبو مني ينامون عندها خليتهم عندها الا الكبير رجع معاي و انا بسيارة أسألة كيفها امك ..؟ و ماناقصها شي
و بعطيك فلوس بس لاتقول انها مني و عطها امك كئنها مني
صارت كل ليلة افكر فيها و بأول ايام زواجنا صرت اتذكر الأيام الحلوة و قلبي صار يلين شوي شوي
و قررت اني ارجعها
حبيت أرجعها ... بس ماعرفت كيف كانت كبريائي تمنعني لحد ماجت من الله
عمها قابلني في مكان عملي و قال وش رايك ترجع بنت اخوي و من هل كلام على طول قلت برجعها بس عشان جيتك لمي و عنوتك
و انا قلبي كانت طبول و اعراس من جواتي ..
رجعتها .. و سكنتها في نفس البيت
و بدت المشاكل الضرتين
صراحة كانت المشاكل اكثرها من زوجتي الاولى الله يهديها
كنت اقسى عليها و اعرف انها تعبانة داخليا بس ماكنت ابيها تتمادى في اخطائها
و للأسف ماتغير شي كثير من شخصيتها
بس زادت
كانت تجلس معي و تقول من تحب اكثر انا ولا هي
و من احلا انا ولا هي
صراحة زوجتي الثانية لاتقارن جمالها بجمال الاولى بس كان قلبي يهوى الاولى و يحبها
بس هي ماكانت تفهم هذا الشي
كانت مستحيل و من سابع المستحيلات زوجي تطلع من البيت و انا موجوود
لانها ماكانت تبيني اخذ راحتي مع الثانية على الاخير ... و صراحة كنت مبسوط داخليا لانها تغار...
زوجتي الثانية قررت تسافر عند اهلها كم يوم لانها اشتاقت لهم و خليتها تروح
فكانت فرصة اقوي علاقتي مع زوجيت الاولى مرة ثانية و يفضالنا الجو
بس ماصار الي في بالي
صارت زوجي لاهية في طلعات و دخلات مثل اسلوبها اول
كنت اتمنى انها تجلس مثل ماكانت تجلس عندي ولاصقة فيني 24 ساعة لما كانت زوجتي الثانية موجودة
و اذا قلت لها لا تطلعين اجلسي جلست بس بدون نفس طيبة مكشرة و حالتها حالة
يالله يازوجتي متى تفهمين رغبات الزوج ... صحيح انا اناني و الرجال انانيين يبون الوحدة كاملة
بس انا من جهتي ماقصرت عليك ... فياليتك عطيتيني نص ماعطيتك
حتى لو انا مقصر في بعض النواحي من وجهه نظرك
.................
جتني مكالمة في الليل من الدولة العربية قالو لي ان زوجتك تعبانة مرة سافرت لزوجتي الثانية و كانت تعبانة مرة
لما كشفو عليها لقو عندها سرطان و في الثدي ...
و انشغلت فعلا عن زوجيت الاولى مع الثانية المريضة
رغم مرض زوجتي الخطير زوجيتي ماراعت هذا الشي منعتني اني اسافر انا وياها لحالنا للخار لعلاجها
و ماكان مني الا اني اخذها معانا هي و الاطفال
و تخيلو الثقل و المسؤلية شلتها معاي
كنت اتركها في البيت و اروح للمستشفى لمواعيد الثانية فلما ارجع نفس الطريقة ترجع وش رايك نطلع نتمشى و نغير جو حنى و الاولاد و انا طفشانة و الاولاد طفشانين
انا كنت معصب توين جاي من المستشفى فصرخت عليها و قلت محد قالك تجين معانا و تراك مثقة على و محملتني مسؤليتك انتي و بزرانك.... قلت هل كلام و انا في كامل غضبي
بس ما انلام كنت مضغو وط
زعلت و سوتلي هواش في ذاك اليوم و قدام الأطفال و كلمة مني و كلمة منها ضربتها كف
و قلت تشافرين الاسبوع الجاي و تنقلعين لبيتك
سفرتها و جلست 5 شهور و حالة زوجتي كل مالها تدهور للأسوء لحد ما انشر المرض و طلبت مني اوديها لاهلها و فعلا وديتها و توفيت الله يرحمها و يسكنها جناتة
رجعت لديرتي و كنت من بعد هل تجربة تحولت لانسان ثاني مايعرف الصبر
ولا الكلام اللين و تغيرت 180 درجة
صرت عصبي على زوجتي لاتفه الاسباب
صرت ازعلى على الكبيرة و الصغيرة
لانها و بكل بساطة استنفذت صبري
اتستفذت رصيد احترامي لها
أستنفذت كل شي
................
و مع هل اسلوب و التوتر بيننا قررت اتزوج مرة ثانية بس هل مرة من نفس ديرتي...
و بفترة البحث عن عروس جديدة كانت زوجتي الاولى تلبس لي
و تغيرت
و طلبت مني اني اسفر وحدة من الخدامات
و كانت تبتسم لي و تغير اسلوبها معي
بس ماكنت اسوف هذا التغيير
لاني كنت اخاف انها ترجع مثل كل مرة تتغير اسبوع او شهر او شهرين و ترجع لعاداتها القديمة
بس مرة شهر شهرين و ثلاثة و زوجتي مازالت كما هيا
مهتمة فيني و بلبسي
و كانت تسوي مثل ماكانت زوجتي الثانية الله يرحمها ماتسوي كانت تستقبلني بكاس العصير لما اجي من برى
كانت تاخذ الاطفال لاخر البيت تخاف يزعجوني
بس كانت هل مرة الاخطاء مني انا
كنت قاسي معها... بارد في كلامي...ما القي لها اي اهتمام.. كان هل اسلوب يضايقني بس ماكنت عارف ليش مستمر في نفس المعاملة رغم اني ملاحظ التغيير....
و لقيت العروس الثانية و خطبتها و قررنا وقت للملكة
و رحت لزوجتي الأولى عشان اعلمها
و لما قلت لها
توقعت ذيك المجنونة الي تطلع من طورها تكسر كل البيت و تصارخ و تتلفض بألفاض ماتناسبها كا أنثى
بس لا
دمعت عيون حبيبتي .. و كانت دموع بدون اي صوت
و قالت بصوت مخنوق الله يوفقك..و يوفقها
قلت لها و انا اتصنع القساوة ترى ملكتنا الخميس الجاي
و جاء يوم الاربعاء و انا طالع للعمل جت زوجتي و قالت بزواجك الثاني قلت لي لو ماتبيني اتزوج قولي لا تتزوج
انا الحين اقولك لا تتزوج و بكت بصوت عالي و قالت لو ماتراجعت عن قرارك ماراح الومك لاني انا اخطيت كثير في حقك .. بس راح ابتل لك زوجة مخلصة . و ماراح اطلب الطلاق هل مرة
جاء يوم الخميس الي هو يوم الملكة كنت متضايق مو فرحان
ما ودي اقهر عمري روحي حياتي الي ماتدري وش كثر انا حابها و اغليها
ما تدري ان دموعها ماتهون على .. و طلباتها بنسبة لي اوامر
بس الشكوى لله انا عطيت الكلمة للرجال و الملكة اليوم مايصلح ...
ركبت السيارة مع اخوي الله يصلحة شوي مطيور و رجة و جريء و علمتة و قلت والله ام فلان ماتهون علي و بيني و بينك ماودي اتملك اليوم قال اكيد ماودك قلت اية
قال طيب قل انك استخرت و ما ارتحت .... قلت لة لا صعبة يا رجال مو حلوة قدام الرجاجيل
قال خلاص انا عندي الحل .. قلت وشلون قال لا بعدين تعرف المهم دخلنا بيت ا اهل العرووس
و اخوي كان يحكي مع اخوهم برى و كنا تحتر المملك شوي و اخوي يجلس و عقب كيذا ربع ساعة الولد نادا ابوة
و انا ما ادري وش السالفة
المهم نحتري المملك ماجاء و قال الابو اننا نتصل على جوالة مايرد
على العموم تفضلو على العشى و اذا ماتملكو اليوم يتملكون بكرى
بعد ماخلصو الرجال من العشى جاء لمي ابو البنت و قال والله ما ندري وش نقولك
.. بس البنت عييت تقول انها مو مرتاحة
انا فرحت داخليا و بنفس الوقت مصدوم ما ادري وش المشكلة ...
و دريت ان اخوي هو السبب و الي فركش الدعوة و خلاهم هم الي يرفضوني
رجعت لبيتي و دخلت على زوجتي و كانت فارشة سجادتها و تدعي و ضميتها لصدري و علمتها اني ما اتزوجت فجئة اسجدت وهي تصيح و انا جلست اصيح معها....
عرفت ان زوجتي اول مابتدت تتغير للأحسن كانت قاطعة علاقتها مع صديقتها الي كنت شاكة انها ورى تغيير زوجتي
رجعت لزوجتي و حبيتها اكثر من الاول
و الحين الحمد لله مافية دولة الا مسافرين لها لاني ارتحت الحين ماديا ولا فية شي يشغلني عنها زي اول
و نصيحة لك زوجة اصبري على زوجك و ساعدية في كفاحة في عملة
و الشكوى لله ترانا متطلبين و غثيثين بس استحملونا
و هذي قصتي
قراءتها في احد المنتديات وحبيت انقلها لكم

عجبتني القصه كملي

اعجبتني القصه بعد انا ياقلبي عسى الله يوفق الجميع

صراحه اعجبتني نهايه القصه لاني كنت حاطه ايدي على قلبي لا يتزوج عليهاا مره ثانيه بعد ما تعدلت وصارت سنعه.
مشكوره حبيبتي على النقل الرائع والمستفاد منه اكيد

روعه القصه الله يسلم الايدين

الغلا
ههه يااختي القصه انتهت شكلك قاعده تقرين وانتي حاطه ايدك على قلبك ومو مستوعبه
نورتي ياعسل

هلافيكم اخواتي افرحني انكم استفدتم من القصه
مااقول غير الله يسخرنا لازواجنا ويسخرهم لنا ويعننا على خدمتهم فيمايرضي الله

مشكوره علي النقل

تسلمي قصه مره حلوه وبصرااحه نفس الواقع احس انهم يتكلمو عني خ