رجعت وما استغنى عن نصايحكم يا الغوالي

1. طلعت جري واكياسي معي قطعت انفسي من كثرها


2. لكن القصير للحين ما بديت فيه وشريت قمصان نوم مثل هذي


3. فما عليكن امر اذا تقدرن حطولى الاسم والصور او علمنى وش اكتب ويطلعلى

السلام عليكم وكل عام وانتم بخير
وربي اني اكتب وانا مستحيه وترددت كثير لكن والله ماعندي غيركن الله يسعدكن انشدهم واستشيرهم وتساعدوني
لاني وربي عليميه في الامور الى تخص الحياه الزوجيه يمكن عشان ماعندى ام ولا اخت يرشدني للزين وينصحن عن الشين
لكن اشهد الله اني مارجعت لكن رغم اني مستحيه منك الا انك ما قصرتن وعلمتني شي ما كنت اعرفه وربي وارشدتني عساء الله لا يحرمكن الاجر ويسعدكن في الدنيه والاخره
وفي رمضان قبل محط لقمة في فمي ابدي لكم بالدعاء كلكن ان الله يسعد الحزينه ويفك كرب المكروبه ويزوج العازبه ويسخر زوج المتزوجه ويشفى المريضه ويرزق العقيمه ويوفق الدارسه ويوضف العاطله ويسعدكن في الدنيه والاخره من دون تفرقه وانا ماعرفكن لكن الله يعرفكن وحده وحده والله الشاهد انكن خواتي الى ما جبتهن امي
وابشركن اموري احسن من اول لو انها مو كلها بس احس اني احسن من اول وفيه فرق في نفسي احس به وربي
اول شي تذكرن مشكلتي يوم انتشرت في بعض المنتديات ذيك الايام خفت خوف ما يعلم فيه الا الله ان احد يمكن شافه
لكن الحمدالله رب العالمين سترنى الستار بستره سترنى الى يعلم بنيتى وحالى وابشركن كل المنتديات الى انتشرت فيها
محد يقدر يرد عليها ويرفعها وحاطينها في مكان خاص وفيه كل مواضيع منتدى الفراشه وراح موضوع اخر شي
وذيك الايام كنت اترقب زوجي واقاربي بشوف احد قراء شي لكن الحمدالله ما شفت عليهم تغير ابد وعرفت ان ربي سترني بستره وسجدت له شكر لكن درس وتعلمت منه والحمدالله
ثاني شي مشكلتي الي انتن خابراتها مقدر اقول اسمها عشان ما نعرف لا تلومني يا الغوالي وربي انقرصت من الى الخوف الى عشته
اكيد عرفتنها حجزت عند المستشفى وعطوني موعد والمستشفى في ديره ثانيه اتفقت مع خالي يودينى من دون ما يعلم احد حتى جدتي قال طيب يعنى يوم ينشدنا احد نقول رايحين نتنزه
يوم جاء موعد الروحه جيت زوجي قبل ما ينام الصبح بدري لاني كنت بمشي الساعه 7 جيته قلت فلان وترى هذي اول مره اكلمه من بعد ما قلتوا لى احقريه وحقرته مثل ما كان متجاهلني المهم التفت يمي بسرعه من دون ما يتكلم
قلت انا بروح مع خالي اتعلاج وممكن اسوي عمليه واطول هناك تسمح لي اروح وبيني وبينكن في صوتي رجفه لكن ماهي مثل اول فيه تحسن بس مو مره مع ان الرجفه راحت مع الناس الباقين بس هو للحين باقيه بس احسن من اول اعرف بتعصبن علي وربي ماهوب في يدي غصب عني عنده هو بالذات مدري وش يصيبني لكن عند ابوه وباقي اهله تحسنت الحمدالله المهم هز راسه يعني ايه يوم لفيت بروح قال لحظه صابتني رعشه وربي مدري ليش التفت يمه لقيته واقف
واخذ المحفظه حقته قال متى الروحه قلت بعد شوي قال العمليه اكيد بتحتاج فلوس ولو رحت اصرف الحين ماراح اصرف شي يكفيك خذي الصرافه وقولي لخالك يصرفلك الى تحتاجينه وخذي راحتك فيها ويوم يكلمنى كان واقف قدامي ما بينى وبينه الى شوي رفعت راسي بكلمه
بسالفه الصرافه لاني خفت على فلوسه من خالى يلعب فيها وهو كان مستمر في كلامه يوم رفعت راسي والله يا بنات يوم رفعت راسي بقول سالفتي كانت عيونه على بجهة صدري عاد انا الخبله وش سويت لا شعوريا رفعت البلوزه على صدري ومسكتها على فوق اما هو كان له ردت فعل كل ما اذكرها اموت من الضحك يوم رفعت البلوزه في هذه الحظه رفع عيونه فيني مثل المتفاجئ ومع رفعت عيونه رفع حواجبه كانه يقول ليش بطريقه سؤال شكله كان بيتكلم لكن ذكر نفسه وتذكر ان كبريائه بيطيح لف بسرعه وصابته لخبطه مثل الى كان نايم وصحى والله مدري وش كان يقول في نفسه عني اكيد يقول يوم سوت ها الحركه وراها من الاساس تلبس شي مفتوح على صدرها وربي يا بنات انى مدري ليش سويت كذا احس ان فيوزات راسي فاصله او ملتمسه لكن نظرته لصدري بالطريقه هذي وربي فرحتني وردت الامل انه في يوم من الايام يمكن يحبني لانه كان مندمج شكله وما خذ راحته واكيد ما طالع فينى الى اني عاجبته صح يا بنات
كنت احسب انه صعب وشايفن نفسه علي ومغتر بالقوه وخشمه لفوق دايم وما يثر فيه شي لكن بها الحركه تاكدت انه بيطيح في يوم من الايام حتى لو بعد عشر سنين طبعا ما استغنى عن مساعدتكن وتوجهاتكن يا اخواتي لان لولا الله ثم انتن ما نظر لي هذي النظره يمكن تشوفنها نظره عاديه لكن انا اشوف انى ملكت الدنيا كلها بنظرته هذي وهي اول خيوط الامل
ا
لمهم اخذت الصرافه واخذت الكرت وكنت جاهزه ولابسه من صلاة الفجر حتى قبل ما اكلم زوجي كنت مستعده اخذت عباتي واتصلت على خالى ونزلت من الباب الى ورى عشان اهل البيت ما يشفوني توكلنا على الله ومشينا
خالي يسولف وانا مانى يمه كل ما تذكر نظرت زوجي يصيبني فرح وابتسم منه وكل شوي افتح شنطتى واطالع صورته الى في الكرت
وصلنا المستشفى وبعد الكشف والاسئله الكثيره قال الدكتور انتى عندك اكثر من مشكله واصعب مشكله عندك تجمع دم ومن حسن حظك انك عايشه ولو تحرك هذا الدم يمكن يودي بحياتك او يسبب لك اغماء وقال كلام شيب الراس
قالت طيب انا اشوفها مقسومه قال هذا الدم المتجمع تحت جز منها قمتي تشوفينها انها مقسومه لان الدم طلع الجزء الى تحته مختلف عن الجز الثاني وشوه منظرها وعندك عضله منفلته وكلام طويل عن مشاكل ثانيه قلت والحل يادكتور قال كل المشاكل بسيطه ونقدر نعملها لكن للاسف توقفت عند المشكله حقت الدم المتجمع أي حركه راح تاثر على حياتك لان مكان الدم خطر جدا وكلام طويل قلت والزبده قال اسف مقدر اسوي لك شي الا حلول خارجيه قلت اسعفنى تكفى
قال تحطي وقال اسمه انقليزي قلت وش هذا راح وجابه لي طلع زي القطن مستطيل لكن قاسي قال حطيه عليها ولا البسي الى مقدر اقول اسمها عشان ما تنعرف مشكلتي اكيد عرفتوها قلت الله المستعان والحمدالله على كل شي تدخل خالي قال يا دكتور دور حل منا ولا منا ولا دلنا على مستشفى ثاني قال انا ماعندى مشكله اخذ الفلوس وطز في حياتك لكن انا قلت لك الحقيقه والطب امانه وحياتك امانه حشرتني العبره قلت خيره ان شاءلله
مشينا وقام خالي يواسيني ويصغر مشكلتي ثم قال وش رايك ما نرجع الحين وش رايك نتمشى لنا يومين عارف ان صرافه زوجي معي لانه صرف منها عشان الكشف في المستشفى وغيره عاد انا خفت على صرافه زوجي قلت اكيد بيبذر فيها المهم قلت طيب وقلت فرصه اروح اتقضى لى ملابس لان المحلات هنا كبيره وفيه اغراض ماهي موجوده في ديرتنا
المهم دخلت السوق وتقضيت واخذت ملابس اشكال والوان وركزت على الملابس الى صدرها مفتوح وعاري
المهم رجعنا بعد يومين من روحتنا ما طولنا يعنى اليوم الى رحنا فيه ويوم ثاني وثالث يوم رجعنا في الصبح بحدود 8 وربع او نص ما ركزت فيها زين
الم هم دخلت من الباب الى ورى كنت شايله هم انى القاه مسكر لكن لقيته مردود طلعت فوق ومثل العاده البيت يصفر

طلعت جري واكياسي معي قطعت انفسي من كثرها

دخلت الغرفه وكلها ظلام والنور خفيف جاي من ناحيه سيب غرفة الملابس والحمام وانتم بكرامه المهم مشيت بشويش ونزلت الاكياس في غرفة الملابس ويوم قربت من الحمام سمعت صوت والباب مردود قلت مو معقوله يدخل الحمام وما يسكر الباب فتحت الباب طلعت الخدامه تشطف الحمام وما خذه راحتها ومرفع القميص لين الركب قلت وش دخلك هنا وما تستحين مرفعه قميصك كذا والله يا بنات كانى اكلم جدار وتشمق فيني قلت اطلعى قالت فلان اسم زوجي يقول غسل حمام قلت بعدين قولي بابه لا تنادينه باسمه كذا والحين روحي انا اغسل الحمام خلاص جيت رمت الشطافه على الارض بقوتها كلها وطلعت حتى الخدم ما يحسبولى حساب ومعاد يستحن وربي داخله بغرفة رجال لحاله ومرفعه ثيابها حسبي الله عليها
المهم يوم طلعت رحت اتختل عشان ما ازعجه يوم قربت من السرير انصدمت صدمة مدري وش اقول لقيته نايم على السرير قمت اقول يمكن انى واهمه او انه احد ثاني واناظر مكانه الى ينام فيه اول ما فيه احد رحت بشويش وجلست على الارض وانا ميته فرحه وبتشقق من السعاده ونسيت امر الى انتن خابراتها ومدري وش صابني وربي
كنت احسبه ينقرف مني لكن نومته على السرير وفي مكاني الى انام فيه بالتحديد فرحنى يعنى مهوب منقرف مني يا بنات
وهذي اول مره ينام على السرير من بعد زواجنا راح التعب وطار النوم وانا بملى عيني منه ماني مصدقه تمنيت ان النور شغال عشان اتمتع في المنظر اكثر
بقى عن الظهر شوي ضرب منبه جواله انا قمت بسرعه بتاكد انه نايم على السرير شفتن انى مجنونه شغلت النور قدام يقوم بشوفه زين
التفت وهو نصف صاحي يغمض عيونه ويفتحها مثل الى متاثر من النور وهو يطالع فينى قام بشويش شكله يقول بسم الله هذي وش جابها الحين ولا يمكن منكسح لانى شفته نايم على السرير والله مدري بس يوم قام نطيت في وجهه عطيته الصرافه قلت الدكتور يقول مافيه امل والعمليه خطر عليك وكنت حاطه في بالي اني اقوله وربي عشانك كنت بسويها لكن مدري وش الى ربط الساني اخذها وراح بسرعه توضاء وراح يصلى
كنت احسبه بيرجع وينام على السرير لكن رجع ونام في مكانه الاول وخاب املي ولا علق ولا قال معليه ولا واساني ولا شي
اما الدراسه ما انقبلت لا انتظام ولا انتساب وفي يوم كلمت ابو زوجي يتوسط لي وياليتني ما كلمته في ذيك اليوم بعد ما فطرته وقهويته قلت يا عمي ان ودي اكمل دراسه وابيك تتوسط لي لانهم ما قبلوني عشان عمري كبير وياليتني مت وما قلت ها الكلمه قال ليش انتي كم عمرك استعجبت من سؤله قلت عمري كذا والله يابنات ان وجه تغير والتفت عني
دخلت خالتى من النص وقامت ترقع وتقول عمرها كذا مو هذا هذا حنا مكبرينها عشان تدخل المدرسه وهي كبر فلان تقصد زوجي هي وياه والدين في سنه وحده وقامت تذكره بشياء وهو ساكت وقامت ترقع وتصلح وانا مثل البلهاء فاتحة فمي مدري وش السالفه طالعت فيني خالتى قالت علمي عمك كم مزودينك سنه وتقرص لي عينهاجبت سالفه مدري من وين دخلت قلت الجامعه يا عمي ياخذون على العمر الى مسجل في الكرت ومايدرون عن عمري الحقيقي عشان كذا ما قبلوني انظلمت ياعمي دخلت خالتى في السالفه من جديد لانها عرفت انى بخرب الموضوع قالت هي من صغرها وهي ذكيه وسنعه وعقلها سابق عمرها وبكرنا في دخولها المدرسه وكتبنا ميلادها غلط عشان تدخل ومن ها الكلام وانا قام قلبي يعصني وربي وضميري يعذبني لانى كذبت واول مره اشارك خالتى في الكذب لكن يوم شفت وجهه تغير وشفت توتر خالتى خفت انه يزوج ولده وحده بعمره ولا يخليه يطلقني
عمي ابو زوجي رجال كبير في العمر وما يسمع كثير ونظره على قده بعد ويا خوفي انه مايدري عن الى انتم خابرينها
واخاف خالتى كاذبه عليه ويخوفي لو درى بعدين وش يكون مصيري اقسم بالله انى اعيش في الغاز فيه اشياء مدبره بحنكه وتدبير قوي من خالتى
لليوم وانا افكر كيف اقنعته فيني رغم ان عند زوجي بنات اعمام ما تزوجوا وكلهم يتمنونه معقوله ابوه يختار له وحده مثلى وهو يدري عن حالتي لا وربي ان في الامر تدبير قوي من خالتى بس الله معي وهو الى بينصرني ان شاء الله لان مالى ذنب
المهم بعد كلام خالتى وكلامي التفت يمي وسالنى سؤال غريب وهذا اول مره يساله قال وانا عمس مافيه شي في الطريق يقصد انى حامل مادري وش اقوله اقول كيف احمل وولدك ما يشوفنى شي قدامه سكتت قالت خالتى يجيب الله رزق رد هو وراها قال يجيب الله رزق وراح يشخط بالارض بعصاه الى يتكي عليها وسكت قمت ورحت في قلبي غصه وما خبي عليكن وخوف بعد
تهقون يا بنات ما صدقنا انا وخالتى وقال في نفسه هذي عجوز ما تحمل والله التفاكير تاخذني وتودينى لانه وش معنى سال السوال هذا بعد سالفه العمر طيب انا مانى عجوز والسبب تعرفنه زين ما حملت لانى بنت للحين كيف احمل
ما فقدت الامل وسجلت في معهد دبلوم ما كان فيه الا تخصصين انجليزي وحاسب اخترت الحاسب لان مانى يم الانجليزي كل شهر ادفع 500 لين اخلص السنتين الدوام من العصر لين العشاء بس عشانه فوضى اطلع مع اذان المغرب هذه بالنسبه لدراسه
والاهتمام بنفسي من يوم ما قلتولي لليوم وانا اهتم من نظافه والله انه كل يوم اتروش اخاف لون جلدي يتغير
والملابس كل يوم لبس جديد من ضيف ومفتوح وعاري على الصدر والايدين والنوم بجايم اشكال والوان

لكن القصير للحين ما بديت فيه وشريت قمصان نوم مثل هذي

بس للحين ما لبستها قلت اسالكم بالاول كيف طريقتها لانى مابي زوجي يضحك على ولا يكسحنى هو من النوع الى الواحد يستحي منه مابغاه يقول قرويه ما تعرف تلبس
لانى انا من النوع الى يحب يفهم كل شي قبل ما يسويه فانا شريت مثل نوعيه القميص هذا بس كل الى لقيتهم يا انهم طوال بالمره يا انهم قصار ودورت واحد طولي ولقيت بس مهوب طولي بالظبط فوق الكعب بشوي اجبع هذا شي طبيعي يا بنات ولا لاء
والسوال الثاني الحين لازم انزل الى عليه وخلى القميص الى جوا ولاء عادى اذ مشيت فيه بالغرفه وانا لا بسه الى فوق على القميص الى تحت لان الى فوق ساتره مدري فهمتونى ولا لاء
والعطور كل يوم اتعطر وربي حتى انى اخذت اسماء عطورات ومزيلات العرق وحتى فرش الاسنان حقت زوجي وجبت مثلها تقولن مجنونه أي والله مجنونه وش اسوي ادور الى يحبه واسويه مخليت شي لدرجه انى كل يوم كانى عروسه من التزين والغرفه انظفها وارتبها كل يوم
حتى الكتب جبت مجموعه اقراء فيهم واتثقف منهم واجلس دايم على السرير واقراء قدامه على الصامت طبعا اسوي نفسي مثقفه
اما زوجي ما تغير عنيد ومغرور وشايف نفسه لكن مصيري استحل قلبه والحرب بدت والانتصار لي ان شاء الله لان ربي معي ثم انتم يا وخياتي وابشركن بوادر الانتصار بانت فيه اول انتصار نظراته لي ذيك اليوم شكله طاح لكن يكابر للحين مدري كيف اوصف لكم نظراته نظرات واحد منتهي
ويقلون كثر الدق تفك الحام وانا بستمر بسلاح الحريم وكيدهن من دون ما اكلمه بتجاهله وبشوف من يجي الثاني
موقف صار ثالث ايام العيد يوم رجع زوجي من المسجد بالعاده يقراء قران بعد الصلاة لين تطلع الشمس جلس في مكانه وقام يقراء قران طبعا يقراءه على الصامت
وانا على السرير احاول انام وتو بديت انسدح كان علي بجامه وابشركن تعودت على البجايم الحمدالله المهم الفجر الساعه اظن توها 6 باب الغرفه بيطيح من مكانه من قوة الدق عليه جدتى تطق الباب وما يكفيها الطق تنادينى فلانه بصوتها كله ورى بعض تناديني الله يهديها
جدتى ما تبطل عوايدها المهم يوم سمعت صوتها كان قارصتني عقرب نقزت نقزه وقفت على السرير ونطيت ركض على غرفه الملابس ببدل ما بغاها تشوفني بالبجامه تعرفن الناس الكبار ونقدهم اخاف تكسحنى عند زوجي المهم
م ن الربشه والاستعجال ولان جدتي ازعجت زوجي و الناس الى برى بعد بصوتها ودقها على الباب لبست تنوره على سروال البجامه وطلعت مستعجله في هذي الحظه سمعت ضحك زوجي بقهقه سبحان الله حتى ضحكه في تكبر التفت فيه والمصحف بين ايديه ويطالع في المصحف وفارط من الضحك ويقاوم الضحك ويكتمه وجسمه يهتز فتحت الباب استلمتنى جدتي ما تسمعون كل هذا نوم بعدين سالتنى عن خالتى قلت راحت هي وابو زوجي لفلان في ديره ثانيه يزورونه من امس اشرت لى زوجك هنا قلت ايه جرتنى يمها وعطتنى كيس فيه حوايج قالت بصوت واطي اكليها في اول يوم وثانى يوم من الدوره عشان تحملين كل الحريم حملو بسببها بعضهم لهم سنين قلت في نفسي اخ لو تدرون بس اني بنت للحين قلت طيب اسايرها راحت جدتي يوم رجعت بجهة زوجي يوم سمعني جيت ضحك من جديد وما يطالعنى يطالع المصحف سكت اخذ شوي ضحك بصوت بعدين صار يضحك من دون صوت مثل الى ياخذ نفس عشان يسكت نفسه ويتنحنح وكل هذا وانا على السرير وربي انى مت من الكسحه قمت
استرق النظر له سكر المصحف اخذ الجوال يعنى اضحك من الجوال مو منك وهو على ضحكه قام وطلع برى الغرفه نمت وهو ما جاء مدري متى جاء وربي نمت والعبره حاشرتني لانى رحت افكر في نفسي مدري ليش تجينى هذي الحالات واسوي اشياء غير اراديه لونى يوم سمعت الباب قمت بشويش عشان ما يلاحظ وبدلت جوى ولبست طرحه عشان يحسبني رايحه عشان اغطي شعري وطلعت بشويش كان احسن لكنى مربوشه والتنوره مدري كيف قايله نص محشور وسروال البجامه طالع من تحت
والمنظر مضحك اما النطه من على السرير والوقوف على السرير من الفجعه وارالركضه الى تقولون ركضت سكران من الخوف هذا شي ثاني
المهم يا بنات اليوم جيتكم ابغاكم تعلمونى وش البس في البرد تعرفون دخل علينا الشتاء ابغاء ملابس تخليه غصب يطالع فينى وتكفون يا بنات الى تعطينى اسماء ملابس ياليت تحط صورها ولا تعلمنى وش اكتب في الصور عشان تطلع لى واعرفها
لان فيه ملابس كتبتها في البحث تطلع لى انواع كثيره مدري أي واحد فيهم تدرون ليش لانى اذ رحت بشريها وما فهمنى صاحب المحل اجيبها انا على نظري لان حصل لي موقف رحت لمحل قلت عطني سكيني قال روحي محل الادوات المنزليه قلت لا هذا اسم ملابس قال شوفي الملابس طلعيه انتى وانحرجت وطلعت لانى ماعرف شكله يا بنات

فما عليكن امر اذا تقدرن حطولى الاسم والصور او علمنى وش اكتب ويطلعلى

وطلب ثاني زوجي في المنتدى حقه حاطينه من يوم الخميس في موضوع اسمه كرسي الاعتراف ويسالونه اساله وهو يجاوب قلت فرصه وجت عندي لان عندى اساله كثير نفسي اعرف وش يحب ويكره في الحريم ونفسي اعرف هو يحب الاطفال واشياء كثيره بس مدري كيف اجيبها مخي توقف لانى كيف اساله عن الزوجه وهو كاتب لهم في بدايه الموضوع انه اعزب بالله يا بنات علمونى كيف اساله عن الزوجه كيف يتمناها ومن ها الكلام تكفن وترى مهلة الكرسي تنتهي قريب فا نفسي اساله عن كل شي وانتن ادرى يا الغوالى فا ساعدني في الاساله الى راح تفيدنا في خططنا الجايه تكفن فرصه ما تعوض ابدا ونفسي اعرف وش يفكر فيه لان كل الى في المنتدى اسالتهم له ما فادتنى شي كلها عن الثقافه ومدري ايش انا ابغاء حياته الخاصه و الشخصيه فهمتنى يا بنات
والله لى اربع ايام ادخل المنتدى تطلع لى الصفحه الريسيه ثم يتوقف مدري ليش بغى يطق في راسي عرق لانو خفت ينزل زوجي من على كرسي الاعتراف وانا ما سئلته كل الى في بالي وكلامي هذا من اربع ايام وهو في الورد بس فرصه لانى لقيت مليون غلطه املائيه وعدلتها ويمكن للحين في اغلاط بس استروها
والسموحه كتبت كل الى عندي لانى احس انى افضفض لاخواتي واستشيرهم وكتبته لكل الى سئلو عن اخر اخباري هذي اخبار الشهور الى راحت جمعتها واختصرتها لكم يا الغوالي
وشكرن شكرن شكرن من قلبي لكل الى سئلوا عنى والسموحه لكل الى في الخاص مارديت عليهم وربي ماقدرت يقول ما تسمح مشاركاتك
والى تقول انى حذفت موضوعي عشان ماقدرت ارد على شكوك البنات اقسم بالله ما خليت ولا سوال ولا شك الا رديت عليه والمشرفات والبنات الى شافوا الردود شهود على كلامي و اطلبي من المشرفات يعطونك ردودي على البنات الى شككو فينى عشان بس تعرفين انى رديت على الجميع وما خليت احد ولا تهربت ابدا فا الحمدالله يقولون واثق الخطوه يمشي ملك