رحت زواج وانصدمت تعالوا اقولكم ليه

سلام يا عسولات كيفكم ان شاء الله بأحسن حال ويارب يفرج همنا ويفرحنا قريب بالحمل السليم التام من الزياده والنقصان ,,شوفوا ياحبيبات
في كرت زواج جاني أنا وبعلي عسى الله يخليه لي ومره انبهرت بالكرت كان مره فخم وأول مره اشوف زي كدا يوم جابه زوجي من بعيد كنه طقم دهب فرحت عبالي جايب لي هديه خ ولونه من بره أحمر قطيفه ومقصب بالدهبي المهم والحمدلله اني مابينت لزوجي اني حسبته هديه لي ولا كان طاح وجهي قدامه وبيمسكها مسخره علي الين أموت (بعد عمر طويل )ان شاء الله , المهم قلت وش دا ياحبيبي ويقولي كرت دعوه للزواج ووتشوفون وجهي متثبت لمدة 4دقايق,المهم فتحت الكرت أقرا وماشاء الله لاقوة الا بالله العريس والعروس اثنينهم دكاتره قلت ماشاء الله الا ويقولي زوجي وأم العريس وابوه وأم العروس وابوها كلهم دكاتره والعيله كلها دكارته في دكاتره لااله الا الله ,المهم قلت لزوجي دام الدعوه كدا لازم أكشخ اكيد العرس بيكون شي وفعلا الصاله من المدخل بس تاخد العقل ومن أولها الين الكوشه معبينها ورود طبيعيه والريحه يو المهم كل ماكلم وحده ياتطلع دكتوره يازوجه دكتور واولاده قلت خليني منطمه وساكته احسن لاحد يتليقف ويسالني وش شهاداتي , المهم عدت على خير وشفت امهات العرسان كنهم أمراء لااله الا الله وشوي تجي العروس جميله بس شوي سمره مو مثل أمها أو بمعنى أصح كل عيلتها بيض الا هي قلت انا اكيد مثل ابوها وشوي يوم دخل العريس وخل ابوها وابوه وماشاء الله ابوها قشطه لاوعيون ملونه بس ماشفت من بعيد , وقدموا العريس واهله 4طقوم للعروس 2دهب و2الماس تهبل ماشاء الله يارب تهنيها وشوي ابو العروس وامه قدموا شيك هديه للعرسان وشوفوا العرض قدام الناس وقيمته مليون دولا ماحد انبله وفتح فمه غيري بس اشوى اني متلطمه ماحد شاف القراج اللي فتحته بوجهي , ويوم انتهى العرس ايه صح الصاله حق الميز كانت مميزه وعاملينها بشكل خرافي بس اللي ماحبيته في القصر انه مليان تماثيل والعياد بالله كبيره على بالهم تحف فنيه ,,المهم رجعت البيت مع زوجي وأنا كلي دهول من هالعرس واهله وكل اللي صار فيه ويوم وصلنا البيت قلت لزوجي يابخت هالعروس وبديت احكيله اللي صار وقد ايه اني انبهرت وقلت له دلوعة اهلها عشان ماعندهم غيرها سوولها اللي مايتسوا قالي ومن قالك انها بنتهم ؟؟يوم قال كدااناصرت كدا وفتحت القراج مره ثانيه قالي الأم أصلا ماتخلف عقيم وتزوجت 4مرات وماخلفت وفي النهايه راحت الملجأ وجابت هالبنت وكانت امها توها والدتها وتوفت سبحان الله مع دخولها المللجأ انولدت هالبنت وكانت أمها تشتغل في الملجأ فراشه وزوجها مطلقها وطاردها ومالها احد يعولها وجات الملجأ وهي حامل بس كانت مريضه بالقلب (حشا فلم هندي)الحمدلله الدي عافانا وطلبت من المديره بنت تكون أصغر وحده في الملجأ قالوا لها عن هالبنت اللي توها طالعه للدنيا وأمها تاركه الدنيا , وخدتها وربتها ودللتها ودخلتها اكبر مدارس وأحسن جامعات في الخارج وزوجتها عايله كلهم دكاتره وماشاء الله الدنيا مو سايعتها من الفرحه وكانت تبكي الأم وهي تشوف هالعروس بجنب زوجها كنهم شمس وقمر مجتمعين , وبس هدا اللي صدمني شوفوا كيف يابنات ديك الساعه قلت ليه كثير من الناس الي خلاص مالهم امل في الخلفه ومافي شي بعيد على الله لكن قصدي اللي وصلوا للسن الياس أو عندهم عوائق كبيره للحمل ليه مايسون كدا وربنا يمكن خلا زوجات وازواج عقيمين عشان أطفال يتيمين وكلهم محتاجين لبعض وسلامتكم هادي الحكايه من طق طق للسلام عليكم ورحمة الله وبركاته