رحلتي لأحد الصوالين الراقية لاتفوتكم

بسم الله الرحمن الرحيم
بنات لاتفوتكم القصة حقيقية
استعدوا
8
8
8
8
8
شاءت الظروف أن أذهب في أيام العيد لأقضي العيد بأحد قرى الشمال الشرقي من السعودية
و كنا مدعوين لحضور حفل زفاف أحد القريبات هناك
اقترحت علينا احد القريبات ان نذهب لأحد الصوالين النسائية
صحيح اني بدوية
لكن عايشة طول عمري بجدة
ومتعودة على صوالين التجميل فيها
واساليبهم المرفهه للزباين ويعاملونك جد كانك اميرة
( بس عاد مو كلهم ومو دايما أحيانا )
المهم دخلنا الصالون
وهو للعلم ارقى صالون باللبلدة
وكان عبارة عن بيت اقدر اقول اقل من شعبي
اول مايقابلك فية المطبخ
وعلى يمينك صالة الانتظار والتجميل سوى
يعني ماعندهم شئ اسمة ريسبشن
واصلا هذا شئ شكلهم مايعرفونة الا واحدة من الفلبينيات تصارخ علينا وتقول :
بنات يالله روح غرفة تاني بعدين يصير هنا زحمة
قلت بقلبي نعم وبصراخ
والله مااتحرك وانا بنت ابوي
البنات راحوا وقالوا ياماما تعالي
قلت مستحيل
التفتت علي وقالت يالله بنات روح غرفة تاني
وهي تطالع فيني
وانا سايقة الطناش
والله لو تحركت لاطلع من صالونهم المخيس
جاهزة للشر
خاصة ان الصالة فضت
واغلب الحريم سمعوا الكلام
ماشين على مبدا لاصار لك حاجة عند الكلب قل لة ياسيدي
وهذي هي احسن واحدة للشعر
المهم
سالت عن المكياج بكم
تخيلوا قالوا المكياج ب 500 ريال
اف هذا واحنا بقرية خمس مائة ياساتر
قلت طيب انا بس ابي مكياج عيون
قالت ماعندنا غير نظام مكياج كامل
اتلفت يمين وشمال
اشوف الحريم اللي خلصوا متمكيجين
يوة وش هذا
الكل عباياتهم كانهم تسدحوا فيها بالسكة
الا كنهم تسدحوا فيها بالشارع
الوان واشكال شئ مقرف !!!!
وش هذا
قالوا لي يوة ماشفتي شئ هذا ياجداوية
اثر المكياج
قلت هو هم يحطون المكياج للعبايات
قالوا اصبري شوي وتشوفين بنفسك
اطالع بوجية الحريم
بصراحة مااشوف غير الوان الطيف على عيونهم
ورموش كنها مكنسة من طولها المبالغ فية
( رموش تركيبة طبعاً )
والوجة كانة جدران صبة توهم مليسينة
يمة لية كذا وش يسمون هذا
مكياج يعني
قالوا الصبر طيب
انتي لو ماتبين كذا خبري الخبيرة وهي تسوي لك طلبك ...
المهم كل حرمة قاعدة تدور بالاوراق المجمعة بكيس تختار لها تسريحة لشعرها
وانا قلت ابد خلي شعري مو محتاج منكم شئ سوي لة بس سشوار
وانا ادبر عمري فية
بس ابي رسم عيون
ومكياج اخف من الخفيف
جاء دوري للدخول لغرفة العمليات ,
اقصد غرفة الميك اب
اقصد الترميم والتلييس
قلت للبنت المسؤولة عن وضع طبقة الجبس اقصد الفونديشن
اساس المكياج بليز انا ابي مكياج خفيف ماابي مثل الحريم اللي شفتهم برا
قالت ابشري بسعدك
احنا نسوي على طلب الزبون
قلت لها يعني هم طالبات كذا
قالت بالضبط
قلت الحمد لله فرجت
جلستني على كرسي وضع طبقة الجبس على الوجة
اقصد الاساس التفت والقى قبلي حرمة ماينشاف لها عيون ولا جفون
ولا اي معلم من معالم وجهها
شوي الا وتنزل تصب على جهي من كريم الاساس
وتبدا تدعك كنها تدعك بوية بجدران
يوم خلصت وتبدا تحط البودرة والله انها تحطها باسفنجة اكبر من ليفة الاستحمام
اكبر من كفيني الاثنين
وطبعاً هذي الاسفنجة هي اللي تحط فيها المكياج على اجسام الحريم ياسلام على العناية الصحية
اها وتصبخ بالاسفنجة وانا اقول لها بشويش
ترى ماعندي غيارات
وقدامي تحط مكياج كامل على اجسام بعض الحريم
الله المستعان عرفت لية عبايات الحريم كانها ممسوح فيها ارضية الشارع
اوكي تحسبون السالفة خلصت
اصبروا شوي
قالت لي اجلسي انتظري على الكنبة اقصد الكرسي الخشب
(حشى بحديقة مو غرفة تجميل )
لحد ماتناديك الخبيرة الله اكبر على الخبرة
جلست واطالع على اللي جمبي الا وعبايتها الوان واشكال من البودرة والمكياج وانا فيني الميانة ,,اللي مالها داعي
قلت لها نظفي عباتك ترى كلها الوان
يبيلك تفصخيها عنك شوي وتنظفيها
وياليتني ماقلت لها هلكلمة !!!!
شالت العباية الا والريحة
يوة يوة يوة
هذي تبي تروح عرس وهي بهذي الريحة شكلها ماتروشت من سنة
لاحول ولا قوة الا بالله
الحمد لله نادتني الخبيرة
وبدات تبي تصبغ بوجهي وتحولني الى شبح جديد تضيفة للاشباع اللي مالية صالونها العامر
قلت لها اسمعي ياغالية
ان كان الحلوات اللي طلعوا من عندك يقولون لك ثقلي المكياج على قد الخمس مائة
تراني اقول لك خففي قد ماتقدرين
وانا اعطيك خمس مائة وزود بس خففي المكياج
الحمد لله سوت لي اللي ابية لكن بطريقة قمة بالعربجة
والدفاشة
والله اني حزنت على وجهي من قشارتها
وخاصة يوم قلت لها ابيك تستعملي فرشي الخاصة واسفنجاتي
وماابيك تستعملي الاسفنجات اللي مررتها على وجة الف واحدة قبلي
باختصار كانت تجربة اليمة
ومن شدة المها شجعت البنات ونصحتهم انهم يطلعون بكرامتهم
ويسوون مكياجهم بانفسم
ويوفرون فلوسهم وبشرتهم من التعذيب
خاصة بعد ماشافت لولة كيف تحولت إلى مسخ بعد وضع الاساس فقط
والغريب اننا قعدنا نضحك ونسطح ضحك
وننكت نكت تضحك الجدران
والحريم اللي جمبنا اقصد والمومياء اللي جمبنا ساكتات ولا تعبير بابتسامة
المهم
طلعت وانا حاسة بحزن على وجهي اللي انقلب وقلت ياحظكم
سووا لنفسكم مكياجكم البسيط الهادي عشان تعرفون انفسكم
لاني بصراحة يوم طالعت بالمراية ابي اشوف شكلي
مالقيتني
لقيت واحدة مااعرفها ولا قد شفتها تطالع فيني وهي مفجوعة
باشوى قالوا لي البنات ترى هذي انتي لاتخافين
وهذي هي قصتي مع المكياج في احد ارقى صوالين القرى الخايسة
وسلامتكم
انتظر تعليقاتكم
والله لو اضمن ان الايميل مايتم تداولة كان نزلت لكم صوري بمكياج الخبيرة
ومكياجي البسيط وتعرفون اني بالواقع احلى ( ياواثق ) اي والله صدز
علشان تحلى التعليقات