ردة فعلكم تهمني في هذا الموقف

بصراحه موقفه غريب بس يكفي اهتمامه ويمكن جاء في باله انك وهو واحد ومو شرط من وين صرف هذا رائي واحسني الظن .......تقبلي مروري

وهو انشالله ليش يعرف حسابها ؟
وبأي حق يسحب من رصيدها وهي ماتدري ؟
هو فعلاُ غلطان والغلط راكبه من راسه لين رجليه لأنه ماله حق يدفع حق كشفيتها وعلاجها من رصيدها وهي نايمه بالعسل وفرحانه انه يركض فيها لأحسن مستشفى واحسن دكتور وبعدين اسمحيلي بهذي الكلمه هو ماتجرأ ولا فتح الحساب إلا انها معودته انه ياخذ من حسابها وهي راضيلها الوضع مع الأسف بس هالمره يمكن صحت على نفسها وزعلت من الباشا وفي الدين ماله حق ولا دعوه بفلوسها .........انا اسمي اي رجال بهذي الحاله دنيئ نفس وماعنده كرامه عند باله ان هذي قمه الرجوله ( اسفه على هالكلمه بس هذا هو معناها )
بالنسبه لأختك انا من رأيي انها تسكت وتغير حسابها ولا تعلمه الله لا يهينها انها غيرت حسابها المثاليات بهذي الأمور ماتمشي بهالزمن حبيبتي
واذا جالها مجال في النقاش تقوله انت ملزوم تصرف علي مش تعطيني مصروفي من هنا ودفعني ياه من جهه ثانيه ........ الله يكون بعونها

اسمحيلي اختي بس الشرهه مو عليه الشرهه عليها هي لانها المفروض تكون لها خصوصيه وماتكون بطاقتها وحسابها تحت ايد زوجها ..

اكيد بيهتم فيها لان الصرفيه عليها

والله مدري اذا جت على صحتها طز بالفلوس
الله يهدي النفوس

كيف عرف رقم حسابها!!
هي الغلطانه المفروض ماتعطيه البطاقه اصلا بعدين تشتكي
الله يهدي النفوس يارب

الله يهدي زوجها

يا شيخة عادي مادام في صحتها فداها بس بعد كذا تنتبه لفلوسها
أنا عن نفسي لو صار ما أظن بزعل والله أعلم وقتها كيف ممكن أفكر
بس والله الموضوع بسيط

الله يعينها أنا من جد قفلت معي وشلون هي المسكينه
شوفي خليها تسكت على السالفه وأن راضاها ترضى وتمشي السالفه كأنها راحت
ولا تغير الرقم السري لأنه بشك ويقول ما عاد تثقين فيني ومن هالكلام
إذا جا في حسابها فلوس تسحبها وتشيلها عندها
أو تفتح لها حساب ثاني في بنك ثاني من دون ما يدري
بس والله لو أنا منها لخليها في قلبي إلين ماتدور الأيام ويجي بنفس الحاله وبسوي له نفس الحركه أو حتى موقف ثاني يستدعي إني أحتاج فلوسل لأخذ من حسابه
وإن كان فيه خير يفتح فمه