رسم على الجدران ال بيت خيالي

1. الموضوع وما فيه


2. وهي الرسم على الجدار كان الرسم جدا جميل وذووق .


3. طريقتها:

السلام عليكم
كيفكم فراشات ان شاء الله تكونو بالف صحه وسلامه
وان شاء الله تكونو ربتبتو ا بيتوكم ونضفتوها عطرتوها وخليتوها خمسه نجوم

الموضوع وما فيه

امس عزمتني وحده من صاحباتي بالكليه لبيتها ومشاء الله كان بيتها تحفه فنيه بمعنى الكلمه ترتيب ونضافه وريحه وذوق في اختيار الديكور والاثاث بيتها شقه عاديه مو فله ولا قصر لكن صراحه هي بذوقها وترتيبها خلته وكانه فندق.
شي لفت انتباهي وخلاني اشوفها بصراحه قمه الذوق حركه جدا جميله وانيقه

وهي الرسم على الجدار كان الرسم جدا جميل وذووق .

طبعا انا ستحيت اقوم بتصوير بيتها او الرسمات الي هي رسمتها بس راح اوصفلكم شكلها وان شاء الله اكون ديقيقه في الوصف وانقلها لكم مثل ما شفتها.
احلى رسمه شفتها وكانت بالممر الي يوصل للحمامات والمغاسل هي رسمه كانت باللون النيلي على الازرق ودرجاته كانت عباره عن رسمة ازهار بالون النيلي والازرق والاسود واللون البنفسجي مع فراشات في غايه الجمال ومزينتهم بالكلين البراق صراحه شي قمه في الروعه والنعومه ووضعت اناره باللون الازرق والابيض والوردي خلت الكلين يبرق ويعطي شكل جدا جميل.
الرسمه الثانيه كانت بصالة الطعام بركن من اركان الصاله بالزاويه والسقف رسمت منضر طبيعي جدا هادي مع البحر وكانت الرسمه روعه بمعنى الكلمه صراحه الي رسمتها فنانه فنانه مبعنى الكلمه هي قالتلي انها بنت رسمتها لها ومشاء على رسمها وياحليلها تقول المتر بالف ريال بس صراحه تستاهل اكثر من الف للمتر ..... المهم
كان المنضرساحر ويعطي المكان جو من الهدوء والرومنسيه وكانت حاطه بالسقف سماعات شابكتهم بطريقه انيقه وحاطه صوت عصافير ومياه جاريه وصوت مطر خفييف ومع صوت رعد مو قوي بس يعطي جو رائع صراحه الي ياكل فصالة طعامها ما وده يقوم .
في الحمامات الله يكرمكم
كانت حماماتها جدا عاديه بس بذوقها وترتيبها خلتها وكانها فندق خمسه نجوم
وضعت مرايه ملونه لونها وردي فااتح على كامل الجدار ورسمت زخارف راقيه جدا على زاويه من زوايا المرايه تمتد الى فوق وتحت..
بجانب المرايه وضعت ارفف زجاجيه ووضعت عليهم تحف جميله
فيه حركه جدا اعجبتني وكانت هي الي صنعتها بنفسها قامت بصنع دعاسه تحت المغسله وتحت التواليت . وعند البانيو.
واكانت بالاحجار الصغيره المصقوله .

طريقتها:

تقول جبت دعاسه عاديه وجمعت من البحر احجار مصقوله وقامت بلصق الاحجار على الدعاسه بالغراء بطريقه مرتبه وجميله مشاء الله كانت جدا شكلها مرتب وانيق ونفس الوقت مريحه على الارجل اذا قمتي بالدعس عليها.
بجانب المغسله وضعت فازه زجاجيه طويله وعميقه ووضعت بداخلها احجار مصقوله ووضعت بداخلها نبات ملفوف جدا جميل يعيش بالماء با اعرف اسمه بس كثير اشوفه بالمحلات. ووضعت سمكات صغيره حقيقيه جدا جميله لها زعانف وذيل مثل الشيفون طويله ولمن تسبح سبحان الله جدا جميله طبعا الاسماك ما تحتاج الى اكسجين روعه روعه روعه كان لونها ازرق وفوشي سبحان الله شكلها جدا جميل .
وكمان حاطه بادورة المياه سماعات بموسيقى جدا هاديه توحي لك كانك بفندق .
على البانيو فصلت باب زجاج يفتح ويغلق بطريقه هاديه وصانعه نفس الدعاسه بس بشكل مموج مشاء الله وضعتها عند مدخل البانيو الزجاجي وقامت بالرسم على الزجاج كمان رسومات جدا جميله . طبعا الرسومات نفس البنت الي رسمتلها الجدران رسمتلها على الزجاج
هذا غير اللوحات الي بالحمام والاضاءه.
مشاء الله صراحه بيتها ياخذ العقل الله يهنيها فيه .
حمستني صراحه اشتغل ببيتي وارسم على جدرانه اتمنى اكون وصلتلكم الوصف
وان شاء الله اوريكم بيتي بعد ما اتفنن فيه تحياتي.