ركب وردية عن تجربة

بسم الله الرحمن الرحيم
اذا ودك تكون ركبك ورديه ونظيفه مثل ركب الاطفال,طيعيني لو مره ماراح تخسري
الموضوع اليوم يستحق القرايه بس مو لكل وحده للمهتمه فقط
عارفه الموضوع مضايق ناس كثير الا وهو الركبه وما ادراك مالركبه
المهم يابنات والله العظيم عندي لكم طريقه تخليها تجنن ........
بس لكن
لكن بشروط
يعني الى ماراح تمشي على الشروط لا تتعب نفسها وتكمل تقرأ الموضوع
و يبيلها شيء يعني شويه اهتمام واستمرار تقريبا شهر أو ثلاث اسابيع
وراح تنعمين بأجمل ركبه في العالم
المهم أنا راح احط لكم الطريقه ولازم تستمرون يعني انا اليوم حطيتها الى تبي تسويها
ترد على بعد شهر وتقول النتيجه

• *الطريقه**

::أولاً ::
لازم تسوين حلاوه لشعر الركبه لا تستغربون والله ضروري تسوين حلاوه عشان تنظفين المكان وعشان الشعر ذا ترى يضايق وقت وضع الكريم
وعشان بعد تشيل الجلد الميت.........
::ثانياً ::
سفره
سفرة أكل اكيد تعرفونها السفره الى نفرشها ونحط الأكل عليها
واذا ماعندك ع الاقل اكياس
::ثالثاً ::
الكريم
تستخدمين أي كريم عندك
::رابعاً ::
الليمون
قلنا قبل كل شيء نسوي حلاوه للرجل أوللركبه وننظفها زين
بعدين نروح نحط عليها الليمون ونفركها زين ونخليها عشر دقايق ونغسل بماء دافي الركبه وننشفها
نروح الحين نجيب الكريم ونحطه على الركبه ونفرك الركبه فيه المهم ندهنها ونضبطها مره
موتحطين الكريم يادلع وتقولين تدهنت فركي اجتهدي يعني اثني الركبه وحطي فيها زين بين الفتحات الى تكون في الركبه
يعني ندهن الركبه زين
بعدين نجيب السفره ونلفها على الركبه
اسمعوا ............
جيبوا السفره واقطعوها طولي او على الى يلف لك الركبه كم لفه كذا
وبعدين لفيها على الركبه بحيث انك تكتمين الركبه اهم شيء تخلين الركبه تعرق جو السفره بس انتبهوا
مو تربطونها بقوه لا اربطيها بكل رقه واحساس يا أجمل الناس
وبعدين نامي
اذا ودك تلبسين سروال يشده عشان مايأذيك بالنوم كيفك عاد مااغصبك
إذا قمتي على بركة الله في الصبح
على طول افتحي السفره وافركي الكريم تلقين ركبك معرقه افركي الكريم على الركب مضببوط
اذا ودك تفركين بالليفه بعد عادي بس لاتفركين بقووه وقسوه لان الفرك يسبب سواد
وبعيدن مشي يومك عادي زي اي يوم
وفي الليل نفس الحكايه تدلكين ركبك طبعاً بشويش تدلكين الركب وتحطين الليمون وتنظفين وتجففين وتحطين الكريم وتلفين الركب بالسفره وهكذا
بع ""ركب وردية عن تجربة"" د شهر قابليني اذا لقيتي نقطه سوداء

• *ملاحظه هامه**

حذاري من استعمال الكريم المقشر على الركبه وانتى تستخدمين السفره
يعني استخدمي أي كريم ثاني
و ترى تقدرين تسوين نفس الطريقه على الأكواع
وترى الطريقه حلوه ومضمونه وماتتعب ابد
بس افركي ليمون وحطي كريم وسفره