روآية مآإ إحبه مثل إول بس مآإعمري كرهته

(البآرت الأوِوِوِوِل)
في بيت ابو عبدالله الساعه 6:30 اول يوم دراسه ودوام..والكل ك انو مجتمعين على طاولة الفطور ينتظرون ابرار
وابرار كانت توها نازله من الدرج وجايه ركض وحاطه مكياج كامل وكلهم عيونهم اربع..
قالت امها: بسم الله بنيتي انجنت شكلها ابرار وش ذي الالوان اللي حاطتها بوجهك رايحه وين انتي مدرسه ولا عرس؟
ابرار(انفجعت):اولا صباح الخير ويالله صباح الخير اي والله..وبعدين وش فيها يعني لو حطيت مكياج كل الناس يحطون
تبون تخربون فرحتي في اول يوم في المدرسه..
الكل: ههه..ص..صبااح الخير..
قال ابو عبدالله: والله لو ان احد متزوج من اخوانك يالله بسرعه قومي اشوف غسلي هالخرابيط اللي حاطتها بوجهك..
ابرار:اوف ليه يايبه حرام عليك اهئ اهئ..
ابوعبدالله:لا وتررديين بعد ياسلام صدق بنات اخر زمن يلا قوومي ولا بكف الحين قداامي..
ابرار:طيب اسفه وحبت راسه وراحت بتغسل مكياجها وناظرت نفسها في المرايه قالت في نفسها والله ان المكياج ماله داعي
ومكبرني حلوه البساطه والنعومه وانا حلوه بدون مكياج وخففت من المكياج اللي حطته ورجعت لهم تفطر معهم..
قالت امها:والله انتي حلوه بدوون مكياج ولاتكثرين من هالخرابيط..
ابرار(والله معها حق):ان شاءالله يايمه مايصير خاطرك الا طيب ومن عيوني الثنتين وسلمت على راس امها..
ام عبدالله:الله يخليك يابنيتي واشوفك عروس ان شاءالله..
ابرار(وجهها صار طماطه وتسوي نفسها ماانحرجت بس كلهم لاحظو):افا ياام ابرار مليتي مني تبين تفتكين مني اهئ
وسوت نفسها تبكي عشان مايلاحظون..
اخوانها(ماقدروا يمسكوون نفسهم):ههه..
عبدالله: اختي شكلها مطيوره عالزواج ترا مافيه زواج الا اذا تزوجنا اذا عجزتي وصرتي عجووز هع..
ابرار(باستهبال):ومن قال اني بتزووج بقعد على قلوبكم ومااقدر استغنى عنكم..
ام عبدالله:فال الله ولافالك انت اول من بيتزوج وقريب بعد مايصير وش تبي الناس يقولون عنا
وكمل نص دينك ياولدي والله يهديك..
عبدالله(ياليتني ماقلت شي):ان شاءالله يايمه يصير خير..(يبي يغير الموضوع)يالله انا طالع تأخرت على الشغل
برو تبين اوصلك ولا تروحين مع السايق..
ابرار: لا بروح معك اقولك مااقدر استغنى عنك..
عبدالله(بجديه):اقول بتروحين معي امشي بسرعه ولا بروح وبخليك..
ابرار(استغربت):طيب الحيين بس ثواني بلبس عبايتي واطلع(وسلمت على راس امها وابوها وطلعت)
رن جوال ساره وردت..
ساره:الو..(بصوت عالي)
رنا:وجع ان شاءالله فجرتي اذني ياجعلتس ماتعررسين قولي امين تراني مو مستغنيه عن اذني..
ساره:ههه اميين اهم شي انتي معي ماتعرسين مافي فكه..
رنا:اي والله مافي فكه وراي وراي الله يصبرني عليك..
ساره:ههه الله يررجك..
رنا:وجععوه سووير وش شايفتني لاقدر الله عصير ولا ببسي..
ساره(ماقدرت تمسك بطنها):ههه الله يقطع بليسك بس بس موتييني من الضحك..
رنا:ههه احسسن عشان تعرفين تفجرين اذني مره ثانيه..
ساره:هيين اورريك يالعنزز المهم يالدببه متى بتمشيين؟
رنا:عنزز ودبه في راسسك يالتيسس..الحيين بمشي اذا نزل وليدووه..
ساره:هههاي..طيب ياقلبي الحين تكفين بمررك وخلينا نروح مع بعض..
وليد(سسمع رنا يوم قالت بمشي اذا نزل ولييدووه وكان ينزل مع الدرج)
قال:خير ان شاءالله ررناا اصغر عيالك تقوليلي وليدووه..
رنا:ههه ساره دقيقه بقول له واقولك خليك..
ساره:اووكي(خققت مع صوت وليد لانها سمعته)..
رنا:ههه اجل وش يااخ ولييدووه..
وليد:وليدوه في خششمك..
رنا(قامت وسلمت على راس اخوها)>>وقت المصاالح..
وليد(استغرب):خيير وش عندك؟
رنا:اح..احم يااخي العزيز الله يخليك لي يارب ابيك اتلب منك تلب سعيرون(= صغيرون هع..)
وليد:عشاان كذا سلمتي على راسي اجل مو من قلب بس هيين والله لاطلع الشيب في راسك ومو موافق على الطلب..
رنا: لا والله يااخوي انها من قلب بس انت اسمعني عشان تأخرت انا..
وليد:طييب اخلصي علي وشوو لاني انا بعد تأخرت تحسبيين ماغيرك عنده اشغال..
(ساره كانت تسمعهم وميته ضحك)
رنا:ابي اروح مع ساره بنت عمي بتمرني ونروح مع بعض..
وليد:اها وايش يضمني انها ساره..
رنا(انفجعت):كييف يعني مو واثق فيني؟
وليد:ههه مو قصدي يالدببه بس ابيها هي تقولي انها بتجي وتاخذك..
رنا:خوفتني طاح قلبي في بطني كييف تقولك؟
وليد(بخبث):يعني اكلمها بجوالك وتقولي وتراني عادي ولد عمها مو غريب..
(سااره انفجعت)
ورنا حطت الجوال وكلمتها وساره قالت:لا صااحيه انتي..
رنا(بحزن):طييب اجل اشوفك هناك بالمستشفى بروح مع اخووي..
ساره:لالالالا ماعلي منك بجي امررك ويلا عطييني اخووك الخايس..
وليد كان يسمعها لانه قايل لرنا حطي السبكر واخذ الجوال
وقال وليد: انا الخايس ولا تبيني بعد اخلي اختي تروح معك معصي..
ساره(انفجعت وتلعثمت ماعاد تدري وش تقول>مالومها):ا..ا....ااسفه ماكنت اقصد والله بس كنت امززح معها..
وليد(رحمها وخق على صوتها~_*):ههه..وانا امزح معك وخلاص تعالي مريها وعادي..
ساره(مابغى الاخ في الله):طيب مشكور وممكن ساره؟..
وليد(اعجبه اسلوبها وادبها):العفو يابنت العم وهاذي رنا يلامع السلامه..
رنا:كلوش وقدرتي عليه يالله بسرعه تعالي..
وليد(مات من الضحك):ههه
ساره(سمعته وانحرجت):وجعع ان شاءالله ماسويت شي ويالله تجهزي ومسافة الطريق وانا عندك بااي..
رنا:اكيد وجهك طماطه هههاي..
ساره(الله ياخذك فشلتيني):يؤؤؤؤؤؤه وليه وجهي طمااطه ضفي وجهك والوعد لا شفتك باي..
رنا:ههه طييب الله يرجك باياات انتظرك يالدبه..
**********************
(خلونا نروح عند المدرسه عند ابرار وسهى)
أبرار يوم شافت سهى ركضت لها وضمتها وضمو بعض وقعدوا يبكون من زماان ماشافو بعض..
ابرار:وحششتيني يابنت العم...
سهى:وانتي اكثر ياقلبي..
ابرار:وشخبارك وش الدنيا بك؟!..
سهى:والله الحمدالله عايشين وانتي اخبارك؟..
ابرار:دوم يارب يابعدي..انا تماام الحمدالله..
سهى:تدووم افراحك يارب..
وقعدوا يسولفون والهتهم السوالف وماعندهم حصص لانه اول يوم..ماحضروا الحصص الاولى..
قالت ابرار:وش رايك نروح ندور بنت نستهبل عليها ونقول اننا معجبين فيها؟
سهى:لااعاد مو من اول يووم يالله منتي بصاايحه يابنت اهجدي..
ابرار:ههه وشسوي مقدر اصبر من يوم من غير اكششن وحركات هع..
سهى:ههه..
وسكتو فترره..
وملت ابرار وقالت:اوف مل وشنسوي؟
سهى:ام خلينا نروح نشتري لنا شي ناكله ونمشى ونسلم عالبنات ونشوف وش اخبارهم..
ابرار:ام اوكي يلا قومي..
(وراحو وبنشوف وش يصير معهم في البارت الثاني)
**********************
(نروح لشركة ابو عبدالله)
وليد كأن توه جاي متأخر ودخل على عمه..
ابوعبدالله:خيير ان شاءالله كان ماجيت احسن شوف هذا اخر انذار لك تسمع ولا لا ؟الشغل شغل
ودايم اشوفك جاي قبلي وتستقبلني..
وليد:اسف عمي حقك علي وسلم على راسه وقال ابشر اخر مره..
ابوعبدالله(بابتسامة رضا):روح الله يرضا عليك شوف شغلك وتعرف اني اعتبرك مثل عيالي وخايف عليك واسوي كذا
لمصلحتك..
وليد(بادله بالابتسامه):الله يخليك ياعمي وماتقصر وانا اعتبرك ابوي عن اذنك انا طالع..
ابوعبدالله:اذنك معك ياولدي..
**********************
(نروح لشركة ابو سامر)
(سامر كان اول يوم له في الشغل وفي الشركه ومتحمس ومتكشخ>كأنه رايح لعرس خ)
ابو سامر(بجديه):تعال لمكتبي ابيك..
سامر لحقه وراح لمكتبه وقال:سم يايبه امر وش بغيت؟..
ابوسامر:مايامر عليك عدو..تعالي معي بوريك مكتبك..
سامر(انهبل):اكشخ يايبه هذا مكتبي..
ابو سامر(يطالعه بنص عين):اقول بلا كلام فاضي وفي الشغل مانتكلم الا بالشغل واول يوم راح اعلمك كيف ترسل الفاكس..
سامر:اسف يابيه طيب..
وابو سامر علمه وقال:ابيك تركز معاي شفت هالفاكس بعد نص ساعه ترسله لشركة عمك اللي مايتسمى عمك ابو عبدالله..
سامر(استغرب وش السالفه):ابشر يايبه..بس قولي يايبه بس ليه وش العلاقه اللي بينكم؟..
ابوسامر(بكل عصبييه):انت نفذ وماعليك ومالك شغل اللي عليك تسويه نفذ وبس..
وطلع ابو سامر من مكتب ولده..وجت نص ساعه وارسل الفاكس لشركة عمه..
وهو فيه راسه مية سؤال ..
والفاكس وصل لعبدالله وقراه(لا مااصدق)..(هالفاكس اللي وصل خسرهم 10 مليوون وكل اللي مخطط لهالشي
ابو سامر)
وليد لاحظ ان عبدالله تغيير وصار وجهه اصفر سأله وليد:عببدالله وش فييك ليه وجهك صار اصفر فيك شي؟
عبدالله(بحزن وكأن همووم الدنيا كلها فوق راسه):ش..ش..شووف هالفاكس ياوليد وبتعرف..
وليد(انفجع):لا مسستحييل لو درا عمي وش بيصير فيه لازم مايدري وتعرف انه معه السكر والضغط..
عبدالله:اكييد لازم مايعرف بس انا راح اخلي هاللي مايتسمى عم يندم والله لاخليه يدفع الثمن غالي خساره فيه اسم عم..
وليد(خاف ان عبدالله يسوي شي ):يعني وش بتسوي؟..
عبدالله:كل شي بوقته حلو ولاتشغل نفسك والحين خلنا نتصرف ولاكأن شي صار وبعدين راح تعرف وش بسوي..
**********************
وش تتوقعون يصير؟!..
آشوفكم قريب بالبارت الثاني..اذا شفت منكم تفاعل واذا عجبتكم الروايه كملتها لعيونكم..
^^

روايتك حلوه كملي ولا تتحطمين

عبدالله ووليد ميدرون انو ابو سامر الي مخطط لها الشي ؟