روآيه سعوديه رومنسيه كبرتي وصرتي بالعشرين طويله وفآتنه وتغرين

×..الفصل الاول..×
>..:..الجزء الاول..:..<
لف ب نظره في ارجاء المطار...تذكر يوم قبل 15 سنه يوم كان راجع مع زوجته..والحزن كان مخيم على الكل..مو قادر يستوعب انو مشاعل بنته الوحيده ولا رااح يقدر يجيب غيرهاا..
تذكر يوم عرف ان زوجته اللي عااش معها حيااة حلوه..زوجته حبيبته فيها مرض السرطاان..في الرحم..واظطورا يستأصلونه..
حاول يعالجها..سفرها..واخر محطه كانت لندن..بس قدر الله وماشاء فعل..
"آآه"
اطلقها ومشى ل بنته..خلاص..الله يرحمك يا"وسميه" ويسكنك جنااته..
- خلصتي؟؟
ناظرته بنته من ورا نظارتهاا..وكانت تدور أي شي في المحلات الموجوده في المطار..وأبتسمت ل ابوها:أبشرك..!
ابوها:اوكي نمشي..
تستهبل:اووكي مستر بندر!
ابتسم بندر على بنته..:يلله ياميشوو
مشاعل:لا؟..يعني انا مو مس ولا مدام..ولاشي؟؟
بندر:توك صغيره
مشاعل:عمري 20 وصغيره؟؟
بندر :لو تكبرين وتكبرين وتكبرين..بتضلين ب عيني صغيره..
مشاعل قامت تسوي دوائر ب رجولها..يقالها مستحيه:يعني..ذا..وشسمه..انا صغيرونه
بندر:ههه...احلا ضغيرونه بعد
مشاعل:وه بس فديتك
مشوا وأخذوا لهم تاكسي
مشاعل مستغربه:وين مجودي؟
بندر:انا ب افهم..انتي ليه تسمينه مجودي ومجود..ولا ماجد...هذا عمك
مشاعل:عمي..صح..بس توه صغيّر..
بندر:ابو 28 صغير؟
مشاعل:ام...انا اعتبره اخوي..
بندر:ههه..وانا ابوه؟؟
مشاعل:ههه..الا جد وينه؟؟
بندر:هم قالوا محد بيجي يستقلبني..
مشاعل:ليش؟؟
بندر:ليش اني سافرت واخوي توه ميت
مشاعل:عصبوا يعني؟؟
بندر:ايه..
مشاعل ب ضيقة خلق:صار له 4شهور ميت...ليه كل هجري الحزن..مو زين لهم كذا
بندر لبس نظارته ودخل يده في جيبه:علمي علمك..
مشاعل جلست تفكر ب عمهاا اللي الكل يحبه..كيف كان موته فجأه..وانه ترك من بعده شتات بنته وولده وزوجته...بس هذي عاده عند ابوي لازم كل سنه بيروح ل لندن..صار شي في دمه..لو فيه الموت بيروح..درس هناك..قضى شهر العسل هناك..كل حياته هناك..كيف مايحبها ويشتاق لهاا..
"في البيت لما وصلوا"
نزلت مشاعل من التاكسي..ناظرت البيت..
ابتسمت..اشاقت ل هالبيت..ل طالما قالت كنه شاليه مو بيت..تصميمه غريب..
مو تصميم مشاعل؟؟..لازم بيكون غريب..لان مشاعل كانت نفسهاا غريبه..
كان من براا كأنه خشب..والجزء السفلي او بس الصاله كانت زجاج..ومكشوفه ع المسبح..المتوسط الحجم..
اما البلكونه اللي كانت تطل ع المسبح ف هي من نصيب ماجد..ابتسمت يوم تذكرت طقاقهم علي هجري الغرفه وانها تبي تاخذها عشان يتسنى لها تتشمس..بس ما الله اراد..اعتبر افكارها غبيه..
صحيح بيتهم ماكان كبير مرره..بس تطغى عليه الفخامه
دخلت جوا البيت..اول شي شافته كان المدخل..تذكرت المدخل اللي كان عادي وكأنه مدخل مزرعه..كان ستايل مكسيكي..كان عباره عن باب بيضاوي الشكل..ومزهريتين كبار عليهم ورود صناعيه كبيره..على جنب..تعدت المدخل ودخلت الصاله اللي كانت مفتوحه من فوق ع الدور العلوي..والثريا الكبيره نازله ب شكل حلوو..تزين السقف من فوق وتحت..ماتنكر ان جميع افكارها ب البيت محد استصاغها في البدايه ك فكره..الوحيد اللي كان يأيد افكارها ابوها!..يمكن ل تشابههم..
سمعت صوت جدتهاا تهلي وترحب..التفت وشافتهاا
ام فهد:ياهلا ويامرحبا..توها مانورت الرياض
راحت مشاعل وسلمت على جدتها..."امهاا"..اللي من تقريبا 3اسابيع ماشافتها ..
دخل ابوها اللي هو بعد ب دوره سلم عليهاا..!
جلسوا في الصاله سواليف وش صار وش ماصار
بندر:والله يايمه ماكان ناقصنا في سفرتنا الا انتي
ام فهد:وه..بسم الله علي..يالله لاتشمت بي بس..
مشاعل:ههه..ليه يمه..والله ونااسه
ام فهد:لاه..مانيب رايحتن ل بلاد الكفره وانا امتس..
مشاعل:ههه..
بندر:الا وين ماجد؟؟
ام فهد تتنهد:والله اني من ساعه وانا اقوم فيه..اخرتها تركته ب سلامته
مشاعل قامت:انا بروح له..
ام فهد:عليتس به يامي
مشاعل تضحك:ههه...طيب..
رقت مشاعل الدرجات الرخاميه..وهي ناويه على عمها الصغيره..
مشت ل غرفته وفتحت الباب..
راحت له وقومته:ماجد!...ماجد..
ماجد:................................"لارد"
مشاعل:ماجد!
مب صاحي..الساعه الحين 4 ولي الحين ماقاام؟؟
مشاعل تصاارخ:ما ااجد!
ماجد يغطي نقسه ب اللحاف:ووجعه توجعك..اطلعي وسكري الباب..
مشاعل:مانيب قم سلم علي..توني جاايه من السفر
ماجد:اف..كان مارجعتي..
مشاعل:لاوالله؟...يعني ارووح
ماجد هز رااسه ايجااب
دخل رااسه في الوسااده اللينه..وغطى باقي جسمه ب اللحااف..:براا
انقهرت مشاعل:ماجد قم...ولا تراا
ماجد فتح عين وحده:تهددين في غرفتي؟؟..مشيعل ان ماطلعتي ترا ب العقاال..يلله!
مشاعل:وش هجري الاسلووب..من متى متعلمه؟..وش بتسوي لين جت زوجتك؟؟
ماجد:مهيب جاايه...طسي
مشاعل:الا بتحي وانا ب نفسي بجيبهاا..
ماجد ناايم:.............
قهر تو كاان ياخذ ويعطي معي والحين ناايم..سافهني!
مشاعل تتدلع:مجوودي..قم سلم علي تراا من تقريياا شهر ماشفتك
ماجد:......................."نايم"
فكرة مشااعل وش تسوي..
مسكت ب البااب وجلست تدق عليه يمكن يقووم..:ماجد ماجد ماجد ماجد ماجد ماجد ماجد ماجد ماجد......ماجد..مجود ي...
بس مانفع فيه.......الاخ نايم
رااحت لل المسجل ورفعت على اخر شي..وظغطت على play
وجاا صوت المسجل عالي..لان ماجد مايعترف ب أصووات المسجل الوااطي
ماجد:سكريه..ياحما اره..بنام
مشاعل بصوت عاالي:ايش؟..ماأسمع
ماجد:ياحماره..سكريه ولاترا بكفخك..
مشاعل تبي تقهره:ماأسمع..
طبعا هي كذاابه تسمعه بس تبيه يقووم
ماجد قاام ووخر اللحااف عنه بقووه..وتوه بيقووم..
وناحشت..
وصل عند الباب وسكره وقفله..
مشاعل:يوه..قهر
رااحت لل التلفوون..ودقت على رقم غرفته..
صاار ع السبيكر:ماجد ماجد ماجد ماجد ماجد....مجودي..مجمجد..ماجادا...م ج د..
سمعت صوت الباب ينفتح بقوه..سكرت السمااعه وقامت توهاا بتنحااش..بس حست ب أحد يمسك ملابسها من وراا
ماجد:تعالي تعالي...
مشاعل:والله اني ماأقصد..اتوب والله
ماجد:هئ هئ..لالا مافيه..محد يزعج مجوود ويطلع منها ساالم..
مشاعل:م...
سمعوا صو جوال ماجد يرن
ماجد:انقظك الجوال..
راح ل غرفته..لحقته مشاعل
ماجد ناظر الشاشه..وعقد حواجبه
مشاعل:وش فيك؟؟
ماجد:هذا فراسوه..
مشاعل تقلب وجهها..وصاار احمر:طب رد
ماجد:غريبه متصل الاخ..العااده يتغلى
مشاعل تدافع عنه:حرآآآم عليك..فرآآس مايتغلى
ماجد ناظرها ورفع حاجبه:وانتي معااشرته من متى؟؟
مشاعل:هع..ماعاشرته بس.....ام..مدري..احس كذا
رمى ماجد الجوال واخذ فوطته..:مانيب رااد..انا بعد بتغلى
مشاعل:شف وش يبي يمكن يبيك ب شي ضروري..
ماجد:والله لو يبي عشاان وشو..بروح اتروش وبصلي..وأتقهوى..وأتعين من الله خير.. وأروق..وافكر عااد ادق ولالا
مشاعل نهز حواجبهاا:من تغلى تخلى ولو كان ب الحيل غاالي
ماجد:يخسي الا هو...يتخلى عني..انا عمه
مشاعل:ايه ماقلنا شي ..بس ولو احتراام الكبير..
ماجد:اكبر مني ب سنه واحده..ذليتووني ترا
مشاعل:ولو
ماجد:تعالي!...انا بديت اشك في اخلاقك..وش عرفك انه اكبر مني؟؟..وش درااك ب فرااس؟
مشاعل حمر وجهها..ماتدري اني اهتم ب كل صغيره وكبيره في أي شي يخص فراس؟؟..:أأ..م..مدري..اشواق ماتسكت .بس تسولف عنه..
ماجد دخل الحمام وهو مطنش..
سكر الباب ورااه
تنهدت مشاعل....اشوى بغيت افضح نفسي..
نزلت تحت..كان ابوها نايم في الصاله وجدتها مو موجوده..يمكن ب المطبخ..
راحت ل ابوها تقومه...
مشاعل:ابوي!
بندر:هم
مشاعل:يلله قم...رح نم فوق
بندر:دقيقه
مشاعل:رح نم فووق
فتح بندر عيوونه وابتسم..
ابتسمت له..خ..عكس اخوه..هذا يقووم يبتسم..ونومه خفيف..مو مثل مجوود..ب الموت يقووم..
قام ابوها عشاان يروح ل غرفته لحقته لان شكله ماصحى..الظاهر يمشي وهو ناايم
دخلت غرفته..
اللي كانت الغرفه الرئيسيه ب البيت..كان لونهاا عناابي ووردي..نفسها ماغيرها من يوم زواجه من امهاا..
السرير كان نفرين..الاثاث خشب سكري..والغرفه على بعضها وردي..والديكوور عناابي..
والشبااك الكبير او البلكوونه اللي تطل ع المسبح ..في واجهة البيت..
دولاب كبير بس ممتلي نصه.. والارضيه خشب..وبعض اللوحاات اللي اشتراها من بعض رحله لل دول براا..وش كثر يحب السفر ابوهاا
والحمام الابيض دااخل الغرفه..كاان كبير..اللي يدخل يقول غرفة واحد متزوج..
ام..ابوي كان متزوج
طلعت من غرفة ابوها بعد ماتأكدت ان ابوها نام ب السرير...خ المسكين ناايم خطر ينوم ب الارض..
مرة من عند غرفة ماجد...طلع من الحمام..بسم الله امدااه..بس رحت ل ابوي ليقته طاالع..
مشاعل:مااجد.انت عارف انك ماسلمت علي؟؟
ماجد ب فررح يخلي الواحد يضحك:هلا والله بنت اخوي...والله ان الرياض نورة..
مشاعل:؟؟؟؟
ماجد راح لها وحظنها:والله اني مشتاق لك موت....لعد تساافرين تكفين
مشاعل استغربت منه..ه الانساان متقلب ب شكل ملحووظ..تو كاان ثقيل دم وماينبلع..الحين صاار..مرووق..لا ويستهبل بعد...سبحاان الله...يمكن هجري الشي ورااثه ب العايله...لان مشاعل نفسها غريبة اطواار..حتى ابوها..بس هم هجري الشي عندهم خفي
سمعته وهو يقول:هلا والله فرآآآآآآس حبيبي
ناظرته كان يكلم...فرآس
ابتسمت عليه مناافق...تو يقول مانيب رااد والحين حبيبي..ههه..
ماجد:وش عندك دااق؟
فراس:ابد..بس بسأل عن عمي اذا رجع ولالا
ماجد:يعني موب لله؟..طيب انا ابي احد يطلع معي..انا حدي طفشان
فراس:انت عاارف ياماجد اني مشغوول..حتى مقدر احك شعر راسي
ماجد:هههااي..شعر الرآآس ينحك؟؟
فراس:ياخف دمك...المهم ترا وربي مو رايق لك.
ماجد:فرااسوه..الله يخليك...بس خمس ثواني..
فراس:عندك خالد اطلع معه
ماجد: ياملحك ملحاه..خويلد..منذوو مبطي وهو مساافر..وينك موب في الديناا انت
فرااس:لاوالله انت اللي موب في الديناا رجع امس يالخبل
ماجد:رجع؟...وليه..وليش ماقال لي؟؟
فراس:هههاي..انت اللي موب في الدنياا..
ماجد:طب من قال لك؟
فراس:هو بنفسه دق علي يوم رجع قاال ان الشغله اللي هو مساافر عشاانها خلصت قبل موعد اللي هو متوقعه
ماجد:قليل الخاتمه...انا اوريه ..يرجع ولا يقولي
فراس:انت بداال لاتشره على خويلد..رح استقبل اخوك
ماجد:اخوي رجع..وموب ذا موضوعناا...خالد الحماار ماقال لي ولا دق علي
فراس:ايوه...رح تفااهم معه...انا مالي شغل فيكم..وراي اللي مكفيني
ماجد:خلاص..رحمتك..يلله باي
فارس:بايات
سكر منه..
مشاعل:وش قال
ماجد:الحماار خالد رجع من السفر..ولا قال لي
مشاعل:طيب؟
ماجد:هذي فيهاا قبايل...ليش مادق علي؟
مشاعل:ههه...الحمدالله والشكر.."ومشت عند الباب بتطلع"..انا بروح انوم تبي شي؟
ماجد:روحي اخمدي..مابي منك شي
مشاعل:اوكي بااي..
يوم اقولكم ان ماجد متقلب...مكالمه وحده من فرآآس كفيله في "ازعااجه"..ام..ازعااجه هي الكلمه الصحيحه...ماأخفي عنكم ان ماجد صديق فرااس من يومهم ب حكم تقاارب الاعماار..بس ماجد ناار..زبدة صيف على قولة ام فهد...بس طيووب..اما فرااس باارد..بس مايمنع انه ياخذ خصاال من عمه وصديق عمره ماجد..
رآحت مشاعل ل غرفتها..عشاان تنام..
طلع ماجد من غرفته وهو لابس وناوي يطلع..
شغل السياره..واليد الثانيه ماسك فيها الجوال
- خل ادق على خويلد يمكن يرد الحمار
ثواني وجاه صوت خالد
خالد:آلوو
ماجد:لاهلا ولا مرحبا...ياللي ماتحبني.
خالد:ههه..ليش؟
ماجد:اسأل نفسك..ترجع ولا تقول؟؟
خالد:طيب؟
ماجد ب قهر:هذا اللي بيرفع ظغطي..
خالد:انا يوم ارجع كانت الساعه 12الظهر.. لو بدق بتهزئني ليش اني داق عليك في وقت دوام
ماجد يحاكي نفسه:ايه صح!...."رجع يكلمه"....بس ولو
خالد:ههه..انت نكته!
ماجد:المهم..انا ابي اطلع..
خالد:من ماسكك؟
ماجد:تعال معي....اطلع لحالي موسوس انا؟؟
خالد:مقدر والله انا في بيت جدتي..
ماجد:لاحوول...يعني كيف؟
خالد:شف فراس
ماجد عصب:الله ياخذ عدوينه....هذا بيجيب لي السكر والضغط..والكلسترول
خالد ضحك:ههه..لي الحين ماجاك يعني؟؟..المهم وش قال لك..مشغول صح؟
ماجد:ليش قد فضى؟
خالد:اصبر عليه..تراه منشغل هجري الايام ب الذات
ماجد:اصبر..المهم مافي امل تطلع معي؟
خالد:لا امل ولا حصه ولا فوزيه
ماجد:ودي اضحك بس مالي خلق
خالد:والله انك ثقيل دم..
ماجد:انا بروح ل فراس بطب عليه
خالد:خذ معااك حبوب السكر..
ماجد:بسم الله علي..الا بيمرضني
خالد:ههه
سكر ماجد من خالد وهو متجه ل بيت اخوه..
ثوااني ووصل..
نزل ورن الجرس..
سمع صوت من جواا..
-نعم!
ماجد:افتحي ووجعه
فتحت الباب:عمو...ياهلا ويامرحباا
ماجد:هلا أشواق..وراك تردين ونفسك في خشمك؟؟
اشواق:احسبك راعي البقااله..هع
ماجد:اها..المهم وين اخووك الوسيم
اشواق:ب مكتبه
ماجد:أبمووت انا..ماغير يشتغل
اشواق:يحب الشغل بعد حييّ
ماجد:مالت عليك انتي ويااه
اشواق:النفسيه oofاليوم..عسى ماشر؟
ماجد يكلم نفسه:مدري كيف مرته ب تتحمله
اشواق:ههه..وراك تتحلطم؟
ماجد:ابد..
دخل وأتجه ل فراس اللي كان جالس في مكتبه

>..الجزء الثاني..<
سكرت اشواق الباب ودخلت ورا عمهاا
دخلت شافت اختهاا روان ام 17 سنه واقفه عند الدرج وماسكه معها كوب كابتشينو
اشواق:ماجد رااح فوق؟؟
روان:ايه...ههه..كان يسب ويلعن في فراس
اشواق:ياحبي له بس
روان:اقول اشواق
اشواق:هلا
روان:مادقت عليك مشاعل؟؟.."ناظرت ساعتها"..اكيد الحين رجعت
اشواق:يمكن ناايمه..اكيد مافتحت جوالهاا..
روان:متشاقه لها
اشواق:ان دقت علي بقولهاا تجيناا..ولا نروح لهاا..
روان:مو نوره بنت خالتي بتجي؟..خلي مشاعل ورغد وملاك يجون..ولو اني ماأظن ان ملاك بتجي
اشواق:وش سالفتها هجري الانساانه؟؟
هزت روان كتوفها..وراحت تجلس ع الكنب تتفرج ع التلفزيون
لحقتها اشواق وجلست هي بعد..تكتفت ورزة الخشه
روان:ههه..وش عندك؟؟
اشواق:والله دخلتيها في راسي...شلون ماجت على بالي؟؟
روان عقدت حواجبها:وشي؟
اشواق:اعزم ميشو رغوده؟؟
روان:طيب ليش ماتخلين جية نوره لحال وميشو ورغد لحال؟؟
اشواق ليش؟
روان:لاني عارفتك بتجلسين مع مشاعل وتتركين نوره
اشواق مدت خشتها وكأنها قرفاانه:ماحبها مليغه..دلووعة ماما
روان:ههه..غيره الله يكافينا شرها..
اشواق:سميها اللي تسمينهاا..انا ماأهضمها
روان:لايسعمك فراس..يزعل ترا
اشواق:اف..خلاص برسل لها مسج..ولابدق عليهاا
روان حركة يدها بلا مبالاه:بكيفك
\
/
\
/
ماجد:ياخي خف على نفسك شوي...كل هذا شغل
فراس ندمج في ورقه معااه..:وانت وش حارق رزك؟؟
ماجد:ابغاا احد يطلع معي..طلبت شي كبير انا؟؟
فراس:لا..بس دور لك غيري
ماجد:لاحول...فراسوه...ارحمني وارحم نفسك..ساعه بس..نطلع شوي ونرجع
فراس رفع راسه ل عمه اللي طلع له بخاار من رآسه من العصبيه:ساعه؟؟
ماجد استاانس..تحرك ابو الهوول:ايه ساعه وحده..بس
فرااس رجع نزل راسه:كثير..
ماجد ضربه على راسه ب خفه:الا زااد انا وش مخليني اطرك مالت عليك..
فارس:انا ادري عنك..انت شايفني مشغوول..شف!..اسبوع ان شالله..واصير لك متى مابغيت
ماجد:تلعب علي ولا تعلب علي؟؟..هي اسبووع ونص تلهى عني؟؟
فرااس:لالا..محد ملهيني عنك...بس هي كلها اسبووع ان شالله وانا افضا لك..بس عندي ضغووط شوي..
ماجد:خلاص مابي منك شي...
وطلع
فراس ماأهتم رجع لل اوراق اللي معه..عرف ماجد مستحيل يزعل..خصوصا انهم اصدقاء...ابتسم وهو يتذكر وجهه وهو معصب..
هز رااسه على حركاات عمه المرجوج..ورجع ل اورااقه..
هو بدا مستحيل يترك اللي معااه قبل ينتهي..عشاان يفضى بعد اسبووع ونص على قولة ماجد
نزل ماجد وهو يتحلطم..
اشواق:مجودي؟؟..وش فيك؟؟
روان:ههه..اكيد فراس ماعطاك وجه
ماجد:تراها واصله هنا.."يأشر على خشمه"
اشواق:بسم الله ..طب تعال اجلس معنا..خل نشوف فلم
ماجد جلس:وش وراي..بس امكم فيه؟
اشواق:لا طالعه
ماجد:حلوو..اجل جيبي شبس..وببسي..وشغلي فلم
اشواق:والله لوك موب عمي ..بس آآخ يالقهر
ماجد ناظرها ولا علّق
اشواق وهي تروح:بسم الله علي
جابت اشواق الشبس..وجلسوا يتفرجون ع التلفزيون
::
ماجد:هذا اللي جيدين فيه
روان وهي تغير القناة :ههه
اشواق:خلاص اذا صار شي غمضوا
ماجد ناظرها:طيب انا اذا غمضت..وش يضمني انك غمضتي؟؟
اشواق:لالا بغمض بس ترا روانووه هي اللي تستغفلنا وتفتح وتناظر
روان تحط الببسي:لاوالله؟..وش سايفتني اشواق؟
اشواق:الا اعترفي......تموتين على هجري اللقطات النص كم
روان:بسم الله علي...شايفتني انتي لاسمح الله؟؟
اشواق:لاوالله؟..عطيني دليل يثبت اني اشوف هجري الاشياء
ماجد:اعوذ بالله...خلاص كلكم مؤدبات..
اشواق:ههه..تسكتنا؟؟
ماجد:ابغاا انااظر
روان شهقت:بعد بعد...تناظر؟
ماجد رفع حاجبه:تفكيرك منحط
اشواق:ههه...
\
/
\
/
نزل بندر الدرجات..وهو ينادي امه ب صوته العالي
بندر:يمه!
جت ام فهد:سم سم
بندر وخو ياخذ نفس:وين ماجدووه؟
ام فهد:طالع..ليه؟
بندر:ولا فكر حتى يسلم
ام فهد:يوم قاام انت قد نمت
بندر:اهاا..المهم وش طابخين؟
ام فهد:كل خير..الا من متى قمت.."تناظر ساعتها"..ماأمداك نايم
بندر يتمغط:لا خلاص..مابي اناام كثير..عشان اقدر اناام ف الليل..
ام فهد:ومشاعل؟؟
بندر:مدري عنهاا...بس ماأظن انها بتقوم الحين
ام فهد:رح قومها وانا امك.....ولا تدري خلهاا ساعه بعد..لي ماأجهز العشاا..
بندر:خلاص..اجل بطلع لي نص سااعه كذا وراجع..
ام فهد:وين؟
بندر:مدري بشوف كان واحد من اخوااني فاضي لي
ام فهد:زين..بس لاتطول
بندر وهو متجه لل الباب:ان شالله
\
/
\
/
الساعه 11 ونص
قامت من النووم..تحس ب رااسها ثقيل...ناظرت الساعه..
"اووفف..الساعه 10 ونص؟؟..نمت كثير..موم شكله ..متعوده على لخبطة النوم
وراحت تصحي بعثره الجنون عن وجه"ن"..كالثلج..في برودته و"بياضه" وترشة بقطرات الماء المسائيه..البارده...والطآئشه مثل "أفكارها"..
وأخذت بعض القطرات تتساقط على شفتيها الصغيره"الممتلئه"..القرمزيه
وتأملت عيونها..التي بلون ال"الرمآد"
ابستمت ل نفسهاا
طلعت من الحمام..وأخذت منشفتها ومسحت عن وجهها قطراات المااء..
شغلت المسجل على صوت فبروز...
فتحت الدولاب..تختاار لبس..
\
/
\
/
دخل بندر لل البيت..وراح لل المطبج:السلام عليكم
ام فهد:وعليكم السلام
بندر:كيف العشا ترا حدي جايع..
ام فهد:تأخرت وانا امك..
بندر:شسوي نسيت نفسي..المهم انا بروح اقوم مشاعل..
ام فهد:وانا ب أنتسب العشاا
بندر ابتسم:صاار
راح بندر ل غرفة بنته عشاان يقومهاا..يوم دق الباب فتحت له وهي مخلصه قايمه ولابسه وكل شي
بندر:قمتي؟
مشاعل:ايه..
بندر:اوكي خل ننزل نتعشاا
مشاعل:اوك..!
\
/
\
/
ماجد وهو يقوم:الله يوسع صدروكم ب العافيه
اشواق:وين؟؟...توناا
ماجد:ناويه تخربيني؟؟...3 افلام ورا بعض
روان:ههه..ماشفت شي..احيننا من الطفش نشوف 100فلم ورا بعض>>تبالغ طبعا..
ماجد:لالا انا موب متعود
اشواق:خلاص تعال بكره ومعااك ميشوو
ماجد وهو متجه لل الباب:ليش ماتجون انتوا؟؟
اشواق:يمكن نوره بنت خالتوو تجي بكره
ماجد وقف والتفت لهم:خلاص خلوها يوم ثاني
روان:صار لنا 3اسابيع ماشفناها..
ماجد:قولوا لها تجيكم بكره طيب...هي ماخذه على بنت خالتكم نوره
اشواق:لالا نبي ميشوو لها جيه خاصه
روان:لايكثر بلا خااصه بلا بطيخ..خلاص بنقولهاا
ماجد وهو يطلع:ب رآآحتكم
\
/
\
/
"بكره"
سكرت السماعه من بنت عمها وهي تشوف اختهاا تنزل الدرج
اشواق:مبكر كان ماقمتي؟؟
روان وهي تحك راسها وواضح عليها اثار النوم:كان ودي
اشواق:حشى كل ذا نوم..استحي على وجهك
روان وهي ترمي نفسها ع الكنب:مالك دخل..المهم وش صار بتجي ميشوو؟
اشواق:ايه ورغد بعد
\
/
\
/
سكرت من اشواق...وراحت ل أخوهاا عزام اللي من قام وهو على البلايستيشن..
رغد:عزامووه..قم صار لك سنه وانت عليه..خلاص
عزام:مالك شغل..
رغد:الا لي شغل..قم!
عزام رص ستارت ورمى اليد وألتفت:هاه!
رغد طيرت عيونهاا:لاياشيخ؟؟..وهاه بعد؟..قم قامت عصبك..رح قوّم ابوي..
عزام:وليه؟؟..ماأذن العصر
رغد:عشااني اليوم يروح ل بيت عمي يوسف..ف ابي اضمن انك رحت لل المكتبه
عزام:ليش اروح لل المكتبه؟
رغد:هذا اللي بيجنني...المدرسه مابقى عليها شي!
عزام يتحلطم:لاحوول..ذا المدرسه ماتنتهي..ياحظك في الجامعه ومفتكه
رغد:لاتزودهاا رح قوّم ابوي
عزام يقوم:ياربيه!..طيب طيب...اووف
وطلع..
\
/
\
/
قامت مشاعل من النوم من زماان امس نامت كثير ولا فيها النوم ابد..امم..حلوو يمكن تتعود ع النوم المبكر..مابقى شي الا وسوته..ناظرت التلفزيون ورتبت غرفتهاا..الطفش عامل عمايله..
نزلت تحت لل الصاله وشافت جدتهاا جالسه تتفرج على مسلسل..ومعها قهوتهاا..
مشاعل:صباح الخير!
ام فهد:ياهلا ويامرحباا...صباح النور
جلست مشاعل بجنب امهاا:اخبارك؟
ام فهد:الحمدالله...ماتبين قهوه؟
مشاعل تبتسم ل امهاا:لا انا قهوتي مرّه..مو هذي
ام فهد:روحي لل المطبخ قولي لل الشغاله تسوي لك اللي تبين
مشاعل تبتسم لها:مو الحين..
جلست تتفرج مع جدتها ع المسلسل..
\
/
\
/
اخذ من مكتبه بعض الملفاات..وحطها في شنطته الجلديه السودا...ناظر نفسه في المرآآيه وابتسم..يشجع نفسه..
- يلله يافراس..مابقى الا شوي وتصير فااضي..!
طلع من غرفته..ونزل الدرجاات شااف امه في طريقه
فراس:صباح الخير يمه
ام فراس:هلا فراس!..صباح النور..على وين؟
فراس:لل الشغل...تامريني على شي
ام فراس تبتسم ل ولدهاا:سلامة قلبك..
فراس يحب راسها:الله يسلمك..يلله ف امان الله
ورااح
نزلت ام فراس بعده ولقت بنااتهاا جالساات وانظارهم ع التلفزيون..
ام فراس:هذي شغلتكم في الحياة؟
اشواق:وت؟
ام فراس:ماغير تتفرجون ع التلفزيون
اشواق:مابقى شي ع الجامعه بوسع صدري
روان:ايه والله يمه..مابقى شي
ام فراس تتنهد:طيب مو عااد كل وقتكم راايح قباال شاشة التلفزيون
روان:وش نسوي مثلا؟
ام فراس:اطلعوا برا ب الحووش..غيروا جو..
روان:مافيني حيل
اشواق:ههه...وانا بعد
تنهدت ام فراس منهم وراحت
\
/
\
/
رمت الريموت ب ملل..من هجري النهاايه اللي تحمس..وش يصبرها ل بكره تشوف التكمله
ام فهد:والله ان هجري المسلسلات ماتخلص الا شي يحمس
مشاعل:يقالهم يشدونا..
ام فهد:ماعندهم سالفه
-السلام عليكم
مشاعل+ام فهد:وعليكم السلام
ماجد:ماشالله وش هجري الجلسه الحلووه..كذا ماتنادوني؟؟
مشاعل:انت تنشااف اصلا؟؟
ماجد:مالك دخل
ام فهد:مزديه فيك..سااد
مشاعل تبتسم له..وتأشر له ب"حرّه"
ماجد:يمه!..قلبت مخك هجري الشريره؟؟
ام فهد:محد قلب مخي...
\
/
\
/
دخل ابو ناصر على بنته اللي كانت جالسه ع الكنب وتلعب مع اختها الصغيره
ابو ناصر:السلام عليكم
رغد:هلا والله..وعليكم السلام
ابو ناصر:تبين شي من المكتبه؟؟
رغد تبتسم له:بقول ل ناصر يوديني..انا راعية طويله مابي اكلف عليك
ابو ناصر:ماهنا كلافه ..انا مودي عزام ولمى ..تعاالي..
رغد تناظر لمى اللي تبلغ من العمر 5:وش رايك؟
لمى:تعالي..
ابو ناصر:يلله عشان بعد تعرفين لمى وش تبي..خبرك انا مدري وش يبي الواحد وهو في تمهيدي
رغد:خلاص بس ثوااني اجيب عبايتي..
ابو ناصر:انا اجل في السياره
طلع ابو ناصر هو وعزاام ولمى لل السياره..وهو طالع قابل ناصر اللي كان داخل
ناصر:هلا يبه
ابو ناصر:هلا بك ياولدي..راجع من شغلك؟؟
ناصر يناظر لمى من ورا نظاارته اللي تخفي بعض من ملامحه الحلووه:ايه
عزام:ابوي ...ذا وشسمه..ابغاا نظاره زي نويصر
ناصر:نويصر في خشمك...ناصر لو سمحت
ابو ناصر:خلاص معدهوب نويصر..هو اكبر منك ب13 سنه
ناصر:ههه..الله يهديك15..
ابو ناصر:الا موب عمرك 26؟؟
ناصر يبتسم:لا..25
ابو ناصر:ههه..العمر كله اجل
ناصر:ههه
-الحين جالسين تحت الشمس تحسبون عمر نويصر؟؟
التفتوا وشافوا اختهم رغد..
ناصر:على وين ياقلب نويصر؟؟
رغد ب دلع مااصل:مكتبه!
عزام:ياشيني..
لمى تضحك:ههه
ابو ناصر:عزاامووه
رغد:مسكين!
\
/
\
/
الساعه 8 ونص ليلا..الكل كان جاهز عشان روحة بيت يوسف..
خلصت مشاعل من وضع اللمسات الاخيره على وجهها..وراحت لل المرآيه تطالع نفسهاا..
كانت حلووه وكيوته..ب لبسها الازرق الجليدي..يناسب مع ملامحهاا الشتويه..عيون رمااديه وشفايف قرمزيه..تنوره ل تحت الركبه زرقاا وكسراات ب الكحلي الغاامق..كأنه اسود.وبلوزه سماويه وفيها شوي من الارزق..وخلت شعرهاا مفكوك وعلى طبيعته..شعرهاا كان صعب التعامل..ملفف كيرلي..وطويل لين نص ظهرهاا..تقريبا مثل ميرياام فارس مكياجها كان نااعم..لان وجهها مايبي له مكيااج..
اخذت عبايتهاا..ونزلت..
ام فهد:بتروحين مع السواق؟؟
مشاعل:ايه..ليش تبغينه؟
ام فهد:موب هالحين..لاني حتى مابعد خلصت
مشاعل:اذا تبينه عاادي..ادق على أي احد يمرني
ام فهد:لالا..يمديتس تروحين على بال ماألبس الا هو جايني
مشاعل تبتسم لها وتحب راسها:اجل بروح واقوله يرجع لك..
ام فهد:الله يرضى عليتس..
\
/
\
/
وقفت عند الدرج تناادي اخوهاا:ناصر!..ن ويصر!..
ناصر وهو نازل:خير!..خير!..جااي..ذا العجيّز
رغد:سااعه لين تنزل؟؟..حشى حرمه
ناصر يرفع يده نااوي يضربهاا..بس واضح ان حركته استهباال:حرمه؟
رغد انكمشت على نفسهاا:امزح!
ناصر:بناات مايجون الا ب العين...........ال..."غلط عليكم"..موب حمراا..
عزام:على وين العزم ياشباب؟؟
رغد:بروح ل بيت عمي يوسف
عزام:ولمى من بيجلس بنتبه لهاا؟؟...
رغد تمسح على شعره..وتقول ب دلع:حووبي عزاموو..
عزام:لالالالا...مستحيل
ناصر:عزااموه..انتبه ل اختك..محد ينتبه لهاا..أبوي تعباان وانا طالع شوي وراجع
عزام ب شكل دراامي:الله يرحمك يايمه!
\
/
\
/
نزلت من سيارتهاا..وقبل لاتسكر الباب قالت:عبد الحميد..روح ل بيت..ماما يبغا انتاا
عبدالحميد:اوكي..
سكرت الباب ولفت نظرهاا السياره الفارهه..كانت سوداا واللون معطيهاا فخاامه..من شافتهاا عرفت من سيارته..طالعت السياره ب سخريه!..
ودخلت لان الباب كان مفتوح
فصخت طرحتهاا اللي كانت مغطيه وجهها بس سمعت صوت على طوول رجعتهاا..
طلع شخص من باب الفله..دق قلبهاا لم شافته كان طالع ولابس بدله وكاب..ومنزل راسه الكاب كان مخفي بعض ملامحه اللي لطلما حملت فيهاا وحبتهاا..
رجعت ل وراا متنااسيه حقهاا في السلام
صحيح انه مو ملكهاا بس السلام ل الله..
رفع راسه وهي كانت منزله راسهاا..شافها واضح انهاا مرتبكه
فراس:مشاعل؟
رفعت راسهاا بسرعه..وكأنها تبي هجري الخطوه منه وماتبي:هااه!
فراس يبتسم لها:كيفك؟؟
مشاعل رفعت يدها ل مستوا فمهاا..وشدت قبضتهاا:الحمدالله..
فراس:الحمدالله ع السلاامه
مشاعل:ال..
وقف شوي..هي لفت وجهها لل الجهه الثانيه
زادت ابتساامته..وطلع مع الباب..وهي لازلت واقفه مكاانهاا..
-ميششو ليه واقفه هناا؟
رفعت مشاعل عيونهاا ل روان اللي كانت واقفه وتناظرهاا..هذي كم صاار لها هناا؟؟..لايكون شافتني؟؟
مشاعل:أ..لا بس..هذاني جايه
راحت مشاعل وسلمت على روان..اللي ماشافتها من شهر تقريبا
ودخلت وراحت على طوول لل الحمامات وصلحت شعرهاا ولبسهاا وبعدهاا راحوا لل الصاله..
كانت اشواق جالسه مع بنت..مايقآآل عنها جميله..كانت نعومه ل ابعد الحدود..بيضاا شعرها الناعم الكثيف المنسدل على اكتافها حتى نص ظهرها بشكل معطيها انوثه..كانت قصيره نوعا ما..بس نحيفه وجسمهاا يقال عنه حلوو..يمكن مو مثل جسم مشاعل بس مايعتبر قبيح..وب لبسها الابيض والسكري..كانت كيووته
ابتاسمتها اللي ماتفاارقها..ل طالما حست مشاعل ان هجري الابتساامه ابتساامة نصر..
كأنها تقول.."انا فزت عليك يامشاعل..اخذت منك احب شي ل قلبك"..
بس مو مشااعل اللي تنهزم..خذي اللي تبين بس ماراح تبين انها خسرت..
حست مشاعل ب اشواق تضمهاا..
اشواق:ميشوو..يادوباا..لك وحشه
مشاعل تضمها ب دورها:ههه..وانتي بعد
اشواق وخرت عنها وظربتها على كتفها:توك تجين؟؟
مشاعل تناظرها وتبتسم..وقالت ب غرور:احب يصير لي طلّه بس شكل رغد بتخرب علي
روان:ميشوو..سلمي على نوره بنت خالتي
ناظرت مشاعل البنت.."نوره"..:اهلين
نوره تبتسم لها ب ادب..باين انها حليوه:اهلا..كيفك؟
مشاعل:الحمدالله..انتي؟؟
نوره:تمام
جلسوا يسولفون..ويضحكون..مشاعل مو معتبره نوره عدوه ب العكس..تسولف معها وتاخذ وتعطي..صعب انك تلوم احد ياخذ منك شي عزيز وهو مايدري..صعب..البنت ماسوت ل مشااعل شي..صحيح الغرور والتكبر باين عليهاا..من يومهاا..بس صعب تلومهاا
\
/
\
/
ركب فراس سيارته وتوه بيحرك وينتبه ل سيارة ناصر جاايه
نزل وهو مبتسم...من زماان عنه
نزل ناصر ووراه رغد..رغد على طوول دخلت وناصر سلم على فراس
دخلت رغد وفتحت عبابيتهاا وصلحت لبسهاا اللي كان بنطلون بني وبلوزه طويله نوعا ما..ازرق..
ودخلت عند البنات
فراس:وينك يالاخوو..من زماان عنك
ناصر:والله تعرف مشااغل الدنياا
فراس:انا اللي احس ماعنده مشااغل ماجد..والله انه فااضي
ناصر:ههه..لا بس هو ماشالله مرتااح في وضيفته بلا الوالد الله يصلحه مدلعه
فراس:ياليته يدلعني
ناصر:ههه..انت اللي والله كارف نفسك بس يلله هانت مابقى غير اسبوع!
فراس يحك رااسه:ياطووله
ناصر:ههه...
\
/
\
/
مشاعل:احد دق على ملووكه؟؟
رغد:انا امس دااقه ماترد
روان:انا كل يوم ادق..بس ماترد علي الا امهاا..
اشواق:حتى ماتستقبل زوار وش فيها ذي؟؟
مشاعل:لين الحين متأثره ب موت ابوهاا
رغد:الله يكون ب عونهاا بس عااد ماتسوي ب عمرهاا كذا
روان:انتي تعرفين يارغد انهاا دلووعة بابا من يومهاا
مشاعل:الله يرحمه
نوره:ابو ملاك هو اللي مات؟؟
رغد:ايه
نوره:مو انتي اللي ماتت امك قبل كذا؟؟
روان:بسم الله عائلتنا منظولين كل كم سنه ماات لنا احد
تقصد ام مشاعل وبعدين ام رغد وبعدهاا ابو ملاك..
دخلت ام فراس وجلست معهم..
\
/
\
/
طلع ماجد من غرفته وهو شايل بوكه وجواله في يده..
صاادف اخوه بندر في طريقه
بندر ينااظره ب نص عين:بعض النااس ماسلموا علي يوم رجعت من السفر!
ماجد يضحك ويروح يسلم عليه:ههه..ماشفتك يااخي
بندر:ايه..بس عااد وانا اخوك اسأل عني شي..
ماجد:كنت ناوي استقبلك بس رااحت علي نومه
بندر يضحك:ودي اصدق بس ماش
ماجد يدور ب عينه:صدق!
بندر:ههه..رح رح الله يصلحنا ويااك
ماجد يروح يلوح بيده:اجل بااي
بندر:وجع!..يبيها من ربي
ماجد يضحك وهو متجه لل الباب..
ركب السياره ورااح ل خالد عشاان يمره..
ماجد وهو يكلمه:هلا خويلد..تراني عند الباب
خالد:هذااني طالع
سكر منه وثوااني الا طلع خالد..وركب
خالد:سلام
ماجد يحرك:هلا بك
خالد:اخباار النفسيه...اكيد عال العاال..أليوم مافي فرااس صح؟
ماجد:ماشالله وش درااك؟؟..
خالد يضحك:وجهك يقوله
ماجد:ه الفرااس بيجيب لي الجلطه
خالد:انت بعد الله يهديك بارود.. على طوول تعصب
ماجد:لاوالله مانيب عصبي بس هو بارد
خالد:الله يعينك بكره زوجه وعيال
ماجد:لا موب لازم اتزوج..موب الحين ع الاقل
خالد:خلاص ان جيت بتعرس قل لي اوزي (اخبي (خوااتي
ماجد:من زينك الحين...يحصل لك تنااسبني
خالد:خوااتي رقيقات مايحبوون العصبيين
وش اسالفة نوره؟؟..وليش هي غاليه عند فراس؟؟
ومشاعل وش ردة فعلهاا من هجري الغلا كله!..
من ملاك؟..وليش ماترد على اتصالاتهم؟؟..
وماجد وش نهاية عوامته..>>لول

قراءت بديتها صراحه جنان روعه مبدعه بمعنى الكلمه اتمنى لك التوفيق والنجاح ياrosa

هلا دمعة المشتاق يسلمو ع الرد..
بس حبيت آوضحلكم ان الروآيه مو آنآ اللي كآتبتهآ..
آنآ قريتهآ قبل وعجبتني ونقلتهآ ..
قرآءه ممتعه ..

بنات احس محد يقرا الروايه ..
الروايه قريتها تجنن ..
بس ماشوف منكم ردود عشان اتحمس واكمل باقي الروايه..