رواية حبيبي لاتعادي الايام ترى الايام تعاديك رومنسية سعودية جريئة

1. بسم الله الرحمن الرحيم

بسم الله الرحمن الرحيم

شخباركم ان شاء الله كويسين مراح اطول عليكم روايتي الاولى ويارب تحصل اعجابكم (( حبيبي لاتعادي الايام ترى الايام تعاديك )) : الشخصيات : الجد محمد متوفي من قبل مايشوف عياله الصغار معاريس بحادث سيارة الجده مريم طيبة القلب حنونه كثير فاقده عيالها لانهم تهاوشو علشان لورث وكل واحد اخذ نصيبة سالم الولد الكبير عمره 57 سنة متزوج من مريم من قبيلة غير قبيلتهم وعمرها 43 سنة وعيالهم *فهد عمره 29 مومتزوج ويشتغل في شركة ابوه بعد مايخلص شغله ويشتغل صيدلاني على الرغم من ثروة ابوه جميل بمعنى الكلمة ملامحه عربية بدوية عيونه حاده ووسيعة كثير وانفه على قولتهم سل سيوف طويل وعريض المنكبين وشعره ناعم بالمرة وكثير واسود ولون بشرته حنطي * تركي دلوع امه عمره 24 يحب الكورة بشكل موطبيعي ومشترك بنادي ويشتغل في شركة ابوه الصباح عازب مومتزوج ويكره شي اسمه حب طويل وشعره ناعم وجسمه رياضي وعيونه ناعسة وانفه صغير وطويل يجنن موت * مطلق عمره 22 يدرس بالجامعه وماخذ الدنيا لعب شات ونت وبنات وماعنده وماعند جدتي للدراسة بس طيب وحنون عيوونه ناعسة وعسلي وشعره بني وكثير وطويل وجسمه عريض المنكب وشوي شايف نفسه * شوق دلوعه بالحيل واي شي يصيبها تبكي على طول عمرها 20 سنه حبيبة ابوها ينفذ كل طلباتها طيبة وقنوعه بس الشي الكريه ومايعجب اخوانها هو دلعها الزايد طويلة وشعرها بني ناعم موطويل كثير عيونها حاده وعسلية وبيضا واذا طالعت عيونها تحس فيها برائة ودايما تلمع وببسيطة بتعاملها تحب كورة السلة ودايما مناقر مع مطلق * نجلاء عمرها 17 هالبنت ناعمه مره دقيقة بكل شي وتعرف وشهي محتويات الاكل قبل ماتكله جسمها ريان شعرها قصير لكتفها وصابغته بندقي وناعم كثير وعيونها ناعسة وبشرتها وبرونزية ويشبهونها بالهنود لانه ملامحها هندية * اسامه هالولد يجنن نسخه من مطلق متهور مرة اول مايشوف بنت حلوة يبوسها ويجلس بحضنها عمره 7سنين شعره ناعم اسود وكثيف ودبدوب شوي وعيونه ناعسة كثير تحسي واحد حالم اوشاعر * اخر العنقود سوسن عمرها 4 سنين ناسخه شوق دلوعه كثير بس الاختلاف الوحيد انو شعرها كيرلي وطويل وضعيفة ووبيضا ولهاغميزة بخدها اليسار عبد العزيز (( بو مشاري )) عايش بلندن واصغر من اخوه سالم عمره 55 وعصبي مرة وزوجته اخت سلوى شيماء طيبة وحنونه وتفتقد اختها كثير *مشاري عمره 27 سنه يحب الكشخه والستايل ويحب اخوانه ويشتغل بشركة ابوه ويدرس وعصبي مرة طويل وبشرته قمحي وشعره بني وكثيف وعيونه ناعسه وجسمه رياضي * طلال عمره 25 سنه يحب البنات من عيشته بلندن كانت يده ماتخلى ابد من بنت ويحب خواته وكثير يغايضهم طويل وابيض وشعره اسود وعيونه حاده وله غميزتن بخده ومرح كثير *نجد بنت جميله كثير وناعمه عمرها 20 سنه تدرس بالجامعه ومحافظه على حجابها وتشبه نجلاء الا انها بيضة وشعرها اسود نفس العيون الناعسة ونفس الهدوء بس فيها غرور * رسل 17 سنه بنت دلوعه مرة تحب اخوانها كثير ومايرفضون لها أي طلب وتحب الرقص على قولتها هوايتها متوسطة الطول وناعمه كثير وقاصة شعرها قصة كري وصابغة خصل عنابي وعيونها عسلي تجنن موت ناعمه كثير *فردوس عمرها 13 سنه بنوته تجنن خليط بين الجمال والنعومه ملامحها هادية بس خذت من مشاري اخوها العيون الحالمه الناعسة وطيبة كثيروشعرها كيرلي * واخر العنقود حبيب الكل دانيال عمره 5 سنين يجنن هالولد دبدوب وله غمزتين مثل اخوه طلال ويحب الكرة كثير أي احد يساله وش اجيب لك من البقالة قال كرة عبدالله اخو عبد العزيز وسالم وعمره 33 متزوج منال بنت خاله وساكن بالشرقية وهي حامل * نواف عمره ثلاث سنين رائد اخو عبدالله وعمره 27 عايش بالرياض ويدير الشركة مع اخوه سالم ويحب يغايض خواته شعره اسود وعيونه وساع وجسمه رياضي ولون بشرته قمحي مومتزوج العنود عمرها 20 سنه ملامحها عربية اصلية جميلة بمعنى الكلمة طويلة و بشرتها بيضا وشعرها طويل كثير وصابغته خصل ذهبي وعيونها حاده وعسلية وعصبية ابتهال اخر العنقود وعمرها 17 سنه هادية وطيوبة كثير وملامحها مثلها هادية لون بشرتها برونزي وطويلة وعيونها هادية وشعرها كيرلي قصير وانفها صغير وطويل باقي الشخصيات راح تتعرفون عليهم بالاحداث ****************** && الجزء الاول من الفصل الاول && بيت سالم " بوفهد" كانت شوق بغرفتها وحاطه موسيقى كلاسيكية وجالسة تذاكر في الارض ماتحب تذاكر على الطاولة ولابسة بجامه سماوية وفيها دباديب وحاطه القلم بفمها وتفكر كيف توخر عنها هالطفش والاوراق بجهه والملازم بجهه ثانية والسرير فوضى ورافعه شعرها باهمال تتأفف سكرت الي قدامها وقامت للتلفون وا تصلت على صديقتها الجود : (( الو هلا جود )) (( اهلين شوق )) (( جود وربي طفشانة وتعبانه و)) (( بس بس بس ادري بس لازم نتحمل باقي يوم ونخلص الاختبار )) (( جود وشرايك تجين تذاكرين معي )) (( تصدقين امي حتى الغرفة تقولي لاتنزلين منها انا اخلي الشغالة تصعد لك الي تبين يعني مراح ترضى )) (( يعني مراح تجين)) (( طيب انتي تعالي عندي اخر مرة انا جيت بيتكم )) (( طيب بسئل امي وبقولك باي )) نزلت شوق بسرعة من الدرج ومانتبهت بلعبة سوسن في اخر الدرجات الا تطيح على يدها ورفعت جسمها شوي وعيونها غرقت دموع موقادرة تحرك يدها شافت مطلق جاي لها بسرعه وقال لها : " شوق صارلك شي " قالت بصوت متقطع " يدي .مو..قاد..رة .. احركها" ساعدها مطلق توقف وقال لها :" بوديك المستشفى اخاف انكسرت يدك " هزت راسها بدون ماتتكلم ونادى الخدامه تجيب عباتها ************************************** بيت عبد العزيز" بومشاري" كانت نجد جالسة بحديقة بيتهم قريب من النافورة وحاطة الاي بود بجيبها ومغمضة عيونها وتسمع لحبيبها راشد الماجد الي يذكرها بالسعودية مع ان ولا مرة شافتها ولابسة برمودا اسود وشك بلون ذهبي وبلوزة ذهبيه كات ناعمه ورافعه شعرها ذيل حصان وطالعه ملاك قربت رسل لاذنها بصوت قوي " بو" ولاهزت لها شعره لانها متعوده على خبال اختها وقالت: قديمة ياسخيفه" جلست رسل جمبها وهي كل دقيقه تتافف عصبت نجد وفتحت عيونها : "خير كل دقيقه تتاففين موعاجبك قومي " قالت رسل :" لاتعصبين طفشانه وربي احس اني مليت " " طيب " " شنو طيب اقولك ملل " تاففت نجد اكره ماعندها اذا احد قطع عليها جوها " اطلعي مين ماسكك " " ضحكتيني تبين ابوي يدفني هنا عفية نجد قولي لطلال يطلعنا هو يطاوعك" قالت نجد : " طلال يطاوعني انا مين قاص عليك " غرقت عيون رسل " بليز نجد تكفين قوليله " ناظرت نجد عيون رسل وشافتهم مغرقين دموع كسرت خاطرها " اف طيب لاتبكين علينا " اخذت جوالها واتصلت على طلال وانتظرت فترة بعدين رد عليها : خير نجد في شي قالت نجد : طلول اخوي حبي الاول والاخير " " بدون مقدمات يانجدوه وش عندك " " ترضى لخواتك انهم مايطلعون يوم الخميس " قال: طيب وبعدين وش دخلني انا بالسالفه قالت بداخلها لازم المذلة يادب : طلال حبيبي امي ماترضى نطلع مع السواق الحين تدري الساعه تسع واحنا طفشانين بليز طلال لاتردني انا نجوده دلوعتك تعال اخذنا طلعنا " قال طلال " لا" نجد : طلال بليز تكفى لاتردني " " طيب كسرتي خاطري لكم نص ساعه على ماوصل البيت اذا ماخلصتو تراني بمشي " قالت نجد : طيب باي " راحت رسل لاختها وقالت لها : ها شقال " ناظرته اختها ببرود وقالت : تتوقعين شقال " قالت رسل وهي محبطه " اووف اكيد رفض" ابتسمت نجد ابتسامه كبيره وقالت " يقول اذا ماجهزتو بعد نص ساعه بمشي " صرخت رسل وقالت " هيا " قالت نجد " بسرعه خلينا نلبس قبل مايرفض " راحت بسرعه وقالت" يلا" ******************* بيت الجد (( ابو سالم)) كانت العنود جالسة تتابع التلفزيون ومنسجمه مع الفيلم وتاكل فشار ومطفيه الانوار ولابسة بجامه رياضة لونها حلبي كات وتدخل ابتهال وتشغل الانوار ورمت فيش التلفزيون بالارض ناظرتها العنود وهي معصبة وقالت :" كسر في يدك يابتهالو يالقزمة " ناظرتها ابتهال ببرود : انا قزمة ههه ضحكتيني وان شاء الله انتي يدك الكسر " قالت العنود وهي ودها تكفخها : " وربي والي خلقني يالزفته ان ماطفيتي الانوار ورجعتي الفيش وطلعتي برى راح تشوفين شي تندمين عليه بعدين " قالت ابتهال وهي مروقة من عصبية اختها " يمامي ارعبتيني واذا ماسويت الي قلتي عليه " هنا العنود فقدت اعصابها وقامت لابتهال بتضربها الا تنحاش ابتهال وتروح الحديقة والعنود وراها الين مادخلت ابتهال اول غرفة شافتها قدامها وغفلت عليها قالت العنود وهي تقرم اظافرها : هين يالزفته هين وربي لاردها لك" وضربت الباب برجلها وراحت حست ابتهال ان العنود راحت فتحت الباب فتحه صغيرة وطلعت راسها ماشافت احد راحت تتمشى بالحديقة الين ماتهدى اختها صعدت العنود الدرج وهي معصبة وفتحت غرفة اختها وفتحت دولاب ملابسها وحذفت اغلبيتهم بالارض وحذفت الفراش السرير بالارض وشافت مغلمتها وحذفتها بالارض والعطورات اخذتهم كلهم وودتهم غرفتها وقفلت عليهم بدرجها الخاص وظلت جالسة بالسرير تفكر تبغى شي يهديها طلعت للصالة الفوقية وراحت المطبخ الصغير وفتحت الثلاجه وشافت الكولا واخذته مع سنيكرس ورجعت غرفتها واكلت شوي وهدت تقريبا اما عند ابتهال ملت من التمشي بالحديقة صعدت غرفتها او ل مافتحت الباب انصدمت وشافت الفوضى الي بالغرفة وبعدين ضحكت عشان تقهر العنود ونزلت تحت وشافت الخدامه بطريقها وقالت لها : سوزي روحي نظفي غرفتي وجلست تناظر التلفزيون الا تسمع فتحت الباب التفتت وشافت امها توها جاية من بيت الجيران " السلام عليكم " قامت ابتهال حبت راسها : هلا يمة وعليكم السلام " الجده وهي تسال: اجل وين اختك ماشوفها " كتمت ابتهال ضحكتها وهي تقول : بغرفتها يمه اناديها " قالت الجده : لايمه خليها يمكن تذاكر " ظلت ابتهال شوي ساكته بعدين قالت : يمه " " هلا يمه " قالت بعفوية ماتدري شكثر اثرت الكلمة على امها" يمه عبد العزيز صار عنده عيال " تجهم وجه الجده : ابتهال كم مرة اقولك مابغى اسمع سيرة هالولد " " بس يمه مايصير هذا اخوي " قالت الجده وصوتها مبحوح" اخوك قلتي اخوك الي ماسال عنك قلتي اخوك الي هو فرقني عن عياله وحرمني من شوفتهم قلتي اخوك الي فرق اخوانه عن بعضهم هذا ظالم يايمه الله لايوفقه حرمني حتى من عياله حسبي الله ونعم الوكيل حسبي الله ونعم الوكيل " قامت الجده من مكانها وهي مشتاقه حق ولدها ماتدري عن اخباره نساها ودموعها على خدها دخلت غرفتها تشكي ربها ماعندها غير ربها ابتهال ندمت على سؤالها وعكرت مزاج امها بالهسؤال تنهدت وراحت لغرفتها **************************** بيت سالم " بوفهد" رجعت شوق مع اخوها مطلق واول مافتح الباب كانت امها جالسة مع نجلاء قامت امها بسرعة وهي خايفة وقالت: " يمه شوق وش فيها يدك " قال مطلق يهدي امه " الله يهديك يمه ماتعرفي بنتك مطفوقة نزلت من الدرج وطاحت على يدها " جات نجلاء وحضنتها : ياعمري شواقة الحمدلله على سلامتك ترى جود اتصلت عليك كم مرة وماتردين " قالت شوق بوهن : يؤه نسيت الجوال بداري الحين بطلع بكلمها " صعدت شوق غرفتها واتصلت على جود: هلا جود " هلا" ضحكت شوق وقالت : فديت الزعلانين جود وربي لو تدرين شصارلي كان عذرتيني " قالت جود " يعني وش بيصير " قالت لها شوق الي صار قالت جود : ياعمري يعني بكرة بتروحين الجامعه وانتي يدك مكسورة" قالت شوق : ايوه بكرة اخر الا يام بروح بس انتي باقيلك يومين" قالت جود : اوكي اخليك ترتاحين باي" " باي" من التعب نامت شوق بدون ماتحس بروحها ************* (( بيت سالم )) الساعة 6 الصباح جلست شوق بتعب ونزلت من السرير تبغى تتروش علشان تراجع المادة الي بتختبر فيها توها بتدخل الحمام (( عزكم الله )) بس تذكرت يدها اتصلت على اختها نجلاء نجلاء بصوت كله نوم : الو شوق: نجلاء تعالي غرفتي ساعديني ابغى اتروش نجلاء: شوق قولي لماما او الخدامه شوق: بليز نجلاء تعرفيني ماحب الخدم واخاف اتعب ماما تاففت نجلاء: طيب هذاني جيت باي نزلت نجلا من السرير وراحت غرفة اختها وساعدتها وطلعت عشان تبدل شوق خلصت شوق لبس ونزلت لغرفة الطعام وقالت : صباح الخير الكل: صباح النور تركي وفهد مايدرون وش صار بشوق امس وقالو بصوت واحد: شووق وشفيها يدك ناظروا بعض وضحكوا شوق : ابد بس طحت من الدرج على يدي وانكسرت نزل ابو فهد مع نجلاء وقالوا : صباح الخير الكل: صباح النور شوق : ماما ساعديني ابغى افطر توها بتقوم ام فهد قام تركي قبلها وجلس بالكررسي الي جمب شوق وقال: ارتاحي يمه انا خلصت فطوري ومتفرق لست الحسن يعني كم شوق عندنا ابتسمت شوق قالت نجلاء بقهر: الله لنا بس فهد: اسكتي بس تتمنين انه يدك تنكسر نجلاء: ماقلت شي فهد تراني امزح فهد : في هذه الاشياء مافيها مزح سامعه قالت نجلاء بزعل : سامعه شوق بعصبيه توخر يد تركي عن فمها: تروك خلني اخلص الي بفمي ضحك تركي : ههه هذا جزاتي جالس اوكلك قامت شوق من على الكرسي وقالت : الحمدلله تامرون على شي بوفهد بحنية : سلامتك يبه بس كملي فطورك ماعليك من تركي شوق: لابابا الحمدلله شبعت بروح الجامعه عندي اختبار بوفهد وام فهد : سلامتك يمه شوق بعد ماباست راسهم : باي قام مطلق من على الطاولة : وانا بعد بروح الجامعه تامرون على شي بوفهد : هلله هلله بالركاده ولاتسرع مطلق وهو يبوس راسهم : ان شاء الله مع السلامه طلع مطلق وطلعت وراه نجلاء ونادته وهو يلبس نظارته : مطلق التفت لها مطلق : خير نجلاء بترجي : حبيبي مطلق عادي توصلني المدرسة مطلق: لاطبعا وليه مارحتي مع شوق نجلاء : شوق عنده اختبار وراحت مبكر واصلا مها ومريم هم الي طلبو انك توصلني اليوم ابتسم مطلق الين بانت اسنانه : طيب عشان عيون مها ومريم تكرم مدينه بوصلك يلا اركبي نجلاء ابتسمت : طيب ************ (( الجامعه )) نزلت شوق من السيارة ومدت الكرت لبوابين ودخلت وخلعت عباتها وحطتهم بمكانهم ورفعت جوالها واتصلت على جود تسالها وين مكانهم وراحت لهم الكفتريا وشافت صحباتها جالسين يسالفون : هاي قيرلز الكل : هايات جود: الحمد لله على سلامتك شوق : الله يسلمك سارة : كيف طحتي الحمدلله والشكر ماتشوفين شوق : مانتبهت للعبة سوسن وطحت على يدي اشوى انها مورجلي والله كان ماطلع من البيت دلال: : الحمدلله انها يدك جود : وكيف تاكلي وتشربي شوق : ههه فاتك اليوم تركي اخوي هو الي وكلني صج الي قالو ان الرجال دفشين ماخلاني اتنفس ملى فمي جود وسارة ودلال : ههه يحليله جود : فكرتها امك او مطلق شوق بسخريه : مطلق اسكتي بس مابغى تعليق بالدنيا الا علقه علي يالربشة يالعمية ههه كل التعليقات تبغيه يوكلني جود : شكله حبيب شوق : لايكون حبيتيه من هذيك المرة جود : احلفي بس اصلا نرفزني ولا ماكان رديت عليه سارة : ليه وش السالفه جود : الله يسلمك هذاك اليوم كان اول مرة ازور فيها الاخت مومتاكده اذا كان هذا بيتهم ولا لا توني بفتح باب الصاله الا اشوف رجال واقف قدامي اخترعت وهو عقد حواجبه وقال : خير وش بغيتي قلتله بارتباك: شوق ابتسم هو وقالي لايكون انتي الجود الي صاجتنا شوقو فيك ناظرته وقلت بنفسي خير وش فيه ذا قلتله : شوق هنا ناظر الدرج انا صعدت الدرج وشوق نازله شوق : ههه والله لو تشفوها كانها وحده مضيعه امها تاشر على مطلق وتقول هذا نرفزني سارة : ههه جود : انطمي ياسوير والله لو كنتي مكاني وهو يطنز دلال : طيب كملي