رواية مأساتي في سط الماضي ور برعاية عصابة عش القناص اق

يامرح بآ ويامسهلا << الله الله شهالذرابه ههه
الصرآح ة الرواية روع ة .. ويآريت تكملينها بأقرب وقت
وع ندي طلب صغنون بس (( ان تكتبين كل ج زء بروحه يعني لاتخلينهم في صفحة وح ده.. وع ليج فيهم شوقيهم للبارت اللي ع قب لان مره ح لوه))
ننتظرك يالغلا

مشكورة حبيبتي عالتفاعل وراح أكمل اليوم وأحاول أنفذ اللي قلتيه,,,,,,,,,,,,

عدت من جديد مع الجزء الخامس تفضلوا,,,,,,,,,,,,,,,,,,,,,,منقول
لجزء الخ امس00
معليش اللي مو قد الجزء اللي يجي لا يقراه انا مااتحمل أي شيء يصير لكم
"امحق تشويق "
بعد مرور يومين بدون ماتصير أي احداث قرر تركي انه يبداء لعبته مع سعود وسديم
وفي غمرة وقمة التخطيط يرن تلفونه
تركي : هلا سعود
سعود : اهلين وينك غاط
تركي : الشغل اسمع عندك شيء اليوم
سعود : لا وش بغيت
تركي : لا بس ابي نطلع مع الربع نوسع صدورنا
سعود : مافيه مشكله بس بمر اليوم بيت عمي بشوف محتاجين شيء
تركي : خلاص اتفقنا
وسكروا
بعد دقايق يرن تلفون سعود
سعود : هلا
فيصل : هلا فيك
سعود : عسى ماشر وش فيك عمي فيه شيء
فيصل : لا ما فيه شيء بس الأطباء هنا قالوا ما فيه فايده
سعود : الله يرحم حاله وجعل مااصابه تكفير لذنوبه
فيصل : اللهم امين بس انا ما دقيت علشان كذا ابي منك طلب
سعود: تامر امر رقبتي سداده
فيصل : فيه طياره بتجي اليوم من روما
سعود : ايه وش فيها
فيصل : فيها واحد من ربعي معه ولد صغير ابيك تاخذ الولد منه وتخليه عندك بدون ماهلي يدرون
سعود : فيصل تامر امر وما طلبت شيء ياخوك بس ان كان ماعندك مانع ابي اعرف من هو هالولد هو ولدك
فيصل : اشرح لك اذا جيت الموضوع طويل
سعود : وش اسم خويك ومتى الطيارة
فيصل : طلال وتوصل على 9
سعود : ولا يهمك والولد بحطه في عيوني
فيصل : وفيه احتمال كبير نرجع بعد 3 أيام
سعود : اذا حدتو الموعد عطوني خبر
فيصل :ان شاء الله مع السلامه
وسكر رجع يتصل على تركي
سعود : هلا تروك
تركي : اهلين وش عندك
سعود : لا بس بغيت اقول اني مو رايح معاكم
تركي : ليه عسى ماشر
سعود : عندي شغل بالمطار تخاويني
تركي : متى
سعود : بعد 4 ساعات
تركي : يعني 9 مافيه مانع اروح
سعود : يالله باي
تركي : بااي
سعود فكر انه يروح لبيت عمه بس لقاها صعبه دخل عليه ابوه
يوسف : وش فيك ياولدي
سعود: ما فيني شيء بس كنت افكر اروح لبيت عمي فهد أشوف اهله محتاجين شيء بس لقيتها صعبه
يوسف : لا صعبه ولا شيء ياولدي رح وشف وان كان قاصرهم فلوس عطهم
سعود : هذا اللي كنت بسويه
يوسف : الله يقويك ياولدي
سعود : تامر شيء بروح اتقضي لهم
يوسف : سلامتك
راح سعود وتقضى لهم ماقصر الرجال المهم دق على بيتهم
سعود : السلام عليكم
حصه : وعليكم السلام
سعود : الخالة ام فيصل
حصه : هلا ولله من تركي وش أخبار امك واخواتك
سعود : لاياخاله انا سعود ولد يوسف
حصه : هلا ياولدي حسبتك ولد جيرانا
سعود : لا عادي
حصه : وش اخبارك عساك بخير وش اخبار أبوك
سعود : الحمد لله كلنا بخير وش اخباركم انتم وش أخبار
عمي"مسوي ذرابه "
حصه : ولله كلنا بخير وعمك ولله مدري عنه
سعود : ليه فيصل مايدق عليكم
حصه : الاو لله يدق بس على سديم وهي الي تقول لنا الاخبار بس احس انها ماتقول الصدق باين من عيونها احس ان شيء صاير في عمك
سعود : لا مافيه الا العافيه انا توني مسكر من فيصل وابشرك بيرجعون قريب
حصه : طمنتني الله يطمنك
سعود : يا خاله انا واقف عند الباب معي اغراض لكم
حصه : وش اغراضه وانا خالتك وراك كلفت على نفسك
سعود : لا كلفت ولا شيء بس طلّعي احد ياخذها
حصه : انشاءلله
المهم راح مازن يفتح الباب ودخل الاغراض وسديم تطل من الدريشه
" النافذة"
المهم وتشوف سعود يدخل الاغراض هو ومازن
سديم " يالله وش سرك ياسعود وش السر ورى خوفي من عيونك يالله عجزت افهمك " وعمه الشيوخ وهي قاعدة تفصفص في الرجال رفع سعود رأسه ولمح وحده من عند الدريشه بس ماميز ملامحها لان اختنا في الله انتبهت
سعود " يالله من هذي يمكن سديم لا يمكن سارة والا مي "
سعود : مازن حبيبي هذي اللي فوق من غرفته
مازن : ليه تسال غرفه المكتب محد يجلس فيها الا سديم اذا بغت تكتب
سعود : لا بس كني شفت شيء يدخل فيها
مازن : وشو لا يكون برصي والا صرصور
سعود بيغطي على كذبته : لا جراده اوفراشه صغيره أهم شيء، شيء يطير
مازن: ياربيه قل ولله
سعود : ليه وش فيها
مازن : الحين بتسمع صراخ
سعود : ليه وش فيه
مازن : اخواتي مايحبون الحشرات
سعود:لا اقول يمكن دخلت وبعدين الدريشه مصكوكة
مازن : اشوى روعتني
سعود : يالله مع السلامه اذا بغيتو شيءدقوا علي
مازن : ان شاء الله
راح سعود انتم عارفين00 أنا اتعب من ذكائكم موفي سديم مشغول باله فيJوباله مشغول في مين؟! الولد اللي بياخذه وين يحطه
Jاتحدى واحد بس منكم عرف هالشيء قبل لااقوله
المهم سديم مسكت مازن تحقيق وعرفت كل اللي صار وعرفت ان هذي حركه سواها سعود علشان يعرف من اللي كان يطل عليه
وتم نقل الاحداث الى ريما اللي وصلتها بدورها لتركي
ريما : هاه وش رايك باللي سمعته
تركي : ولله هالثنين غريبين انا متاكد ان كل واحد يحب الثاني بس يكابرون
ريما : طيب وش العمل
تركي : انا طالع بعد ساعه مع سعود بنروح المطار اذا حبكتها برد لك
ريما : لاتنسى الله يخليك
تركي : ان شاء الله
المهم مرت الساعة ومر سعود على تركي بياخذه وفي السياره
تركي : ماقلت لي وش تبي في المطار
سعود : تذكر سالفة الولد اللي مع فيصل بروما اللي شافه احمد معه
تركي : ايه وش فيه
عود :فيصل قالي استقبله اليوم في المطار واستقبل خويه
تركي : وين بتوديه
سعود : خويه للفندق أو بيت اهله بس الولد مدري وين أحطه خاف ابوي يشوفه ويسالني من ولده وفيصل قال لي لا يدري احد بالموضوع حتى ارجع وانت عارف انه توه بادي يخطي وانا مااعرف للبزارين
تركي : ايه ولله وش بتسوي به
سعود :انزل الحين ويصير خير
ونزلوا ان شاء الله وجلسو إلى ان وصلت الطياره المهم شافوا ولد اشقر ملامحه عربيه وعرفوه
سعود راح لجهت الرجال
سعود : الاخ طلال
طلال : ايه انت ولد عم فيصل
سعود : ايه 00هلا ولله كيف الرحلة معك
طلال :ولله الحمد لله المهم هذي الامانه
وعطاه الولد
سعود : شكلك مستعجل خلنا نوصلك
طلال : لا الله يعافيك بس الاهل بيستقبلوني
سعود : وينهم وصلوا عادي مافيها شيء لو وصلناك
طلال : لا هذاليهم وصلوا يالله فمان الله اشوفك على خير
وراح طلال وسعود خذ البزر وراح هو وتركي المهم في السياره تركي يقترح حلول كنّها وجهه وسعود يهزئه على كل حل بايخ
واخر حل اقترحه تركي جاه تصفيق عليه اسمعوا اقتراحه
تركي : انا عندي اقتراح اخير وراك ماتعطيه اهل فيصل
سعود : ما اعطيك مخمس على وجهك يالثور هو قال لا يدرون اهلي تبي اوديه واقول دوّكم " يعني خذوا " ولد فيصل
تركي : لا ما قلت كذا بس سديم تدري ان له ولد عطها اياه وقل ميدها لاتقول ان هذا ولده
سعود : اتعب من ذكائك ياشيخ وش بتقول ميد اهلها
تركي : ترقع
سعود : ما تنثبر ازين لك
تركي :ولله الشرهة علي اللي اطلع لك حلول
وفي وقت ماهم يتكلمون دق جوال سعود
سعود : ياهلا
فيصل : ياهلا فيك
سعود : هاه وش الاخبار
فيصل : الحمد لله وش الاخبار عندك انت عساهم وصلوا بالسلامه
سعود : زينه والولد معي تبي تكلمه
فيصل : ايه لا هنت بس انا فكرت
سعود : وش فكرت فيه
فيصل : انك تحط الولد عند اهلي
سعود : لا ياولد الحلال وشوله هماك ماتبيهم يعرفون
فيصل : لا بتفق مع سديم واقول لها السالفة
سعود : معليش ممكن اعرف ليه سديم بالذات
فيصل : مدري بس احس انها الوحيدة بتفهمني وبتقدر
سعود : امسك الولد معك
فيصل : هييه وين رحت
سعود : هماك تبي تكلمه
فيصل : ولله ضحكتني شايف عمره وين بيتكلم معه
سعود : ياخي نسيت وش يدريني انه تود على الكلام
فيصل وهو يضحك :تبيني احطه عندك انت ووجهك اقول بتصل على سديم وانت وده عندهم
سعود : اقول تقّلع بس الشرهه علي اللي عادك اخوي
فيصل : يالله بس باي
سعود : باي
المهم تركي سأل سعود وش يبي به فيصل وقاله السالفه كامله وفي الطريق نام رائد "الولد كان اسمه كذا وش اسوي له يعني "J
في حضن تركي ووصلوا بيت عمهم
تركي : يالله رح رن الجرس
سعود : ياخي اصبر يمكن مابعد قال لسديم
تركي : الى متى بنقعد ان شاء الله
سعود : الا بكره وش عندك
تركي : الله يصبرني على ما بلاني
سعود جلس يضحك على تركي وشكله ورائد نايم عليه
سعود : تصدق ما تنفع تكون أبو صالح في المجتمع
تركي : ايه ما ينفه أكون أبو صالح وانا بو فارس ههه ثنين واحد
سعود : الله ماثقل دمك اسكت لا تصحي الولد
رن جوال سعود
تركي : وراك ماترد والا اصقه ماتسمع
سعود : لا اسمع بس الرقم مااعرفه
تركي : ياثقل دمك ياشيخ اقول رد يعني من بيكون واحد من ربعك ثقلين الدم غير رقمه
سعود : طيب لا تنفخ
سعود : هلا
المتصل : اهلين اخوي
سعود خقّ"يعني ماع " يوم سمع المتصل لفّ على تركي وقال : بنت
طارت عيون تركي
المهم
سعود : هلا أختي من تبين جواله
تركي وهو يناظره خبل انت وش من تبين جواله البنت داقه لك >>الولد رايح فيها بس تراه أخلاق كان يمزح
البنت : عفوا مو جوال سعود بن يوسف
سعود : وصلتي من معي
البنت : معقوله ما عرفتني
سعود : نعم 00وش قالوا لك
البنت : لا تعصب انا سديم بنت عمك
سعود : هلا ولله معليش بس روعتيني قلت من ذا اللي ماتستحي قاعدة تسولف معي
تركي في هاللحظه طارت عيونه " ياربيه من يكلم "
سديم وهي تضحك " فسخت الحياء مره وحده " : الله يسامحك الحين انا ما استحي ولله ما عرفت لك تهاوشني اذا ماسلمت عليك واذا سلمت بعد وش تبي اموت ههه
سعود يوم سمع هالضكحه خقّ زود على خقته الاولى : بسم الله عليك
المهم كل الطرفين سكتوا بعد هالحوار العابر المهم
سعود : هلا بغيتي شيء
سديم : لا بس فيصل قال لي على الموضوع وانا احتريكم "انتظركم "اذا وصلت دق علي هذا جوالي
سعود : انا واصل من نص ساعه
سديم :يؤيؤيؤيؤيؤيؤيؤيؤ ليه مادقيت يوم وصلت
سعود : خفت ان فيصل ما قال لك
سديم : خلاص انا عند الباب تامر على شيء
سعود : سلامتك
وسكروا
تركي اللي انهبل من يوم سمع المكالمة وانهبل زود يوم درى انها سديم
سكت ماحب يحرج سعود
نزل سعود مع الولد اللي كان نايم وراح عند الباب فتحت له سديم علشان يدخل
دخل الرجال انشالله وسديم كانت متغطيه ومد لها الولد وطبعا ما تسلم هالحركه من لمس الايادي >>فاهمين هيّء هيّء هيّء ضحكه جديدة
المهم مابي أطول عليكم سعود قال ميد سديم اذا بغت شي تدق عليه ورجع عند تركي
في السياره
تركي :تصدق ياسعود
سعود : ايه وش اصدق
تركي : عرفت ليه انا ماانفع أكون أبو صالح
سعود : دريت لأنك أبو فارس ههه ثنين ثنين " كلمه مشفره يعني خفيت بك مرتين "
تركي : لا الله يخلف على أبو جابك
سعود : لا اجل سمعنا ياشيخ ليش انت ابوفاسد
تركي : لان مدة صلاحيتي انتهت ههه ثلاثة ثنين
سعود : الله من خف الدم بس
تركي : لا صدق اسمع انا عرفت ليه
سعود : اخلص علي
تركي : يكفي لانك انت وسديم ورائد عائله صالحه ههه أربعه ثنين
سعود عطى تركي نظره اكل جبن بعدها ولا تكلموا بعدها الى ان وصلوا بيت تركي
تركي : سعود زعلت ترى كنت امزح
سعود :0000000000000000000@@ ولاكنه هنا
تركي : ياخي خلاص ما صارمزح
سعود : انت نادم
تركي :أيه
سعود :ههههههههههه اربعه ثلاثة
تركي : ايه ولله رايق وفايق مع السلامه بس
نزل وراح لبيتهم ودق يسأل ريما عن أخر الاخبار
تركي : هاه مامن جديد
ريما: وش قالوا لك اني سي ان ان على غفله ايه ولله توني اليوم معطيتك التقارير
تركي : يعني ما دقت سديم عليك
ريما : وليش تدق وش صار
تركي : اسمعي وش صار ياحلوه000000ق/س
ريما : احلف الحين كل ذا صار ولا قالت لي اوريك فيها
تركي : يمكن ماامداها تصرف الولد وتطلع نصبه
ريما : اسمع معي خط شكله سديم
تركي : لا تقولين لها انك عارفه
ريما : ليه وش قالوا لك غبية يالله باي
المهم سديم طلعت هي اللي متصله وطبعا قالت السالفه كلها لريما وبعدين راد الحوار التالي بعد السلفه ماانتهت
ريما : الله يافيصل كل هذا يطلع منك
سديم : وش طلع منه
ريما : عنده ولد ولا طلع منه شيء
سديم : انتي ما تدرين وش ظروفه وبعدين ماقال لي انه ولده
ريما : الا تكفين وش قلتي ميد اهلك عن الولد
سديم : قلت انه ولد صديقتي وامها في العنايه وانا تبرعت وخذته
ريما : وصدقوك
سديم : ايه بس بيوهقني فيصل اذا قال لهم الصدق
ريما : خليٍّنا منه بس ونشوف سالفه سعيدان
سديم : هيه وش سواك الولد علشان تنادي له سعيدان
ريما : الله وش هالحب
سديم : وش حبه بس احب الناس تعاملني مثل ما اعاملها
ريما : ايه الله يسعد سعيد بسعيده
سديم : الله يشفيك بس يالله بااي
ريما : وين
سديم : وش مامليتي
ريما :لا وش رايك ندخل النت شوي بكره جمعه وما ورانا شغل
سديم : لا الله يعافيك ماني رايقه وبعدين ورانا امتحانات الاسبوع الجاي
ريما : الله يخليك روقينا بلا هم قلتي الاسبوع الجاي
سديم : اقول تقلعي بس
ريما : شكرا لو اني احد ثاني ما قلتي تقلعي
سديم وهي تضحك : لا من يعني احد ثاني
ريما وبتعمّد : مثلا الشامخ والا سعود
سديم : الشامخ يمكن مااسوي له بس وينه طيرته وسعود اصلا مايجي ربعك وتبيني ما افشله ،افشله وانا اضحك بعد
ريما : لنا الله انا وسعود وافلقيني ان كانك بتفشلينه بااي
سديم : ولله انك خبله بااي
وبعد مرور الأيام رجع فيصل وأبوه لكن خايبين الرجاء المهم انقطع سعود عن سديم وسديم عنه لان ماله داعي يتصل
وخلص الفصل الأول على خير الكل نجح سديم جابت 98.77 وريما 94 ورهف 96.22 وساره99.80ومي نجحت لكن 3 مواد مقبول أيه مسيكينه اولى ثانوي صعبه
وطبعا تسألون وش صار على الولد
فيصل سولف على اهله سالفته يوم راح لروما وكيف انه مالقى احد يعطيه وجهه الا ان ظهر رجال سعودي ماخذ وحده من روما المهم عرض عليه انه يشاركه هو بالفلوس وفيصل بالشغل المهم كبرت ثروتهم وبيوم ماحسب له حساب صارللرجال حادث وتوفى وزوجته فيه وخذ فيصل عهد على نفسه انه مايظلم هاليتيم ويربيه ولا ياكل حقه من فلوس ابوه وطبعا الكل ايده بهالشيء اللي سواه واول من فرح يوم درى بالسالفه ريما اللي حست ان فيصل كبر بعينها لكن للأسف فيصل محى كل شيء تجاه ريما ولا حتى يذكرها كان كل فكره على رائد
اتمنى اني أكون مالخبطت القصه عليكم وتكونون فاهمينها
المهم سوى فيصل عزيمة كبيره للناجحين لكن للاسف 000"مابي احرق عليكم القصه شوفوا وش صار"
الاهل قالطين "اتحدى احد مايعرفها بتوطى في بطنه "على االعشاء طاح عليهم فهد
نقله فيصل ولحقوا الباقي في سياره يوسف وسعود
المهم طلع الدكتور
الدكتور : فين اهله
فيصل :أنا ليه فيه شيء يادكتور
الدكتور : البقيه بحياتكم
ولكم ان تتخيلون وش صار في المستشفى من مناحه وصياح
سعود حضن000 "يمه منكم خلوني أكمل ليش تفكيركم كذا " أيه حضن فيصل
المهم يوسف شاف حالتهم وتذكر اخوه خالد يوم يموت ومن بعدها زوجته وثم لحقهم فهد والكل فبل وفاته يوصي اسمعوا الوصايا
خالد"يايوسف سديم امانه في رقبتك انت وفهد حافظوا عليها واذا كبرت زوجها سعود ولا يظلمها مهما كان ذي بنت عمه ومالها الا الله ثم هو من بعدك انت وفهد "
زوجته " يوسف سامحني وخل سديم تسامحني انا ظلمتها كثير لا تظلمها انت بعد وتغصبها على شيء ما تبيه تكفى ريحني في قبري ولا تزعل سعود يايوسف "
فهد " اظن اني قايله وصيته قبل ماله داعي اطولها وهي قصيره "
************************************************** **********************
يوسف دارت به الدنيا في هاللحظه بس قرر ان بيزوج سديم لسعود في العطله يبي يريح اخوانه وقرر قرار الكل بينصدم فيه واولهم سعود ماراح اقولكم الحين ترقبوه في الاجزاء القادمه باذن الواحد القهار
وقبل ماانهي هالجزء واتمنى ان كلامي ما يكون ثقل عليكم بس لازم اقوله
الكل يسوي ذنوب لكن تختلف في مدى عظمها لكن انا متاكده ان في كل واحد اشياء تتغلب على الذنوب فحاسبوا انفسكم قبل ان تحاسبوا يوم القيامه وتذكروا اننا كلنا ملاقون الله وقبل ذلك يوجد الموت وملك الموت فادعو الله ان يحسن خاتمتنا واهلنا ويرحمنا وكل واحد يبداء بنفسه ولكم جزيل الشكر
طبعا بعد وفاه فهد خيم الحزن على العايله كلها وأولهم فيصل اللي كان يحس بتأنيب الضمير لانه تركه اهله وراح ولا سال فيهم الكل كان يقنعه لكن مافيه فايدة
الدراسة باقي لها يومين وتبدأ وفهد ماكمل أسبوعين ميت لكن حصه أظهرت شجاعة وقوه صبر ماكام احد يتوقعها
حصه تنادي عيالها ولما اجتمعوا
حصه : بعد يومين الدراسة وما شفت احد راح يجيب أغراض الفصل الثاني
طبعا الكل ساكت ماردوا بأي كلمه
حصه : أظن اني أكلمكم ماكلم جدار
ساره : يمه وش تبينا نسوي خلاص ماراح أكمل الفصل الثاني هالسنه اللي كنت ادرس علشان أفرحه راح
ودقتها صيحة وراحت أمها وحضنتها " خمتها "أو"عانقتها "أو "ضمتها " اختاروا اللي تبون ماني رايقه لطول النقاش هع
J Jمايمديكم على الشخصيه
حصه : لا ياساره لا تقولين هالكلام لو أبوك عايش ما رضى باللي تسوينه
ساره وهي تشاهق : بس لمن ادرس الحين هو اللي كان يشجعني
حصه : ايه ياساره علشان كذا كملي علشان يفخر بك وهو في قبره ويكون مرتاح لازم تحققين حلمه ياساره
ساره : خلاص بحاول
حصه : لا اوعديني أبي أحس اني نفذت وصيت أبوك الله يرحمه
ساره : ان شاء الله
حصه : مابي أعيد كلامي لك ياسديم ومي ومازن
الكل : انشاءلله
00000000000000
ياربيه وش فيني ليش أنا ضايع يالله أبي احد يحس فيني معقولة ماقدر أنساك ياعبير آآآآآه لالا مو معقول أصلا أنا ماعدت أطيق اسمع اسمها بس وش فيني ليه أنا كذا
وفي لحظه سكون ماطولت
رن جواله
تركي : هلا وينك ياخي شغلت بالنا عليك
سعود : آآآآآآآآآآآآه ياتركي
تركي : عسى ماشر وش فيك
سعود : مدري ياخي احس بضيقه فظيعه
تركي : ليه وش صاير
سعود : أمس يوم دخلت النت من لقيت
تركي : من
سعود : عبير
تركي : وش تبي عسى ما عطيتها وجهه
سعود : اصبر ياخي ليه ملحوق طلبت مني اني أسامحها وإنها كانت غلطانة معي وندمانه على اللي سوته فيني
تركي : وان شاء الله صدقتها
سعود : لا ماصدقتها بس
تركي : يرحم امك لا تقول انك بتسامحها
سعود : أنا ماقلت كذا بس البنت اعترفت أنها غلطانة وأنها اكتشفت أنها تحبني
تركي : الله وش هالاكتشاف العظيم اللي اخذ معها 3 سنين وتجريح كل ما شافتك في منتدي والا الماسنجر 00سعود لا تكون غبي وترجع المياه لمجاريها تلقها ما لقت احد تلعب عليه رجعت لك
سعود:تركي لا تقول هالكلام عنها يمكن انها صادقه
تركي : ياخي لا تذبحني المؤمن لا يلدغ من حجر مرتين وانا نصحتك وسو اللي تبي انا بتركك الحين وش وش بتسوي وفكر بعقلك ولا تفكر بقلبك وانا متاكد انك ماحبيتها من قلبك والا كان ماترددت واقولك هي ماتستاهل الحب باي
سعود : باي
سعود "يالله ياتركي زدت حيرتي من اكلم الحين من اشكيله انت الوحيد اللي يسمعني "
وفتح النت ودخل المنتدي اللي يكتب فيه طبعا ما لقى احد كثير لان الوقت كان العصر راح كتب موضوع ونزله طبعا كان موضوع عبير
وقبل ما يطلع لفت انتباهه خاطره نازله فتحها بقراها وطبعا اللي كاتبها ملاك الحزن ومملكه الحنيه
" قد يصيبنا جرح لا يمكن مداواته من غالي على قلوبنا 00 وقد يكون الجرح مميت 00لكن 00 هل بامكاننا ان نسامح وإعادت المياه إلى
مجاريها 00
انا لا اعلم اذا كان بمقدور أحدكم مسامحت من أخطاء بحق وجرّعه الحزن والمآسي
لكن اليوم عرفت أنني كنت كذب على نفسي عندما قلت له مسبقا اني قد سامحته 00 فلا ادري لماذا ينتابني شعور غريب تجاهه أحيانا أود ان انتقم لنفسي وأحيانا أخرى استحقر نفسي لما كنت افكر به فذلك والدي الذي رباني ورعاني لكنه لم يحافظ علي كما وعد
لكن اليوم 00اليوم فقط بدأت أسامحه بداء قلبي يحن له بعدما مر بي شريط من الذكريات كان يعاني من المرض الذي قضى عليه وهو مازال يوصي بي من حوله ذهب عمي ووالدي اليوم رحمة الله عليه واوسع له في قبره واسكنه فسيح جناته "
سعود "يالله هالبنت مو طبيعيه بس في سؤال يقرقص بقلبي عمها مدري أبوها وش مسوي لها بس ياقوي وجهي اسألها وهي قالت لا تكلمني ايه ما علي منها برد على موضوعها وبقول لها تشوف تطورات قصتي وتعطيني حل"
وطبعا سوى اللي في رأسه رد على موضوعها وأرسل لها رساله خاصة
" ملاك الحزن أنا أسف ان كنت ما احترمت رايك وكلمتك بس الصراحة الكلام اللي منزلته في المنتدى روعه واحس انك عايشه معي نفس اللي يصير لي يصير لك وأتمنى انك تقرين موضوعي وتعطيني حل قبل لا يفوت الفوت واتمنى انك ما تفهميني غلط ونكون أخوان أخوان وبس ان كان ودك "
طبعا رسل الرسالة وجلس يحتريها تدخل بس ما لقى لها اثر في الموجودين قرر انه يطلع من المنتدى ويفتح الماسنجر
وطبعا في هذه الاثناء عبير كانت موجوده ومسكت فيه
عبير : هلا حياتي وينك اليوم
سعود: اهلين بغيتي شيء
عبير: وشفيك حبيّ عسى ماشر
سعود : أظن اللي بينا انتهاء
عبير

يو ليش ما في ردود ولا تفاعل؟؟؟؟؟؟؟؟؟
شكلي خلاص بانهي الموضوع ولا راح أكمل لاجزء تاسع ولاعاشر.......><

لاحبيبتي الروايه مره روعه وحماس بليز كمليها كلها لاني راح اسافر وما اقدر افتح النت

أوكيه حبيبتي اليوم قدرت أفتح النت لأني جبت الاب توب وراح أنزل التكملة اليوم

مساء/صباح الورد جميعاً ,,,,,,,,,,,,,,,,
أعود إليكم مع الجزء التكملة وأرجوا أن تحوز على رضاكم وأعيد للمرة المليون منقول,,,,,,,,,,,,,,,
الجزء التاسع جاكم وخروا عن طريقه
وبعد التردد اتصلت على الرقم 0504000000
ساره : الوو
احمد وهو يشوف الرقم اقول ذي وش تبي واذا قلت لها شيء بتقول انت مغازلجي خلني ارد واشوف وش تبي
(طبعا عرفتوا انه يقصد الرقم اللي اتصل عليه في الجزء السابق)
احمد : وبعدين قولي ما أتصلت خلاص
ساره : عفوا وش قلت
احمد : اللي سمعتيه اختي
ساره : هذا مو جوال احمد ال0000
احمد وبستغراب : وين تعرفين اسمي معه
ساره : ما عرفتني
احمد : لا ولله ما حصل الشرف وبعدين ليش تتصلين والا شفتي الرقم في الصادر وعرفتي انك متصله هاه عرفتي من المغازلجي الحين
سارة تذكرت كل اللي صار معها وحست بغباءها وعرفت انها هي وسديم اتصلوا على احمد يوم ما لقوه في السوق
ساره : احمد انا اسفه نسيت اني متصله عليك وماكنت مخزنه رقمك توني اخذته من سديم
احمد مو عارف وش يقول : من انتي
ساره : معقوله ما عرفتني
احمد : ساره
ساره : أيه ساره
بعد فترة صمت
احمد : انا اسف
ساره : على ايش انا اللي مفروض اتاسف
سكتوا للمره الثانيه على التوالي وفجاءة كل الاثنين ضحكوا على غباءهم
احمد : ولله اني غبي مفروض اعرف انه رقمك
ساره : شلون بتعرفه
احمد : اعرفه وبس
ساره : ايه وشلون
احمد : خاف تزعلين وتسكرين في وجهي وما تكلميني
ساره : لا قول ماراح ازعل
احمد : بقلبي
ساره : الحين انت غبي
احمد: افاوليه
ساره : ما اسرع نسيت
احمد : وش انسى
ساره : مو انت خليت قلبك امانه عندي
احمد والارض مو سايعته من الفرحه : تكلمين من جد سارونه
ساره : اشوفك صرت تمون علي ّ سارونه
احمد : اه
ساره : سلامتك من الاه وش فيك
احمد : لو انك قايله هالكلام قبل بوقت
ساره : وليه
احمد : ما اقدر اقول لك لما اتاكد من شعورك تجاهي وما انصدم
ساره سكتت وما تدري وش ترد عليك بس شغلت له
الاماكن كلها مشتاقه لك
احمد سمع الاغنيه وبعد ما انتهت
احمد : سارونه حياتي اكلمك اذا وصلت بالسلامه باي
ساره ومو مصدقه اللي صار لها وفي مكان ثاني رجعت ريما ومسكت التلفون تقول الاخبار لتركي
تركي : لالا كل هذا صار ولله وبداء يحلى اللعب
ريما : تركي خلاص
تركي : وش خلاصه
ريما : مو لازم نكمل اللعبه اذا كان الله كاتب لهم انهم بياخذون بعض فهم بياخذون بعض ما له داعي كل اللي نسويه
تركي : وش فيك قلبتي
ريما : مدري خاف ننكشف وتتعلق سديم اكثربسعود وسعود ما يبيها وتنجرح من اقرب الناس وتزعل علي
تركي : لا تخافين انا ماراح اسوي شيء غير اني انشر كتاباتها وغير كذا ما راح اسوي وهم بيتعلقون في بعض بدون ما نسوي شيء بس راح نكون الجسر اللي بيوصلهم لبض
دخلت سديم وشافت ساره سرحانه مع الاماكن كلها مشتاقه لك ومندمجه معها ما حبت انها تخرب عليها
راحت لغرفتها فتحت جوالها شافت رساله من ريما فيها ايميل تركي
بعد ما قرت الرساله وراحت جهه الكمبيوتر تبي تفتحه دخل فيصل
فيصل :سديم فاضيه ابغى اكلمك في موضوع
سديم : ايه فاضيه واذا ما فضيت لك من افضى له
فيصل : انا مقصر معكم
سديم : وش تقول
فيصل : اظنك سمعتي ايه والا لا
سديم : حشا ولله ما قصرت معنا حتى رائد وهو رائد ما قصرت معه
فيصل وتنهد من قلبه
سديم : وش فيك يا خوي امي والا احد من اخواني والا رائد فيه شيء
فيصل : لا ما فيهم شيء
سديم : طيب وش فيك
في هاللحظه يرن جوال سديم
فيصل : ردي على جوالك
سديم : عادي هذي ريما وان رديت ما راح تسكر
فيصل ضحك ثم اختفت ضحكته بعد ما تذكر ريما ووشلون بيواجها بحقيقته
سديم : وش فيك تغيرت ملامح وجهك
فيصل : مافيني شيء ردي عليها ويصير خير
سديم ردت على ريما
ريما : هلا سدوم
سديم : اهلين
ريما : وش فيك
سديم : ما فيني شيء
ريما : اقول تقلعي باين من صوتك ان فيك شيء
سديم : لا ما فيني شيء بس فيصل عندي
ريما : طيب اكلمك بعدين
سديم : لا عادي قولي اللي تبينه
ريما : لا خليك مع اخوك بعدين اكلمك
سديم : خلاص اذا خلصت دقيت عليك
ريما k باي
وقفلوا وفيصل كان سرحان بخياله وتذكر كل اللحظات اللي جمعته بريما
سديم بعد ما قفلت انتبهت لسرحان فيصل ماحبت تقطع عليه بس يوم طول
سديم : يالحبيب وين وصلت
فيصل بعد ما صحى من سرحانه : لا معك
سديم : ايه واضح معي من يوم كلمت ريما وانت ولانت هنا
فيصل عرف ان اخته كاشفته: لا بس افكر في حالي
سديم : وش فيه حالك ازين منه مافيه
فيصل : ايه بلاك ما تعرفين
سديم : وش فيك
فيصل : لا هذي سالفه ثانيه ما بعد جاء وقتها
سديم : افا ولله ياخوي تخبيء عني
فيصل : انا ما ابغى اطيح من عينك
سديم : فيصل صارحني على الاقل علشان ارتاح
فيصل : خلينا من هالموضوع انا جايك في موضوع اهم
سديم : يالله انا اسمعك
فيصل : عمي يبي امي
سديم وما فهمت شيء: عمي يبي امي ما فهمت شلون
فيصل : يبي يتزوجها
سديم والدهشه وا ضحه على وجهها: وامي وش رايها
فيصل : مدري ما سالتها
سديم : وانت وش رايك
فيصل : مدري احس اني مو كفو المسؤليه والا ليه عمي يبي يتزوج امي
سديم: لا ما اتوقع هذا قصده
فيصل : يالله مدري وش اسوي عمي قال اذا رفضت ماراح يتقدم لأمي
سديم: بصراحه انت موافق
فيصل : مدري بس ما اقدر اشوف رجال غريب بينا
سديم : من قال ان عمي يوسف غريب
فيصل : مو قصدي كذا
سديم : انا فاهمه بس افضل انك تسأل امي هي صاحبه القرار
فيصل : طيب وش اقول لعمي
سديم : قل ان القرار مو قرارك قرار امك اذا انتهت العده يسألها
فيصل : مشكوره ياسديم ما قصرتي بس ما ابي احد من اخواني يعرف بالموضوع الحين
سديم : على ايش تشكرني ما سويت شيء ولا توصي حريص انا ما راح اقول شيء
فيصل : اجل دقي على ريما انا خلصت
سديم : بعد ما خلصت باقي الموضوع الثاني
فيصل : سديم اعذريني ما عندي الشجاعه اقوله لك الحين
سديم : بخليك على راحتك بس اذا احتجتلي انا موجوده
فيصل قام من مكانه وراح عند سديم وباس راسها : الله لا يحرمني منك
سديم : ولا منك يالغالي
عند هالحد وقف الحوار بين سديم وفيصل
طلع فيصل من الغرفه وسديم اتصلت على ريما
ريما : هلا ولله
سديم : هلا فيك
ريما : وينك ساعه استناك على الماسنجر
سديم : ومن قال لك اني بدخل
ريما : قلبي
سديم : ههه لا من جد وش دراك اني بدخل
ريما : لاني ارسلت لك الايميل
سديم : ايه يوم بغيت افتحه دخل فيصل
ريما : طيب افتحيه الحين
سديم حست بشيء غريب من ريما اول مره تتكلم عن فيصل وريما ما اهتمت حتى ما سالت عن اللي يبيه فيصل منها"اقصد سديم "
سديم : طيب ما سالتيني عن فيصل
ريما : وليه اسأل عن شيء ما يهمني
ريما كانت منقهره من فيصل واللي يسويه واللي قاهرها ان سديم كل يوم تقول ان فيصل يموت برائد وماراح يتزوج الى ان يلقى لرائد وحده تحبه وترعاة بس ريما هالخبله ما كانت تدري ان سديم تلمح ان فيصل يبيها واللي زاد ان رائد يموت عليها
بس سديم انصدمت من كلام ريما وهي تعرف ان ريما تموت في فيصل
سديم : خلاص طيب بفتح النت الحين
ريما : خلاص استناك
سديم سكرت منها ودخلت النت
اول شيء سوته اضافت تركي كان اسمه البرنس
وطبعا جلست دردش مع ريما الى الساعه 7 ريما طلعت وسديم دخلت المنتدى
طبعا من ضمن اللي كان داخل المنتدى الشامخ
ملاك الحزن : مراحب
الشامخ : هلا ولله
ملاك الحزن : وين هديتي
الشامخ : أي هديه
ملاك الحزن: مو قلت تبيني من العشر الاوائل
الشامخ : يوه تونا على الهديه اليول اول يوم دوام
ملاك الحزن : ايه لازم تحمسني شوي
الشامخ : اللي تامرين عليه
ملاك الحزن : اللي امر عليه
الشامخ : ايه
ملاك الحزن : خلاص تحمل ما يجيك بكتب طلباتي وارسلها لك
الشامخ : حاضر كم لي من ملاك وحده
ملاك الحزن : تسلم تامرني شيء قبل لا اطلع
الشامخ : وين توك داخله
ملاك الحزن : لا من زمان
الشامخ :انا هنا من 5 العصر ما شفتك
ملاك الحزن : لا كنت على الماسنجر
الشامخ: أها اجل وين الدراسه
ملاك الحزن : ولله ما كنت مروقه اليوم
الشامخ : ليه وش فيك
ملاك الحزن : خالي سافر اليوم
الشامخ : يرجع بالسلامه
ملاك الحزن : الله يسلمك تبي شيء قبل اطلع
الشامخ: سلامتك بس شدي حيلك في الدراسه
ملاك الحزن :الله يسلمك باي
وعند هالحد وقفوا سوالفهم وطلعت سديم من النت
جوالها يرن
سديم : هلا ولله باغلا البشر
احمد : هلا ولله
سديم : بشرني وصلت
احمد : توني في دبي
سديم : يوه توك هناك
احمد : ايه الطياره صار فيها عطل ووقفوا يصلحونه
سديم : توصل بالسلامه انشالله
احمد : الله يسلمك
سديم : خالي
احمد : لبيه
سديم : اتصلت على ساره
احمد : لا بغيت اتصل بس خفت
سديم : خلاص بروح اقول لها انك في مطار دبي
احمد : خلاص سلميني عليها مع السلامه
سديم راحت لساره وقالت لهاان احمد وصل لدبي الفرحه بانت على ساره
ساره راحت لغرفتها وارسلت له رساله
" الشوق يذبحني 00وعيوني فاضحتني 00يقولون ولهان 00اقول ميت من الوله "
احمد فتح الرسالة وانصدم يوم شاف هالكلام من ساره ارسل لها
فتحت ساره الرسالة وبداء ماجد المهندس
ولله واحشني موت
خاف بعدك اموت
قلبي لو من حديد
يذوب وانت بعيد
ساره ما قاومت أنها ترد له
"بسم الله عليك "
احمد فرح بردها بس ما قدر يرد لانه ركب الطياره
المهم بعد فتره من الزمن سديم صارت تنشر في مجله عمها يوسف وبمساعده تركي
وزادت علاقه ساره مع احمد والرسايل كانت كفيله انا تبين مدى شوقهم لبعض >>ولله مختزيه امها مابعد خلصت من العده وهي حب وحبيب
وايضا
زادت علاقه مملكه الاحزان بالشامخ والشامخ كان كل يوم يزيد تعلقه بها بعكس مملكه الاحزان اللي كانت تنظر له كاخ عزيز لانها ما تقدر تتجاوز هالحد وهي عارفه ظروفها
تركي وما ادراك تركي وش صار له ماراح اقولكم بتفهمون اثناء القصه
وريما وفيصل ظل حالهم على وضعه وفيصل كل يوم يبغى يقول لريما حقيقته اللي كان يتوقع انا ترد حبه بسبت هالشيء وسديم مافاتحت ريما في سبب تغيرها على اخوها
وطبعا يوسف ينتظر حصه الى ان تنتهي من العده علشلن يخطبها بعد ما قال له فيصل ان امه هي صاحبه القرار الاخير والى الحين ما قال لسعود شيء
وسعود قل اهتمامه بالمجله وشركه ابوه والسبب الاول النت مع اسباب اخرى
رهف اللي انقطعت اخبارها عنكم بتتزوج من ولد عمتها بعد ما تخلص من الثانوي >>ولله مالقاها الا هي
بعد شهر
فتحت سديم الماسنجر بترسل لايميل تركي خاطره الاسبوع
تركي كان معسكر على النت ذاك اليوم فكان ضمن الموجودين على الماسنجر
تركي كان اسمه "الفارس الاشقر "
سديم : مراحب بفارسنا الاشقر
تركي : اهلين بمبدعتنا الانثى الجريحه
لحظه صمت
تركي : هاه مبدعتنا ما عندها شيء للقراء هالاسبوع
سديم : لا عندها للقراء ابداع بس خاف ما يعجبهم
تركي : افا فيه شيء تكتبينه وما يعجبهم
سديم : اجل شوف اخر ابداعي بس لا تحطمني
تركي : وانا اقدر تبين معجبينك يصفقوني
سديم : الله الله وانا لحقت يصير لي معجبين
تركي : يوه لك كثير شوفي الردود على موقع المجله يالله الحين وريني اخر ابداعك
سديم : تامر " يمر يوم وتليه ايام 00 والمسافه بيني وبينك تزيد اعوام 00 لا تسالني يا حبّي القديم كم بيننا من المسافات ؟00 فالمسافه التي بيني وبينك ليست يوم وشهر !!00 المسافه التي بيني وبينك سنين من الجروح والالام 00 كنت انت الفارس لها 00 كنت بطلها المغوار 00 كنت الذي يشق الطريق لتعذيبها بوسائل الحرمان 00 لا تنتظر عزيزي الغفران 00 فكما قلت لك الذي بيننا سنين من جروح والالام 00 فكيف بالله عليك تريد مني العفو والغفران ؟؟
أنت من اطال المسافات بيني وبينك 00فلا تنتظر مني تذكره العوده الى مطار قلبي 00 "
وش رايك ؟
تركي : بسم الله على الانامل اللي كتبته صراحه جنان
سديم : الله يسلمك هذا من ذوقك
صمت مره اخرى
تركي : سديم ممكن سؤال
سديم : تفضل
تركي : يمكن تقولين وش هاللملقوف بس لازم اسأل
سديم : لا عادي خذ راحتك حنا اخوان
تركي : انتي تحبين
فترة صمت بس ما طالت
سديم : ممكن اعرف ليه هالسؤال
تركي : مدري بس احس كل كتاباتك تدل انك تحبين وانك مجروحه من اللي تحبينه
سديم : انا الى الحين مابعد لقيت اللي يستاهل قلبي احطه اسير بين ايديه
تركي : انا اسف اذا تدخلت بشيء ما يخصني
سديم : لا عادي افا عليك
تركي :يالله اشوفك الاربعاء الجاي
سديم : بااي
تركي طلع من هنا سديم فتحت موقع المجله من هنا شافت اسماء اللي مشاركين والكتاب والمدراء وطبعا شافت الردود على كتاباتها من اول خاطره الى الخاطره الرابعه
المهم بعد ما ردت عليهم طلعت وراحت لمنتداها0000
طبعا كان شموخي يستنا ملوكتي
دخلت المنتدي وبعد الترحيب كالعاده سطحت هي والشامخ في شات المنتدي
مملكه الاحزان : مراحب
الشامخ : هلا ولله بالقاطعه
مملكه الحزان : حرام عليك متى قطعت
الشامخ : مدري عنك ميه وعشرين رساله خاصه ولا عبرتيني
مملكه الاحزان : حرام عليك ولله ما فضيت تعرف ثالث ثانوي
الشامخ : ايه خلاص عذرتك بس عندي سؤال
مملكه الاحزان : يالله وش سؤالك الله يعيني على كثر الاسئله
الشامخ : ايه من سألك قبلي
مملكه الاحزان : الفارس الشقر
الشامخ : خير ان شاء الله من الفارس الاشقر
مملكه الحزان : طيب بشويش على الكي بورد دخلت الحروف من العصبيه
الشامخ : اولا ما عصبت وليه اعصب ثانيا من هو اخلصي وين عرفته وين شفتيه اليوم
مملكه الاحزان : يمه بشويش علي كل هذا تبيني اجاوب عليه
الشامخ : ايه
مملكه الاحزان : بصفتك وشو
صمت عم النت وبالتحديد في الماسنجر وبالتحديد في غرفه الدردشه الخاصه وبالظبط عند الشامخ ومملكه الاحزان
الشامخ : خلاص مو لازم تجاوبين يالله باي
مملكه الاحزان : وشفيك زعلت كنت امزح
الشامخ : لا عادي انت صح وانا غلط من اكون علشان احقق معك
مملكه الاحزان : تكون اخوي والا نسيت
الشامخ : لا مو اخوك
مملكه الاحزان : افا ليه كل هذا علشاني مزحت شوي خلاص حقك على راسي
الشامخ : لا عادي ما زعلت
مملكه الاحزان : طيب الحين بقول لك من الفارس الاشقر هو رئيسي في المجله اللي اكتب فيها وانا شفته تو على الماسنجر اعطيه اخر خاطره علشان ينزلها في العدد الجديد
الشامخ : ماشاء الله ومعطيته الايميل
مملكه الاحزان : ولله علشان الشغل والا مو حب فيه
الشامخ : وبعدين ليه ما قلتي لي انك تنشرين في المجله ووش اسمها ومتي بديتي تنشرين
مملكه الاحزان : ماقلت لك لاني ما توقعت يهمك واسمها00000 وبديت انشر من شهر تقريبا
الشامخ سكت شوي ولا رد عليها من هول الصدمه معقوله تكون تنشر في مجله ابوه واللي تقصده بالفارس الاشقر هو تركي
مملكه الاحزان : هيه وين رحت لا يكون زعلت
الشامخ : لا ما زعلت بس لبوي يناديني بطلع اللحين وبدخل على 11 الليل بتدخلين
مملكه الاحزان : لا ما اتوقع ادخل بس اشوف الظروف
الشامخ : يالله سي يو >>مايمديكم على اللغات اللي معي خ
مملكه الحزان : سي يو تو
المهم
سعود طلع من النت من هنا راح يتصل على تركي من هنا
تركي : هلا ولله من طول الغيبات جاب الغنايم
سعود : هلا ولله وشاخر اخبارك
تركي : بخير وش اخبارك انت ماعاد نشوفك كله من هالنت
سعود: طيب انت فاضي اليوم
تركي : ليه وش عندك
سعود : مشتاق لك
تركي : ههه حلوه كثر لي منها ليه انت تعرف الشوق
سعود : حرام عليك وش قالوا عني ماعندي قلب
تركي : لا انت ابو القلوب كلها بس مو معنا مع الممالك
سعود :ههه وش قصدك
تركي : انت عارف وش قصدي كل يوم مقابل هالنت والشغل كله حاطه على راسي انت وابوك
سعود : خلاص فضحتنا ياشيخ وبعدين ما نعطيك نراتب الى علشان تشتغل
تركي :يلعن ام الذل ياشيخ تراني سعودي والسعودي بكيفه ههه>>وحده متاثره بشاعر المليون
سعود : وانا قايل انك سيلاني
تركي : لا حبيت اذكرك طيب الحين وين نلتقي
سعود : وين ما تحب
تركي : خلاص بمرك بعد ربع ساعه
سعودk
اوقف عند هالنقطه واكمل لكم الباقي الجزء العاشر ترقبوني
في الجزء العاشر تقرءون
سعود:معقوله تكون هي ملاك الحزن ليه ما قلت لي طيب من وقتها
تركي : وانا وش دراني عنك
فيصل : افهميني ما كانت اقصد اللي سويته ما كان في يدي كل الطرق اللي قدامي تسكرت
ريما : انت يافيصل قتلت كل شيء حلو كان بينا
ملاك الحزن : هذي قصتي يالشامخ
ياترى بيعرف سعود ان سديم هي نفسها مملكه الاحزان؟؟؟؟؟؟ والا ايش؟؟؟؟؟ وفيصل كيف جته الجراه يكلم ريما ووش اللي فيه خلا ريما ترفضه؟؟؟؟؟؟؟؟؟؟؟؟؟؟؟؟؟
ههه ولله مايمديكم صار كنه فلم سينمائ
بس تدرون لازم أدلعكم شوي راح أنزل البارت العاشر اليوم

شفتوا كيف أنا أعزكم إنتم غالين على قلبي لذلك نزلت البارت العاشر بس ماراح أجيب الحادي عشر إلا بردود أوكيه؟؟؟؟؟؟؟؟؟؟؟؟؟؟؟؟؟؟؟؟؟؟؟
لأني أحس كأني قاعده أحكي القصة لنفسي ما في تفاعل ولا ردود حرام عطوني
وجه ونقد لو ماعجبتكم
في الكوفي شوب
تركي : هلا والله بابو يوسف
سعود : اهلين
تركي : ولله لك وحشه وينك
سعود : انا فيه انت اللي سحبت علي
تركي : وش اسوي لك انت اللي ما ترضى تطلع مع الشباب كل ما قلت لك بروح تقول عندي شغل
سعود : مشكلتكم انكم ماتطلعون الا الاربعا او الخميس
تركي : اجل ياعم الشيوخ متى تبينا نطلع هذي ايام العطل
سعود : انت عارف انت المنتدى اللي اشارك فيه مايدخل احد فيه الا الاربعا والخميس
تركي وبمكر : لا تقول مايدخل احد فيه قل ملاك الحزن هاللي ماخذه عقلك
سعود : ايه ماخذه عقلي وعقلك يالفارس الاشقر
تركي حس ان سعود عرف ان سديم وبالاصح مملكه الاحزان تكتب في المجله عندة
تركي : وليش تاخذ عقلي انا ما عرفها
سعود : ياحبيبي وش ما تعرفها وانت اليوم على الماسنجر معها
تركي : وضح وش تقصد
سعود : اقصد ان مملكه الاحزان تكتب في المجله عندكم
تركي : بس ما عندنا احد بالاسم هذا
سعود : انا داري هي مغير اسمها
تركي : انت تقصد الانثى الجريحه
سعود:معقوله تكون هي ملاك الحزن ليه ما قلت لي طيب من وقتها
تركي : وانا وش دراني عنك
سعود : وش وش دراك أي واحد يكتب في المجله عندنا لازم اعرف من هو وش اسمه الحقيقي والا نسيت اني صاحب الشركه
تركي وهو مسوى نفسه زعلان : طيب يا صاحب الشركه أي اوامر ثانيه
سعود : تركي ما قلت هالكلام علشان تزعل
تركي : انا مازعلت
سعود : طيب وش تسمي هالتكشيره اللي على وجهك
تركي:انت قلتها تكشيره ما يحتاج اسميها
سعود:ياخي لا تحسسني بتعذيب الضمير
تركي : هاه هذي ابتسامه وش تبي اكثر
سعود : ابي اعرف من هي ومن بنته
تركي وهو يصرف : من تقصد
سعود : لا تصرف الانثى الجريحه
تركي : مدري
سعود : الحين تنشرلوحده ما عندك معلومات عنها
تركي : انت وش تبي بها
سعود : ابيها انت وش تبي
تركي : اسف ما اقدر اعطيك أي شيء عنها
سعود : وليه
تركي :لان ببساطه انا ما اعرف عنها شيء
سعود : طيب شلون تعرفت عليها
تركي : الحين جايبني مشتاق لي والا تحقق معي
سعود : كل الاثنين بس لا تصرف الموضوع
تركي : بصراحه هي صديقه اختي وهي قالتلي انها موهوبه وتحب تكتب
سعود : اها كذا الموضوع
تركي : ايه
سعود : طيب ابي ايميلها
تركي : وين اجيبه لك
سعود : هي قالت لي ان ايميلها معك
تركي : خلاص خذه منها
سعود : رفضت تعطينياه
تركي : خلاص اجل وشوله تاخذه
سعود : وجع ان شاء الله لازم اخذه مو هي تكتب عندي لازم انقد كتاباتها واوجهها
تركي : علي هالحركات الارعاء المهم اذا دخلت النت ارسلته لك على ايميك
سعود : يالله قم
تركي : وين بنروح
سعود : بوديك لبيتكم علشان ترسله لي
تركي : الله الله هالبنت وش مسويه لك كل هذي اخوه امحق
سعود : تبي الصراحه
تركي : وانا وش ابي غيرها
سعود: مدري احس اني اعرف هالبنت من زمان
تركي : لا تخوفني
سعود : ليه اخوفك
تركي : هذا نفس الكلام اللي قلته عن عبير
سعود : لالا هذي غير
تركي : دام الدعوه غير اجل الولد عشقان
سعود : لا مو عشق اصلا توها صغيره
تركي : الله وتعرف عمرها بعد
سعود : مو توك تقول انها صديقه اختك
تركي : اها السالفه كذا طيب يالله نمشي
سعود:يالله
طبعا الثنائي المرح وصلو لبيوتهم وارسل تركي ايميل سديم لسعود
سعود دخل المنتدي يبي يشوف ملاك الحن فيه بس للاسف طلعت سكر جهازه ونام
سديم كانت سهرانه مع ساره
ساره : سدومه وش اخبار خالك
سديم : ههه
سارة: اظن ما قلت شيء يضحك
سديم : لابس المفروض انا اسالك عنه
ساره : ليه هو خالي والا خالك
سديم: لا وانت الصادقه هو0000
ساره : كملي ليه سكتي
سديم : لا بس خالي كل يومين يكلمك غير الرسايل اللي كل ساعه وانا الله يخلف علي من يوم راح ما كلمني الا 7 مرات كل جمعه يتصل علي
ساره حمرت خدودها من كلام سديم اللي كله كان صدق >>قلت لكم البنت مختزيه بس ما صدقتوني
المهم في مكان
طلال : تقول ان البنت تحبك خلاص صارحها بالموضوع ما ضني بترفض
فيصل : بس البنت تغيرت ما عد هي مثل اول وخاف اصارحها تتركني وانا ما عد فيني حيل
طلال : ما راح ترفضك اذا كانت صادقه بمشاعرها
فيصل : بس ياطلال انا خنتها
طلال : روقنا ياشيخ وش خنتها ما خنتها
فيصل : انت عارف الوعد اللي كان بينا انا وريما قبل ما اسافر ومحد يدري عنه الا انا وهي وانت حتى اختي رفيقت عمرها ما اظن انها قالت لها
طلال : ياشيخ تلقاها نست هالوعد ترى هالكلام من اربع سنين
فيصل : انت ما فهمتي ياطلال انا قسمنا اننا ما نخون بعض وما نتكون الا لبعض
طلال : ياخي واحد قال لك تزوج عليها وبعدين افلقني ان كانها تذكر الوعد اللي بينكم كان لعب عيال والا نسي يوم تسافر كانت توها في متوسط يعني سن مراهقه
فيصل : طيب خلنا من الوعد الي كان بينا ورائد وش اقولها عنه
طلال : قل لها الحقيقه وريح عمرك
فيصل :شلون اقول اني اخلفت بوعدي ولا وعندي طفل
طلال : ماكان الموضوع في يدك والا نسيت العمليه اللي سويتهافي قلبك والشريان المسدود صدقني يافيصل ان كانها تحبك بتنسى اللي صار
فيصل : طيب تامر على شيء قبل ما اروح
طلال : تو الناس الساعه ما صارت 12
فيصل : بروح خاف امي تقلق علي
طلال : هذي ومادرت وش في قلبك تخاف عليك اجل لو تدري وش تسوي
فيصل : خلها على الله يالله مع السلامه
(انا عارفه انكم ما فهمتم ولا شيء مو ذنبي اذا كان استيعابكم ضعيف ههه بتفهمن اذا تعمقتم في القصه )
اليوم الخميس
العصر جت ام ريما وطبعا معها ام رهف وريما ورهف
حصه : ياهلا ولله بمن جانا
ام رهف : الله يحيك ويسلمك
ام ريما : وش اخباركم واخبار العيال
حصه : الحمد لله كلنا بخير وش اخباركم يارهف انت وش اخبار رجلك
رهف : اوه يا خالتي حصه توه ما صار رجلي
حصه : خلاص هو ملك عليك
ريما : مسكينه عجزت وهي صغيره من يصدق ان رهف الدلوعه تتزوج قبلنا
رهف : المحتر يقول اكثر
ريما : يالله وش احتر منه
رهف : اني تملك وانتي بعدك حتى ما انخطبتي
ريما: الحمد لله على العقل
سديم وهي تدخل بالقهوه عند الحريم : اصلا من بيلقى مثل ريما علشان يتزوجها
رهف : الحمد لله العوانس تكلموا
ساره : بس الله عليهم اصلا هم بياخذون امراء مومثلك على المعاش
رهف : الحمد لله حاطه عقلي بعقل مبزره
البنات : بشويش يالكبيره ههه
حصه : الله يقطع بليسكم
ام رهف : ايه ولله بنات هالزمن مايستحون>> الحرمه كنها بدت تغلط علينا والا وش رايكم ههه
ريما : ليه ما نستحي
ام ريما : انّا يوم عهدنا اذا طروا طاري العرس كل وحده فينا راحت لغرفتها ماتطلع منها اسبوع من الحياء
ريما : الله كل ذا حياء
ام رهف : اجل تحسبونا مثلكم
ساره : وش نسوي ياخالتي تحسبين الرجاجيل مثل اول صار الحين لازم انا اللي نطلع نختارهم بالمنقاش
ام ريما : صدقتي ولله مدري وش صار لهم هالعيال وانهبلوا نمشي بالشوارع اللي نشوف شعره الى كتوفه وملفلفه يالله اصلحه
واللي يمشي بالسوقه يتعرض بنات الناس واللي مدمن مخدرات الله يعافينا ويعافي عيالنا وعيال المسلمين
ام رهف : خلونا من هالموضوع الى ياحصه كم باقي لك وتطلعين من العده
حصه : بعد اسبوع من عطله البنات انا اخلص عده وهم يجيون النتيجه
ام ريما : ايه الايام تروح بسرعه
البنات : تبون شيء قبل ما نروح
حصه:الله حافظكم روحو
انطلقوا البنات الى غرفه سديم و ساره استاذنت من هم بعد ما رن جوالها وطبعا المتصل حب عمرها
سديم : خذي راحتك سارونه حبيبتي
ساره : باخذها غصب عنك
سديم : وجع ان شاء الله طيب انا اوريك بعدين
ريما : الى يسديم وش اخر كتاباتك
سديم : كل ما كتبت شيء عطيته تركي ما يورك شيء منها
ريما : الا بس يمكن فيه اشياء ما تحبين تنشرينها
سديم : وبدون ما تقولين لي شيء أي شيء اكتبه اول من يقراه انتي ماعندي اغلى منك
ريما : الله يسلمك حتى انا ولله ما احد يشاركك غلاك
سديم : اكيد
ريما : اكيد بس وش قصدك
سديم : ما قصدي شيء
رهف : اقول الله من التفاهه فيكم
ريما : الا ولله الغيره
رهف: ليه وش قالوا لكم انكم نوافي على غفله
ريما وهي تقلد رهف في طريقه كلامها : لا ياحبيبتي انا نكرم عنه
رهف : يالبى قلبه بس بروح اكلمه اشتقت له
ريما : ما مداك توك مكلمته من ساعه
رهف : يمه منك قولي ماشاء الله لا تصكيني بعين
ريما : اقول روحي كلمي نواف احسن لك
رهف : اصلا انا طالعه اكلمه ما شاورتك
بعد ما طلعت رهف وبقى سديم وريما لحالهم
ريما : الاياسديم وش اخر اخبارك مع الشامخ
سديم : عادي ما فيه شيء جديد
ريما : تحبينه
سديم : انت عارفه يارمو ان هالكلمه مو في قاموسي
ريما: اجل وش تسمين اللي بينكم
سديم : اخوه وصداقه
ريما : اها قلتيلي اخوه
سديم:إيه أخوان عندك شي
ريما:لا ماعندي شك بس هو شلون ينظر لك
سديم : انا مالي دخل فيه اهم شيء انا
ريما : طيب ما تخافين انك تجرحينه مثل حبيبته الاولى
سديم :انا قلت لك العلاقه اللي تجمعنا صداقه فقط
ريما : طيب لا تاكليني
سديم :ههه وش اكل فيك ياحسره عظامه قاعده
ريما : من زينك الحين ياللي ما تدخلين مع الباب تراك انحف مني
سديم : طيب الحين سوير ورهيف وين طسو
ريما : ولله ما لقاها الى هالثنتين طايحين حب وانا وانتي ياحسره قلوبنا
سديم : انا يمكن بس انتي غرقانه في الحب
ريما : وينه هاللي احبه
سديم : ريما بصراحه انتي تحبين فيصل
ريما نزلت راسها ثم صمت ساد المكان
سديم : ما جاوبتيني
الان رفعت ريما راسها وعيناها مغرورقتان بالدمع >>سوف لن يمديكم على اللغه ح"علشان حلقي مبحوح "
سديم : ريما وش فيك
ريما : ما فيني شيء
سديم : طيب ليه الدموع فيصل مسوي لك شيء
ريما : لا ما سوى لي شيء بس مليت
سديم : وش مليتي منه
ريما : مليت اني احب شخص ما يكن لي أي مشاعر ولا يبادلني ولو بشيء بسيط
سديم : انت غلطانه ياريما واحب اذكرك بالوعد اللي قطعتوه لبعض
ريما : انتي وش دراك هو قال لك
سديم : لا ما قال لي شيء بس انا سمعت اللي صار بينكم وحبيت انك تقولين لي بس بعد مرور السنين حسيت انك نسيتي فيصل بس بعد ما تكلمتي ذاك اليوم عنه حسيت انك صاينه حبه
ريما : بس هو ما صانه
سديم : من قال لك فيصل يحبك وهوحاس انك متغيره عليه
ريما : سديم ممكن تغيرين الموضوع
سديم : اللي يريحك
في الغرفه الثانيه
ساره : يالله باي
احمد : توني ما شبعت من صوتك
ساره : يوه خلاص طولت على البنات
احمد : خلاص انا زعلت
ساره : اجل خلاص مع السلامه
احمد : لها الدرجه مليتي مني
ساره : انا امل من عمري ولا امل منك بس انت شايف اللي نسويه صح
احمد : وانا وش سوينا
ساره : مدري احس اني اخون ثقه امي واخواني وانا اكلم شخص غريب
احمد : افا الحين انا غريب الله يسامحك
ساره : لا تزعل بس هذا الواقع
احمد : خلاص اذا كنتي متضايقه من مكالماتي ماراح اتصل
ساره : احمد لا تزعل مني ان كان لي غلا بقلبك
احمد : طيب تامرين بشيء قبل ما سكر
ساره : ابي شيئين
احمد : تدللي
ساره :اولا لا تزعل مني ثانيا سلامتك
احمد : الله يسلمك
وقفلوا
راحت ساره جلست مع البنات وبعدين راحوا عند الحريم
حصه : وين رهف اجل
ريما : تكلم حبيب القلب
حصه : عقبال ما تكلمونه انتم بعد
البنات :اآآآآآآآآآآآآآآآآآمين
ام ريما : الله اكبر عليكم ياللي ما تستحون تبون الفكه منا
ريما : لا يمه بس هذي سنه الحياة
ساره وسديم : عاش مصرّف
ريما : ما سمعتوا الشاعره اللي تقول
"ان لم تتقن التصريف فلن
تنجو من عواقب الامور "
سديم : وان شاء الله أي شاعره تقول هالكلام
ريما : افا ولله ما تعرفون الشاعره الكبيره والكاتيه القصصيه المشوقه الجولي
سديم : قولي الجولي وهل يخفى القمر صراحه البنت ابداع قريتوا قصتها الجديده ماساتي في سطور الماضي
ساره : لا صدق هي اللي كاتبه هالقصه صراحه البنت عندها موهبه ولا دمها خفيف "مداح نفسه صادق والا وش رايكم "
ريما : ليش وازنته
البنات :ههه
راحوا الحريم المغرب
ودخلت سديم المنتدى تدور الشامخ بس مالقته وطلعت من المنتدى ودخلت الماسنجر تسولف مع صديقاتها وجتها إضافه من شخص ماتعرفه
سديم:يو بنات في أحد مضيفني
نوره صديقتها:من هو؟؟
سديم: مدري ماأعرفه
نوره:طيب أقبلي
سديم:أقولك ماأعرفه تقولين أقبلي
نوره:اكيد اللي مضيفك يعرفك والا ليه يضيفك اقبلي وانتي تضحكين
سديم : طيب اذا طلع واحد ما اعرفه
نوره : احظريه
سديم : خلاص بقبل الاضافه بشوف وش يبي
نوره : طيب انا بطلع امي تناديني بدخل بعد شوي انتظريني
سديم : ok
وبعد فتره من الاضافه محد تكلم
الانثى الجريحه : ممكن اعرف من تكون
مداوي جرح الانثى : افا ما عرفتيني
الانثى الجريحه : للاسف ما حصل الشرف
مداوي جرح الانثى : النك تبعي وش يذكرك به
الانثى الجريحه : ما يذكرني بشيءاخلص علي وش تبي ومن وين جبت ايميلي
مداوي جرح الانثى : انا مابي شيء وجبت ايميلك من المجله
الانثى الجريحه : أي مجله
مداوي جرح الانثى : أي مجله المجله اللي تكتبين فيها
الانثى الجريحه : طيب شلون جبته محد يعرفه الا الفارس الاشقر
مداوي جرح الانثى :انا مدير التحرير وخذت منه الايميل علشان اناقش معك كتاباتك عندك مانع
الانثى الجريحه : واذا كان عندي مانع وش راح تسوي
مداوي جرح الانثى : ماراح اسوي شيء
الانثى الجريحه : انت وش قصدك بالنك نيم حقك
مداوي جرح الانثى : مو قصدي شيء بس انا احب اعالج جروح الاناث لان اغلب جروحهم انّا مسببينها
الانثى الجريحه : الحمد لله انك عارف هالشيء ومعترف فيه
مداوي جرح الانثى : طيب تامرين شيء ابي اطلع
الانثى الجريحه : سلامتك
وطلع بدون أي خسائر جسديه فقط ماليه خ
وبعد فتره
سديم : نوير وينك تاخرتي
نوره : وش اسوي امي تقول خطيبي بيجي يشوفني الحين وانا متورطه مدري وش البس >>والله ما لقاها الى هي بتتزوج من اول دور لها في القصه
سديم : يعني منتي داخله الماسنجر ثانيه
نوره : البنت فاضيه الحين الرجال بيجي يشوفني تقول منتي داخله
سديم : الله اكبر ادخلي عليه بجلابيه بيت وكثيره عليه
نوره : عز الله الرجال طار يالله بس تقلعي بروح
سديم : طيب يالشينه باي
سديم مالقت احد معها بالماسنجر فدخلت المنتدى وطبعا سطحت هي وسعود
الشامخ : هلا ولله وينك من ساعه وانا انتظرك
ملاك الحزن : اهلين بس من قال لك اني بدخل
الشامخ : احساسي
ملاك الحزن تصرف : وش فيك امس طلعت بدري
الشامخ : كانت وراي اشغال الاوش اخر كتاباتك معد شفت لك شيء بالمنتدى والى تكبرتي علينا بعد المجله
ملاك الحزن : حرام عليك انا دايم اكتب بالمنتدى واكتب الاشياء الي ممنوعه من النشر في المجله
الشامخ : وليه ممنوعه النشر في المجله
ملاك االحزن : لانها اشياء خاصه جدا واللي ينشر لي يعرف من اكون ولا ابيه يعرف شيء عن حياتي الخاصه
الشامخ : وليه
ملاك الحزن : الحين وش جايك على التحقيق
الشامخ : مو اخوك لازم اعرف كل شيء
ملاك الحزن : وما تبي تعرف بعد من اللي اضافني في الماسنجر
الشامخ : لا مابي اعرف
ملاك الحزن : غريبه وليه ماتبي تعرف
الشامخ : لاني انا اعرف من يكون وانتي ماتعرفين
ملاك الحزن : مافهمت وش تقصد
الشامخ : مداوي جرح الانثى
ملاك الحزن : يالله وين تعرفه معه
الشامخ : هذا انا
ملاك الحزن:00000@@00000
الشامخ : ملوكه وين رحتي
ملاك الحزن : الكلام اللي قلته في الماسنجر صدق
الشامخ : اني رئيس التحرير
ملاك الحزن : ايه
الشامخ : ايه
ملاك الحزن : طيب يالله باي
الشامخ : وين رايحه
ملاك الحزن : تبيني اجلس ابيك تجاوب بامانه تعرف من اكون او اسمي
الشامخ : لا واللي خلقني ما اعرف شيء عنك سوى انك الانثى الجريحه وملاك الحزن ومملكه الحنيه ليه هالسؤال
ملاك الحزن : بس حبيت اتطمن
الشامخ : تطمنين على ايش
ملاك الحزن : ولا على شيء
الشامخ : ممكن اعرف انتي وش تخبين علي
ملاك الحزن : يهمك تعرف
الشامخ : ايه
ملاك الحزن : اشياء كثير واهمها احزاني وجروحي
الشامخ : اذا ودك تقولين لي قولي انا ماراح اجبرك بس ابحاول اخفف عنك
ملاك الحزن : ليه
الشامخ : يمكن لاني احس اني مسؤؤل عنك مثل مانتي حاسه انك مسؤؤله عني
ملاك الحزن : معليش انا مو رايقه الحين بقولك بعدين
الشامخ : براحتك
ملاك الحزن : خلاص برسلها لايميلك يامداوي جرحي
الشامخ : ههه منتي هينه وش دراك اني اقصدك
ملاك الحزن : سر المهنه
وطلعت سديم من المنتدى وبدات تكتب
"لم اجد من يسمعني في صغري فهاانا اجد من يلقي لي بالا في كبري 00فانا منذ كنت طفله بدات الماسي تشق طريقها لي 00في ذلك الصباح ذهب لمدرستي فغتيلت فرحتي عند خروجي منها ابي وامي لم يحضرا كما وعداني لاصطحابي من مدرستي 00ومن ذلك اليوم لم ارهما فقد تركاني وحيد مع لعبي 00بعدما قتلت فرحت طفولتي اتاني من يقتل فرحه مراهقتي وصباي 00 خرجت ذلك اليوم متجهتا الى غرفتي فاذا به يتبعني ويدخل الغرفه الخاصه بي 00لم تشفع له صرخاتي ولا دموعي التي انهمرت على خدي فقط همه اشباع رغبته وهجم علي بوحشيه لم ينقذني منه سوى ولده الذي هو اخي بالرضاع 00فهل عرفت من صاحب دور البطوله في ماساتي الثانيه 00نعم انه الولي علي بعد والديّ انه والدي بالرضاع الذي هو بالاصل عمي الشقيق لوالدي 00ولم تقف ماساتي هنا بل امتدت وشقت طريقها فاخي هاجر ل4 سنوات ولم يعد الا وابيه طريح الفراش يصارع الموت 00 توفي والدي وانا وعدته بعدم بوح سرّه فهذا حقه علي 00لا لا تفرح الان وتقول بان الماسي توقفت عند ذلك الحد 00ففارس احلامي الذي انتظرته يمقتني ويكرهني وهو لا يعلم بسّري فاذا علم به فما ظنك بما يفعل00 والان انتظر من يقتل شبابي وبعد ذلك شيخوختي 00 "
ملاك الحزن : هذي قصتي يالشامخ
الشامخ هذي قصتي بكل ماسيها اتمنى انك ما تقولها لاحد واتمنى انها ما توصل للفارس الاشقر ان كان لي معزه عندك وانا عارفه بعد اللي عرفته عني نظرتك بتتغير لي بس اتمنى نظّل اخوان حتى لو ما ترد علي او تكلمني اهم شيء لا تصغرني ولا تحتقرني بشيء انا مالي ذنب فيه اختك الانثى الجريحه
وطارت الرساله الى ايميل سعود
في مكان ثاني
فيصل : ريما اسمعيني انا عارف اني غلطت
ريما:000000@@0000
فيصل : افهميني ما كانت اقصد اللي سويته ما كان في يدي كل الطرق اللي قدامي تسكرت
ريما : انت يافيصل قتلت كل شيء حلو كان بينا
فيصل : لا تكفين ياريما اسمعي قصتي واحكمي علي لا تصدرين حكم الاعدام قبل ما تعرفين الحقيقه
ريما : أي حقيقه تبيني اعرف انك خنتني وتزوجت وجبت ولد
فيصل : انا ما تزوجت برضاي
ريما : اول مره ادري ان الرجاجيل يتزوجون غصب عليهم
فيصل : انا ياريما يوم رحت تعرفت على رومانيه تاجره الحرمه وكلتني على اعمالها وماتوقعت اني عاجبها بعد فتره نقلت للمستشفى وصار عندي خلل في القلب ولازم عمليه وطبعا يبي لها فلوس وانا كنت حافي منتهف عرضت علي انا تساعدني مقابل اني اصير البوي فرد تبعها بس رفضت حالتي بدت تسوء كل يوم عن اللي قبله "كاتي"كانت خايفه علي وطلال صديقي الوحيد كان يقنعني باللي تبيه وانا ارفض خوف من الله وفهمت طلال هالكلام علشان يفهمها طبعا طلال قال لكاتي عن اسبابي وتفاجات ان المستشفى يسوي لي العمليه على حسابها طبعا وبعد العمليه
كاتي : اريد ان اعرف اكثر عن دينكم
فيصل : حسنا
وبالفعل قلت لها كل شيء عن الاسلام وبعد ما انتهيت
فيصل : كاتي اين تذهبين
كاتي : انتظر سوف اعود
وبالفعل رجعت وهي مبلله بالماء
كاتي : المراء عنكم ملكه يافيصل اشهد ان لا اله الى الله وان محمد رسول الله
اسلمت ياريما اسلمت وبعدها صرت اشرح لها اكثر عن الحجاب وسيرة الرسول والصحابه ،انا تعلقت فيها بس ماحبيتها صدقيني ياريما بعدها كاتي اصيب بمرض غريب عجزوا الاطباء انهم يعرفونه دخلت عليها في غرفتها بالمستشفى لقيتها متغطيه
كاتي : فيصل انا اسفه لكن لا يجوز ان نجلس انا وانت لوحدنا
يالله ياريما شفتي وشقالت بعد ما كانت تبيني البوي فرد وتتوقعين اني بنسى معروفها فيني كان لازم ارده لها بس هي رافضه هالشيء فماكان عندي الا
فيصل : كاتي هل تتزوجنني
كاتي : لو انك اتيتني قبل ذلك لوافقت لكن الان لا استطيع
فيصل : ارجوك ياكاتي
كاتي : حسنا ولكن لمذا
فيصل : لاني احببتك في الله
كان لازم اقول هالكلام علشان توافق
وبعدها تزوجنا وبعد زواجنا قررنا انها تسوي العمليه وبالفعل سوتها ونجحت وبعد هالنجاح لازم لنها تسوي علاج بالكيماوي لكن للاسف رفضت بعد ما درت انها حامل واجلت العلاج بالكيماوي الى بعد الولاده وفعلا جابت رائد وبعد قدومه بسنه رجع المرض لها بس للاسف هالمره انتشر في انحاء جسمها وراحت للي خلقها
ريما:0000@@000
فيصل : هاه وش رايك باللي سمعتيه واحلف بربي اني ماكذب بكلمه
ريما : يصير خير يافيصل يصير خير
بعدها قام فيصل من نومه مستغرب هالحلم اللي جاه وقرر انه يقول الحقيقه لسديم علشان يعرف راي ريما واللي شجعه على الاعتراف الحلم اللي شافه"لا تعصبون علي اصلا باين انه حلم جحخ"
جزاء لكم وردعا لامثالكم علشان تحرمون تعصبون علي بوقف الحين عن سرد القصه وان شاء الله اكملها لكم الاسبوع القادم
في الجزء الحادي عشر
يوسف :بتتزوجها
سعود : اسمح لي انت حياتك وحر فيها تتزوج الل

يو
ليش قطعتيها
كملي--
وبعدين معتس
تقولين حلم ها طيب
تلعبين معنا خ
مشكورة
أنا في أنتظارك ياعسل