حبني احسن لك مابتلقي مثلي

مفيش ولا رد
اوك
مابكملها الا لو لقيت ردوود

اوك
مافي ردود
بس بنزل هالبارت
يارب القي ردود ولا تخذلوني
سعود:بقعد غصبنن عليج .. سحب عنها الريموت ..
طيف:سعود سمعت عن الجيران الجدد
سعود:هيه اليوم ساعدهم شوي
طيف:أحلف
سعود:وأنتي الكل تبينه يحلف عشان تصدقينه .. واحد من عمال طلب مني أشل معا وبس
طيف:طيبين؟؟ !
سعود:ما اعرف .. قومي عني خليني أشوف التلفزيون
طيف:واع منك
قامت عنه وراحت لغرفتها
في الجامعه
منى تكلم السايق: روح أنت انا بروح مع طيف
طيف ضحكت
منى:إنتي إيه على شو تضحكين؟
طيف: قاعده اتخيل ويه سعود يوم بيعرف أنتي بتين معانا
منى: واع بس ,, وشو اللي يضحك يعني مسكتها بذراعها ومشوا لين البوابه
طيف:أثقلي يا بنت ترى الولد ينفجر أول ما يشوفج
منى: ما عليج منه هو يحبني بس يتغلى وتبين الصراحه أحب يوم أطلع له قرون
منى:كيفج والله لا تقولين ما نصحتج
منى: أنطبي أنتي بس
سعود كان يالس في سيارته يتريا أخته , وتغيرت ملامح ويه يوم شاف منو مع اخته
سعود:ولييه هذي شو يابنها لا يكون بتروح معانا طيف:هاي اخوي
منى:مرحب بالساع
ظل ساكت وما رد عليهم منى:ويه وش فيك سعودو ؟
سعود:اسمي سعود لو سمحتي
منى: لا أنت لك مكانه خاص في قلبي ومحد يدلعك غيري حطت يدها على حلجها وتمت تضحك
أما سعود أكتف بالسكوت وضغط على الريس خلهم يجدمون بشكل فجائي
طيف:منى أسكتي عن يسوي فينا حادث ويقتلنا
منى:بلاج خايفه اطمني دام أنا معاج في سياره سعودوو ما بيقتلنا إذا ما يخاف عليج يخاف علي .. صح سعود؟
ابتسم بسخريه ورجع لطبيعته .. يعرف الكلام معاها ضايع
يوم وصلوا قرب البيت .. لمح سعود حرمه كبيره في سن تحاول تشل الأغراض بس مب قادره وكانت تمشي
وقف سعود صوبها
منى:شو تسوي ما يوقفون للأغراب يمكن يكونون مسلحين
سعود:أنتي خبيله شو انطبي وارحمينا
نزل من السياره
أما منى وطيف فكانوا يطالعون من ورا الجامة السياره
منى:أخبرج ترى ما أتخيل أطلع مسدس فجأه وتهدد أخوج
طيف:منى حبيبتي لا تكثرين من أفلام ما تلاحظين إنه مأثر عليج
منى:ها ها ها يوم بيستوي صدق بتعرفين
طيف:سكتي هذي الحرمه بتركب صوبج
منى:وابي .. يوم انفتح باب السياره سكتت وابتسمت لها
الحرمه:السلام عليكم
منى وطيف:وعليكم السلام
سعود أنشغل يدخل الأغراض في السياره
الحرمه:اسمحوا لي عاد تعبتكم معاي
طيف:عادي خالوا ما سوينا إلا الواجب
ركب سعود السياره
سعود:خالوا أنتي كيف تمشين في هالحر؟
الخاله:بيتنا قريب ونحن تونا منتقلين هنا قلت استكشف الأماكن قمت وطلعت أمشي وعاد أنا عيوني زايغه ههه شفت محلات اللي هنا اشياءهم روعه سعود :وين بيتكم خالتي؟
الخاله: روح سيدا سعود:زين عيل بيتنا من هنا بعد
الخاله:ريحتني عيل ولا كنت مكلفه عليكم
يوم وصلت البيت خاله:تسلم ولدي والله يخليك لأهلك إن شاءالله
سعود تم يضحك:خالتي تعرفين إنه البيت اللي حذالكم بيتنا يعني أنتوا الجيرانا اللي توكم منتقلين
الخاله أستانست:والله؟! اقربوا عيل
سعود:قريب إن شاءالله نزل ينزل أغراضهم
طيف:صج الدنيا صغيره طلعت في الأخير ساكنه حذالنا
منى:يوم أقولج حياتنا أفلام
طيف:أخبرج انطبي
جدمت جدامها وضربتها على الراس:محد يقولي أنطبي غير سعود فاهمه
طبف:فهمنا يا الخبله . عادي أقولج خبله ولا بعد مصرح لسعود وبس
ابتسمت:عادي مصرحه ركب سعود السياره وتوجه صوب بيتهم دخلت منى قبل طيف البيت وألتوت بعمتها
أم سعود:وانا أقول كيف البيت نور فجأه
منى:واي عمو عليج سوالف تعرفين تغازلين بعد حظك عمي
ضربتها أم سعود , أما أبو سعود فتم يضحك طيف حبت راس أمها وأبوها
طيف: هالبنت سوالفها غريبه وعجيبه
سعود :ألحين أكتشفتي
منى: عمو شوفي بدأ يغلط علي
أم سعود كانت بترمس بس بو سعود سبقها
بو سعود: حدك عاد سعود ما أرضى على الغاليه
سعود: ألحين هذي يوم غلطت عليها (يقصد طيف) ما قالت شيء ويوم أنا أغلط عليها تشتكي
طيف:هذي عندها اسم
منى:واسمها طيف الحلوه
بو سعود:ههه والله إنكم الحريم فاهمت بعض
أم مني: وينها منى؟
السايق:منى ماما يروح مع طيف
أم منى: خلاص زين
اتصلت في منى منى:هلا مامي
أم منى:منى فديتج ليش ما اتصلتي في وقلتي إنج بتروحين بيت عمتج
منى: مومي فديتج خبرت السايق
أم منى:هالسايق الله يهدي ما خبرني إلا ألحين وبعد أنا اللي رحت له ولا كان بخليني أحاتي
منى:جان اتصلتي علي
أم منى:قلت يمكن تأخرتي في المحاضره ويوم شفت السايق برع استغربت
يوم شافت سعود مر غيرت طريقة كلامها
منى:إنزين حبيبي
وقف وطالعها طيف:بلاك وقفت ترمس أمها
سعود:ما يهمني أصلا ..
تحرك وصعد لغرفته
منى تضحك وترمس أمها
بعدما سكرت من أمها ... صدت صوب طيف اللي كانت تقرأ مجلة سحبت عنها المجله طيف:أخبرج أنتي ما تعرفين تطلبين بأدب
تقلب الصفحات وعينها على المجله
منى: أدب ؟! أول مره أسمع عنه
طيف : not funny
منى: زين يوم عرفتي
بعد سكوت دام بينهم خمس دقايق
نطقت طيف: م
منى كانت مندمجه تقرأ المقابله اللي حاطينه في المجله
منى:شو عندج؟
طيف: شو رايج نروح عند الجيران , فيني فضول
منى ما ردت عليها لأنه بالها كلها على المجله
يوم شافت منى مب مسويه لها سالفه سحبت عنها المجله
منى:وش فيج ؟ كنت قاعده أقرأ
طيف:أنا أكلمج وأنتي مسوتني طاف أونج تقرين شو حاطين يعني
منى: كنت اقرأ المقابله اللي مسوينه مع المذيع عمر طيف تخبلت :واو تقصدين عمر راعي برنامج معانا اليوم استفهام استفهام استفهام
منى: هيه (تقلدها )راعي برنامج معانا اليوم استفهام استفهام استفهام
طيف تمت تقلب الصفحات مثل مهبل أدور على الصفحة المقابله
منى:بل وش فيج مزقتي الصفحات شوي شوي
يوم لقته تنهدت :واو روعه يجنن وايد حلو
منى:بس مب أحلى من سعود
طيف:قومي عني لاه قالت سعود قالت
منى:احذرج لا تغلطين عن اغير خريطه ويهج
طيف:انطبي وخليني اتأمل صورته
منى: الحمدلله والشكر
طيف:بس لو أشوفه جدامي
منى:شو بتسوين يعني
طيف:شو بسوي ؟ هيه صح شو بسوي ما فكرت أوي ما فكرت
لازم أفكر عادي أشوفه بالصدفه
منى سحبت عنها المجله :عطيني يا المتفيجه
ونفس شيء طيف سحبت عنها المجله
والأثنين تضاربوا على المجله
(مسكين هالمجله)
سعود كان يالس في غرفته ويحاول ينام بس بسبب الحشره ما قدر ينام ,, حط راسه تحت الموسده بعد ما شيء فايده قام متغصص .. وسار صوب المسجل .. شغل على موسيقى هاديه
(هو متعود يحط سيدي لموسيقى هاديه وما يشغله إلا يوم يجتمعون هالاثنين طيف ومنى)
بند المكيف وراح صوب الشرفه ماله , فتح النوافذ واستغرب يوم شاف بنت يالسه في شرفتها ,, والكتاب بيدها سعود ظل واقف يطالعها ,, تضحك مره ومره تبتسم تلعب بخصلة شعرها اللي طالعه من تحت وقايتها
تم واقف يطالعها وابتسم بلا شعوريا .. ويوم شافها بترفع راسها , رجع بسرعه ورا الستاره ,,
بعد الستاره شويه عشان يراقبها بخلسه ,
انتبه على صوت :ريم فديتج وينج
ريم نزلت الكتاب :يمه أنا هني
سعود:أها اسمها ريم
أم ريم: يمه أنتي قاعده هني وأنا ما خليت مكان ما دورتج
ريم: عجبني الوضع وقلت اقرأ القصه هنا
سعود:هذي خالوا اللي وصلتها اليوم
وهذي بنتها عيل أم ريم: خلج من القصه وتعالي قعدي معاي
ريم:إن شاءالله يا ست الحبايب
راحت مع أمها , يوم شافها راحت طلع من ورا الستاره يكلم نفسه ومستنانس:ما توقعت يوم في حياتي إني بحس بها الشعور . وحظي الحلوه يابها مجابل شرفتي
ياي
أما الجناكل اللي تحت في الصاله بعدما طروا المجله قطعه قطعه
ناموا على الكنبه في صوب ثاني في عالم غير عن عالمهم لا يروح بالكم بعيد مب عالم فضائي ,, كنت اقصد عالم هنا في الارض بس عالم الأضواء والشهره
عمر:شوي شوي على ويهي ترى مطلوب
راعي المكياج:لا تتحرك وايد
المخرج:يالله عمر ما بقى شيء على بدء البرنامج
راعي المكياج:خلصت
عمر: خلك على راحتك (بصوت واطي)ما عليك من المخرج
راعي:لا صدق خلصت
المخرج:خلاص بنبدأ
عمر:قوم اركض من هنا قوم
وصل الضيف وبعد السلام راحوا الأثنين على الاستديوا
المخرج:3 2 1 ابدأ
عمر:مرحبابكم في برنامجكم معانا استفهام استفهام استفهام وأنا المذيع عمر ارحب بالضيف اللي معانا وارحب بالجمهور اليوم الضيف اللي معانا ضيف مب عادي يقولكم استكشف إنه الحرمه اللي في لوحة ابتسامة موناليزا طلعت خالته الكل تم يطالع ويهمس المخرج يقول للمعدين هذا خارج النص ,,,
وهنا نقع من الضحك عمر : لو تشوفون ويهكم كيف صار خاصة ضيفنا بقبق عينه .. كنت امزح معاكم بس
صد صوب الجمهور: شو رايكم . عجيب كان
الجمهور:عجيب
عمر:نرجع لموضوع حلقتنا آسف إني خوفتك
الضيف:ههه كان لازم نتوقع منك
نزل سعود من غرفته ومالقى غير أمه يالسه في الصاله
راح عندها وحط راسه على ريولها
سعود:أمايه وينهم الجناكل
ضربته على الخفيف:شو جناكل انته بعد , المساكين في قمة البراءه
سعود:حرام عليج أمايه لا تشوهين صورة البراءه
ضربته مره ثانيه
سعود:إنزين إنزين خلاص وينهم ؟
أم سعود:طيف راحت ترقد بعدما راحت منى لبيتهم
في خاطره:فكه
أم سعود:اليوم طولت في الرقاد
سعود:هيه حلمت حلم عجيب
أم سعود:والله
سعود:هيه حلمت إني تزوجت وحده ملاك واللي اتمناها بعد
أم سعود:والله؟ !
سعود:أدعي بس يتحقق هالحلم
أم سعود:يا رب يتحقق بس أنت آمر وانا بروح ادور لك وإذا كنت حاط وحده في بالك قولي بروح ..
قاطعها:لا لا ضربي بريك بعدني ما افكر
أم سعود قرصته: هالجيل مشكله منى يا لسه في الصاله مع أأبوها , وكانوا يلعبون
ورق (بته) منى"حزر فزر شو ألأرقام اللي عندي
سعيد:م ممكن أتصل في صديقك
منى تضحك:تقدر ومنو هذا صديقك
سعيد يضحك معاها: اسمها منى وهي بنتي العزيزه وأنا متأكد إنها بتساعدني
منى:صج إنك داهيه , خلاص بنتصل قي بنتك
تظاهرت إنها قاعده تتصل وتسوي بحجلها: طوط طوط طوط منى:للأسف محد يرد عليك أنتهت فرص مساعدتك
سعيد:لا لا ما يصير مب على كيفج
منى:لا يصير يوم أقولك هذا لعب شباب مب شياب
وفي نفس الوقت نزلت أم منى آمنه:ها عاد حدج ؟ لا تقولين عن ريلي شيبه
سعيد:سمعتي منى: لازم بدافع عنك لأنها معاك في قطار
آمنه:شو قلتي
يوم شافت أمها يايه صوبها ركضت وانخشت عند ابوها سعيد: محد يمد إيده على الغاليه
آمنه تتطالعه مستغربه
منى:أصلا ابوي مستحيل يتخلى عني
انتظر ردودكم
اكمل ولا لا؟

اوك
مافي ولا رد
خلاص بطلب تتسكر ومابكملها
اسفه ان كنت اخذت مساحه لروايه تعجبكم
سلامو

لا لا لا
تزعلي أنا رديت
روايه مره
حلوة
أنتظر الباقي ......