رواية وانت يالف ج ر الب ع يد نامت عيوونك

(الجزء الأول)
(الفصل الأول)
ابسالك من أولك حتى آخرك كم فصل يوجد بالسنه ؟خمسه ..اربعه.. ثلاثه..انااشوف ان الفصول أربعه قبل
تجمع كل الفصول غيوم وامطار وزهوربردك وحرك مع اعتدالك فيها اتنفس واعيش والحين ممكن تقدر عن
الفصول تجاوب ان جيت يوم اسألك ؟؟ بك ابتدي ولك انتهى ياغايتي ومهجتي من طيبك كل الشموع غارت
وذابت في غضوع غيرك انا مالي احد كل الشموع في دنيتي ذابت وغابت للأبد الاانت ياشمعة مناي من
مثلك اللي نوره اشعل الفتيل غروره.....تؤام روحي ..باركض معك ولااحس بعطش أواشعر بلحظة طفش
وماراح اموت من الظما مااحلى فصلك بالسنه هذي حقيقه قلتها ,نطقتها,هذي حروفي حب واخلاص
ووفا ماخالطت حروفي الكذب ولاالخيانه والجفا ...اجمل وطن فيك التقيتك كل الدفا اللي ابيه تذكر يوم
اسألك
كم فصول السنه؟؟ انت في قلبي الاول والباقي اربعه في السنه .... وانت يالفجر البعيد نامت
عيونك .......................
(رهف):لاحول مامليتي من هالشريط خلاص لاعت كبدي اعتقيه لوجه الله ثلاث سنوات معك وكل
مره اجيك سمعتيه.
(مشاعل) :وهي قايمه وتعدل جلستها وتناظر برهف بكسل اف وبعدين معك دايما تخربين
جوي .
(رهف):تكفين ياام جو انتي والله مو ذنبي انك رومانسيه بزياده.
(مشاعل):وانا مو ذنبي انك دفشه بزياده ..
رهف وتسوي نفسها زعلت الشرهه مو عليك علي اللي تاركه اهلي وقاطه عندك وراحت للباب بتطلع ,
لحقتها مشاعل وقامت تقرصها بخصرها وتبوسها وهي تتعذر من رفيقة عمرها ..
(رهف) :ووجع خلاص سعابيلك ملت خدودي يع
)مشاعل):ههه هويحصللك مشاعل بنت ال.... تبوسك انتي وجهك
(رهف) :اقول لايكثر بس امحق رومانسيه ..
(مشاعل):اقول الله يعين من بياخذك
(رهف):امه داعيتله
(مشاعل):قصدك داعيه عليه وحطت رجلها ورهف وراها تتوعد.
(مشاعل / سنه أولى جامعه / جاذبيتها محط اهتمام وحسد اللي حولها قلبها ابيض وحلوه تعشق
الأشعاروالخواطر طبعا مشاعل ماشافت أمها اللي ماتت وهي تولدها ماتبين حزنها قدام أحد )
(رهف/سنه أولى جامعه/ دلوعة العايله ملامحها طفوليه محبوبه من الجميع متهوره شوي وتحب المغامرات)
أبو مشاعل وأبو رهف أخوان بالرضاعه
هذاهم وهاذي حياتهم رهف ومشاعل من الروضه وهم سوا مافترقوا طول مراحل الدراسه الثنتين يدرسون
بجامعة الملك محمد بن فهد ونفس التخصص ترجمه بس مشاعل كانت اشطر من رهف حبتين ...
دخلوا الثنتين المطبخ وكل وحده تضحك على منظر الثانيه بعد المعركه الخفيفه اللي حصلت بس ماكان فيه
اصابات مشاعل وهي تطلع لها بيبسي من الثلاجه :الا اقول رهيف شصار على طلعتنا البر؟؟
(رهف):ابد كل شي جاهز وتمام ابوك ماقلك متى المسيره ؟
(مشاعل):شدعوه مظاهرات ههه
(رهف):شكلها والله تدرين بالموت ابوي رضى بهالطلعه والله اني بموت من الوناسه.
(مشاعل):وانا بعد الله يجيب ذاك اليوم على خير بس ماقلتيلي متى المسيره على قولتك
(رهف) :الخميس ان شاءالله في الصباح
)مشاعل):حلو وش رايك تنامين عندي؟
(رهف):ودي بس تدرين عفسة اخواني عفسه وبساعد امي..
(مشاعل) :تكفين اللي بتشتغل الحين هذا وجهي ان ماصكيتيها نومه..
(رهف) : يالمفتريه حرام عليك من يوم يومي احب اساعد
(مشاعل)ههه يالله مره ثانيه
,دق جوال رهف وكان السواق برا يستناها لبست عباتها وجت بتطلع لفت على مشاعل وقالت
يوه نسيت اقولك ترا العقربه سوير بتجي دريت من امي امس بالصدفه والله صادني اكتئاب
(مشاعل)ههه اكتئاب مره وحده بس معك حق ذي سوير من يطيقها الله يعينا بس انا ودي اعرف هي
ليه تكرهني !!
(رهف)لانك ياعزيزتي احلى واكشخ واصغر والغيره بتاكل قلبها منك,فهمتي؟؟
(مشاعل):الله يهديها بس ويكفيني شرها
(ساره تصير بنت خالة رهف اكبر منهم باربع سنوات )
عندها اخت اسمها مها بس سبحان من خلقهم مها كانت احسن من ساره خلقا واخلاقا امهم سلمى
اخت
فوزيه ام راكان ودعت رهف ساره وطلعت للسواق
...
بعدها باسبوع (الخميس 9/صباحا)في بيت بوراكان
(فوزيه)يالله يمه جاهزين يالله؟؟
(أم راكان طيبه على نياتها وتموت على عيالها)
(عبيرنازله من الدرج):ايه يمه خلاص بس بخلي الشغاله تطلع هالاكياس والترامس..
(عبير/25سنه موظفه في بنك ومخطوبه لولد عمتها خالد)
(رهف)اقوول كلمتو بنات عمي عبدالله ؟
(عبير) خلود كلمتني تقول انهم بيجيبون مشاعل لان عمك وولده سبقونا على المخيم ,
(رهف)اها طيب احنا خالصين يمه وين خواني؟
على نزلة راكان :صباح الورد يااحلى وردات ,الكل صباح النور .
(راكان /30 سنه يشتغل مع أبوه وخفيف دم مسوي أكشن في البيت)
(رهف)ركون يالله خلصنا ..
( راكان)يالله عزيز وراي بطلع احمي السياره والحقوني ,
(فوزيه)وين ابوك ؟؟
(راكان)بارتباك :ها ابوي ...راح وقال الحقوني ..
(فوزيه غريبه ماقالي صحى بدري ولبس قال عنده مشوارالله يستر
(راكان):شدعوه يمه خير ,خير ان شاءالله وطلع
/
/
/
(في بيت بومتعب)
(مشاعل) :يالله خوخه وينك ابطيتي تراني جاهزه,
(خلود):طيب لاتاكليني بس تدرين اخذت وقت في تقويم العيال الحين نجي انا ومجيد..لبست مشاعل
عباتها
وجلست تنتظر وصول خلود
(خلود 28/سنه متزوجه عبدالمجيد ولد عم أمها وكويتي الأصل عندهم التوم البتول ومحمد 9سنوات)
..........
(في بيت بوراكان)
(راكان)ياله ياناس تاخرنا
(عبدالعزيز)ترانا في نفس البيت ليه تصيح؟؟
(عبدالعزيز 23/ سنه يدرس في جامعة الملك عبدالعزيز بجده قسم هندسه وهاذي اخر سنه له ويتخرج)
(رهف)لوراكان ماصاح من يصيح؟
(راكان)لاانتي ووجهك بعدين لوماصحيت صدقيني جلسنا هناللعصر ذي تتزين وذيك تتميلح رايحين عرس ..,
(رهف) اشوف فيك يوم ياركون وتجي اللي توريك السنع صدق .
(راكان +عبدالعزيز)ههه
وطلعوا كلهم من الفيلا بيتوجهون للمخيم...
(في المخيم )وصلوا بومتعب وولده فيصل واستقبلهم شخص من زمان ماشافوه بس عرفوه سلمو عليه
(بومتعب رجل أعمال وله كلمته وهيبته بين ربعه وجماعته )
(فيصل/ 26سنه رومانسي وفنان موهوب بالرسم عنده مرسم يقضي فيه معظم وقته وحلمه يشارك بلوحاته
خارج المملكه)
بحراره ورحب فيهم واحلوت الجلسه بوصول عايلة بوراكان ,الكل كان متفاجئ بس رهف كانت بتموت
وتشوفه ,دخلت فوزيه مخيم الرجال سلمت على عبدالله وولده واخذت ولدها بالاحضان ودموعها على
خدودها من الفرحه والصدمه
(فوزيه)يابعد هلي كلهم واحشنا والله شخبارك يمه وش حالك ,,؟؟ كذا تجي وماتقول شي وضربته بيدها
على راسه وتناست وجود الرجال ومي شايفه غير بندر ولدها الصغير,
(بندر27/ سنه درس مراحله الجامعيه بكندا وكان تواجده مع أهله قليل بحكم دراسته ملامحه جدا حاده
ووسامته تذبح) <<< عزوبي
(راكان( كيف المفاجئه ههه,,
العيال كانو عارفين وماعلموا احد لان ابوهم كان بيسويها مفاجئه ,,سلموا على اخوهم,,
(فوزيه)عرفت المشوار اللي قومك من صباح ربي
(بوراكان)ههه ايه رحت اجيبه من المطار,,
( عبير) من تحت الغطا شخبارك ياخوي عساك طيب وسلمت عليه وعلى عمها وولده ,,
امارهف كانت تبكي من تحت غطاها من الفرحه لانها تموت على اخوها ومن زمان ماكلمته ولاشافته
..ركضت عليه ورمت نفسها بحظنه وجلست تبكي ومي شايفه احد قدامها
(بندر)شدعوه ريوف حبيبتي خلاص ,
(رهف)واحشني ياخوي 4شهور يالظالم ماتتصل
(بندر)والله كنت مشغول لاكن هاذاني جيت وبعوضكم بشهر كامل اجازه ونحضر عرس هالدبه اللي وراك
وياشر على عبير اللي انحرجت وشردت قسم الحريم ,,
,
فيصل كان واقف ويراقب المنظر لفت انتباهه تعلق خوات بندر فيه وان دل على شي دل على حنيته عليهم
(نتبهت رهف لعمها الواقف وسلمت بكل احترام عليه )
خرشت قلبه بصوتها غصبا عليه ظلت عيونه عليها لين مااختفت من قدامه طبعا المقصود
(فيصل) جلسو الشياب سوا والشباب كان
جوهم ولااحلى خصوصا بوجود بندر.......
/
/
/
/
على الساعه 11 الظهر وصلوا خلود وزوجها ومعهم مشاعل,,,,
(في السياره)مشاعل اقول خلود شكلي زين ؟
(خلود)اسم لله عليك قمر 14,,
(مشاعل)ياعمري انت .
(خلود) اقول ترا مو رايحين عرس تراه خلا
(مشاعل) خلود بلا طنازه
(خلود)ادري فيك كشخه تهبلين والله
(مشاعل( وهي تحاول تخفي ارتباكها سوير هنا ,,
(خلود) لاتقولين وش جايبها..
(مشاعل) اف ياربي بتجلس الحين تقز فيني كالعاده وتتميلح مع وجهها
(خلود)ماعليك منها شعول حبيبتي واثق الخطا يمشي ملكا ,,ضحكت مشاعل على كلام اختها وضمتها الله
لايحرمني منك قولي امين ,,ناظرتهاخلود بحزن ولايحرمني منك ...كانت خلود لمشاعل الام والاخت
والصديقه مع ان مشاعل كانت نوعا ما قنوعه بقدرها بس خلود كانت تشوف الحزن بعيون مشاعل ومع
ذالك ماكان بيدها حيله وماكانت تقصر عليها بشي........
دخلو البنات على الحريم وساره كانت في الاستقبال
/
/
/
/
/
/
هاذي فقط البدايه مع انها قصيره اتمنى أشوف تفاعلكم وردودكم الحلوه

روعه
بالله لاطولين يالغلا تراي تعبت من القصص الي ماهي كامله
نتظرك
اختك ام العنود

(الجزء الاول)
(الفصل الثاني)
دخلوا البنات قسم الحريم ,الكل كان موجود فوزيه وبناتها وسلمى وبناتها ,,
(خلود ومشاعل) :السلام عليكم..
الكل :وعليكم السلام سلموا البنات على خالتهم فوزيه وجلست خلود معهم اما
مشاعل راحت جهة البنات ,,
مها:ياهلا والله ان لك وحشه شعول من زمان عنك شخبارك ؟؟
(مشاعل):تمام الله يسلمك وانت والله وحشتيني دايما ارسل سلامي مع رهيف ,,
(رهف): (كذابه,,
(مها)ماالكذاب غيرك ادري بشعوله فديتها
(مشاعل)ههه فشلوها
(ساره داخله عرض كالعاده ) شخبارك مشاعل من غير نفس
(مشاعل)بخير وانت
(ساره بقرف ) الحمدالله احسن مني مافيه,,,
ماردت عليها مشاعل لانهاتعرف عفاشتها لفت على عبير اللي قالت ياعيني على الجسم تصدقين
هالبنطلون مطلع جسمك روعه ملكان,,
(مشاعل)لاياشيخه جسمي هذاهو ماتغير ولاماتشوفيني ؟؟
(رهف)) :ههه عقلها هالايام مومعها لاتلومينها مع ولد الشاري ,,
رهف كانت تقصد خطيب عبير خالد ..
تدخلت سوير كالعاده وبغرور قالت غبيه اللي يطير عقلها عشان رجال
,,لفت رهف على عبير وبعينها الشر ودها تقطع لسان هالعقربه بس ردت بكل هدوء عنها مشاعل وقالت
ببرود رجال عن رجال يفرق,,
سكتت ساره وماردت على مشاعل حاولت مشاعل تغير الجو اللي تكهرب قالت لعبير :هاعبور
شخبارك التجهيزات خلصتي ؟
(عبير)بقى كم نزله لمحلات اللي خبرك واخلص ,,ضحكت مشاعل عليها وفهمت عليها وطبعا رجلك قبل
رجلي ياحلوه ,,
,(ساره)وهي تناظر مشاعل ايه ياعبير بس ذوق مشاعل صعب وماينلقى بسرعه,,
مشاعل تناظر رهف وكانها تقول اقوم اكفخها ذي ,, بس كالعاده ردت ببرود وقالت الغالي مايجي بالساهل
,,انقهرت ساره منها ومن ردها حبت تغايضها
(ساره)الله يخلي امي دوم تساعدني ومااتعب نفسي بالسوق,,مشاعل وخلاص هنا وماقدرت وعشان مايطيح
قناعها حاولت تتماسك تجمعت الدموع بعيونها بس موساره اللي بتذلها على اخر الزمن ماتبي شفقة احد
وبالذات سوير ابتسمت ساره ابتسامه مصطنعه وقفت بتطلع لفت على ساره وبكل هدوء والله ياحبيبتي تعديت
مرحلة الطفوله خلاص ومااحتاج احد يلبسني لان قراراتي بيدي انا وبس وطلعت ركض ,,,انقهرت ساره زود
من ردة فعلها هاذي متى بكسر خشمها ؟؟......كل مره تزيد غرور وكبرياء؟؟
طلعت رهف تدور على صديقتها مالقتها سالت الشغالات الواقفات مااخذت منهم شي مفيد راحت لاختها خلود
(رهف وهي تلقط نفسها :خلود ماشفتي مشاعل وعلمتها السالفه ,,
ابتسمت خلود بوجه رهف ,رهف حبيبتي انا ابخص بشعوول اذاهدت من نفسها بترجع
صدقيني.............................
في مكان شوي بعيد عن الخيام كان بندر جالس يتامل بهالصحرا يالله 7سنوات غربه 7سنوات تارك هالارض
صدق الايام تمر بسرعه من يصدق توني كنت متخرج ورايح ادرس كانها امس اذكر ذاك اليوم بكل مشاهده
الحمدالله على كل شي الحمدالله,,قطع حبل افكاره صوت حاول يقرب من مصدره جلس يمشي لين وصل لتل
صغير وشاف بنت جالسه عليه وتصيح ,,كانت تبكي بحرقه وتشهق بين دموعها صوتها على قد رقته كان
مسموع بالنسبه للهدوء اللي حولها,ياربي لمتى بظل اعاني والله تعبت ليه يمه تركتيني ليه رحتى وخليتيني
ليتك اخذتيني معك ولااعيش بهالدنيا اللي ماتسوى شي دونك .....كان منفجع من شكلها كل هالحلاوه
وهالبراءه وكل هاللآم داخل قلبها الصغير جلس يناظرها وكان في شي جاذبه لها البنت انتبهت مشاعل
لهالشاب الواقف ويبحلق فيها باين عليه مو صغير طول وعرض ووسامه استوعبت شوي المنظر ونطت من
مكانها وصاحت بوجهه وشفيك تناظر وش جابك هنا روح يابن الحلال لااصيح والم عليك اهلي
,,انتبه بندر لصياحه كان احد عطاه كف وصحاة من النوم لف وجهه وعطاها قفاه
(بندر): السموحه بس شفتك بلحالك انت ضايعه ؟؟؟؟
(مشاعل ):لاموضايعه اهلي هناك واشرت على الخيام والحين بروحلهم وانت ارجع من وين ماجيت لاحد
يشوفك وتصير سالفه....
(بندر): منصدم متاكده ذيك خيامكم !!
بس ماردت عليه لانها حطت رجلها ومالحق يشوف غير قفاها وشعرها المنثور على كتوفها,,,
ضحك على كلامها اجل لودرت اني من اهل هالخيام بس من تكون ؟؟
مشى يكمل طريقه وفي باله يعرف من هالملاك الي شافها
..............
دخلت مشاعل الخيمه ترجف خايفه احد شافها تكلم هالرجال هي ماسوت شي هو الغلطان بس حتى انا
المفروض ماطلعت بدون غطى الله ياخذ سوير من زعلى نسيت على بالي في بيتنا وضحكت تذكرت منظره
وهي تصارخ عليه وهو ساكت مبلم فيها كانه طفل وامه تهاوشه
(رهف)بسم الله عليك انت بخير؟؟
(مشاعل )اشفيك مافيني الاالعافيه بس تضايقت شوي وحبيت اشم هوا لحالي حرام
(رهف)متاكده..قصدي سوير.....انا.....
.(مشاعل)لاتكملين انا نسيت السالفه اصلا بعدين عادي تعودنا وقفت على سوير يعني ,,ضمتها رهف وقالت
طول عمرك بتظلين الاعقل
............................................
مرت عليهم ثلاث أيام عليهم بالمخيم حاولت مشاعل تتجنب سوير قدر المستطاع ومحد درى باللي حصل ظلت بين البنات وهذي كانت رغبة مشاعل لانها ماتبي مشاكل انبسطوا البنا ت بهالرحله كانو يقومون من الصباح والفطور كل يوم على وحده هذا غير سواقتهم السياره وشب النار يعني سو اللي ببالهم واللي يوسع صدورهم .....
(اخريوم لهم بالمخيم)
(ساره):ياويل حالي يامها شفته شفته يذبح كل ماله يزين,,
(مها) :لاحوول وبعدين معك انت مامليتي ماتستحين والله لوشافك اخوي سلمان كان عرف يتصرف معك انت
صاحيه وش هالجرأه اللي فيك وقامت بتطلع ,,
مها كانت مستاءه من تصرفات اختها الهبله طالعه وبدون عباه وجالسه تتمشى عند سيارته وكانها ماتدري
انه فيه
(ساره) قولي اللي تقولينه بلاك ماجربتي اللي احس فيه
(مها)تعتقدين بحركاتك ذي بتلفتين انتباهه اصحي ياساره اصحي ذا بندر بندر اللي عمر بنت ماهزته ولاناسيه
اللي صار نتيجة ابداعاتك اخر مره وطلعت وتركت اختها ساره تموت على بندر اللي مو معطيها وجه
ويعاملها مثل خواته قبل سنه ارسلت عليه وحده من خوياتها خويات الشر عشان تعرف اذا هو يعامل كل
البنات مثلها ولا لا طبعا بندر جر البنت لين عرف سالفتها وعرف مرسلها وسوا النون ومايسطرون في
ساره الى اليوم موقادره تنسى كفه على خده يوم اتهمته قدام خواته انه جارى البنت صديقتها وذا ماحصل
ومن وقتها مو قادره تنسى حبها له تحبه وش تسوي
............
كانت مشاعل تتمشى مع رهف ركبوا وحده من السيارات كانوا مشغلين محمد عبده وداخلين جو
كل مانسنس من الغرب هبوب...حمل النسمه سلام...وان لمحت سهيل في عرض
الجنوب عانق رموز الغرام....لك حبيب مانسى كلمته دايم عسى..يطلب الله ويرتجيه
صبح يومه والمسى ....كل زينه شاهده وانتم بعيد ..منيتي ليتك معي..وان سهرت
الليل اهوجسبك واعيد هل لاجلك مدمعي..انت هاجس خاطري وانت فرحة ناظري
ياقريب ويابعيد فيك امسي وحاظري.....................
(رهف) بسم الله...
(بندر)شايفه جني ,,
مشاعل طارت عيونها لمصدر الصوت لالالامستحيل غطت بسرعه ودقت رهف
رهيف غطي خير ان شاء الله
(رهف وماسكه ضحكتها ماودي مولازم شرايك بندر)
بندر ميت ضحك واله لاانت ولاهي بس ماعرفتينا رهف من هالضيوف اللي معك
مشاعل من الصدمه ماتتكلم قلبت سايلنت ههه
( اعرفكم ببعض مشاعل بنت عمي عبدالله وذا بندر اخوي وولد عمك)
(مشاعل).................................وبعد فتره همست لرهف احلفي ذا بندر ؟
سمعها بندر ورد عليها واله العظيم سعودي الجنسيه ومن العايله تبين الجواز؟
ضحكت مشاعل غصب عنها من كلامه حس انه احرج مشاعل
استاذن منهم بأدب ولف على اخته بلاش لعب في السياره
(رهف)حرام عليك مابنسوي شي
(بندر)امزح حلالكم السياره وصاحبها ويناظر بمشاعل اللي كانت تبي تطلع من السياره باي طريقه لانه
حشرها بكلامه...بعد ماراح وحست الجو امان فكت غطاها ولفت على رهف الحين ورا ماتقولين ان اخوك
فيه؟؟
(رهف )والله نسيت اسفه بعدين انا مثلي مثلك تفاجئت بجيته ابوي كان مسويها مفاجأه لنا تدرين كم لنا
ماشفناه ..
(مشاعل )ومابقى فيها عرق خلاص نشفت من الخوف خافت بندر يقول شي لرهف عن ذاك اليوم يوم شافها
..هيه انت وين رحتي ؟
(مشاعل)لا ولاشي شرايك نطلع لان الشمس خلاص بتغرب وعشان يمدينا نلم عفوشنا ولانسيتي ورانا طريق
الصبح ,,
(رهف)على قولتك مشينا............................
بمكان ثاني قريب كان مصدوم وحاله مو احسن من حال مشاعل معقوله ذي مشاعل يالله اخبرها في المتوسط
بس ماشاءالله عليها احلوت يالله زين طلعنا معارف والله اني مو بصاحي ليه جالس افكر بهالبنت
شالسالفه؟؟؟؟.....................................
سبحان الله كيف الصدف تلعب دور كبير بحياتنا ...
/
/
/
على حدود الساعه 6 الفجر الكل كان صاحي ومستعد شالوالشباب الخيام وحطوهابالسيارات وتوادعوا الشياب والحريم والبنات وكل ركب سيارته متجهين للخبر........................على الساعه 8وصلو وكل عايله توجهت لبيتها....
اخذتلها شور سريع يزيل تعب الطريق ولبست بيجامتها الفوشيه اللي تموت عليها عباره عن بنطلون برمود قطني وتوب مرسوم عليه صورة ميني طالعه فيها بيبي بس كيوت....انسدحت على فراشها ناثره شعرها الاسود اللي يوصل نص ظهرها وجالسه تسمع لفيروزودارت الايام اللي راحت في بالها وجلست تفكر في ....قطع تفكيرها وهدوئها جوالها ردت بفرحه ياهلا والله ,
(موضي)صباحج ورد ياورد
(مشاعل )ياحلوك وحلو لسانك وينك والله وحشتيني موت ,,لحظه لحظه انتبهت مشاعل للرقم
وكان داخلي لالالالالالالالالالالالالا انت هنا
(موضي)فقعتي طبلتي ايه ايه هنا ههه
(مشاعل) :من متى الوصول حمدالله على السلامه نورت الرياض واله
(موضي )باهلها فديتج
(مشاعل) لازم نشوفكم,,
(موضي)(اكيد حبيبتي ان شاءالله.
(مشاعل )جيتو كلكم
(موضي)انا وخواني
,(مشاعل) اوريها خلود ماقالتلي
(موضي)والله محد يدري انت اول وحده دريتي احنا مابنطول كلها كم يوم ونرد الكويت بنحظر عرس عبور
بعد الزن المتواصل وافق ابوي وجيت مع خواني .
.(مشاعل )زين والله وناسه بتفرح عبير لو درت ,,خلاص اسمعي لازم تجونا وانا بعلم الوالد
,,(موضي)خلاص حبيبتي اشوفج على خيروقفلت منها
..............................................
(موضي )تصير اخت عبدالمجيد زوج خلود تذكرونه ابوهم كويتي وامهم تصير عمة ام مشاعل
عمرها25سنه قريبه من مشاعل وتحبها مثل اختها الصغيره عندها اخوان اثنين احمد 27 وفراس 22سنه
بعدهالمكالمه مشاعل نامت من التعب وماقدرت تقاوم ماقامت الا على حدود الساعه 4 العصر قامت وغسلت
وجهها توضت وصلت غيرت بيجامتها ولبست بنطلون جينز ضيق وتوب طويل اصفر مخطط بتركواز
ورفعت شعرها ذيل حصان ونزلت تحت....
/
/
/
(في بيت بوراكان)
البنات لسه نايمات ,نزل راكان الصاله ولقى امه جالسه حب على راسها وجلس يسولف معها,,,في غرفته توه طالع من الحمام بعد مااخذله شور جلس على حافة السرير وجلس يفرك شعره بالفوطه ينشفه...فجاءه وبدون مقدمات جت في باله ارتسمت صورت وجهها البرئ الناعم في مخيلته ..وبعدين هاذي مابتروح من بالي كيف بتروح واللي شفتها جن مو انس اه يابندر بنت ماشفتها الا مرتين سوت فيك كذا اكيد انا مكبر الموضوع,, فتره وبنساها...............
نزلت رهف يالله تشوف اللي قدامها (صباح الخير),,,
(راكان)( قصدك مساالخير يالخبله شوفي كم الساعه ,,
رهف على بالها الناس ظهر ,,انفجعت يوم لقتها 5العصر يالله طولنا بالنومه اليوم موعد مع الخياطه عشان فستان عبير وركض على غرفة اختها تصحيها وبعد معاناه قامت عبير يادوب أكلو لبسواعباياتهم وضربو الباب ,,الاتفاقيه كانت انهم يمرون مشاعل وبالفعل هذا اللي حصل وصلهم السواق ورجع لام راكان لانها كانت تحتاجه ......................................
الساعه 7/ في السوق
(رهف) اف والله تعبت خلاص عبير ,,,
(عبير)خلاص بس خليني ااكد على مقاسات الخصر ,,يالله مشينا يابنات
(رهف)بدق على تاج يجينا.دقت رهف عليه وراحوامشاعل وعبير محل قريب من مكان رهف....بعد خمس
دقايق جتهم رهف مستائه)
(عبير)خير ليه مبرطمه؟؟؟
(رهف)السواق مع امي وماظنتي بيخلصون الحين تقول دقي على واحد من العيال يجي ياخذنا
(عبير)كلمي عزيز شوفي وينه
(رهف)عزيز في البر مع اخوياه ولاناسيه انه مارجع معنا,,,,
(عبير)صدق نسيت طب شوفي بندراكيد فاضي انا شفته صاحي يوم طلعنا
(رهف )بشوف دقت عليه مارد بعد خمس دقايق رجع دق عليها
(بندر)هلا رهف بغيتي شي
(رهف)بندر انت في البيت ,,
(بندر)ايه ليه ؟؟,,,
(رهف) يمديك تجينا احنا في السوق والسواق مع امي
(بندر) صار انتو وينكم فيه وعطته رهف اسم المكان اللي هم فيه وبظرف ربع ساعه كان عندهم..............

(الجزءالأول)
(الفصل الثالث)
(في السياره) قالت عبير: اف ياربي لوأدري ان العرس يبيله هالتعب ماوافقت ,, بندريناظرها بنص عين
(رهف) صدقتك مره ,,
(بندر) خلاص عادي نكلم المعرس ونفركش كل شي ناظرته عبيروقالت عبير بفتور عادي بتسوي تقيله..مارد عليهابندر......مشاعل الساكته طول الطريق كانت تكلم رهف بهمس انتبهلها وجلس يناظرها لدقيقه حست انها مراقبه حاولت تتجنب نظراته قد ماتقدر بالذات وخواته فيه ,,وتقول بنفسها هذا كذا وخواته فيه اجل لو كنت بلحالي يمه الله يستر ومايقول لرهف شي وتفهم غلط لفت على رهف وطلبتها ينزلونها البيت حاولت رهف فيها تجلس معهم بس مشاعل رفضت ,,, رهف وبصوت عالي عبير شوفي ذي , تبي تروح الحين
(عبير)شعول اشدعوه تعشي معنا بعدين روحي امي بتزعل لوماجيتي لانها كلمتني قبل لانطلع وقالت عشاك عندنا ,,,
(مشاعل) اكرمكم الله بس قاطعها بندر اقول يابنت العم ذليتينا ,,,حست مشاعل باحراج فظيع ياويلي يكلمني ذا
(رهف) بنت شفيك ؟,,مشاعل تهمسلها الله ياخذك لقطها بندر وابتسم على عفويتها وافقت مشاعل تروح معهم ونزلت تعشو مع بعض ,, بندرطبعا كان حاس بفرحه غريبه شعور بالراحه يجتاحه بقرب هالانسانه مايدري ليه من الله,,, على الساعه 11 رجعت مشاعل البيت بعد ماكلمت سواقهم (يلمان) أول مادخلت غيرت ملابسها وراحت في سابع نومه...............
(اليوم الثاني)
الساعه 2 الظهر:
قامت من نومها على صوت الجوال
(مشاعل)الو(موضي)هلا شعول اسفه شكلك نايمه
(مشااعل) لاياقلبي عادي شخبارك انت
(موضي)ماشي الحال اسمعي جدتي ام ابوي تعبت فجأه بالكويت ودخلت العنايه عشان جذي مضطرين نرد الكويت أحمد حجزلنا باجر الصبح بس ماطاوعني قلبي مااجوفتج في امكانيه أقابلج بأي مول
(مشاعل)خساره يالله مو مشكله نعوضها بس الله يقومها لكم بالسلامه ان شاءالله والله عبير بتزعل لودرت ...
(موضي)ونا بعد كان ودي اتعذريلي منها وباركيلها والله يوفقها يارب وهديتي لها بتوصلها ان شاءالله المهم متى يمديني اشوفتج ؟؟
(مشاعل) وش رايك نتقابل باي كوفي شوب على الكورنيش؟؟
(موضي) خلاص برايتج
(مشاعل)اوكي القاك في (بيتي فرانس) على الخمس يناسبك ؟
(موضي)ونعم الاختيار خلاص صار...وقفلت مشاعل من موضي ونزلت تحت ......................
لقت اخوها جالس في الصاله
(فيصل):حيالله شعوله
(مشاعل):غريبه فيصل بشخصه الكريم جالس في البيت
(فيصل):ليه حرام يعني ولاحرام عمتي ...
(مشاعل):لاموحرام قل لنفسك بس اول مره تسويها من فتره وبهالوقت يعني
(فيصل):ياملحك عادي اليوم قمت متأخرشوي وكنت حاس بصداع فظيع ومالي خلق اطلع المرسم فعطيت نفسي اجازه وبس ..
(مشاعل):سلامات اخذت مسكن ؟؟
(فيصل):ايه ,والحين خف الألم نوعا ما(مشاعل)طب تغديت؟,,,
(فيصل)صراحه لا مايسوى علي بلحالي,,
(مشاعل) اجل الحين اخليهم يحطون احلى أكل دقايق بس ودخلت المطبخ ,, بعدها بعشردقايق دخل بو متعب واجتمعوا كلهم على سفره وحده وذا مايسير الا ثلاث او اربع مرات بالشهر بسبب عمل ابوها واخوها...جلسوا سوالف من زمان ماجلست مع ابوها سألها عن احوالها والجامعه واذا ناقصها شي اولا ,,,, قالتله على موضي واخذت الاذن منه عشان تقابلها ووافق لها وقال بيكلم بو عبدالمجيد يطمن على حال العجوز...
بعد الغدا طلعت مشاعل تتجهز عشان تقابل موضي مثل ماوعدتها وعلى الساعه خمس كانت مشاعل بالمكان المحدد تنتظر موضي وهي جالسه شافتها من بعيد ,, طبعا موضي كانت متحجبه بس ,,عرفتها مشاعل على طول واشرتلها بيدها جاتها موضي وضموا بعض وبعد السلام جلسو يسولفون من زمان ماشافو بعض ,,اخر مره كانت قبل سنتين بعيد الفطر..وهم جالسين تفاجأت مشاعل بهالشاب مرتب ورزه (طويل اسمراني) لابس نظاره طبيه زايده وسامته هيبه ,,قرب من طاولتهم ويتبسم في وجه مشاعل اللي استخفت من ذا رمت طرحتها على وجهها بسرعه لانها كانت ماخذه راحته بسبب فضاوة المكان زاد قربه لين صار لازق بموضي ,,
(مشاعل) بصوت حاد انت ماتستحي ,,انتبهت موضي لاحمد ولفت على مشاعل ,,اشفيك يابنت الحلال ذا احمد اخوي ماعرفتيه ؟؟ أحمد لسه مصدوم ومبلم من حلاة الوجه اللي شافه,,مشاعل ماتت من الاحراج واتمنت تطلع من هالمكان بأي طريقه خصوصا طريقته وهو يناظرها مو مساعده ,,,,,,,,,احراج مشاعل وباليالله صوتها ينسمع انا ... انا اسفه ,,
(أحمد) انا اللي اعتذر السموحه نسيت اني برا الكويت ,,استأذن بكل أدب وترك البنات ياخذون راحتهم ,, جلس مقابلهم بس كان معطي ظهره مشاعل عشان تاخذ راحتها
(مشاعل)الله يفشلك ورا ماقلتيلي ان اخوك هنا
(موضي)انا اسفه بس والله نسيت
(مشاعل)حصل خيروالله احراج وش بيقول عني لساني طويل ,,
(موضي) أحمد اخر واحد ممكن يقول جذي لو قايلتلي فراس ولامجيد ممكن اقول ايه ,,فديته اخوي والله ذرب (مشاعل)ياربي ليه دايم انحط بمواقف بايخه ,,
(موضي)ليه
وحكتها مشاعل سالفتها مع ولد عمها
(موضي) وهي تضحك ,,بصراحه
لومكانج اموت مكاني ههه الاتعالي ماتوقعتك ماتعرفين احمد ,,
(مشاعل) انتي ناسيه اني غطيت عليهم من ثاني ثانوي بعدين شكله تغير احلو
(موضي)بعلمه ترا,,
(مشاعل)أذبحك مكانك
(موضي)ههه والله وحشتيني وحشتني سواليفج ,,
(مشاعل)وانت بعد,,أخذتهم السوالف ومرت ساعتين ماحسو بالوقت الايوم دق أحمد على موضي يستعجلها,,,
(موضي)والله انك بتوحشيني كان ودي نجلس أكثر بس بنمر مجيد وخلود ويادوب يمدي ,,طلعت من شنطتها الفخمه كيس فخم وحلو ,,
(مشاعل)وش ذا؟؟
(موضي)ذي هدية عبور باركيلها وسلمي عليها وعلى رهف وخالتي فوزيه وعلميهم باللي صار وانا ان شاءالله اكلمها
(مشاعل)ودموعها بعيونها فديتك ياذوق كلفتي على عمرك والله بتوحشيني أمانه معك اول ماتوصلين تطمنيني واتعذريلي من أحمد ,,
(موضي)لاحوول والله عادي شفيتج انتي ونادت أحمد
(موضي)ياليت تكلمهابنفسك عشان تصدقني مشاعل مفتشله منك ,,مشاعل بخاطرها تصفق موضي على جرأتها وبنفس الوقت منحرجه ماتدري شتقول ,,,انا ...اسفه مره ثانيه ماكان قصدي,,
(أحمد)لاأنا زعلان,,فتحت مشاعل عيونها وناظرت موضي ضحك أحمد على حركتها وقال بصوت حاد :ماينزعل منك يابنت الاجواد انا اشهد ان عمي عرف يربي وناظرها نظره عجزت تفسر معناها وتركهم وراح وقال لموضي تلحقه تفاجأت مشاعل من كلامه بس ارتاحت نوعا ما ودعت موضي ورجعت بعدها البيت ....................
(في بيت بوراكان)
دق بندر على فيصل :
(بندر):وين الناس؟؟
(فيصل)موجودين بس تدري الطلبيه علي واجد
(بندر):اقول لايكثربس وينك من يوم طلعة البر ماعد شفناك
(فيصل)شعليه الاخ اجازه ,,
(بندر)بتحسدون على ذي بعد
(فيصل) والله مشغول بكم لوحه عندي الاسبوع الجاي معرض ويادوب أخلص
(بندر) دولي ,,
(فيصل وبيأس) لا بس نقول ان شاء الله ,,
(فيصل) اله يقدم اللي فيه الخير لك ,,اقول تخاويني الاستراحه ؟؟
(فيصل) مع اني مزحوم بس جات في وقتها محتاج أغيرشوية جو خلاص تم ,,بس تذكر فيصل انه مواعد مشاعل يطلع معها بقالها كم شغله وبتخلصها قبل عرس عبير..
(فيصل) انا مواعد مشاعل انزلها السوق بس تدري بخلي السواق يوديها واجيك ,,بندر اللي سرح بفكره يوم انذكر اسمها
(فيصل)هيه انت...اكلمك ..
(بندر)ها ... ايه اسمعك خلاص استناك ,,,
راح فيصل لغرفة مشاعل دق الباب
(مشاعل) ادخل ,,,تفاجئ بجو الغرفه أنوار صفر والشبابيك مفتوحه بالذات ان الهو برا جنان وهدوء وصوت محمد عبده الصوت الوحيد السموع قفلت مشاعل الدفتر اللي كانت تكتب فيه
(فيصل)ياعيني على هالاجواء الرومانسيه ,,ابتسمت مشاعل ,,وكانها كانت تبكي عيونها حمر ماعلق فيصل وقالها شعول سو سوري مايمديني انزل معك اليوم وعدت بندر امره ونروح الاستراحه ودي أغير شوي عن جو المرسم حاس اعصابي متوتره قبل العرض ,,
(مشاعل)وكالعاده جلست تخفف توتره بكلمتين وقالتله يرميها بطريقه بيت عمها طلع ونزلت دمعه خانتها ,, من متى ياخوي شكيت من متى ولبست عشان ماتتأخر......................................
(بيت بوراكان)
(مشاعل):خلاص عبور بتروحين ,,
(رهف)والله زين بفتك شوي واتدلع براحتي,,
(مشاعل):وانتي الحين وش تسوين يالظالمه ؟؟,,,
(عبير)ههه اقولك اجرام بس محد مصدق
(مشاعل) تعالي عندي لك هديه ,,,
(عبير) من؟
(مشاعل):شوفي اول وطلعت من الكيس علبه فتحتها كان خاتم الماس رايق وناعم يلائم ذوق عبير الهادي ,,عبيرانهبلت يوم شافت الخاتم من مين هالهديه الغاليه ؟؟
(مشاعل اللي ماتفاجأت لانها تدري بذرابة موضي وذوقها الرفيع ذا من موضي ,,
(عبير):لاتقولين .... موضي هنا
(مشاعل باستياء):لا كانت وعلمت البنات السالفه بمافيها موقفها مع أحمد واستلموها البنات تعليقات .................
رجعت مشاعل البيت بعد مااتفقو يروحون بكرا كلهم سوى يشيكون على البروفه الاخيره لفستان العروس ويحجزون بمشغل..................
(اليوم السبت ) وبدا العد التنازلي ليوم الزواج اللي تحدد الخميس ........................
كان يوم شاق على البنات فرفره بهالاسواق لين خلصو كل اغراضهم طبعا تحت أشراف ام راكان وتدخل خلود كل مافضت (حجوزات الديجيه والمشغل والتصوير والمباشره ) كل شي كان من برا ومتعوب عليه مع ان الزواج كان في بيت بوراكان الكبير والفخم وذي كانت رغبه العرسان واهاليهم.............................
(الاحد الساعه 9الصباح) كانت مشاعل جالسه بالصاله تقرا مجله وتسمع لفيروز تحب تسمعها على الصباح قفلت المجله وفتحت دفترها الغالي على قلبها جلست قرا فيه وفتحت اخر صفحه مسكت القلم وكتبت......
هاانذا أفتح أبوابي أمامك ..وأفتح عيني لتحتويك وأفتح ذراعي
لأضمك ..وأفتح قلبي لدخولك..هاأنذا أبحث في الوجوه
عن ملامحك ..وأبحث في الأصوات عن كلماتك ..وأبحث
في الأصوات عن كلماتك ..وأبحث في الكلمات عن كل
همساتك ...هاأنذا أسيروالدموع تأبى الانحدار..وأسير
والحزن يملأ الأحساس ...وأسير والهم يسكن الوجدان ...
وأسيروالموت يعانق الفؤاد..هاأنذا أضيع وماتبقى مني...
ذكريات تسامر النجمات ...أضيع وماتبقى رماد
الأعصاب أضيع والباقي مني بقايا انسان ....وأضيع والباقي
مني يناي ..تعال ....
هاأنذا أصبحت بعدك لاأبالي بالأشياء..لاأحمل سوى الآوجاع
ومع الوقت أضيء شمعه في سكون الظلام .. ومع الوقت...
أردد عبارات الصبر والسلوان ومع الوقت أدعو ربي أن
ينسيني الهوان ......................
صكت الدفتر وتنهدت من قلبها اه فقدتك يمه الله يرحمك ...
قطع جوها التلفو اللي كان يرن جنبها,,
(مشاعل) الو ,,
(خلود) هلا مشاعل ,,
(مشاعل)وينك يالظالمه اسبوع ماطليتي علي ,,
(خلود) معليش بس تعرفين مجيد وشغله المعقد بس يالله هالاسبوع بقط عندكم شتبين بعد ,,,(مشاعل) من جد وناسه والله ,,
(خلود):انت لحالك بالبيت ؟؟,
(مشاعل) ايه كالعاده ليه ؟,,
(خلود) طيب ابرسلك العيال مع الشغاله وانا ومجيد بنروح المستشفى عندي موعد اخلصه واجيكم اوكي ,,
(مشاعل)لايكون بس......
(خلود)لابس ولاأخوها يالله باي
(مشاعل) باي استناك ...بعد ساعه الاربع دق التلفون وردت مشاعل من اول رنه حشى توقعتها خلود لان محد بيدق بهالوقت ,,حشى ماصارت تراماني بالخدامه جالسه انتظر ,,(الطرف الثاني) السلام عليكم,,(مشاعل)............
(بندر)الو
(مشاعل)وبصعوبه هلا .. السموحه اخوي من معي ,,بندر يضحك على اسلوبها ,,مشاعل عصبت ليه يضحك ذا ووجهه
(بندر) لامسموحه كثير اللي يعصبون الصباح ,,استغربت جرأته ماردت ,
(بندر)ممكن أكلم فيصل
(مشاعل)والله موفيه طالع,
,(بندر)اها طيب ياليت لو رجع تقوليله بندر بن سعد يبك ضرووري انا ادق على جواله مايرد (مشاعل وكانها بلعت نص الحروف ) ان ....شاءالله ...............
صكت السماعه ويدها ترجف وتحس بجفاف بحلقها قلبها يرقد بقوه
الله ياخذني والله اني خبله ذا ولد عمي سعد أكيد عرفني مافي غيري بنت بالبيت ,,والله فشله ياربي مابينتهي مسلسل الفشلات والمواقف البايخه مع هالآدمي ,,قطع حبل أفكارها صوت البتول تصيح ومعها الشغاله كانت متضايقه من شي حاولت مشاعل تهديها دخلتها غودرفتها وحاولت تنيمها بفراشها غطتها زين واخذت محمد وخلت الشغاله تسويله أكل وجلست تلعب معه ,,بس لفت على الشغاله وسألتها ,,way she was cry?
)الخدامه وبتردد):because….
) مشاعل وبصوت حاد خوف الخدامه ):way?.............tellme
)الخدامه)because ..hear mather cry….. Idont no way?
استغربت مشاعل خلود ليه تصيح الله يستر بس,,وكملت لعبها مع محمد....
(في بيت بوراكان)
أم راكان: عبير عبير يمه وينك تعالي ,,عبير وهي نازله الدرج وأثار النوم على وجههاايه يمه هذاني ليش تصيحين ,,
(أم راكان):هاذي اللي تقول بقوم أول وحده ولاعروس الحمدالله ,,حمرت عبير وخضرت من كلام امها لان أخوها راكان كان واقف ويسمع هالحوار,,, وطبعا خفة دمه ماخلته يعدي هالموقف ويتركها بحالها وجلس يرمي كم كلمه خلتها تشرد وترجع غرفتها ,,بندر وهوطالع من غرفته خير شعندك واقف ؟,,
,(فوزيه)عنبو غيرك سلم ,, صبح ,, ولامانستاهل,,
(بندر)ونزل لها حشى والله يالغاليه صباح الورد والعنبر والكادي ودهن العود,,,(راكان) خلاص جبت كل اللي بالحديقه ههه,,,
(بندر)مايغلا على الغاليه والله,,
(راكان) ايه هين بياع حكي بس ,,
(فوزيه)راكان خل أخوك بحاله
(بندر)ههه فشلوه لم وجهك بس ,,ودرعم للباب بيطلع
(راكان)اوريك يالمطوطل ورمى عليه علبة البيبسي الفاضيه اللي كان يشربها ,,,بندر من عند الباب : أي يالدب جرحتني شغلك عندي بس خلني ارجع تركتهم فوزيه ودخلت المطبخ وهي تضحك على عيالها وهبالهم وتدعي الله لايغيرعليهم ويوفقهم دنياواخره.........
عبير كانت جالسه بغرفتها زهقانه فكرت تكلم مشاعل تشوف شعندها ..
(مشاعل) حيالله العروس ,,
(عبير)لاتقولين كذا والله استحي,,
(مشاعل)ههه
شدعوه ترا ماهي بسبه,,,
(عبير) ياكرهك ,افتك من راكانوه وامي تجين انت شقصتكم اليوم؟؟؟؟ تذكرتوا اني عروس,,,(مشاعل)اسفين ولاتزعلين خلاص أي أوامر ثانيه؟
(عبير)ايه لاهنت اذا انت فاضيه اليوم ودي تروحين معي اليوم بستلمه ماادري اخاف يكون ناقصه شي ,,(مشاعل) واله عيال خلود عندي بس ولايهمك لو امداني جيت,,
(عبير بترجي) تكفين شعوله حاولي
(مشاعل):كم تعطيني ,
(رهف)بعطيك كف يالخايسه على وجهك,,
(مشاعل)بطللنا اجل دوري غيري ,,
(عبير)مشاعل
(مشاعل)اف خلاص لاتصيحين ,,
(عبير)ههه خلاص موعدنا 6
(مشاعل) اوكي باي ياقلبي ,,
(عبير)بايوحبيبتي...
وقفلت من عبير حست بعدها بضيقه ماعرفت وش سببها يمكن لأن عبير خلاص بتروح وتتزوج وماعدبتصير جمعاتهم مثل قبل أو يمكن عشان أختها اللي كانت تبيكي وماتدري ايش سالفتها هي حاسه بتغيرها هالفتره بس ماتدري شسالفه..طلعت غرفتها بعد ماشيكت على العيال وجلست تدرو عليه ياربي وين حطيته هنا لالالالا وين ,,ايه تذكرت ونزلت تحت وفتحت الدرج اسفل التلفزيون ولقته دفترها اللي تموت عليه وماتستغنى عنه ,,طاحت من الدفتر صوره جلست تتحسسها بيدها الصغيره الصوره كانت قديمه شوي مر عليها دهر ومازالت موجوده عند مشاعل الصوره كانت لأم مشاعل وهي حامل بخلود,,,يالله كيف الزمن يعدي والأيام تعدي ..اه يمه بجد واحشتني جلست تتحسس الصوره وكانها بهالطريقه جالسه تتحسس امها ..شعرها..ووجهها ابتسامتها..كل شي فيها حطت الصوره على جنب وفتحت دفترها....
حين تغضب ولاتجدمن يراضيك ..حين تحزن ولاتجدمن يواسيك
حين تبكي ولاتجد من يسليك ....في ذاك فقط تكون تعيسا بل أشد
تعاسه من أي انسان ..حين تكون فرحا سعيدا وتسلب منك
سعادتك بسهوله في ثواني بسيطه..تشعربانك لم تكن سعيدا وان
سعادتك اختفت كما السراب..فنحن البشر لانشعر بالسعاده
بقدرمانشعر بالحزن..فالسعاده تفارقنا دون أثر كبلبل صامت
رحل دون أن يملك قلوبنا ودون أن يزرع فيها الحنين لصوته ..
أما الحزن فيصل ببطء تاركا أكبر الآثار ...وأعمق الجروح كما
رياح الخريف الجافه حين تمر على الشجر................
قفلت الدفتر بعد ماوقعت على خاطرتها بدمعه نزلت من خدها على اخر الورقه .....حاولت تسترخي شوي وتنام لها ساعه........
فزت على صوت المنبه....يوه تأخرت على البنات ,,قامت من فراشهاودخلت الحمام غسلت وجهها توضت وصلت العصر لبست ملابسها دق جوالها وهي تلبس
(مشاعل):هلا خوخه وينك خلصتي
(خلود):أي يالله ساعه وكون عندك بلم ملابسي بس ,,
(مشاعل)اوكي انا بطلع مع بنات عمي سعد مابتأخر بشوف فستان عبير ونرجع
(خلود) طيب استناك على العشا لاتتأخرين....
مشاعل حاسه بصوت أختها موطبيعي وفيه بحه غريبه كانها كانت تبكي ,,
(مشاعل) خلود فيك شي صوتك موعاجبني,,
(خلود)بارتباك ها..لا..لا مافيني الا العافيه روحي مشوارك يالله لاتتأخرين ..
(مشاعل)اوكي اشوفك اليوم ان شاءالله باي.........
وقفت بي ام سودا عند الباب ونزلت مشاعل منها دخلت الحديقه الخارجيه وعند الباب كشفت وجهها حطت يدها على الباب الاذا اللي طالع بوجهها قد شافت هالوجه استوعبت ورمت الطرحه على وجهها ,,بندر ومتفاجئ
(مشاعل)بسم اله (بندر وهويضحك ليه شايفه جني عموما اسف ماقصدت اخرعك تفضلي البنات وامي داخل حقرته وماردت عليه ومرت قدامه مثل البرق,,في نفسها :ياربي وبعدين انا مااطلع الابوجه ذا دايم بس والله مزيون وتحمدت ربها ان الغطى على وجهها وماشف بندر تعابيره لانه اكيد بيموت ظحك عليها .......
أول مادخلت مشاعل الصاله قابلتها أم راكان هلا هلا ببنيتي شخبارك يمه وشلونكم ؟؟,,(مشاعل)هلافيك عمتي ,,تدرين الجامعه مابقالها غير أيام وخلود مشغوله بعيالها حتى انا مااشوفها وابوي مسافر وفيصل بالمرسم عنده عرض هالأسبوع ومخبوص ..
(فوزيه)وانتي يمه من يراعيك ,, وانتبهت بعدين لكلمتها العفويه واللي ماكانت تقصد فيها شي اكتفت مشاعل باابتسامه مصطنعه كجواب لعمتها وقامت نادتلها البنات ,,بندر كان واقف ورا الباب ويسمع هالحوار اللي ضيق خاطره مايدري ليه حس انه يبي يسمع صوتها مره ثانيه .......
نزلوا البنات لمشاعل,,
(عبير)ياهلا اسفرت وانورت توما نور بيتنا
(مشاعل)خلاص ترا استحي,,
(رهف)مولايق,,
(فوزيه)رهيف اعقلي بلامصاخه كله ولاشعوله,,
(رهف)يمه كلتيني خلاص اسفين عمتي مشاعل سماح عشان ترضى علينا الحكومه,,
(مشاعل)بوسي ايدي أول ,,
(رهف)ويع ليه زوجك على غفله,,
(مشاعل) +(عبير)ههه
(عبير) اقول يمه احنا بنروح تبين شي ,,
(فوزيه)لايمه بس لاتتاخرون بس كلمي واحد من خوانك يوديكم لأني مرسله السواق بيت خالتك اذا بتنتظرون روحوا معه واذا مستعجلين خلى راكان اوبندر يودونكم,,
,(عبير)يمه مابيعطونا وجه ,,
(فوزيه )اجل استنو تاج يجي ,,
(تاج)السواق.....
ياربي ,,
(مشاعل)يابنات انا واعده خلود مااتاخر عليها,,
(رهف)بدق على راكان ............
(راكان) هلا رهوف ايش عندك اكيد مصلحه ,,,
(رهف)بل بل عليك طيب خليني اسلم ورد ,,
(راكان)اعرفك داقه وراك شي (رهف)ههه كاشفني
(راكان)اخلصي what you want?
(رهف)تتميلح بهالانجليزي اللي تعرفه مابرد عليك لان ثقافتي فرنسيه,,
(راكان)ههه والله انك هبله ايش عندك ترا مو فاضي لك (فستان عبير بيطلع اليوم ونبي نروح نشوفه ممكن تودينا؟؟..
(راكان)والله كان بودي بس ابوك مشوي اجتماع بعد ربع ساعه ولازم اكون فيه سوري كلمي بندر ابو اجازه,,
(رهف)ههه
وشي ذي بو اجازه ,,
(راكان) ذا لقبه في البيت لين مايذلف يسافر,,
(رهف)الحمدالله يالله باي..دقت رهف على بندر اللي كان قريب من البيت ووافق يوديهم مشاعل مادرت من بيوديهم وهو مادرى....
(رهف)اف مابغينا نشحت ,,الله يخلي تااج بس تاج فوق روسنا,,,
(مشاعل+عبير)ههه ,,
(مشاعل)وهي تناظر عبير الحين مافي لاتاج ولايلمان مافي غير خالد ,,راح وجه عبير الوان وكانت تحس بقلبها يدق بسرعه كل ماانذكر اسمه ماتدري خوف اوضيقه ..
في غضون نص ساعه جاهم بندر ومشاعل مايحتاج اشرحلكم وضعها كيف كان ,,تذكرت كل مواقفها البايخه معه ويوم شافته في السياره وهي عند باب الفيلا ضحكت
(رهف)بسم الله مجنونه ,,زاد ضحك مشاعل وماردت على رهف المستغربه,,,, وقالت في نفسها والله احراج اقولهم مورايحه بس بيقولون ليه اف يالله الله يعيني كلها كم ساعه مشت ورا رهف وعبير سبقتهم ,,حست الدنيا فجأه تدور فيها مسكت على راسها بس كملت لين السياره ركبت وصكت وراها الباب ....
(عبير) سلام كيفك,,
(رهف)تصدق وحشتني من امس لليوم بندور (بندر وكانه متضايق كان لسه يفكر بكلام امه مع مشاعل
(بندر)وشي بندور ذي اصغر عيالك,,
(رهف)يمه طيب لاتنافخ,,أخلاق تجاريه ,,بندروهويضحك من اسلوب اخته كيفي ,,مانتبه لوجودها اويمكن مو معاهم لان فكره بعيد شوي
(عبير)شعول خلود بتجيكم اليوم ,,
(مشاعل) ايه عيالهاعندي بصوت واطي ,,انتبها بندرلصوتها وكانه كان مسرح ناظرها بالمرايا الأماميه ,,موقادره تاخذ راحتها بالكلام تلعب بيدها مثل الاطفال تحس انه يناظرها بس ماتبغى تطالع فيه ....
وصلوا للمكان اللي يبونه لف بندر على عبير وقالها انا هنا واشرلها على كوفي شوب وانتو اذا خلصتو دقي علي اوكي..
في نص جولتهم بالمحلات تقريبا مابقالهم شي ويخلصون وعبير استلمت فستانها,,
(رهف)مشاعل بأ‘لى صوتها خلت كل اللي حولهم يطالعون مفجوعين.......

(الجزء الأول)
(الفصل الثالث)
طاحت مشاعل بدون سابق انذار فقدت الوعي وسط الناس بالمجمع اللي كانوا فيه وجت عبير
بسرعه على صيحة أختها حاولو يقومونها رشوعليها شوية مويه بس مافاد ,, دقت عبير على
بندر اللي جاهم طيران ,, انفجع من منظرالبنت طايحه ومي حاسه باأحد ,, رهف من الصدمه
كانت ترجف ومفجوعه عطتها عبير الأكياس اللي كانت معهم وحاولت تشيل عبير بس بما
ان مشاعل لسه فاقده الوعي كانت حركتها ثقيله كانت بتطيح من عبير اللي ماقدرت توقفها,,فجأه
بعدها بندر وسحب مشاعل منها ,,شالها تخيلو عدل غطاها ماقدر يخلي وجهها مكشوف
بالشارع حس ان هالأنسانه تعنيه بطريقه ما وصلوا المستشفى بسرعه جنونيه كان يسوق
فيها بندر…………….
(في غرفة الانتظار) عبيرورهف وبندر ,,
والتوتر باين عليهم بعد نص ساعه طلع الدكتور
فز له بندر,, واستغربت عبير توتر أخوها
واهتمامه بس ماعلقت ,,
(الدكتور) لاتخافون ما
في شي كبير ,,انت زوجها ؟ ,,
بندر بدون تفكير: ايه ماحب يحرجها بوجوده وبالذات قدام
الدكتور السعودي,,يعني جالس بصفتك وشو؟؟
(عبير+رهف) يناظرون بعض مصدومين من
رد أخوهم ,,المدام عندها هبوط بالضغط هواللي سبب فقدانها الوعي بس هي عندها من أول
أنيميا حاده وذا بسبب قلة الأكل أو ان أكلها خالي من الحديد والفيتامين ,, لازم تنتبهون على أكلها
لو هي أهملت هاذي صحه ياأخ بندر وهالأمور
ممكن تأثر عليها مستقبلا أنا عطيتها مغذي ,, حاليا هي نايمه وأول ماتصحى تقدر تطلع….
(رهف) وهي تمسح دمعه فرت من عينها :أنا …
أنا أدري هي ليه مهمله نفسها ..لان مافي أحد يسأل عليها .. لف بندرعلى أخته ماعلق يستناها
تخلص لانه استغرب كلامها,,كملت رهف :
مشاعل الى الان تعاني موت أمها اللي ماشافتها هي تحاول ماتبين قدامنا بس أنا أعرفها أحنا
تربينا سوى وأنا أعرف نظرة الحزن اللي بعينها وش سببها ,,,(بندر ولأول مره تدمع
عينه حاول يتماسك قدام خواته حس بقلبه يتقطع
على هالأنسانه اللي مايعرفها وقلبت كيانه هو
يدري ان أصغر بنات عمه عبدالله ماشافت أمها
بس ماكان يتوقع ان البنت اللي شافها بالبر هي
نفسها مشاعل بنت عمه ,, حضن أخته وحاول
يهديها ,,
(بندر):احمدي الله على النعمه اللي
انت فيها وأهلك الموجودين حولك ومشاعل الله
يصبرها ……..
(في بيت بوراكان)
الساعه 10/ والبنات تأخرو.
.(فوزيه)تكلم عزيز
ولدها خواتك تأخرو ولاكلموني
رد عليها(عبدالعزيز)
وهويقلب بالتلفزيون,,يمه ماتعرفين بناتك يومهم
بسنه , كلمي عبير شوفي ايش عندهم….
في المستشفى….
(عبير): بندر هاذي أمي وش
أقولها ؟؟ ,, أخذ بندر الجوال ورد على أمه…
(بندر): هلا يمه ,,
(فوزيه) بندرهلا وين عبير؟
(بندر): يمه عبير عندي هنا بس … بنت عمي
مشاعل تعبت علينا شوي ,, قاطعته أمه :ويه
شفيها البنيه وش جاها؟؟,,
(بندر): يمه هدي ما
فيها الا العافيه بس هبوط بالضغط ,, فقدت
الوعي ووديناها المستشفى,,
(فوزيه )انتوبأي
مستشفى ,,علمها بعد ماوعدته انها ماتجيهم..
(رهف): بندر نبي نشوفها قلهم,,
(بندر) يكلم
الممرضه :can Isee her ?
(الممرضه) : yes…..
دخلوالبنات وظل بندر واقف عند باب الغرفه
مسكت رهف يد مشاعل البارده ,,شوفي ياعبير
هالحلاه ومحد يسأل فيها ,,
(عبير) مو وقته
هالكلام ,,مشاعل اللي كانت تسمعهم بس
مافتحت عينها ,,, بندر راح يجيب ورد عشان
يحطه بغرفتها ,, يتحمد لها بالسلامه ويعتذر عن
تصرفه معها عند باب الفيلا....
قطع عليه صوت فيصل,,
(بندر)بسم الله من وين طلعت (فيصل وكانه زعلان :لاياشيخ... ليه مااتصلت علي والا مالها
أهل ؟؟
(بندر): افا ياولد العم واحنا مانقوم بالواجب؟؟
(فيصل) السموحه ياولد العم ماتقصر بس والله من خرعتي ,, ماعلق فيصل وعرف انه امه
ورا السالفه,,فوزيه علمت زوجها وهو اللي كلم
فيصل لان ابوه مسافر......
(بندر) ماعلينا ,, خواتي معها الحين ,,
(فيصل): والتوتر باين بوجهه
ايش اللي حصل,,علمه بندر باللي حصل وكلام
الدكتور,,
(فيصل): تدري يابندر أنا طول وقتي
بالمرسم وبالذات هالفتره عشان المعرض اللي
عندي,, وأبوي يا بالشركه اومسافروخلود
ملتهيه بزوجها وعيالها و...تغيرت تعبيرات وجهه فجأه وسكت ,,
(بندر باانفعال ): وهي من يهتم فيها مو حرام
(فيصل)........
(بندر) المهم انا كنت بروح اجيب.....وسكت
ايش يقول بيروح يجيب ورد والله اني أهبل و
قدام أخوها ...
(فيصل): وش تجيب ؟,,
(بندر).............
ها...مفتاح السياره بجيبه والحمدالله انه كان
كان صادق ولاتورط لانه فعلا مع العجله نسى
المفتاح داخل السياره......جابه وبعدها راحو
للبنات...............
(في غرفة مشاعل).....
(رهف) شوفي قامت .
.(عبير) الحمدالله ,,
(مشاعل):وهي تفتح عينها بكسل ومتضايقه من نور الغرفه القوي ,,ناظرت بيدها وبالمغذي
تحس بألم في ايدها وصداع فظيع ,, ويني فيه
(رهف+عبير)سلامات شعول,,
(مشاعل).............
الله يسلمكم بس وش صار؟؟,,
(رهف) : انت طحتي علينا في السوق ..
(مشاعل تذكرت ان اخر شي شافته وجه رهف ....
(عبير) الدكتور قالنا كل شي انتي ليه ماعلمتينا بحكاية الأنيميا ؟؟,,
(مشاعل وبضحكه سخريه)
ومن بيهتم ؟؟ ,,
(عبيرماحبت تكثر بالحكي..)
قاطعتهم رهف بتضيع السالفه : وين بندر؟؟
(عبير): وااقف برا,,
(مشاعل )بندر معكم ؟؟
(رهف بعفويه ) : ايه هوااللي شالك وجابنا هنا
(مشاعل مفجوعه وشو,,
(عبير): الله
يرج ابليسك يارهيف ,,لفت على مشاعل المصدومه وشرحتلها كيف كان وضعهم ...
مشاعل غطت على وجهها شوي وتبكي ,, والله فشله أخوكم ذا بالذات من وين يطلعلي ..البنات
مافهمو عليها ماحبوا يضغطون عليها طلعوا
عشان تلبس وتطلع معهم.....
وصل فيصل مع بندر ولقوالبنات جالسين على
كراسي قريبه من الغرفه ,, رهف انتبهت لهم ,,
ياملحه عبير ناظري,,
(عبير) اقول انقلعي والله
انك فاضيه,, بس رهف بيني وبينكم ماتنلام ههه
كان باين على وجهه الهدوء (ابيض البشره له سكسوكه خفيفه ,طويل شوي ),,
(بندر) ها... بشرو يابنات قامت ؟؟
(رهف) ايه توها ,,
سلم فيصل
بكل أدب على بنات عمه وردو عليه السلام...
رهف اتمنت الأرض تنشق وتبلعها على نظرات
فيصل لها,,كان متاكد انها هي اللي شافها ذاك
اليوم في البر............
بندر اللي ماكان معهم كان بعالم ثاني مافي غير
مشاعل ....
دخل فيصل على أخته وتحمد لها بالسلامه
عاتبها شوي لانها ماقالت لهم شي ,, بس ماكثر
عليها لانه هو بعد غلطان ,, وطلع عشان
يخلص اجراءات المستشفى ... ...
مر اسبوع على طلعة مشاعل من المستشفى درا ابوها عن اللي صار ومن وقتها وخلود
تتابعها في نظام معين في أكلها ....كان بندر يسأل عنها من تحت لتحت خواته ويطمن على
صحتها...........
(في بيت بوراكان)
(عبير) رهيف ,, تعالي بسرعه ,
(رهف)...اف
وجع ايش تبين ؟؟؟
(عبير) خلاص أخر شنطه
قفليها معي عشان اطلعها للخدامه توديها السياره
(رهف) خدامة أهلك انتي ووجهك ,,
(عبير):لاالطباخه...
(رهف) هئ هئ ماتضحك,,الله يعينا
عليك ,, خلاص باقي على عرس عبير يومين
والكل مشغول بالعرس ....
بكلمكم شوي عن عريس عبير (خالد) : 28/سنه يشتغل في مطار الملك فهد الدولي بالدمام
,, أخذ عبير تلبيه لرغبة أمه اللي تشوف فيها نعم البنت والمره السنعه اللي تناسب ولدها
طبعا ماتدري عن شي ,,خالد الزواج بالنسبه له ظاهره اجتماعيه قدام الناس أكثر من انه تكمله
لنصف الدين ,, بس كان حنون على أمه وخواته بقوه ,,ابوه سالم توفى في حرب
الخليج كان من ضمن القوات المقاتله في الصحرا, سالم كان ونعم الرجل عاش بطل ومات بطل
الكل يشهد له ,, وابو راكان رحب فيه عريس
لبنته وكان فرحان لانه يشوف في خالد اللي كان
في أبوه بس بيكون قد هالثقه ولا لا ؟؟.......
علاقة عبيرفيه جدا سطحيه ماشافها حتى بالملكه
اللي كانت مختصره على العايلتين بس ..
(الحضور)أمه شيخه أخت بوراكان خواته : (الجازي) 25/سنه مريضه
بالسرطان ,, (نجد) 18/سنه وكلهم أخلاق
ويهبلون ..(جازي) قصتها قصه ,, كانت
مخطوبه لولد عمها اللي يوم درى بمرضها رماها كانه يرمي سيجاره وتركها بحرقة قلبها
انطوت فتره على نفسها فتره بس طلعت من من عزلتها بفضل أخوها وأهلها ومحنتها زادتها
قوه وعرفت انه مايسواها ومايستاهل حبها و قلبها الطيب .....عبير رفضت تدخل على خالد
يوم الملكه مثل ماقلتلكم وهو مااهتم كثير...
(يوم الزواج)
(شيخه) كلويش ,, كلويش
الف مبروك يمه الف مبروك,,أخيرا ياخالد بتحقق حلمي ,, خالد واقف قدام المرايه
يعدل شماغه ,, جلست تبخره وتسمي عليه.. خالد وكانه متضايق: يمه شدعوه ماني بزر
وبعدين بدري تو الناس على البخور والعود
وهالزغاريط ,,لوسمعك أحد وش بيقول
خصوصا ان الغرف جنب بعض,,
(شيخه): خلي الدنيا كلها تسمع انت مو كل يوم
بتعرس,,ناظرها خالد بحنيه ماحب يكسر
خاطرها هو من البدايه ماوافق الابعد اصرار
أمه مابيخربها في الأخير ...
دخلت عليهم نجد وطالعت أخوها باعجاب واو ياعيني صدق معرس ,, تدري توني ادري انك
وسيم ياأخويه العزيز ونطت بحظنه تسلم عليه,, شيخه تناظر بنتها ,,لف خالد عليها :يمه خليها
لاني اخر مره بسمحلها تعلق قبل عرسي ههه,
نجد وتسوي نفسها زعلانه جلست على طرف
السرير جنب أمها ,,راح لها خالد وحب راسها
وضربها بخفه على كتفها ,,
(خالد)يمه بخلص كم
شغله وارجع ولف على رهف ,, واذا رجعت
ابغاكم خالصين وطلع وخلاهم....
حطت نجد راسها بصدر أمها وقالت: يمه ابقولك
شي بس ماني متاكده ,,
(شيخه) خير يمه فيك
شي جازي فيها شي؟؟؟ نزلت نجد راسها وقالت
بحزن لايمه جازي مافيها الا العافيه الله يشافيها
بس... خالد ..خالد يمه ماادري شفيه احسه مو
فرحان .. نزلت شيخه راسها وش تقول انه ما
وافق الا عشانها وانه مايبي يتزوج ,, طبعا الكل
فاهم ان عبير هي اختيار خالد بما فيهم خواته و
هاذي رغبة امه ماودها تكسر بخاطر بنت
أخوها.........
لايانجد هو فرحان بس متضايق شوي لانه
بيخلينا شهر ويسافر مع زوجته....قومي يمه
صحي اختك واجهزواا
(نجد):تامرين يمه... .....
اك م ل ولأ لأ ؟؟؟؟؟
انتظرر ردودكم ...

الجزء الثاني)
(الفصل الثاني)
(اخر ليله لشيخه وبناتها في بيت أخوها بوراكان)
البنات يتجهزون كلهم بيطلعون يتعشون برا ,,
نجد جالسه بالصاله بعبايتها هي ومشاعل ينتظرون البقيه يخلصون
دق جوال نجد وهم جالسين,,,
(نجد): ياهلا بالعريس,, أخيرا تذكرتنا مابغيت..
(خالد): ههه,,والله انكم واحشيني موت بالذات لسانك الطويل
من زمان عنه ..
(نجد): بنعديها هالمره عشان معرس بس لاتتعود .. كيف
العروس؟؟؟؟؟؟
مشاعل جالسه على أعصابها وتسمع,, من يوم زواج عبير ماكلمتها عشان
ماتزعجها بس قلبها عليها ودها تعرف أخبارها
أشرت لنجد تسأله عن عبير
(نجد): أقول خلودي شخبار زوجتك؟؟؟
(خالد): ماعليها بخير هاذا هي جنبي وتسلم عليكم,,
يالله مابطول سلمي على
أمي وجازي ,,دقيت على جوالها وماردت واسمعي ترانا بنجي بكره
9/ الصبح ,, لان الرحله الساعه 11 قولي لامي ,, لانتأخر..
(نجد): ان شاء الله على خشمي ,, باي
وقفلت نجد من أخوها..
مشاعل ماتعرف خالد بس من طريقة أخته بالحكي معه تبين انه شخص
حنون وبسيط معهم ولاماتمون عليه وتكلمه بهاالطريقه بالرغم من
فارق السن الكبير بينهم,,, ارتاحت نوعا ما ,, ودعت في قلبها لعبير
لانها تستاهل كل خير.......
/
/
/
طلعو البنات كلهن وتوجهوا للكورنيش ,, فرو بكل المطاعم الموجوده
(في السياره)
(رهف): خلونا نروح تشليز,,,
(نجد): لالا ,, هارديز أحلى,, وبعدين زحمه موت
وكل وحده تقول مكان ,,,
وأخيرا ,, مابغو يستقرون على راي
وقفت اللكزس عند باب المطعم ونزلو البنات (ابل بيز)
سوالف وضحك ,, مابقى شي ماطلبوه ,, أكثر وحده كانت مبسوطه
بهالجمعه مشاعل لأنها مفتقده هالجو ,, كانت تضحك من قلب
كانت تاكل بشهيه مفتوحه ,, أول مره تاكل بهالكميه ,, جلست رهف
تراقبها وكانت مبسوطه انها تشوف صديقة عمرها مرتاحه ...
(رهف): اه خلاص بطني .
(نجد):ههه عليك منظر يجنن.
كانت نص مسدوحه على الكرسي وماسكه على بطنها
(رهف): احس بتخمه شديده ,,
(مشاعل): بنات وش رايكم بكاسة شاي معتبره بعد هالأكل
(الجازي): جبتيها والله ..مشينا
دفعوا حسابهم وطلعو ,,
/
/
/
/
/
كانت جالسه معه بالكوفي شوب ,, كان يسولف
بس ماهي معاه ,, لاحظ شرودها,,
(عبير) ماني قادره أفهمه مرات أحن منه مافيه,, ومرات ينقلب
تتحول حنيته لجفاف ,, قساوه وكاني انسانه غريبه عنه
نفسي أعرف وش بخاطره ليه يسوي كذا ,, أنا في ايش مقصره معه؟؟
(خالد): عبير.... عبير
انتبهت له يناديها
(عبير) : .... هلا
(خالد) : وين وصلتي؟؟؟؟
(عبير): صدقني قريب ,, وابتسمت بتصنع لزوجها
اللي كان يناظرها مو فاهم شالسالفه.......
/
/
/
/
لفو بالسياره على الكورنيش
بعدين دخلو المرديان ....
(مشاعل): يابنات أموت على هالمكان راايق خلونا نتمشى شوي
(رهف): وهي تمشي وماسكها بطنها كانها بطه,, مافيني
(مشاعل) بلهجه مصريه : المدام حامل
البنات بصوت واحد ,,اه
ههه
جلست رهف اللي مي قادره تمشي خطوتين على بعض
ومعها الجازي,, أما مشاعل ونجد راحو يمشون شوي ويلفون
في المكان,, دخلو دورة المياه عدلو غطاويهم وطلعواا
وهم راجعين للطاوله اللي فيها البنات,,الا واثنين من الشباب
باين عليهم كبار..وكشخه,,
تكلم واحد فيهم : اذا الحلوين لحالهم ويبون رفقه ترانا في الخد مه..
(مشاعل) وهي تجر بنجد : الله يخليك لاتعطين هالمصاطيل وجه
(نجد) مقهوره الا ماترد عليهم لو بكلمه بس
مشو الثنتين بسرعه ,, بس الشباب لسه وراهم
كان مراقب الموقف من بعيد ماعجبه واستحقر هالمخابيل
وقفت وسط المكان وبصوت عالي ,,
(نجد) : ياحيف على المرجله اذلف انت وياه لأنادي الأمن
يشحطونكم برا
الشاب الثاني خاف وبعد عنهم ,, أما خويه اللي تكلم انقهر من رد نجد
أول مره وحده تكلمه بها الطريقه ولا تنافخ بعد,,
وقف قبالها ومسك يدها بقوه ,, لاشعوريا عطته كف على وجهه
توقف الزمن فتره ....
مشاعل واقفه متصنمه ..
نجد عاجزه عن الكلام....ومغمضه عينها خايفه من ردة فعله
الشاب واقف ويناظر بنجد مو مصدق ..
ضحك ونزل راسه ,,
( الشاب ):أنا اسف ,, عز الله ان اللي رباك رجال
وتركهم ومشى..........
(مشاعل): يالخبله ايش سويتي...؟؟؟
(نجد)....................
ماقدر يمسك نفسه أكثر قام من مكانه وراح للبنات الواقفات..
عسى ماشرأختي هالنذل سوالكم شي؟؟
(مشاعل): مشكور أخوي مافي شي..
(مشاعل) مصدومه : أحمد ؟؟؟
أحمد وكانه يعرف هالصوت ,, مشاعل؟؟
(مشاعل): ايه .. انت وش جايبك هنا ؟؟ قصدي .. انت لحالك موضي مو
معك....؟؟
ضحك أحمد عليها لأنها تكلمت بعفويتها وانحرجت منه..
(أحمد): لا أنا لحالي جاي بشغل ,,لي يومين تقريبا وحاجز هنا
(مشاعل): اها ,, خلود ومجيد يدرون ؟؟
(أحمد): ايه بس اليوم علمتهم...
(مشاعل): على العموم حياك الله ,, وطالعت بنجد اللي لسه واقفه محلها
احنا نستأذن بنمشي...
(أحمد): لحظه .. لحظه يامعوده , انت بخير ؟؟ رفيجتج فيها شي
أنا شفت اللي صار,, بس بصراحه أهني رفيجتج على جرأتها
(مشاعل) مستغربه: ليه ؟؟
انتبهت نجد لأحمد وهو يتكلم..
(أحمد): اللي ضربته رفيجتج ولد أكبر التجار هنيه..(مشاري بن....) مااحد
قد تجرأ وسواها من الشباب (اللي بيني وبينه شغل)
,, بس يستاهل اللي جاه مأذي بنات الناس وياويلها اللي تعانده
يظن ان الناس كلها تنشرى بالفلوس..
نجد لسه يادوب تستوعب كلامه ,,
دق جوال مشاعل وكانت الجازي تستعجلهم,, استأذنت من أحمد اللي كبر
في عينها بتصرفه ,, رجعت للبنات ,, شربو الشاي بعجله وطلعو من
المكان.......
جلس يراقبها لين ماطلعت ,, حط ايده على خده يتحسس الكف
اللي جاه ,,, معقوله انا .. رجال بشنبات ماسووها ,, بنت تضربني,,
أستاهل ماجاني أستاهل....
وراح طيران بعد ماتأكد من طلعتهم لأحمد اللي شافه واقف معهم
(مشاري): وهو مستحي ومنحرج لان أحمد شاف الموقف ,,انت تعرفهم؟؟
(أحمد): ايه اعرف وحده فيهم لانها تقربلي وانت شعليك؟؟
مو كافي اللي سويته...
(مشاري): والله نادم ,, كف هالبنت صحاني من غفلتي...
وطلع من الفندق بسرعه......
/
/
/
/
/
سافرت شيخه وبناتها مع خالد وزوجته ورجع البيت وفضى ,,,
جلست مشاعل مع رهف بعد موافقة أبوها لان رهف لحالها....
/
/
/
/
في غرفة بندر والوقت متأخر ,, موقادر ينام ,, ياربي هالبنت ايش سوت
فيني انا اللي البنات كانوا يجون حدي وأرفض,, تشغلني بنت ماشفتها الا
كم مره,, بس ذي غير فيها شي يجذب الواحد غصب,, اطلعي
من راسي جنتيني....
سمع صوت الآذان قام توضى عشان يطلع يصلي.....
/
/
/
حاولت تنام بس ماقدرت وكانها غفت شوي ,, فزت من مكانها
ناظرت بالغرفه لقت مشاعل نايمه جنبها ,,دورت عليها مالقتها ,,
كانت تدور عبير وكانها ناسيه انها تزوجت...
فتحت الباب وركضت على غرفتها ,, حست مشاعل بحركه وقامت
مالقت رهف دورت عليها ولقتها بغرفة عبير تبكي على الفراش...
/
/
/
/
وهو نازل الدرج سمع صوت وكلام وكأن أحد يبكي..
كانت غرفة عبير استغرب لانها المفروض تكون فاضيه,, فتح الباب
رهف ومشاعل كانوا يبكون ,,
بندر واقف مبلم ذي وش جايبها هنا؟؟؟
لايكون من كثر ماأتخيلها صارت تطلع بكل مكان ,, انتبه على صوت
رهف اللي صاحت عليه ورجع ورا الباب...
(بندر) بخوف : خير وش صاير؟؟؟
(رهف) بنفخه : مافي شي انت ايش تبي ؟؟؟
أول مره تنافخ على أخوها وتكلمه بهالطريقه ...
(بندر) مصدوم
(بندر): عدلي أسلوبك بالكلام ماني أصغر عيالك ,,
مشاعل هنا تدخلت خافت أحد يقوم على أصواتهم ..
(مشاعل) بهمس : معليش بندر امسحها بوجهي اعصابها شوي
تعبانه .....
نزل بندر ولا قال شي زياده
وهو في طريقه للمسجد كان يفكر ,, كانت تكلمني ,,امسحها بوجهها
ياملح وجهك والله....
/
/
/
/
(في غرفة عبير)
(مشاعل): اللي سويتيه غلط وله الحق يزعل عليك..
(رهف): أدري والله أدري أنا أصلا ماادري كيف كلمته كذا بس والله
أعصابي تعبانه شوي عبير اللي راحت وماادري وين بتسكن لان خالد
احتمال ينقل عمله جده ,, والبيت اللي فضي علينا فجأه بروحة نجد وجازي وعبدالعزيز
حتى انت مو بقاعده يومين وبتروحين....وبندر كلها أسبوع ويرجع كندا,, بجلس لحالي
(مشاعل): بهدوء ,, يارهف ياحبيبتي مو اخر الدنيا لواتزوجت عبير
بدال ماتدعيلها بالتوفيق قالبتها مناحه....
انت بعد نصيبك بيجي وتتسهلين ,,وهاذي سنة الحياه...
سكتت بتردد ,, بعدين كملت :أنا طول عمري بالحالي...
احمدي ربك انها عايشه وبصحه وفراقها لك فراق دنيا مو فراق
اخره ,, شاأقول أنا ..أنا اللي ماشفتها ماتهنيت بوجودها جنبي
تركتني بسهوله وكانها ماتبيني ..ماخلتني أشبع من وجهها وحنانها وكل
شي فيها ,, ذبحت فيني كلمة يمه...اه واحشتني هالكلمه
عروقي ضميانه لها ... ابيها ترد وتجلس معي ....
تطبطب علي لازعلت ,, تشاركني الفرح لافرحت,, تحس بالآمي
وجروحي وكل مافيني ,,, ضحكت بسخريه ...
تدرين أحيانا أضحك على نفسي لما أتذكر اني كنت استنكر جية أم تسال
عن بنتها
لما كنا بالمدرسه ,, وكنت ظانه ان الوضع الطبيعي هو وضعي أنا
وحيده أنا اللي اهتم بعمري .......
رهف ساكته عاجزه عن الكلام ...
مصدومه من انفجار مشاعل ,, استحقرت نفسها واستحقرت حزنها
وألمها اللي مايجي نقطه في بحر الآم مشاعل.....
/
/
/
/
/
/
السالفه لها فتره ومو قادر ينساها وينسى كفها على وجهه,, هالبنت هزت
فيه شي كان ميت من زمان ...
له فتره وهو يفكر بهالبنت ,, قطع حبل أفكاره دق على باب غرفته...
(مشاري): أدخل ......
(ملاك): سلام ياأخويه العزيز....
(مشاري) هلا ملوكه أدخلي..
جلست على الكرسي مقابل أخوها المنسدح على فراشه..
(ملاك): الحلو في ايش يفكر؟؟؟
مشاري كان يفكر بينه وبين نفسه يقولها ولا لا...
(ملاك) : ايش بلاك ياخوي في شي مضايقك؟؟ لك فتره مانت عاجبني..
(مشاري): بتردد ,, بتوكل على الله وأقولك بس اتمنى تفهميني...
(ملاك): جرب ...
حكالها مشاري السالفه من أولها......
(ملاك): بصراحه تستاهل مالك حق وانا لويجيني واحد مثلك بيجيه
اللي جاك وأزود يمكن.......
(مشاري): بس.... انت تدرين اني بعد تهاني .. وسكت بس كمل ...تهاني
دمرتني ياملاك .. خيانتها لي كانت في الصميم ..
قام وهو معصب ويأشر على قلبه ,, النار اللي هنا مااحد حاس فيها
نار شابه مابعد تبرد ياملاك.....
(ملاك) حزنت عليه ,, كسر خاطرها ,,حطت ايدها على كتفه
وجلست جنبه على السرير ...
(ملاك): يااخوي الدنيا لسه بخير ومو كل البنات مثل تهاني الحقيره..
وأكبر دليل لكلامي هالبنت وتصرفها معك...
(مشاري): هدى نوعا ما ,, كل مايتذكر تهاني ينجن ويعصب..لانه يشعر
بمهانه واستغفال ...
(مشاري): أقولك شي بس مادري مو متأكد,, أنا أعرف واحد يقرب
لهالبنت وممكن يجيب لي رقمها...
(ملاك) مصدومه ,, مشاري البنت شكلها بنت ناس وماعندها
خرابيطك وش ناوي عليه؟؟؟
(مشاري): صدقني أول ماأتاكد من اللي أحسه وأتوصل لقرار راح تكونين
أول وحده تعرف وانت اللي بتساعديني,, والبنت ماراح أضرها بشي...
(ملاك): أنا مصدقتك بس ماودي تجربه فاشله تأثر عليك طول عمرك ,,
و الله يكتب لك اللي فيه الخير... وطلعت من غرفة أخوها اللي حس براحه
كبيره بكلامه مع اخته....
(مشاري ,, 29/سنه ,, رزه مره وشخصيته جذابه متوازنه تجمع الجد
والمزح بنفس الوقت ,, ماسك شركات ابوه المريض,,عنده ثنتين خوات
(ملاك)17/سنه ,, (جنى)8/سنوات,, يحبونه وهو يموت عليهم)
مشاري ماهوشخص سئ مثل ما يتوقع أغلبكم ,, بالعكس
كان خاطب تهاني اللي ماتقرب له كانت اخت واحد من أصحابه ,, شافها
صدفه وحبها ,, خطبها واتزوجوا ,, ماكملت معه سنه لانه اكتشف
كذبها المستمر عليه غير مشاكلها مع اهله والأهم خيانتها له....
كرها وكره كل الحريم من بعدها ,, غاب فتره وصار وضعه مأساوي
تغير صار شخص ثاني ,, يعاكس .. ويرقم البنات في الأسواق واشتهر
بهالشي لانه ولد شخصيه معروفه ولها مكانه بالمجتمع ....
مرض ابوه وطاح فتره بالمستشفى ,, صحصح لنفسه بعدها
وحاول ينقذ نفسه ,, تحمل المسؤليه وتولى شركات ابوه بس حقده
كان أكبر,, وانتقامه أشد ...
كان اذا شاف بنت مايمسك نفسه ويحاول يوصلها بأي طريقه
وكأنه بهالشي ينتقم منها ,, طبعا تهاني انفضحت بين اهلها وجماعتها
والمسكينه من الصدمه مرضت وتتعالج الان في مستشفى للأمراض
النفسيه............
(لما شافته نجد في الفندق كان عنده عمل بالمنطقه ,, وهم ساكنين بجده)

الجزء الثاني
الفصل الثالث
(في جده)
كانت شيخه وبناتها جالسين يتمشون على البحر
وعبير واقفه عند باب الشاليه القزاز الكبير,, تناظر بالرايح والجاي
بس بالها مو معها......
كانت حياتها روتينيه بحته,, بتنجن من مزاجه المتقلب,,
مرات تحسه يعشقها ومرات تحسه يكرهها ومو طايقها
ومرات يتصرف بلا مباله كانه عايش لحاله لسه عازب
توقعت أشياء كثيره ممكن تصير بحياتها معاه ,, احساسها بالخوف قبل
زواجها ماكان من فراغ ,, يالله ياشعول ليتك تدرين ...
يعني أزعل وأرجع بيت أهلي وأخسره وأتسبب في مشاكل بين أبوي
وعمتي ,, أخسره لا... بس أنا حبيته.. حبيت حنيته ,,حبيت طبعه القاسي
,, حبيت مزاجه المتقلب ......
لازم أحارب للآخر لازم أكسبه لازم يتغيرلازم...
الله يعيني عليك ياخالد.....
حست بايدين حنونه على كتفها
(عبير) وهي تمسح دمعه بطرف عينها
هلا عمتى ..
(شيخه): القمر ليه جالس بلحاله ؟؟؟
حاولت عبير تكون هاديه وماتبين شي لانها مصممه على
اللي براسها وبتبدى تنفذه....
(شيخه): عبير يابنيتي ابسالك بس ودي تجاوبيني بصراحه
وانا بحسبة أمك ويشهد الله ان معزتك من معزة جازي ونجد...
(عبير): أكيد ياعمه أنا عارفه ,, سمي وش تبين تسألين؟؟
(شيخه): انت مرتاحه مع خالد؟؟
سكتت عبير.. ابتسمت لعمتها اللي تناظرها بقلق وكانها تتوقع اجابه
معينه........
(عبير): أنا مرتاحه مع خالد,, وهو مو مقصر علي بشي..
(شيخه): متأكده يابنيتي ؟؟؟
(عبير): أكيد ياعمتي ريحي بالك..
(شيخه) وكانها ارتاحت من رد عبير,,الله يهنيكم ويسعدك
ويرزقكم الذريه الصالحه,,,
حمر وجهها واستحت من عمتها ,, استأذنت منها بأدب ودخلت غرفتها
دخلت جازي الشاليه وهي ميته ضحك...
(شيخه): بسم الله عليك انهبلتي؟؟؟
جازي وهي مي قادره تتكلم ,, نجد......نجد....يمه....
ورجعت تضحك....
دخلت نجد ومي شايفه قدامها من العصبيه
(شيخه): خير ان شاء الله وش صاير؟؟؟
(نجد): أعصابك لاينقطع لك عرق من الضحك,
جازي لسه تضحك....
(شيخه) انتبهت لبنتها وملابسها الغرقانه ...
(شيخه): نجيد ليه ملابسك غرقانه؟؟
تكلمت جازي أخيرا...
(الجازي): يمه .. تخيلي كنا واقفين قريب من البحر وفي بنت صغير ه
كل مامرت من عندنا ترمي كور تراب علينا,, نجد عصبت عليها وجلست
تلحقها هددتها تعلم أمها ماهتمت لها وهي تلحقها فاجأتها من ورا ودفتها في
البحر..ههه شكلها يمه كان يموت ضحك..
بس البنت يوم راحت شفتها واقفه جنب شاب وكان يهاوشها ..
(شيخه): تستاهلين يالبزر تحطين عقلك بعقل طفله ,,
وراحت وخلتهم......
بعدها بدقايق دق باب الشاليه ...
درعمت نجد للباب بتفتحه لان مااحد بيجيهم غير خالد اللي كان
من الظهر طالع عنده شغل....
(نجد): خلودي ؟؟؟
فاجأها صوت حاد شوي
طلت مع الباب لقت شاب واقف ومعه بنت صغيره ,,صكت الباب في وجهه
لاشعوريا........وركضت داخل
انصدم من القمر اللي شافها ...
بس صدمته بالصوت اللي سمعه كانت أكبر
لا معقوله .....
(الجازي): نجد بسم الله اشفيك؟؟؟؟
/
/
/
/
/
(في بيت بو راكان)
كان اخر يوم لها في بيت عمها سعد
الساعه 9/ الصباح
قامت من النوم ,, ناظرت برهف لقتها لسه نايمه ,, مع انهم مانامو
بدري أمس بس حست بنشاط ..
أخذتلها شورولبست بنطلون بيج مع توب أحمر رسمي شوي
رسمت عيونها بالكحل الأسود وحطت قلوس بيج ,,
تعطرت بعطرها المفضل (givenchy) نفشت شعرها
بعد ماجف وأخذت شرشف معها عشان لو قابلها أحد ونزلت عند
عمتها ...........
دخلت المطبخ لقت عمتها موجوده صبحت عليها وجلسوا يسولفون..
راكان عند الباب حس على مشاعل ...
(راكان): احم احم........أدخل؟؟
عدلت مشاعل غطاها ودخل راكان وجلس على الكرسي..
(راكان): صباح الخير ..
(فوزيه + مشاعل) : صباح النور..
(راكان): شخبارك شعول ,, منوره والله..
(مشاعل) بهمس : بخير ,, تسلم ..
راكان كان مثل أخوها الكبير متعب ,, كان دوم يلعبها هي ورهف وهم
صغار واحتكاكها فيه كثير,, عكس بندر اللي ماتعرف عنه شي..
جلسوا كلهم على طاولة الطعام يفطرون...
بعد فتره دخل بندر....
طاحت عينه بعينها وظلو فتره غير محدده ,, حست بقلبها يدق بقوه
ارتبكت ماتدري ليه...ابتسم لها ابتسامه ذبحتها....
(بندر): صباح الورد على الناس الحلوه , ويناظرها
سلم على راس أمه ولسه يناظرها...
بتموت محلها وخايفه أحد ينتبه,, وهو ماسأل..
(راكان): ياعيني على الروقان...خير؟؟
(بندر): سلامتك بس مبسوط..ولسه يناظر
دقه راكان بكوعه ,, يعني تراني شايف
(راكان): ابسطنا معك ياخي..
مارد بندر على أخوه وسحب له كرسي قبالها..
(مشاعل) في نفسها ياويلي وبيقعد بعد .....لا أحط رجلي أحسن..
(فوزيه): مشاعل؟؟
(مشاعل)السرحانه انتبهت لعمتها...هلا عمتي..
رفع بندر راسه وناظرها بيشوف وش بتقول ..
وهي مرتبكه تكره شغل المراقبه ذا...
(فوزيه): خلود اختك تعبانه فيها شي؟؟؟
(مشاعل): لاعمتي مافيها غير العافيه ليه تسألين..؟؟
(فوزيه): لابس ماعجبتني من يوم عرس عبير حسيتها تعبانه
ابتسمت مشاعل بس استحت تتكلم قدام العيال ...
خلود كانت حامل وبشهور الوحام عشان كذا ثقلت حركتها شوي
ومي طايقه أحد فقلت خرجاتها...
(مشاعل): مافيها الا العافيه خالتي لاتشيلين هم .. بس
وقربت من خالتها وهمست في اذنها خلود حامل ,, واستأذنت
بعدها وطلعت على طول....
(بندر): بنفسه حبكت يوم جلست ,, حظ شين..
(فوزيه) : ياحليل هالبنت والله...راكان وش رايك أخطبها لك؟؟
(بندر) كح كح
شرق الضعيف بالأكل
ناوله راكان كاسة المويه
وضحك على أخوه لانه فهم الحركه
(بندر) بنفسه ,, الله يستر يمه ناويه تجلطيني...
بس برد قلبه رد أخوه..
(راكان): يمه لو خلت الديره من البنات ومابقى غير مشاعل
مااخذتها..........
(فوزيه) مفجوعه وفاتحه فمها من كلام ولدها..
(فوزيه): ليه خير ان شاء الله زينة البنات والله تسواك وتسوى عشره
من أمثالك يالخبل...
(بندر)ههه
(راكان): يمه الله يهداك ,,أدري والله انها احسن مني,, بس غلاتها من غلا
خواتي يمه ,, مشاعل مثل رهف وعبيروبس..
ارتاحت فوزيه من رد ولدها وماعلقت ..
بس تركت لهم الطاوله وقامت..........
/
/
/
/
(في الكويت في بيت أبو موضي)
(أحمد): موضي مايصير اللي تسوينه الرجال جا لين بابنا واحنا مانرد
طالب وأنا أخوك وانت زوجته ...
(موضي) وفيها الصيحه ياأحمد أنا....وسكتت وش تقول ..الأولي والتالي
تقوله ملت خلاص... كل يوم تقول بكره أحلى بس للأسف بكره يكون أسوء
من اللي قبله..................
كانت تبي تجلس لحالها فراحت بيت أهلها بدون مايدري جاسم
وتعذرت بأسباب تافهه مو أساس عذابها اللي تعيشه معه
مثل مايطلعني .. مشغول عني.....
(موضي):الحين لو طلعت وشافني ايش بيصير يعني؟؟؟
(أحمد) بهدوء : حبيبتي موضي زوجك يحبك لاتفرطين فيه
ضحكت موضي باستهزاء
يحق له يقول كذا هو مو عارف شي......
واستسلمت لأخوها اللي ماحبت تكسر بخاطره...
كان جاسم جالس في المجلس متوتر....
دخلت موضي ورمت عليه السلام بدون ماتناظره
رد سلامها وجلس جنبها
(جاسم): البارح ماقدرت أرقد بدونج
(موضي)...............
(جاسم): والله البيت من دونج ماله داعي...
(موضي): تدري توني دريت اني مهمه لهالدرجه
انقهر من كلامها بس هو جاي يراضيها مايبي يجيب العيد
وعدها ان الأمور بتتحسن واللي تبيه بيصير بس تتحمله شوي
ولزم عليها ترجع معه لانه مايقدر يعيش بدونها وموضي ماكان
منها الا انها رجعت معه,, وهي لسه على أمل انه يتعدل.............
عند الباب
(أحمد): شف ياجاسم موضي لو رجعت زعلانه ترا ماراح
ترد لك وهاذي رابع مره ...
رد عليه جاسم بفتور وماأخذ كلامه على محمل الجد...
/
/
/
/
/
/
خلصت الأجازه ورجعوا خالد وعبير من جده واستقر عمله في الدمام
انبسطت عبير من هالشي ,, وبدت المدارس والجامعات والكل ملتهي باللي
عنده............
/
/
/
/
(في بيت أبوراكان )
كانت اخر ليله له في الخبر ,, بكره الصباح رحلته على كندا)
وهاذي بتكون اخر مره يسافر فيها لانه خلص بس بينهي بعض أموره هناك
ويرجع ...................
الكل مجتمعين بالصاله .....
(تكلمت فوزيه ): يمه راكان ماودك تفرح قلبي وتتزوج؟؟
ترك قطعة الكيك اللي كانت بايده ...
(راكان): يمه وبعدين ,, قفلي على الموضوع ,, ولف على بندر
وذا وراكم ماتزوجونه قبل.....؟؟؟؟؟؟
(رهف): يمه حرام عليك وش ذنب بنت الناس يبهذلها؟؟؟
(راكان): تحمد ربها اللي باخذها وبطللي لقافه يالبزر ..
دق جوال رهف وقامت على طول ........
كانت مشاعل على الخط.......
قرب بندر من راكان وهمس في اذنه بشي خلاه يضحك...
(بوراكان): خير ضحكنا انت وياه ....
(راكان): يبه بندر عنده شي بيقوله...
بوراكان ينتظر ولده يتكلم............
بعد فتره تكلم بندر..
(بندر): من بعد موافقتك يبه ,, ودي أخطب..... مشاعل بنت عمي سعد...
عم الهدوء فتره.....
(فوزيه): أنا داعيه ان هالبنت ماتطير مني ,, زين مااخترت..
بس أنا بغيتها لعزيز مدام راكان مو موافق وانت كنت مختاره لك نجد..
(بندر): ليه يمه ,, نجد بالذات مثل خواتي وماأفكر فيها الا كأخت وبس..
(فوزيه): احنا نختار شي وانتو عينكم على شي ثاني,,, ما بتلاقي أحسن
منها ,, ونجد بخليها لعزيز....
(بوراكان): ونعم الأختيار والله ان هالبنت ذربه ,, بس....و يناظر راكان مو قبل مايتزوج
أخوك..
(راكان): يبه ليه مصرين تضغطون علي بهالمضوع؟؟؟؟
(أبوراكان) بعصبيه: اعقل وبعدين معك؟؟ انت عاجبك وضعك , صكيت الثلاثين
وانت عزوبي اللي بعمرك شايلين عيالهم ,, وبعدين خلاص أنا اخترت العروس
أدب وجمال وأخلاق وتقرب لك ...
راكان اللي ماسك نفسه بالعافيه .. بس جلس لأنه يبي يعرف من هالبنت؟؟؟
(فوزيه): من ياسعد؟؟ أنا ظنيتها مشاعل...
(أبوراكان): العروس.. الجازي بنت سالم...
(راكان)......................... مصدوم
(فوزيه): تغيرت ملامح وجهها ..
ايه .. بس البنت.... البنت مريضه...
(أبوراكان) وبحزم أكثر ,, مريضه تتعافى ان شاء الله لاشفتيها على
فراش الموت ذيك الساعه يكون لك حق تعترضين...
الكل كان يدري ان الجازي مريضه ,, بس مااحد يدري بحقيقة مرضها
ماأحد كان يدري ان فيها الخبيث واللي حرص على هالشي أخوها خالد
احتراما لمشاعرها عشان ماتحس بشفقة ورحمة أحد ,, كفاها اللي جاها
من أقرب الناس لها..........
ترك راكان الصاله وطلع بسرعه مو شايف قدامه من العصبيه...
/
/
/
/
/
قبل مايسافر وعده ابوه خير اذا رجع ..
حاول يهدي راكان قد مايقدر لين مايرجع يلاقي دبره لهالموضوع
كلم بندر فيصل اللي تفاجأ بطلب بندر
بس انبسط في نفس الوقت لان بندر رجال ماينعاب
وعده انه يمهد الموضوع لمشاعل ويجس نبضها.........
قبل مايصير أي شي رسمي
/
/
/
/
/
كانت تكلم رهف الفرحانه وبتطير من الونس عشان عبير بتستقر
مع خالد بالدمام وطبعا سكنت مع اهله ....
قفلت مشاعل من بنت عمها وجلست تتصفح كتاب ...
كانت تقرا على الأنوار الصفر الخافته وتسمع (التايتنك_سيلين ديون)
قطع جوها الجوال اللي كان يدق
طالعت بالرقم كانت أختها خلود
قلقت مشاعل بالذات ان الساعه تعدت 12/ الليل
(مشاعل): هلا خلود ..
(خلود): هلا شعول
حست مشاعل بخوف من صوت أختها المبحووح,, وكانها كانت تصيح
(خلود): أنا عند الباب افتحيلي بسرعه وقفلت
نطت مشاعل من فراشها وراحت تفتح الباب
/
/
/
/
/
/
(وش بيصير بين راكان وأبوه هل بيوافق؟؟؟ )
(وش بتكون ردة فعل الجازي لادرت؟؟؟)
(مشاعل هل بتوافق على بندر؟؟)
(عبير بتكون قد تحديها و تكسب خالد؟؟؟)
(مشاري هل فعلا كف نجد خلاه يصحى وهل بتكون له قصه معها؟؟)
(موضي الطيبه العاقله الى متى بتتحمل جاسم؟؟)

الجزء الثالث)
(الفصل الأول)
فتحت مشاعل الباب الداخلي للفيلا ,,
شافت خلود واقفه بعباتها وشايله البتول,, وكان السواق ينزل محمد النايم من السياره..
دخلت خلود البيت وحطت بتول على أول كنبه قدامها وارتمت بحضن مشاعل
المفجوعه ,, وانهارت من البكى...
/
/
/
/
/
/
(في الدمام)
كانت جالسه على الكرسي بغرفتها وتسمع (وتني هيوستن)
الأغنيه رايقه بالحيل وداخله جو ....
ابتسمت غصب .. تذكرته وجا في بالها ذاك اليوم.. في الشاليه بجده..
سبحان الله كيف الصدف تلعب أهم الأدوار بحياتنا
مع انها صدف بس يكون وقعها أحيانا على النفس قوي..
هي ضربته كف وأخته الصغيره رمتها في البحر...
ضحكت.......
دخلت عليها الجازي اللي استغربت ضحك أختها وهي لحالها بالغرفه !!
نجد لسه مي منتبهه لجازي ..
تذكرت أختها اللي تداركت الموقف بعد ماقفلت الباب في وجهه هو وأخته..
(الجازي): سم أخوي بغيت شي ؟؟
(مشاري): بثقل ورزانه جذابه .....,,, لا.. سلامتك .. بس هاذي جنى أختي .... الله يهداها ,,
أنا شفت وش سوت وجايبها تعتذر...
تدخلت( نجد) اللي قالت : هاذي طريقه جديده في المغازل !! خذ هالبنت وتسهل
مانبي اعتذاركم.......
(الجازي): نجد !! عيب عليك ..
انجرح من ردها العنيف بس عذرها لانه عارف ايش سوى ,,
(مشاري) مااهتم لكلامها ,, ورد عليها بصوت حاد شوي نشف الدم اللي بعروقها
(مشاري): جنى اعتذري يالله..
(جنى) اللي خافت من نجد انخشت ورا أخوها واعتذرت بهمس
(مشاري): انا سويت اللي مفروض يصير واسف على الازعاج ,,
مسك يد أخته وشالها واختفى من قدام الشاليه.....
(الجازي): انت ماتستحين مااخبرك كذا !!
الرجال جاي يعتذر بكل ذوق ....!!
(نجد): وتوها تستوعب انه مشاري ..
.بلاك ماتدرين.. وعلمت أختها بالسالفه
من أولها........
(الجازي): يالخايسه كل ذا يطلع منك !! بس تصدقين ياملحه .. كشخه ,, مع اني كنت واقفه ورا الباب
بس ريحة عطره دخلت بخشمي.....
(نجد): خير!! من زينه
(الجازي): مشاء الله أمداك حفظتي شكله؟؟
(نجد) تحاول تخفي ربكتها : حلالك اشبعي فيه
أنا اصلا هالأشكال ماتعجبني......
وتركت أختها و راحت تغير ملابسها الغرقانه...
بعد هالحادثه كان باقي لهم يومين بجده ويرجعون الدمام...
كان طول هاليومين مرتز بالشاليه اللي قاعد فيه واللي كان قريب من
شاليه خالد وأهله...
كان يطالعها في الروحه والجيه ماكان بيده غير يناظر لانه لو زاد عن كذا بتاكله..
الجازي دخلت وطلعت وماحست فيها نجد......
/
/
/
/
/
/
/
(في بيت بو متعب )
(مشاعل): انت أكيد مجنونه !! أكيد فيك شي ؟؟ بعد كل ذا ماتبين تجهضين !!
وحياتك !! انت الأهم ياخلود انت...
رمت بثقلهاعلى الكنبه ,, ماهي مستوعبه الكلام اللي قالته أختها...
خلود: حرام عليكم كفايه عبدالمجيد بعد انت !!
سبب جية خلود بهالوقت ومنهاره كان خلافها مع عبدالمجيد زوجها ,,
كان يبيها تجهض لأن في الحمل خطر على حياتها....
بعد ماعرفت خلود انها حامل جلست شهرين بعدها وراحت للطبيبه تتطمن
على وضع الجنين ,, لكن تفاجأت باللي عرفته واللي ذبحها والى الآن ذابحها
كانت مبسوطه .. بس تلاشت فرحتها يوم قالت لها الطبيبه ان عندها تضخم في عنق
الرحم والحمل ممكن يكون في خارج نطاقه الطبيعي والحل الوحيد انها تجهض
دامها بالشهور الأولى ,, والا بتكون مسؤله عن أي شي بيصير
مشكلة خلود انها حملت بالبتول ومحمد بصعوبه وجلست كل هالسنوات
وهي على أمل تحمل مره ثانيه ويوم تحقق مرادها القدر كان ضدها
وارادة رب العالمين كانت أقوى....
طول هالفتره وهي في صراع نفسي فضيع بس مو قادره تتحمل زود..
(مشاعل) بتوسل : خلود الله يخليك طلبتك واللي يخلي عيالك أعز وأغلى ماعندك
سوي العمليه واجهضي......
(خلود) بعد ماهدت نوعا ما تكلمت بهدوء...
يامشاعل حرام عليكم انتوا والزمن ضدي ..حرام تقتلون حلمي وهو حي قدام عيني
حرام تذبحوني بالحيا ..أنا عزمت أمري خلاص وراح اتمسك بطفلي لآخر نفس
سمعتيني ؟؟ لآخر نفس .. وماراح اتوقع الا الأحسن منكم.....
(مشاعل): لوصار فيك.....شي ,,,
كملت بصعوبه: وين أروح بعمري!! انت اللي حرام عليك اللي تسوينه بعمرك
وفينا,, أنا مأعيش دونك ..
ناظرت بالبرواز اللي على الطاوله ..
(مشاعل) بعصبيه : هي راحت وتركتني.. وانت بعد ماتبيني...
وطلعت ركض غرفتها وهي ميته من الصياح....
/
/
/
/
/
/
(في الدمام)
(عبير): عمتى ممكن أطلع مع السواق عندي كم شغله ابيها من السوق
وخالد مو فاضي ؟؟
(شيخه): شدعوه يمه ,, انت تامرين واللي تبينه سويه..ودامك قايله لزوجك خلاص
(عبير): ايه عمتي بس قلت يمكن تحتاجينه؟؟
(شيخه): أي شي تبينه قولي لي وماعليك وبعدين وين بروح فيه يعني ,,
كبرنا خلاص وراحت علينا.....
ضحكت عبير على سواليف عمتها يمكن لولا وجود عمتها والبنات رجعت بيت أهلها من ثاني يوم
طبعا عبير كانت مصممه تكسب خالد ..
مع انه جاطلها وما كانها زوجته ,, من يوم رجعو من جده ماطلعت معه,, يروح دوامه ويرجع
ينام وبعدها يطلع ماتشوفه الا باخر الليل وأحيانا ماتشوفه لانها تنام قبله عشان دوامها
الروتين ذبحها ..
قررت تسوي سهره حلوه تكسر الحاجز اللي بينهم ..
نزلت مع السواق واشترت اغراض الأكل اللي بتسويه
وكل شي يلزمها.......
/
/
/
/
/
/
لها يومين ترتب للسهره ...
(في المطبخ)......(الساعه 9/)
عبير مستعجله وتحاول تخلص قبل لايجي خالد
(نجد): واحنا مابينولنا من الزين جانب؟؟
دقتها عبير بكوعها ...
(عبير): والله كان ودي ,, بس المره الجايه..
(نجد): ههه,, أصغر عيالك تصرفيني ,, بس تدرين ريحة الأكل تجنن
كأني في مطعم صيني....
(عبير): والله انك فاضيه ,, اسمعي خليك مع الخدامه شوي لين أغير ملابسي
وأنزل.....
(نجد): الله يعين بس ,, حاضر عمتي..
طلعت جناحها الخاص وغيرت ملابسها وجهزت الغرفه...
كانت لابسه فستان وردي ناعم وقصير وفاتحه شعرها البني وواصل لنص ظهرها وطالع شكله روعه
مع القصه الأخيره....
والغرفه مليانه شمووع وورد منثور بكل مكان
الأكل مرصوص بصواني على الطاوله الصغيره بترتيب
وتناسق ....
تعدت الساعه 11/ وباقي ماجا ,, هوبالعاده يكون قبل هالوقت بالبيت بالذات ان اليوم خميس
جلست تنتظر وتنتظر.....
غلبها النوم ونامت على الكنبه بملابسها...........
/
/
/
/
(في الكويت)
استغرب هالأتصال...
رد أحمد على جواله...
(مشاري): السلام عليكم
(أحمد): وعليك السلام ,, هلا مشاري
(مشاري): شخبارك ؟؟ شلون الأهل؟؟
(أحمد): بخير تسلم ,, بشرنا عن الوالد كيف صحته..
(مشاري): الحمد الله على كل شي ,, احتمال نسفره للخارج وربك يسهل..
استغرب أحمد لهجة مشاري الجديه مو من عوايده..
(أحمد): أكيد متصل عندك مشروع يديد ؟؟
(مشاري) بتردد.... بصراحه انا طالبك بخدمه..
(أحمد): سم ,, خير ان شاء الله...
(مشاري): خير .. كل الخير..
/
/
/
/
/