رواية يدري إن اسباب ضعفي نظرته يدري إني ما اقاوم ضحكته قصتي الثانية للكاتبة ساكبة ا

الجد (سالم)
الأبناء
أبو إبراهيم (فهد).... أبوخالد (إبراهيم).... أبو وليد (سعد).... أم بندر (عايشه)....خوله
.................................................
1.عائله أبو إبراهيم (فهد)
أم إبراهيم (ميثه) بنت عمه أخت ابو بندر زوج عايشه
أبنائهم::
إبراهيم (29 س) متزوج من سلمى بنت عمه لهم خمس سنين متزوجين بس الله ما رزقهم بالاولاد
نجود (27س) متزوجه من صالح صديق ابراهيم اخوها لها 6 سنوات عندها 3 تؤام (محمد . أحمد . حمد) ساكنه في جده
منى و منال( متوفيه) تؤام (25 س) : بس منال متوفيه من 5 سنوات وعندها ولد أسمه طلال عمره تقريبا 6 سنوات منى مربيته ^_^
فيصل (24س)
سالم (23س)
سمر (20س)
............................................
2.عائله أبوخالد (إبراهيم)
أم خالد (مهره)
أبنائهم::
سلمى (26س): متزوجه من ولد عمها ابراهيم لها 5 سنوات
خالد (25س)
فهد (23س)
فرح (21س) مملك عليها محمد ولد عمها
رغد (9س)
.................................................. .......
3.عائله أبو وليد (سعد)
زوجته الأولى (حمده) عقيم الله ما رزقها عيال بس عيال صيته مثل عيالها ولا يفرقون بينها و بين أمهم .....
زوجته الثانيه أم وليد (صيته) هي أخت مهره زوجة أبو خالد
أبنائهم::
وليد (32س): متزوج ثنتين الزوجه الاولى (حصه) عندها (ساره (8س).... سعود(6س) )....
الزوجه الثانيه (مها ) عندها (سعد (7س)....ناصر(4س) )
محمد(25س) مملك على فرح من سنتين
ناصر(22س)
ليالي(22س): توأم ناصر
..................................................
4.عائله أم بندر (عائشه)
أبوبندر(عبدالله) متوفي و يصير ولد عمها و أخو ميثه
أبنائهم::
بندر(30س): مطلق عنده بنت اسمها شوق(7س)
ميثه (24س) ملك عليها خالد
مي(20س)
.............................................
5. خوله (26س)
أصغر عيال الجد سالم بس من زوجه ثانيه توفت بعد فتره من ولادتها
...................................
الجد (مزنه)
أبنائها:: أبو بندر(عبدالله)......ابو عمر(عبدالكريم)......أم ابراهيم (ميثه).....أم سلطان (فضه)
1.عائله أم سلطان (فضه): مريضه بالقلب
أحمد الأب مطلق فضه من 22 سنه تقريبا
أبنائها::
سلطان (25س)
عذاري (23س)
(عذاري و سلطان يصيرون اخوان عيال خالتهم ميثه بالرضاعه ^_^)
هذي العائله عائلة عبدالكريم وجودها ليس أساسي ولا تذكر كثيرا في القصه للعلم فقط ^_^
2. عائله أبو عمر(عبدالكريم):يشتغل بالسفاره السعوديه بسوريه
أم عمر(نوف): سورية الاصل
أبنائهم::
عمر (24س)
لمى (22س)
-----------------------------------------
"في بيت أبو إبراهيم "
سمعت رنين جرس الساعة ومدت يدها تغلق ذاك المزعج الذي تعود الرنين دائما بنفس الوقت 8 صباحا ..
امسكت بعكاز الاعاقه لتستطيع الوقوف واتجهت لدولابها فتحته وتأملت ما فيه هاهو معلق منذ 5 سنين بين طيات ملابسها المهمة والثمينة تخرجه فقط لتغسله حتى لا يتراكم الغبار عليه تتذكر الماضي وما مضى من حياتها تعتبرها فتره الألم والمرارة و بصمه سوداء في حياتها ... ماضي تتمنى أن لا يعود إلا لأجل ان تعرف ذاك الغريب هذا ما أسمته به الغريب مجهول كان له يدا في حمايتها بعد الله يوم طرد زوجها لها في آخر الليل ونبذ الرحمة من قلبه ليجعلها عرضه لذئاب الشوارع متخذ أعاقتها عذرا لنفور الرجال منها وهو يعلم مدى جمالها الذي لا يترك مجال لنظر لإعاقتها
فهي أنثى بكل المواصفات الجمالية لولا أن الله قد شاء لها بأن تكون عرجاء
كم تبغض تلك الكلمة ليس خجلا من أعاقتها ولكن كلمه قد صم زوجها السابق بها أذنيها كلمه يتردد صداها بعقلها كلما تذكرت زوجها السابق
أغمضت عينيها تأبى نزول الدمعة رافضه الاعتراف بتمزق قلبها من أحبته يوما ووقفت في وجه أهلها لتجبرهم بالقبول به زوجا لها أحبته بالماضي وكم كرهته بالحاضر والمستقبل ودت لو تمحي من شريط حياتها وجوده فيها ولم تتخذ أخته صديقه لها لتكون في يوم حلقه الوصل في ارتباطهم مع بعضهم ..
أغلقت الدولاب بعد أن دعت لذاك الغريب بالصحة ودوام العافية واتجهت للإطار المذهب الموضوع على الطاولة انحنت وأخذته رفعت لشفتيها وقبلته تلك الصورة القابعة فيه منذ 5 سنوات توأمتها الغالية ضمت الصورة لصدرها وهي تكتم شهقاتها ودمعاتها التي أعلن نزولها حزنا لفراق الغالية حتى ولو مر على وفاتها 5 سنوات تشعر و كأنه بالأمس تدافعت الذكريات لذاك العقل الصغير دائما تتذكر تلك الليلة المشؤومه التي تسببت في وفاة أختها وزوجها وأعاقتها وانتهاء حياتها مع زوجها
بذلك الوقت أتفق زوجي وزوج أختي أن نذهب مع بعضنا لأداء العمرة ولكن زوجي أضطر لعدم الذهاب بسبب أنه أنشغل فذهبت مع أختي وزوجها وأبنهما الصغير طلال ذو 7 أشهر وبعد قضاء أربع أيام في مكة عدنا من اجل أعمال زوجها .. وعند العودة انحرفت السيارة بسبب ظهور شاحنه نقل أمامنا ولم يستطع زوج أختي تفادي الشاحنة الأخرى فصتدم بها
سلمان زوج أختي لفظ أنفاسه بلحظه لان الضربة كانت قويه ولكن شاء الله أن يتشهد والحمد لله قبل وفاته .. أما شقيقتي وتوأمتي قد توفيت بعد يومين بسبب دخولها في الغيبوبة من بعد نزيف حاد في المخ أما أنا استيقظت لأجد نفسي على سرير أبيض ورأيت أجمل الوجوه بالوجود أمي لم أستطع الكلام في بادئ الأمر لأني أحسست بجفاف حلقي همست بصعوبة
منى: يمه أبي أشرب
الأم (بفرح تعطيها الماء): الحمد لله على سلامتك
منى: يمه وش صار ووين منال وسلمان يمه طلال الحادث والشاحنه
الأم(دمعت عيونها):بخير يمه لله الحمد على كل حال هم بخير من الله
منى :رجلي ما اقدر احركها يمه يمه
الأم: انتظري ألحين أستدعي الدكتور
ضربت الأم جرس الغرفه شوي الممرضه داخله
الممرضه : يس
الأم:استدعي الطبيب منى صحت
الممرضه: اوكيه
ثواني الأطباء والممرضات بالغرفه وحولي
الدكتور (يبتسم): الحمدلله على سلامتك منى
منى:الله يسلمك دكتور رجلي ليه ما اقدر احركها
الدكتور: طيب الحين راح نعطيك مخدر عشان تنامين
منى: ما ابي انام
الدكتور:معليه لازم تنامين
منى:لا اول ابي اعرف وش حصل وليه ما اقدر احرك رجلي و اختي
رفضت المخدر والدكتور كان بيجبرني عليه لان خاف اتعرض لصدمه وانا كنت بغيبوبه خاف أرجع لها حسيت في شيء غريب من اصراره على أني أخذ مخدر وقاومت تدخلت امي طلبت من الدكتور ما يخدرني رضى بالوقت الحالي
منى(التفت صوب امي): يمه وين منال تكلمي
الأم( بعيون دامعه): منى انتي مؤمنه بالله منال وسلمان ادعيلهم بالرحمه
منى(بصوت مخنوق): ماتو منال ماتت لا ما أصدق كذابين صح أنتو كذابين
حسيت اني اختنق النفس ضاق والغرفه احسها كل مالها وتضيق علي حسيت حتى الثياب اللي علي تضيق وتضيق حاولت امزقهن اصرخ اصرخ رفضاَ مني لواقع موت منال
لا لا الالالا
منا ا ال
في ذيك اللحظه احس بالحركه حولي ما اسمع ما اقدر اتحرك الصدمه كانت قويه قويه كرهت الحياه كنت اتمنى اطلب منهم ما ينعشوني وابيهم يخنقوني 20سنه معي منال مانفترق حتى الزواج تواعدنا ما نتزوج إلى مع بعض وتم بدت الدنيا تظلم بعيني حسيت بصوره تشكلت قدامي منال ظهرت لي توصيني بولدها حسيت انها تكلمني مديت يدي بلمسها لو لأخر مره بلمسها وأضمها بقول أحبك بقول لا تروحي سمعتها تهمس
منى طلال يا منى امانه عندك طلال
ولدي ولدك طلال يا منى
صرخت لها وأنا مخنوقه ..
منال ما اقدر اعيش بدونك منال خذيني معك
منا منال
منا الي لا يا منال منال
الله كتب لي روح جديده وحياه سبحانه له الحكمه في هذا حسيت بجسمي أرتخى حسيت بأييد تضرب خدي بشويش ورقه سمعت صوت
:منى منى اصحي اصحي
فتحت عيوني اول شفت الدكتور قدامي بس ما وضحت ملامحه من دموعي
منى(بكيت من الصدمه): يما اه لا آآآآآآآآآآآه يا يماه
الدكتور(بعصبيه) : عطيني الأبره بسرعه
نزلت دمعه من عيني حسيتها نار على خدي راحت توأمتي حياتي راحت الغاليه
آخر شيء حسيت فيه يوم الدكتور خدرني نمت ودمعتي على خدي حزن على اختي وزوجها
صحيت بعد فتره كانوا أهلي موجودين حولي ابتسمت بصعوبه لهم بس أبتسامه حزن
الجد: لا لا الحمدلله على سلامتك (حب راسها)
منى: جدي
الجد: عيونه وقلبه
منى : منال ياجدي ماتت صدق ماتت منال صرت جسد بدون روح ياجدي فقدت الغاليه
بكيت و شفت اول مره جدي تدمع عيونه ويمسحهن بشماغه
الجد:تعوذي من ابليس وادعي لها
دعيت لها بالرحمه والمغفره ويوسع عليها قبرها
منى(مسحت دموعي ) :يمه وين طلال
الأم: الحين يجيبه ابراهيم لكي
منى: كم صار لي ووش حصل
الأم:صار لكي شهرين وأنتي بغيبوبة الحادث سبب لكي نزيف في المخ سو لكي عمليه بس الحمد لله اللي يحيى الموتى صحيتي من الغيبوبة مع ان البعض استبعد تصحين من الغيبوبة
منى:ورجلي شفيها
دخل الدكتور قال لي ان الحادث سبب لي خلع بالورك الايسر واني لازم اسوي عمليه بالخارج رفضت لما عرفت أن أهل سلمان قرروا يأخذون طلال مو حب فيه ولكن لورث الكبير اللي ملكه بعد وفاة أبوه تنازلنا لهم عن ورث طلال مقابل تنازلهم عن حضانة طلال نسيت عمري وعمليتي بحياتي للي سخرتها لتربيت طلال صار عمره ألحين 6 سنوات وهذي أول سنه له في المدرسة أتذكر بكيت بأول يوم تمنيت أمه وأبوه يشوفون فرحة حياتهم يبدأ عامه الأول بس هذي مشيئة الله ولا اعتراض طلال الكل يحبه وأهلي أول الناس عمامه ما أهتموا له بدليل أن خلال 5 سنوات ما زاروا أو سألوا عنه إلا يمكن 4 مرات فقط .. ونحاول نعوضه عن فقدان أمه وأبوه طلال يعرف أني مو أمه بس دائم يقول لي ماما أحلى كلمه بالوجود كلمه كانت منال تتمنى تسمعها منه ومن كان صغير كانت تردد قول ماما بس ماقال لها ماما شاء الله أن تقال هذه الكلمة لي وتعوضني عن كل شيء بالدنيا
رحل منهو يسليني .. وصار اليوم في قبره
رحل عني وفارقني .. حزين وصرت في حسرة
ذكرته يوم يحاكيني .. وهالبسمات من ثغره
ذكرته يوم يواسيني .. اذا ما هلت العبره
ذكرته يوم يشكي لي .. عن همومن ملت صدره
ذكرت وهلت ادموعي .. وصار الفكر في اسره
حبيبك راح ياقلبي .. ولا حتى تشم عطره
وظلك مات ياظلي .. سكن وياه في قبره
ألا وينك تسولف لي .. تحت انوار هالقمره
وتنشدني عن اخباري .. ترا عقبك غدت مره
الا ياغايبن عني .. ترا قلبي فقد صبره
ولكن الأمل عندي .. لقاك بجنتن نضرة
ألا منصور يا غالي .. فقدك الكون من كبره
عساه بخلد يا ربي .. ويشرب عذب من نهره
تنهدت ووضعت الإطار كما هو دائما بعناية خوف من أن يخدش أو يتحطم واتجهت لتغسل وجهها وتتوضأ وبعد الصلاة كعادتها تفطر مع عائلتها كما تفعل دائما غيرت ملابسها ونزلت مستنده على العكاز خوفا من ان تزل قدمها من السلم فتقع رغم وجود المصعد في المنزل إلا أنها تفضل السلم تقويه لقدمها رفعت نظرها لترى من القادم من باب المنزل الذي فتح
منى(صرخت تحذره) : إبراهيم لحظه لحظه انتظر
(اذا فات الفوت ما ينفع الصوت )
تش (^_^) ش تش( صوت الماي )
منى:ههه ههه
من كثر ما ضحكت ما قدرت توقف على قعدت على السلم
إبراهيم (بعصبيه) :ضحكت من سرك
منى: ههه شكلك يضحك وأنت غرقان مويه ههه
إبراهيم :يضحك هاهاها أوريهم حاطين لي سطل مويه فوق الباب هل القرود
منى: عيال نجود شاقين الارض وطالعين وأنت الله يهداك ورى ما تنتبه
إبراهيم: شفت الباب مفتوح ودخلت
منى: ليه جالس بالخارج شكلك مانمت
إبراهيم(بحزن): لا مانمت بس مو هذي المشكله الحين ابي هل القرود وينهم
منى: طيب روح غير ملابسك غرقت المكان كله مويه
إبراهيم: ليه يا شيخه يعني المكان مو غرقان مويه
منى: طيب روح قبل تاخذ برد
قطع كلامها الجد اللي طالع من غرفته يوم شاف إبراهيم
الجد: إبراهيم وش بلاك مغرق مويه
إبراهيم : مو بكيفي ياجدي هذولا عيال نجود لا بارك الله فيهم ولا في الساعه اللي جو فيها للرياض
الجد(عاقد حاجبيه): ليه وش بلاهم بزران يغرقونك مويه ليه منت رجال بزر
إبراهيم : هذولا شياطين مهم بزران الله يلعنهم
الجد : لا تلعن رح رح بدل ملابسك
إبراهيم تلفت يمين يسار يمين يسار
الجد : علامك تتلفت وش عليه تدور
ابرهيم: شياطين نجود
الجد: شياطين(الجد يتلفت حول نفسه) وينهم يا وليدي تعوذ من الشيطان الرجيم شفيك تخبلت ما فيه شياطين
منى:ههه جدي اهو يقصد عيال نجود
التفت الجد للدرج لانه ما تنبه لوجود منى ابتسم لها وابتسمت له
الجد: هلا والله صباح بخير
منى: صبحك الله بالنور والسرور
الجد : تعالي وانا جدك نتفطر وخلي برهوم يدور عن شياطينه ان لقاهم يلحقنا
منى:ههه
إبراهيم( يهمس بصوت واطي) رجال وش كبري ويقول برهوم
الجد: وش تقول ها
إبراهيم: سلامتك جدي ابي اصعد اغير ونازل
الجد: ايه وانا جدك ورانا اشغال لا تاخرنا
راح الجد لغرفة الاكل ومنى تحاول توقف بعكازها وتقوم من الدرج بس ما قدرت
إبراهيم: هاتي يدك ياغلا جدك
منى: تسلم ياغلا سلمى الله لا يحرمني منك
صعد إبراهيم لجناحه ومنى راحت لغرفة الطعام كان ابوها موجود يتفطر
منى: صباح الخير يبه
الأب: صباح الخير تعالي قعدي جنبي
منى: ان شاءالله
الأم (دخلت مع الخدامه وحامله صينية الشاي): ماريا حطي الصينيه وروحي جيبي باقي الفطور
منى : صباح الخير يمه
الأم( تبتسم) : صباح النور والشهد
الأب: والله انك تفتحين النفس اذا جلستي معنا
منى (ابتسمت) : الله يخليكم لي
:إهئئئئئئئئئئئئئئئئئئئئئئئئئئئ
الجميع(اتجهت الأنظار للباب) : بسم الله الرحمن الرحيم
الأم : وش فيك تشهقين
سمر:أللحين الشهد والنور واللي تفتح النفس مناي وانا!!!!؟؟؟؟؟
الجد: حسبي الله عليك من بنت وش بلاك
سمر: طايحين مدح بمنى ياجدي
منى( تطالع لها بطرف عينها) : ياشين الغيره على الصبح
سمر: لا والله يحق لنا نغير المدح لك أنتي تاخذين نصيب الاسد من الحب وانا فتافيت (مدت بوزها تسوي نفسها زعلت)
الجد:مو لايق عليك الدلع ردي برطمك( بوزك ) لمحله
الكل:ههه
منى: خلي الدلع لاهله
سمر(تجلس على الطاوله) : ما عليه اساسا انا عارفه مكانتي عند من غاليه ومدلعه
الأم: كلكن غاليات اخلصن افطرن
سمر و منى: ان شاء الله
عم الهدوء وجلسو يتفطرون
منى واهي تفطر تذكرت الموقف اللي حصل مع إبراهيم المقلب اللي سوه فيه عيال نجود
منى:ههه
منى نادرا ما تضحك الكل استغرب ضحكها فجأه و ابتسموا
الأم: مناي عساه دوم الضحكه
سمر(بلقافتها المعهوده): شنو ضحكينا
منى: قبل شوي عيال نجود جهزوا مقلب بإبراهيم خ...
إبراهيم( قطع كلامها): أأأأأأأأيه منى طايحه فيني شماته
منى: ههه
سمر ( توقف وركضت لحد منى وقعدت جنبها) : ما عليك منه قولي لي
إبراهيم: أأأأأأأأأأأأأأوص لا تفضحينا
منى: بقول مو قادره اسكت سمعوا اليوم حطوا عيال نجود سطل (دلو) فوق الباب ولما فتحه إبراهيم انكب عليه وغرق بالمويه
الكل :ههه ههه
إبراهيم(يسوي نفسه معصب): أيه يحق لكم الضحك الله يسامحكم صرت مهزله هزلت من هذا الزمان
الأم: غريبه اول مره يسون فيك مقلب العاده فيصل وإلا سالم
نجود تدخل عليهم: صادقه امي ما كانو يقصدونك يقصدون فيصل دحين وقت رجوعه
إبراهيم : وينهم
كانو متخبين ورى امهم إبراهيم يحك أيديه ببعض ويصر على ضروسه
إبراهيم :أها ياويلكم يا عيال صالح والله لوريكم
نجود( تضحك) : ههه تكفه هم وربي كانوا يقصدون فيصل
فيصل( توه داخل راجع من الشغل) :هاه من اللي يقصد فيصل وعن شنو فيصل
نجود : بسم الله الرحمن الرحيم انت وصلت
فيصل: لا رحت خ
سمر: حلوه كفك
فيصل رفع يده لها بس عطاها طنشها ( طاف) وضرب كفه بكف إبراهيم
فيصل -إبراهيم: ههه
سمر: ياشينك سخيف
إبراهيم: جيت والله جابك يوه يوه لوتدري يا فيصل عيال نجود وش كانو راح يسوين لك بس انا اللي طحت فيها
فيصل: شنو شنو عاد انا وموتي عيال نجود الثلاثي المرح ( يخزهم) قل يابو فهد
إبراهيم قال لفيصل عن المقلب اللي كان عيال نجود حضروه له واللي طاح فيه إبراهيم
فيصل( ما قدر يمسك نفسه ):ههه الحمد لله فيك ولا فيني عاد انا مو مروق اليوم
إبراهيم :افا افا هذا بدل ما تفزع معي تقول كذا
فيصل(يطوي اكمام قميصه) : اطلب انا عند الفزعه تلقاني
إبراهيم: ايه كذا صيد من اليمين وانا يسار
نجود: ياويل حالي لا تكفون توبه ما يعودونها توبه والله توني ملبستهم وأبوهم بالطريق عشان نروح جده فيصل أبراهيم لا
فيصل : طرزان حدهم
لحق ملاحق لحق وملاحق
ماما ماما يماما يماما
سمر(تصفق ): وناسه عاشو عاشو
نجود: سمروه فرحانه بعيالي بدل ما تعقلينهم تشجعينهم
فيصل(ياخذ نفس من الركض وراهم) : صدناهم
إبراهيم: قطعو انفاسي يله خانا نروح
نجود:ياويلي وين بتروحون
إبراهيم (يبتسم بخبث) :المسبح
نجود(بخوف): ليه توني مسبحتهم والله
فيصل: لا انا اشم ريحه (شايل محمد واحمد وأبراهيم معه حمد) عاد وع معي اثنين الله يعين
إبراهيم: شفتي أنا الحمد لله واحد بس الله يعينك على الاثنين يا فصولي
الأم : خلوهم اعقلو
إبراهيم : فيصل خلنا نروح للمسبح
سمر(توقف وتصفق): وناسه خذوني معكم
نجود: يبه شف عيالك خلهم يهدون عيالي
الأب: والله عيالك اللي جابوه لنفسه (أبتسم وكمل أكله يعرف )
طلع إبراهيم وفيصل حاملين عيال نجود واتجهوا للحديقة سمر راحت معهم فرحانة وتصفق وتشجع أخوانها ونجود تلحقهم تترجى وتطلب يخلونهم لأنها بتسافر لجده وما عندها وقت تغير لهم لبسهم ولا رادين (ردوا) عليها
الأم(توقف) ياويل حالي من هل العيال أبي أروح أشوفهم لا يذبحون البزران
منى الجد الأب: ههه
منى:أما أنا اسمحولي أبي اصعد أشوف طلال صحى ولا بعد
الأب : روحي
طلعت من الغرفه كانت سمر تضحك ومو قادره توقف على حيلها من الضحك قعدت بالممر
سمر:ههه ههه
منى:علامك وش صار
سمر: رموهم بالمسبح
منى سمر:ههه ههه
منى : ونجود
سمر: عاد هذي شكلها نكته تطلعهم هي وأمي واحد بعد الثاني
منى(أبتسمت) : الله يعينها خليني أشوف طلال ههه
سمر : وأنا بكمل فطوري باي
منى : باي
********************

" بيت العم أبو خالد "
نزلت سلمى بتعب وتثاقل و اتجهت لغرفة الأكل
سلمى:صباح الخير
الأب والأم: صباح النور
قعدت سلمى وصبت الأم لها كوب الشاي و عطته سلمى رفعت راسها
سلمى (ابتسمت ) : تسلمين يمه
الأم : سلمى علامهن عيونك نمتي عدل
سلمى(نزلت راسها): نمت
الأب( يوقف): سلمى اذا خلصتي تعالي للمجلس
سلمى: ان شاء الله يبه( تلتفت لامها) يمه وش يبغى ابوي فيني
الأم: انتي عارفه وش يبغى
سلمى:اف بس ما ابي ارجع لإبراهيم
الأم(بعصبيه):وليه عاد إبراهيم رجال شاريك ويحبك
سلمى(بحزن): والله هذا اللي كاسر ظهري
الأم: وش راح تسوين الحين
سلمى: يطلقني الطلاق هو الحل
الأب( اللي سمع كلامها بعصبيه):سلموه شنو تقولين
سلمى: هااه يبه لحظه نتفاهم يبه
الأب(بصوت عالي) : والله لو انك مو على ذمة رجال لاعطيك كف تشوفين ضروسك قدامك قال يطلقني
طلعت سلمى تصيح لغرفتها وراح الوالد للمجلس
الأم (بحزن على بنتها):الله يهداك يا سلمى
اتجهت الأم للمجلس تكلم زوجها اللي بعده معصب من كلام بنته ودخلت
الأم: ليه يابو خالد تقسى عليها
الأب(بعصبيه):لا والله تبيني اصفق لها واقول شاطره يابنتي تطلقي من إبراهيم
الأم: لا موقصدي كذا تفاهم معها كلمها باللين والهدوء انت عارف ان سالفه انجاب الاطفال مؤثره عليها وعلى حياتها مع إبراهيم حتى العلاج وطفل الأنابيب بعد جربوه بس الله ما شاء لها تحمل
الأب(ياخذ نفس يطلع الغضب من صدره) : أستغفر الله عارف والله بس مو بيدينا لازم تصبر وتدعي ربها خلاص انا شوي واصعد لها
الأم: لا يالغالي أرتاح انا اخليها تجيك هنا وعلى هونك معها
الأب: زين إلا وينهم العيال
الأم: تو الناس نسيت ان اليوم الجمعه بدري
الأب:هذا سوات السهر زين صحيهم ورانا روحه لبيت أبوابراهيم
الأم: ان شاء الله يالغالي
وفجأأأأأأأأأأأأأأأأأأأأأأأأأأأأأأأأأأأأه
:ياعيني على الغزل(رفع نظره لفوق) عصافير الحب الله يخليهم
الأب: فهد ووجع وش ذا الكلام
فهد حب راس امه وابوه وصبحهم بالخير
فهد: يامهره زعل الغالي
الأب:مهره بعينك
فهد: خشمك يابو خالد كله ولازعلك مو من حقي اتغزل بأمي ولا ناس مسموح وناس ممنوع ياحلو
الأم:ههه
الأم:هذا الشبل من ذاك الاسد
فهد +الأب: ههه
الأم: عسى الضحك يا رب تدوم ويخليك لنا يا رب
الأب: ويخليك
فهد يوقف
الأم: وين يمه
فهد: يمه بروح أنادي خالد يتعلم الغزل والكلام الحلو ذا عشان يقوله لميثه
الأب: وجع استح واقعد
الأم: لا لا لا دامك وقفت رح صح خالد عشان تروحون المسجد لصلاة الجمعه مع ابوكم
فهد:تأمرين امر(يطالع ابوه) يا مهره
الأب: طس زين يافهيد والله لا وريك
الأم(توقف): يله بروح انادي لك سلمى واصحي فرح ورغد
طلعت الأم من المجلس الخارجي وصعدت الدرج شافت فهد يجري(يركض) وخالد يلحقه
فهد(يتخبى ورى امه): يمه يمه شوفي ولدك
خالد(بعصبيه ):والله لا وريك يافهدوه
الأم: علامكم وش بلاك فهد وش سويت لاخوك
فهد(مسوي نفسه متفاجئ) : انا انا ماسويت شيء يمه انتي قلتي رح صح خالد وصحيته شفتي أني ولد مطيع
خالد(مكتف ايدينه لصدره) : وبس
فهد(ببلاهه) : وبس
خالد : طيب كيف صحيتني
فهد : قلت خالد خالد قم قم بيت ميثه يحترق وقمت بس (يبتسم كأنه ماسوى شيء)
الأم(تضربه على كتفه) : فال الله ولا فالك ليه كذا
فهد(يحك كتفه): أأأأأأأأأأأأأأأأي أي يمه اهو ما يقوم لا اذا طرينا ست الحسن ميثه
خالد: لا والله تتفاول على الناس بالشر أنا ناقصك يكفيني عمتي عايشه ورفضها أتزوج ماسكه لي تو الناس والبنت بعدها صغيره أف
فهد(حزن لحالة أخوه اللي مملك على بنت عمته وهي تأجل بالعرس كل ما طلبها خالد يتزوج) : مو قصدي خشمك يا أبو وليد
فهد قرب خشمه من خشم اخوه خالد استغل الفرصه ومسكه من خشمه باصابع يده
فهد(يتوجع من المسكه) : أأأأأأأأأأأي أترك خلود أأأأأأأأأأأأأأأأأأأي خويلد توبه اح اح
ترك خالد خشم فهد اللي صار كانه صفاره الاطفاء
خالد+الأم: ههه
فهد(انحول واهو يحاول يطالع خشمه) : الله يسامحك وش يفكني من طنازة سالم وناصر وفيصل
خالد: احسن وحد بوحده
الأم: انزلو للمجلس ابوكم فيه على ما اصحي خواتكم واحضر الفطور لكم
خالد : ابي اتروش واجي
الأم : يمه فهد مر على المطبخ وخذ القهوه لابوك
فهد(يحط يده على خشمه) : من ه أأأأأي من هل الخشم
صعدت الأم لغرفت سلمى طقت الباب
سلمى(تمسح دموعها) : ادخلي يمه
الأم : سلمى وش بلاك
سلمي ارتمت بحضن امها وصاحت
الأم: سلمى يايمه الخلفه من الله وأنتي وإبراهيم ما بيدكم شيء
سلمى : وش ذنب إبراهيم اهو يحب العيال
الأم : بس إبراهيم يحبك اكثر واهو مقدر الظرف
سلمى تتعدل وتمسح دموعها
الأم(تكمل) : يايمه إبراهيم البارح بعد ما طلع من هنا قعد بسيارته تحت البيت ماراح
سلمى(ترجع تصيح) : يايمه انا احبه بس ودي اسعده بكلمة بابا
الأم: يا يمه تأخر الخلفه شيء وراثه انتي مثلي لما تزوجت ابوكي ما خلفت بسرعه حاولو بأبوك يتزوج علي بس رفض والله رزقنا بسلمى زينة بنات عائلة سالم ال........ كله
سلمى( ابتسمت وضمت امها) : تسلمين لي والله يخليك لي
الأم : يله أنزلي لأبوك
سلمى (حبت راس امها) : ان شاء الله رايحه
غسلت وجها ونزلت لابوها وطلعت امها متجهه لغرفة بنتها فرح فرح طلعت من غرفتها حبت راس امها
فرح : صباح الخير
الأم: صباح النور والسرور يمه روحي قعدي اختك
رغد جت بشويش من خلف امها وتضمها
رغد: رغوده صاحيه ماما
الأم:ياعمري هلا بآخر العنقود
رغد(تبتسم ببرائه) : سكر معقود
الأم: صح يلا ننزل نفطر
رغد وفرح : اوكيه
*في هذي اللحظه *
سلمى : السلام عليكم
الأب وعياله : وعليكم السلام
الأب : حياك يبه اجلسي جنبي
وقف خالد وفهد
الأب : وين
خالد: نخليكم على راحتكم
الأب: عادي اجلسوا
فهد: نبي نروح نفطر ولا عصافير الحب اقصد عصافير بطني تصوصو
الأب( يبتسم): روحوا بالعافيه
الأب(يلتفت): سلمى وانا ابوك الأطفال بيد الله ليه كذا تعذبين إبراهيم
سلمى: مو قصدي يبه احسه مكسوره نفسه
الأب:ههه
الأب : يعني شايلتن همه وخاطره
ابتسمت سلمى لابوها
الأب: روحي يبه دقي على زوجك وطيبي خاطره الله يرزقكم
----------------------
"نعود لبيت ابوإبراهيم"
---------
كانت العائله جالسين سوالف وقهوه بعد الفطور في الصاله وإبراهيم شارد الذهن بسلمى اللي مصره على الطلاق
جوال إبراهيم يدق كانت نغمة جوال سلمى إبراهيم متردد بالرد على اتصالها خايف ترد تطلب الطلاق قرر ما يرد
الأم: إبراهيم بسم الله عليك وش بلاك رد على جوالك
إبراهيم سرحان وما سمع اللي قالت له امه
الأم: إبراهيم علامك
إبراهيم(تنبه) : هاه سلامتك يمه
الأب(حس بشرود إبراهيم) : ياولدي منت على بعضك بعدين انا ما شفت سلمى على الفطور إهي بعدها نايمه
إبراهيم(بوجه حزين) : لا يبه اهي عند اهلها
الأم(بخوف) ليه فيهم شيء
إبراهيم: لاء بس (قطعت كلامه نغمة الرسايل) لحظه يمه
فتح الرساله كانت رسالة الوسائط
اغنيه عبدالله الرويشد(تعال)
تعال ومابقى لي يوم، بغيابك يصبرني
أخاف آموت من شوقي وأنت مطوِّل إغيابك
تعال وكل شيء صار في بُعْدك يذكرني
دروبك ضحكتك طاريك وريح العطر بثيابك
أنا من غبت عن عيني وخياك مايفارقني
تصدق حالتي صعبه وعمري ضاع بأسبابك
ياأجمل من سكن قلبي وعمَّرني ودمَّرني
تعال وشوف إش سوَّى حنين الشوق بغيابك
أنا وين أبتعد عنِّك وعيونك تحاصرني
أنا وين أهجرك وآروح وأنا سجني أهدابك
ياكل إحساس هالدنيا والله الشوق غيِّرني
أحبك ليه لاتسأل وأنا آموت بترابك
إبراهيم بعد ما سمع الرساله فرح ووضحت الأبتسامه على وجهه
الأب: وش فيك رد على امك ليه حرمتك عند أهلها
إبراهيم : سلامتك يمه بس حبت تنام البارح عند اهلها وما رفضت ألحين أروح أجيبها
قبل يطلع ارسل رساله لها
اغنية تستاهل اشواقي
غناء:عيضه المنهالي
انت من تستاهل اشواقي والخفوق وناظر عيوني
ساكنن في داخل اعماقي راسخ ومشيد ركوني
لك يتوق القلب مشتاقي خذتني عن كل مزيوني
بالجمال وحسن الاخلاقي وانساجمن بدت شجوني
يا رفيع المستوى الراقي فيك انا مولع ومفتوني
بك اتوج قمة اذواقي وأنته انسي وجوي وكوني
يا مخجل شمس الاشراقي يا بديع الحسن واللوني
قول وش خليت للباقي فيك كل الزين مخزوني
فيصل: ياويلي م
سمر:ايه أن غاب القط العب يا ولا بلاها اقول وينك يا سلمى تشوفين رجلك
إبراهيم (التفت لهم ): جب انت وياها
سالم : ههه فشله لقطو وجيهكم من الارض تعجبني ياخوي
منى: من تدخل فيما لا يعنيه وجد ما لا يرضيه
الكل ههه
إبراهيم: انا رايح اجيب حرمتي مع السلامه
الأم:في امان الله
منى: انا بعد بروح اغير ما بقى شيء ويجون عمامي
سمر(تضرب جبينها وتناظر ساعتها) : ايه الله يذكرك بالشهاده وانا بعد بروح اغير قبل تجي فروحه وعذوره وميمي وليلوه ويطلعن احسن مني
سالم : الحمد لله من زينكن مالت عليكن
سمر: بسم الله كلنا زينات وانا ازينهن
فيصل (باستهزاء يطالع سالم) :مشكلة الحريم الثقه الزايده
سالم اكتفى بهز راسه بالإيجاب
سمر(رافعه خشمها) : انا عارفه ان الغيره عامله عمايلها (مدت لسانها لهم)
ما تركت لهم مجال يردون عليها وطلعت غرفتها
الأب:يلا يا عيال نروح المجلس ما يصير نجلس هنا
فيصل وسالم :ان شاء الله
فيصل : جدي حياك نروح
الجد(يمد يده يتسند على يد فيصل) : تسلم يا ولدي
سالم : يبه انا راح اخذ القهوه للمجلس
في غرفت منى جالسه تتأمل في وجه طلال اللي جالس يلعب بألعابه بالأرض
منى: سبحان الله شكثر انت تشابه ابوك وامك الله يرحمهم (دمعت عينها على ذكرى الغاليه بس مسحتها لما انفتح الباب)

سمر: منى منى مناى
منى(رفعت نظري لها ) : هلا
سمر: اللي ما خذ عقلك يتهنا بيه أحسك سرحانه يوم دخلت
منى(بعيون دامعه) : اللي ماخذه عقلي الله يرحمها
نزلت سمر لمستواي وحضنتني
سمر: الله يرحمها لا تكدرين نفسك
منى( تبتسم لها) : وش جابك بعدك ما لبستي
سمر : احترت وش ألبس جبت لك بدلتين ابي ذوقك يا ام طلال ما يعلى على ذوقك احد
منى: احم احم شكرا شكرا
سمر : هيه انتي لا تصدقين
منى: ههه مقبوله بس لاتكثرين خليني اشوف البدلات
منى : ام شوفي ذي القميص الوردي مع التنوره الطويله حلو لونها بحري شوفي لا تلبسين اكسسوار حطي ايشارب على الرقبه بطريقه مو مرتبه احلى
سمر (تبتسم وتحب اختها) : شكرا الله يخليك لي يله بروح اكمل لبسي
منى(تتسند على عكازها وتوقف) : طلال يله ماما ننزل تحت
طلال:ماما يله
نزلت منى وطلال وفي هذي اللحظه دخل ابراهيم وسلمى
منى(تبتسم): هلا وغلا
سلمى : المهلي ما يولي هلا ام طلال
ابراهيم : اسمحولي بروح أبدل
منى : تفضل
منى(تلتفت لسلمى بعد ما صعد ابراهيم): وش تنتظرين روحي له يله
سلمى( تبتسم ): ان شاء الله
دخلت جناحها ما شافته بالصاله كان في غرفة النوم حست بارتباك ودخلت لقت ابراهيم جالس على طرف السرير وقفت عند الباب ترددت بالدخول تخاف انه لازال زعلان عليها ابتسم ابراهيم لها وقف وفتح لها ايديه راحت له وضمها
سلمى: اسفه على كلامي معك البارحه
ابراهيم: أش نسيت الكلام دامك معي وقربي ماهمني شيء
سلمى(ترفع نظرها له وتبتسم) : ويحسدوني عليك آآآآآآآآه
ابراهيم (أبتسم وباس جبينها): ذكرتيني باغنيه
يحسدوني في هواك .. ويحسدونك في هواي
الخبر قلبي معك .. وقلبك الوافي معاي
يا حبيبي في رجاك .. المنى إنك مناي
انسى عذالك وراك .. وأنسى عذالي وراي
بالوفاء مني جزاك .. والوفاء منك جزاي
المهم اكسب رضاك .. وتكسبه مني رضاي
سلمى : تسلم لي
ابراهيم : الله يخليك لي
في غرفة سمر تعدل مكياجها قبل البنات يحضرن وتسمع
الوسمي
العمر مايسوى
العمر لا رحت ما يسوى والله ما يسوى
خذ روحي خذ قلبي خذ عمري يا هنيالي
لك حياتي لك فدوه كلي لك فدوه
عشقي غرامي هيامي حبي الغالي
ولعتني سهرتني يا منيتي بحبك
دامني انا ميت عنا بمشي انا بدربك
كثر ما احبك انا احبك ويلي من حبك
هناني بكاني خلني اعشق عيوبك
دنيتي تضحك ليه بقربك خلني بقربك
عمري حياتي حبيبي انا محبوبك
لا تروح بعيد عن عيني يا ضوى عيني
حبي جنوني وروحي فيك مجبروه
بس اشوفك تضحك سنيني يا حلو سنيني
تغلى وتحلى في عيني وقلبي وشعوره
ولعتني سهرتني يا منيتي بحبك
دامني انا ميت عنا بمشي انا بدربك
العمر لا رحت ما يسوى والله ما يسوى
خذ روحي خذ قلبي خذ عمري يا هنيالي
دق الباب ..
سمر: ادخل
ليالي وفرح:السلام عليكم
سمر(بفرح) : هلا وعليكم السلام
فرح: الله يسلمك
ليالي : الله الله وش ذا الزين
سمر : شكرا
فرح : ياي اغنية الوسمي اموت عليه
مي( اللي دخلت عليهن فجأه) : تموتين فيه ولا في محمد هاه
فرح: بسم الله متى جيتي
مي:ههه من 5دقايق
سلمو البنات على مي
سمر: طيب تحبن نجلس هنا ولا ننزل
فرح : هنا نأخذ راحتنا أكثر
مي: الصراحه مالي خلق سوالف العجز وأزعاج البزارين
ليالي: وعاد إذا جلستي مع العجز هذي تطلقت وهذي تزوجت وأم فلان خطبت لولدها وذيك طافها الزواج عنست
البنات:ههه
سمر : اوكيه انا راح انزل اسلم وأجيب لنا شيء نشربه
مي( تقلب سي دي الاغاني) : اقول عندك الشريط يارا
سمر: أي
مي : اغنية صدفه
سمر: ايه بروح اخليجن هالله هالله بالرقص
صدفه و من بين كل الناس علقني
من يوم شفته وعيني جات في عينه
حسيت شي في عيونه حيل يجذبني
لما ابتسم بانت بوجهي تلاوينه
سلم عليي وجلس جمبي وكلمني
كل الحواجز تلاشت بيني و بينه
اخذ ايديني بايديه وقام يوصفني
ولا تمنيت ايدي تترك ايدينه
قالي كلام بصراحه حلو دوخني
ماقد سمعت بحلاته اه يازينه
معاه احس الأغاني عنه وعني
واجمل اغاني الغزل شعري وتلحينه
سمر(بعدماطلعت رجعت) : بنات
مي: علامك رجعتي
سمر: لا ارجع وغرفتي واهي متخربه ترى رتبتها اليوم ومالي مزاج أرجع أرتب فاهمات
فرح : وجع على بالي فيك شيء تطمني بترجعين وتلاقينها مثل ما خليتيها
ليالي: مالت عليك من زين اغراضك
سمر: ليلوه ما منك خوف انتي ماتحبين سوالف البنات
ليالي (معصبه) : وش تقصدين سميره ولد أنا
مي وفرح: ههه
سمر(مرتبكه) : لا لا والله موقصدي و(حبت راس ليالي)
فرح: خوافه جبانه
سمر(تبتسم) : من خاف سالم
ليالي: يقولون سلم
سمر : عارفه بس حبيت اذكر اسم سالم عارفه معزته عندك ( وابتسمت بخبث لها ) صح
ليالي ترفع المخدة بتضرب سمر فيها بس سمر أسرع طلعت وسكرت الباب
ليالي( بصوت عالي) : مالت عليك وعلى أخوك
سالم كان مار وشاف سمر تركض طالعه من غرفتها وتوه يبي يسألها سمع ليالي وش تقول
سالم: ليلوه مالت عليك انتي
ليالي: جب سويلم
سالم: رجال وش طولي تقولين لي جب بعد زودتها
فرح ومي يحاولون يسكتون ليالي وسمر تحاول تهدي سالم ليالي عصبيه وسالم عصبي وممكن تنقلب ضرب و هوش ما يهمها ليالي إلا تأخذ حقها
سمر:سالم تكفه بلا فضايح
سالم(بعصبيه) : ما تسمعينها تسب والله لأتوطى (أدوس) ببطنها
ليالي:تخسي
سالم: تقول لي تخسي والله لا دخل وبكشتها لا طلعها
ليالي: اللي ما تواصله بأيدك وصاله برجلك
فرح مي سمر خلاص الرعب بقلبهن من الاثنين
ليالي: ههه
سالم: ههه
سمر : ؟؟؟؟؟؟؟؟؟؟
فرح مى: ؟؟؟؟؟
ليالي: سلوم لو تشوف فرح ومي وشوي يصيحون
سالم:ههه عندك وعندي خير سمر تبي تصيح
سمر( تضربه بكتفه) : وجع وش بلاكم
سالم:أأأأأأأأأي سمر وش فيك عادي بيني وبين ليالي هذا أبو الشباب ههه
ليالي(تضرب فرح ومي على خدهن ) : مي مي فروحه مي
مي وفرح: هاه
ليالي : علامكن
فرح: وش حصل لكم يا ذابح يا مذبوح
ليالي: يا ربي ليه متعجبات هذا سالم عادي الهوش مو أول مره زين ما تضاربنا خساره كبرنا ولا أول ضرب وضراب ههه
سالم: ليالي شخبارك
ليالي: تمام وانت
سالم: بخير يله باي
ليالي: باي
سمر(دخلت الغرفه حدها معصبه) : ليلوه
مي وفرح(حالهن من حال سمر) : يالخايسه خوفتينى
كل وحده مسكت المخدة وقربن من ليالي
ليالي(تتراجع عنهن) : هيه بلا تهور اعقلن
مي: هجوم
بدأ الضرب على ليالي
سمر( توقف ) : خلاص قطعت نفسي انتن كمل حليكن فيها بروح أجيب لنا شي نشربه
نزلت سمر وسلمت على حريم عمانها وعماتها وراحت للمطبخ كانت أمها موجودة
سمر(تفتح الثلاجة تطلع عصير) : يمه بيت خالتي فضه كأنهم تأخروا
الأم : أتصلت عذاري تقول أمها تعبانه ما راح يقدرون يحضرون
سمر: خير
الأم: مدري العصر راح أروح لهم
سمر: طيب أروح معك ونطلع للسوق بعدها
الأم: مع من
سمر(سمر تشيل الصينيه) : مع عذاري حابه اشتري ملابس
الأم: ما أوعدك أشوف أبوك
سمر تبوس رأس امها وتطلع غرفتها
سمر( دخلت) : اوه منكن عفستن الغرفة خلاص راح ارجع العصير والحلى
ليالي بسرعه تقوم وتأخذ الصينية منها
ليالي: من زين غرفتك أهي بالأصل كانت عفيسه
مي: ليالي حرام عليك أنا ماشفت احد ارتب من غرفة سمر
فرح: ياعيني يالمصالح
سمر : مالي دخل رتبوها
ليالي: انتم رتبوها انا مالي دخل لا مضروبه وارتب أحمدن ربكن ما ضربتكن صدق مهزلة
بدن البنات ترتيب
مي: سمر ماجت عمتي فضه
سمر: لا تقول امي خالتي تعبانه وبتروح لهم العصر وراح اروح معها
مي: وبعدين
سمر: ولا قبلين راح أروح السوق مع عذاري
مي( تشهق) : إهيئ يالخاينه تخليني
ليالي( شرقت) : كح كحكحكح كح حسبي الله عليك من بنت روعتيني
البنات: ههه
سمر( تلتفت لمي) : لا ميو مو قصدي
ليالي: ههه ههه ميوه والله كنت شاكه أنك قطوه ههه
مي: وجع ليلوه قطوه تشمخك ان شاء الله
فرح:ههه عاد ليالي نقطة الضعف فيها القطوه
مي وسمر:ههه
ليالي : خ بايخه فرخه
فرح: فرخه بعينك
ليالي : خلاص هونا راح نفركش الملكه راح نطلقك من روميو
سمر ومي: روميو
ليالي: روميو محمد اللي ذابحنا غزل طول اليوم فيها
سمر ومي ( مع بعض): يعني فرح جولييه وع ما يصلح ههه
فرح( مدت لهن لسانها )عادي
ليالي:والله مرات اسميه عنترة
مي:أكيد فرخه أوه أقصد فرح عبلة
فرح: مالت عليكن أدري من الحره أنا مملك علي و أنتن تعنسن إن شاء الله
مي + سمر (مع بعض يشهقن ): أهئ بسم الله علينا تف تف تف علينا
ليالي :إيه والله تف وبعد تف عليكن بنات ميتات على العرس الحمد الله و الشكر ما همني زواج
سمر :و سالم سلوم
ليالي تخزها لدرجه خافت سمر منها
سمر : بسم الله وش فيك تخزيني خوفتيني
ليالي :لأن كلامك بايخ سالم مثل ناصر عندي هوش و مناقره و نقير و ضحك و مزح وبس لا أكثر ولا اقل
سمر :عشان كذا أسلوبك مثل الشباب من مقابلتهم دايم
ليالي طالعت لسمر وبعدها حست بطعنه من كلامها رغم أن تعرف سمر ما تقصد تجرح فيها بس تأثرت كثير في نظرتها لها معناها الكل ينظر لها بهذا الشكل حطت كوب(قلاص) العصير ووقفت
سمر: ليالي أسفه و الله مو قصدي
ليالي (تتصنع الأبتسامه ) :لا عادي سموره
مي:عادي ليالي لا تزعلين سموره تمزح معك
ليالي: ما أزعل من أختي الصغيره اسمحوا لي
سمر : وين
ليالي :أبي أسلم على عمتي عائشه و عمتي خوله ماشفتهن لما جيت وأخاف يزعلن مني
طلعت ليالي و حست سمر بخطئها لما قالت هذا الكلام هي ما قصدت بس حبت توضح لليالي أشياء غافله عنها كثير
( صحيح ليالي معروف عنها أنها ما تحب تظهر جمالها و ما تحب الموضه و المكياج مثل البنات بالرغم من ملامحها الحلوه و شعرها الناعم وطويل وتتميز عن البنات بغمازاتها ألي تزيدها حلا )
سمر مسكت جوالها
فرح : من راح تتصلين عليه
سمر : على سالم
مي (مستغربه): ليه
سمر : أثنين بس يعرفون لليالي وأنا بصراحه خايفه أروح لوحدي تذبحني او ما تكلمني اللي أهم سالم وناصر وبما اني ما اقدر اكلم ناصر وأفهمه أقول لسالم (رفعت الجوال واتصت) ألو
سالم :هلا سموره
سمر :سالم إلك ولا لديب >>> الأخت إنقلبت سوريه
سالم :ههه تحولتي سوريه ياخيتي خسى الديب و أها أمسك شواربي كمان
سمر: ههه سالم أنا زعلت ليالي
سالم :زعلتيها مو خابرها زعوله
سمر : أم لا قلتلها شيء ما كان لازم أقوله لها
سالم : لا يكون ذكرتي اسمي قدامها أنا أعرفها تزعل ههه
سمر :خ بايخه لا شيء خاص فينا احنا البنات
سالم (بخبث): وشو
سمر : مولازم تعرف
سالم : إذا ما عرفت ما راح أتدخل
سحبت مي الجوال من سمر
مي : سالم
سالم : بسم الله منو ميوه
مي :ميو في عينك شنو قطوه
سالم :ميوه أسم قطوه
مي :يا شينك كنك ليالي قطوه
سالم :فظيعه ليالي مثل تفكيري فله هذي البنت خير ميو ميو ميو
مي :ليالي زعلت عشان أحنا أو بالأصح سمر قالت لها أن تصرفاتها صبيانيه
سالم: ليه
مي : لأنها مصاحبتك أنت و ناصر ومثلكم بكل شيء نسخه يعني منكم
سالم : خلاص عطيني سمر
سمر :هلا سالم
سالم: أسمعي راح أصالحكم بس لا تعيدينها ليالي كلها حلا و رقه و جمال البنت ما هو في المكياج و اللبس ليالي مترفعه عن هذي الأشياء
سمر :أف زين وش نسوي
سالم :أنزلي أنا بالمطبخ نروح لها مع بعض أوكيه
سمر: أوكيه
سكرت الجوال و ألتفت للبنات
سمر :أنا نازله سالم ينتظرني تحت بس لا تخربن غرفتي مره ثانيه
مي وفرح : أوكيه
نزلت سمر و شافت سالم بالمطبخ
سالم : وينها
سمر :أكيد عند المسبح هذي البنت تموت في الماء و البحر
اتجهوا للمسبح فعلا كانت ليالي جالسه تشوف انعكاس صورتها في الماي و تفكر
ليالي (في نفسها): يمكن كلامها صح عمري 22 سنه و ما أعرف أحط كحل أو حمره إيدي خشنه و وجهي حب الشباب
سالم : بوه
ليالي : وجع خرعتني (ليالي ما تتغطى عن سالم بس تتحجب (تغطي شعرها))
سمر :ههه
ليالي تأخذ ماي و ترش على سمر
سمر: خلاص ما أضحك مالي خلق تخرب كشختي
ليالي ابتسمت لها
سالم : ليالي وش فيك زعلانه
التفت ليالي على سمر فجأه
سمر(ترفع اديها بإستسلام): مالي دخل ما قلت شيء
سالم يغمز لسمر
سالم :وش فيك كنت بالمطبخ أخذ القهوه و شفت سمر تسأل عنك
ليالي :لا أبدا و لاشيء
سالم :أكيد شكلكن زعلانات أنتي قاعده بروحك هنا و البنات فوق
سمر : الله لا يجيب الزعل بيننا ( و حبت ليالي على خدها )
ضمتها ليالي و وقفن
سالم : يا هنيك يا سمر
أنصدمت وخزته بعصبيه ليالي ودفته للمسبح
ليالي سمر :ههه
سالم (طالع لها وبعصبيه) : ليه
ليالي : عشان تنتبه لكلامك سلوم
سالم : و الله ما أخليك
و أهو يحاول يطلع من المسبح و هو مبلل هربت ليالي و دخلت و هي تضحك
سالم (بصوت عالي ) :الأيام بينا يا ليلوه
سمر : ههه مجانين
سالم (أبتسم) : متعود على هبالها الحماره يالله روحي
صعدت غرفه سمر ودخلت شافت فرح و مي ميتات ضحك على اللي صار بين ليالي وسالم تحت
مي:ههه حسبي الله على عدوك ليه سويتي فيه كذا
ليالي : يستاهل عشان يثمن كلامه و يعدله مره ثانيه الحمار
فرح :هذا و أهو يراضيك
دخلت سمر اللى تداركت الموقف و غمزت لفرح و مي
ليالي : يراضيني وش قصدك
فرح : هاه
سمر :تقصد شكله و أهو تحت يوم شافك
ليالي: محد ضربه على أيده أنا أبي أروح أتوضأ و أصلي الظهر صلن
البنات : إن شاء الله
سمر : فروحه ليالي ما تدري أني قلت لسالم كل شيء تعتقد أنه شافها بالصدفه و هي جالسة على المسبح
مي : أها و أنا قلت جالسه تستعبط علينا
فرح : فهمت
سمر : يالله نصلي
مي وفرح : يالله

&&&&&&&&&&&&&&&&&
"في بيت الخاله فضه "
عذاري: أيه حبيبي أدري وربي مو كيفي ظروف
عبدالعزيز: أنا أبي أشوفك بس يا حياتي
عذاري: ما أقدر لا تزعل عزوز
عبد العزيز: ليه تحرقين قلبي أبي أشوفك لو من بعيد
عذاري: أشوف ........ لحظه عزوز لازم أسكر معي خط ثاني
عبدالعزيز: أوكيه أتصلي عليه يا حياتي باي
عذاري: باي
عذاري : هلا سموره هلا و غلا كيفك حبيبتي
سمر: هلا ببنت الخاله أنا بخير و أنتي
عذاري: بخير
سمر: وش فيه جوالك من فتره مشغول
عذاري: هاه أيه هذي عزيزه صديقه لي في الجامعه إذا اتصلت ما تسكر
سمر: إيه عذوره كيف خالتي
عذاري(بحزن) : والله هذي الأيام تتعب بسرعه
سمر: الله يشفيها أوكيه العصر راح نمركم و راح أطلع أنا و أنتي السوق
عذاري (ابتسمت في نفسها) : فرصه و جتني أشوف عزوزي
سمر: عذاري عذاري
عذاري: هلا معاك
سمر: شنو فيك سمعتي شنو قلت العصر نلتقي الساعه 4.30 أوكيه
عذاري :اوكيه
سمر: باي و سلمي على خالتي و جدتي مزنه
عذاري: يوصل باي
*عذاري سكرت الخط من سمر وأتصلت على حبيبها اللي تكلمه بالتلفون صار لها 4 شهور تعرفه بس ما شافها و لا مره *
عذاري :هلا و غلا حبيبي
عبدالعزيز :حبيبك لا مروقه مها
*عبدالعزيز ما يعرف اسم عذاري هي قالت له اسمها مها*
عذاري:إيه عندي لك مفاجئه
عبدالعزيز:والله شنو
عذاري:أنت مو حاب تشوفني
عبدالعزيز:وربي حاب حاب حاب حاب
عذاري :على هونك يا عنتر زمانك ههه خلاص أشوفك اليوم
عبدالعزيز(بفرح) : والله حلفي
عذاري: ههه والله
عبدالعزيز: تسلم لي الضحكه و صاحبتها وين و أي وقت أشوفك فيها يا نور عيني
عذاري:في....... الساعه 5 المغرب لا تتأخر بس مو لوحدي معي بنت خالتي
عبدالعزيز:لا ما راح أتأخر بس كيف أعرفك
عذاري:أم بينا ألو أوكيه حبيبي
عبدالعزيز: أوكيه حياتي
عذاري:باي
عبدالعزيز:باي
طاحت على السرير تحس بدقات قلبها تتسارع و تكلم نفسها
راح أقابلك ياعزوز و كيف شكلك أسمر أبيض طويل قصير تعدلت عذاري وجلست أم وش راح ألبس مدت يدها و شغلت المسجل وكانت أغنيه
ليه مشتاقه
نوال الزغبي
ليه مشتاقه لك انا ايه غيرلى حالى
منك جرالى انا مالى بيك
من شوقى ومن حنينى
انا ليه منمتش عينى انا ليه حبك مالينى
انا روحى فيك
ياة دا الشوق الى انا حساه
وغرامى الى انا عايشاه
خلانى ادوب فى هواة باحساسى
ليه قلبك شغلنى وغاب
وعذابك دا احلى عذاب
انا قلبى فى غرامك داب وبيقاسى
خدتنى من العالم والدنيا
روحت فى ثانيه حبيبى معاك
نفسى اغمض عينى وافتح
الاقيك جمبى واعيش وياك
و عذاري هايمه في حلم لقاء عبدالعزيز و محتاره و تفكر كيف راح يكون اللقاء
سكر عبد العزيز العاشق و ألتفت على صاحبه اللي جنبه
عبدالعزيز: أبو سلطان طلبتك
أبو سلطان(مغمض عيونه) : أمر وش تبي
عبدالعزيز: راح ألتقي اليوم مها
أبو سلطان : وش أسوي لك أدق لك عود ولا أبعد عنكم الهيئه تصدق ذكرتني بنكته
(في واحد قروي راح يغازل في السوق و خايف من الهيئه كتب على ثوبه الهيئه في قلوبنا)
عبدالعزيز:ههه حسبي الله على عدوك
أبو سلطان: أخلص يا شينك
عبدالعزيز: رح معي
أبو سلطان : ليه بيبي ستر أحرسك
عبدالعزبز:لا معاها بنت خالتها طيحها و أنا أبي أخذ راحتي مع الجو
أبو سلطان :عاد أنت و ذوقك الحمد لله و الشكر يالله من فضله
عبد العزيز:ها وش قلت
أبو سلطان : عندي خير و بركه من أرقام البنات وش أبي بالزيادة يالله أخلصهن
عبدالعزيز(بخبث) : أبو سلطان والله بنت خالتها حلوه
أبو سلطان (يعتدل بالجلسه): أحلف وش عرفك
عبدالعزيز:مها تقوله
رجع أبو سلطان أنسدح(نام) على وضعيته الأولى و سكت
عبدالعزيز: وش بلاك
أبو سلطان: يعني وش قصدك عشان بنت خالتها مدحتها الطيور على أشكالها تقع أكيد مثل بنت خالتها
عبدالعزيز: عاد في هذي لا
أبو سلطان(يلف له) : لا يعني ما عمرها كلمت أحد
عبدالعزيز: والنبي طازه يا باشا فرفوره نغه >>> أنقلب مصري
أبو سلطان: مالها سوابق
عبدالعزيز: سجلها نظيف على ضمانتي أنا ومها
أبو سلطان: مالت عليك أنت و مها(ابتسم بخبث)بس تدري صار فيني فضول أعرفها خلاص راح أروح معك
عبدالعزيز(غمز له) : أيه كذا يا باشا
&&&&&&&&&&&&&&&&&&&&&&
*في بيت فهد*
سمر تجلس بعد ما الكل راح
سمر(ترمي الكعب )والله اليوم تعبت
الأم:ليه بالله طول الوقت قاعدتن في غرفتك لا طبختي ولا نفختي
سمر: يمه الله يهداك الكلام بروحه يتعب والضحك
الكل : ههه
سلمى(توقف) :اسمحوا لي بروح ارتاح
الأم:بحفظ الله .... أقول سلمى
سلمى :هلا
الام :بروح العصر لأختي فضه تبين تروحين معنا
سلمى:اسمحي لي يمه تعبانه بس سلمي لي عليها و على عذاري
سمر:أم سلمى ترى عشان ما تقولين ما قلت لك العصر بروح السوق مع عذاري
سلمى : ما أبي أروح
منى : غربيه سلمى تموت بالسوق
سلمى :راح أطلع مع برهوم حبيبي
ابراهيم(دخل أبتسم) : أيه الكلام الحلو ما يطلع بوجودي
سلمى(ابتسمت له): أنت دوم حبيب وغالي
سمر: هيه أنتم ترى في عزابيه هنا
الكل :ههه
أشر إبراهيم لسلمى تقرب له قربت و حط أيده في أيدها
إبراهيم : اسمحوا لنا نبي نرتاح
الام : الله يخليكم لبعض
الكل :أمين
إبراهيم :أيه يمه ترى الليلة طالع أنا و سلمى بنطلع نتمشى
سمر: إبراهيم طلبتك خذني معكم
إبراهيم : وش أبي بالعذال دام معاي القمر (طالع لسلمى) سلمى حبيبتي
سلمى (طالعت له وابتسمت) : ...............
سمر :لا لا خذني معك
إبراهيم : مره ثانيه
سمر : ما أبي زعلت (بس تحب ترفع ضغطه)
منى : إبراهيم ما عليك تضحك أساسا تبي تروح مع أمي لبيت خالتي
إبراهيم :سمر صدق زعلانه
سمر(تبتسم): أفا عليك و أنا اقدر أزعل من الغالي روحوا و استانسوا
أبراهيم : يلا سلمى تعبان برتاح
سمر : يمه الساعه كم نروح لخالتي
الأم : الساعه 4 أن شاء الله نصلي ونروح أنا قايمه أريح قبل الصلاة
سمر (تلف لمنى) : مناي لو تعرفين وش حصل اليوم
منى(تمسح على شعر طلال اللي نايم جنبها) : وش حصل
سمر : حصل شيء بين ليالي وسالم أنصدمت منه
منى : أها
سمر : لا تقولين تعرفين أنتي كل شيء تعرفين عنه أول بأول
منى : ههه صدق اعرف عنه سالم قال لي
سمر : متى
منى : يوم راح يغير ملابسه سألته وش صار قال لي ليالي رمته بالمسبح
سمر : ههه والله شكله كان نكته
منى : يستاهل
سالم (توه داخل) : استاهل ليه عاد
منى(ترفع راسها له) : ايه تستاهل عن الكلام اللي قلته لليالي
سمر(توقف) : أسمحولي بروح لغرفتي اقرأ شعر
سالم : يا ليل أنتي والشعر يا عنترة
سمر : أموت بالشعر يالله سي يو ايه صدق مناي حيلك فيه أدبيه
سالم( خزها) : شنو أدبيه روحي لغرفتج لا اقوم أأدبك أنا
سمر : يماه أجل الكلام اللي أنقال سهل صح أنت متعود على ليالي ودفاشتها بس ما متعود تتغزل فيها كذا (تقلد سالم بالكلام) يا هنيك يا سمر .. (انبهت لنظرات سالم وخافت) اروح احسن لي
منى (بهدوئها الدائم) : سالم أسمع وأنا أختك ليالي مهما كانت بنت تستحي
سالم : عارف بس أنا أتعامل معاها عادي مثل أي أحد يعني مثل ناصر متعوده هي على كلامي
منى : تتعامل معها عادي وتقول لها يا هنيك يا سمر أظن عيب مفهومه و واضحه وش تقصد مو كلام عادي صح
سالم (خجل من نفسه) : آسف و تطمني ما راح أكررها
منى (ابتسمت لأخوها) : أسمع أنا ما أقول هذا الكلام عشان أحرجك بس لازم تنتبه لشغله (يوم رفع عيونه يطالع لها كملت) ليالي قبل شيء و ألحين شيء أوكيه يعني أهي ممكن تتزوج وأكيد زوجها ما راح يرضى عليها أنها تكلمك حتى لو متربين مع بعض تبقى مو من محارمك .. أنت لأنك متعود عليها وعلى جلستها دائم في بيت عمي و أهي مرات صح تصرفاتها صبيانيه لأنها بين شباب صارت مثلهم وأنت متربي معهم من كنت صغير يا ناصر هنا يا أنت هناك معه مع ليالي بس تغير الوقت كل البنات تغطن عنك يوم صار عمرهن 13 سنه إلا ليالي رفضت ولما وليد كان بيغصبها رفضت وعمي قال بس تغطي شعرها عنك والوجه عادي هي وافقت وتغطت عن الكل إلا أنت لأنها متعوده عليك وعلى وجودك مدري هي تعتبرك مثل ناصر و أخوانها أو لا بس لازم تكون على بينه وتعيش الواقع انها ممكن تتزوج وما تقدر تشوفها بعدها مثل ألحين ما فيه زوج شرقي يرضى حتى لو كان شخص متعوده عليه لأنها مو محرم لك
سالم (حس بغصه بس فكر أنها ممكن تبتعد عنه هو وناصر وأهم دوم صحبه وقف) : خلاص فهمت يالله أنا طالع مواعد ناصر
منى(تطالع ساعتها) : الساعه 2 يعني شمس وين رايحين بهذا الظهر
سالم(أبتسم) : أحنا تماسيح كل شيء عادي
منى : ههه روح الله يحفظك (رفعت السماعه واتصلت على الرقم الداخلي) سونيا تعالي للصاله الداخليه
سونيا : يس مدام
منى : خذي طلال تراه نايم وغيري ملابسه ونيميه بغرفته
سونيا : أوكيه
&&&&&&&&&
في بيت ليالي ......
ليالي كانت سرحانة بكلام سالم : وش يقصد يا هنيك يا سمر طيب سمر ليه تقول لي تصرفاتي صبيانيه لهذي الدرجة أنا مسترجله (قامت من السرير ووقفت أمام التسريحة وفكت شعرها اللي كان طويل وهي دايم تلف ما تغير )كل بنات عمامي يقولن للقمر قوم وأنا اقعد مكانك ماشاء الله بس أنا مو مثلهن .. وسالم يمدحني ولا يستهزأ فيني .. يوه مو عارفه .. بلا سخافة لبس و مكياج أنا مالي شغل بسخافات البنات العبيطات (كانت بتلف شعرها وترجعه مثل حالته دايم طاويته (كبه ) دخلت مرت أبوها)
ليالي (ابتسمت ) : هلا يمه
حمده : بسم الله عليك ماشاء الله شعرك طول ليه ما تفكينه مثل البنات
ليالي(عقدت حواجبها ولفت شعرها كله ورفعته مثل دائم ) : مثل البنات
حمده : ليه منتي بنت مثل بنات خلق الله وأنتي أحلى البنات بعد
ليالي (ضمتها ) : يا ناس من قدي الناس عندهم أم وأنا عندي ماماتين يا حظي
حمده (تمسح على ظهرها) : يمه ليالي وش مكدرك
ليالي (تطالع لوجه حمده ) : ولاشيء يمه
حمده (تمسك يدها تقعد على السرير ) : أنا أعرفك أنا مربيتك مع أمك
ليالي : والله يمه مدري شقول لك بس أنتي دوم كاشفتني
حمده (أبتسمت) : قولي لي بنتي وأعرفك يبان بوجهك
ليالي : يمه أم أنا تصرفاتي أقصد يعني أنا
حمده : أنتي شنو
ليالي : أني صبيانيه كأني ناصر يعني مثله أسوي
حمده : ههه
ليالي : يماه
حمده : ههه لولو حبيبتي وش جاب الثريا للثرى
ليالي : من الثريا والثرى مافهمت
حمده : الثريا أنتي والثرى
: عارف ناصر
حمده وليالي(ألتفتن) : ههه
حمده : ماتعرف تطق الباب
ليالي : ياشين طبع التجسس والدخول بدون احم ولا دستور
ناصر : آسف بطلع وأصير مؤدب (طلع وطق الباب بأدب)
ليالي وحمده : ههه
حمده (تهمس لليالي ) : شوفي وش أسوي فيه (ترفع صوتها) منو
ناصر : أنا
حمده : أعوذ بالله من كلمة أنا من أنت
ناصر (يرفع صوته) : يماه حمده حرام عليك هذا وأنا مسوي مؤدب (فتح الباب ودخل) مهضوم حق من يتعامل بأدب أول مره أصير مؤدب وبعد تستهزئون فيني
ليالي وحمده : ههه
حمده : حياك يمه تعال نمزح معك
قرب وباس رأسها وشاف أنها متربعه على السرير أنسدح (نام) وحط راسه بحضنها (حجرها) وغمض عيونه
ليالي : هيه أنت نويصر قوم مو تنام بغرفتي
ناصر : أم مو غرفة توأمتي كيفي
ليالي : لا والله شنو توأمتك أنا بنت وأنت صبي أبي خصوصية
ناصر (يتعدل ويواجها وجه لوجه ) : أها قلتي بنت يعني تصرفاتك طبيعيه مهي صبيانيه مثل ماقالت سمر
أنصدمت وش عرفه ومتى عرف ومن من
ناصر : ههه ليلوه لا يطيح فمك من محله سكري فمك
حمده : وش تقصد باللي قالت سمر وش قالت سمر عن حبيبتي
ناصر : قالت أنها تصرفاتك صبياني
ليالي(بلعت ريقها) : وش عرفك باللي قالت
ناصر (أنسدح على وضعه الأول ) : سالم
ليالي (أنصدمت) : سالم قال لك
ناصر : أيه حكى لي عن كل شيء
حمده : قل لي
ناصر بدى يقول وش قال له سالم وليالي تسمع باهتمام وقلبها يرجف خافت قال له عن البوسه بس تطمنت يوم ماذكرها
حمده : ههه ياحليل سموره هذي دايم لسانها متبري منها
ناصر (مغمض وبهدوء) : ليالي حبيبتي أنتي قمة الأنوثه أنت حلى البنات لا تهتمين
ليالي(تبتسم وقربت وحبته على جبينه) : أفا عليك يا أبو سعد ما يهزك ريح يا جبل
ناصر (يرد على جواله ) : هلا يبه ... موجود عند أمي حمد وليالي بغرفتها .. (يطالع ساعته) ألحين أروح تآمر أمر مع السلامة (يوقف) يله يمه بروح تبين شيء
حمده : سلامتك يمه
ليالي : وين يمه بتروحين
حمده(توقف) : بروح أصلي أنتي صلي وانزلي ترى أخوك وليد بيمشي للشرقية هو وأهله تعالي نجلس معهم لين يمشون
ليالي : حاضر بصلي وأجي
&&&&&&&&&&&&&&&&&&
في بيت سمر ...
الأم : سمر سمر وجع أخرتينا
سمر (نازله على الدرج ) : يمه جيت
الأم : أخلصي تأخرنا صارت الساعه 4 وثلث وللحين ما رحنا
سمر : طيب بلبس النقاب وأطلع
الأم : والله لأخليك ترى لا تحديني يا بنت
سمر : لا لا خلاص يله خلينا نروح كل شيء جاهز
منى(تنزل واهي مستنده على عكازها) : يمه لحظه
الأم : هلا يا عيون أمك
سمر(تتكتف) : أف راح تعطلونا
الأم : جب أنتي آخر من يتكلم هلا منى وش تبين
منى(تبتسم) : أبدا سلامتك بس سلمي على خالتي وجدتي و عذاري كثير
سمر(فتحت عيونها) : ألحين ما تقدرين تقولين هذا الكلام من فوق لازم وجه لوجه مع أمك ترى أمي مو صمخه
الأم : صمخ بعينك يا أم لسان سميروه ووجع
سمر(عوجت بوزها(فمها)) : ياشين هذا الأسم وع
منى : ههه يمه روحن لا تسكر الأسواق عن البرنسيسة سمر و تزعل
طلعت الأم وسمر ومنى أتجهت للصاله ورفعت السماعه وطلبت لها شاي ويوم سكرت كان سالم توه داخل
سالم : مناي قاعدة بروحك وين الناس عنك
منى(حطت عصاها جنبها وابتسمت) : هلا سالم شسوي أمي وسمر طلعوا و نجود هي وعيالها وزوجها سافروا لجده الله يسلمهم يارب وفيصل فو...
ما كملت الكلام إلا وفيصل نازل ركض وبسرعة من الدرج ينط درجتين درجتين وطلع فجأة من الباب للخارج
سالم (متعجب) : وش فيه هذا طلع فجأة عسى محد صاير له شيء
منى : ههه
سالم : تضحكين علامك اقولك طلعته فجأه تخوف وتضحكين بدل تفكيرين وش طلعه فجأة
منى : تطمن ما فيه شيء أنتظر و شوف
شوي داخل فيصل وماسك يده وعاقد حواجبه
منى(شافت يده مجروحة) : سلامات وش صار صدمت الباب
فيصل : أف حسبي الله على شيطانه عليه أسنان لا إله إلا الله مقص مو أسنان
سالم : من هذا
فيصل : الولد مسكته وعضني وهرب
سالم (متفاجئ) : ولد وش تبي فيه تعرفه ولد من
منى : هاه فيصل شنو حصلت هذي المره
فيصل يطلع من جيبه صندوق صغير ويمده لمنى
فيصل : فتحيه وشوفي بروح أغسل يدي وأحط مطهر أخاف أتسمم من بعده أظن أنه قطع قطعه من اللحم المتوحش
منى وسالم : ههه
سالم : وش سالفة العلبة وشنو تقصدين بهذي المره
منى فتحت العلبه كان فيها علاقة مفاتيح(ميدالية) وحرف f يتدلى منها لونه ذهبي وعليه كريستال
سالم : واو حلو شكله مع انه مو غالي بس واو
منى : والله هذي البنت ذوق لو أنه مو غالي بس واضح أنها ذوق باختيارها
سالم : بنت وش السالفه أنا مو خابر فيصل راعي بنات
منى : لا لا مو السالفة كذا منت فاهم
سالم : طيب فهميني ترى ما بقى عندي صبر
فيصل (طالع من المطبخ) : لا لا تقولين مناي خليه يذبحه الفضول
&&&&&&&&&&&&&&&&&&
وأنتو بعد حابين تعرفون وش سالفة البنت المجهوله والهدايا
شنو بيحصل لسمر وعذاري بالسوق ومن اهو أبو سلطان بيكون له دور مهم ولا ثانوي بقصتي
خالد وش بيصير عليه بخصوص زواجه بيلقى حل لرفض عمته وهي وش تبريرها بالتأجيل

وبكذا خلصت تنزيل البارت
الكاتبه تقول انه البارت مره طويل .. ونزلت هذا حتى تركزو في الشخصيات
وان شاء الله لمى تنزل البارت الجاي انزله لكم على طول
يلآ لاتنسوني من ردوردكم اخواني اخواتي
استغفر الله

بناات اكمل ولا لأ