روايتي الأولى أجراس الذكرى

سأتحدث عن فتيات ..
تخبطت بهم أمواج الحياة ..
راسمه لهم بين حين وآخر ..
ألآأم وأحزان .. قلما ترى البسمات ..
هن ليسوا أي فتيات ..
هن بيننا يعشن حياتهن البائسه معنا ..
هن !! نحن
نعم نحن بإختلاف ظروفنا وحياتنا المعيشيه والماديه والعلميه ..
فتيات تضح الدنيا لهم مره وتب يهم عشره ..
لم ييئسوا في النهايه وواصلوا حياتهم رغم الصعاب ..
ليسطروا لنا .. بأن الحياة لا تقف عن الحزن والام .. بل تتعدا ل شيء ..




فتاة م سورة الجناح .. وأخرى منبوذه من الجميع .. والثالثه مت وره على نفسها ..
والرابعه والخامسه روح في جسدين ميتين .. والسادسه انحراف في الطريق لم تجد من يشد بيدها ليخرجها من الوحل .. السابعه عشقت وأحبت خطأَ ف ان مصيرها الورده التي انداسات اوراقها .. الاخيره تمردت وانشغلت بالحياة الحلوه ارتبطت بالشخص الخطأ والدنيا أدارت لها ظهرها ..




|| بدآيه بسيطه ||
رائحة المكان تعج بالأدوية والاطباء ذهباء ورجوعا
و الدماء و النزيف في حالة هيجان
تبديل بدون رحمة
تجرد من الإنسانية خوووف من العقاب
ولكن ..
من هذه النقطة بدأت رحلة عذاب و ألم
سنوأأأت ضياع
كُتب دراسية
هندسة و حاسبة
الهجرة و البراءة
الحلم بنظم معلومات إداريه
الحقيقة المرة
كسر الظهر و قصف للحياة
أب ظالم..أم قاسية
أخ بلا قلب
إخووة صغار لايدركون أي معنى للحقيقة و الواقع المر
هناك وردتين ستداسان إن لم يلحق أحد عليهما
الحقيبة المزخرفة ..
الشعر الكستنائي الطويل
الجسم الرشيق
الغيره العمياء
السفر و التنقل
الأوهام و الهيام
البشرة البرونزيه
الشعر الاسود
آآآلام و آآآآحزان
إهتمام مبالغ فيه
و أين نهاية القصه !!؟
هناك تكملة من تلك القصص البشعة لتلك الورود المسكينة
همسة حب
حنان أم
الممثلة التركية لميس
الضحكة المميزة
الغباء X العباطه
قل ب كبير
الحلم الكبير
طب باختصاص أمراض جلديه
ظنت أن جميع الورود لا تداس
و لم يخطر ببالها أنها أحدها
تضع يدها على خدها لترى متى تكتمل النهايه
الطفوله الدائمة .. لوردتين أحبت تلك الرسوم المتحركة ..
جمعتهما الشاشة الصغيرة .. ولم يعلموا بذلك ..
الدموع الحساسة
المناديل المتواجده هنا و هناك
ناروتو
بليتش
أحلام وردتين مازالت في ريعان و مرحلة الطفوله
و في الأخير صدمات الحياة
تضربهما الحياة دون أي رحمة
فقط لأنهما أحبت الحياة فضحكت في وجههم
و سخرت من عقلهم
أهل طيبون
إخوة كبار أنشغلو بالحياة
الفراغ يسيطر
ليست هذه النهاية .. هناك وردة تعشق الأنغام و الأوتار
تتمايل على الأوتار
تتراقص على عزفها
بكل خفة و رشاقة
عشقت بلاد الرافدين
و بتلك الأصوات الساحرة
جسم ممتلئ و فاتن
غرور و تبختر وخفة دم
ضحك و فرح
كراسة رسم
ألوان جديدة
و أناشيد جميلة ذا كلمات مرتبه و منظمة
قصر عالي
أخت مغرورة لها كبرياء
أخرى لم تهتم لطلبات الحياة و أنجرفت وراء شهواتها
حرف نون يجمعهن
مبنى خاص
و دموع الحسرة
أختم هذه المهزلة بوردة الجمال .. وردة داست جذورها قبل أن تداس بأكمالها ..
بيت من إسمنت
حديقة صغيرة خضراء
ورود ذات ألوان زاهيه البنفسج و غيرها
أب رحيم و عطوف
أم تحمل في قلبها الحنان
أخ أناني و غيور
أهل مترابطين
لكن المصيبة عندما
تحدث الكارثه
فلا خيار سوى المواجهه الصعبة
أو الإستسلام بيأس
ليس هذا و حسب بلا .. هناك تكملة أخيرة
الطفولة المقتولة
و البسمة المشوهه
و المدرسة المتنفس الوحيد
جهاز الاب توب
ألاآآآآآآم ورود تمزق و تداس
جمعات صديقات
و النهاية لم تكتب بعد
و تمضي الأيام
و تبدأ منها أجراس الذكرى ..~
نتمنى ان تنال على اعجابكم
حينما مسكت قلمي لأخط روايتي كانت بتاريخ
3-4-1430ه
- سأتدرج في السرد وبالتفصيل الممل .. لأن حياة شخصياتي واجب علي سرده
مليون بالمية بتحسون بالممل بعدين تحبونها .. إن شاء الله

الكلآم مو مفهوم

تم التعديل..
بنآآآآآآآآآت من جد ردو أبي أتشجع و انزل البارت الأول الله يخليكم نخيتكم ..

up
بالنتظآآر

موفقه يآقمر
^_^

(أج الكرى راس)
الج1زء الأول
الفص الأول1ل
====================
الجو مرة بارد..لا و المكيف شغال و مزيدها برودة..متلحفة بقوة كأنها خايفة من مجهول..
إنفتح الباب بقوة ..و بصوته الجهوري إللي يوقف شعر بلد..
............:قومي يلاه المدرسة..
نايمة مو حاسة بالدنيا..
فتح الأنوار عليها..بالطيب بالقوة بتقوم..وصل لعند السرير..تأمل ببراءة ملامحها إللي ما أثرت فيه و بكل قسوة سحب اللحاف..
..........:ماتسمعيني و لاتستغبين قومي ووجعه للمدرسة..
قامت بسرعة خافت يظهر شيء قدامه و خصوصاً وهي لابسه قميص نوم عادي و قديم من زمان مارحت السوق..سترت
عمرها:طيب..طيب بأقوم..
فركت عينها بيدها بقوة ..كأنها تقول لنوم ماعليش لما أرجع ..
طلع اللي مايتسمى..و سكر الباب بقوة وهو يهدد..
تكلم نفسها"" الله ياخذك و يريحني منك ماشفت وراك غير الهم..الله ياخذ زوجتك و عيالك و أبقى أنا أطلع الحرة اللي فيني
من ستة عشر سنة و جعل نهايتك على يدي يارب ""..
أبتسمت من بين ألمها..خلاص مو قادرة تستحمل أنها تعيش في كنف أب يهينها يكفي..يكفي أنا إنسان
مو حيوان و الله العظيم..
تعوذت من إبليس و تحركت بكسل..توقفت عند المرآيا الموجودة قدام الدولاب شافت شكلها:بسم الله هاذي أنا ..
ههه وشذا اللهم يا كافي تبريت من نفسي..وش هالكشه..ههه..
حست أن روحها رجعت لها.. فتحت الباب و تجهت لغرفتها..يوه و الله مكيفها خربان و لو مال الحاجة كانت فطست من الحر.
و القرف..و صلت غرفتها ذات اللون الوردي..المنقش عليها أوراق شجر..و السقف لونه أورنج فاتح..
مرة غرفتها نايس ..فيه سريرين..واحد شكله يجنن و الثاني متعري ماعليه شيء,,و مكتب له أكثر من 7سنين..
و فيه غرفة بجنبه غرفة ملابس صغيرة و ضيقة بجنبه حمام""و أنتم بكرامه""فتحت الباب الخشبيي..و سمت بالله و شغلت الأنوار
و سكرت باب الحمام وراها..
بعد دقايق سريعه طلعت..
فصخت قميصها الأزرق المتموج مع اللون الذهبي..
و بدلت على طول لبست البلوزة البيضاء المخططة با لرمادي و فوقه القطعه الثانية لونها رمادي ساده موديله..كان مخصر
شوي عليها..و فيه مثل الحزام من تحت بطنها..و قصة الرقبه كانت على شكل v ..مسكت المشط الموجود على مكتبها و اتجهت
على تسريحتها كان شكلها كيوت مرايه شوي كبيرة و حوافها بيضاء و لها ثلاث أدراج صغيره و بعدين ثلاث أدراج كبيرة..
مشطت شعرها البني المحمر بس وقفت شوي .. تجمعت الدموع في عيونها الرماديه العسليه ..الأثر لها الوقت ماراح..
تلمست خدها أثار الضربة واضحة..محمر و تارك علامة يد سطرها الظلم..مسحت دموعها بسرعه..و مشطت شعرها اللي
يوصل لكتفها تقريباً..قصتها مرة روعه قاصة الأناناسة..
سوت بف خفيف من وسط راسها و من الجوانب لفته و ثبتتة ببنسه و طلع شكلها كيوت بشرتها مرة بيضاء و هذا اللي مميزه
طفت اللمبة و أخذت شنطتها السودة الجلدية اللي حوافها ذات اللون الأزرق البحري..
و قبل لاتطلع لبست شراب""جوارب"" لونها رمادي..و لبست جزمة بربري لونها ذهبي ضحكت ع نفسها""وش هالتناسق في
الألوان ههه الله يهديني""..
بعد ما تأكدت من شكلها ..سكرت الباب وراها..و نزلت من الدرج الكئيب و فجاءة و بدون سابق إنذار..حست بشيء غريب..تمسكت بسرعه على درابزين الدرج..
...........:عمياء و لا تسوين فيها غبيه..
لفت عليه أعطته نظرة كره و بسرعة نزلت عينها..هذا أخوها..إيه أخوها اللي أكبر منها..تخاف منه..تكرهه..
تشوف بشكله صورة أبوها ..إلا هو..صدق من قال من خلف ما مات""ههه الحين اللي يسمعني يقول انه ماات
ياليت والله بأسوي بارتي كبير و أعزم كل الناس ههه حتى جدي و اعمامي بيصير يوم مقدس ههه""
نزلت بعد مارسمت ابتسامة كيوت على شفايفها..
دخلت المطبخ الواسع..
المتوحش جالس يفطر و لاهمه و زوجته تأكل بعيالها و اخوانها يفطرون..
رفعت عينها عليها و بعصبيه:وينك يا زبالة..
قالت بنفسها""صبراً جميل و الله المستعان"":توني قايمة..
ردت عليها:إإإإإييه من السهر على النت-و تلف على زوجها-مو أنا قايلة لك أسحب منها هالبلاء بس لو أنك رجال
تسحبه منها هالوصخه مو وجه نعمة..
بدت الدموع تتجمع بعيونها ""لالالالالالا يا ماما ليه انتي كذا ليه"":لا والله أنا من أمس أذاكر..
بلع اللقمة اللي بفمه:أصلاً انا بسحبه سحب من عندها..
تكلم أخوها:لاا والله ماتسحبه انا ابيه..
أمه:لاتخاف يا حبيبي إنت لك إللي تبيه حتى لو تبي غرفتها نطردها منها و نعطيك إياه..
يكفي..يكفي الله يخليك..
ناظرها أخوها و بفمه ضحكة وقحه..
صرخت أختها الصغيرة:يوه ماما شوفي خد أحلام لونه أحمر..
لا
لالا
لالالا
لالالالا
لالالالالا
لالالالالالالا
لالالالالالالالالالا
لالالالالالالالالالالالالالالالالالالالا
لالالالالالالالالالالالالالالالالالالالالالالالالا لالالالالالالالا
لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالا
ليش يا هديل تتكلمين ليش؟؟
ضحك ماجد بشماته:ههه ضربة أمس ماراحت ههه أكيد بتجلس يومين و تروح..
أم ماجد:ههه والله حاله-و تلف على عيالها و تحمسهم-يا عيال فاتكم أمس..
لفت هديل مستغربة:خير ماما وش فيه؟؟
أم ماجد بشماته:أبوكم أمس ضرب أحلام..
وشددت على الكلمة عشان تقهرها..
ليش يا ماما انا وش سويت لك وش سويت لك وش ذنبي إني جيت لها الدنيا ياربي ريحني من عذاب هالسنين..
شهقت رهف و حطت يدها الصغيره على فمها:و تعورت؟؟
صبت أمها الشاهي في كاس أبوها المشغول بالأكل:شوفي خدها مضروب الله يفشلها فضحتنا عند الجيران
هديل:ماما أها ليش طيب؟؟
ناظرتها أمها و بفمها ضحكه:ههه الحيوانة الدبة واقفة قدام التلفزيون و أبوك عصب و ضربها على وجهها و ظهرها..
ماجد:ههه صراحة أبوي أنت تعجبني..
أبو ماجد و لاهمه: يا ماجد يا ولدي لازم تصير رجال و ماتخلي أي بنت توقف بوجهك لازم تهلكها ضرب..
خلاص ما أستحمل..
قامت من مكانها و طلعت براا المطبخ..
أكرهكم..
أكره ابوي..
أكره أمي..
أكره ماجد..
أكره رهف..
أكره هديل..
بعد ربع ساعه من الحش فيها ..
قام أبو ماجد:يلاه يا عيال عالسيارة بسررعه لانتأخر..
قامت رهف تغسل فمها .,.و هديل تلبس شنطتها و بكل غرور و تبختر مشت مثل السنيورة..و بلون مريولها الرمادي
و بلوزتها الورديه المخططه بالابيض..و شعرها الأسود الحالك الطويل و مسويه ثنتين..مسكت شنطتها
هورس لاند الموفيه و رفعتها لكتفها و طلعت من الباب البني المصدي..طلع ماجد ..مسحت رهف على شعرها القصير
و لبست شنطتها..و طلعت..
بقت أحلام لبست عبايتها المغبرة الوحيده..و رفعت شنطتها و طلعت بعد ما أخذت مصروفها..و سمعت
دعاوي أمها عليها بدون سبب..سكرت الباب الداخلي للبيت..و سمت و طلعت..
""ياربي وش هالقرف البسه وع""
وقفت تهش فيها من بعيد ماطاعت تروح..كانت بسه صغيرة لونها بني مشقر..شكلها مقرف..تمنت احلام الحمام
يكون قريب منها عشان تطلع اللي في بطنها..
قربت البسه منها..بعدت..
...............:يا حيوانه بسرعه ابوي مستنيك من برا يالبقرة..
ناظرته بقهر..يدري انها تخاف من هالبسس ..قام هشها عنها..و طلعت ركض..
فتحت باب الايمن من السيارة((جمس2008))..
أحلام ودقات قلبها تضرب:سلام عليكم..
أبو ماجد كان معصب:كل يوم على هالحال لازم اشتغل فيك زي البهيمة..
سكتت مجبورة ماتقول شيء تجمعت الدموع بعيونها .. و انهمرت كالسيل الجارف..ماتقدر تمسحها و هي تحت الغطاء..
أحلام عندها قدرة عجيبة في أخفاء الدموع و صوت بكيها..ليش لا؟؟
و هي أستاذه بالدموع..
مشى ابوها بالسيارة و أخوها ماجد يلف و يطالع عليها وهو شمتان..و رهف تطآآق مع هديل..
و من بين البيوت..مدرستين..
وحدة ابتدائيه و الثانيه ثانويه..
الابتدائيه عليها لوحة خضراء مكتوبه فيها..
المدرسة الإبتدائيه ال#######
تأسست عام 1402ه
لون الجدران بيج و عليها شخابيط شباب و صبيان الحاره
مابقت كلمة مانكتبت
(( هلاالي يا بوك و الفخر لك.. سعودي غصباً عنك..عيال الحاره..هذا رقم شاهين سيريرو #########055..
أبو ركبة من مطار البقر يحيكم.........إلخ))..
و المدرسة اللي ملاصقة لها ..كانت لثانوي..
و بلون الأحمر مكتوب..:
المدرسة الثانوية ال#######
تأسست عام 1400ه
نفس الخرابيش و الكتابات..
وصلت السيارة البيضاء اللي مقدمتها و مؤخرتها لونها رمادي بسبب الإحتكاك و غيرها..
فتحت أحلام باب السيارة نزلت و رفعت عبايتها على راسها و سحبت شنطتها و تركت الباب مفتوح عشان خواتها ينزلوا..
لفت بعيونها على الشارع سيارتهم الوحيده الموجوده و سيارة وحده عند الابتدائي لونها خضراء ..
دخلت مدرستها..
وقفت عند الدرج له ثلاث درجات راحت على الطرف تفصخ عبايتها..لفتها بعناية و مسكتها بيدها و شالت شنطتها..
و دخلت لساحة الداخلية..أول مادخلت لفت على الجهه اليسار..كانت جالسة بهدوء و ماسكة كتاب الإنجليزي و تذاكر
بإخلاص..مشت أحلام عند شوق و ابتسمت:صباح الخير..البنات ماجوا؟؟؟
رفعت شوق عيونها و ردت لها الإبتسامة:صباح النور..هلا والله ..لا ماجاو..شخبارك اليوم؟؟
ابتسمت أحلام بخجل ماتعودت أبداً أن أي أحد يسأل عنها:كويسه و إنتي؟؟
شوق:الحمدالله..
فتحت أحلام شنطتها و طلعت مادة الكيمياء..
شوق بفضول:عليكم إختبار..
أحلام:إي والله ..أنا خاايفة موت..
شوق بإستغراب:بسم الله عليكي ماشاء الله إنتي شاطرة و يكفي إنك الثانية ع المدرسة الترم اللي راح..
أحلام بحزن:إيه بس اللي كانت تدرسنا أبلة زهرة و صراحة بسببها نزل مستواي بالشهادة بسبب ماداتها..
شوق بفخر:إحم الله يخلي لنا دلال..
أحلام و تحاول تتناسى همومها:ههه –و لفتت عيونها الكتاب اللي بيد شوق-و إنتم عليكم إمتحان.؟؟
شوق مسكت الكتاب و رفعته:ههه شكلك مادريتي..
أحلام و يحرقها الفضول:لالالالالا مادري قولي..
دخلت شوق كتاب الانجليزي:أبلة نوال ماتدرسنا خلاص..
شهقت أحلام:هاه..كذا ابه..
شوق سكرت شنطتها و تنفض عنها الغبار:والله أسألي سمية..
أحلام بغيرة:ياا حظكم..عمىى أنتم و 1\1حظ..
شوق بمزح تكش عليها:كش كش كووش هؤ ..قولي ماشاء الله..
أحلام:مرة بأحسدكم هف بس..
شوق ناظرت للي جاية من وراهم..
شوق:ههه حلومه شوفي من جاء..
أحلام لفت و ضحكت:ههه محظوظه و مبروكة..
بنتين بعمر الزهر و بأشكال الورود..يتهاوشون و العباية عليهم..
وصلوا ..
أثير:على تبن حدك الثمامة روحة و رجعة بنفس اليوم..
أروى و رمت شنطتها على أحلام: جزمة براسك .. أنا قايلة لأمي نبي نروح لأسبانيا غصباً عنك..
فصخت أثير عبايتها و بأهمال رمتها على شوق و تقربت من أروى:والله يا أراوي بنروح فرنسا فوق رقبتك..
أحلام بضجر:بس وجع فضايحكم لازم تطلع هنا..
أروى و أثير توهم يحسوا فيهم..
أروى :يوه أحلام و شوق سوري ماشفتكم..
و تسلم عليهم..
أحلام تمد لها يدها:بعذرك على هالهوشة إللي ماتخلص..
شوق:أنا بأسألكم ..أنتم ما تملون من الهواش؟؟
بعد ما سلمت عليهم أثير جلست أمام شوق و على يمينها أحلام..
أثير تتميز بنحافة جسمها و شعرها الأسود اللي يوصل لتحت أكتافها بشبر..
و صفاء بشرتها الفاتحة..
أثير بحماس:والله أمس أمي تاخذ راينا على سفرة الإجازة وين نسافر..تخيلوا..البقرتين تغريد و أروى يبون أسبانيا..
و أنا و خالد و فراس و أبوي نبي فرنسا..
سندت شوق يدها على خدها و كوعها على فخذها بملل من مشاكل أثير و أروى إللي ماتخلص:طيب على راي الأغلبية..
أثير:إي والله شكلنا بنصيف في باريس..
عصبت أروى .. هي عكس أثير ..جسمها مليان شوي بس عليها خصر جونان..شعرها الكستنائي الطويل..
يغطي ما شاء الله ظهرها..و كانت عامله فيها حركات ..يعني رافعته بإهمال و منزلة خصل على وجهها مزيدها نعومه..
و عيونها واسعه و حواجبها مرتبه طبيعي.. و لون بشرتها البرونزي الحلو..
جلست أروى بجنب أثير و مشكلين حلقة صغيرة ..بعد ما حطت تحتها عباية عشان برودة الأرض:أقول على تبن مادام تغريد
معي إنسي سفرة فرنسا..ترانا رحنها ثلاث مرات ما مليتوا..
تكلمت شوق:يوه خلاص على الأقل مو مثلنا مانطلع من السعوديه أللي عفنا فيها ..
ردت أحلام بهدوء:على الأقل أزين من وحدة ما تعرف غير الأردن هاذي اللي أعرفها بس ..
ضربت أثير على الوتر الحساس:والله أنتحر لو ما سافرت كل إجازة دولة ..بعدين وشو الأردن و الله ماتلمون..دول عربية
ويع أستغفر الله يا ربي..هذولا عمرهم ما شافوا سعوديات أأأأأف ما تملين..ماتحسين بالغربه؟؟
أحلام حست بألم:لا عادي يعني ما أحس بالغربة بينهم..
ضحكت أروى بسخريه:ههه والله يا أحلام شكلك منهم ما نعرف نفرق بينكم ..بياض صارخ..
و شعر بني..و فم أحمر..و عيون رماديه محددة بعسلي..أردنية و بس ألا أوربيه..
عصبت أحلام:هيه يكون بعلمك أنا سعودية غصباً عنك..-و بغرور و هي ترمش بعيونها-لعلمك لون
عيوني على لون جدتي أم أمي..تهبون و تبطون تجيبون مثل لون عيوني..حتى الشاميات أللي عندنا ألوان عيونهم
غبية و صارخه أخضر.. أزرق..شوفو الألوان السنعه..ما يحتاج أحط عدسات..
ضحكت شوق:ههه تستاهلين يا رورو أحد قالك حطي راسك براس أحلام..
ابتسمت أروى:أعوذو بالله وش هالغرور..الله يعين أهلك يا أحلام عليك..
"" الله يعين مين؟؟
..
أروى إنتي غلطانه..
..
الله يعيني أنا ..انا يا أروى..
..
ما ذقت طعم الفرح..ما حسيت بحب أهلي لي..
..
ما حسيت بخوفهم علي..
..
ما حسيت بحنانهم إللي فاقدته..
..
أروى..أنا أعيش في اليوم أكثر من شخصيه..
..
صدقيني إني أتعذب والله..
..
ليش كلكم ضدي ليه..
أحلام بابتسامة صفراء :هي هي هي هي بايخه..
أثير بشهقة:بنات شوفوا الخبله اللي هناك..
لفو البنات مع بعض..
بنت داخلة و جاية لعندهم..عيونها حمراء و أنفها محمر و الواضح إنها كانت تصيح..عبايتها على كتفها و تسحب فيها..
و شنطتها الصغيرة البيج المخططة باسود و أصفر..على معصم يدها شايلتها..
وقفت أحلام:وتين وش فيكي؟؟
رفعت البنت عينها عليهم و غطت يدها على وجهها و تصيح..
البنات لفوا عليهم و صاروا يهدونها..سحبت أروى الشنطة..و فصخت أحلام لها العباية..و قامت أثير تشتري لها موية..
و طلعت شوق منديل..
بعد ما شربت وتين الموية وهدت..
أحلام جالسة بجنبها و حاطه يدها على شعرها:بسم الله عليك وش فيك؟؟
شوق:وتين عسى ما شر؟؟صاير لك شيء؟؟
أثير بهدوء:لايكون متهاوشة مع ريان؟؟
أروى:عليكم أختبار و ما ذاكرتي؟؟

له له له وين الردود وين التشجيع
حرآآآآآآآآآآم شجعوني..إيهئ

البارت مره حلو
كبدايه موفقه يالغاليه
انتظر البارت الي بعدو
بس سؤال غلاتي
انتي كامله الروايه عندك

بنات حرام عليكم ليش ماتشجعونها
الوحده تتخيل هي الي نزلت الروايه وتعبت عليها ولا احد عبرها
حرام وربي عليكي
الله يهديكم بس