الفراشة أصبح فتيات Ftayat.com : يتم تحديث الموقع الآن ولذلك تم غلق النشر والمشاركات لحين الانتهاء من اتمام التحديث
ترقبوا التحديث الجديد مزايا عديدة وخيارات تفاعلية سهلة وسريعه.
فتيات اكبر موقع وتطبيق نسائي في الخليج والوطن العربي يغطي كافة المجالات و المواضيع النسائية مثل الازياء وصفات الطبخ و الديكور و انظمة الحمية و الدايت و المكياج و العناية بالشعر والبشرة وكل ما يتعلق بصحة المرأة.
Bent Al-reem .b
السلام عليكم ورحمة الله وبركاته ..
و في نفس الوقت كانت تحاول متأملة في نجاة أختها الصغيرة
" ياسمين " من الغيبوبة التي دخلت فيها بعد اجراء عمليات عديدة لإنقاذها من الموت ..
ولكن الموت لم يلبث حتى طرق أبواب ياسمين ابنة
ال 5 سنوات بعد صحوها من الغيبوبة ب اسبوع واحد فقط ..
كان هذا الإسبوع كافي ليشعر جوري بأنه هناك من بقي معها من " ريحة الغاليين " ويبدأ بنثر بذور الأمل في اليوم الأول ..
وما أن اتى اليوم الثاني لترى كيف كانت اختها بصحة جيدة حتى نبتت جذور الأمل و بدأت تتأصل ..
في اليوم الثالث نبتت وردة في قلب جوري لتقول أن هذا الأمل لم يفشل ويجب أن تسقيه يوما ً بعد يوم ...
حتى تخرج أختها من المشفى .. وتعيشان معا ً ..
في اليوم الرابع والخامس كانت جوري تتعايش مع هذا الأمل الذي أصبح واقع في نظرها .. في اليوم السادس يأتي الدكتور ليبشرها أن اختها ستخرج غدا ً ...
في اليوم السابع تفتح جوري ستار غرفة اختها لتراها مغطاة بالكامل .. أحست بوخزة في فؤادها ..
ولكن عبير نبتة الأمل الكاذب شجعها لتفكر في أن اختها نائمة بهذه الطريقة الغريبة ..
ولكن ما أن أبعدت جوري الغطاء لترى جثة طفلة تغطي البرائة 100 % من كل مليمتر مربع من وجهها !!!! ..
كانت تبتسم ابتسامة غريبة .. لم تفارق جوري ذكرى هذه الإبتسامة التي سمتها ابتسامة الموت ..
بعد كل هذا أبت جوري بعد فقدانها أهلها أن تعيش في بيت آخر غير بيت " أبوها " الذي تربت فيه وما كان لخالها " جاسم " إلا أن ينتقل للعيش معها تقريبا ً ..
كانت جوري ذات رونق جذاب .." .. جمالها من ذلك النوع الذي يصرخ و هي بين ألف فتاة ..
كانت بيضاء نقية كالسكرة .. وكان بريق اللون العسلي في عينها يجبر كل من يراها على التمعن في ملامحها ..
شفائها كانت كوردة جوري حمرااء نظرة ..
شعرها الحريري العسلي الطويل كان يثير فضول الآخرين وكأن
الجميع يتمنى أن يلمسه ليحس بمدى النعومة التي يراها . .
إنها كالياسمينة ب نقائها .. و كالجوري الأحمر ب أنوثتها .. و كالغيمة ب عطائها .. هي مشهورة بجاملها .. وأخلاقها .... الجميع يحبها "
13-10-2022 - 01:51 pm
- أول قصة لي .. اتمنى إنها تنال إعجابكم ..
- كِذَبْ مِنْ قَالْ مَا أَحِبّكْ ..! وُ فِينِيْ مَا أَظِنّه حَسْ
السلام عليكم ورحمة الله وبركاته ..
أول قصة لي .. اتمنى إنها تنال إعجابكم ..
كِذَبْ مِنْ قَالْ مَا أَحِبّكْ ..! وُ فِينِيْ مَا أَظِنّه حَسْ
" جوري الفتاة ابنة ال 18 عشر سنة .. يتيمة الأب و الأم .. توفى أبواها في حادث مريع عندما كانت في ال 13 عشر من عمرها .. كان أصعب يوم في حياتها .. عندما كانت تحضر جنازة حنان أمها و رحمة أبوها و شقاوة أخوها..و في نفس الوقت كانت تحاول متأملة في نجاة أختها الصغيرة
" ياسمين " من الغيبوبة التي دخلت فيها بعد اجراء عمليات عديدة لإنقاذها من الموت ..
ولكن الموت لم يلبث حتى طرق أبواب ياسمين ابنة
ال 5 سنوات بعد صحوها من الغيبوبة ب اسبوع واحد فقط ..
كان هذا الإسبوع كافي ليشعر جوري بأنه هناك من بقي معها من " ريحة الغاليين " ويبدأ بنثر بذور الأمل في اليوم الأول ..
وما أن اتى اليوم الثاني لترى كيف كانت اختها بصحة جيدة حتى نبتت جذور الأمل و بدأت تتأصل ..
في اليوم الثالث نبتت وردة في قلب جوري لتقول أن هذا الأمل لم يفشل ويجب أن تسقيه يوما ً بعد يوم ...
حتى تخرج أختها من المشفى .. وتعيشان معا ً ..
في اليوم الرابع والخامس كانت جوري تتعايش مع هذا الأمل الذي أصبح واقع في نظرها .. في اليوم السادس يأتي الدكتور ليبشرها أن اختها ستخرج غدا ً ...
في اليوم السابع تفتح جوري ستار غرفة اختها لتراها مغطاة بالكامل .. أحست بوخزة في فؤادها ..
ولكن عبير نبتة الأمل الكاذب شجعها لتفكر في أن اختها نائمة بهذه الطريقة الغريبة ..
ولكن ما أن أبعدت جوري الغطاء لترى جثة طفلة تغطي البرائة 100 % من كل مليمتر مربع من وجهها !!!! ..
كانت تبتسم ابتسامة غريبة .. لم تفارق جوري ذكرى هذه الإبتسامة التي سمتها ابتسامة الموت ..
بعد كل هذا أبت جوري بعد فقدانها أهلها أن تعيش في بيت آخر غير بيت " أبوها " الذي تربت فيه وما كان لخالها " جاسم " إلا أن ينتقل للعيش معها تقريبا ً ..
كانت جوري ذات رونق جذاب .." .. جمالها من ذلك النوع الذي يصرخ و هي بين ألف فتاة ..
كانت بيضاء نقية كالسكرة .. وكان بريق اللون العسلي في عينها يجبر كل من يراها على التمعن في ملامحها ..
شفائها كانت كوردة جوري حمرااء نظرة ..
شعرها الحريري العسلي الطويل كان يثير فضول الآخرين وكأن
الجميع يتمنى أن يلمسه ليحس بمدى النعومة التي يراها . .
إنها كالياسمينة ب نقائها .. و كالجوري الأحمر ب أنوثتها .. و كالغيمة ب عطائها .. هي مشهورة بجاملها .. وأخلاقها .... الجميع يحبها "
التعليقات (3)
----------------------------------------------------------------------------------
الجزء الثاني
بعدين راحوا البنات وقعدوا على طاولة عقب طاولة الشباب بطاولتين .. وأحمد ومحمود ردوا لربعهم ..
عند البنات ..
نور من تباعدوا عن عيال خالة جوري واهي تهذر وتتحرطم ..
نور : والله حالة أنا واقفة جني طرطور .. واهمه مب راضين يفجون .. طالعت جوري وقالت : ادري فيج انتي مستاانسة ..
جوري : ههه ليش استانس والله جفتيهم انتي .. لو مستانسة ما قلت باخذ تيك أويه ..
نور نور تعوي شفايفها و تقلد على جوري : ما قلت لج بناخذ تيك أويه تيك اويه .. مالت عليج ..
سكتوا شوي وتموا ياكلون .. وفجأة قالت نور ..
نور : بس يهبلون .. الأسمراني أينن ..
جوري تغص : كح كح كح .. تشرب بيبسي .. وتاخذ نفس واطالعها .. بعدين تقول : أحمد أحلى من محموود ؟
نو : والله جوفي جوفي يا ربي حلو ..
جوري واهيه اطالع محمود تقول : ويي جوفي محمود ابيضاني رزة اشحلاته ..
نور : ادري به حلو ما قلت مب حلو .. بس الأسمر أحلى ..
جوري : ام يجوز الناس تجوف أحمد أحلى .. بس أنا يمكن لأنه شكله الداخلي يطغي على ملامحه الخارجية ..
نور : وي مسكيين عاد سويتيه كلش ؟.. اشفيه شكله الداخلي على قولتج جوري : ولا شي ..
خلصوا البنات وردوا البيت .. جوري وصلت نور ..
نور لما وصلت : يلا ما بتنزلين ؟
جوري : لا اشله ؟
نور : شنوو انا سمعتج تقولين تباتين فبيتنه ..
جوري : لا محمود بييب ليان وبيون عندي ..
نور تفج عيونها : جذابة من عيونج ..
جوري : ههه جسوم دز لي مسج قال بيينيي ما بيتأخر وايد ..
نور : بعد جذي .. بس خلج بعد بتذلينه .. يلا سي يو ..
جوري : باي ..
ردت جوري البيت وقفلت كل البيبان..
لأنها بينها وبين نفسها تعرف إنه مهما جاسم حاول يهتم فيها لابد إنه يهتم بروحه شوي .. لأنه لا اهوه أبووها ولا أمها مسكين .. بس ابتلش فيها .. دمعت عيونها على هالأفكار ..
راحت غرفتها أخذت شور سريع .. بعدين قررت تيلس ع النت .. بجوفها اذا شبك واللا لي الخين مو شغال ..
دشت جوري المسن .. لقت أحمد أون ..
جوري تكلم نفسها : اوهوو ألحين عاد .. والله مالي خلق .. ان شاء الله ما يكلمني
وبلفعل تمت جوري نص ساعة أون و أحمد ما كلمها .. قعدت تصمم ع الفوتوشوب
و مرة وحدة ..
يا حلو الأيآم لو ترجع على " كيفي " // A 7 M A D Y :
ها انتي ..
أليست { جراحي } هدايا ال ق در ؟!! .. :
هاون يبط راسك ..
يا حلو الأيآم لو ترجع على " كيفي " // A 7 M A D Y :
راسج الا انتي .. أنا الي يحبوني يبوني ..
أليست { جراحي } هدايا ال ق در ؟!! .. :
يعني محد يبيك .. لأنه محد يحبك ..
يا حلو الأيآم لو ترجع على " كيفي " // A 7 M A D Y :
هاهاهااهاي .. عبالج الناس كلها مثلج .. مع هالويه الكريه : p
جوري في خاطرهها : صج فاضي
أليست { جراحي } هدايا ال ق در ؟!! .. :
أحلى من ويهك ..
يا حلو الأيآم لو ترجع على " كيفي " // A 7 M A D Y :
تحلمين ...
أليست { جراحي } هدايا ال ق در ؟!! .. :
خخ .. انزين يعني شنو الحين اشتبي ؟ ..
يا حلو الأيآم لو ترجع على " كيفي " // A 7 M A D Y :
بس فاضي .. وتعرفين يعني أنا أحب أملي أوقات فراغي بأشياء تافهة ..
لم تكن جوري تعرف ما بالها .. أول مرة تكون في هذا الحال .. تحس بالإختناق .. تريد أن تبكي ولكن الدموع تعاندها .. تحس أنها لم تعد كما كانت .. جوري الفتاة الفاتنة " و الكل يشهد " المرحة الطيبة ليس للحزن مكان في حياتها .. وحتى ولو كانت حزينة تحاول ابعاد هذا الشعور بإشعال شمعة الأمل ولو كان نورها ضعيف ..
أليست { جراحي } هدايا ال ق در ؟!! .. :
ههه زين زين ..
أحمد حده استغرب .. ويي اشفيها هذي هالأيام مستوية عاقلة عن حساب .. لو يمكن مضايقة .. مع إنه هذي ما تضايق أشك إنها تحس ههه .. عشان جذي حب يغير الموضوع ..
يا حلو الأيآم لو ترجع على " كيفي " // A 7 M A D Y :
ها الحين انتي وين ؟
أليست { جراحي } هدايا ال ق در ؟!! .. :
جوري .. في البيت بعد وين ..
قالتها بتلقائية و لاحست
يا حلو الأيآم لو ترجع على " كيفي " // A 7 M A D Y :
شنو ؟ شتسوين في البيت برووحج ؟
جوري : اوه نسيت افف ..
أليست { جراحي } هدايا ال ق در ؟!! .. :
.. أي بنت عمتي يات معاي ..
يا حلو الأيآم لو ترجع على " كيفي " // A 7 M A D Y :
بيي أكتشفت فيج صفة يديدة غير الخبال والبياخة .. جذابة حدج ..
جوري ما قدرت تمنع روحها من الضحك تخيلته واهوه جدامها ويقولها هالحجي : ههه
أليست { جراحي } هدايا ال ق در ؟!! .. :
ههه
يا حلو الأيآم لو ترجع على " كيفي " // A 7 M A D Y :
شنو ههه..... لا ههه ولا ههيهيهيهيه ولاا هوهوهوهو
أليست { جراحي } هدايا ال ق در ؟!! .. :
ههه أحمد هذا سر بيني وبينك ..
يا حلو الأيآم لو ترجع على " كيفي " // A 7 M A D Y :
جب .. ألحين بقول لمحمودو ..
أليست { جراحي } هدايا ال ق در ؟!! .. :
لا شنو محمود أحمد تكفى لا ..
يا حلو الأيآم لو ترجع على " كيفي " // A 7 M A D Y :
وليش يعني لاا ؟
أليست { جراحي } هدايا ال ق در ؟!! .. :
أخاف يزعل علي ويفسر السالفة غلط
يا حلو الأيآم لو ترجع على " كيفي " // A 7 M A D Y :
غلط مثل شنو يعني .. ع العموم بنطوفها لج هالمرة .. عشان ما أخوفه مو عشانج ..
أليست { جراحي } هدايا ال ق در ؟!! .. :
مشكور مشكور .. أحفظ السر ها
يا حلو الأيآم لو ترجع على " كيفي " // A 7 M A D Y :
مالت عليج وعلى سرج .. ألحين أنا و انتي عندنا أسرار .. صج زمن العجايب
أليست { جراحي } هدايا ال ق در ؟!! .. :
ههه أي والله .. انزين يلا بااي ..
وطلعت من المسن ما عطته مجال يرد عليها سكرت الاب توب .. وراحت لفدتر مذكراتها.. فتحته و حاولت تكتب .. يمكن تخف الضيقة الي اهيه فيها ..
بس للأسف .. حتى الكلمات عاندتها .. وما قدرت تكتب غير
أنا اليوم حزينة جدا ً ..
جرحي اليوم ينزف بشدة ..
فمن هو َ الطبيب ؟!!!! ...
سكرته وتمت تبجي .. تحس روحها تبي أحد .. تحس في قلبها حب كبير بس ما تدري لمن تهديه .. تحس روحها عاجزه جدام هالشعور ..
جوري تكلم روحها بصوت شبه مسموح ومليان بجي : تعبت يا ربي خلاص ..
وما هي الا دقائق معدودة حتى استلمت جوري للنوم
في اليوم الثاني في بيت أم محمود .. الساعة 9 ونص الصبح
أم محمود ادق باب غرفة ليان بالقو ..
أم محمود : لياانو قومي بسج رقاد ويعة ان شاء الله ..
وتمت على هالحال تروح وترد ليما تكرمت ليان وفتحت الباب و حست إنه لو مب امها اهيه الي ادق جان قامت و كسرت الباب على اللي يقعدها من الرقاد ..
وقفت ليان مجابلة أمها و ويها لو ينغزونه بدبوس جان نبط من زود ما اهوه منفخ من الرقاد وقالت : آه يا ربي ليش انتي أمي
أم محمود : قليلة أدب صايرة انتي .. هذا بدل ما تقولين صباح الخير وتحبين راسي
هزت ليان راسها بالإيجاب بمجاملة وكأنها تقوللها أوكي فهمت بس سكتي ههه
على هالصراخ طلع محمود وجافهم : ههه
ليان : أي خو الأستاذ محمود يطلع من البيت وقت ما يبي وما يرد الا الفجر ويقعد على راحته .. بس أنا الحمارة الي تسوون فيني جذي ..
عصبت أم محمود على قلة أدب بنتها وقالت : جب .. لبسي بسرعة بنروح بيت جوري ..
محمود بفضول : ليش فيها شي جوري ؟
أم محمود : لا بس بيون ناس اليوم ,, و أنا و خالتك نوال " أم أحمد " بنروح ..
ليان فهمت قصد أمها وقالت واهيه خاشة وناستها : أوكي أبدل و أيي
محمود بتلقائية : يمه أبي أعرس ..
أم محمود انصدمت : نعم ؟!! ..
ليان واهيهة في حجرتها سمعته جان تصارخ : ويعة
محمود : أي يمه ابي أعرس ..
أم محمود مستانسة : والله هذي الساعة المباركة .. باجر اجوف لك وحدة ..
محمود : لا يمه أنا في بالي وحدة .. " جاف نظرات الشك في عيون أمه " لاا يمه ترى بنت زينة وانتي تعرفينها .. " يأشر على غرفته الي مجابلة غرفة ليان " تعالي يمه نتفاهم ..
أم محمود :لا حبيبي اذا رديت بنتفاهم سالفتك طويلة .. " تقول بصوت عالي حق ليان الي في غرفتها " أنا بجوف سلمان اذا بيي وبنطرج في السيارة ..
محمود : لا اتعبين عمرج أنا أوصلكم ..
أم محمود : لا عادي
محمود : لا لا أفا تسوقين و أنا هني ..
أم محمود : رح زين .. أي بسوق .. روح كمل رقادك ..
محمود : اف انزين اذا احتجوا أي شي قولوا لي ..
أم محمود : زين ..
في نفس الوقت من جهة أخرى بيت أم حمد " الي اهيه أم أحمد "
أم حمد في غرفة ولدها : أحمد قوم وصلني ..
أحمد : يمه روحي بروحج >>> قليل أدب ... نقيض محمود .. محمود يبي يوصل أمه وهذا عيزان ..
أم حمد : والله راسي يعورني ومالي خلق من الصبح ..
أحمد : يفتح عين وحدة والثانية مغمضها : انزين وينهم عيالج يعني ماكو غيري ..
أم حمد : أي ماكو غيرك عطالي بطالي ..
أحمد افف ردينه لهالسالفة : يمه يعني شعندكم هناك انتوا ؟
أم حمد : شدراني أنا ..
أحمد فز : شنو يعني شنو شدراني .. شنو شدراج يمه ؟
أم حمد : ما أدري خالتك اتصلت لي وقالت لي أروح .. تبيني في موضوع ضروري
أحمد : اف انزين ليش ما تيي هني ..
أمه : جب وقوم وصلني ..
قام أحمد واهوه يتحرطم مقهور حده ..
وفي بيت جوري ..
الساعة 11 جوري راقدة وتحس بأحد يناقز فوق السرير .. جوري في خاطرها يعني منو الي بيسوي هالحركة امفف .. بيي ليكون اكو ينانوة ابيتنه .. يمه خلاص ما بفتح عيني .. افف أوقفو عاد ..
مرة وحدة ..
ليان تصرخ وتنقز بلقوو : جوري ..
فزت جوري من رقادها متخرعة : اشفيج أذيتيني .. شيابج انتي
ليان اطقها على جفتها و تقول لها : ايي اشعلييج يايينج ناس اليوم .. عشان جذي ما بجرح مشاعرج .. قومي قومي نزلي " وقلبت فصحى "تعالي معانه إننا نرتب المنزل
جوري باستغراب : ناس !! ..
لياان واهيه تطلع من الغرفة : ايي سوي روحج ما تفهمين قوومي حبيبتي أمي تحت و خالو نوال ألحين بتيي بعد .. وراحت من غير ما تنطر جوري تنطق بولا حرف
لما نزلت ليان تحت لقت خالتها نوال توها داشة ..
نوال " أم حمد " : السلام عليكم ...
ليان : عليكوم السلام يا الحلوة ههه ..
أم أحمد : ههه ها وين أمج ؟
ليان : ويا الخدامات .. في المطبخ كأنه ...
وينسمع صوت أحمد من ورى الباب : اوهو يلا ابي أرقد موقفيني هني ..
ليان : ادخل ادخل عادي... ههه حجابي للغرب فقط وانت ابن خالو ..
أحمد يدخل : زين زين عيل بروح أرقد ..
لما دخل جاف ليان .. اعجبته .. أحمد مب من النوع الي يحب ستايلنا هني .. يعني يحب البنية شعرها قصير .. ستايلها .. ثيابها .. أوربي .. يعني جذي خ خ خ .. وليان ماشاء الله عليها جذابة شعرها مقطع قطع كثيرة لي أكتافها .. بيضة وايد .. عيونها خظرة فاتحة .. وظيعفة وايد .. على طول تلبس جينزات وذي .. يعني الي يجوفها يعرف إنها كيووت وايد ومرحة .. و اليوم كانت لابسة بنطلون سكيني أسود حده وبدي أسود ومكتوب عليه I love me بالفوشي ..
أحمد بمزاح: شخباارج ابنة خالتي
ليان بخجل : زينة ابن خالو ..
أم حمد : الا صح يا ليان ما قلتي لي ليش امج يايبتنه هني اليوم ضروري على قولتها ؟ ..
ليان توها بتقول لها بس صوت أمها قاطعها ..
دلال " أم محمود " :ههه نوال قلت لج كل شي بوقته حلو ..
أحمد : أنا برووح أرقد ..
أم حمد تتحرطم : والله روح البيت ارقد ..
جوري تصررح: ههه سلام عليكم .. صباح الخير ..
الكل عدا أحمد : صباح النور ..
جوري لأحمد : حجي صراخك لي فوق ابي أرقد وأبي أرقد .. اذلف في الغرفة الي مجابلة غرفتي ..
راح أحمد .. وتمو كلهم يرتبون وجوري و خالتها نوال مب فاهمين السالفة وكلما سألوهم قالوا لهم كلشي بنعرفه اذا يو الجماعة ... أساسا ً اهمه ما قالوا شيبون بس لمّحوا واهمه يصيرون بيت ييران بدة جوري من جذي محد استغرب زيارتهم .. و دلال خالة جوري تحن عليها قومي بدلي ثيابج وجوري تقول توه الناس ..
وفي العصر يات مرة اسمها أم عبد الله يارة بيت يدة جوري ومعاها بناتها فاطمة و علياء ..
المهم تموا يسولفون وسالفة تير سالفة ليما أم عبد الله قطت عليهم القنبلة الي بالفعل صدمت جوري و خالتها نوال.. وليان وامها شاركوهم صدمتهم بشكل أبسط
أم عبد الله : أي عاد جوري بنتنا و عبد الله ولدكم .. وما بنحصل أحسن منها له ..
أم محمود انصدمت توقعتها تخطب عاد مب لعبد الله قالت يمكن أحد من أهلهم .. بس عبد الله توه مكمل ال 20 وصايع رقم واحد .. و أكثر من مرة كان يأذي جوري لما كانت ترد من المدرسة لي بيت يدتها قبل .. و توها بتقول لهم ان شاء الله خير .. لكن نوال قاطعتها ..
نوال " أم حمد " : والله يا ام عبد الله و الله احنه لنا الشرف إنه اناسبكم .. بس " لما قالت هالكلمة كلمن رفع راسة وتم يطالعها " الظاهر إنه ما في نصيب .. ولما جافت أم عبد الله بتسألها ليش واصلت كلامها قبل لا تسأل " جوري محجوزة لولدي وان شاء الله جريب الخطوبة رسمي .. وانتو أول المعزومين .. والله يتمم على خير ان شاء الله ..
خلاص جوري كل شي فيها تصنم تحس بالبرودة تسري في شرايينها .. ما تدري شنو الشعور الي تقدر تحس فيه في هالحظة .. حتى دموع ما قدرت تدمع ليان من أول ما قالت خلتها هالحجي سيده التفتت لجوري .. حست بالشفقة تجاه بنت خالتها وحبيبتها شكلها كان عن جد مصدووم بكل مال لحروف الكلمة من معنى .. دلال أم ليان كانت مدهووشة يعني شنو ومن متى هالحجي .. و نوال تقصد منو .. ؟
أم عبد الله ما حاولت تناقش الموضوع أكثر من جذي وقالت : .. ايي ما لنه في الطيب نصيب عيل .. وابتسمت .. المهم الله يتمم لكم على خير و ويلا نخليكم .. ومن عقب المجاملات وغيره .. سلموا وطلعوا .. جوري كانت للحين مصدومة ..ألحين معقولة خالتي تقول جذي .. كانت تقدر تردهم بطريقة ثانية .. يربي ما اتخيل يكون الكلام صج يعني أنا بتزوج حمد !! .. حمد أنا ما اعرفه الا قليل جدا ً .. وما اقدر آخذ واعطي معاه .. أنا شهر الياي توني أدش ال 18 يعني تقريبا ً اهوه أكبر مني ب 8 لو 7 سنوات .. حرام .. جوري كانت تسلم عليهم وتبتسم واهيه أصلا ً ما تدري شالي قاعدة تسوي .. لأنه الأفكار كانت تودي فيها وتييب .. وما لحقوا سكروا الباب راحت جوري بحركة سريعة وهادئة في نفس الوقت غرفتها ..
ليان كانت بتلحقها بس حست إنها لازم تخليها بروحها ترتب افكارها شوي ..
دلاال أم محمود : نوال من امتى هالحجي .. ؟
نوال أم حمد : من اليوم .. يعني شتبيني أقول لهم .. هذول ييرانا وعمرهم ما ردوا لنا طلب وفوق هذا كله ما باقي شي وتصير ملجة عليا و علي أخوي رسمي .. أقولها ما نبي ولدج لأنه صايع ضايع المرة روحها في ولدها وما أقدر أقولها هالحجي ..
دلال : يعني شنو !! .. جان خليتيني اتكلم الله يهديج تقولين حجي وبس ... الحين الناس شبتقول علينه .. تعرفين ام عبد الله اليوم بتروح تنشر الخبر ..
نوال : أوكي انا بخلي الخبر يصير صج ...
دلال ..بإنفعال: نوال .. !!
نوال : أنا بكلم جوري .. ,ما بيصير الا الي الله كاتبه ..
دلال : حرام عليج عبالج بنات اليوم مثل قبل حمد أكبر من جوري ب 7 لو 8 سنين !!
نوال بإستغراب من كلام دلال : ومن قالج أنا أبي حمد لها ؟؟
ليان : عيل منو .. حمد العود وماكو
الجزء الثاني
بعدين راحوا البنات وقعدوا على طاولة عقب طاولة الشباب بطاولتين .. وأحمد ومحمود ردوا لربعهم ..
عند البنات ..
نور من تباعدوا عن عيال خالة جوري واهي تهذر وتتحرطم ..
نور : والله حالة أنا واقفة جني طرطور .. واهمه مب راضين يفجون .. طالعت جوري وقالت : ادري فيج انتي مستاانسة ..
جوري : ههه ليش استانس والله جفتيهم انتي .. لو مستانسة ما قلت باخذ تيك أويه ..
نور نور تعوي شفايفها و تقلد على جوري : ما قلت لج بناخذ تيك أويه تيك اويه .. مالت عليج ..
سكتوا شوي وتموا ياكلون .. وفجأة قالت نور ..
نور : بس يهبلون .. الأسمراني أينن ..
جوري تغص : كح كح كح .. تشرب بيبسي .. وتاخذ نفس واطالعها .. بعدين تقول : أحمد أحلى من محموود ؟
نو : والله جوفي جوفي يا ربي حلو ..
جوري واهيه اطالع محمود تقول : ويي جوفي محمود ابيضاني رزة اشحلاته ..
نور : ادري به حلو ما قلت مب حلو .. بس الأسمر أحلى ..
جوري : ام يجوز الناس تجوف أحمد أحلى .. بس أنا يمكن لأنه شكله الداخلي يطغي على ملامحه الخارجية ..
نور : وي مسكيين عاد سويتيه كلش ؟.. اشفيه شكله الداخلي على قولتج جوري : ولا شي ..
خلصوا البنات وردوا البيت .. جوري وصلت نور ..
نور لما وصلت : يلا ما بتنزلين ؟
جوري : لا اشله ؟
نور : شنوو انا سمعتج تقولين تباتين فبيتنه ..
جوري : لا محمود بييب ليان وبيون عندي ..
نور تفج عيونها : جذابة من عيونج ..
جوري : ههه جسوم دز لي مسج قال بيينيي ما بيتأخر وايد ..
نور : بعد جذي .. بس خلج بعد بتذلينه .. يلا سي يو ..
جوري : باي ..
ردت جوري البيت وقفلت كل البيبان..
لأنها بينها وبين نفسها تعرف إنه مهما جاسم حاول يهتم فيها لابد إنه يهتم بروحه شوي .. لأنه لا اهوه أبووها ولا أمها مسكين .. بس ابتلش فيها .. دمعت عيونها على هالأفكار ..
راحت غرفتها أخذت شور سريع .. بعدين قررت تيلس ع النت .. بجوفها اذا شبك واللا لي الخين مو شغال ..
دشت جوري المسن .. لقت أحمد أون ..
جوري تكلم نفسها : اوهوو ألحين عاد .. والله مالي خلق .. ان شاء الله ما يكلمني
وبلفعل تمت جوري نص ساعة أون و أحمد ما كلمها .. قعدت تصمم ع الفوتوشوب
و مرة وحدة ..
يا حلو الأيآم لو ترجع على " كيفي " // A 7 M A D Y :
ها انتي ..
أليست { جراحي } هدايا ال ق در ؟!! .. :
هاون يبط راسك ..
يا حلو الأيآم لو ترجع على " كيفي " // A 7 M A D Y :
راسج الا انتي .. أنا الي يحبوني يبوني ..
أليست { جراحي } هدايا ال ق در ؟!! .. :
يعني محد يبيك .. لأنه محد يحبك ..
يا حلو الأيآم لو ترجع على " كيفي " // A 7 M A D Y :
هاهاهااهاي .. عبالج الناس كلها مثلج .. مع هالويه الكريه : p
جوري في خاطرهها : صج فاضي
أليست { جراحي } هدايا ال ق در ؟!! .. :
أحلى من ويهك ..
يا حلو الأيآم لو ترجع على " كيفي " // A 7 M A D Y :
تحلمين ...
أليست { جراحي } هدايا ال ق در ؟!! .. :
خخ .. انزين يعني شنو الحين اشتبي ؟ ..
يا حلو الأيآم لو ترجع على " كيفي " // A 7 M A D Y :
بس فاضي .. وتعرفين يعني أنا أحب أملي أوقات فراغي بأشياء تافهة ..
لم تكن جوري تعرف ما بالها .. أول مرة تكون في هذا الحال .. تحس بالإختناق .. تريد أن تبكي ولكن الدموع تعاندها .. تحس أنها لم تعد كما كانت .. جوري الفتاة الفاتنة " و الكل يشهد " المرحة الطيبة ليس للحزن مكان في حياتها .. وحتى ولو كانت حزينة تحاول ابعاد هذا الشعور بإشعال شمعة الأمل ولو كان نورها ضعيف ..
أليست { جراحي } هدايا ال ق در ؟!! .. :
ههه زين زين ..
أحمد حده استغرب .. ويي اشفيها هذي هالأيام مستوية عاقلة عن حساب .. لو يمكن مضايقة .. مع إنه هذي ما تضايق أشك إنها تحس ههه .. عشان جذي حب يغير الموضوع ..
يا حلو الأيآم لو ترجع على " كيفي " // A 7 M A D Y :
ها الحين انتي وين ؟
أليست { جراحي } هدايا ال ق در ؟!! .. :
جوري .. في البيت بعد وين ..
قالتها بتلقائية و لاحست
يا حلو الأيآم لو ترجع على " كيفي " // A 7 M A D Y :
شنو ؟ شتسوين في البيت برووحج ؟
جوري : اوه نسيت افف ..
أليست { جراحي } هدايا ال ق در ؟!! .. :
.. أي بنت عمتي يات معاي ..
يا حلو الأيآم لو ترجع على " كيفي " // A 7 M A D Y :
بيي أكتشفت فيج صفة يديدة غير الخبال والبياخة .. جذابة حدج ..
جوري ما قدرت تمنع روحها من الضحك تخيلته واهوه جدامها ويقولها هالحجي : ههه
أليست { جراحي } هدايا ال ق در ؟!! .. :
ههه
يا حلو الأيآم لو ترجع على " كيفي " // A 7 M A D Y :
شنو ههه..... لا ههه ولا ههيهيهيهيه ولاا هوهوهوهو
أليست { جراحي } هدايا ال ق در ؟!! .. :
ههه أحمد هذا سر بيني وبينك ..
يا حلو الأيآم لو ترجع على " كيفي " // A 7 M A D Y :
جب .. ألحين بقول لمحمودو ..
أليست { جراحي } هدايا ال ق در ؟!! .. :
لا شنو محمود أحمد تكفى لا ..
يا حلو الأيآم لو ترجع على " كيفي " // A 7 M A D Y :
وليش يعني لاا ؟
أليست { جراحي } هدايا ال ق در ؟!! .. :
أخاف يزعل علي ويفسر السالفة غلط
يا حلو الأيآم لو ترجع على " كيفي " // A 7 M A D Y :
غلط مثل شنو يعني .. ع العموم بنطوفها لج هالمرة .. عشان ما أخوفه مو عشانج ..
أليست { جراحي } هدايا ال ق در ؟!! .. :
مشكور مشكور .. أحفظ السر ها
يا حلو الأيآم لو ترجع على " كيفي " // A 7 M A D Y :
مالت عليج وعلى سرج .. ألحين أنا و انتي عندنا أسرار .. صج زمن العجايب
أليست { جراحي } هدايا ال ق در ؟!! .. :
ههه أي والله .. انزين يلا بااي ..
وطلعت من المسن ما عطته مجال يرد عليها سكرت الاب توب .. وراحت لفدتر مذكراتها.. فتحته و حاولت تكتب .. يمكن تخف الضيقة الي اهيه فيها ..
بس للأسف .. حتى الكلمات عاندتها .. وما قدرت تكتب غير
أنا اليوم حزينة جدا ً ..
جرحي اليوم ينزف بشدة ..
فمن هو َ الطبيب ؟!!!! ...
سكرته وتمت تبجي .. تحس روحها تبي أحد .. تحس في قلبها حب كبير بس ما تدري لمن تهديه .. تحس روحها عاجزه جدام هالشعور ..
جوري تكلم روحها بصوت شبه مسموح ومليان بجي : تعبت يا ربي خلاص ..
وما هي الا دقائق معدودة حتى استلمت جوري للنوم
في اليوم الثاني في بيت أم محمود .. الساعة 9 ونص الصبح
أم محمود ادق باب غرفة ليان بالقو ..
أم محمود : لياانو قومي بسج رقاد ويعة ان شاء الله ..
وتمت على هالحال تروح وترد ليما تكرمت ليان وفتحت الباب و حست إنه لو مب امها اهيه الي ادق جان قامت و كسرت الباب على اللي يقعدها من الرقاد ..
وقفت ليان مجابلة أمها و ويها لو ينغزونه بدبوس جان نبط من زود ما اهوه منفخ من الرقاد وقالت : آه يا ربي ليش انتي أمي
أم محمود : قليلة أدب صايرة انتي .. هذا بدل ما تقولين صباح الخير وتحبين راسي
هزت ليان راسها بالإيجاب بمجاملة وكأنها تقوللها أوكي فهمت بس سكتي ههه
على هالصراخ طلع محمود وجافهم : ههه
ليان : أي خو الأستاذ محمود يطلع من البيت وقت ما يبي وما يرد الا الفجر ويقعد على راحته .. بس أنا الحمارة الي تسوون فيني جذي ..
عصبت أم محمود على قلة أدب بنتها وقالت : جب .. لبسي بسرعة بنروح بيت جوري ..
محمود بفضول : ليش فيها شي جوري ؟
أم محمود : لا بس بيون ناس اليوم ,, و أنا و خالتك نوال " أم أحمد " بنروح ..
ليان فهمت قصد أمها وقالت واهيه خاشة وناستها : أوكي أبدل و أيي
محمود بتلقائية : يمه أبي أعرس ..
أم محمود انصدمت : نعم ؟!! ..
ليان واهيهة في حجرتها سمعته جان تصارخ : ويعة
محمود : أي يمه ابي أعرس ..
أم محمود مستانسة : والله هذي الساعة المباركة .. باجر اجوف لك وحدة ..
محمود : لا يمه أنا في بالي وحدة .. " جاف نظرات الشك في عيون أمه " لاا يمه ترى بنت زينة وانتي تعرفينها .. " يأشر على غرفته الي مجابلة غرفة ليان " تعالي يمه نتفاهم ..
أم محمود :لا حبيبي اذا رديت بنتفاهم سالفتك طويلة .. " تقول بصوت عالي حق ليان الي في غرفتها " أنا بجوف سلمان اذا بيي وبنطرج في السيارة ..
محمود : لا اتعبين عمرج أنا أوصلكم ..
أم محمود : لا عادي
محمود : لا لا أفا تسوقين و أنا هني ..
أم محمود : رح زين .. أي بسوق .. روح كمل رقادك ..
محمود : اف انزين اذا احتجوا أي شي قولوا لي ..
أم محمود : زين ..
في نفس الوقت من جهة أخرى بيت أم حمد " الي اهيه أم أحمد "
أم حمد في غرفة ولدها : أحمد قوم وصلني ..
أحمد : يمه روحي بروحج >>> قليل أدب ... نقيض محمود .. محمود يبي يوصل أمه وهذا عيزان ..
أم حمد : والله راسي يعورني ومالي خلق من الصبح ..
أحمد : يفتح عين وحدة والثانية مغمضها : انزين وينهم عيالج يعني ماكو غيري ..
أم حمد : أي ماكو غيرك عطالي بطالي ..
أحمد افف ردينه لهالسالفة : يمه يعني شعندكم هناك انتوا ؟
أم حمد : شدراني أنا ..
أحمد فز : شنو يعني شنو شدراني .. شنو شدراج يمه ؟
أم حمد : ما أدري خالتك اتصلت لي وقالت لي أروح .. تبيني في موضوع ضروري
أحمد : اف انزين ليش ما تيي هني ..
أمه : جب وقوم وصلني ..
قام أحمد واهوه يتحرطم مقهور حده ..
وفي بيت جوري ..
الساعة 11 جوري راقدة وتحس بأحد يناقز فوق السرير .. جوري في خاطرها يعني منو الي بيسوي هالحركة امفف .. بيي ليكون اكو ينانوة ابيتنه .. يمه خلاص ما بفتح عيني .. افف أوقفو عاد ..
مرة وحدة ..
ليان تصرخ وتنقز بلقوو : جوري ..
فزت جوري من رقادها متخرعة : اشفيج أذيتيني .. شيابج انتي
ليان اطقها على جفتها و تقول لها : ايي اشعلييج يايينج ناس اليوم .. عشان جذي ما بجرح مشاعرج .. قومي قومي نزلي " وقلبت فصحى "تعالي معانه إننا نرتب المنزل
جوري باستغراب : ناس !! ..
لياان واهيه تطلع من الغرفة : ايي سوي روحج ما تفهمين قوومي حبيبتي أمي تحت و خالو نوال ألحين بتيي بعد .. وراحت من غير ما تنطر جوري تنطق بولا حرف
لما نزلت ليان تحت لقت خالتها نوال توها داشة ..
نوال " أم حمد " : السلام عليكم ...
ليان : عليكوم السلام يا الحلوة ههه ..
أم أحمد : ههه ها وين أمج ؟
ليان : ويا الخدامات .. في المطبخ كأنه ...
وينسمع صوت أحمد من ورى الباب : اوهو يلا ابي أرقد موقفيني هني ..
ليان : ادخل ادخل عادي... ههه حجابي للغرب فقط وانت ابن خالو ..
أحمد يدخل : زين زين عيل بروح أرقد ..
لما دخل جاف ليان .. اعجبته .. أحمد مب من النوع الي يحب ستايلنا هني .. يعني يحب البنية شعرها قصير .. ستايلها .. ثيابها .. أوربي .. يعني جذي خ خ خ .. وليان ماشاء الله عليها جذابة شعرها مقطع قطع كثيرة لي أكتافها .. بيضة وايد .. عيونها خظرة فاتحة .. وظيعفة وايد .. على طول تلبس جينزات وذي .. يعني الي يجوفها يعرف إنها كيووت وايد ومرحة .. و اليوم كانت لابسة بنطلون سكيني أسود حده وبدي أسود ومكتوب عليه I love me بالفوشي ..
أحمد بمزاح: شخباارج ابنة خالتي
ليان بخجل : زينة ابن خالو ..
أم حمد : الا صح يا ليان ما قلتي لي ليش امج يايبتنه هني اليوم ضروري على قولتها ؟ ..
ليان توها بتقول لها بس صوت أمها قاطعها ..
دلال " أم محمود " :ههه نوال قلت لج كل شي بوقته حلو ..
أحمد : أنا برووح أرقد ..
أم حمد تتحرطم : والله روح البيت ارقد ..
جوري تصررح: ههه سلام عليكم .. صباح الخير ..
الكل عدا أحمد : صباح النور ..
جوري لأحمد : حجي صراخك لي فوق ابي أرقد وأبي أرقد .. اذلف في الغرفة الي مجابلة غرفتي ..
راح أحمد .. وتمو كلهم يرتبون وجوري و خالتها نوال مب فاهمين السالفة وكلما سألوهم قالوا لهم كلشي بنعرفه اذا يو الجماعة ... أساسا ً اهمه ما قالوا شيبون بس لمّحوا واهمه يصيرون بيت ييران بدة جوري من جذي محد استغرب زيارتهم .. و دلال خالة جوري تحن عليها قومي بدلي ثيابج وجوري تقول توه الناس ..
وفي العصر يات مرة اسمها أم عبد الله يارة بيت يدة جوري ومعاها بناتها فاطمة و علياء ..
المهم تموا يسولفون وسالفة تير سالفة ليما أم عبد الله قطت عليهم القنبلة الي بالفعل صدمت جوري و خالتها نوال.. وليان وامها شاركوهم صدمتهم بشكل أبسط
أم عبد الله : أي عاد جوري بنتنا و عبد الله ولدكم .. وما بنحصل أحسن منها له ..
أم محمود انصدمت توقعتها تخطب عاد مب لعبد الله قالت يمكن أحد من أهلهم .. بس عبد الله توه مكمل ال 20 وصايع رقم واحد .. و أكثر من مرة كان يأذي جوري لما كانت ترد من المدرسة لي بيت يدتها قبل .. و توها بتقول لهم ان شاء الله خير .. لكن نوال قاطعتها ..
نوال " أم حمد " : والله يا ام عبد الله و الله احنه لنا الشرف إنه اناسبكم .. بس " لما قالت هالكلمة كلمن رفع راسة وتم يطالعها " الظاهر إنه ما في نصيب .. ولما جافت أم عبد الله بتسألها ليش واصلت كلامها قبل لا تسأل " جوري محجوزة لولدي وان شاء الله جريب الخطوبة رسمي .. وانتو أول المعزومين .. والله يتمم على خير ان شاء الله ..
خلاص جوري كل شي فيها تصنم تحس بالبرودة تسري في شرايينها .. ما تدري شنو الشعور الي تقدر تحس فيه في هالحظة .. حتى دموع ما قدرت تدمع ليان من أول ما قالت خلتها هالحجي سيده التفتت لجوري .. حست بالشفقة تجاه بنت خالتها وحبيبتها شكلها كان عن جد مصدووم بكل مال لحروف الكلمة من معنى .. دلال أم ليان كانت مدهووشة يعني شنو ومن متى هالحجي .. و نوال تقصد منو .. ؟
أم عبد الله ما حاولت تناقش الموضوع أكثر من جذي وقالت : .. ايي ما لنه في الطيب نصيب عيل .. وابتسمت .. المهم الله يتمم لكم على خير و ويلا نخليكم .. ومن عقب المجاملات وغيره .. سلموا وطلعوا .. جوري كانت للحين مصدومة ..ألحين معقولة خالتي تقول جذي .. كانت تقدر تردهم بطريقة ثانية .. يربي ما اتخيل يكون الكلام صج يعني أنا بتزوج حمد !! .. حمد أنا ما اعرفه الا قليل جدا ً .. وما اقدر آخذ واعطي معاه .. أنا شهر الياي توني أدش ال 18 يعني تقريبا ً اهوه أكبر مني ب 8 لو 7 سنوات .. حرام .. جوري كانت تسلم عليهم وتبتسم واهيه أصلا ً ما تدري شالي قاعدة تسوي .. لأنه الأفكار كانت تودي فيها وتييب .. وما لحقوا سكروا الباب راحت جوري بحركة سريعة وهادئة في نفس الوقت غرفتها ..
ليان كانت بتلحقها بس حست إنها لازم تخليها بروحها ترتب افكارها شوي ..
دلاال أم محمود : نوال من امتى هالحجي .. ؟
نوال أم حمد : من اليوم .. يعني شتبيني أقول لهم .. هذول ييرانا وعمرهم ما ردوا لنا طلب وفوق هذا كله ما باقي شي وتصير ملجة عليا و علي أخوي رسمي .. أقولها ما نبي ولدج لأنه صايع ضايع المرة روحها في ولدها وما أقدر أقولها هالحجي ..
دلال : يعني شنو !! .. جان خليتيني اتكلم الله يهديج تقولين حجي وبس ... الحين الناس شبتقول علينه .. تعرفين ام عبد الله اليوم بتروح تنشر الخبر ..
نوال : أوكي انا بخلي الخبر يصير صج ...
دلال ..بإنفعال: نوال .. !!
نوال : أنا بكلم جوري .. ,ما بيصير الا الي الله كاتبه ..
دلال : حرام عليج عبالج بنات اليوم مثل قبل حمد أكبر من جوري ب 7 لو 8 سنين !!
نوال بإستغراب من كلام دلال : ومن قالج أنا أبي حمد لها ؟؟
ليان : عيل منو .. حمد العود وماكو
وبس .. يعني مو بس خخ ..
اذا حسيت إنه في احد يبي يقرا بنزل بارت ثاني ..
اذا حسيت إنه في احد يبي يقرا بنزل بارت ثاني ..
أسى الهجران روايتي الثانية→
الجزء الأول
يوم الأحد .. الساعة 12 الظهر جوري و ليان بنت خالتها .. و معاهم وفاء ومنار بنات خالها .. قاعدين في غرفة جوري .. لأنه اليوم جوري عازمة خالاتها وعيالهم على الغدى لأنه اليوم الصبح كان تراي جوري مال السياقة ونجحت و الكل كان مستانس بهالجمعة الحلوة .. مع إنه جوري لي الحين ما قالت لهم عن سبب العزيمة ماكو غير جاسم يعرف .. المهم الكل مستانس اللا جوري و وفاء .. مع إنه جوري المفروض أكثر وحدة مستانسة بس نتايجهم مال الثنوية اليوم تطلع .. ليان المفروض معاهم .. بس ما كانت مهتمة ..
جوري و وفاء كانوا ينتظرون الجريدة لأنه اليوم نتايجهم .. جوري لما قالت لخالها جاسم تبي تروح تشتري الجريدة من الصبح رد عليها جاسم روحي طلعيها من النت .. بس المشكلة النت ما تدري اشفيه مب راضي يشبك .. و وفاء معتمدة على عمتها نوال " الي اهيه خالة جوري " لأنه ريلها مسؤول في الجريدة .. و اهيه دائما ً اللي تييبها لهم .. بس عمتها نوال اليوم نست الجرايد .. شهالحظ ..
جوري و شوي وبتصيح : يعني شهالبرود صراحة .. ماكو أحد لي الحين ما يعرف نتايجه غيرنه ..
وفاء نفس حالة جوري : يااربيي يااربيي ليش العنااد ..
ليان " بنت خالة جوري : ههه نزلوا جوفوا لكم أي أحد يشتريها لكم ههه
منار : والله حالة ههه
جوري مقهورة من ليان ومنار .. الموضوع مب هامهم ولا شي .. عشان جذي ما جافوها اللا قايمة ...
ليان : ويين ؟
جوري : بتصرف ..
لحقتها وفاء .. وليان ومنار كملوا سوالف عادي عندهم ..
نزلت جوري لقت خالاتها يالسين يسولفون في غرفة الطعام .. تمت ادور على عيال خالتها وخوالها ما لقتهم ..
سمعت وفاء تناديها
وفاء : جووريي أكاهم في الحوش
راحت جوري بسرعة وطلعت لهم كانو جاسم خالها 24 سنة + علي خالها 26 سنة + أحمد ولد خالتها 23 سنة + بسام ولد خالتها أصغر منها بسنة + فراس ولد خالتها 14 سنة + عمار ولد خالتها 20 سنة " أخو بسام وفراس يعني بسام وفراس وعمار إخوان " كلهم قاعدين ... تقربت جوري من جاسم خالها ..
جوري : جاسم أنا طول عمري أقول إنه انت أحسن خال عندي .. عاد جسوم قوم ييبلي الجريدة ..
جاسم : ما أبي .. ألحين بيحطون الغدا
" إنه جاسم خالها .. يبلغ من العمر 24 عاما ً .. أكثر شخص تحمل مسؤولية جوري بمساعدة أخوه علي.. فهما الذان انتقلا للعيش معها و هما من شغلوا أنفسهم بإدارة محلات والدها بعد وفاته .. هذا ليس الا القليل .. فجمائلهما كالطوق العالق في عنقها .. لن تستطيع أبدا ً أن تردها "
جوري : ماكو أحد في البحرين لي ألحين ما جاف نتيجته غير أنا و وفاء .. وانت قاعد تقولي غدا ..
أحمد " 23 عاما ً ... إنه ابن خالتها نوال التي حاولت جاهدة أن تعوضها عن حنان أمها ولكن ليس هناك ما يوافي حنان الأم ": قالج ما يبي يروح .. والله أذيه انتي بعد .. مع هالويه ..
وفاء : أحلى من ويهك ..
أحمد توه بيرد الا يسمع صوت يقاطعه ..
محمود " ابن خالتها دلال .. 21 عاما ً " : أي أي أحلى من ويهك بعد شنو ماكو مجال للمقارنة .. هذا الجنس الناعم ..
أحمد : ماالت علييك .. انت متى ييت ..
محمود : أي صح سلام عليكم ..
الكل : عليكم السلام
واصل محمود : توني ياي " يقط الجريدة واهوه يقول لجوري " : صح مبروك
مالحق يكمل كلاامة جان تقاطعه جوري مستانسة : فديته اللي يفهمني ولد خالتي عطني الجريدة ييبها لي الحين ما جفت نتايجي .
محمود فاج عينه : لي الحيين .. بعدين ابتسم وقال : افا علييج أنا كنت بخلي الجرايد في البيت .. بس قلبي قال لي ييبهم ..
وفاء تحس هم وانزاح : فدييت قلبك ...
وتموا وفاء وجوري يدورون على أساميهم ..
راح محمود يلس يم أحمد وعمار الي كانو يطالعون شي في التلفون ويضحكون ..
محمود : اشفيكم تضحكون ؟
عمار ولد خالة جوري " خالتها حنان ": ههه قاعدين نجوف مسجات البنات ههه .. صج غباء ..
في هاللحظة وصل أحمد مسج
أحمد يطنر : ههه جوف جوف هذا ..
أخذ محمود التلفون وجاف المسج اللي كان " انزين الحين انت اتصرف .. والله أنا وحدة حلوة وخطابي ومعجبيني وايد .. عشان جذي أحمد قول حق أمك إنه انت معجب في وحدة حلوة وتحبها عشان تحاجي أمي وتحجزني لك .. ليما أكمل دراستي " المرسل : نورة م . ح 2 (( يعني نورة مالت مدينة حمد و 2 لأنه عنده وحدة نورة من نفس المنطقة عشان لا يخربط بينهم ))
في هاللحظة راحت وفاء تركض داخل واهيه مستانسة بس ما نتبهوا لها ..
محمود يضحك ويطنز .. قال بسخرية : ههه عاد أحمد من وين بتحصل وحدة أحسن منها أكيد كلمت امك ههه
أحمد يضحك : ههه أقولك عاد .. محمودو اسألني جم عمرها ...
محمود : جم ؟؟
أحمد مكشخ ضروسه ويطالع فراس : ههه كبر فراسو ههه
عمار : ههه خلاص بحجزها حق فراس أخوي عيل ..
محمود : ههه بنت ال 14 تبي تعرس ههه
فجأة جوري تنقز : واي يبت 91 وراحت تركض داخل ..
محمود وقف : قومو ندش .. عشان نبارك لها بعد ..
عمار في عالم ثاني : أقولكم جوري قاصة شعرها ؟
أحمد : ههه أي أنا من زمان لاحظت .. كان يوصلها لي نهاية ظهرها الحين لي خصرها .. ههه
عمار بإعجاب : ألعن قفدها !!!!!!!!!!!
محمود : انتو الي ألعن قفدكم شدراكم بالنت لابسة شيلة .. ؟
أحمد : ههه انا اعرف اعرف .. صراحة محمود جوف أنا ما أدري ليش اهيه متعبة عمرها وتلبس عنه شيلة .. من جدام ما كو شي لاكن من تفتر ورى شعرها كله يطلع .. أنا أدري أنا أدري .. قصته ههه
محمود : ههه و الي يسلمكم الحين البنية في شنو وانتو في شنو ..
أحمد : خلها انزين .. قوموا نبارك لها .. باركوا انتو أنا من أجوفها يصير خاطري أنرفزها ههه
انتبهوا للجماعة الي كانو وياهم جاسم وعلي و الخ رايحين داخل .. فلحقوهم ..
في الصالة
أم عمار تحب جوري على ر ساها وتقول : مبروك حبيبتيي ..
أم محمود تمزح: والله زين يا الدفشة رفعتي راسنه مبروك
جوري : ههه الله يبارك فيكم .. بس تمنيت أكثر ..
أحمد سمعها واهوه داش جان يقول : شنو شنو أكثر انتي بعد .. 91 ما أدري اشلون يبتيها ..
جوري عادي متعودة عليه ..
محمود : ههه مبرووك بنت خالتي ..
عمار : مبروك حجية ... ههه
جوري : الله يبارك فيكم .. والتفتت لأحمد قالت له : مب رادة عليك ما أبي أخرب وناستي ..
أحمد استغرب من ردة فعلها .. أوه شكله النتيجة مأثرة عليها .. غريبة ما يات كفختني : ههه .. عيل مبرووك يا الكريهة
جوري ابتسمت ابتسامة جذابة : انا كريهة شسوي في روحي .. الله يبارك فيك يا " بطناز " يا الحلو
أحمد من دخل كان يدور بعيونه على أحد .. وقال : تعالوا وين وفاء ؟
الكل : ويينها ؟
ليلى خالة جوري .. أصغر وحدة في خالاتها البنات .. عمرها 30 سنة عندها علاوي عمره 4 سنوات .. و خولة على طول ينادونها " لولا " سنتين بس ..
ليلى : ما ادري فيها يات تركض وسيده راحت فوق .. أنا قلت يمكن نتيجتها مزعلتها وما تبي تنحرج فسكت ..
جوري : لاا لاا كانت مستانسة .. الحمد لله يابت 79 ..
الحريم كلهم : الحمد لله ..
وفاء دخلت ما تجوف أحد من الوناسة سيده طارت غرفة جوري تبشر اختها وليان
فوق عند البنات ..
وفاء واهيه منسدحة على السرير : يعني تخيلو إنه أنا يبت 79
ليان : عادي ليش نتخيل 79 مب 99 ..
منار : لا والله جان على وفاء نتخيل ونحلم وكلشي .. ما أدري اشلون يابتها 79
وفاء : وااي فديتينيي .. وتفز من على السرير .. قوموا ننزل تحت انا سيده ييت هني ..
ليان : أنا جم ..
وفاء : مب قايلة لج تعبي على عمرج ..
لياان : حرام
وفاء : اوكي كسرتي خاطري .. 87.23 ..
ليان بعدم اهتمام محد يتوقعه منها قالت ب سخرية : يلا .. قدر الله وما شاء فعل
وفاء مستغربة يعني اشلون اهيه مب مهتمة ..
مر الوقت .. كلهم تغدوا وكل شي يات الساعة 5 العصر .. كان الكل قاعد خالات جوري والشباب والبنات كلهم برع عند المسبح مال بيت جوري ..
عند عمار ومحمود وأحمد ..
عمار : أنا ألحين بطلع ..
محمود : وين ؟ ..
عمار : مواعد يا حبيبي
أحمد : دخييلك شيلني وياك ..
محمود : انثبرو انثبرو
عمار : انتو الي بتنثبرون .. أحمد للأسف ما أقدر آخذك معاي العملية خطيرة وايد
محمود يطالعه بخبث ويغني بمزاح : ناوييلك على نية ؟
عمار : ههه
أحمد : ههه حقير ...
محمود : ههه حرام عليك ها ..
عمار : اسمع من يتكلم ...
محمود : حتى لو .. صراحة ما وصلت لهالدرجة ..
عمار : لأنك غبي
أحمد : ههه شنو غبي صراحة أنا بعد .. بس شكله أنتم السابقون ونحن اللاحقون
بعدين وقف عمار عشان يستأذن : يلا عيل أنا أخليكم ..
جوري كانت توها بتقول لهم على مفاجئتها وما تبي أحد ينقص : لا وين ..
عمار استغرب .. واستانس اوه واه تسأل عني : والله عندي موعد
جوري : انزين ما يصير تأجل الموعد شوي ليما أقول الي عندي ..
عمار مستغرب .. قال واهوه يرد يقعد : ان شاء الله
جوري وقفت ترص على شيلتها و هيه تقول : دقيقتين وبييكم .. وراحت ..
عقب 5 دقايق
سمعوا حس هرن يطق بالقو .. راحوا كلهم اللا جوري نازلة من السيارة ..
أحمد طالعها يقول في خاطره .. خوش شي كملت .. هذي متى طلعت الليسن ومتى ادربت ومتى نجحت في التراي ..
عمار مستغرب : جوري ما مداج ؟
وفاء : حرام ظلم ما يصير ناس وناس .. انتي لي ألحين ما كملتي ال 18
منار : واو واو واو كله طلعينه
لياان سيده راحت حظنت جوري : حبيبتي مبروك .. عقبالي ..
محمود بإبتسامة تذبح : عفيا عليج والله شاطرة .. اشلون سويتي هذا كله من غير ما ندري... مبرووك بنت خالتي ...
أحمد : انتيي خطييرة .. حتى السيارة طلعتييها .. امتى ؟!! ..
جوري بنعومة : شيخ الرياييل جاسم عندي وما أسوي هذا كله .. فدييته خالي ..
جاسم : إحم إحم ..
والكل تم يبارك لها ..و على الساعة 7 الليل الكل راح بيته .. جاسم قال حق جوري إنه تتعشى و ترقد ولا تنطره لأنه اهوه بيطلع وبعدين بيرد ..
تمت جوري يالسة بروحها ..
حاولت تشغل روحها بالتلفزيون .. ماكو فايدة ..
من تكون وحيدة في البيت أو في محل معين تحس روحها حزينة ..
تحس روحها تفكر في كلشي .. و تحس إنه ضيق الدنيا كله فيها ..
حاولت تشغل روحها بكذا شي .. حتى إنها راحت تسولف مع الشغالات شوي بس .. ماكو فايدة ..
الساعة 9 ونص الليل ما حست بروحها اللا واهيه لافة شيلتها وحامله سويج سيارتها وطالعة ..
تمت جوري تشمي في الشوارع واهيه ما تدري وين تروح أصلا ً ..
فكرت تروح تتعشى في أي مطعم .. س ما تحب بروحها .. عشان جذي ..
جوري واهيه تتصل لبنت عمتها نور .. وبصوت حزين : ألوو
نور بمرح : ألوين .. شخبارج ؟
جوري : آنا أوكي .. الحمد لله .. و انتي ؟
نور حست في جوري بس اتجاهلت الموضوع لأنه تدري إنه جوري ما بتتكلم : انا زينة وايد أسأل عنج .. اللا اشلون تذكرتينه ؟
" نور بنت عمة جوري .. كبرها يعني 18 .. تحب جوري وايد .. وجوري بعد تحبها ..
ما أقدر أقول طبجتها أو إنه اهيه تعرف كل شي عنها لأنه جوري بطبعها كتومة .. وفي أشيا وايد باعدتهم عن بعض .. يعني مو مثل قبل .. من ضمن هالأشياء إنه نور تحب واحد من يوم اهيه في ثالث إعدادي و انشغلت فيه .. وحتى اذا تكون مع جوري أو تبات معاها تستغل فرصة ابتعادها عن بيتهم و تقعد 24 ساعة تكلمه يا بالتلفون أو في النت .. و لما تيي تسولف مع جوري تكون معظم سوالفها عنه ..
لما جوري تتكلم عن روحها تحسها ما تهتم عشان جذي صارو بعاد عن بعض شوي "
جوري : انتي على طول في بالي بس شسوي .. اليوم خالاتي كانوا عندي و ..
نور : و شنو ؟
جوري : نوري انتي وين ألحين ؟
نور : قاعدة في البيت .. أي صح مبروك ع النتيجة ..
جوري : الله يبارك فيج حبيبتي .. انتي بعد مبروك بس المفروض أكثر .. الحمد لله على كل حال ..
نور : انا بالدز يبت 73
جوري : مع إنج تجاري .. وسهل ..
نور : ما علينه .. شكنتي بتقولين ؟
جوري : عندج شي ألحين ؟ ..
نور : لا والله بس جذي قاعدة ملاّنة حدي ..
جوري : اهاا .. اوكي عيل جهزي نفسج عندي لج مفجأة ..
نور : واي .. شنو شنو .. يعني الحين ألبس ؟؟ و ........
قاطعتها جوري بسرعة : المرور باي باي .. وسكرت ..
تمت نور منقهرة بعد هذا حزته المرور .. انا كلش ما عجبني هالقانون لا تتصل حتى تصل وما ادري شنو .. انزين اهيه شكو لكن اهيه ما تسوق .. امفف
عقب ربع ساعة سمعت صوت هرن ..نزلت بسرعة .. واهيه كاشخة ..
كانت لابسة تنورة طويلة كلوش سودة وتوب أسود حرير من غير أكمام فيه ورود أوف وايت .. وتحته بدي أسود ولافة شيلة أوف وايت وحاطة اكسسوارات لؤلؤ أوف وايت و صندل كعب أوف وايت بعد ..
نور أول ما جافت جوري اهيه الي قاعدة تسووق ..
نور شاقة الحلج : جوجو حبيبتي من متى ؟
جوري تبتسم : ههه ركبي يلا و بقولج ..
نور : وااي سياترج تهبل .. ههه
جوري :ههه اي طبعا ً طبعا ً
من الجهة الثانية ..
جاسم كان قاعد مع ربعه .. و أصرّوا عليه إنه يبات معاهم لأنهم بيسهرون لي الصبح
اتصل لعلي أخوه .. بس جاف الرنة خارجية ! استغرب ...
جاسم : ألو علي
علي : هلا هلا جسوم ..
جاسم : انت وينك فيه ! ..
علي : السعودية ..
جاسم بسرعة : شنو
علي : ليش يعني ؟
جاسم : أنا الليلة معزوم وجوري من معاها ؟ ..
علي : أجل عزومتك ..
جاسم : ما أقدر انت الي ما أدري ليش رايح السعودية ..
علي عصب : اوهو الحين انا وصلت أي أقرب أنا و الا إنت ؟
جاسم انقهرر : يعني شنو ؟
علي :ما أدري الى أعرفه إنها ما يصير ترقد بروحها في البيت ما يصير تعرف يعني شنو ؟
جاسم : أي أعرف بس انا استحي كل مرة أعتذر للشباب ..
علي يتنهد : انزين اتصل في واحد من عيال خالتها ..
جاسم انصدم : شنو شنو عيال خالتها ؟
علي : يعني هذا اللي عندي باي .. وسكر الخط ..
اتصل جاسم لعمار بس طبعا ً عمار مشغول .. و أحمد ما فكر فيه لأنه مستحيل أهوه وجوري يقعدون في مكان واحد .. آخر شي دق على محمود أهوه أحن واحد على جوري ..
جاسم : ألو ..
محمود : هلا الخال ..
جاسم : هلا محمود ما بطول معاك .. بس اليوم ما اقدر ارد البيت عند جوري لأني معزوم وعلوي اخوي في السعودية عمار مشغول قلت ما اكو اللا انت .. اخذ ليان وروح لها ..
محمود : أوكي أنا الحين أخلص عشاي مع الشباب واروح حق ليانو .. باي
جاسم : مشكور حبيبي بايات .. وسكروا ..
محمود كان مع احمد وربعهم في يم يم تري اللي في مدينة عيسى ..
أحمد : شصاير ؟
محمود :هذا جسوم متصل فيني يبيني أخذ ليان ونروح نرقد عند جوري اليلة أهوه معزوم ...
أحمد استغرب : وعلوي وينه ؟
محمود : في السعودية.. سكت شوي وضحك .. ههه يقول اتصل في عمار وقاله مشغول
أحمد : ههه أكيد مشغول ..
بعدين انتبهوا للشباب لما ردوا لأنهم كانو تحت يسوون الأوردر ..
أحمد : لا والله كل واحد ياب لروحه واحنه ؟
واحد من الشباب : والله عاد كل واحد يتعب على روحه ..
محمود : صج يعني وقت الضيج كلكم تروحون ..
واحد ثاني يقول : ههه والله عاد هذا الي عندنا ..
نزلوا أحمد و محمود عشان يطلبون ..
كان في 3 جدامهم .. عاد أحمد اتصلت له وحدة وقاعد يسولف .. يه دور محمود قال للي ياخذ الأوردر وتجدم .. واهوه نسى روحه وتم واقف مكانه ..
أحمد في التلفون : أووكي حبيبتيي أووكيي
انتبه لما سمع صوت ناعم يقوله : يالله لو سمحت .. خل حبيبتي و حبيبتي لي بعدين ..
افتر أحمد للصوت تفاجأ : جوري ! .. تجدم .. ورد التفت لها .. شتسوين هني ؟
محمود التفت لما سمعه أحمد يكلم وحدة ..
راح لهم محمود : جوري ! .. طالع ساعته كانت 10 .. وقال شتسوين بروحج هالحزة ! ..
جوري تبتسم لمحمود وتقوله : لا معاي بنت عمتي وتأشر على نور اللي واقفة بعيد شوي ..
محمود جافها وانتبه لشباب شكلهم غلط وراها وقالها بحنية : حتى لو .. جان قلتي لي أنا بيي معاج ع الأقل ..
جوري : لا عادي ... يلا يلا عطلنه الأوادم
عقب ما خلصوا .. جوري لما جافت محمود و أحمد قالت تبي تاخذ تيك أويه ما لها خلقهم .. بس نور قالت ما تبي وقالت لها روحي بروحج انا بقعد هني .. فاظطرت تقعد ..
حملت جوري الأوردر مالها ونور بعد .. وتوهم بيروحون فوق عشان ياكلون ..
أحمد : تعشوا و سيده البيت ها ..
محمود يرد عليه : جوري عاقلة ما يحتاي تقول لها ..
هزت جوري راسها بالإيجاب ..
محمود يواصل : وانا عقب شوي بييب ليان وبنيي نبات عندج لأنه جاسم مشغول
انصدمت جوري : وعلوي ؟ .
محمود : علوي مسافر ..
جوري : لا ما يحتاي اتعب عمرك أنا ببات فبيت عمتي ..
محمود بانفعال : شهالحجي .. لا تعب ولاشي ..
جوري : بس خلاص أنا ببات هناك من زمان ما بت مع بنت عمتي .. ابتسمت و واصلت .. يلا بروح ألحين مع السلامة ..
محمود : على هواج .. الله يسلمج ..
أحمد بمزاح : يلا يلا عطلتيينه ..
جوري :ههه باي ..