روايتي الأولى تموت عيونهم فيني وانا بك ميته عيوني

..الج الاول زء..
::
صحت على صوت المؤذن ينادي لصلاة العشاء تحركت في سريرها بكسل وقامت وهي تتمغط شافت الساعه سبع..
:ياربي كل هذا نوم والله ماحسيت بنفسي..<<لبست شبشبها وقامت وهي تترنح لما وصلت الحمام (الله يعزكم) وغسلت تحسست وجهها..
بشره بيضاء مخمليه..
عيون وساع عسليه..
رموش كثيفه وطويله..
فمها الصغير مره وشفايفها اللي مليانه شوي..
شعرها الناعم الطويل النحاسي لمته بربطه حمراء ونزلت بعض الخصل على وجهها..
كان اقل كلمه تنقال لها انها جميله..
لكن ابداً جمالها ماوصلها للغرور..
توضت وصلت وتمددت على الصوفا الحمراء..مسكت الريموت وغيرت في القنوات بملل..
:اف مافيه شي ينشاف..<<رمت الريموت وفتحت البلكونه تشم شوية هوا كان الجو بارد وفيه مطر خفيف..
سندت يدها على الدربزين وفكت شعرها خلته يتحرك براحته مع نسمات الهوا البارده..
اندق الباب:ادخل..
ام مشعل دخلت:مساء الخير..
ريم لفت على امها:هلا ماما مساء النور..
ام مشعل:ادخلي عن البرد ترى بتمرضين...
ريم:لا بالعكس الجو مره حلو اليوم..
ام مشعل:عسى ماشر كل هذا نوم..
ريم:اليوم جتنا مدربه جديده كسرت ظهري ماصدقت متى رجعت البيت ونمت..
ام مشعل:انا قلتلك بلاها روحه للنادي..
ريم ابتسمت بنعومه ورفعت كتوفها:وش اسوي هنا اروح هناك اناظر خلق الله احسن لي..
ام مشعل:دريتي بنروح للإستراحه يوم الخميس جهزي نفسك..
ريم وهي تسكر باب البلكونه:ايه دريت..
ام مشعل:من مين..
ريم:من امي نوره مريت لها اليوم وقالت لي..
ام مشعل:طيب لاتقولين نادي مانادي الكل بيروح واولهم انتي..
ريم:ايه اكيد اصلاً بعد اليوم مااظن اني بروح..
ام مشعل:احسن ترتاحين (وقفت) يله انا رايحه لبيت خالتك وفاء تجين معي..
ريم:لا كل يوم عندهم طفشت بس وصلي سلامي لخالتي وخوخه وهدوله..
ام مشعل وهي تطلع:اوكي..
ريم بصوت عالي:ماما لاتنسين تبوسين لي اللي جوا كرشة خوخه..
ام مشعل:ههه..
::
كان قاعد يتقلب على سريره ماجاه النوم ايام مضت وراحت وهو على حالته..
عيونه السوداء المكحله فيها لمحة حزن غريبه..
بس يخفيها بأبتسامته الدايمه اللي نادر ماتفارقه..
فتح درجه وطلع الصوره اللي معاه سنين وهي اللي زرعت الحزن في قلبه..
حاول كم مره يقطعها ويرميها..لكن ماقدر قلبه ماطاوعه..
لانها للحين عايشه فيه رغم خيانتها له..
تجمعت الدموع في عينه وغمضها لما نزلت دمعه حاره على خده البارد:ليه سويتي كذا ليه..
رن جواله وقطع تفكيره عدل جلسته وابتسم لما شاف الاسم..
:هلا ابوسعود..
نايف:هلا فيك مشعل وينك انت الحين..
مشعل يناظر الصوره:انا في البيت..
نايف:طيب تروح معنا للمقهى انا وفيصل..
مشعل:اوكي نص ساعه واجي لكم..
نايف:طيب لاتتأخر ننتظرك سلام..
مشعل:سلام..
رجع يتمدد على سريره مره ثانيه وغلبه النوم ونام..
كانت جالسه على الطاوله تقرى روايه قرتها اكثر من مره تأففت وسكرتها لفت على اختها اللي غرقانه في النوم كانت ملامحها هاديه وهي نايمه..
شعرها الغجري اللي قاصته فراوله متناثر على مخدتها..
فمها حبة توت..عيونها عسليه تنطلق منها البرائه..
اما هي عيونها وساع سوداء...
شعرها طويل اسود سواد الليل ودايماً تسويه كيرلي..
لون بشرتها البرونزي طبيعي حلوو..
وقفت وراحت لاختها وهزتها:انتي يالقلق اصحي..
لمى تلتفت للجهه الثانيه:ومادامي قلق ليه تصحيني..
مها:لميوه بليز..
لمى قامت وبدون نفس:خير نعم وش تبين..
مها:الله ينعم بحالك..
لمى بطفش:اخلصي..
مها:سولفي ياختي معي والله ملل..
لمى رمت نفسها على سريرها:على بالي عندك سالفه..
مها هزتها:قومي عاد..
لمى قامت:والله مالقلق هنا غيرك..
ام فيصل دخلت:انتي صحيتي..
لمى:والله من بنتك الحلوه..
مها بفخر:عارفه اني حلوه من زمان..<<وجتها مخده على وجهها من لمى..
ام فيصل:اقول بعد بكره بنروح للاستراحه جهزوا انفسكم..
مها ولمى:والله..
ام فيصل:ايه اجل اكذب عليكم..
مها:مع مين..
ام فيصل:مع عمانكم ويمكن يعني ننوم هناك..
لمى نطت:واو وناسه..
مها:ومشاعل بتجي..
ام فيصل:وش رايك يعني..
مها عقدتها مشاعل تكرهها:اف..
ام فيصل:وانتي وش عليك منها..
مها تقلد مشاعل:ومين يقدر يوصل لجمالك ياشعوله..
لمى:ههه..
ام فيصل:ماعليك من الناس..
مها:تقهر من جد انا بصراحه قررت قرار فيه حياة او موت..
ام فيصل تجاريها:اللي هو..
مها:قررت انقل من الجامعه بصراحه مااتحمل اناظر في خشتها كل صباح..
ام فيصل:اذا بدت الدراسه يحلها الف حلال الحين بس تعالوا تعشوا..
لمى مسكت بطنها:ايه والله جوعانه..
مها:انتي متى شبعتي بس..
يتبع

..كانت هي وصديقتها يتمشون في الفيصليه..
هيفاء:شعوله خبري ماما اني طالعه مو فاظيه اتصل عليها وتسمعني كلام مثل السم وانا مالي خلق احد يعكر مزاجي..
مشاعل:هذا اذا سألت عنك اصلاً..
هيفاء:اذا سألت قولي لها اوكي سي يو..
مشاعل:سي يو تو..
جنا:وش تبي فيك..
هيفاء:انا اللي ابيها تقول لماما اني طالعه والله اذا رجعت وشافتني بتسمعني محاظره..
جنا:الله واكبر عاد..
هيفاء:ايه الله واكبر انتي على الاقل امك مسافره ولاتدري عنك اما انا ياويلي منها..
جنا:لهالدرجه تخافين منها..
هيفاء:مو قصة اخاف بس انا ماابي القلق ووجع الراس الحين تخيلي ابوي مايجي للبيت احياناً يطلع ولايرجع إلا الصبح يبدل ملابسه ويروح للشركه وعلى ذا الحاله يبي يفتك منها..
جنا:واحسن بعد انتو مفتكين منه هو..
هيفاء:صادقه امشي امشي ندخل هالمحل..
جنا:اوكي..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
كانت جالسه في الحديقه تهز نفسها بالمرجيحه وهي رافعه راسها تناظر النجوم اللي مزينه السما..
مررت يدها على شعرها الطويل الاسود..
كانت ملامحها بدويه وفيها شبه كبير بالممثله"مرح جبر"..
عيونها وسيعه مكحله وسوداء..
جاها صوت امها من بعيد:هديل..
هديل:سمي..
ام مشاري:تعالي..
هديل راحت لامها:نعم..
ام مشاري:شوفي المجلس كانه نظيف وإلالا والعشاء جهز وإلا لسه ونزلي من فوق بطانيه ومخده يمكن اختك تحتاجهم و..
قاطتها هديل:ماما حبه حبه علي اول شي بروح اسوي اللي قلتي لي عليه بعدين ارجع وتكملي هالموجز..
ام مشاري:بسرعه اختك ترى على وصول..
هديل:ياربي ياربي ارحمني وزوجني عاجلاً غير آجل..
ام مشاري ضربت ظهرها بخفه:اتركي عنك هالبربره وروحي سوي اللي قلتلك عليه..
هديل تكلم نفسها:اللي يسمعها يقول بنتها جايه من اوروبا ماكأنها كل يوم مطيحه عندنا..
ام مشاري:وش تقولين..
هديل مدت بوزها:اقول ان شاء الله رايحه..
::
..رن الجرس..
ام مشاري طلعت عيونها صرخت في اذن هديل:شفتي..
هديل حطت يدها على اذنها:اي ماما اذني ابيها وانا وش علي انا اللي قايله لهم يوصلون بدري..
ام مشاري راحت تشوف بنتها:هلا والله توه منور المكان..
خلود باست راسها:هلا فيك منور بوجودك..
سعد باس راس ام مشاري:كيفك خالتي..
ام مشاري ابتسمت:هلا يمه سعد انا بخير انت وش اخبارك..
سعد:حمد الله تمام يله مااوصيكم على مرتي..
ام مشاري:وين ادخل تقهوى..
محمد:لاوالله خالتي مستعجل عندي شغل ضروري خليها مره ثانيه..
ام مشاري:الله معك..
سعد باس خد خلود:يله بااي وانتبهي على البيبي..
خلود حمر وجهها بهمس:سعد..
سعد ابتسم:يله مع السلامه..<<وطلع..
ام مشاري:هاه كيف حفيدي..
خلود:يسلم عليك الا وين هديل البثره..
هديل طلعت وهي متخصره:انا انا بثره يا ام كرشه..
خلود:ههه يله جيبي لي كاس مويه عطشانه..
هديل بغت تقطع ملابسها:اف بدينا..
××
كان معلي صوت الاغاني على اخر شي لدرجة انه يحس ان طبلة اذنه بتنفقع..
مرر اصابع يده على شعره الطويل الاسود اللي موصل لنهاية رقبته ومعطيته اكثر وسامه..
كان جذاب بمعنى الكلمه طويل وابيض وجسمه رياضي..
عيونه عسليه ناعسه وانفه طويل..محدد سكسوكه خفيفه تخقق..
وكان لضحته سحر جذاب يجذب قلب من شافه..
قصر صوت الاغاني ورفع جواله:الوو انت في المقهى الحين..
فيصل:ايه قاعد انتظرك ياحظي تجي..
نايف:ههه اوكي هذاني جاي بس ياخوي شوارعكم مره زحمه..
فيصل:الحين صارت شوارعكم ليه ماتقول شوارعنا وإلا خلاص صرت ولد كندا..
نايف نزل:لا ان شاء الله الله لايقوله..<<دخل المقهى..
فيصل:تو الناس كان ماجيت..
نايف:اقولك شوارعنا ركز شوارعنا مره زحمه..
فيصل رمى عليه عصا البلياردو:العب..
نايف مسك العصا:بتروح مع مشعل..
فيصل:وين..
نايف:الامارات..
فيصل:والله انه فاظي الرياض الحين ماتتفوت صح إنا الشباب ماندري وين نطس فيه بس ماعليه فديت الرياض واهلها والسعوديه بكبرها..
نايف:ياعيني على الوطنيه اللي ذابحتك المهم الحين ذا وينه..
فيصل:مين..
نايف:مشيعيل متصل عليه من ساعه يقول بجي وينه..
فيصل رفع جواله:تلقاه نايم الحين..الو..
مشعل صوته كله نوم:خير..
فيصل:شفت..
مشعل:وش اشوف..
فيصل:مو انت يالفالح اقول وينك الحين..
مشعل:في البيت خير نايفوه وش تبي..
فيصل:هيه انا فيصل مو نايف..
مشعل:اصواتكم تتشابه عيال عم ماتنلامون خ المهم وش بغيت..
فيصل:ماراح تجي للمقهى..
مشعل:لا بنام تبي شي ثاني ماتبي يله سلام..<<وسكر..
فيصل عصب:والله الشرهه مو عليه الشرهه علي انا اللي دقيت عليه..
نايف ماسك ضحكته:دورك العب العب..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
هيفاء تناظر بروش:هذا عجبني..
جنا تلتفت يمين ويسار وتكلم نفسها:اف ورا ماجا ورا ماجا..
هيفاء:هيه اكلمك..
جنا تاركه طرحتها على راسها بأهمال طالع نص شعرها وحاطه مكياج كامل لفت على هيفاء و ميلت شفايفها وبدون نفس:خير..
هيفاء مدت لها البروش:شوفي وش رايك..
جنا بدون ماتناظره قالت بلامبالاة:حلو اقول انا رايحه للحمام..
هيفاء:لاتطولين انتظرك..
..جنا طلعت من المحل مشت بغرور وتكبر لفتت انظار الناس..
بعضهم احتقروها لعبايتها المفتوحه اللي مطلع فستانها الابيض فوق الركبه
ولمشيتها كلها دلال ومكياجها كأنها رايحه لعرس مو سوق..وهاذولي معتبرتهم جنا صفر على الشمال..
وبعضهم عيونهم عليها اعجاب فيها وبمشيتها ودلعها..وهاذولي اهتمام جنا..
ابتسمت لشباب بتطلع عيونهم عليها..رفعت جوالها ودقت على..
احمد وينك انت للحين..
احمد:توني داخل للفيصليه..
جنا:ليه تأخرت..
احمد بأحتقار معتبر كل الناس حشره:والله عاد كيفي عندك مانع يله خلصيني مين هاذي اللي تبيني اروح عندها بسرعه ترى وراي مشاوير..
جنا:شوفها في محل اكسسوريز..
احمد:اها وانتي وينك معها..
جنا:لاانا اتمشى..
احمد:اوكي احسن بعد من قرفك..<<ودخل جواله في جيب بنطلونه..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
مشاري نازل من الدرج يغني:اوه خوخه عندنا..
خلود:ايه خوخه عندكم..
مشاري سلم عليها وسلم على خالته:كيفك خالتي..
ام مشعل:حمد الله بخير وش اخبار الدراسه في كندا..
مشاري:ماشي الحال (لف على خلود) كيف الحمل..
خلود:متعبني..
مشاري:الله يعينك الاسعيدان وينه..
خلود عطته نظره:سعيدان هاه..
مشاري:اوه سوري شكلي غلطت..
هديل جايه وجايبه كاس عصير مدته لخلود وبدون نفس:تفضلي..
خلود:ش ..
هديل قاطعتها بأنفعال:خلاص ماابي اسمع منك شي والا هالكاس بيجي في خشتك..
خلود بأنفعال:هيه وجع كنت بقول شكراً..
الكل:ههه..
هديل حطت راسها على بطن خلود:امك ذي جننتني هدوله تسمعيني انا خالتك يابعد قلب خالتك..
ام مشعل:ههه هديل بعدي عن اختك عورتيها..
مشاري:المشكله هي ممصمه على ان خلود بتجيب بنت..يااختي الدكتوره قالت ولد يعني بتجيب مشاري..
خلود:لا احلفوا اصلاً انا ماراح اسمي لاهديل ولامشاري..
مشاري بنظرات خبث:ايه ماراح تسمين الا اللي يقول عليه سعيدان..
خلود ضربت فخذه:ايه ايه ماراح اسمي الا اللي يقول عليه سعيدان ارتحت..
ام مشاري من جوا المطبخ:هديل..
هديل عضت شفايفها بقهر:الله يصبر ذا الهديل نعم..
يتبع

بآك
ريم بعد ماتحممت راحت لتسريحتها وطلعت علبة مكياجها وقعدت تتفنن بوجهها..<<انفتح الباب بقوه ريم نطت من الخوف...
تركي:ههه مساء الخير..
ريم لفت عليه معصبه:اظن فيه شي اسمه استئذان..
تركي طلع وسكر الباب ودقه:لو سمحتي ممكن ادخل..
ريم:ههه..
تركي دخل مبتسم:مساء الخير..
ريم:مساء النور توك صاحي..
تركي:ايه وين الاسره الكريمه..
ريم:امي راحت لخالتي وابوي راح لشركه ومشيعيل نايم..
تركي:اها يله باي..
ريم:تروك..
تركي:هاه..
ريم:ماراح تتعشى معي..
تركي:لااشبعي انتي عليك بالعافيه باي..
ريم كشرت:بااي..<<رفعت جوالها ودقت على لمى..
ريم:هاي..
لمى:مساء الخير والاحساس والطيبه..
ريم:وش عندها الرايقه..<<وتربعت على سريرها..
لمى تاكل خيار:ابد سلامتك بس نمت نومه وحلمت حلم عجيب لكن النكد مهيوه قومتني..
مها ضربت فخذها:نكد في عينك..
تركي دخل:اقول وش رايك تخاويني..
ريم:لمو لحظه شوي..
لمى:اوكي..
ريم حطت يدها على السماعه:انت مارحت..
تركي:اظن كذا خ لحظه لحظه كأني سمعت اسم لمو..
ريم:ايه قاعده اكلم لمى خير وش عندك..
تركي نط عليها ومد يده:هاتي هاتي..
ريم من بين اسنانها:مجنون انت..
تركي على صوته:ايه مجنون بلمى يااويل قلبي..
ريم رفعت السماعه:الوو لمى تركي يبي يكلمك..
لمى مصدومه:وشو..
تركي سحب الجوال:هاي..
لمى:..................
تركي:افا افاا ليه الحلو مايبي يرد علينا..
لمى:يله باي..
تركي:لحظه ياختي ماقلنا شي..
لمى:وش تبي..
تركي:ابي اقولك الاحمر عليك خيال..
لمى تناظر لبسها:بس انا مو لابسه احمر..
تركي:لا بس انا اتخيلك لابسته خ..
لمى:تصدق انك فاظي..
تركي:ايه اصدق وليه مااصدق..
لمى:باي..<<وسكرت..
تركي يناظر الجوال:افا..
ريم:احسن..
تركي:طيب الايام بينا يالميوه..
ريم:هههاي ياخي البنت ماتبيك اتركها في حالها..
تركي:وش دراك انها ماتبيني بس هي مستحيه..
ريم:ياربي يامستحيه شوف تصير معجزه اذا لمى استحت المهم اتركني اكلم البنت..
تركي وقف:اوكي وسلمي لي عليها وقولي لها بردها لك في الافراح خ..
ريم:خ..الوو..
لمى مولعه:هين اوريك..
ريم ببرود:وش سويت..
لمى:تخليني اكلمه يالدبا..
ريم:عادي وش فيها..
لمى:هيه وشو اللي عادي..
ريم:قولي لي الحين ليه ماجيتي النادي..
لمى:والله راحت علي نومه..
ريم:يالنذله دقي دقه وحده على الاقل خبريني انك ماراح تجين..
لمى:سوري نسيت..
ريم:هين بسويها فيك يوم علشان مره ثانيه تحرمين تنسين..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
احمد خذ كم لفه كذا عناد في جنا..دخل للمحل شاف هيفاء اللي حاطه لثمه خفيفه ومبينه ملامحها عرفها لان جنا عطته صوره لها...
هيفاء ماسكه سوارتين وحده حمراء والثانيه اسود مع ابيض:اوكي الحمراء احب لونها..
احمد بصوته الجذاب:وانا بعد احبها..
هيفاء لفت عليه ورمشت بعيونها:تكلمني..
احمد"ياخذ ام العيون ياشيخ" ابتسم ابتسامه ذوبت هيفاء خذ السواره من يدها:ايوه اكلمك انتي (ناظر في السواره) الحلو ماياخذه الا الحلوو..
هيفاء قلبها يدق بسرعه نزلت عينها:شكراً..
اللبناني:اهلين استاز احمد شو اخبار الاستاز راشد ان شاء الله منيح..
احمد ناظره بأحتقار بصوت واطي:ممكن تنطم..
اللبناني بلع ريقه:حادر..
احمد همس في اذن هيفاء:ماقلت الا الصدق تصدقين عادعمري ماشفت بنت قمر( وشدد على قمر) كذا..
هيفاء ابتسمت ورفعت عينها شافت شكله من قريب مره..
شعره ناعم اسود وطويل شوي.
عيونه واسعه رماديه من الله..
طويل وابيض وكان لابس تيشيرت مره ضيق محدد شكل جسمه..كان جذاب بشكل غير طبيعي في كل شي..
اقدر اقول انه"كل من شافه تولع فيه"..
"ايوه هذا اللي اتمناه رجال حلو وكشخه وشكله ولد عز ياارض احفظي ماعليكي"..
احمد:ماتعرفنا..
هيفاء:انا هيفاء..
احمد:الحين وفي هالحظه بس عرفت اني محظوظ (طلع كرت) اتمنى نتواصل..
هيفاء خذت الكرت ويدها مرتجفه:اوكي..
احمد بأبتسامته اللي تدوخ:يله اتركك الحين بس لاتنسين..<<اشر على الكرت وحط السواره على الطاوله وطلع..
هيفاء تراقبه تراقب مشيته خيال والله خيال..
اللبناني:هيدا الاستاز احمد ابنو للسيد راشد ال...... التاجر دايماٌ بيجي لهون..
هيفاء هزت راسها وهي مومعاه اصلاً..
جنا كانت واقفه وشافت كل شي بين هيفاء واحمد ابتسمت بخبث"والله والله لأخلي سمعتك في التراب يا (بأستهزاء) اخت راكان.."
دخلت وعلى وجهها اكبر ابتسامه:تأخرت عليك..
هيفاء مفهيه:.............
جنا سحبت طرحة هيفاء:احاكيك..
هيفاء انتبهت:هاه..
جنا:هاه ههه وش فيك شوفي شكلك وشلون صاير..
هيفاء تعدل طرحتها وجنا سحبتها:خلك فري..
هيفاء:ماحطيت ميك اب شكلي خايس..
جنا مسكتها:اوكي تعالي للحمامات معاي العده كلها..
هيفاء لفت على اللبناني:يله حاسب..
اللبناني طاحت عيونه:حادر..
اللبناني مفهي في ملامح هيفاء..
جنا عصبت:انت مع وجهك قالتلك حاسب يله حاسب خلصنا..
اللبناني خاف:اوكي اوكي..لكن انو سواره بدك..
جنا خذت السواره الحمراء ورمتها على البياع:هاذي يله بسرعه..
اللبناني عصب:لو سمحتي مو هيك..
جنا تخصرت:لا هيك وإلا مو هيك كيفي عل..
هيفاء قاطعتها:خلاص جنو هدي يله انت شوف شغلك..
اللبناني:اف حادر..
××
مها تمددت على الكنبه ومسكت الريموت:مع اني داريه ان مافيه شي ينشاف..
لمى سحبت الريموت:الحين صحيتيني من نومي يله تحملي..
مها:هاتيه..
لمى:لاسولفي..
مها لفت عليها:وش اسولف عنه..
لمى:عن اي شي..
مها:خلاص روحي نامي..
لمى:بعد ايش خلاص طار النوم..
مها:اف لميوه لاتقعدين على راسي ترى مالي خلق..
لمى بهمس:مشعل بيسافر..
مها صرخت:والله وين..
لمى:الله ياخذ بليسك فظحتينا..
مها:متى بيروح ومع مين ووين..
لمى:طيب حبه حبه علي شوفي بيروح للإمارات بعد بكره ومع مين والله مدري ريم ماقالت لي..
مها كشرت:حسافه يعني يوم الخميس ماراح اشوفه..
لمى:لابتشوفينه لان طيارته الساعه تسع..
مها بحزن:يروح ويرجع بالسلامه..
لمى بحماس:اقول وش رايك نقول لريم انك تحبينه..
مها بأنفعال:ياويلك لوفتحتي فمك بكلمه اذبحك..
لمى:شوي شوي لاتاكليني..
مها لفت عنها:في ذمتك لاتقولين شي..
لمى:اوكي اوكي ماراح اقول بنطم..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
××في الفيصليه××
بندر يحرك الكابتشينو:تذكر ملاك..
تركي:مين ملاك..
بندر:ملاك خطيبة مشعل..
تركي كشر:ايه وش فيها..
بندر:تزوجت..
تركي رفع كتوفه بلامبالاة:طيب..
بندر:طيب لوسمع مشعل خبر زواجها والله يقوم الدنيا ويقعدها..
تركي:هو الحين ماله علاقه فيها راحت بخيرها وشرها (ضحك بأستهزاء) ههه خيرها اصلاً ماجابت معها غير شرها..
بندر:لاتقول لمشعل..
تركي:وليه اقول له هو وش دخله فيها..
بندر رفع كوب الكابتشينو بعدين نزله:تركي..
تركي:اذا في موضوع ذي خلاص سكر عليه..
بندر:شوف مو كأن هاذي هيفاء..<<اشر عليها براسه..
تركي فهم عليه:الله خلق من الشبه اربعين..
بندر وقف:اي شبه انت قوم معي..
تركي سحبه يجلس ومن بين اسنانه:مالنا دخل فيها..
بندر طلعت عيونه:انت مالك دخل في اي احد قلنا اوكي بس هاذي بنت عمتك..
تركي حط رجل على رجل:يمكن ماتكون هي..
بندر:ويمكن تكون هي..
تركي:لحول بندر لاتناظر فيها لاتنتبه لك الحين وتسوي لك سالفه..
بندر:قال تسوي لي سالفه شوفها انشق حلقها وهي تبتسم لشباب خلق الله..
تركي:ياخي وش فيك انت ماعليك منها..
بندر:قسم بالله انت تفكيرك مدري وشلون..
تركي:إلا تدري وشلون قوم بس نمشي من هنا احسن قبل ماتمر فلبينيه وتقول هاذي امي ههه..
بندر انقهر:ياثقل دمك ياشيخ يله نمشي بس..
تركي:ههه هد يابوالشباب..
::
..في جهه ثانيه..
هيفاء وجنا بيطلعون من الفيصليه..
هيفاء بحماس:ياليتك شفتيه يجنن يطيح الطير من السما..
جنا بخبث:شوقتيني اشوفه..<<ركبوا السياره..
هيفاء خافت من فكرة انها تكلم ولد توترت:بس خايفه..
جنا ضحكت بأستهزاء:ههه خايفه حمد الله والشكر غيرك يتمنون..
هيفاء لفت عليها:مين قصدك..
جنا:كل البنات يتمنون مواصفات الولد اللي شفتيه ومنهم انا (مدت يدها) يالخوافه عطيني الكرت..
هيفاء بأنفعال:ايه ان شاء الله احلمي مستحيل اعطيك اياه مجنونه انتي..
جنا ناظرتها بخبث"مجنونه بأحمد ياحياتي بس مين بيفكك من يدينه ههه"..
هيفاء:اظاهر ياجنو حظي ابتسم لي..
جنا ماسكه ضحكتها:اظاهر كذا..
هيفاء باستها:يله باي..<<ونزلت والدنيا موشايلتها من فرحتها..
هنا جنا انفجرت ضحك:ههه باي ياحبيبة احمد..
رفعت جوالها ودقت على احمد:تعرف انت وشو انت ملاك يمشي على الارض..
احمد يسحب نفس من سيجارته:خلصيني..
جنا:بقولك هيفاء انجنت عليك..
احمد بغرور:اكيد بتنجن انا كنز وجاها مجاناً هي واشكالها..
جنا فهمت قصده بلعت غصتها..
احمد بأحتقار:اذا عندك شي مهم قوليه ماعندك ظفي وجهك..
جنا بحزن:احبك..
احمد ضحك بأستهزاء:ههه والله حبتك القراده..<<وسكر..
جنا انقهرت ورمت جوالها بعصبيه وصرخت:يله انت على البيت بسرعه..
السواق في نفسه"هزا بنت مجنونه"..
(!@#$%^&*!@#$%^&*)
تموت عيونهم فيني..وانا بك ميته عيني..
..رومانسيه..خياليه..
(!@#$%^&*!@#$%^&*)
هيفاء رمت شنطتها وفسخت عبايتها رمتها بإهمال على الكنب وشغلت المسجل ورقصت..
"طب وحده وحده وبلاش كل دا يقي مره وحده...."..
مشاعل جايه ومعاها كوب نسكافيه:لا اكيد انا احلم..
هيفاء مالت بجسمها:لا انا اللي احلم ههه..
مشاعل:هيفاء وش فيك عسى ماشر..
هيفاء ابتسمت:آه ياقلبي مشاعل بموت..
راكان دخل حاط الشماغ على كتفه ناظرهم بطرف عينه:مساء الخير..
هيفاء ومشاعل:مسااء النور..
راكان رقى الدرج وقفه صوت مشاعل:تعال اجلس معنا..
راكان التفت عليها وضحك بأستهزاء:ههه حمد الله والشكر..
مشاعل تنرفزت:انا قلت شي يضحك..
راكان دخل غرفته وسكر الباب بقوه..
هيفاء:وجع..
مشاعل:وش فيه اخوك ذا..
هيفاء خذت شنطتها وعبايتها:اسأليه (ارسلت لها بوسه) تصبحين على خير..
مشاعل:وانتي من اهله..
اتمنى من كل قلبي انو عجبك الجزء الأول..
انتظر الردود عشآن انزل الجزء التآني