روايه حكومة الحب

ْ0ْ0ْ0ْْ000 البدايه ْ000ْ0ْ0000
البارت الاول -الفصل الاول
ام ابراهيم : يلا سمر الساعه 8 متى بتسيرين الجامعه اليوم اول يوم لج لازم تروحي من وقت
سمر: ام
ام ابراهيم:شو ام يلا قومي
سمر: انزين انزين
اخذت المنبه عشان تشوف الساعه كم و بققت عيونها بالكامل
سمر : الله يهداج اماه تبيني اسير الساعه 6 وين احنا
واليوم اول يوم يعني عادي اغيب رفيجتي قالتلي ان الاساتذه ما ياخذون الغياب لين الاسبوع الثاني
خليني ارتاح
ام ابراهيم : كيفج بس انا وعيتج لا تقولين اني ما وعيتج
سمر و اهي تتلحف : ام
ونامت لين الساعه 8ونص ولما انتبهت ركضت بسرعه تتجهز و راحت بعد ما وعت البيت كله
في المدرسه
نوره : يلا متى بيخلص هذا
سمر :اوص خلينا نسمعه ونعرف كيف بيوزعون الدرجات و كي...
نورة : بس بس الله يخليج ما لازم تسمعيه ، اقري الورقه اللي عطاج وبتعرفين كلامه اللي يقوله في 30 دقيقه بتلقيه مكتوب في سطرين
سمر : الله و الله صدق و انا من متى احاول اركز بحواسي السبع
نوره : احخ حلوه حواسج السبع
سمر : اخ بس سكتي عن يسمع وهو بهذه العيون الزرق والبشره البيضه خ
في بيت ابو ابراهيم
الام : امم والله ما عليهم قصور و الولد زين و يشتغل
الاب : اعرف بس لازم ناخذ براي ابراهيم و سمر
الام : بس الناس جونا وشكلهم مستعجلين و..
الاب: هذا زواج ما فيه استعجال
الام: الشور شورك يا ابو ابراهيم ،، اصب لك قهوى
الاب: سلمتي بس بروح عند الشواب مجتمعين في القهوى ( على فكره ابو ابراهيم متقاعد من شغله بسبب كبر سنه )
الام : يلا في امان الله
نرجع للجامعه
بدور : شموس شو فيج
شمس: والله ملل وارف ليش خلصت الاجازه
بدور : والله انا مستانسه و اشتقت للدراسه و ..
شمس تقاطعها : بس لا يكثر ، اي وش عليج خريجه يا عمي شاقه البسمه و مستانسه
بدور : تفتفتف عن الحسد عين الحسود
وتطالع شمس بعيونها
شمس : لا والله على شو احسدج يا حظي ، انا دخلت بنفس السنه اللي دخلتيها وانا اشطر عنج بس لو ما اجزت لي كورس عشان عرسي كان انا معاس
بدور واهي تسوي حركات لشمس عشان تقهرهه": محد قالج ترووحين عني وتتزوجي ، قلت لج منتزوج اخوان وانتي اللي خونتي
شمس: منو هذا المقرود بعد اللي بيستناج وحبيبتي انا ما ابدل سعودي فديته
بدور : ما من حلاته شعبان عبد الرحيم احلى منو
شمس وقفه وعينها حمره وتمثل انها تخنق بدور: بذبحج لو ما قلتي انه قمر واحلى من فزاع بمليون مره
بدور و عيونها حمره من الخنق : ت ح ل م ........
شمس : بدور بتفولي و لا
جات بنت و مسكت ايد شمس من ورى ورفعتها بقوه
البنت : اي انتي شوا تسوين بتقتلين البنت
شمس : انتي شو تسوين
البنت : انتي شكلج حلو بس ليش تستقوين على البنت ها هذي روحي
بدور وهي تكح: كح كح ه...لا هلا دبوه لا تخافي على شموس تمزح ، شو نسيتيها كانت معانا في اول سنه
مريم: ام ما اتذكرها لاني وقفت سنتين
شمس : عاشو يعني في احد متاخر عني اوو هلا انا شمس احمد .....
مريم : هلابك انا مريم وسوري ما عرفت انكم تمزحون ام تدري انج حلوه
شمس : احم احم
منال : بس بدور احلى منج
شمس في صدمه وبدور بدت تحاول تخفي ضحكتها و تكون رزينه وقالت :
احم احم اخجلتم تواضعي
ضحكت شمس وماتوا الباقيين من الضحك وكانت ضحكت مريم ماليه قاعه الطعام كانها ضحكه رجال
وبعدين كلهم ضحكو وجلسوا في نفس الطاوله
%%%%%%%%%%%%%%%%%%%%%%%%%%%%%%%%%%%
وانتظروني في البارت الجاي
وان شاء الله كل اسبوع بحط بارت جديد

هاي سوري على التاخير و الحين بنزل لكم بارتين
^^

البارت الاول – الفصل الثاني
في بيت ابراهيم :
بعد رجوع سمر من الجامعه
سمر : اخخ صدع بينا هذا الدكتور
ام ابراهيم :هلا سمر كيف كان اول يوم لج
سمر : حلو و وناسه تعرفت على المكان و بنات جداد بس هذا الدكتور مال الانجليزي صدع بينا من اول كلاس و اهو يهذر
ام ابراهيم : الله يوفقج بس لازم تنتبهي للشرح و المحاضرات
سمر : لا تخافي يماه على بنتج ، بنتج ينخاف منها مو عليها ، نياهاهاهاها
ام ابراهيم : بسم الله الرحمن الرحيم البنت استخفت
سمر: افا يمه تقولين هذا عن بنتك الوحيده و الغاليه و الجميله و الرائعه
ام ابراهيم : بس بس شكل الجامعه سوت بج شئ
سمر: يماه وين ابوي
ام ابراهيم : وين بعد في القهوه
سمر: اها و ابراهيمو وينه
ام إبراهيم : احترمي نفسج هذا اخوج الكبير وهو في الدوام بعدها الساعه 12 ودوامه بيخلص الساعه 2
سمر: عيل يماه انا بروح ارتاح ووين بتحطون الغدى وعوني اوكي
ام ابراهيم : انزين انتي بس روحي ارتاحي
بعد ما راحت سمر جلست ام ابراهيم على الصاله وتفكر
ام ابراهيم : كيف الحين بقول لها الموضوع اخافها ترفض والناس ما عليهم قصور
ولو رفضته يمكن الناس تتكلم على بنتي .... ومن هذا الوساوس اللي ما تخلص
وفجأه قطع عليها حبل افكارها صوت
:هذا كله عشان الحبيب محد هني ، خلاص الحين بتصل به و بخليه يجي
ام ابراهيم : بسم الله الرحمن الرحيم ، خرعتيني يا ريمو
ريما : افا ، انا اخرعج يا خاله وكل هذا الجمال شوي سوي ها
ام ابراهيم : الله يقطع ابليسج يا ريمو شو تسوين هنا
ريما : هذه شكلها طرده محترمه يلا باي
ام ابراهيم : تعالي تعالي شو تبين
ريما : ام صدقين خالتي نسيت من شفت ويهج القمر .. انا اقول ليش عمي ابو ابراهيم ما يطلع وايد اتريه هايم
ام ابراهيم : ههه الله يقطع ابليسج يلا قولي شو تبين
ريما : ايه تذكرت امي تقول لج اليوم عنهم عزيمه ما ادري وين .,,,,,,,,, يمكن احد مربي
ام ابراهيم : هيه هذه ام عذاري جابت ولد بعد 5 سنوات زواج
ريما : وانا وش دراني ، وايد على قنوات الاغاني و كتب اول ثانوي
ام ابراهيم : الله يهديج و يوفقج و اشوفج على الكوشه
ريما : امين
ام ابراهيم : اذلفي احسن لج
ريما : طياره ، يلا باي وسلمي على سموره

التكمله
الله ياخذ ابليسج ههه
ابراهيم : يماه شو فيج تضحكين بروحج
ام ابراهيم : ههه هذه المجنونه ريموه تهبل بنفسها
ابراهيم : هذه من يوم يومها خبله الحمد لله و الشكر توي شايفها طالعه من بيتنا وتقحص كانها بورش مو بنت
ام ابراهيم : الله ياخذ ابليسها ههه
ابراهيم : اوكي يماه انا بروح اخذلي شور
ام ابراهيم : الحين ابوك بيجي وبحطي الغدى على طول ونادي اختك في دربك
ابراهيم و اهو متوجه للدري : اوكي ،،، اي تذكرت اريد ابوي بموضوع يماه لا تخليه ينام بعد الغدى
ام ابراهيم واهي رايحه تجلس : بخبره
ابراهيم و اهو يدق على اخته الباب ويناديها بس محد يرد
ابراهيم : شكلها هذي منخمده ( نايمه بسابع نوم) ، ودخل وراح لها يهزها عشان تنام
كانت نايمه ببجامة توم اند جيري ضحك عليها شوي
ابراهيم : سموره يلا نشي
سمر : ام
ابراهيم : سمر ( بصوت عالي )
سمر وهي خايفه : شو الجامعه احترقت
ابراهيم : اخ خ خ خ
سمر: ابراهيم الله ياخذك احد يقوم احد كذا
ابراهيم و عيونه دمعت : خ اه بطني روحي الحين ابوي بيي و امي بتحطي غدى
سمر: انزين وراحت تغسل ويها
ابراهيم وهو جالس على السرير : اقول سمور متى بتكبري
سمر واهي جايه عنده : ليش شايفني صف اول
ابراهيم واهو ياشد على بجامتها : و هذا شو توم و جيري الناس يكبرون وانتي تصغرين من نفسج
سمر: حبيبي هذه يقولون عنها موضه وانت وش عرفك
ابراهيم : الحمد لله و الشكر يلا انا مصدع اليوم كرفونا كراف بروح ارقد ووين بتكون الساعه 3 وعيني لاني اريد اكلم ابوي
سمر وهي تمشي متجهه للبال غرفتها : حاضر سيدي اخ
ابراهيم واهو يفر عليها المخده : انقلعي يلا
بعد الغدا استاذنت سمر من ابوها و راحت توعت اخوها وراحت غرفتها
جلس ابراهيم و تكلم مع ابوه في الصاله من بعد ما راحت امه غرفتها ترتاح
ابو ابراهيم : والله ما اعرف شو اقلك يا ولدي
ابراهيم : يبا ما في احسن منه وماشاء الله ومعروف عنه انه رجال ... وبيقدر يحاقظ على سمر
ابو ابراهيم : بس جاها خطاطيب قبله
منو الاشخاص للي كانوا يتكلمون ؟؟؟
وكيف بتكون حياه سمر هل بيكون فيه تغيرات ؟؟؟
%%%%%%%%%%%%%%%%%%%%%%%%%%%%%%%%%%%

الجزء الثاني
الاختيار او المصير الصعب
حيره جاهل
ابو ابراهيم : بس جاها خطاطيب قبله
ابراهيم وهومتفاجأ : وانا اخر من يعلم
ابو ابارهيم : يا وليدي انا البارحه جاني الخبر وما كان فيه فرصه اقولك
ابراهيم : اسمحلي ابوي ما اريد اضايقك بس
ابو ابراهيم : ما حصل شئ وبعدين انا ما قلتلك منو الريال
هو خالد ولد جارنا اللي يشتغل في شركه خاصه
ابراهيم وهو معصب : يخسي الا هو ياخذ اختي
ابو ابراهيم : لي انت سامع عنه شي
ابراهيم : بصراحه سمعته بين الشباب مب لين هناك وانا ما بعطي احد اختي و انا ما ضامنه واصلا اهو ما يقدر يعيش عمره بالمعاش اللي يحصله كيف بيعيش بنات الناس
ابو ابراهيم : يا وليدي الفلوس مب كل شئ في الحياه و اهم شئ اخلاقه و دينه
ابراهيم : صدقت يا ابوي بس هذا ما يمنع انه الفلوس شئ اساسي في الحياه وهذا اللي ما يتسمى اخلاقه مثل وجهه
ابو ابراهيم : يا وليدي ما يصير تقول عن الناس جي يمكن مطلعين اشاعات عنه
ابراهيم : لا يبا انا واثق باللي سمعته وشكله يدل على انه مال مصايب
ابو ابراهيم وهو محتار : والله ما اعرف بس منشاور سمر و منشوف
ابراهيم : والرجال الي يا لي شو اقوله
ابو ابراهيم : خلنا نخلص من هذا الموضوع بعدين يصير خير
ابراهيم : ولو اني اريد لاختي الزين و اشو فان الرجال اللي جاني بصراحه رجال نشمي و ما عليه كلام و اهو من كباريه البلاد
ابو ابراهيم : يصير خير
في مكان ثاني
خالد : انا خايف لا ترفض
راشد : اف انت عورت لي راسي صاير حنان مثل الحريم شو فيك اذا تريدها روح و اخطفها وبعدين لا زهقت منها عقها في اقرب مكان
خالد : انا وين و انت وين هذي ما ينفع معاها كذا هذي غير
راشد : ما في حرمه غير عن الثانيه
خالد وهو في قلبه اه يا اللي عذبتيني وخليتيني بقايا انسان شوا سوي اذا ما كنتي من نصيبي
راشد : حوه وين رحت ايب لك شئ يعدل مزاجك
خالد : انا محد ملعوزني الا انت و شاكلتك
راشد : اله كل ها الكلام لي و من منو من اعز صديق لي
خالد : انقلع عاد انا ما ني طايق نفسي و بعد بتحملك
راشد واهو يشرب و هو في عالم ثاني
خالد :اروح احسن لي
في بيت ابراهيم :
سمر: اه شحلات النوم
قامت سمر و لبست تنوره حمره وبدي ابيض منقط بكرات حمره و استشورت شعرها و بعدين طلعت قصه وتعطرت بدهن العود "" سمر عاشقه العود وهله خ"" ونزلت عند امها
سمر: مساء الجوري و التفاح و الرمان
ام ابراهيم : ههه مساج الله بالنور شكلج يوعانه
سمر : اي يمه بموت من اليوع
ام ابراهيم : ما من شئ من الظهر وانتي نايمه والحين المسا
سمر وهي تتثاوب : اه
بس بس لاتاكلي الوالده ادريبج اسد
لفت وراها وشافت ابراهيم جاينهم
سمر واهي تطالع اخوها بحمق
ابراهيم ": ا ياي اي يماه الحقيني
ام ابراهيم خير شو صار
ابراهيم : هذي بنتج رمت على قنبله من عينها ما عرفت انج حسود
سمر و هي واصله عندها : الله و اكبر انا الحين حسود يهب كيف يكذب
ابراهيم : ههه شكلج تحفه و انتي محمره عيونج شكلي بصورج و بحط صورتح في دعايه فكس و بقول شوفو شو يسوي الفكس في العيون خ
سمر : يماه شوفي ولدج كيف بنكت علي
ام ابراهيم تضحك على شطانت عيالها
وراحت سمر المطبخ عشان تدور شئ تاكله وتختفي من عيون اخوها
ابراهيم بعد ما هدا شوي
:يما قلتي لي سمر عن خالد
ام ابراهيم ": لا يا وليدي ما اعرف كيف بقولها
ابراهيم : خلاص يمه خلي الشغله علي انزين
ام ابراهيم :شورك و هدايه الله , الله يكتب اللي فيه الخير لها يا رب و يبعد عنكم عيال الحرام ويوفقكم و يبلغني باولادكم جميعا
ابراهيم :امين الله يعطيكم طولت الصحه و العافيه
ابراهيم : يمه انا بروح الحديقه الخلفيه وناديلي سمر اوكي
ام ابراهيم : ان شاء الله

في الحديقه
ابراهيم : ها شو رايج
سمر مصدومه وما عارفه شو تقول
ابراهيم : انا بقولج رايي بصراحه ، الرجال اللي من طرفي احسن لج و ما شاء الله اخلاقه ما في احسن منها ورجال يصلي و يصوم وقايم بوجه ربه أما خالد ما ينفعج
سمر : ؟؟؟؟ انا ما اعرف و لاواحد منهم صح
ابراهيم : تعرفي البيت اللي على بعد خمسه بيوت من بيتنا و هو احمر من جهة اليسار
سمر : هيه اعرفه
ابراهيم : هذا هو وخالد و لدهم الكبير
سمر : اهاا
: اخليج الحين اوكي و فكري براحتج واستخيري بس خذي رايي بعين الاعتبار
وراح و راح معاه هدوئها وسكونها وابتدا شعور غريب ومشاعر عجيبه و حيرا
في بيت كبير شكله حلو و يجذب في وسط بيوت متواضعه
هناك كانت تعيش بنت الزمن و الناس حكموا عليها او بالاحرى ا جبروها تغير من طبيعتها و من انوثتها بسبب شئ ما بارادتاه
هناك كانت تعيش مع 3 اخوان ( 30 سعيد :متزوج و يعيش في بيت لحاله مع زوجته وطفلينه – 28مانع: متزوج من 4 سنوات ورزقه الله بطفله جميله**لولوه 2 سنه ** - الاخ الاصغر من مريم 21 سنه احمد : يشتغل في الجيش )
و مع زوجه ابوها اللي ما خلت كلمه ما قالتها قدام الناس و اهلها كانت دايما تعاير مريم لانها البنت الوحيده في العيله و انها اقل جمالا من بنات العيله (مع ان كلمه روعه عليها و لا شئ مريم طويله شوي وسمره البشره و صاحبه عيون عسليه و رموشها ما شاء الله عليها طويله وجسمها رياضي و حلو ) وكانت تلقبها بام الامراض لانها مصابه بمرض فقر الدم من هي صغيره والضغط ** صح انها الحمد لله ما مصابه بمرض خطير بس الضغط النفسي ياثر ويخلي اللي ما مهموم مهموم غصب ***
وبعد وفاه والدها في المرحله الاعداديه غيرت شخصيه لشخصيه قويه و جريئه و تخلت عن انوثتها و لبست قناع الرجوله
لاخفاء اي ضعف من العالم
احمد : يلا انا جوعان
مريم ( بصوت كله رجولي و غليظ) : تغدى يا خي شو تستنا احنا ما ننتظر احد انا من جيت من الجامعه تغديت
احمد ( مع العلم ان احمد ما يحب شخصيه مريم الرجوليه بس هي الوحيده اللي علاقتهم فري كلوز مع بعض) :انا ما احب اتغدى بروحي نفسي تنسد بسرعه يلا مريوم تغدي معاي
مريم : اوكي بس بشرط
احمد بحماس : سميه و انا حاضر
مريم : تترجاني خخ - ^_^
احمد :ام – يلا عاد
^_^ وراحوا يتغدون
في الشغل
داود : استح على ويهج شو من البشر انتي اذا احد من اهلج شافج و انتي تتكلمين كذا شو بيقول و لا شو بيسوي هاا
تصرفي عدل وعن ها المياعه ولو سمحتي لا تجي في مكتبي مره ثانيه
ريم السكرتيره : انا شو عملت ما عملت شئ غلط حرام اسال اللي يشتغل معاي اذا هو مرتبط او لا او يحب او لا يا اخينا هاذي سوالف سطحيه شو بيك
داوودو هي واصله عنده خلاص : ذلفي احسن لج اخر زمن وحده تتكلم عن حياتي الشخصيه اه يا القهر وبعد استحي على ويهج و لبسي شئ محترم وين سايره مرقص
راحت ريم و اهي تتحرطم عليه
مانع يضح ك بدون صوت
داوود : شو فيك انت بعد
مانع: يا اخي انت وايد معقد و ما اعرف كيف عايش ها العيشه
داوود : انا ما معقد بس ما احب الشئ غير مالوف
مانعا: هذه ليهم تقاليده الخاصه و ما هي من بلدنا عشان تتحكم بيها
هذه اجنبيه جايه تكسب رزقاه وبراحتها شو تلبس و شو تسوي
داوود : انا ما على ما دامها جايه بلدنا لازم تتبع تقاليدنا و انا ابا اعرف في فلبنان مسلمين و محتشمين بس هي ما عارف كيف اعوذ بالله
مانع : ما عليك منها كمل شغلك كمل خلنا نروح البيت والله اشتقت للولوتي
داوود ابتسم وكمل شغله
داوود ( شخصيه تراثيه ما يحب التغيير ولا شئ غريب وعلى قوله ( اذا التطور يعني نشيل عقولنا الله الغني عنه )
****صدق و الله انا معاك على كل شئ تقوله ***** احب هذي الشخصيه شوا سوي خ
داشه عرض
^_^
بعد يومين في غرفه سمر: يا رب شوا سوي حاسه اني محتاره ما اعرف منو اختار بس خالد احسه اقرب لاني اعرفه يا ما كنت اشوفه في الحي يلعب مع الاولاد و احس شخصيته حلوه بس الثاني ابراهيم مدحه بس ما اعرف شو اسمه ؟؟؟؟
وصلت استخاره و نامت
في الصباح امها سالتها عن رايها و قالت انها بعدها ما تعرف و راحت الجامعه
وكان اليوم ممتع بالنسبه لها لانه نمط ما تعودت عليه من ناحيه التدريس او البنات كانت تشوف بنات اشكال و الوان و مختلف الجنسبات
في فترت البريك
كانت تنتظر نوره في الكفتيريا وفجأه وحده يات عندها و قالت لها : خذي هذا الكتاب وخلي عندج شوي
سمر باستغراب : اها ؟؟؟
وراحت البنت تجلس في الطاوله اللي عدالها
كانت بنت كانها تنازع احد وتقول بصوت عالي و رجولي:قسم بالله اذا ما طلعتوا الكراس ما يصير لكم خير
والبنات خافوا لان البنت ( مريم ***) معصبه
سمر كانت تتابع و تقول في نفسها ( منو هذي وليش شعرها وايد قصير كانها ولد و لابسه بنطلون جنزد يرتي و قميص اسود عليه جماجم من الخلف بلون التراب وكانت لابسه نظاره سبورت) بس احلى شي فيها سمارتها و الله حلوه خ
البنت اشرت على اسمر وقامت مريم بهدوء و هي تتقرب من سمر و سمر تحس برهبه شوي
مريم : السلام عليكم و الرحمه
سمر : وعليكم السلام خير اختي في شئ
مريم ابتسمت (اختي حلوه و الله طالعه منها خ شكلي اليوم مريضه خ): لا بس وين الكتاب اللي عطتج البنت قبل شوي
سمر: الكتاب..؟؟؟؟ ا قصدج الكراس ا لأصفر هاذا ا ؟
مريم ارتاحت وين شافت الكراس :هي هذا ما كراسي هذا لشخص عزيز علي ** وانا شالا من دون ما تدري لول ** و البنات حبن يسون فيني مقلب وشالوه
سمر : اها وعطتها
مريم :مشكوره يا .... الا ما قلتيلي شوا سمج ؟؟
سمر : انا سمر
مريم :تشرفنا ، انا مريم يلا سلام
وراحت
جات منال و قعدت مقابل سمر و سالتها بسرعه شو تسوي هذهالبنت عندج
سمرحكت لنوره اللي صار و ضحكت وقالت : ادري محد يقدر على مريم
سمر : مريم ليش ؟؟؟؟؟
منال: هذه تغير من شخصيتها اسمها مريم محمود ...... وعندها 3 اخوان وهي الثالثه في الترتيب وابوها وامها متوفييت واهي عايشه مع مره ابوها
سمر: ماشاء الله من وين تعرفي كل هذا
منال محسوبتج سي ان ان خ - لا بس هم جيرانا
ومر اليوم على سلام وسمر قررت تعرف شخصيه مريم عدل لانها تحب علم النفس
بعد اسبوع
العصر في بيت ابو ابراهيم :
ها شو قلتي لان الناس يستنون
:والله ما ادري يا ابراهيم انا محتاره
:انزين و سكت
:انت ليش ما تباني اختار خالد
:عشانه ما ينفعج
:اذا انت تعرف شئ بيغير قراري قول يا خوي
:....
:اذا ما اريد اتزوج الحين شو بيكون موقفك من الرجال اللي من طرفك
: عادي اهم شئ راحت عزيزتي سموره
:ام
:لا تضغطي على نفسج وايد ، سكت مده بعدين قال: انا ما احب اتكلم عن الناس بضر بس خالد هذا سمعته مب زينه و راعي مراقص و ممنوعات و العياذ بالله
:مصدومه
:اخليج الحين
راحت سمر لغرفتها وجلست تفكر و تفكر لين ما نامت من الصداع
***************
ما راحت الجامعه اليوم لانه ماعندها الا كلاس واحد ولانها مصدعه
ونامت لين العصر ، راحت و جلست في البلكونه لجهه الشارع وتشوف الرايح و الجاي و ترسم عشان تخفف الافكار اللي في راسها
فجأه شافت سياره مرسيدس سبورت واقفه عند بيتهم وطلع منها اخوها مع شخص ام كيف اوصفه ليكم
واحد طويل حنطاوي البشره لابس بنطلون ابيض وقميص كت بنفسجي غامق طالعه هليه مع ساعه بيضه و مغطي عينه بنظاره شمسيه وشكله هيبه وشعره اسود واصل لنص رقبته ومسويه سبايكي خفيف وطالع كول ( نتغزل شوي ^_^)
و .. ( شكلنا شكلنا ما قادرين نكمل خ ) وابراهيم كان لابس كندوره بنيه مع – سفره – غتره بلون الكراميل
المهم ...
سلم عليه اخوي و راح بس قبل ما يروح ابتسم ابتسامه غريبه
رجعت مكانها لتكمل الرسم وفي هذه الاثناء سرحت شوي و ما وعت الا على احد يمط شعرها
سمر: هي هذا شعر
ابراههيم باستعباط : صج حسبته حبل خ
سمر : اه توه كان الجو حلو و جميل بس الحين تغير فجأه ما اعرف ليش ...
ابراهيم : اها اولتيلي بئا مووش مشكله مأبوله منك يا ختي بس لا تعيديها
سمر بابتسامه : ما علينا ، انت من وين جاي
ابراهيم : رحت مع الربع النادي وبعدين بدلنا ورحنا الكوفي
سمر: اها بس منو اللي جابك اول مره اعرف انه عندك رفيج غني
ابراهيم : لا هذا جاسم اللي اباج توافقين عليه
سمر: اها ليكون لاعب على عقلك
ابراهيم : لا حرام جاسم طيوب و حبوب
سمر : اها يعني اسمه جاسم " والله جاسم اسمه حلو :" في قلبها طبعا تقول كل هذا الكلام
شو السالفه وشو قصه ابراهيم ؟؟؟؟
كله في البارت الجاي سلام
^_^
%%%%%%%%%%%%%%%%%%%%%%%%%%%%%%%%%%%%%

يلا راووني حماسكم و تشجيعاتكم