روايه راقصه باليه ترقص على انين احزانها

مشآهد من الروآيه
-------------------
-----
شدها من شعرها وجدعها على السرير
رفع اصبعه لاانفه..وقال بنبرة تهديد:اسمعيني زين..قسم بالله لو شفتج ترقصين بمكآن عام ماتلومين الا نفسج
رفعة حاجبهاا المنموص:ليش تغار ؟
ناضرها من فوق لتحت:اغار على البقره ولا اغار عليج!!
----------
دخل وهو طفشان من الجامعه ..
قابلته بابتسامه:هلا حبيبي ..نور المكآن
نظرها بطرف عين:ليش يدلعوني اضآئه ؟؟
----------
شباب شوفو ذيك اللي ترقص
ناضر وهو قابضه قلبه بس مثل ماتوقع ..
نفس البنت!!
----------
ترى مو ولدي لو ماتزوجتها!!..هي يتيمه ومحتاجه احد يكفلها
يبه ماكثر الله الا جمعيات اليتامى .. قالو لك بيتنا ملجى ؟..
........ .. ليش ماتعقل؟..قلت تاخذها يعني تاخذهاا .. وحبيبتك انسآها!!
----------
شعدنك كاشخ؟..لاتصير اليوم ملكتك على حبيبة قلبك!!
صرخ بوجههآ:شوفي حبيبتي لاتجي على لسانج..فآهمه ولا لا؟..
وهي تاكل البوشار:لامافهمت شو بتسوي تفك مخي وتدخل المعلومه؟
مسك كتفها وقبض اضافره عليها:مثل مايوجعك مسكتي لج..انا يوجعني قلبي ويانبني ضميري على اني اخذتج!
----------
كثير من الاآلم الوآقعه..
ومن الموآجع المؤلمه
طآلب جآمعي يربي رآقصه!!
لاكن اين الخطآء؟
لمآ العصبيه!
لما الكرهه والحقد!!
تآبعوني مع اجزآء روايتي!!
~ْجوجيْ~

راقصه باليه ترقص على انين احزانها
البدآيه..
~{إن أحسنت فمن الله ولله الحمد وإن أخطأت فمن نفسي والشيطان.........والله ورسوله بريئان }~
دخلت ام عيسى غرفه ولدهآ عيسى :عيسى...عيسى..
عيسى:هم
ام عيسى:يالله ياوليدي قوم ركب الاغراض مع ابوك
عيسى وهو يغطي نفسه بالبطانيه:يمه والله يعافيج مانمت الا متآخر.. شو تقوميني بدري!!
ام عيسى:انت ناسي ان بعد شوي بنسافر؟..لازم تجي مع ابوك تركب الاغراض
عيسى:و نيزار ليش مايركب الاغرض اؤؤف..صاير انا السواق..وهو ولدكم..
وقام ودخل الحمام ياخذ دش ..
طلعت ام عيسى من الغرفه ..
..
بعد 10 دقايق طلع عيسى وغير ملابسه ولبس بنطلون جينز وبلوزه مبينه عرض اكتافه لونهاا اسود وفيها كتب بالرصاصي..وقف شعره بالجل .. واخذ
نظآرته اللي من (Dior)شاريها للكشخه ايام الجامعه!!
نزل وشاف سارا وعليا جالسه على طاوله الاكل ويفطرون
عيسى بزقره:انتم الحين ليش ماتساعدو ابوي بتحميل الاغراض بدال السمنه الزايده؟
عليا وهي تاكل ساندوشتها:والله اذا صرت انا ولد .. رحت حملت مع ابوي..بس انت الولد روح انت
عيسى:عليا ترى بسطرج لاتراديني..كولي تبن واخلصي..ناقص مبزره انا!!
عليا:تكفى يالي بالاربعينات..تراك اكبر مني بثلاث اسنين!
عيسى:وثلاث اسنين ليش حاقرتها؟..
عليا وهي مو عارفه شو ترد:سارا عطيني الشطه..!
عيسى:يوم ماعرفت شو تقول راحت تشرب لها شطه..
وراح لسياره ابوه وشافه مخلص محمل الاغراض..
ابو عيسى:خلاص لاتكمل طريقك..خلصت محمل الاغراض..
عيسى:العذر يبه ماجيت بدري..بس ماقلتلي انك بتركب الاغراض الساعه 10 الصبآح
ابو عيسى:مايحتاج اقولك .. لانك مو محمل الاغراض ..انا كان ودي تنام ولا جينا نمشي قومناك من النوم علشان تسوق فينآ..
عيسى:لايبه مابي اسوق
عليا وهي توها طالعه:خلاص انا بسوق!!
عيسى:تلايطي..بنت تسوق بطريق سفر!
عليا:ترى لي سنتين ماسكه سياره .. شبيضر لو سقت بطريق سفري؟
ابو عيسى:خلاص سوقي...
عليا وهي تضم ابوها:يابعد عمري يايبه..والله اني احبك
عيسى وهو مو مصدق:خير..خير...خير..انا ابي حياتي ماضيعتها مع بزران..شقالت..قبل سنتين ماسكه سياره..قبل امس رايحه اوديج تتعودين
السواقه!..خلاص بسوق انا .. اضمن لي ولمستقبل اهلي!
عليا وشوي وتصيح:حسبي الله عليك من الاقي شئ افرح فيه تخربه علي
عيسى وهو مطنشها:يبه متى نمشي؟
ابو عيسى:لاصلينا الضهر نتغدى ونمشي..
مر الوقت بسرعه واذن الضهر..
راح ابو عيسى وعيسى للمسجد ..
صلو وطلعو
عيسى جلس شوي يسلم على صديقه ..
يوم طلع لاقى ابوه جالس يسولف مع عمه ..
عيسى استغرب:غريبه جاء من امريكآ ؟؟
بغى يروح يسلم عليه بس شافه لاهي مع ابوه بالسوالف
وراح البيت لقى امه جالسه هي وروز وساره يصلحون السفره :وين عليا؟
سارا:بالمجلس تكلم صديقتهاا .. تعرف موبايلها خربان ولازم تكلم كل صديقاتها
جلس عيسى على السفره وانتضر ابوه يجي علشان يبدون اكل
بعد كم دقيقه اجتمعو العائله على سفره الغدآء..
وجلس ابو عيسى
عيسى:يبه .. متى جاء عمي طارق؟
عليا بحماس: احلف جاء؟
عيسى بطرف عين:يعني اكذب؟
عليا تفشلت:لامو قصدي بس .. آآ..
ابو عيسى قاطعها:جاء اليوم الصبح .. وقالي بسكن عندكم ..
ام عيسى:البيت بيته .. وحياه باي وقت
ابو عيسى ابتسم:طول عمرج ماتقصرين..انا قلت له اننا بنسافر وبالفتره اللي بنسافر فيها خذ المفتاح وجيب عمال يبنون لك غرف باخر الحديقه
بعيده عن الفله ..
ام عيسى :الله يسهل
عيسى:ليش مايجي يسكن بجناحي؟..جناحي ثلاث غرف وحمامين-بالكرامه-ومطبخ ... يفيد لنا لين واحد منا يتزوج ويطلع..
ابو عيسى:قلت له بس هو قال ابغى ام عيسى تاخذ راحتها لادخلت تقوم عيسى
ام عيسى:صار العوق مني؟...لاخلوه يسكن معه علشان يقومون بعض للصلاه ..
عيسى ابتسم:من فينا يقوم الثاني ههه
سارا:والله يمه انصحكم تخلون كل واحد غرفه اذا جتمعو بيهجمون على غرفتي وثلاجتي
عيسى :ههه يازين قبل لايسافر طارق .. غرفتج احسن مكان نروح له
سارا وهي معصبه:آوف والله اذا سويتوها الحين والله ماتلومون الا نفسكم
عيسى :وش بتسوين يعني؟..
سارا:بقول لعليا تتفاهم معكم
عيسى:لاتكفين عليا لاجت .. تضيع رجولتنا هي لحالها عن عشر رجال!
عليا تناضره بطرف يعن:كمل غداك ترى مو ناقصين وقفه بالطريق -وهي تقلد صوته-ابي اشتري فطيره .. ابي مدري ايش!
عيسى يستهبل:يمه يمه خفت انقذوني
سارا هنا ماتت ضحك:ههه خبل والله-وهي تقوم-الحمدلله خلصت..انعم الله عليك يمه
ابو عيسى:بدري..ماكليتي شئ!
سارا:لاالحمدلله شبعت
ابو عيسى:بالعافيه
بعد فتره بدو ينسحبون اللي راح يتاكد من اغراضه واللي يكلم صاحباته <~عليآ^_*
بعد نص ساعه ركبو
وانطلقوو من الكويت الى حولي ..
عليا :عيسى
عيسى :هم
عليا:الحين سواقتك معجبتك؟
عيسى:شرايج انتي؟
عليا:مااقول الا الله يخلف على اللي معطيك فيزا سواقه ..
عيسى:اقول وراه ماتنثبرين .. خلينا نوصل حولي واعرف اربيج!
عليا وهي تمثل انه خايفه:يمآآما انا خايفه .. -وعدلة اسلوبه-ترى انا عليا مو ساره اخاف.. .... ليش مآتبعد واسوق بدالك والله مالك داعي
عيسى عصب:شو مالي داعي !!..تقلعي واكرميني بسكوتج ترى مو ناقصج
عليا وهي تتافف بضيقه:اوف يبه اريد موبايل جديد .. مووب حاله لي شهرين خربان موبايلي ولا فكرت تشريلي؟
ابو عيسى:والله مو فاضي .. قلت لج روحي وشوفي وش يعجبج وجيبي الفاتوره اسدد لج..
عليا:طيب والرقم متى تطلع لي؟
ابو عيسى:خلاص انتي اشتري جهاز ولا رجعنا الكويت اطلع لج رقم ..
عليا وهي بنفس الضيقه:اووف طيب ودي اسوق ..ليتي جاييه بسيارتي والله حاله..
ام عيسى:خلاص عليا خليج مثل ساره بسم الله عليها مؤدبه ومن ركبنا السياره وحنا ماسمعنا حسهاا
عليا وهي متنرفزه:انا ماخرب حياتي غير...عيسى..سارا..مدري شو..ومدري ايش!!..
...
..
.
مر الوقت بطئ على علياا وعيسى وسريع عند الباقي ..
.
..
...
عيسى:عليووه
عليا وهي ملانه:نعم؟..شو تبي ؟
عيسى وهو يوقف السياره على جنب:تعالي سوقي بدالي .. قربنا حولي
عليا قامت وهي مبسوطه:صج؟
عيسى:ايه يالله رتبي مكانج مو الاقي تحت روج .. وجنبي كعب
الكل:ههه
عليا:يانصبك من قال اني احط روج؟ واللبس كعب!!
عيسى تورط:ايه صج نسيت انج عليا .. على بالي سارا ههه
عليا :كل تبن .. يالله انزل ترى صار لك مده وانت واقف
حس عيسى على نفسه ونزل وراح مكان عليا وعليا مشت تسوق
اول مامسكت السياره صارت تمشي بطئ لين تثبت مكانه ومكان السياره!
بس شئ لفت نضرها وخلاها تمشي بنفس البطئ
عيسى:شفيج يالخبله .. لج ربع ساعه وانتي بنفس السرعه .. تمشين ستين ههه ترى حنا بسفر مو بحواري!
عليا لسانها منشل مو قادره تركز باي احد يتكلم عندها .. بالاصح ماكانت تحس باحد حولهاا .. غير النار المشتعله قدامهاا ..!
لفت على الطريق الترابي وشافت سياره متفحمه كلهاا ..
عيسى:عليا وش فيج وقفتي؟
عليا وهي مرعوبه من المنظر:شوف شوف...عيسى شوف السياره المتفحمه!
عيسى وقف يشوف الا لقاها مشتعله بالنار..
سارا قامت من النوم وسمعت امه تبكي.. :شفيكم؟
عليا وهي خايفه ومن الخوف رجعت ورى:شوفي السياره متفحمه وجثه جنبه!
سارا صرخت من المنضر اللي قادمهاا:آمشوو طيب.".ليش واقفين؟..
ابو عيسى هدى عياله:اهدو وش فيكم ؟؟.. سياره محترقه وجثه جنبه وين الخطاء؟ليش خايفين؟
وفتح ابو عيسى الباب ونزل
ام عيسى وهي للحين تبكي:لايابو عيسى ارجع مكانك اخاف يصيبك شئ
عليا بخوف:عيسى قوم امسك ابوي لاتصير جنيه ذي وتسحبه
عيسى نزل هو الثاني:ليش فلم كرتون؟..ابنزل اشوف وش السالفه؟
نزل ابو عيسى وعيسى وشافو السياره خافه النار اللي عليهاا .. والجثه اللي جنب السياره مافيها الاحروق بسيطه .. يعني مو كله متفحمه..
راح عيسى وحرك الجثه ..
بهمس:آآي شو صآآير؟؟
عيسى من الخوف راح للسياره:..............
ابو عيسى:وش فيك؟
عيسى بخوف:يبه تتكلم..قسم بالله
ابو عيسى يهديه:الحمدلله والشكر يعني ماماتت!..
قامت (لين) وهي تطالع حوالينه .. :انتم مين؟
ابو عيسى:بسم الله عليج قومي يابنتي شوفي سياره اهلج ..
لين قامت مفزوعه :شو كلهم ماتو ؟
ابو عيسى :مدري والله .. عيسى ياوليدي دق على الاسعاف ..
وراح ابو عيسى وطل بالسيآره اللي خمدت من النار نهائيآ .. شاف جثتين متفحمات ومو باين هو رجل ولا .. هي حرمه!!
ابو عيسى اللمه الموقف:يابنيتي شو يقربون لك اللي بسياره؟
لين بخربطه:هآ...آ...اهلي..
ابو عيسى:وكم شخص؟..مااشوف الاشخصين
لين:اي هم شخصين .. ...آآ.. آخوي و.....واخوي الثاني!
ابو عيسى :احسن الله عزاج يابنتي والله يكون بعونج .. ويصبرج انتي واهلج..
لين :ماتو؟
ابو عيسى:ايه. .
لين بحزن متصنع:الله يرحمكم والله شكثر احبكم..
عيسى استغرب منها مابجت ولا شئ:انتي متآكده انهم اهلج؟
لين تغيرت ملامحه خايفه تنكشف:هآآ..اي .. شو متاكده انا معهم بالسياره طوول الطريق..
قامت لين وصارت واقفه وطلعت من جيبه بطآقه العائله :جوف..هذا اخوي سليمان..وذا اخوي طلال..
عيسى شاف الطباقه وتاكد وقال بحزن:اي الله يرحمهم..
ام عيسى الي نازله من زامن وكانت متفرجه فقط:وانتي يابنيتي معهم بالسياره؟..
لين:اي معهم بس نزلت اتآكد من البآنزين وفقع في وجهي وفقعت السياره والانفقاع طيرني بعيد!!
عيسى مو قادر يصدق ولا حرف واحد .. شو ذي يالسه تخربط تحسبنا بزران؟؟.. :طيب يوم انفقعت مفروض على الاقل يدينج تآكلها النار
ابو عيسى :شو تقول الله يهديك بدال ماتتحمد له بالسلامه تقول جي؟..
عيسى ماعرف شو يقول وراح لسياره لم علاوي وسارونه..
علاوي بسرعه:شو صار؟.شو تقول الصبيه؟..
عيسى:مدري جالسه تخربط على ابوي وشكلها جذابه .. كلامها جذب في جذب..حاولت اصدق بس عجزت
سارا:ليه شو قالت؟
قالهم عيسى السالفه كله .. علاوي:يانصبها شو شايفتنا بزران كبرهاا؟
سارا وهي متآثره وجلست تبكي:يؤ ياحياتي هي..الله يصبرها ..صعبه تفقد اخوانها ..
عيسى:انتي صدقتي؟.. بطاقه العائله مافي غيرهم الثلاثه؟..بالله وين ابوها وامها ؟
سارا:يمكن مايتين .. يوو طلعت يتيمه !!
عيسى حاول يقتنع بس عجز .. الكلام مو راكب مخه..
ماطول عند السياره لان الاسعاف وصل
شالو الجثث.. ومافي مكان كافي ان لين تركب..
ابو عيسى:يابنييتي تعالي اركبي معاي وبندويج للمستشفى تشوفي شو صار على اخوانج ..
لين:...
ام عيسى حسبتها خايفه لفكره تركب مع ناس ماتعرفهم:معي بنتين بسنج وييمكن يطمنونج..لاتحاتين من نوصل المسشفى ننزلج عند اخوانج
وتتشوفين شو صار عليهم؟
راحت لين وركبت ..
ترتيبهم بالسياره..
عيسى اللي يسوق وجنبه ابو عيسى
بعدين بالمرتبه الوسطيه ام عيسى ثم لين ثم عليا ..
وورى راكبه سارا هي والخدآمه ..
لحق عيسى يسياره الاسعاف ودخلو حولي بمآ انه اقرب لهم من الكويت
طول الطريق والسيآآره في حاله صمت..
مافي غير صوت ابو عيسى وهو يتمتم بالاستغفار ويذكر الله..
وصلو المسشتفى
نزل عيسى وابو عيسى ولين وراحو لمكآن مانزلو الجثث,,
دخلوهم على الدكتور يشوف حالتهم ..
ابو عيسى صآر يهدي لين اللي صارت تبكي!
بعد ربع سآعه..
طلع الدكتور والقى عليهم قنبلة وفاتهم متفحمين..مثل ماتوقع عيسى..
اللمه عيسى مشهد لين وهي تبكي..وهو قبل شوي مكذبها
ابو عيسى يوم شافها هدت شوي:ليش ماتدخلين تكشفين اذا فيج جروح ولا شئ من الانفقاع؟
لين:مايحتاج..!
عيسى :الا يحتاج .. بروح اكلم الدكتور..
وراح للدكتور وكلمها عنهاا ,,
ودخل لين عند الدكتور وكشف عليها وشافها بخير .. بس لف يدها بشاشه وعطاها قطره لعينها..
يوم خلص الدكتور طلع برا وقامت تربط جزمتا وتسكر ازارير بلوزتهاا ..!
وفكرت تمثل دور الحزينه .. علشان ابو عيسى ياخذها عندها!!
طلعت وهي تبكي بدموع التماسيح!!
ابو عيسى راح لها:بسم الله عليج .. شو صار لج؟
لين:مافيني شئ سليمه .. بس من لي بعد اخواني.. آهئ
ابو عيسى :آفآآآ وانا وين رحت..انتي بتسكينن معناا .. وبنحطلج غرفه خاصه .. واذا تنحرجين بحط لج بيت خاصه..لو طلبتي عيوني فدوه لج..يشهد
الله اني حبيتج من شفج ومعزتج مثل عليا وساره بناتي.. يالله مشينا للكويت .. نرجع ونسوي عزاء علشان ماتزعلين..
وطلعو وآجلو سفرتهم علشآنهاا
ورجعو لمكآن ماجو من عنده
عليا طول الطريق وهي تتآفف من حينها ماحبت لين وشافت بعيونهاا الخبث.. كارهتهاا..وكرهها فيها زياده يوم تأجلت السفره علشانها
عليا بضيقه:اوف يبه ليش يوم دخلنا حولي رجعتونا الكويت؟؟ ..
ابو عيسى:ماتشوفي حاله البنت.. واخوانها وهم مايتين لازم نسوي عزا ونحطها عندنا بالحفظ والصون
عليا:اووف ملجآء يتامى حنا؟
لين اوجعتها الكلمه بس خلاص ماهمها شئ. الكلمه سمعتها كثير وحست اللي يقولها مدحه مو سبه!!
ابو عيسى ناضر عليا بنظره حاده وناداها بنبره عتب:عليا ..
عليا حست على عمرهاا:اووف اسفه زلت لسان .. شو حرام الواحد يزل لسانه!
ووصلو الكويت وراحو بيتهم
ودخلوهآ بسلامه ..
يآترى الصبآح شو يخبي حق العائله
لين اللي دخلت على العائله .. شو بيكون نصيبها من الروايه؟
العم طارق؟.. شو سالفته هو الثاني..
كثيرر وآكثر ..
البارت الجاي
نتعمق اكثر..
ونشوف شو يحصل..بالتفصيل ..
.......وتقدرو تقولو بالتفصيل الممل!!
آنا بدونكم ولا شئ ..
لاتحرموني من ردوكم ..
ترى بتحطم

آسعد الله يومكم ^_*
صبآح جديد على ابطآلنآ
تنبه عيسى على صوت الساعه الكبيره اللي معلقه بواجهه الغرفه
شآفهأ عشر بالتمآم .. مثل ماضبطها امس.. صحى من سريره اللي بقد ثلاث انفآر..وفتح دولابه الخشبي واخذ منشفه .. ودخل يتروش
بالحمام مبسووط ويدندن ومو عارف شو يخبي له اليوم..
دخلت ام عيسى الغرفه اللي تصميمه من العصر الحجري: عيسى
عيسى كمل اغانيه ومو حاس بصوت امه ..
ام عيسى وهي تطق باب الحمآم البني:عيسى انت هنآ؟
سكت عيسى بيتآكد من اللي سمعه وسكر الدش:....؟
ام عيسى سمعت الدش يسكر:عيسى ..ابوك يريدك بغرفته..
عيسى :طيب طيب جآي
عيسى جواته:اوف لاتصير عليا مكلمته عن هوشي معاها امس..!
لف المنشفه على جسمه العريض وطلع ..شاف الغرفه هدؤ توقع امه طلعت جلس يغني اغنيه عبدالقادر الهدهود:ارجوك يكفي غياب ورد لي حآلا .. تعبان محتاجلك يالله متى ترد لي..
ام عيسى:يالله صباح خير اقولك ابوك يريدك وانت جالس تغني؟
استحى عيسى وبنفس الوقت ماتوقع ان امه فيه بالغرفه:هآ..اي معليش..ههه يمه الله يهديك قلت لج جآي
ام عيسى وهي رايحه للباب الخشبي:خلاص لاخلصت لابس روح لغرفته ينتضرك...وطلعت
عيسى رجع يغني بصوته الجمهوري:لاتقول مدري ولا يمكن ولا لاك...
ام عيسى وهي فاتحه الباب:شقلت لك؟ .. اترك الهبال وروح حق ابوك ..يريدك بموضوع مهم..!
عيسى بطفش:آآآآآوف خلاص قلت لج الحين شفيج ناشبه بلعومي-وهو ياشر على حلقه-هنآآ يالسه..خلاص قلتلج الحين اجي
ام عيسى:ووجع وتتآفف بعد .. يالله كمل لبسك -وقالت باستهتار-:ولا اقول روح لعلياا خذ من ملابسها ترى تناسب ستايلك
عيسى سكتت ينتضر امه تطلع:خلصتي؟
ام عيسى وهي تقفل الباب:خلاص عرفت بطلع قبل لاتطردني .. والله عيال عاقين مدري على مين طالعين بس زين ان.... وكملت طريقه وهي تتحلطم عليهم
عيسى اليوم مبسوط ومروق لان بيروح مع الشباب للبحرين بيشوفو فلم حصري .. ابتسم وهو يتخيل يجلس جنب بنت بحرينيه ويتعرف عليهاا ... ولا يلاقي جوري نازله على البحرين ورايحه السينماا..
لبس بنطلونه الزيتي وهو يضحك على افكآره ..
شاف بلوزته الصفرا معلقه على ممسك الباب البني :سيتي اليوم جالدها جالدها كم مره قلت لها لاتحطين بلوزتي بالممسك .. بس زين انا اربيهاا ..
راح واخذهاا وصار يمشي بخطوات كبيره لان الغرفه بارده عليه.. شاف البلوزه:ولا كمان ماتعرف تمسك الكوآيه..!.. زين انا اعرف كيف تكوي وجهها المتصفط..!
ولبسها على عجل ولبس السبورت الزيتي وشرابات قصيره صفرآ.. ستآيله كآي شاب بالزمن .. يفضلون لبس البنات واللوانهن وحتى جزمهم على الزي السعودي..عفوآ الكويتي..!
طلع من غرفته ومشى بالسيب العشبي والانوار بآهته يعطي جو حلو ..راح لااخر جناح بالدور.. جلس يراجع شو يقول لاابوه لازقره علشان علاوي..:اوف ياكثر مشاكلج ... بزر كل ماازقرها تروح حق ابويآ..
ماتوقع ان السالفه آكبر من كذآ.. ومافكر لحماس امه الزآيد..!
دخل عيسى الجنآح العنآبي وكآن نوافذ البلكونه مفتوحه على اخرهآ .. حرك شعره البني الكثيف يوصل لحد كتفه..
لفت عيونه البنيه على مكتب ابوه وشافه جالس يكتب بقلمه الفضي وواضح انه ماانتبه لدخوله
عيسى يتنحنح:احم .. احم ..يبه انا جيت .. بغيت حآجه؟
ابو عيسى انتبه له:هلا بوليدي تفضل اجلس ...ودخل الارواق والملفات اللي بين يدينه بآلدرج الاول من طاولته السودآ ..!
جلس عيسى على الكرسي العنابي واستغرب ان ابوه ماعصب على سالفه عليآ..!
ابو عيسى وهو مو عارف كيف يبد بالموضوع!..:آآآ...آسمع ياوليدي..
عيسى:هلا يبه تفضل
ابو عيسى:انت كبرت مشاء الله عليك وصاير يعتمد عليك
عيسى وهو مو عارف شو يقول:ربي يسلمك ..!
ابو عيسى:وانت شفت حاله لين وكيف ان اهلها توفو
عيسى:مين لين؟
ابو عيسى:البنت اللي انقذناها
عيسى بعدم تركيز:اي وش فيها؟
ابو عيسى:و..آآ...و....و مالها بعد الله الا إحنآ .. والبنت شفتها كيف مؤدبه وكلن يتمناها..وابيها تاخذ راحتها ووش رايك تآخذها لك..
عيسى وهو مو مستعوب شو يقول ابوه:يبه شو تقول؟..شلون اخذها؟
ابو عيسى:يعني تتزوجهآ..
عيسى دخل ايدينه بجيوب بنطلونه وقال بتطنيش:شو يبه الله يهديك .. اتزوج بنت ماني عارف شو اصلها وصدقها من كذبها
ابو عيسى عصب على كلام عيسى انه يسب لين البنت اللي دخلت قلبه:ترى مو ولدي لو ماتزوجتها!!..وهي مسكينه بنت يتيمه ومحتاجه احد يكفلها
عيسى استغرب من انفعال ابوه :يبه ماكثر الله الا المراكز .. قالو لك بيتنا ملجى ؟..وبعدين جوري تنتضرني
ابو عيسى بين اسنانه:عيسى .. ليش ماتعقل؟..قلت تاخذها يعني تاخذهاا .. وجوري انسآها!! انت عارف ان جوري تدرس ببريطآنيا ويبيلها سنتين علشان ترجع ..
عيسى ومنجن جنونه:يبه بس انا وجوري نحب بعض من حنا صغار وبعد سنتين اكون متخرج من الجامعه وصاير اشتغل بشركتك..
ابو عيسى:لامايحتاج حب وخرابيط..شوف انا وامك حبينا بعض بعد الزواج..وربي وفقنا..وبعدين السنه هذي ماراح تدرس بالجامعه .. راح تصير سكرتيري الخاص..والراتب يعيشك كل حياتك ..
عيسى قام من كرسيه وهو معصب:شو مابقى الا تزوجني بنت وانا مو عارف شو تربية اهلها .. وزياده بتفصلني من الجامعه اللي أخرت سنه من عمري علشان اتطلبك ادخلهاا .. وانت عارف لاتخرجت السنه هذي راح اسافر بريطانيا اكمل دراستي..وقبل السفر املج على جوري
ابو عيسى بهدؤ:شوف جوري انساها .. جوري لاتحلم تاخذهاا ..مستواهم المادي غير مستوانا ..قبل لاتسافر جاي ابوها وتسلف مني 100 الف يقول ابعطيهم جوري قبل لاتسافر .. شو 100 الف يتسلفها ؟..ولحد الان مارجعهاا..!
عيسى يحاول يمسك اعصابه:يبه طول عمرك وانت تقول لاتشوفون نفسكم على غيركم بالماده..انا عمري ما فكرت بزوجه ولا صديقه ولا صديق علشان رصيده.. يبه 23 سنه وانت تربيني على اني مااغتر بفلوسي..وبعدين لين اللي يسمعك يقول رصيدها مليون .. علشان تزوجها لي!
ابو عيسى بصوت عالي:ابوها تارك لها ورث فوق 5 ملايين ..
عيسى صرخ بعصبيه:انا ابي راحتي لو اتزوج شحاده .. بس المهم تكون اخلاقها فوق كل شئ..وتقدرني وتصونني
ابو عيسى:وانت مجرب لين علشان تقول ذا الكلام
ام عيسى كانت بغرفه النوم بس يوم سمعت اصواتهم عاليه ونقاشهم حآد .. راحت لمكتب زوجهآ.. :صلو على النبي.. اصواتكم واصله الجيرآن..!
عيسى +وابو عيسى:اللهم صلي وسلم عليه
عيسى بانفعال:يمه شوفي ابوي ..بيحرمني من حبي علشان 5 ملايين؟..
ام عيسى:ياوليدي البنت محتاجه تاخذ راحتها بالبيت ولاتزوجتهاا بتروح وتجي بكيفها
عيسى واعصابه متفلته:يعني راحتها على حسآبي؟..وعمي طارق وين محله ليش هو ماتزوجونه لين؟
ابو عيسى:عمك طارق راح يبني برا االفله .. بس لين نبغى راحتها داخل الفله
عيسى سكت من افكار امه وابوه الغبيه شو راحت بنت على حساب ولدهم :اللهم طولك ياروح
ام عيسى:ياوليدي البنت مالها الا الله ثم حناا .. ومن عيوني اسويلك زواج كل العالم تتكلم عنه ..
ابو عيسى يحمسه زياده:وتذكرت السفر والفندق علي انا..
ام عيسى ويدها على كتف عيسى:هاه ياوليدي وش قلت .. ترى البنت خلوقه وادبها زايد .. ويازين وجهها لااستحت ..!
عيسى خلاص مو قادر يقول شئ:يبه .. يمه ..افهمو انا عندي جوري ومكفيتني ..ومستحيل اتزوج غيرهاا .. يبه احلامي كلها رسمتها معها..مستحيل ارسمها مع غيرهاا
ام عيسى:حنا مقدرين حبك لها..بس جوري ماعندها شخصيه .. وهمها بدراستهاا .. يالله ياعيسى ابي اشوفك وانت عريس لابس الغتره والثوب..
عيسى عصب:يمه شو ماعندها شخصيه؟.. جوري لو فيها ايدز اخذتهاا .. واذا تبوني اتزوج لين..تذكرو اني بآخذ جوري فوقهآ..!
ام عيسى:اي انت خذ لين ولا رجعت جوري يصير خير!!
طلع عيسى من الجنآح ..
لالا
البيت بكبره ..
طلع وهو معصب خلاص الاهل كل شئ زينوه مابقى الا موافقته .,,؟!..وماهمهم راايه .. المهم راي لين ..
حسبي الله عليج من بنت ..
ركب الرنج الاسود ووجهه طريقه للبحر يشكي همومه ..!
طول الطريق وهو يسب ويشتم في لين ..
وصار يسب في عليا علشانه اخذت السواقه وشافت الحادث
ويسب الاسعاف
ويسب الشخصين اللي مع لين بالحادث
صار يسب اي شئ قدامه.. اي شئ يعرفه وقت الحادث..
غير جوري اللي يتحسر عليها ..!
وصل البحر الآزرق..
نزل وجلس فوق سيارته وجلس يفضفض للبحر همومه ..
علق نضره للبحر والرمال الذهبيه لحتى نزلت من عينه دمعه قهر.. والم ..وحزن .. وخوف من مستقبل
معقول جوري تروح منه بيوم وليله؟
رفع راسه للسمآء:يآرب محتآجلك .. يارب جوري حبيتها وهي حبتني..يآرب وفقني واكتب اللي فيه الخير ..
شاف النورس تطير فوقه ..
يازين الحريه .. لما تاخذ قراراتك بيدك ..
اصوات الامواج خلته ينسى همه .. والرذاذ اللي ينزل بنعومه خلاه يبتسم غصبن عنه
~آرجوك يكفي غياب وردي لي حالا..تعبان ومحتاجلك يالله متى ترد لي؟..~
جمد مكانه.. النغمه خآصه فيهآ...
طلع جواله sony ericsson xperia بيتآكد اذا هي او لا..
بس مثل ماتوقع
(جوري يتصل بك)
ارد ولا ماارد؟..
~لاتقول مدري ولا يمكن ولا لاكن .. الحين ترجع لي يعني الحين ترجع لي~
بس قلبه حكمه ...
ومآحس بنفسه الا بصوت انوثي يكلمه من جهه ثانيه ..
من عالم بعيد ..
:الو
عيسى بربكه:الو
جوري:هلا عيسى
عيسى:هلا فيج
جوري:اسعد الله صباحك
عيسى:وصباحج ..
جوري:العلوم؟
عيسى:بخير دامني اكلمج ..وانتي بشريني عنج؟
جوري:بخير الحمدلله .. شخبار امك؟
عيسى:بخير ليه؟
جوري:ولاشئ بس كلمتني قبل شوي وقطع الخط
عيسى وقف قلبه واستغرب شو تبي امه بجوري؟:آهآ ..
جوري:------------
عيسى:---------------
جوري:----------------
عيسى تشجع انه يقولها:جوري
جوري:عيون جوري
عيسى ماعرف شو يقول لها:مشغوله؟
جوري:لو مشغوله افضالك..
عيسى :جوري بكلمج بموضوع بس اتمنى ماتزعلي.. بس والله الموضوع خارج عن ارادتي
جوري تحمست:اي تفضل قول
عيسى قالهاا السالفه من ناداه ابوه لين وصل البحر..حب يقولها علشان ماتسمعه من غيره ويجيها صدمه
جوري سكتت مو عارفه شو تقول.. عيسى حبيبه يكون ملج لغيره؟ .. الشئ ابد ماتخيلته :------------
عيسى:جوري بليز ردي لاتسكتين
جوري بصوت مبحوح:اوكي انا مضطره اسكر عندي محاضره الحين..
عيسى :جوري ..قلتلج قبل والله العضيم مالي شغل وانتي عارفه البنت م....
جوري تبغى تسكر قبل لادموعه تخونه ..:اوكي فاهمه حالتك ومقدرتهاا اكلمك بعد المحاضره ..بآي
عيسى تنهد بضيق:بآي
وسكرت الخط
ورمت موبايلها بالارض
وضمت رجولها وصارت تبكي..
تتآلم .. عيسى اللي راح يتخرج السنه والسنه اللي بعدها بيملكون ويدرسون بجامعه وحده..!
يكون ملج لغيره..
ومو اي بنت ..
بنت شواارع .. ومتزوجها على طمع..!
صآآرت تبكي .. بس بدون صوت ..
مو عارفه كم من الوقت مر وهي تبكي..!
سعيد هزها من كتفها :جوري تبغين مساعده؟
ارتعش جسم جوري النحيل ورفعت وجهها الاحمر :لاشكرأ.. معليش تبعد عني..
سعيد وهو يعطيها الرقم:اوكي لااحتجتي شئ شوفي كرتي فيه رقمي وايميلي
جوري وهي ترمي الكرت جنب موبايلها Samsung M8800 Pixon:لاشفتني بنت شوارع امثال لين ذيك الساعه ارمي رقمك علي
سعيد بخبث:ومين لين اروح اتعرف عليهاا ؟..
جوري بصدمه:انا قلت لين؟
سعيد ابتسم :شكلج ملخبطه .. وراح جاب جوالها والكرت :على العموم مهما صديتي مصيرك ترجعي لي..وتفضلي هذا موبايلج والرقم .. واي خدمه انا حاضر..
ودخل يدينه بجيوب بنطلونه الاسود وراح تركهآآ.. وابتسم لين بانت غمازته وقال بهمس:حلو اليوم اخذت الرقم..وبكرى تمشي ورآي..!ماصدقت الاقي بنت عربيه هنآ..
اما جوري اخذت الرقم وقطعته قطع صغيره ..!
وطلعت من شنطتها كلينكس مسحت دموعهآ اللي فاقدها من بعد وفاة امه.. رفعت كم بلوزتها الاورانجيه وناضرت ب/مينآ ساعتهاا السكريه وعلى اطراف الميناا الماسات ذهبيه والجلد لونه سكري وفيه حبات سكر ذهبيه شافتها الساعه 7 بآقي ساعتين على المحآضره يمديني اطلع اروق وارجع ..
طلعت من الجامعه اللي محتله ثلاث اربااع الحي .. واللي باولها مايشوف اخرهاا ..
راحت تلف بالملابق تدور سيارتهاا شافت الرنج الاصفر موقف باهمال على جنب وصلت لسيارتها اللي اتفقت هي وعيسى يشرون زي بعض ..!وصلت لها وهي تجر الامهاا جلست على المقعد ومقابضها ترتجف .. كل ماتتخيل عيسى يسير وجنبه بنت غيرهاا
اليوم ؟؟
ماني خايف اليوم بالذات
" خايف أنا من بكره "
يجيني بدونك !
خايف يجي بكره ونبتعد مسافات "
خايف يجي ( بكره )
وتغيب حتى كلمة شلونك ؟!
بس الرجا لا غبت يا صاحب الذات "
تكفى خيالي احفظه في جفونك .
نزلت راسه على الطاره :جوري انتي وعدتي نفسج ماتبجين الا اذا مات ابوج .. امج قالت لاتبجين على اي شئ...بس عيسى مو اي شئ عيسى دنيتي اللي لو غاب فقدت طعم الحيآه ..
رفعت راسه وهي تصارع دموعه
وصارت تدور بشوآرع بريطآنيآ ..
ماحفضت الا طريق الفندق للجامعه ... وطريق البحر..!
آآآآه يابحر متاجه لك
من جهه انا ..
والجهه الثانيه عيسى..
وكلنا نشتكي نفس الهمووم!!..
وصلت عند البحر ووقفت سيارتها وجلست على الرمال الذهبيه ..
نزلت راسه وصارت تفكر بكلام عيسى..
تذكر 10 سنين من حبهم ,,
فاهمه عيسى وعيسى فاهمهاا ,,
تعرف لاصار جذاب ولا صار صادق..نبرته قبل شوي واضح انه صآدق..
لين شو تبي تدخل بحياتنا؟..
آنآ عارفه عيسى زين ..
آنسآن حساس وكتوم ..
بس انا غير عن الكل.. افضح لي باكبر همومه ..
وقالهاا اذا صار كارهه الشخص مستحيل يجلس معه اكثر من شهر!!
ناضرت الساعه وشافتها 8 وربع ..
قامت وهي تنفض بنطلونهاا الاسود.. وعدلت قميصهآ السكري
وراحت لكوشك قهوه وطلبت قهوه تعدل مزاجهاا اللي تعكر من الصبح ..
ركبت سيارتها تنتضر الطلب.. مسكت مدليه السياره شافت صورتها هي وعيسى اخر مره اللتقو بالمول.. يوم باقي 3 ايام على رحلتها لبريطانياا
ابتسمت وهي تتذكر خبال عليا وكيف عيسى يطردها يبغى يعطيني الميداليه ..!
الجيرسون وهو يدق طاقه سيارتها :Your request is ready enough>>>>(الكافي اللي طلبتيه جاهز)
جوري وهي تفتح الطاقه باحراج :Thanks
الجيرسون يبتسم:Excuse me the happy opportunity, because I knew you>>>>(عفوا فرصه سعيده لأني عرفتك)
جوري وهي تقفل الطاقه:اوف تلايط تكفى يحسبني رايقه لويهه..
وصارت تشرب الكفي المر
مو حاسه بحرآرته..وحاولت تفكر بس بطعمه .. بتشيل عيسى من راسها لان بعد نص ساعه محاضره ولازم تنتبه ..
طاحت دمعه بالكاس..واختطلت مع الكآفي .. الدمعه طالعه شايله هموم مستحيل ترجع تشربهآ..!
فتحت الطاقه من جديد ورمت الكافي وعيونها مغرقه دموع مو حاسه باللي واقف ..
الجيرسون ووجهه مملتي كافي صرخ بصدمه:WoOoOoOoOoOow, what did you do? ..>>>وآآآآآآآآآو ماذا فعلتي
جوري ناضرته بصدمه:I'm sorry ..
الجيرسون والشر من عيونه :Will feel regret>>>>رآآح تندمين ..
جوري يوم سمعته قال كذا سكرت الطاقه ورجعت ريووس وصارت تمشي لطريق جامعتهاا بسرعه .. اضمن لهآ
طول الطريق وهي تناضر ورى وقلبها يدق بقووه ..
:آآخيراا وصلت الجامعه
همست بعد ماوقفت سيارتها بملبقهاا .. :اووف الطريق كانه طول ..!
دخلت من نفس البوابه اللي طلعت من عنده وقابلتها مراايه على طول الجدار ناضرت شكلهاا وصارت تعدل قميصها وبنطلونهاا .. وشعرهاا ..
ابتسمت يوم تذكرت موقفها مع الجيرسون .. بس يوم تذكرت كيف شعره وقف من الكافي فقعت ضحك:ههه ههه
صار الكل يناضرهاا منصدمين واقفه قبال المرايه وتضحك :ههه
سعيد وقف قبالهاا :ضحكيني معاج
جوري جا على بالها عيسى .. لان سعيد يشبه لعيسى من ناحيه عرض جسمه وطول شعره .. حزنت انها تضحك وحبيبها بيتزوج ..
سعيد:افا يوم شفتي ويهي عبستي؟
جوري وهي تشيل شنطتهاا السودآ الجلد ورفعت اصبعها بتهديد:شوف سعيد..لاتحاول تتقرب مني..قسم بالله ماتلوم الا نفسك ..
وحطت شنطتها بكتفهاا وكملت طريقها بغرور للمحاضره
...
..
.

جلست على سريرها الاورنج وصرخت بصوت جمهوري:آآآآآآآآآآآآآآآآآآآآآآآآه رقبتي تعورني ..
ومسكت مخدتها الزيتيه ورمتها بعيد :آووف لازم اروح اليوم اشتري مخده ومفرش جديد ذآ كسر رقبتي .. عساه بعداويني..!
قامت ومسكت التلفون اللي معلق بين سريرها وسرير ساره ودقت على المطبخ وقالت يجيبون لها شاهي يصحصحها ..
وقفت وصارت تسوي تمارين ..:آآح ضهري يعور
سارا وهي توها ماخذه شاور:محد حدج انج تسوين تمارين صباحيه
عليا:آوف شدخلج.. انتضرج تطلعين من الحمام ..باخذ شاور بس قلت اتمرن على ماتطلعين
سارا:ؤكي دخلي شتنطرين؟
عليا:قلت للخدامه تييب لي شاهي بشربه وبعده اخذ شاور
سارا وهي ماسكه مساكت الباب الذهبيه :المزاج بتاعج غريب..!؟ احد يشرب شاهي وبعدين يتروش؟..
عليا:عايبني..المهم ين طالعه؟
سارا:بنزل افطر ..ميته يوع..
نزلت سارا تحت .. وبعد دقايق دخلت الخدامه ومعها الشاهي وبسكوت اولكر اللي تحبه عليآ ..
..
.
بمكآن ثاني ..
خآلد وبيده بايسن وافمه مليان بطاطس ليز:شباب وين عيسى قال بيجي على الساعه 10..!
سليمان وهو الثاني يشرب بايسن:آوف عيسى دايم يعطلنا نبغى نمشي للبحرين بدري
عبدالله طلع جواله nokia n89ودق على حبيبه واخوه وتؤامه!: هلا حبيبي..هآه..وينك عنآآ...يالله بنمشي السينمآ..ايش قلت؟..شو مورايح؟..ليه؟..طيب طيب انا الحين جآيك.. مالي شغل انت وينك؟..طيب وينك؟..طيب جايك جايك..بآي
سليمان استغرب من اسلوبه:شو فيه؟
عبدالله وهو يدخل جواله جبيب شروته الكاروهات:انتم والشباب روحو للبحرين وانا وعيسى جاين..
خالد:متى بتجون؟
عبدالله:قبل الفلم .. يآالله باي
ركب عبود سيارته الانفنتي السوداا وراح البحر اللي وصفله عيسى..
طول الطريق وعبود مستغرب من عيسى .. يفكر شو اللي غيره.. دايم لاكلمو بعض يضحكون اصدقاهم يقولو (عبود لااجتمع مع عيسى يسوون شذوذ)من كلامهم .. خخ
وصل عبود البحر وشاف الرنج الاسود واقفه وعيسى جالس فوق الكبوت..
عرفه من زوله .. من رزته لاجلس.. من شعره اللي طاير بالهوآء
وقف عبود سيارته ونزل وراح لعيسى .. عرف ان عيسى لاهي ومو منتبه له حب يستهبل عليه وقال بصوت جمهوري عالي:عيسى
عيسى من الروعه فز من مكانه:حسبي الله عليك..آووف منك خرعتني
عبود كان بيمسك ضحكته بس شكل عيسى كان مضحك :ههه
عيسى ويده على قلبه :وجع
عبود:ههه ههه
ههه .. تكفى.ههه لاعمرك تعصب والله شكلك غبي
عيسى ضربه مع صدره :انا غبي ووجع..! شوف ترى مو رايق لك..
عبود استحى على نفسه وقال بحنيه:عيسى حبيبي شفيك؟..
عيسى رجع مثل جلسته قبل:مهموم مهموم .. والله ماتصدق قد ايش همومي..!
عبود سحبه مع رجوله ونزله من فوق السياره وجلسو على الارض..:قول..فضفضلي .. وسرك في بير..
عيسى سكت مو عارف من وين يبتدي.. ومستحيل يخفي الشئ عن عبود تؤامه .. اخوه اللي ماجابته امه
هدؤ
فقط صوت الامواج
والنورس
وهبات النسيم
قآل بخنقه:لو اقولك ماتصدق .. امي وابوي يحددون مستقبلي بيوم وليله .. ويقولو الجوري ماتصلح لك..الجوري ماعنده شخصيه!.. شوف العذر المقنع ..!
عبدالله وهو مو فاهم شئ:شو تقول انت..؟. . قولي السالفه من البدايه .. ولاتخربط جذي..
عيسى قال بنبره حزينه:اقولك بيبعدوني عن جوري وبيزوجوني وحده ثانيه .. مايندرى شو جذبها من صجها
عبدالله ناضره باستخفاف :قول اجذب بسرعه
عيسى صرخ بقهر:ليتي اجذب ليتي
عبدالله بصدمه وهو عارف قد ايش عيسى يحب جوري:يعني؟..شلون؟..متى؟..ليش..؟
عيسى بحزن .. قاله السالفه كامله .. قاله وصوته مبحوح من الخنقه ..
رجع الهدؤ
الرمال يحركها الهواء مثل مابغى
المثال الاقرب لعيسى .. ابو عيسى يزوجه بنت علشآن راحتهآ..
ابو عيسى يمشي ولده على كيفه ..
وعيسى يمثل السعاده
مثل
الرمآل طايره بالهوى تمثل الفرح والسعآده..
عبدالله سكت ماعرف شو يقول:الله يعينك وانت ماتدري يمكن فيها الخير .. والشرع حلل اربع اذا للحين جوري براسك تزوجهن كلهن..وتذكر انها يتيمه لاتعاملها بشين..
عيسى معصب:يتيمه على حسابي..انا توني صغير على الزواج.. آآوف والله ضايق خلقي
عبدالله ويده على كتف عيسى:حبيبي اهدى.. مافي احد يستاهل تعصب..خلنا نروح البحرين يمكن تغير جو
عيسى وهو يتضاهر القوه وقام بحماس متصنع:اكيد بروح عيل بلغيها علشانهآ.. خليها تدري انها ماهمتني
عبدالله عارف ان عيسى يخفي ويكتم بس سلك له:يالله عيل مشينآ..
..
...
....
عند عليا اللي توها ماخذه دش وصارت تدور بالغرفه .. :مع صانسيلك تاكدي انتي الافضل....ابتسمت على هبالها من صباح الله خير
وصارت تدور:آنآ الاجمل..لاني استخدمت صانسيلك..
سمعت باب الغرفه يفتح ..
واشتغل عرق اللقافه .. بس مو قادره توقف من الدوران .. بتشوف منو اللي دخل وشاف هبالهاا ..
وقفت روحها فجآءه بس من حظهاا .. صبخت الطاوله وطاحت بالارض..
سارا وهي تطالعهاا .. بس واضح على وجهه صدمه .. وجهها مقلووب
عليا بخجل:ههه معليش فقدت توازني
سارا ساكته .. مو قادره تتكلم .. اللي تبيه ماصار ..!
انتبهت عليا لحاله سارا واستغربت من سكوته :سآرا
..
عليا قربت اكثر وصرخت:سآرا
سارا بخوف فزت:ووجع تراني يمج .. شفيج تصرخي الله يهديج روعتيني..
عليا:من امس اناديج ولا تردين .. شفي ويهج منقلب؟
سارا سكتت مو عارفه تقول لعلياا وصارت تلعب باطراف بلوزتها الحمرا:....
عليا قامت وراحت لساره وقالت بحنيه :شو مو راضيه تقولي لاختج .. عن اللي مضايقج؟
سارا:عيسى
عليا:شفيه؟
سارا:بيتزوج ..ل.
عليا تقاطعهآ بخبال:بجد متى يت جوري؟؟ .. ؤآآآآآآآآآآآآآآآآو واخيرا جوري معنا بالبيت
سارا :لامو جوري..
عليا سككتت بصدمه :عيل؟..
سارا وهي تطلق القنبله:بيتزوج لين..!
عليا سكتت مو مستوعبه .. شو لين من زينها يالله تحملتها تكون ببيتنا علشان تكون زوجه اخوي:تمزحين؟
سارا بخنقه:والله العضيم..امي تقول ان عيسى طلع معصب ..
عليا وهي معصبه:الله لايلوم اللي يلومه .. ابوي صاحي ولا مينون .. يزوجه بنت مو عارفين اصلها ولا فصلهاا ؟.. والله اعلم اللي بالسياره هم اخوانها ولا اخوياها..!
سارا :ويع .. احترمي نفسج .. شو تقولي حق البنت جذي.,؟...خلاص هي بتكون زوجه لااخوج .. وابوي يقول بكرى بنملج .. وبعد شهر الزواج..
عليا قامت شياطينه:والله لو على رقبتي مايملجون .. ويع بوييههآ..عيسى يستاهل جوري وجوري تستاهله اوما لين تتزوج ولد شوارع مثلهاا
لين على دخلتها الغرفه سمعت الكلمه:ولد شوارع بويهج يالحيوانه
عليا بققت عيونه:انا حيوانه ياقليله الادب.. صج انج ماتربيتي..يالسه ببيتنا وتسبيني.. اطلعي برا طلعت عليج شياطين الانس!!
لين :آآوف ماتسوي اليسله بالبيت.. دامكم ماتبوني ليش مجلسيني؟
عليا:مو حضرتج زوجه اخوي المستقبليه؟
لين:ايه زوجته .. وغصب عن اللي مايرضى..
عليا :شين وقوي عين .. صج انج بنت شوآرع ..
قامت عليا ورفعت اكمام بجامته .. والشر بعيونه ودها تقضي عليهاا ..
ساره وهي تمسكها من خصرها النحيل:عليا صلي على النبي.. شو انتي ولد ؟.. وعيسى وش دخلج فيه .. لو مايبي لين كان قال مابيها
عليا وهي تحاول تفك نفسها :بعدي عني... بعدي الله يقلعج .. خليني اتفاهم مع ال### بنت ال####
سارا فكت يدينها مصدومه :عليا شو قلتي؟..
عليا وهي مو حاسه بروحهاا ولا تدري شو قالت وراحت بسرعه للين وصارت تضرب فيهاا ..
ابو عيسى بصوت فخم ومعصب:عليآ وويع ..
كل ركن بالفيلا آوقف انينه .. صوت ابو عيسى وهو معصب خلى الكل يسكت ..
عليا قامت :يبه م...
ابو عيسى وهو يسطرها على خدها الناعم :جب ولا كلمه .. انتي يبيلج تربيه من يديد ..
عليا وهي معصبه:تسطرني وتخلي الغريبه تفرق بيننا؟.. زين انا اروايكم .. اطلعو برآآ.. اطلعو برآ الغرفه
ابو عيسى:آآيآقليله الادب لسانج يبيله قص..تطردين ابوج من بيته؟
عليا وهي جالسه على السراميك وتنتف شعرهاا :غرفتي بشكي لها همومي..شيخصكم؟.. اطلعوو برآ..
ابو عيسى نضرهاا :حسآبج بعدين..يبي مفتاح السياره..
عليا :والله لو على جنازتي مااعطيك
ابو عيسى شالها من يدها ووقفها على الارض وقال من بين اسنانه:عليآ .. جيبي المفتاح لااسويلج شئ ماتتمنينه ..
عليا بعدت يده العريضه السمرا وراحت للتسريحتها البيج وفتحت الدرج الاول واخذت المفتاح ورمته بالارض:خذه.. وانتم روحو دورو بنتكم عليا وين..!
وطلعت من الغرفه ونزلت على الميلس.. وسكرت الباب بقوه وشبكت التلفون الاسود .. وصارت تضغط وكل شوي يقول الرقم خطآء
عليا
ضبطي انفاسج
دقي الرقم بتركيز
وحده مثل لين شحقه تعصبين ...!
صارت تعد من واحد لين 10
1
2
...3..4....5......6........10
وجلست تراجع رقم موبايل سمر كم؟..
دقت وبعد ثواني جاها الرد
سمر:هلا عنوني
عليا:هلا سمر..بليز تعالي بيتنا خوذيني
سمر:شفيج؟
عليا:لامريتيني قلت لج..
سمر :ؤكي الحين انا قريبه من فلتكم.. خليج عند الباب..
عليا:اوكي باي
ناضرت عليا ملابسها بلوزه سماويه وفيها ازارير كحليه .. وبرمودا كحلي صرخت بعصبيه:آوف الجلاب فوق وانا بروح بجامتي..
طلعت من الميلس وقابلها الدرج ..ناضرته فيه .. وشافته فاضي .. راحت بسرعه لغرفتها ..
وبدلت ملابسهاا
واخذت بوكها الاسود فيه نقوش بارزه مخمليه .. واخذت كمان بجامه وبنطلونين وبديآت.. وحطتهم بشنطتهاا البيج.. وفيها خط عريض احمر وخطوط سخيفه على جنب سودآ.. اللي من فخامتها واللوانها تعرف انها من بيربري ..
سارا:وين؟
عليا:كلي تبن .. شدخلج..
سارا بتطنيش:بكيفج.. -وهي تآشر على كيس اصفر ودالخه كرتون اصغر من الاب بشوي-:على العموم ترى ابوي قبل شوي عطاني ذي الكيس وقال عطيه علياا
عليا شالت الكيس ودخلته بالشنطتها وهي مو مهتمه ابد ... ونزلت من درجهم السراميك البيج والمساكات سودآ بآشر شئ ..حتى صارت تنزل درجتين درجتين ..
فتحت باب الشارع العريض وشافت الدوج العنابيه واقفه قبال الباب
ركبت عليا :سلام
سمر وهي تفسخ نظارتها البيضآء:وعليكم .. يالله سكري الباب خلينا نمشي..
سكرت عليا الباب وصارو يدورو بالشوارع
سمر:وين تبغين نروح؟
عليا:لاي مكان حاسه نفسي مخنوقه...
سمر :ليه؟
عليا:عيسى بيتزوج وحده لاقينها بالشوارع .. ؤف وبيترك جوري
سمر وهي مو فاهمه زين:الله يعينكم..
عليا :آآآمين ..
سمر:خلاص خلينا نروح بيتنا .. راسي يوجعني من الدواران بالشوارع..
عليا:اللي تشوفين المهم بنام عندج يومين على ماتهدي الاوضاع
سمر:حيآج باي وقت .. ريلي من دوله لدوله وناسيني.. لو تنامي عندي طول الايام يكون احسن
عليا:لاخلي الاوضاع تتعدل وارجع لبيتناا .. آآخ بس
~سمر امهاا مغربيه وابوها متوفي.. تزوجت وهي عمرها 16 .. وامها من عرفت بزواجه على طول راح المغرب تاركه بنتهآ..
ريلها مو مقصر عليها بشي ..الفيلا فخمه ومعاها احدث السيارات .. واي مجان بتروح له يوديها .. بس الفارق بينهم كبير ويعاملها كآنه بنته .. ~
توقعاتكم للكل..
جوري...؟
لين وعيسى؟
عليا وسمر..؟
وو و و و وو
احب اني احط بكل بارت اكشن ..
علشان القآري مايمل .. ويستوعب ^_*
على العموم ..
الكاتبه بدون ردود شلها تكتب ....؟
لاحرموني من ردودكم

هاه اكمل ولا لا؟
ترى الرواايه تجنن والله انصحكم فيها
اذا لقيت رد بكمل تنزيل البارتات

ولا رد واحد ؟؟؟؟؟؟؟؟
والله روايه روعه بتفووتكم لو ماتقرونها