روايه ماهمني حزني ولاني للفرح مشتاق

بنتظار ردوودكم حبيبااتي

مشكورة اختى
في انتظار المزيد من ابداعك

إبداع ماطرحتي غآآآليتي
اسمتعت بقرآت روايتك
لاتحرمينا من إبداعاتك

يسلمو يالغوالي لمرووركم لمتصفحي

الفص(2)ل
سالم يسمع صوت الباب يندق عليه : من
ابو محمد: سالم يالله قوم نبي نلحق على صلاه الفجر في المسجد
سالم: ان شاء الله يبه وقام سالم بالموت من الفراش راح توضى ولبس
وطلع سالم وابوه للمسجد
وراحت فرانس خدامتهم الفلبينيه تقوم موضي للصلاه
فرانس: ماما موزي يالله قوم صلاه
موضي : شتبين
فرانس: يالله ماما الله وكبر يجي
موضي: زين زين بس انجلعي
فرانس : زين ماما مايبي انتي شي
موضي:يوه انجلعي
فرانس بكل بروود: زين ماما
موضي كملت رقادها لان عليها عذر شرعي
الساعه 7:30 في غرفتها الفخمه الحمراا قامت موضي على صوت منبه جوالها
موضي وهي فاتحه عيين وشعرها مبعثر: يوه ماشبعت نوم (تعوذي من الشيطان يابنت وقومي) قامت موضي وهي تسحب نفسها وتسمع صوت مسج خذت جوالها وقرت المسج حصلته من الجازي ( موضي حبيبتي ممكن توصليني فديتج خالي طلع من الساعه خمس وما عندي احد يوصلني)
دخلت موضي وخذت لها شاور بسرعه واللبست ومسكت عبايتها ف يدها وشنطتها وشيلتها على اكتافهاا راحت تبي تنزل من الاصانصير شافت سالم توه ييسكره موضي : سلووم لحظه انتظرني سالم : ههه لالالالاع ماني منتظر وعلى طول سكر ف وجهها موضي بعصبيه : مالت عليك هئ هئ ياربي يبي يموتني من القهر ونزلت لصاله حصلت اخوها كايد على الدرج
كايد: بسم الله يالشيفه
موضي بعصبيه: ليش شايف جني
كايد حط يده على فمه وهز راسه : استغفر الله حراام عليج الجني ارحم
موضي عصبت: اقول وخر عني يالدب يالبطاريه
كايد: يصررخ يمه شوفيها تعيب علي تقول لي يالبطاريه
ام محمد: موضي وجع شفيج عليه
موضي: اف منك يا سيد بطاريه اخرتني عن البنت
سالم وهويضحك من شاف اخته: أي بنت
موضي: الجازي تبيني اوصلها خالها طالع وماعندها احد يوصلها
سالم ابتسم حس بشي غريب من سمع اسمها: تبيني اوصلج
موضي وهي طالع اخوها ورافعه حاجب وودها تذبحه للحين مقهوره من حركته: لا مشكور مابي
سالم: ها ها كيفج انتي الخسارنه
موضي: يوه صيفت على البنت
ام محمد : تريقي اول بعدها رووحي
موضي وهي تبوس راس امها: لافديتج بتريق في كافتيريا الجامعه يالله مع السلامه
ام محمد: مع السلامه الله يحفظج
سالم باس راس امه وقعد: يمه وين ابوي
ام محمد : أي ياوليدي ذكرتني ترى ابوك امس سأل عنك قال يبيك في كلمه راس
سالم باستغراب: ماقال شيبي
ام محمد: لاو الله
موضي نادت الشغاله وركبوا السياره كلمت الجازي وقالت لها تجهز
الجازي جهزت وقعدت تنطرصديقتها رن جوالها قالت هذي موضي اكيد انها عند الباب وطلعت لها
الجازي: السلام عليكم وركبت وسكرت الباب
موضي: وعليكم السلام هلا وغلا حمزه يالله روح جامعه
الجازي: من حمزه عيل وين دريولكم ذاك
موضي: صار كبير في السن هذا ولده
الجازي :اها يعني توه جديد
موضي باستغراب: ايه!!
الجازي: عيل اقفلي قفل الباب تراني خوافه
موضي: لا ماعليج يعرف يسوق بس سمي وقري دعاء الركوب
الجازي: يمه اخاف يسير لنا حادث
موضي: فاالله ولا فالج يممه منج
في هذي الاثناء سالم طلع من البيت وراح الشركه عند ابوه
سالم: الو هلا يبه السلام عليكم
بو محمد: هلا سالم وعليكم السلام وينك
سالم:في الطريق رايح للشركه امي قالت انك موصي علي خير ان شاء الله
بومحمد: لا ان شاء الله خير بغيتك في موضوع
سالم: ان شاء مسافه الطريق وكون عندك تامر على شي يابو محمد
بومحمد: سلامتك يالله في امان الله
سالم: في امان الكريم بعد ماسكر من ابوه حط يده على ذقنه وقعد يفكر في البنت الي شافها معقوله هذي الجازي وقطع حبل افكاره صوت الجوال
سالم: هلا والله خالد
خالد صديق سالم من السعوديه ومتعرف عليه في احد المنتديات: هلا والله اول السلام عليكم
سالم : وعليكم السلام
خالد: وينك يارجال لا سلام ولا كلام عسى ماشر اقلقتني عليك
سالم: ابد ماشر بس انشغلت شوي الا اقول خالد ودي اجيك لسعوديه شرايك
خالد: حياك والله توني بشور عليك تجيني الا بتجي لحالك ولا معك احد من الشباب
سالم:والله ماادري
خالد: اجل خلاص حدد لي اليوم الي بتجون فيه عشان استقبلكم في الحساء ((لان بيت خالد في الدمام وسالم اول مره يزوره))
سالم: خلاص اتفقنا
خالد:اجل اخليك الان تامر على شي
سالم: ابد سلامتك بعد ما وصل سالم الشركه نزل وعلى طول راح عند ابوه
سالم: دق الباب السلام عليكم يابومحمد وراح يبوس راس ابوه
ابو محمد: هلا يا ولدي وهو مشغول عنده اوراق ومعاملات
سالم: هذا انا جيت يالغالي امر
ابو محمد: يرفع راسه ابد كنت ابي اشور عليك تشتغل معي بدل لهياته الي مالها داعي
سالم:بس يا يبه انا ما ابي اشتغل اللحين
ابومحمد: وليه شلي يمنع دراسه وفاشل فيها ولانت بصغير هذا حلالكم اذا ماحرصتوا عليه وقابلتوه من بيقابله هاه
سالم: سعد وينه هو مو مقصر
بومحمد: والله انك ما تستحي سعد اكبر منك وعنده بيت وعيال ولازم تشيل شوي من الشغل الي عليه
سالم: تم لك الي تبي يابومحمد وباس راس ابوه تامر على شي بعد
بومحمد: لا خلاص بس روح سلم على اخوك قبل لاترووح
سالم: وهو يتنهد ويفكر في كلام ابوه ان شاء الله وطلع
اما موضي والجازي اوصلوا الجامعه وراحوا على طول الكافتيريا موضي كانت ميته من الجوع
موضي: جزوي روحي اقعدي وانا باخذ الريوق
الجازي: تيب تيب وراحت خذت لهم طاوله وقعدت تقرا الكتاب المقرر.....تمللت وفتحت الاب توب وقعدت تقرا قصص وروايات لي ماتجي موضي
موضي: جزووي الحمد الله والشكر شتسوين
الجازي: اف اصور شسوي يعني اقرا
وتجي وحده من ورا الجازي وتحط يدها على عيونها الجازي با ستغراب : من؟؟
موضي: ماادري اول مره اشوفها
الجازي: تمسك يد الي مغطيه عيونها وتسحبها قدامها غرور هلا والله
غرور: هلا والله وسلمو على بعض
موضي: قاعده مثل الطوفه بينهم وتأشر للجازي بيدها من ذي
الجازي: أي اعرفج على غروور بنت عمي
موضي بعفويه مدري غباء : أي المسترجله وسلمت عليها
الجازي : حطت يدها على وجها وهي مفتشله وتقول في خاطرها ( الله ياخذ عدوج يا موضي فضحتيني معليه فيج)
وراحت غروور وقعدت على طاوله كلها بنات شلتها
موضي وهي طالع الجازي: من صجج هذي بنت عمج ولا تمزحين
الجازي طالعها موضي وتقرص عيونها لها: موضي وجع ليش تقولين لها مسترجله هاه فضحتيني
موضي وهي رافعه حواجبها وترمش بعيونها: هاه ماقلت شي هي موب صج مسترجله حتى شوفيها وتأشر عليها ......
يمه يمه جزوي شوفيها تطالعني شوفي نظراتها
الجازي وهي تقرا: خلج منها ماعندها سالفه يعني انها بوي صدقت نفسها الاخت الا ما قلت لج
موضي وهي تاكل: شنو
الجازي: خالي قالي الصيفيه هذي بوديني عمره
موضي تحط الاكل:فرحت بعدها تضايقت بتروحين وتخليني (موضي والجازي مايفترقون عن بعض اكثر من اسبوع من يوم كانوا صغار)
الجازي وهي تحط يدها على يد صديقتها: افا والله عليج وانا وين رايحه بيت الرحمان كلها 10 ايام وراجعين ان شاء الله عاد خلاص لاتبوزين
موضي بدلع: موبي
الجازي : اقول عطيتج وجهه يالا كملي ريوقج ماباقي الا ربع ساعه على المحاضره
موضي وهي تاكل: افتحي المسنجر ابي اسولف
الجازي: طيب وتفتح المسنجر موضي شوفي اضافه غريبه
موضي: من عندمن
الجازي ترفع كتوفها :مادري ماراح اقبلها اخاف يطلع واحد
موضي: الله وناسه خل نلعب شوي
الجازي طالع رفيجتها باستغراب: وجع شنو تلعبين اقول قومي خلاص نبي نلحق على المحاضره يالله قومي وتسكر الاب توب
موضي بملل: اف زين
اما في بيت ابو محمد لطيفه ام محمد تكلم مره ولدها سعد نوره
ام محمد : الا ماقلتي لي من ولده
نوره: والله ياخالتي خوش رجال محترم ويبي وحده مثل موضي
ام محمد: ماادري البنت توها صغيره وتبي تكمل دراستها ما اظن بتوافق
نوره: يا خالتي الرجال ما يتعوظ بعدين على الاقل يملكون والزواج يتم بعد الدراسه ترا عادي عنده
ام محمد : طيب خلاص بكلم ابو محمد وباخذ راي البنت
نوره: عين العقل يا خالتي وقعدت بنتها الصغيره تصيح ابي اكلم ماما عوده
ام محمد: شفيها سميتي
نوره: تبي تكلمج
ام محمد : وي فديتها عطيني اياها
لطوف(بنت سعد): الو ماما انا ابي اديكم مع بابا ابي عمو ثالم
ام محمد: فديتج والله وانا ما تبيني
لطوف: ماما عوده انا احبت وايد
ام محمد: حبتج العافيه عطيني ماما
لطوف: ماما لاحت عند حمودي تثبحه
ام محمد: زين ماما انا باروح زين
لطووف: ذين ماما عوده مع الثلامه
وتسكر ام محمد من بنت ولدها وتروح تصلي الضحى وتاخذ لها نومه
ابو محمد: سعد الا ما قات لي متى بيجي اخوك بالسلامه
سعد: وهو يصب لبوه شاي بعد اسبوعين
ابو محمد: هانت ان شاء الله ترى بنسوي له عشاء
سعد: لا يبه خل العشاء علي بيكون ان شاء الله في بيتنا
ابو محمد: مثل ما تبي ياولدي
سعد وهو يطالع ابوه: الا يبه ودي اشور عليك تزوج محمد بدال قعدته في الغربه لحاله
ابو محمد: والله اني افكر اقول لامك تدور لنا بنت الحلال بس ان شاء الله يرضى محمد
اما الجازي وموضي قاعدين في المحاضره ولا يدرون بدنيا يحاولون يركزون ما بقى شي على الامتحانات
وما باقي شي وتخلص المحاضره وكل وحده شوي وترقد
الجازي وهي فيها النوم تساسر موضي: كم باقي ترى خلاص برقد
موضي بصوت واطي : مابقى الا خمس دقايق
الجازي طار منها النوم على صوت مسج واصل لها
دكتورتهم السودانيه وهي معصبه : من الي فاتح الموبايل
الجازي احمر وجهها وتفشلت : سوري دكتوره نسيت اسكر الجوال .........اكرر اسفي
موضي وهي تساسر الجازي: من عند من
الجازي: شدراني لحظه با فتحها امه
موضي : هاه شنو من عند من
الجازي وهي تفكر: من عند العنود بنت عمي تقول خالها جاي من المانيا ومسوين له عشاء وتبيني اجيهم
موضي : اخو الالمانيه وناسه اكيد وسيم بس ليش يسون له عشاء ترى ما تفرق عنده عادي
الجازي:ههه أي والله شرايج اروح
موضي :اكيد وطالع الجازي وهي تغمز لها وفتحي عيونج عدل
الجازي الي فهمت على صديقتها : موويضي وجع عيب عليج موب كل الاجانب حلوين الحين بتلقينه ضعيف راسه اقرع من الوسط ولا بس نظارات كونان
موضي: ههه الله يقطع ابليسج ياجزووي
طلعت موضي والجازي من المحاضره وهم يضحكون

في انتظ ار المزيد والمزيد والمزيد والمزيد والمزيد والمزيد من ابداعك

صبايا اول روايه لي ياليت القى منكم تشجيع حتى لو تنتقدون