زف اف

ضاعت سنين العمر والغُربه طويله
والدمع يفضحني ساعات وأحياناً استره
جروح تبعثر الأوجاع ولآبه وسيله
يلملم شتات الجرح يساعدني واقدره
كنّا سوا أحباب يشكي لي وأشكي له
نعطي بعضنا وعد مانفترق لحدّ المقبره
نمسك أيادي بعض يتعثّر واشيله
اهديه انواع الزهر أحلآه واحمره
يبادلني الكلام العذب وأغنّي له
اخسر كل الناس لكن مآ اخسره
كنت اعرف بحياته كل تفاصيله
حتّى جدّه التاسع كنت اخبره
وبليلة(ن) سودا مظلمه ياشينها من ليله
تأخر عن الموعد والجو حدّه اغبره
انحرق قلبي ومدري شسوي له
لمحته جا والدمع على خدّه ينثره
جيت ابمسح دمعته بكف منديله
اقفا وأعطاني بيده ذيك التذكره
قال قلبك حرام على قلبي مواصيله
زفافي بعد اسبوع وابغاك تحضره
اخلفت في وعدي ولكن قلّة الحيله
سامحني ارجوك والعفو عند المقدره
رحل ونبضات قلبي اوقفت بلحظة رحيله
مادرا وقتها قبري بيده احفره
هقيت شوفتي له بذيك العيون الكحيله
والبسه الخاتم بيده واشوفه بالمسكره
اروح لموعد كان يجمعنا وادعي له
واحمد ربّي على كل شي واستغفره
تقبلون....ي