زواج أختي

السلام عليكم أخواتي العزيزات اليوم راح أكتب الموضوع عن زواج أختي علشان نستفيد من بعض وأستفدت كثير من المنتدي ومن الأخوات تم بحمد الله وكان زواج مره رايق ومرتب بشهادة الجميع
أولأ :/ كان الزواج في قاعة ليالي الهناء وكانت القاعه مره مرتبه وشيك والتكييف فيها جداً ممتاز والمشرفه هدى أسلوب حلو والصببات كانوا مره أنفسهم حلوه بالأضافة إلى ثلاث صببات جبنهم أضافي من خارج القاعة البوفيه حق القاعة من مطعم الدفواء هو ينزل بوفيه يكفي 250 شخص ونزلنا بوفيه أضافي مع الشعبيات هذا بخصوص العشاء.
ثانيا :/ الكوشه كانت من محل حلا الورد اللي مقابل مستشفي اليمامه وكانت الكوشه ناعمه جداً كان للونها أصفر بالذهبي وتم تنسيق الممر "VIP"يتكونحقهم من 14 طاوله بمتداد الممر وكانت عباره عن حامل مثل شكل البجعه ويتكون من ورد في أعلى وفي أسفل مثل البطه ويدخل فيه الشموع والعقد اللي فيه أضاءه تشتغل بالبطاريه .
ثالثا :/ الضيافه من محلا ت حلويات أني وداني وكان التسيق حلو والضيافه تكونت من 19 صينية والقاعه تتكون من 40 طاوله عليها مفرش سكري ثم مفرش أصفر على ذهبي مثل لون الكوشه ويوجد على الطاولا ت مخده على شكل نجمه تتكون من ثلاث صحون معبيه فطائر وحلى منزلي وبقلاوة ووفي الوسط ورد والورد لونه أصفر علب المناديل أنا سويتها بنفسي وراح أنزل الصور وتشوفنها نتكلم عن الضيافة 19 صينية
صينية كبيره فيها 12 فتحه وفي الوسط صحن فيه فطيرة تفاح وباقي الفتحات موزع فيه الحلى المنزلي طبعا كبيرة لأزم تشيلها 2 من الصببات هاذي خاصه بالممر VIP"" بعدين تطلع صياني الشكولاته على مخدات على شكل هلال وكانت معبيه شكولاته ومنسقه تنسيق حلو وهي عباره عن 4 صياني بعدين الشاي ومعه5 مرايات كبيره فيه فطائر التوست وفوق كل فطيره عود أسنان كان شكله مره حلو وتجذب الأنتباه وهاذي الكيلو حقها 120 ريال بس مرحلو وغريبه وبعدين الشعبييات 4 هاذي الضيافه قبل الزفه بعد الزفه 5 مرايات معبية كيك سواريه موس يتوزع مع العصير والعصير كان طبيعي عباره عن 6 كوكتيلات مختلفة الألون وفيه نوع بالشكولاته ومكتوب على كاسات العصير أسم العروس وكاس أسم المعرس ومنسق بشفطات وزينه والعصير من محل كوكبة العصائر يكتبون في كأس العصير الأسماء أو يرسمون أشكال أخري.
رابعاً:/طاولة الذكريات وشريط الزفه طاوله الذكريات عباره عن بجعه طويله مركب فيها ورد مثل اللي في الممر طبعا الذكريات ماهوب دفتر عباره عن كرت راح أنزل صورته مكتوب فيه أسم العروس والعريس وتاريخ الزواج ومكتوب على جنب كلمات للذكري وهو عباره عن كرت للونه سكري ومكتوب بالذهبي هذي الكرت يتسوي عند أهل الكروت وصندوق ذهبي يكتبون ويحطون الكرت في الصندوق طبعاً بجانب الصندوق فازتين ذهبية من ستي بلازا معبيه شكولاته والأقلام ذهبيه من ستي بلازا قمت بأضافة ريش الطاوس فوق الأقلام وهذا الريش برضو داخل في الكوشه والمسكه حقت العروس والكروت كانت موقفه على ستندات ذهبية وجنبه شموع ذهبية بأشكال مختلفة وبجانب الطاوله صورة العروس يوم شبكتها عباره عن صورتين مدمجه في بعض في برواز ذهبي على حامل الرسم برضو ذهبي . الزفه عباره عن زغريد ثم موسيقي كلاسيكيه ثم يبدي مقطع محمد عبده يغني وأصاله ثم مسيقي هنديه فيها تصفيروأخر الزفه زغريد .
خامساً:/ الكوافير أسمه بيت "من مشغل قطرة ندى شغلها مره روعه وحلو وأنا وأختي كانا حاجزينها قبل الزواج بأربع شهور ومعطينها العربون .وكانت مصلحه أختي يوم شبكتها
سادسا/ المصورة ساميه من ستديوهند في أم الحمام تصوير فيديو وفوتغرافي.الطاقاقه فرقة" جيتارا" مرام والله ماقصرت شاله الزواج شيل وكلن يرقص في كل مكان وكله بنات.الحمدلله تم الزواج على خير ويسر وسهوله والله يوفق أختي وجميع بنات المسلمين ويرزق باقي البنات يارب العالمين.وان شاء الله ماأكون نسيت شى.