زوج صاحبتي

1. المهم صاحبتنا جالسه عند اهلها

صباحكم خير ومساكم غير
شلونكم ياحلوات ان شالله مرتاحين
حبيباتي انا اليوم جايه استشيركم بموقف زوج صاحبتي وهي قالتلي اطرحه عليكم عساكم تفيدوها
هذي ياطويلات العمر صارلها متزوجه سنه وشوي وعندها بنوته المهم زوجها يشتغل مدرس بالجبيل بالهيئه
وهي ساكنه عند اهلها بتبوك بحكم ان زوجها لحد الان ينتظر الهيئه يسلمونه بيت بدل ماياجر ويجي البيت يعني ع قولته خساير

المهم صاحبتنا جالسه عند اهلها

ودايم المسكينه تتصل عليه يجيها ع فكره قبل لاتجيب بنتها وهي عند اهلها جاها مره بس وبعدها ماكررها كل ماتقوله تعال عندنا بتبوك يطلع اعذار بان دوام الهيئه مو زي مدارس الحكومه ع كيفهم ايجازات مااقدر وصارلها ع الحال كل مره عذر ..............................
البنت اعذرته واكلوها الناس وش فيه زوجك مايجيك وليه وليه ومن هالسوالف
وكل مره تتعذر بشغله وهي صادقه تقول مثل مايقولها
وهي ماتدري هل هو صادق ان دوام الهيئه اصعب من الحكومي ...ياريت اللي تعرف تبلغناا من هالناحيه""؟؟
المهم صار مايجي الا باجازة الاعياد والعطل الرسميه ويتاخر حيل بالاجازه الصيفيه يعني بعد مايجوا الناس وتشبع من نظراتهم وغمزاتهم واسالتهم اللي ماتخلص عنه
وحتى لما ييجيهم يظل طول الوقت ساكت وتحاول تفتح معه مواضيع لكنه مايساعد ع الحوار بينهم
البنت ماشالله موناقصها شي تحبه وتعذره وهي حلوه كلن يمدح فيها وكل شي تسويه له بس مو مبين بعينه
والمشكله كلها هنا
اخر مره جاهم طلبت منه شغله مبلغ مالي قالها مااقدر وماعندي واصحابه اذا اطلبوه ينزل عليه الكرم
ماحبت تطول السالفه معه لما قال ماعندي قفلت ع الموضوع وحسسته انها زعلت بس ماطول زعلها
ولما خلصت اجازته رد للجبيل صارله اسبوعين ولااتصل عليها ولاكلمها اتصلت عليه وكان مشغول جهازه ارسلتله مسج ليش مارديت او عالاقل اتصلت علي وصار له لحد الحين6 ايام ولارد عليها مع العلم انه لما سافر ماكانو زعلانين ع بعض ولا شي تقولي بديت اكرهه
جاف ماعنده مشاعر وليومكم هذا طنشته ولااتصلت عليه تقول اذا بغا يتصل يتصل هو انا ماقصرت معه شرايكم ياخواتي هل هي ع حق اوشلون تتصل اقنعها او لا وشرايكم بحالتها ووش تنصحونها تسوي
لاتخيبون ظني يابنات ردو ع الموضوع ان شالله فيكم الخير ولكم كل الشكر بانتظار ردودكم