زوجك تزوج وش تسوين دعوه للحوار

.
.
.
.
.
طبعا احنا عارفين ان مافيه مجال لقولة أرفض او أؤيد لان الموضوع منتهي هذا شي احله الله
واللي تقول اطلب الطلاق اقول لها هل بتهدمين حياتك
لو تطلقتي لازم بيت يظفك انتي وعيالك مستحيل تقعدين على قلب ابوك او اخوك مهما كان لاتقولين بيت ضفني صغيره يضفني كبيره لأنك بتحسين انك مثقله عليهم
ولو فرضنا تزوجتي من جديد اقول لك انك احتمال كبير تدخلين على جاره يعني من جفره لدحديره
لكن اقروا كلامي
زوجي الله يحفظه هالايام مكثر من سوالف انه يبي يعرس وابوه الله يهديه يشجعه
قلت له بكل برود
اذا انت بتتزوج انا ماأقدر اردك لكن من عافنا عفناه ولو كان غالي
انت دورت وحده بدالي تحمل مايجيك
نوم عندي مافيه متنازله عنك لها لأني مستحيل ارضى تلمسني وانا اعرف انك مستعمل <<<<< حسيت كني صفقته على وجهه ههه
غداك وعشاك وفطورك عندها ليه اتحمل غثاك وانت فيه وحده تشيلك عني
حدك ساعتين عندي تقعد مع عيالك وتشوف طلباتنا ويمكن اتكرم واصلح لك شاهي ومع السلامه
الرجال عقبها سكت
الحين ابي ردود فعلكم لو تزوج زوجك لاسمح الله <<<<<جعل محد بنحط في هالموقف يارب